Àṣà Oòduà

Tag: ooduarere.com

  • Iṣẹ́ ìránṣẹ́ kò sí fún ìmẹ́lẹ́ èèyàn – Tunde Bakare

    Fẹ́mi Akínṣọlá

    Ayé ló bàjẹ́ tí ọmọ olè ń dájọ; oníkálukú mọ ẹ̀tọ́ tó yẹ́’.
    Olùṣọ́ àgùtàn Tunde Bakare ṣàlàyé bí ìdámẹ́wàá ṣe bẹ̀rẹ̀ ninu Bíbélì àti pé kò si ẹni tí wọ́n gbé ìbọn tì pé dandan ni kó san ìdámẹ́wàá.
    Ó ní iṣẹ́ ọwọ́ òun ni òun ń jẹ nítorí pé Ọlọ́run kìí pe ọ̀lẹ sí iṣẹ́ àlùfáà.
    Bakare sọrọ nípa ijọba Muhammadu Buhari pé ó ti gbìyanju, nítorí pé èèyàn ni èèyàn ó máa jẹ́ .
    Ó ní àkókò tó fún Buhari láti lọ , kí ẹlòmíì le tẹ̀síwájú láti ibi tí Buhari bá iṣẹ́ dé.
    Bákan náà ló mẹ́nuba àjọṣepọ̀ òun àti igbákejì Ààrẹ Ọṣinbajo pé, Ẹ̀gbá méjì kò gbọdọ̀ ja ara wọn níyàn,ni ọ̀rọ̀ àwọn.

  • Seyi Makinde, mo gbà fún ọ lórí ẹ̀kọ́ ọ̀fẹ́ tó o ṣe ní ìpínlẹ̀ Oyo—Yemi Ọṣinbajo

    Seyi Makinde, mo gbà fún ọ lórí ẹ̀kọ́ ọ̀fẹ́ tó o ṣe ní ìpínlẹ̀ Oyo—Yemi Ọṣinbajo

    Fẹ́mi Akínṣọlá

    Ṣe wọ́n ní yini yini kí ẹni le sèmí ì ,bẹ́ẹ̀ gẹ́lẹ́ lọ̀rọ̀ rí,nígbà tí
    Igbákejì Ààrẹ ilẹ wa, Ọ̀jọ̀gbọ́n Yemi Osinbajo gbósùba mo gba fun ọ, fún Gómìnà ìpínlẹ̀ Ọyọ, Onímọ̀ ẹrọ Seyi Makinde lórí Ìlànà ẹkọ ọfẹ tó gbé kalẹ̀ nipinlẹ Ọyọ.

    Àtẹ̀jáde kan tí akọwe Gómìnà ìpínlẹ̀ Ọyọ fétò Ìròyìn, Taiwo Adisa fisíta ṣàlàyé pé, igbákejì Ààrẹ gbósùba bẹẹ fún Seyi Makinde lásìkò tí wọ́n jọ péjú síbi ìsìn ayẹyẹ ọgbọn ọdun tí wọ́n dá Ìjọ Bishop Taiwo Adelakun, Victory Church sílẹ̀ nílù ú Ibadan.
    Osinbajo ṣàlàyé pé inu oun dun bí Gómìnà Makinde ṣe tẹwọgba ìpèníjà tó wà nídìí ìpèsè ẹkọ ọfẹ to tun jẹ ojúlówó nipinlẹ Ọyọ.
    Osinbajo fikún ún pé Ìjọba Muhammadu Buhari gan sọ logunjọ osu Kẹfa ọdun 2019 pé ètò ẹ̀kọ́ yóò jẹ́ ọfẹ yika orílẹ̀èdè Nàìjíríà fún ọdún mẹsan àkọ́kọ́ nile ẹkọ alakọbẹrẹ àti girama, t’íjọba àpapọ̀ kò si lee kan nipa fawọn ijọba ipinlẹ láti se bẹẹ.

