Àṣà Oòduà

Category: Oṣelu

  • Faleke faake kori nipinle Kogi

    *Nje ona abayo wa fun un mo?

    *Nje igbeyin oro re ko ni di ti Sonroye bayii?

    *Kini ipa ti Tinubu ko lori oro yii?

    Ogbeni Abiodun Faleke to je igbakeji oludije fun ipo gomina ipinle Kogi to doloogbe, Abubakar Audu, ti ko la ti faramo ibi ti ile ejo to gaju ni ilu Abuja da ejo re si.  Ninu ejo ti Faleke gbe siwaju ile ejo lo ti pe fun idaduro eto idibo eleyii to waye lojo Satide to koja yii nigba to tun fi kun un fun ile ejo wi pe, ki ile ejo naa pase fun INEC lati kede re gege bi gomina tiluu dibo yan.

     

    Ejo yii ni onidajo Gabriel Kolawole da nu gege bi ejo ti ko lese nile rara. Leyin eto idajo to waye yii ni ogbeni Faleke ti fi da awon oniroyin loju wi pe ile ejo kotemilorun ni o pada tun ejo naa da gege bo ti ye. Faleke ti ro awon ololufe re lati lo mu okan bale, ki won si yago fun iwa jagidijagan to le di alaafia ilu lowo.

    Okan ninu awon agba oloselu kan lati inu egbe oselu APC, eni to gba lati ba akoroyin wa soro lai se afihan oruko re, so wi pe yoo soro fun APC ipinle Kogi lati fa Faleke sile gege bi eni ti o ropo Audu to doloogbe. Ninu oro re, o ni yoo soro fun Faleke lakore nibi ti o funrugbin si.

    Ninu afikun re, o ni awon oloye egbe APC ti ipinle naa tun gba wi pe oselu Kogi ko ti i fi gbogbo ara ye Faleke eni ti pupo iriri ogbon oselu re je ti ipinle Eko. Ogbeni Faleke ti fi igba kan je alaga ijoba ibile Ojodu to wa ni ipinle Eko fun igba meji. Bakan naa lo ti soju awon eniyan agbegbe Ikeja to wa nipinle Eko kan naa nile igbimo asoju-sofin Abuja.

    “Bi o tile je wi pe omo bibi ipinle Kogi to wa lati ijoba ibile Ijumu ni Faleke, sibesibe, eni ti ko se nidi pepe ko le je nidi pepe,” agba oloye egbe APC fi kun bee. Lara awon awuyewuye to tun gbale ni ero awon kan wi pe ti Faleke ba di gomina, Bola Tinubu ni yoo tun maa dari ipinle Kogi.

    Ninu oro ti akowe ipolongo fun egbe PDP, Olisa Metuh fi sita, o ni nipa wi pe oludije labe egbe oselu APC padanu emi re ni akoko idibo naa fidi re mule wi pe egbe PDP ti jawe olubori. O si fesun kan ajo INEC nipa liledi-apo-po pelu PDP lati doju oro naa bole.

    “Ka maa se pasipaaro oludije laaarin meji eto idibo ki i se ohun ti a ri ka ninu iwe ofin ile Naijiria rara. Iku oludije APC fi da wa loju wi pe won ti padanu idije fun ipo gomina ipinle Kogi,” Metuh fi kun oro re bee.

    Ogbeni Metuh ko sai pe fun ikowefiposile minisita fun eto idajo, Abubakar Malami, pelu bo se n se atileyin fun egbe APC eleyii to gba wi pe o tako iwe ofin ile wa.

    Lori oro yii kan naa, Gomina Ayodele Fayose ti ipinle Ekiti ti naka aleebu si Aare Buhari gege bi enikan to n lo minisita fun eto idajo, Malami, lati dori oro kodo mo ajo INEC lowo. Oro yii ni Fayose so lati enu oludamoran re nipa oro-to-n-lo ati iroyin ayelujara, Ogbeni Lere Olayinka.

    Oro enu Idris Wada naa ko sai yato si ohun ti awon alatileyin re lati inu egbe PDP ti n wi nipa wi pe ona eru ni ajo INEC gbe eto idibo naa gba. Manaja fun eto ibanisoro gomina, Ogbeni Phrank Shaibu naa si fi ye awon oniroyin wi pe ile ejo ni yoo pada yanju oro naa nitori wi pe gomina Idris Wada loye ki won kede gege bi gomina tilu dibo yan leyin iku alatako re.

