Àṣà Oòduà

Author: AbubakarMuhd

  • Odù, Ìwòrì bogbè cast for today’s Òsè Ifá

    Odù, Ìwòrì bogbè cast for today’s Òsè Ifá

    Looking at the Odù, Ìwòrì bogbè cast for today’s Òsè Ifá, it could be said that sometimes our detractors feel they are hurting us but they don’t know they are pushing us to wealth. Just listen to this stanza from the Odù.

    Òtééré ilè ńyó
    Òtèèrè ilè ńyò
    Ilè ńyó ará iwájú
    Èrò èyìn e kíyèsí ílè
    Adífá fún Ìwòrì tí yóó tarí Ogbè sínù àbàtàbútú ajéKòìpé kòìjìnà, Ogbè ló wá jìn sínú ajé gbugburu

    Òtééré, the ground is slippery
    Òtèèrè, the ground is difficult to walk on
    The ground has made the frontline people to slip
    Those coming behind should be cautious
    Cast divination for Ìwòrì who will push Ogbè into a deep trench of treasures
    In a short time, Ogbè fell into a pit of prosperity.

    Short story- Ìwòrì betrayed his friend Ogbè as a result of envy and greediness by pushing him into a trench so that he could inherit all the profits they made in their business not knowing that it was a trench of prosperity. May our enemies push us to the land of joy.

    Happy Òsè Ifá today to you all.
    Stay blessed From Araba of Oworonsoki land Lagos Nigeria

  • Tinubu, má dàá sí ọ̀rọ̀ ìdìbò gómìnà Edo–PDP kìlọ̀

    Tinubu, má dàá sí ọ̀rọ̀ ìdìbò gómìnà Edo–PDP kìlọ̀

    Tinubu, má dàá sí ọ̀rọ̀ ìdìbò gómìnà Edo–PDP kìlọ̀

    Ṣé látàrí a á sìnlú a à sìnlú yìí náà lọ̀rọ̀ wá di fàá ká já a báyìí, tí àwọn ẹgbẹ́ òṣèlú ń jùkò ọ̀rọ̀ lu ra wọn.
    Nífèsì padà sí n tí aṣíwájú Tinubu ṣọ , ẹgbẹ́ òṣèlú “Peoples Democratic Party,PDP ” náà tí fèsì padà fún Aṣíwájú Bola Ahmed Tinubu lórí fídíò tó ti ní kí àwọn èèyàn Edo má ṣe dìbò fún Godwin Obaseki.

    Gómìnà Godwin Obaseki ni olùdíje ẹgbẹ́ náà nínú ìdìbò Gómìnà tó ń bọ̀ lọ́nà.

    Nínú àtẹjáde tí ẹgbẹ́ náà fi síta lójú òpó abẹ́yefò Twitter, wọ́n ní ẹ̀yìnkùlé baba Tinubu kò dé Edo, nítorí náà gàlègàlè rẹ̀ tó ń ṣe nínú fídíò ọ̀hún kò le è yí ìpinnu àwọn ará ìlú Edo padà.

    Ẹgbẹ́ náà sọ pé àwọn èèyàn Edo ti pinu lọ́kàn wọn ti pẹ́ láti yan Obaseki sí ipò padà nítorí náà kí Tinubu lọ ṣa gbé jẹ́ ẹ́ mọ́wọ́.

    Yàtọ̀ sí ọ̀rọ̀ ẹgbẹ́ yìí, Olùdámọ̀ràn Gómìnà Obaseki lórí ọ̀rọ̀ ìròyìn, Crusoe Osagie sọ pé kí Tinubu dá ọ̀rọ̀ rẹ̀ padà.

    Ó ṣàlàyé pé àwọn èèyàn Edo kò fààyè gba baba ìsàlẹ̀ nínú òṣèlú ìpínlẹ̀ wọn nítorí náà kí Tinubu fàwọn lọ́rùn sílẹ̀.