    Ó wá jẹjẹ pé Ìjọba àpapọ̀ yóò ṣiṣẹ́ pọ̀ pẹ̀lú àwọn ìpínlẹ̀ láti se amusẹ ìpèsè ojúlówó ẹkọ ọfẹ pẹ̀lú afikun pe Ìjọba yoo ran wọn lọwọ ni gbogbo ọna lati ri daju pe afojusun ìpèsè ojúlówó ẹkọ ọfẹ, tó tún jẹ dandan di ohun.
    Nigba to n fesi, gomina Seyi Makinde ni ẹkọ ọfẹ ti di ohun nipinlẹ Ọyọ nítorí Ìlànà ètò ẹ̀kọ́ nikan ni ọ̀nà tó daju láti mu adinku ba ìṣẹ́ àti osi ati Ìlànà ìrónilágbára tó pegedé jùlọ fáwọn ọdọ.

    “Lóòótọ́ ọdún mẹrin kò tó láti gbé wa dé ibi tí a ń lọ à mọ́ ọdún mẹrin tó láti fi ìpìlẹ̀ gidi lélẹ fún ètò ẹ̀kọ́, èyí tí Ìjọba tó ń bo yóò mọ le lórí.”
    “Ọpọ àwọn asaájú wa ló sì ń ròyìn èrè ẹkọ́ ọfẹ Oloye Ọbafẹmi Awolọwọ tí wọ́n jẹ anfaani rẹ̀ bí ó tilẹ jẹ́ pé ọjọ́ pẹ tí Awolọwọ ti papoda. Ṣùgbọ́n ipa ẹkọ ọfẹ ti Awolọwọ fi sílẹ̀ ló jẹ́ òpó t’íjọba mi fẹyinti ní ìpínlẹ̀ pinlẹ Ọyọ.”

    http://iroyinowuro.com.ng/2019/10/21/seyi-makinde-mo-gba-fun-o-lori-eko-ofe-to-o-%e1%b9%a3e-ni-ipinle-oyo-yemi-o%e1%b9%a3inbajo/

  • Àfikún owó oṣù nìkan lẹ̀rọ̀ ìyanṣẹ́lódì- NLC

    Àfikún owó oṣù nìkan lẹ̀rọ̀ ìyanṣẹ́lódì…NLC

    Fẹ́mi Akínṣọlá

    Ẹgbẹ́ òṣìṣẹ́ lorilẹede Nàìjíríà, NLC, ti sọ fún àwọn adari ẹgbẹ́ ọhun láwọn ipinlẹ pé kí wọ́n gbaradi fún ìyanṣẹ́lódì, bẹrẹ láti ọjọru, ọjọ Kẹrindinlogun oṣù Kẹwàá ọdún 2019.
    Ẹgbẹ́ NLC ní òun yóò gunle iyaṣẹlodi náà tí ifọrọwerọ oun pẹlu Ìjọba àpapọ̀ kò bá so eso rere.


    Nínú atẹjade kan tí ẹgbẹ́ náà fi sọwọ sí àwọn ẹka rẹ̀ ní àwọn ipinlẹ, ti akọwe àgbà ẹgbẹ́, Emmanuel Ugboaja fọwọ si, lóti sísọ lójú ọrọ náà.
    Ẹgbẹ́ NLC ní, gẹ́gẹ́ bí ìwé tí òun ti kọ Ṣaájú sí àwọn ọmọ ẹgbẹ́ náà ní Nàìjíríà pe, ti ajọsọ egbẹ naa pẹlu ijọba apapọ lori afikun owo oṣu ko ba so eso rere, oun yoo bẹrẹ iyanṣẹlodi.

    Ṣaájú ni ẹgbẹ awọn oṣiṣẹ ọhun ti beere afikun owo oṣu to jẹ ida mọkanla fun awọn oṣiṣẹ to wa ni ipele keje si mẹrinla, ati afikun owo oṣu ida mẹfa abọ fun awọn oṣiṣẹ ijọba to wa ni ipele karundilogun titi de ipele kẹtadinlogun.