    Pelu bi nnkan se wa ri yii, ohun ti o je igbeyin oro Faleke ko ti ye enikeni. Se Faleke o faramo ipo igbakeji gomina abi yoo tepelemo ifisun re nile ejo lati gba ipo gomina pada? Opolopo awon eniyan ni won tile n reti akitiyan oloye Bola Tinubu lati dasi oro naa sugbon ti ohunkohun ko ti odo agba oloselu naa jade.

    Awon kan tile n so ni awon agbegbe kan wi pe oseese ko je Tinubu lo n ki Faleke laya lati gbe ejo naa lo si ile ejo kotemilorun. Sugbon sa, ti oloye Tinubu ba pada soro lojutaye, se ni o da Faleke lekun ni, ti o si pase fun-un lati gba ipo igbakeji gomina tabi yoo naka abuku si awon agba omo egbe ti won tako Faleke nipinle Kogi?

     

    Orisun

  • “Ijoba APC gbodo je ki eto eko ofe rinle de ileewe giga” – Atiku

    Igbakeji Aare ile Naijiria nigba kan ri, Alaaji Atiku Abubakar ti ro ijoba to wa lode yii, eleyii to wa lowo egbe oselu APC, lati je ki eto eko ofe ti won se ileri re kari gbogbo eka ikekoo patapata, bere lati alakobere titi to fi de ileewe giga.

    Oro yii lo jade lenu Turaki gbogbo Adamawa nibi ayeye odun kewaa ti won ti da American
    University of Nigeria sile, eleyii to kale silu Yola.

    Atiku, Aare Adimula ti Ile-Ife, ni orileede yii ko kare to nipa sise itoju awon olopolo ti Edua oke fi jin-inki wa nipa eto eko to yanranti lateyin wa.

    Ninu oro apileso oro Aare egbe akekoo School of Hygiene tilu Kano lodun 1967, eleyii ti akori re je: “Beyond Terrorism: The need for Education reform”, Atiku gba egbe All Progressives Congress, APC, niyanju lati ri iyipada to waye nipa olusejoba gege bi anfaani lati mu atunse deba isakoso orileede yii to ti mehe seyin.

    Bakan naa, Oko Titilayo Albert Abubakar ko sai gbe oriyin fun Buhari latari igbiyanju ati ise takuntakun re lati mu opin deba awon alakatakiti esin Islam ti won je Boko Haram.

    orisun

  • E wo ohun ti Gomina Fayose n se laaarin oja


    Gomina Ayodele Fayose da moto re duro loja Bisi to wa ni Ipinle Ekiti lati teti si edun okan iya arugbo yii nipa ohun ti won fe ki ijoba o se fun won.  Gomina fara bale lati gbo gbogbo ohun ti iya naa fe so. O si seleri lati se atunse gbogbo ohun ti won on beere lowo ijoba.
    E ma je n paro tan yin, mo ti yo ife Foyose bajebaje


  • Niluu Ilorin: “Awon osise mefa ti ku, awon kan wa nile iwosan”- Akowe egbe osise

    Awon osise ajo olomi ti ipinle Kwara tu jade lojo Isegun to koja yii niluu Ilorin nigba ti won fi ehonu won han nipa owo osu won eleyii ti ijoba ipinle naa ko lati san lati inu osu keje seyin.

    Olayemi Olatilewa

    Yato si owo osu won, awon owo ajemonu kan naa tun wa lati ibere odun yii ti a gbo wi pe awon osise naa n beere lowo ijoba eleyii to je wi pe bakan naa lomo se sori pelu owo osu ti won o ri gba. Eleyii to tun se eleeketa iru e ni awon osise to ye ki won ti ni igbega lati inu odun 2012 sugbon ti igbega naa ko waye.

     

    Awon osise ajo olomi ipinle naa ni won gbarajo labe egbe kan ti nje Amalgamated Union of Public Corporations, Civil Service Technical and Recreational Services Employees (AUPCTRE), eleyii to je ti eka ajo olomi ti ipinle Kwara.

    Awon osise yii ni won gbegi dina geeti abawole to wa leka ile ise ijoba naa nigba ti won fi ehonu won han eleyii to waye fun aimoye wakati.

    Nibi ifehonu han naa ti n waye ni ati ri awon osise kan ti won gbe orisiirisii akole dani eleyii ti die nibe wi pe: “E san owo osu wa o”, E fun wa leto wa”, E ma foju gongosu wo wa, awa o go o”; “Ti eyin ba ni e ko ni sanwo, awa gan-an o ni sise”.