    Fẹ́mi Akínṣọlá

    http://iroyinowuro.com.ng/2020/09/16/tinubu-ma-daa-si-oro-idibo-gomina-edo-pdp-kilo/
  • Ọwọ́ ọlọ́pàá tẹ àwọn tó f’ọ́lé e MKO Abiola

    Ọwọ́ ọlọ́pàá tẹ àwọn tó f’ọ́lé e MKO Abiola

    Ọwọ́ ọlọ́pàá tẹ àwọn tó f’ọ́lé e MKO Abiola

    À ṣẹ kò sééyan táyé ò lé bá ṣọ̀tá, ó tún hàn pé wọ́n le bínú òkú ọ̀run , yàtọ̀ sèèyan tí wọ́n jọ ń wà láyé. À bí kín ní ká tí pé tàwọn kọ̀lọ̀rànsí t’ọ́wọ́
    Iléeṣẹ́ ọlọ́pàá ti tẹ̀ báyìí pé wọ́n digunjalè sọsẹ́ nílé olóògbé Olóyè Moshood Abíọ́lá tó wà ní Ìkẹjà nílùú Èkó níbi tí wọ́n ti jí nǹkan tó tó ẹgbẹ̀lẹ́gbẹ̀ mílíọ̀nù lọ.

    Abíọ́lá ló jáwé olúborí nínú ìbò Ààrẹ gbogbogbòò tó wáyé lọ́dún 1993 èyí tí Ọ̀gágun fẹ̀yìntì Ibrahim Babangida wọ́gilé nígbà náà.

    Kọmíṣọ́nnà ọlọ́pàá nípìńlẹ̀ Èkó, Hakeem Odumosu ló sọ pé ọwọ́ àwọn agbófinró ti tẹ àwọn amòòkùnṣèkà ẹ̀dá ọ̀hún tí wọ́n yabo ilé Abíọ́lá L’ọ́jọ́rùú.

    Kọmíṣọ́nnà ọlọ́pàá tó sàbẹ̀wò sí ilé ọ̀hún fìdí rẹ̀ múlẹ̀ pé mẹ́ta làwọn olè ọ̀hún ṣùgbọ́n ọ̀kan lára wọn ló gbé ìbọn dání.

    Ọ̀gbẹ́ni Odumosu ní ”ẹbí Abíọ́lá sọ f’óun pé àwọn olè náà jí ọ̀pọ̀lọpọ̀ góòlù àti owó lọ.”

    ”Àwọn agbófinró ti wà lojufo báyìí lágbègbè ìkẹjà tí ilé náà wà tó fi dé ọ̀dọ̀ àwọn ọlọ́pàá tó wà ní ibodè Ìdírókò àti Seme,” Kọmíṣọ́nnà ọlọ́pàá ló sọ bẹ́ẹ̀.

    Kọmíṣọ́nnà ọlọ́pàá ìpínlẹ̀ Èkó ní kò sí ẹni tó farapa nínú ìṣẹ̀lẹ̀ náà nínú ìyàwó Abíọ́lá, Bísí àti ọmọbìnrin méjì tó wà nílé.

    Ọ̀gbẹ́ni Odumosu fikún ọ̀rọ̀ rẹ̀ pé ìwádìí ṣì ń tẹ̀ síwájú lórí ìṣẹ̀lẹ̀ náà.

    Àwọn Aládùgbóò tó báwọn akọròyìn ṣọ̀rọ̀ ṣàlàyé pé géètì tó wà lẹ́yìn làwọn olè bá wọlé, wọ́n ní láago mẹ́rin ìdájí ni ìṣẹ̀lẹ̀ náà wáyé nígbà táwọn ẹṣọ tó wà nínú ilé náà ti sùn lọ.

    Fẹ́mi Akínṣọlá

  • Họ́wù! Àgọ́ ọlọ́pàá ni wọ́n tí fọmọ odó lu èèyàn méjì pa

    Họ́wù! Àgọ́ ọlọ́pàá ni wọ́n tí fọmọ odó lu èèyàn méjì pa

    Họ́wù! Àgọ́ ọlọ́pàá n wọ́n tí fọmọ odó lu èèyàn méjì pa

    Ará kò níí tán nílé alárà láé láé. À bí kínni kí á tí wí pẹ̀lú bí èèyàn méjì ti kú lẹ́yìn tí ọlọ́pàá kan fi ọmọ odó lu ọ̀dọ́ mẹ́ta fún pé wọ́n jí adìẹ.