    Ni ọjọ kẹrinla oṣu karun un ọdun 2019 ni ijọba apapọ gbe igbimọ kan dide lati boju wo afikun ti ẹgbẹ oṣiṣẹ n beere fun.
    Lẹ́yìn ọpọlọpọ ìpàdé àti ijiroro, ó jọ pé ẹ́gbẹ òṣìṣẹ́ àti Ìjọba àpapọ̀ kò tiì fẹnu ọrọ náà jona.

    iroyinowuro

  • Àyájọ́ ‘Má wọ kọ́mú’

    Àyájọ́ ‘Má wọ kọ́mú’ ló kò yìí, kín làkíyèsí ẹ̀yin obìnrin lórí àìsàn jẹjẹrẹ ọyàn

    Fẹ́mi Akínṣọlá

    Ọjọ́ Kẹtàlá oṣù Kẹwàá ọdọọdún ni àyájọ́ ọjọ́ ‘Má wọ kọ́mú’ lorilẹede Nàìjíríà eyi tó ń sọ fún àwọn obìnrin láti bá kọ́mú yan odì lọ́jọ́ náà.


    Gẹ́gẹ́ báa ṣe mọ̀ oṣù Kẹwàá yìí kan náà ní àwùjọ àgbáyé yà sọ́tọ̀ fún àyájọ́ gbígbógun ti àìsàn jẹjẹrẹ ọyàn, lọ́wọ́-lọ́wọ́ báyìí, orí ayélujára ti kún fún àwòrán awọ̀n obìnrin tó ń yan kọ́mú lódì lónìí láti dènà àrùn jẹjẹrẹ ọyàn.
    Gẹ́gẹ́ báa se gbọ́, ohun tó fa ìdàsílẹ̀ àyájọ́ ọjọ́ ‘Má wọ kọ́mú ‘ ní Nàìjíríà ni láti pe àkíyèsíi àwọn obìnrin sí àìsàn jẹjẹrẹ ọyàn àti àwọn ọ̀nà tí wọ́n le è gbà dènà rẹ̀.


    Lásìkò àyájọ́ ọjọ́ ‘Má wọ kọ́mú’ yìí si ọpọ obìnrin máa ń fi ọyàn ọn wọn sílẹ̀ bí Ọlọ́run se dáa, láì wọ kọ́mú táa téèbó pè ní “Bra tabi Brassiere” lati kó o sókè, nítorí pé ìwádìí kan ti fìdíi rẹ̀ múlẹ̀ pe àwọ̀jù kọ́mú gan an máa ń fàìsàn jẹjẹrẹ.


    Àmọ́ ọ̀pọ̀ àwọn obìnrin tó ti ní àìsàn jẹjẹrẹ, tí orí ti kó yọ, ni kò le è ṣe láì wọ kọ́mú nítorí wọ́n nílò láti fi kọ́mú gbé fùkẹ̀ fùkẹ̀ sókè, eyi tí wọ́n se rọ́pò ọmú fún wọn lẹ́yìn iṣẹ́ abẹ tí wọ́n fi gé ọyàn wọn kúrò.


    Díẹ̀ pàtàkì àyájọ́ ‘Má wọ kọ́mú’ fáwọn obìnrin Nàìjíríà nìyí:
    Ọjọ́ ‘Má wọ kọ́mú ‘ yìí ló ń sètò ìtanijí fáwọn obìnrin nípa àìsàn jẹjẹrẹ ọyàn, nítorí a gbọ pé kọ́mú àwọjù gan an le fa àìsàn jẹjẹrẹ ọyàn.
    Ọjọ́ yìí ni wọ́n tún fi máa ń sètò ìkówójọ fún iṣẹ́ ìwádì í láti gbógun ti àìsàn jẹjẹrẹ ọyàn

    Bákan náà tún ni ọjọ́ yìí wà láti rán àwọn obìnrin létí pé kí wọ́n lọ se àyẹ̀wò ọyàn wọn aìímọ̀ àìsàn jẹjẹrẹ ti le bá wọn lálejò láìmọ̀
    Ọjọ́ yìí yóò tún jẹ kí àwọn obinrin tí wọ́n bá tètè kẹ́ẹ́fín àìsàn jẹjẹrẹ lara wọn lásìkò àyẹ̀wò le tètè rí ìtọ́jú gbà láti ká ọwọ́jà ọsẹ́ àìsàn náà kò.