    Gege bi olori egbe osise eka ti ajo olomi ipinle Kwara, Ogbeni  Murtala se so. “Aimoye leta ni ati ko si awon alase pelu ijoba sugbon to je wi pe ibi pelebe naa ni awon abebe ti a n ju soke naa fin in lele nigbogbo igba. Awa osise ti gbiyanju oun ti a mo, igba ti won sun wa kangiri la tu jade”.

    Gege bi oro Ogbeni Murtala, o ni ki i se wi pe idunnu awon lo je bi awon se duro sinu oorun lai lounje ninu, sugbon ni kete ti ijoba ba ti dawon lohun awon nnkan ti awon beere fun dandan ni ki awon pada senu ise lai fi akoko sofo.

    Akowe egbe osise, Ogbeni Saliu Sulaiman naa ko sai so ero tie naa fun awon oniroyin. O ni isoro ti awon ni ni wi pe ijoba o ka won kun rara.

    A tile gbo wi pe awon osise yii fun ijoba ipinle naa ni gbedeke ojo merinla lati dahun awon ibeere won saaju ki ifehonuhan naa to waye. Sugbon ojo merinla naa ti koja eleyii to fa bi gbogbo osise naa se tu yaaya soju popona bi ero Mecca.

    Gege bi afikun oro enu akowe naa, o ni awon osise bi mefa ni won ti padanu emi won bayii nigba ti awon kan wa nile iwosan latari wi pe won ko ri owo toju ara won botito ati botiye.

    “Pupo ninu awon osise ajo olomi lo je wi pe ese ni won rin wa sibi ise nijoojumo latari wi pe ko sowo lapo won ti won le fi wo moto akero. Bakan naa ni won ti le awon kan kuro nile latari wi pe won o ri owo ile san fun awon onile won”.

    Leyin isele to waye yii  ni oluranlowo agba fun gomina ipinle Kwara nipa eto iroyin, Dr Muyideen Akorede fida awon oniroyin loju wi pe ijoba yoo sa gbogbo ipa ati agbara re lati pase ohun ti awon osise naa n beere fun, ti alaafia yoo si pada joba.

  • Won o je ki Saraki o rona gba leyin to fun awon minisita Buhari lona lo

    Olayemi Olatilewa

    Ile ejo kotemilorun to kale siluu Abuja ti da esun aare ile igbimo asofin agba, Bukola Saraki nu patapata. Ninu esun ti Saraki gbe lo si ile ejo, ibe ni Saraki ti n ro ile ejo lati pase jokoo-jee fun  Code of Conduct Tribunal (CCT) latari awuyewuye ti won gbe dide. Bakan naa lo n wi pe ki ile ejo naa da gbogbo esun ti tiribuna gbe kaa laya nu sinu omi okun agbadagbudu. Sugbon sa, kaka ki ile ejo se ohun ti saraki n pe fun, iwe ofin ni ile ejo si ti won si kaa seti gbogbo mutumuwa. Won ni Code of Conduct Bureau ni ase labe ofin lati gbe enikeni lo si ile ejo tiribuna nigba to ba ye fun won lati se bee ninu ise won.

     

    Saraki ni won fi esun metala kan eleyii to dale aisododo nipa ijewo dukia eni ati awon iwa jegudujera ni awon akoko to je gomina ipinle Kwara. Nibayii, ile ejo to gaju niluu Abuja ti pase fun Code of Conduct Tribunal (CCT) lati maa ba awon esun metala ti won fi kan Bukola saraki lo lai si idiwo tabi idina kankan.

    Iroyin tuntun yii lo jade lojo Eti to koja yii leyin ti Saraki ati awon senato yoku fi ontelu lu awon minisita Buhari, paapa julo, Rotimi Amaechi ti awon kan ti ni ko ni yege.

    Ti e ko ba gbagbe, ojo karun-un ati ojo kefa osu kokanla odun ta a wa yii ni ile ejo tiribuna yoo tun maa pada jokoo lati ye Saraki wo bi igba ti tisa ba n gbon ise akekoo wo yebeyebe.

    Lori esun jegudujera kan naa, ile ise ti n risi iwa idaran niluu London, National Crime Agency [NCA] si n ba iwadii won lo ni rebutu nipa minisita epo robi ile Naijiria nigba kan, Arabinrin Diezani Alison-Madueke lori awon esun jegudujera ti won fi kan-an.