    Ẹnìkẹta, Abdulwahab Bello, nìkan ni ó yè. Ṣùgbọ́n, ó fi ara gba ọgbẹ́, tí egungun rẹ̀ sì kán, lẹ́yìn tí ọlọ́pàá náà lù wọ́n ní àgọ́ ọlọ́pàá kan ní Ìpínlẹ̀ Bauchi.

    Abdulwahab sọ pé iṣẹ́ abánikọ́lé ni òun ń ṣe, àti pé àwọn ọ̀rẹ́ rẹ̀ ló kó adìẹ méje wá bá òun, kí òun tó tẹ̀lé wọn lọ sí ọjà láti tà á.

    Lẹ́yìn náà ni àwọn ọlọ́pàá wá kó wọn, pé àwọn jí adìẹ.

    Abdulwahab tẹ̀síwájú nínú ọ̀rọ̀ rẹ̀ pé níṣe ni Ọ̀gá ọlọ́pàá náà ‘DPO’ fi okun so oun, to si bẹrẹ si ni fi ọmọ odó lu oun ni ẹsẹ titi to fi kan.

    Abdulwahab ni : “Lẹ́yìn náà ló bọ́ sí ẹsẹ̀ kejì, tó sì tún kán an, kó tó ó bọ sí itan.”

    “Níṣe ni mo sin àwọn ọ̀rẹ́ mi lọ ta adìyẹ l’ọ́jà, kódà èmi ni mo yá wọn ni owó tí wọ́n fi wọ ọkọ̀ lọ.”

    Ìyókù nǹkan tí Abduwahab sọ nìyí; Lẹ́yìn tí wọ́n ta adìẹ tán ni wọ́n tó ó dá owó mi padà. Ní kété tí wọ́n kó wa dé àgọ́ ọlọ́pàá, ni Ọ̀gá wọn sọ pé kí gbogbo wa ó dojú bolẹ̀.

    Kò pẹ́ ẹ̀ ló ní kí àwọn ọlọ́pàá ó dè wá ní ìkọ̀ọ̀kan, tó sì lọ̀ ọ́ gbé ọmọ odó láti má a fi lù wá.

    Abdulwahab sọ fún akọròyìn pé ọ̀rẹ́ òun Ibrahim ló kọ́kọ́ lù láyà, àti ẹ̀yìn títí tó fi dákẹ́.

    “Mo kọ́kọ́ ro pé ó dákú ni, ṣùgbọ́n nǹkan tí DPO náà ń sọ ni pé “ó sàn kó o kú nítorí pé o kò wúlò fún nkànkan.”

    Lẹ́yìn náà ló bọ́ s’órí ọ̀rẹ́ mi kejì, tó sì lu òun náà tó fi kú.”

    Ó ní bó tilẹ̀ jẹ́ pé orí ìso ni òun wà lásìkò náà, gbogbo nǹkan tó ń ṣẹlẹ̀ ni òun rí.

    Lẹ́yìn tó lu gbogbo wa tán, ó ní wọ́n gbé ọkọ̀ ayọ́kẹ́lẹ́ wá, òun ló sì lọ̀ ọ́ fi gbé òkú Ibrahim lọ sí ilé wọn, tó sì sọ fún wọn pé adigunjalè ni.

    Ṣùgbọ́n, iléeṣẹ́ ọlọ́pàá nípìńlẹ̀ Bauchi sọ pé àwọn ti ń ṣe ìwádìí ìṣẹ̀lẹ̀ náà.

    Fẹ́mi Akínṣọlá

  • Èàkàn ẹgbẹ́ òṣèlú APC mií Lanre Rasak dágbére fáyé

    Èàkàn ẹgbẹ́ òṣèlú APC mií Lanre Rasak dágbére fáyé

    Èàkàn ẹgbẹ́ òṣèlú APC mií Lanre Rasak dágbére fáyé

    Èèkàn ẹgbẹ́ òṣèlú APC nípìńlẹ̀ Èkó, Lanre Razak ti jáde láyé lẹ́ni ọdún mẹ́rìnléláàdọ́rin.

    Kí ikú ó pajú èèyàn dé lójijì ti wá fẹ́ ẹ̀ kúrò ní ń tí wọ́n kíìyàn yàn pé Ọlọ́run má jẹ́ á rírú ẹ̀ mọ́, bí ó se pé ká sá maa sọ fún Ọlọ́run pé kọ́dún ó jìnà síra wọn.