    Bẹ́ẹ̀ àwọn ìgbésẹ̀ kan ṣe kókó láti tètè paná àn àisan jẹjẹrẹ ọyàn . Àkọ́kọ́ ni síse àyẹ̀wò ọyàn obìnrin lóòrè kóòrè , paàpá ní ẹ̀ẹ̀kan lósù kan, ìgbà tó sì dára jùlọ láti se àyẹ̀wò ọyàn ni ọjọ́ Kẹwàá lẹ́yìn tí obìnrin bá parí nǹkan oṣù rẹ̀.

    Àsìkò tí a ń se àyẹ̀wò ọyàn lósoosù kò gbọdọ̀ yàtọ, ó sì gbọdọ̀ bára dọ́gba eyi tí yóò se Ìrànlọ́wọ́ láti tètè rí èsì àyẹ̀wò tó dájú.
    Àwọn obìnrin tí kò bá se nǹkan oṣù gbọdọ̀ mú ọjọ́ kan lósoosù tí wọn yóò máa se àyẹ̀wò ọyàn wọn.

    Lásìkò àyẹ̀wò osoosù yìí, onítọ̀ùn yóò mọ bí ọyàn rẹ̀ se tóbi sí, bó se se múlọ́-múlọ́ sí àti bí awọ rẹ̀ se rí, èyi tí yóò jẹ́ kó tètè mọ̀ bí àyípadà kan bá dé sára ọyàn rẹ̀
    Tónítọ̀ùn bá lọ ṣe àyẹ̀wò àgọ́ ara rẹ̀ nílé i ìwòsàn, ó gbọdọ̀ ri daju pe awọn osisẹ eleto ilera se ayẹwo ọyan fun oun lọna to peye, ti ẹnikọọkan si gbọdọ mọ baa ti se ayẹwo ọyan funra ẹni

    Nibayii ti ayajọ ọjọ ‘Ma wọ kọmu’ tun ko báyìí, a n rọ gbogbo obinrin lati se àyẹ̀wò ọyàn wọn nítorí ijafara léwu, àti òkèrè ni oloju jinjin ti n mu ẹkun sun.

    iroyinowuro

  • Ìjọba ṣe tán láti bẹ̀rẹ̀ sí ní gbowó orí lóri ìbáraẹnisọ̀rọ̀

    Ìjọba ṣe tán láti bẹ̀rẹ̀ sí ní gbowó orí lóri ìbáraẹnisọ̀rọ̀

    Fẹ́mi Akínṣọlá

    Bí ó tilẹ̀ jẹ́ pé àbùùbùtán oore lọ̀rọ̀ sísọ jẹ́ ,fáwa ọmọ aádámọ̀,ọ̀làjú àsìkó yìí,ti fẹ́ mú kí nǹkan ó gbọ̀nà ọ̀tun yọ,bí ó ti jẹ́ pé ọ̀gọ̀ọ̀rọ̀ àwọn ọmọ orílẹ̀èdè yìí yóò máa same lórí ìpè e won.
    Álága ilé iṣẹ́ tó ń gbowó orí lórílẹ̀-èdè Nàìjíríà (FIRS), Babatunde Fowler ti ní báyìí o, kò sí nǹkan tó buru nínú kí ìjọba máá gba owó orí fún ìbáraẹnisọ̀rọ̀ lórí ẹ̀rọ.
    Fowler sọ èyí di mímọ lásìkò tó ń bá àwọn akọ̀ròyìn sọ̀rọ̀ níbi ìpàdé àpérò ètò ọ̀rọ̀ ajé Nàìjíríà tó wáye nilu Abuja.
    “Ẹ jẹ́ kí ń sọ báyìí, Ọmọ Nàìjíríà máa ń sọ̀rọ̀ púpọ̀ jùlọ, wọ́n a máa sọ̀rọ̀ ju bo ṣe yẹ ki wọ́n sọ̀rọ̀ lọ, ẹni tó bá sì lágbàra láti sọ̀rọ̀ tó bi wọ́n ṣe ń sọ yìí, tí a bá gbé owo ori lée, kò láìfí”

