Àṣà Oòduà

Category: Iroyin Pajawiri

  • Kofi 19 dẹ́yẹ sí ìpínlẹ̀ Kogi àti Cross River –Osagie

    Kofi 19 dẹ́yẹ sí ìpínlẹ̀ Kogi àti Cross River –Osagie

    Àwámárídìí ni iṣẹ́ Elédùwà, ṣùgbọ́n ọmọ èèyàn lọ́pọ̀ ìgbà má a ń fẹ́ tú fín ìn ìdí i kóòkò láti mọ kín gán án ní ń gbénú-un rédíò fọhùn. Bí kò bá wa rí bẹ́ẹ̀, kín ló mú kí Ìjọba àpapọ̀ ó máa dábàá àti bẹ ìpínlẹ̀ Kogi àti rivers wò látàrí pé Kofi 19 ṣá fún wọn.
    Mínísítà ètò ìlera ní Nàìjíríà, Dókítà Osagie Ehanire sọ pé Ìjọba yóó ṣe ìwádìí ohun tó fàá gan an tí ìpínlẹ̀ Kogi àti Cross River kò fi tíì ní àkọsílẹ̀ àrùn apinni léèmí coronavirus.

    Dókítà Osagie ṣàlàyé àwọn èèyàn tí Ìjọba kọ́kọ́ rán lọ sí ìpínlẹ̀ Kogi kùnà nítorí èdè-àì-yedè tó ṣẹlẹ̀ láàrin àwọn èèyàn náà àti Ìjọba ìpínlẹ̀ Kogi.

    Mínísítà ní ìgbésẹ̀ tí Ìjọba yóó gbé náà ni láti sàbẹ̀wò sí àwọn ìpínlẹ̀ padà.

    Ìpínlẹ̀ mẹ́rìnlélógójì pẹ̀lú olú ìlú Nàìjíríà, Àbújá ní Kofi 19 ti wọ́ pọ̀ pẹ̀lú ohun tí a rí gbọ́ lọ́dọ̀ ọ wọn lọ́wọ́ yìí.
    Dókítà Osagie ní ọ̀sẹ̀ tí ó ń bọ̀ yìí náà ni Ìjọba yóó rán àwọn sí ìpínlẹ̀ Cross River àti Kogi láti ṣiṣẹ́ ìwádìí náà.

    Fẹ́mi Akínṣọlá

  • Ènìyàn 148 míràn lárùn Covid-19 ní Nàìjíríà–Àjọ NCDC

    Ènìyàn 148 míràn lárùn Covid-19 ní Nàìjíríà–Àjọ NCDC

    Ó ti pé ẹgbẹ̀rún mẹ́ta àti márùndínládọ́jọ èèyan tó ti ní àrùn apinni léèmí yìí ní Nàìjíríà. Ìpínlẹ̀ Èkó ló ṣì ń léwájú.
    Ní bí a ṣe ń kó ìròyìn yìí jọ. Iye àwọn tí àyẹwò ti fihàn pé wọ́n lárùn apinni léèmí coronavirus lórílẹ̀-èdè Nàìjíríà ti tó ẹgbẹ̀rún mẹ́ta ó dín àádọ́ta èèyàn báyìí.

    Àjọ NCDC ló ṣàlàyé ẹ̀kúnrẹ́tẹ́ èyí nínú ìkéde alálàálẹ̀ tí wọ́n máa ń ṣe láti sọ ibi tí iṣẹ́ dé dúró lórí ọ̀rọ̀ àjàkálẹ̀ àrùn apinni léèmí Kofi 19 lórílẹ̀-èdè Nàìjíríà.