    Ìṣẹ́jú ìṣẹ́jú sáà ni ẹ̀mí ń bọ́ lára gbogbo n tí Aláwùràbí dá, tèèyàn ló kàn wá jù ,la ṣe ń gbarata.
    Ọkàn pàtàkì tún ni ti
    Ọ̀gbẹ́ni Lanre Razak yìí tó papòdà lọ́jọ́ Àbámẹ́ta ọjọ́ kẹẹ̀ẹ́dógún oṣù kẹjọ ọdún 2020 yìí ,lẹ́yìn àìsàn ráńpẹ́.

    Nígbà ayé rẹ̀, Ọ̀gbẹ́ni Razak wà nínú Ìgbìmọ̀ tó ń gba Gómìnà ìpínlẹ̀ Èkó lámọ̀ràn.

    Ọ̀gbẹ́ni Rasak kọ́kọ́ fi èròńgbà rẹ̀ hàn láti díje fún ipò Sẹ́nétọ̀í lẹ́kùn ìlà oòrùn ìpínlẹ̀ Èkó kí ó tó yọwọ́ níbẹ̀ ṣaájú ìbò abẹ́lé.

    Ọjọ́ Àìkú ọjọ́ kẹrìndínlógún oṣù kẹjọ yìí ni wọn yóó ṣin Ọ̀gbẹ́ni Rasak ní Ìlànà ẹ̀ṣìn mùsùlùmí.

    Fẹ́mi Akínṣọlá

  • Sáká lára dá,Bàbá Ọbásanjọ́ kò l’árùn Kofi-19

    Sáká lára dá,Bàbá Ọbásanjọ́ kò l’árùn Kofi-19

    Sáká lára dá,Bàbá Ọbásanjọ́ kò l’árùn Kofi-19

    Fẹ́mi Akínṣọlá

    Agbẹnusọ fún Bàbá Ọbásanjọ́, Kehinde Akinyemi ló fi léde bẹ́ẹ̀ nínú àtẹjáde ní Ọjọ́ Ìsinmi pé àyẹ̀wò fihàn pé kò ní àrùn Kòrónáfairọ̀ọ̀sì.

    Akinyemi ní Ọjọ́ Keje, Oṣù Kẹjọ, ọdún 2020 ni bàbá ṣe àyẹ̀wò fún àrùn Kofi-19 ní ilé rẹ̀ tó wà ní ilé ìkàwé Olúsẹ́gun Ọbásanjọ́ Presidential Library (OOPL) Pent House residence, Okemosan, Abeokuta, ní ìpínlẹ̀ Ògùn.

    Wọ́n fikún pé Dókítà kan tí orúkọ rẹ̀ ń jẹ́ Olukunle Oluwasemowo ti iléèwòsàn Molecular Genetics Laboratory 54gene, nípìńlẹ̀ Èkó ló ṣe àyẹ̀wò náà.

    Àbájáde àyẹ̀wò náà ní Ọjọ́ Ìsinmi, Ọjọ́ Kẹsàn án, Oṣù Kẹjọ ló fi léde pé sáká ni ara Bàbá dá lọ́wọ́ àrùn Kòrónáfairọ̀ọ̀sì.
    .Iléèwòsàn tó ṣe àyẹ̀wò náà wà lára àwọn iléeṣẹ́ àyẹ̀wò fún àrùn Kofi-19 to gba òǹtẹ̀ Ìjọba àti àjọ tó ń rí sí ọ̀rọ̀ àjàkálẹ̀ àrùn ní Nàìjíríà, NCDC.

  • Akeredolu bó̩ nínú àjàgà covid-19

    Akeredolu bó̩ nínú àjàgà covid-19

    Akeredolu bó̩ nínú àjàgà covid-19

    Ajakale arun coronavirus ti n pa eni kukuru, to n pa eni giga, ti ko mo olowo yato fun talaka, ko mo oba bee ni ko mo ijoye, ko ki n ja ija elesinmesin, ko si ohun to kan an pelu eleyameya.


    Ajakale ohun naa lo ko lu odidi bii gomina mejo ni orileede yi, ni eyi ti Arakunrin Rotimi Akeredolu wa ninu won. Ose to koja lo kede funra re pe ayewo oun gbe arun coronavirus jade. Gomina yii ba lo fun iwosan, o bere si ni sise ofiisi nile.