    “A máa fi ara wa wé àwọn orilẹ̀-ède tó ti tó tán, ṣùgbọ́n ìdá méji nínú ìdá ọgọ́rùn ni Ghana ń gba lówó orí fún ìbáraẹnisọ̀rọ̀, wọ́n sí máa ń lo nǹkan ti wọ́n bá ri níbẹ̀ láti gb bùkáta àwọn fásìtì wọ́n, èyí si lo mú kí àwọn ọmọ Nàìjíríà lọ máa kawe ni Ghana.”

    Fowler tún ṣàlàyé lóri owó ori ti wọn fi le ọjà rírà lori ayélujara pé gbogbo àwọn tí wọn ń lo ayelujara láti ta ọjà wọ́n ni àwọn báńkì yóò máa yọ ìdámarun nínú nǹkan tí wọ́n bá ta, láti fi sọ̀wọ si FIRS.

    Iroyin Owuro

  • Yẹ Kí Nàìjíríà Dín Iye Àwọn Sẹ́nétọ̀ Tó Ń Ṣojú Wọn Kù Tàbi, Ka Kúkú Pa Ipò Náà Rẹ́ – Fayemi

    Ó yẹ kí Nàìjíríà dín iye àwọn Sẹ́nétọ̀ tó ń ṣojú wọn kù tàbi, ka kúkú pa ipò náà rẹ́ …..Gomina ìpínlẹ̀ Ekiti

    Fẹ́mi Akínṣọlá

    Ó ní àwọn sẹ́nétọ̀ tí ń náwó tó pọ̀jù léyìí tí Ìjọba yí le fi owó náà ṣe nǹkan mìíràn fáwọn ará ìlú.
    Ó gba Ìjọba nímọ̀ran láti ṣàmúlò àbọ ìwádìí àwọn ìgbìmọ̀ Orosaye Stephen.
    Àbọ ìwádìí Orosaye ni pé kí wọ́n da àwọn iléeṣẹ́ Ìjọba àpapọ̀ tí iṣẹ́ wọ́n jọra pọ̀ di ọ̀kan ṣoṣo kí wọ́n le gbòòrò síi
    Fayẹmi gba u ìmọ̀ran yìí lásìkò tí ó ń sọ̀rọ̀ níbi àpérò lórí ètò ọrọ ajé Nàìjíríà ẹlẹẹkẹdọgbọn irúu rẹ̀ tí àkòrí rẹ̀ jẹ́: Nàìjíríà ni 2050: kín ló kù ní ṣíṣẹ yàtọ̀?

    Ṣaájú ni gómìnà ìpínlẹ̀ Imo tẹ́lẹ̀, Rochas Okorocha tí kọ́kọ́ ní kí wọ́n dín o òdiwọ̀n iye àwọn aṣojúṣòfin kù nílé Ìjọba ní Abuja.
    Rochas ní sẹ́nétọ̀ tó ń ṣojú ìwọ̀ oórùn ìpínlẹ̀ Imo báyìí nílé ìgbìmọ̀ ìjókòó kẹsan an.
    Ó ní iye owó tí sẹ́nétọ̀ kọ̀ọ̀kan ń ná tí pọ̀jù lọ́júu t’òun àti pé ó yẹ k’íjọba dín wọn kù sí ẹyọ kan láti ìpínlẹ̀ kọ̀ọ̀kan dípò o mẹ́ta yìí.
    Lọ́wọ́lọ́wọ́ ni Nàìjíríà, àwọn aṣojú jẹ́ mọkandinlaadọfa nílé ìgbìmọ aṣòfin àgbà nílùú Abuja láti ipinlẹ mẹrindinlogoji àti Olúùlú FCT.
    Nígbà tí àwọn aṣojúṣòfin jẹ́ ọtalelọọdunrun nílé ìgbìmọ aṣojúṣòfin kékeré ní Abuja.
    Nínú àbá eto ìṣúná tuntun tọdún 2020 ti Ìjọba àpapọ̀ gbé wá síwájú ilé láìpẹ́ yìí ló ṣafihan pé biliọnu mẹẹdọgbọn le ní ọgọrun un ni àwọn aṣojú wọ̀nyí yóò ná tán. Okorocha
    Gomina Fayemi ni oun ko ro pe ọrọ Nàìjíríà nilo aduro ero yii lati maa na owo ti wọn n na tan loṣooṣu ki a to lè yanju iṣorọ Naijiria.
    O ni awọn aṣojúṣòfin la nilo lati ṣe agbẹkalẹ awọn ofin to yẹ ni Nàìjíríà kìí ṣe àwọn sẹ́nétọ̀ rara.