    Ìpínlẹ̀ Èkó ló ń léwájú lókè téńté àtẹ. Àwọn onímọ ètò ìlera kò sawun òótọ́ ọ̀rọ̀ náà pé, ó ṣeéṣe kó jẹ́ pé nítorí pé ìpínlẹ̀ Èkó ni ètò àyẹ̀wò rẹ̀ pọ̀jù lọ, ló fa èyí, bákan náà ni Ìpínlẹ Kano náà ti gòkè tẹ̀le pẹ̀lú ìbẹ̀rẹ̀ ètò àyẹ̀wò níbẹ̀ lẹ́yìn ọ̀pọ̀lọpọ̀ awuyewuye tó wọ tọ ikú ọ̀wọọwọ̀ọ́ àti àìsí ìtọ́jú àti amójútó tó péye fún àjàkálẹ̀ àrùn ajániláyà pàtì méèmí ẹni lọ ọ̀hún tó mú ibùdó síbẹ̀ .

    Fẹ́mi Akínṣọlá

  • Ẹ wọ ìbòmú tàbí kí ẹ rugi oyin – Iléeṣẹ́ ọlọ́pàá

    Ẹ wọ ìbòmú tàbí kí ẹ rugi oyin – Iléeṣẹ́ ọlọ́pàá

    Ọlọ́pàá èwo n tèpè ni àṣà tó gbayé kan tẹ́lẹ̀ , ṣùgbọ́n ní àsìkò kòró yìí, ó dà bí ẹni pé wọ́n ti sún ilé iṣẹ́ ọ̀hún kan ògiri báyìí bí ó tí n ṣọ̀rọ̀ lókè ohùn látẹnu Kọmíṣọ́nnà ọlọ́pàá ìpínlẹ̀ Ògùn pẹ̀lú kìlọ̀ pé ẹnikẹ́ni tí kò bá wọ ìbòmú yóó dèrò àgọ́ wọn.

    Iléeṣẹ́ ọlọ́pàá ìpínlẹ̀ náà ní ó yani lẹ́nu pé ọ̀pọ̀ olùgbé ìpínlẹ̀ ọ̀hún ni kò kọbi ara sí wíwọ ìbòmú lásìkò tí wọ́n bá jáde sí ìgboro.

    Nínú àtẹjáde tí alukoro ọlọ́pàá ìpínlẹ̀ Ògùn, Abimbola Oyeyemi fi léde, ó ní púpọ̀ àwọn awakọ̀ ló má a ń kó èrò tó pọ̀ ju ìlànà tí ìjọba gbé kalẹ̀ nípa títakété síra ẹni.

    Kọmíṣọ́nnà ọ̀hún wá rọ àwọn olùgbé ìpínlẹ̀ náà láti tẹ̀lé gbogbo Ìlànà tí àwọn elétò ìlera gbé kalẹ̀, papà á jùlọ lílo ìbòmù, bí bẹ́ẹ̀ kọ́, ẹnikẹ́ni tí ọwọ́ bá tẹ̀ yóó rugi oyin.

    Fẹ́mi Akínṣọlá

  • Kòrónáfairọ̀ọ̀sì kò dí ìgbáradì ètò ìdìbó ìpínlẹ Edo àti Òǹdó lọ́wọ́–INEC

    Ó dà bí ẹni pé ń tí ń ṣe Lébáńdé kò s’ọmọ rẹ o, Lébáńdé ń sunkún ọmú, ìyá rẹ ń sunkún ebi, ló díá fún bí àjọ elétò ìdìbò Nàìjíríà ti kéde pé àjàkálẹ̀ àrùn apinni léèmí coronavirus kò dí àwọn lọ́wọ́ rárá láti múra sílẹ̀ de àṣeyọrí ètò ìdìbò ní ìpínlẹ̀ Òǹdó àti Ẹdó.

    Wọ́n ní kò sí ayípadà kankan lórí àwọn ìgbésẹ̀ tó yẹ ní gbígbé láti ṣètò ìdìbò gómìnà àti àwọn ọmọ ilé ìgbìmọ̀ aṣòfin ní àwọn ìpínlẹ̀ méjéèjì náà..

    Ìpínlẹ̀ Edó wà ní Gúúsù Gúúsù Nàìjíríà nígbà tí ìpínlẹ̀ Òǹdó wà ní ìwọ̀ oòrùn Gúúsù Orílẹ̀ yìí.