    Bi o tile je wi pe awon agbofinro ilu London ti pada tu Madueke sile ko maa lo sile, sugbon gbogbo iwe irinna re pata ni won ti gba lowo re. Eleyii ti ko fun lanfaani lati tirafu jade niluu London titi ti gbogbo iwadii ti won se yoo fi kesejari.

    Nibi ti Madueke, obirin akoko ti o je aare egbe awon orileede ti won ti n fo epo-robi lagbaye, Organization of the Petroleum Exporting Countries (OPEC), ti n ronu kini o le je abajade iwadii awon olopaa ilu London, Abba Moro o loju orun mo pelu bi Aare Buhari se siwe iranti kan-an.

    Boya eyin gbagbe, losu keta odun 2014, awon eniyan bi ogun, awon odo, ni won doloogbe nibi won ti n lakaka lati rise gba ni eka ile ise ijoba apapo to n risi wiwole-wode, Nigerian Immigration Service.

    Abba Moro lo je minisita feto abenu nigba naa, to si je eni  ti oro naa kan gbongbon, ni awon ara ilu pe fun idaduro re lenu ise. Sugbon aare to wa nipo nigba naa, Goodluck Jonathan, foju fo asise re da.

    Asiri to tun tu nigba naa ni wi pe won fi eto igbanisise naa kowo je eleyii ti won ni kan dapada sugbon ti won ko lati se bee.

    Awon Yoruba bo, won ni iyan ogun odun a maa jo ni lowo felifeli.

  • Photos: Meet the New Ooni Of Ife, Oba Adeyeye Enitan Ogunwusi (Kabiyesi O)

    ki Ade ko pe lori ki Bata pe lese o,Kabiyesi o..

    Adeyeye Enitan Ogunwusi from the Geisi ruling house has been unveiled as the new Ooni of Ife. Moshood Adeoti, secretary to the Osun state government, confirmed this in an announcement.

    “The governor of the state of Osun, Ogbeni Rauf Adesoji Aregbesola, has approved the appointment of a new Ooni of Ife,” the statement read. “He is Prince Adeyeye Enitan Ogunwusi of Geisi ruling house of Ile-Ife, state of Osun. This choice follows the completion of the due process by the kingmakers and the communication of their decision to government.”

    The new monarch succeeds Okunade Sijuwade, who died in July after presiding over the kingdom for 35 years. Sijuwade hailed from the Ogoru ruling house and had a tremendous reign. A graduate of accountancy from The Polytechnic, Ibadan, Ogunwusi is the 51st monarch to sit on the prestigious throne.

    The 40-year-old is into real estate and has several properties in Lagos. Ogunwusi is a director on the board of directors of Imperial Homes Mortgage Bank Limited, a leading mortgage bank and former subsidiary of GTBank Plc. He is also a director, FinaTrust Microfinance Bank Limited, one of Nigeria’s foremost microfinance banks focusing on SMEs and micro credit facilities. He is the founder and managing director of Gran Imperio Group, the holding company of real estate and construction, manufacturing, facilities management, leisure and tourism companies in Nigeria.

  • Won je David Mark, Amaechi ati Fasola lenu bi obi abata

    Orisun
    Oniroyin Twitter

    Won je David Mark, Amaechi ati Fasola lenu bi obi abata
    *Didake David Mark n ko awon eniyan lominu
    *Asa tuntun ti won da:
    “Mi o gba riba ri laye mi” – Amaechi
    “Gege bi gomina, mi o saini seeki ri ”- Fasola
    Oniroyin: Olayemi Olatilewa

    David Mark
    Awon omo Naijiria ti bere si ni kominu pelu didake ti aare ile igbimo asofin agba ana, David Mark, se ko ti o soro tabi dasi awon oro to n lo nile igbimo asofin gege bi omo ile. Paapa julo, didake re ni akoko ti awon ile igbimo asofin agba n se iforowanilenuwo fun awon minisita ti Aare Buhari fi oruko won ranse.

    Gege bi omo ile igbimo to ni iriri julo, opolopo awon omo Naijiria ni won reti idasi re ninu awon oro to se koko sugbon ti maanu naa ko ti o soro lati igba ti won ti gbe ile igbimo eleekejo to wa lode yii ro.

    Igba marun-un otooto ni won ti dibo yan David Mark, eni odun metadinlaadorin (67), sile igbimo asofin agba Abuja. Ninu eto idibo odun 1999, 2003, 2007, 2011 ati ti 2015 to waye laipe yii, David Mark naa ni igba funfun re n leke omi lati soju Guusu Benue nile igbimo asofin ti won ti n fi aga alaso pupa jokoo.