    Gomina yii naa lo tun kede ni irole oni pe ki a ba oun dupe nipa esi ayewo to tun jade lonii ti o si gbee pe aisan naa ti kuro ni ago ara Gomina Akeredolu.

    Yínká Àlàbí

  • Atiku, Saraki, Dogara ati Melaye lè má bó̩ nínú e̩jó̩ jìbìtì Hushpuppi- APC

    Atiku, Saraki, Dogara ati Melaye lè má bó̩ nínú e̩jó̩ jìbìtì Hushpuppi- APC

    Ogbeni Ramoni Igbalode Abbas to je omo Naijiria ti owo te ni ilu Dubai pelu esun jibiti lilu lori ero ayelujara lose to koja ni egbe oselu APC ni owo PDP ko mo nibe.


    Gege bi atejade to egbe oselu APC gbe jade nipa irinkurin egbe oselu PDP paapaa julo ni asiko idibo odun 2019 to koja. APC ni ki won to so pere, won ti ko ara won lo Dubai fun ipade.


    APC ni iru ipade wo ni won n lo se ni orileede naa ti ko see se ni Naijiria. APC tun ni gbogbo foto ti won ya pelu Hushpuppi nibi ipade ati gbogbo ohun to da won po lo maa jade laipe.

    APC ni o da awon.loju to ada pe awon oyinbo maa wadii gbogbo irinajo Ogbeni afunrasi naa.

    Gege bi atejade egbe APC ti igbakeji akole agba egbe naaogbeni Yekini Nabena fowl si, APC ni ki egbe PDP maa se sun asunpiye nitori ejo naa ti kuro ni Dubai lo si Chicago ni orileede Amerika. O ni afaimo ki Ogbeni Hushpuppi ma se fi ewon ogun odun gbara.

  • Igbákejì gómìnà Òǹdó Agboola Ajayi tilé APC bọ́sí yẹ̀wù PDP

    Igbákejì gómìnà Òǹdó Agboola Ajayi tilé APC bọ́sí yẹ̀wù PDP

    Ó dà bíi pé , ẹ kú àtilé bọ́ọ́lé ló kù báyìí, tí àwa òlùdìbò yóó ma kí àwọn olóṣèlú wọ̀nyí lásìkò yìí, tí wọ́n kàn ń múwa ṣeré nínú ọpọlọ, yí bìrìpé láti inú ẹgbẹ́ kan sí ìkejì.

    Ìròyìn mí-ìn tí a gbọ́ báyìí ni pé ìgbákejì Gómìnà ìpínlẹ̀ Òǹdó, Agboola Ajayi ti fẹgbẹ́ òṣèlú APC sílẹ̀ bọ́ sẹ́gbẹ́ PDP.

    Akọ̀wé Ìròyìn fún Ọ̀gbẹ́ni Ajayi, Tope Okeowo ló fìdí ọ̀rọ̀ náà múlẹ̀.

    Okeowo ṣọ fún akọ̀ròyìn pé lọ́jọ́ Àìkú ni ìgbákejì Gómìnà Òǹdó kọ̀wé fipò sílẹ̀ gẹ́gẹ́ bí ọmọ ẹgbẹ́ òṣèlú APC.

    Tijó ti ìlù ni àwọnn ọmọ ẹgbẹ́ òṣèlú PDP fi kí Ọ̀gbẹ́ni Ajayi káàbọ̀ sínú ẹgbẹ́ wọn.

    Kó dà, àwọn èèkàn nínú ẹgbẹ́ PDP gbàdúrà fún un bí wọ́n ti fi káàdì ọmọ ẹgbẹ́ lé e lọ́wọ́.

    Ẹ̀wẹ̀, Akọ̀wé Ìròyìn rẹ̀ sọ fún akọròyìn pé lọjọ Ajé ni Ọ̀gbẹ́ni Ajayi yóó báwọn akọ̀ròyìn ṣọ̀rọ̀ lórí ìdí tó fi kúrò nínú ẹgbẹ́ APC lọ sí PDP àti ìgbésẹ̀ tó kan fún un láti gbé.

    Fẹ́mi Akínṣọlá

  • Fidio: Ipinle Eko