  • Aye̩ye̩ o̩jó̩ò̩bí Sikiru Lemon

    Aye̩ye̩ o̩jó̩ò̩bí Sikiru Lemon
    Bí a bá dájó̩, o̩jó̩, á pé, bí a dósù, osù á kò. Gbogbo o̩jó̩ ko̩kàndínló̩gbò̩n, osù ké̩rin o̩dún ni o̩jó̩ò̩bí Alhaji Sikiru Lemon.


    Yorùbá bò̩,wó̩n ní “àìbá wo̩n sí níbè̩ ni àìbá wo̩n dá síi”. Ìwé ÌRÒYÌN ÒWÚRÒ darapò̩ mó̩ àwo̩n e̩bí, ò̩ré̩, ojúlùmò̩ àti olólùfé̩ láti sàjo̩yò̩ o̩jó̩ òní pè̩lú ò̩ré̩ wa Sikiru Lemon.

    Àkàlàmò̩gbò kò ní saláì le̩gbè̩rún o̩dún láyé. È̩mí re̩ á se ò̩pò̩lo̩pò̩ o̩dún lókè eèpè̩ nínú o̩lá, iyì, è̩ye̩ àti aláfíà pè̩lú gbogbo olólùfé̩.
    Igba o̩dún, o̩dún kan

  • Èmi àti Olure̩mi yege àjàkálè̩ àrùn covid-19 – Tinubu

    Asiwaju agba fun egbe oselu APC, Asiwaju Bola Ahmmed Tinubu ni oun ko ni arun ajakale coronavirus bi gbogbo eniyan se n gbee poori enu. O ni awon kan ni oun ti wa ni igbele olojo merinla pelu Oluremi.

    Awon kan tile ni oun ti ko aisan naa ni eyi ti o mu ki oun ati Oluremi se ayewo arun naa.
    Asiwaju ni ko je dandan pe ti eni to ba wa ni egbe eniyan ba ni arun, eni naa gbodo nii.


    O ni awuyewuye yii gbile nigba ti awon eniyan gbo iku olori eso oun, Lati Raheem ti o file saso bora leyin aisan ranpe.


    Asiwaju ni Lati Raheem je eda kan ti ko ki n fi ara re sere rara, bi o se mo pe o te oun die ni o ti gba ile iwosan lo, o kan je wi pe aisan lo se wo ko si eni to ri ti olojo se.

  • Ní Kàdúná, òfin kónílé ó gbélé yóò tẹ̀síwájú fóṣù kan

    Àwọn àgbà bọ̀ wọ́n ní bí iná ò bá tán láṣọ, ó seése kí ẹjẹ wọ̀rù wọ̀rù ṣẹ́kù lórí èékánná. À ti pé, ogun tí yóó bá wọ lé kóni, ọ̀nà la tií pàdé rẹ̀.

    Ìjọba ìpínlẹ̀ Kàdúná ti kéde àfikún iye ọjọ́ kónílégbélé f’oṣù kàn sí i .

    Gómìnà Nasir El-Rufai tó kéde ọ̀rọ̀ yìí ní ìgbésẹ náà jẹ́ ọnà àti dẹkùn àjàkálẹ̀ apinni léèmí “Covid 19” náà.

    Lójú òpó abẹ́yefò Twitter rẹ ló ti sàlàyé pé níse ni òun tẹ̀lé amọran tí ìgbìmọ̀ tó n gbógun ti àrùn náà, eléyìí tí igbákejì òun ń darí fi léde.

    Ní báyìí àṣẹ yìí tí f’ẹṣẹ̀ múlẹ̀ láti ọjọ́ Àìkú tí ṣe ọjọ́ kẹẹ̀ẹ́dọ́gbọ̀n oṣù kẹrin.

    Ní ọjọ́ kẹẹ̀ẹ́dọ́gbọ̀n oṣù kẹta ní ìjọba tí ṣaájú fi Ìṣéde àkọ́kọ́ lé’lẹ̀ ni ìpínlẹ̀ ọ̀hún.