    Yato si wi pe o ni anfaani lati jawe olubori nipa jije omo ile igbimo lodun 2011, Mark to ti fi igba kan je alakoso ipinle Niger lodun 1984 si 1986 ninu isejoba ologun, tun pada jawe olubori gege bi aare ile igbimo asofin agba eleyii to jokoo laaarin 2011 si 2015. Akoko yii si fe e je igba ti okiki re kan julo ninu oselu ile Naijiria.

    Opolopo awon eniyan ni won ti lero wi pe baba naa o lo sinmi nile nigba to ba pari ise re gege bi aare ile igbimo asofin agba. Sugbon ninu eto idibo odun 2015, odoodun ni sapo n ruwe ni David Mark fi oro naa se pelu bo se pada wa gege bi omo ile igbimo asofin fun igba karun-un.

    David Mark ko di ipo agbara kankan mu nile igbimo asofin eleekejo iru e to wa lode yii, bakan naa ni iriri re gege bi asofin to pe ju lo nile igbimo farasin ni awon akoko tile ba pade.

    Awon onwoye lagbo oselu ati awon onimo nipa irori eda eniyan gba wi pe didake ogbeni Mark le je latari bi pupo awon omo leyin re nigba kan se di ipo asaaju mu nile igbimo oteyii, nigba ti oun bi enikan to n ti je oga wa pada di omo leyin to kan an jokoo lori aga lasan lai ni irawo kankan lapa.

    Lara afikun awon onwoye tun ni wi pe, o le je boya o n gbiyanju lati fi ara re si ipo owo (aponle) nipa didake ti n dake roro bi omi inu amu. Se e mo wi pe awon ijiroro lori awon abadofin ile igbimo kii waye laisi ariwo pipa mora eni, riranju mora eni, eleyii to tun maa la gidigbo lo Iawon igba mi-in. O le je awon ohun to n sa fun ni yii to fi n sebi abata takete bi eni wi pe ko bodo tan-an tabi ko je wi pe ojuti ni o je o soro.

    O jo bi eni wi pe awon ara ilu gan-an ko tile kobiara si bi ogbeni David Mark ko se ki n dasi awon oro to n lo nile igbimo asofin. Sugbon ohun to pe akiyesi awon eniyan ko ju bi kamera ile ise telifisan kan se gbe aworan Mark jade nibi to pelengo si legbe kan , to si n wo bi eni wi pe ohun ti n lo ko kan-an rara. Eleyii waye nigba ti ile n da ibeere orisiirisii bo Rotimi Amaechi, okan lara awon minisita ti won fi oruko won ranse.

    E jeri awon omo Naija, kete ti won foju ri Mark ni iye won so. Ti won si se bee fo fere sori ero iwiregbe Twitter nibi won ti n tu gbogbo oun to ha won lona ofun da sile. Die ni yii lara awon oro to n lo lori ayelujara nipa asofin David Mark.

    Musbau Bolaji: [@Bonjila] Onworan le mi kaa si. Ohun to si maa n sele seeyan niyi nigba o ba ti pe lori imi.

    Aisha: [@aisha_modibbo] Maanu naa le maa dake latari wi pe oju n ti, ko si mo bo se fe pe Bukola Saraki ni “Mr Senate President sir”.

    AS Aruwa [@Musadiqz] David Mark, agbalagba ana, wa di eni ti n wo bi omode ti won gba pofupoofu re lonii. Sio.

    Abu Hashim [@zvyyd] E dakun sir, oga Bukola Saraki, bi o tile je adura ibere ati ipari, e je ki David Mark naa ma se.

    IG:Osi.lama: [Osi_lama] Emi ko tile kofiri baba naa rara. Se e suo wi pe David Mark mbe nile igbimo sa?

    fashola
    Raji Fasola

    Alade: [@alade80] Ti omo ile iwe ba ti ripiiti kilaasi, ki lo tu ku ju ko ma wo bi ori eran lo.

    Yato si oro David Mark ti n ja raninranin lori ero iwiregbe Twitter, awon omo Naija tun ti bere si ni dasa tuntun eleyii to jeyo latari awon idahun Raji Fasola ati Rotimi Amaechi ti won je gomina tele fun ipinle Eko ati Rivers leseese.

    Rotimi Amaechi
    Rotimi Amaechi

    Ni akoko ti ile igbimo asofin agba n fi oro wa Fasola lenu wo, won beere nipa milionu mejidinlogorin (N78M) to na sori ikanni adani re lori ayelujara, www.fashola.com. Fasola ni ko si owo ti oun na ni akoko oun gege bi gomina ipinle Eko eleyii ti ko gba ona to ye jade.
    “Gege bi gomina, mi o saini seeki ri”- Fasola.
    Iru ipade yii na jade ninu idahun Rotimi Amaechi, eni to si ni awon esun kan ti won fi ko o lorun nipa isowo ilu mokumoku. Lara awon idahun Amaechi niwaju ile igbimo asofin ni , “Emi o gba riba ri laye mi”.

    “Gege bi gomina, mi o saini seeki ri”, “Mi o gba riba ri laye mi”, ti di asa nla bayii eleyii ti opolopo awon eniyan naa ti bere si ni so ohun ti awon ko se ri.

    Arabirin kan ti awon ojulumo re n pe ni mama Bolu ni oun o sun mo okunrin ri laye oun. Awon omo ile iwe kan ni awon o jiwe wo ri laye awon. Nigba ti awon kan ni awon o bu tisa leyin ri. Okunrin kan ti oruko re n je Saheed, to pe ara re ni mekaliiki naa dasi oro naa,“ gege bi mekaliiki, mi o fowo kan epo enjinni oko ri laye mi”.

     

    Orisun
    Oniroyin Twitter

  • Omo yibo yari mo awon omo ile igbimo asofin Eko lowo.

    Omo yibo yari mo awon omo ile igbimo asofin Eko lowo.
    *O ni oun o fara mo siso ede Yoruba nile igbimo asofin
    Onarebu Jude Idimogu, okan lara awon omo ile igbimo asofin ipinle Eko, ti tako aba ile lati maa lo ede Yoruba pombele gege bi ona ibanisoro nigba ti ile ba joko lati jiroro.

    O ni sise amulo ede Yoruba dabi igba ti won dogbon ati di rikisi eleyii ti ko dara to fun ijoba awaarawa. ” A ni ede ajumolo, ede Geesi, kilode ti a fi ni ko ye ni lilo mo o?”- Idimogu

    Omo ipinle Imo ni Odimogu, oun si lo n soju ekun keji Oshodi/Isolo nile igbimo asofin ipinle Eko labe egbe oselu PDP.

    Oun kan naa si ni omo yibo akoko ti o joko nile igbimo asofin ipinle Eko gege bi onarebu.
    Olayemi Olatilewa, okan ninu awon akoroyin IROYIN OWURO jade lo lati mo ero awon eniyan nipa isele yii. Ohun to mu bo ni yii:

    Bayo Sola: Aba lati maa lo ede Yoruba nile igbimo ki i se tuntun, ki lode ti maanu naa n tako o?

    Chidinma Amaeshia: Ti o ba ti n lo si ile igbimo asofin, eni ko mu eniyan ti yoo ma ba se ayan ogbufo da ni.

    Franklin Egbuche: Ona meji lo pin si. Eniyan ko le soju awon eniyan to yato silu eni lai se wi pe eniyan gbo ede won lojulowo. Agbegbe ti eniyan yoo ba soju, dandan ni ko gbo ede won daada.

    Apa keji, abala ofin kan so wi pe ede ajumolo, ede geesi, ni ede kan ti igbimo yoo maa lo lati fi daba ofin. Bi o tile je wi pe ile igbimo asofin ipinle le se ipinnu ti won, sibesibe ohun to fin so ni yen.

    Bayo Akinola: Oro lo fe gbo, omo atiro to ra bata ranse sile si iya re. Imado i ba se bi elede a balu je…Aifini peni, aifeeyan peeyan ti n mu ara oko san bante wolu.

    Ugo Stevenson: Awon ipinle ni eto labe ofin lati se ifilole ofin ti won. Sugbon ipinle bi Eko to je ipinle to kun fun aimoye eya ko gbodo maa lo agbara kan-anpa nipa sise amulo ede kan lati fi bori ede mii.

    Uzo Chikere: Yoruba ni iyawo Idimogu, oun gan-an si le so Yoruba to ja geere. Kini isoro re gan-an?

    Yato si ipinle Eko, a gbo wi pe awon ipinle kan ni apa Ila-oorun Guusu ile Naijiria naa ti n daba ati maa lo ede yibo gege bi ona ibanisoro ni awon ile igbimo asofin won.

    Orisun: http://www.olayemioniroyin.com/