    Àwọn ilé ẹjọ́ alágbèéká yóò wà níta láti dájọ́ fáwọn tó bá tasẹ̀ àgẹ̀rẹ̀ sí òfin yí .

    Bẹ́ẹ̀ ni El Rufai ní àwọn yóò gbẹ́sẹ̀ lé ọkọ̀ tó bá rìn níta láì ní ìyọ̀ǹda ìjọba.

  • Iwure AJE

    Iwure AJE Toni.


    Aje wa fii ile mii se ibugbe ❗❗❗

    Aje iwo lobi Ogun ilu

    Aje iwo lobi Olufa

    Aje iwo lobi onipasan owere

    Oyale asin win bear asin win dolowo

    Oyale asi were oso asi were di aniyan-pataki

    Aje pe le oa kin lOrisas

    Agede ni wo Ajenje lotu Ife ti o fi njo koo ti ni

    Aje dakun wa jo koo temi ki or ma kuro mud my

    Translation

    Continue after the page break

  • Ògúndá Méjì: Odù

    Ògúndá Méjì.
    It is a fact that there is anxiety all over the World as a result of coronavirus pandemic. This is a challenge to all faiths. What else can we do other than supplication and offering.

    Looking at Odù, “Ògúndá Méjì, cast for today’s Òsè Ifá, Olódùmarè shall heal the World by sending out the rain. Just listen as follows:-

    Igún ńse dìgbó
    Àkàlà ńse dìgbó
    Adífá fún Olákanrígbò tíí se Yèyé Ayé
    Olákanrígbò mámà jáyé ó ra
    Bó bá kù dèdè káyé ó ra, òjò a rò
    Olákanrígbò mámà jáyé ó ra o
    Ìpòrì Ayé kìí jé káye ó ra
    Olákanrígbò làápe Olódùmarè
    Ayé làápe Ilé Ayé

    Ògúndá Méjì
    Ògúndá Méjì

    Igún ńse dìgbó ( name of sage)
    Àkàlà ńse dìgbó ( name of sage)
    Cast divination for Olákanrígbò, the mother of Mother Earth
    Olákanrígbò, don’t let the Earth perish
    If its likely for the Earth to perish, rain shall fall
    Olákanrígbò, please don’t let the Earth perish
    The guardian spirit of the Earth will not allow the Earth to perish
    Olákanrígbò is the name of Olódùmarè
    Mother Earth is the World.

    May Olódùmarè heal the World.
    Bàbá( Our Heavenly Father), send out the rain.

    From Araba of Oworonsoki land Lagos Nigeria

  • Ọ̀ọni ilé ifẹ̀ bẹ̀rẹ̀ fínfín ìtagbangba ní Ifẹ̀

    Ọọ̀nirìṣà ilé Ifẹ, jìngbìnì bí àtẹ àkún,Ọba Adéyẹyè Ẹnitan Ogunwusi bẹ̀rẹ̀ fínfín àwọn ìta gbangba gbogbo ní ìlú Ilé Ifẹ̀ lẹ́yìn tó kéde ríra àwọn ohun èlò afínko láti dẹ́kun ọwọ́jà àrùn apinni léèmí COVID-19.

    Ọba Adéyẹyè ra àwọn irinṣẹ́ afínko tí wọ́n ṣe lábẹ́lẹ́ tí owó rẹ̀ tó mílíọ̀nù mẹ́jọ náírà láti ṣe ìrànwọ́ fún ìgbésẹ̀ Ìjọba lórí wíwa wọ́ àrùn apinni léèmí Coronavirus bọlẹ̀.

    Kábíyèysí Ọọ̀nirìṣà kò ṣàì tẹnumọ́ pàtàkì fínfín àwọn ìta gbangba gbogbo káàkiri ìlú, ìpínlẹ̀ àti jákèjádò orílẹ̀-èdè Nàìjíríà.