    Fayẹmi fi ìpínlẹ̀ Ekiti rẹ̀ ṣe àpẹrẹ pé kínni sẹ́nétọ̀ mẹta ń ṣe láti Ekiti kékeré yẹn kí á tó sọ àwọn ìpínlẹ̀ tí kò tún tóbi tó Ekiti.

    http://iroyinowuro.com.ng/2019/10/14/ye-ki-naijiria-din-iye-awon-seneto-to-n-%e1%b9%a3oju-won-ku-tabi-ka-kuku-pa-ipo-naa-re-fayemi/

  • Igbákejì gómìnà Ọyọ ní Ladọja ṣe bẹbẹ lẹ́ka ètò ẹkọ́

    Igbákejì gómìnà Ọyọ ní Ladọja ṣe bẹbẹ lẹ́ka ètò ẹkọ́

    Fẹ́mi Akínṣọlá

    Ṣé ìgbésẹ̀ òhun ìhùwàsí oníkálùkù láàyè, ìtàn ló ń kọ lóké eèpẹ̀.
    Tẹbi tara tọ̀rẹ̀ àti àwọn èèkan nísẹ́ Ìjọba ló péjú láti ṣé ajọyọ̀ ayẹyẹ ọjọ́ọ̀bí ọdún karundinlọgọrin gomina tẹlẹri nipinlẹ Ọyọ, Oloye Rashidi Adewọlu Ladọja.
    Ayẹyẹ náà ti o waye ni gbọngan nla igbalejo ile itura ‘Premier Hotel’ ilu Ibadan l’ọ́jọ́ Ajé, jẹ ọ̀kan lara àkànṣe ètò tó waye níbi ifilọlẹ iwe ètò ẹ̀kọ́ nípa ìtàn àti ipò adarí tí aya gomina tẹ́lẹ̀rí náà, Arabinrin Bukọla Ladọja kọ fún àwọn ilé ẹ̀kọ́ tó ń bẹ lorilẹede yìí.
    Igbakeji gomina ipinlẹ Ọyọ Onimọẹrọ Rauf Ọlaniyan, ti o ṣojú u Ìjọba ipinlẹ Ọyọ níbi ipejọpọ náà, gbósùba káre fún Olóyè Rashidi Ladọja fún iṣẹ́ takuntakun tí ó ṣe fún idagbasoke ipinlẹ Ọyọ, lásìkò iṣejọba rẹ gẹ́gẹ́ bí i gomina, paapaa jùlọ lẹka ètò ẹ̀kọ́ .
    Ọlaniyan tẹsiwaju wí pé, ibi tí ọrọ ètò ẹ̀kọ́ ti wọ́ ní ẹkùn iwọ-oorun ni Ladọja mójútó lásìkò ìṣèjọba rẹ̀, kí ó tó di pé àwọn tí ó gba Ìjọba lọ́wọ́ rẹ̀ da ètò náà rú.
    Ó fi kún ọrọ rẹ pé, Ìjọba ìpínlẹ̀ Ọyọ ń tọrọ ẹ̀mi gígùn àti àlàáfíà fún baba ọlọ́jọ́ ìbí, Kọmísánà fún ètò ẹ̀kọ́ àti ìmọ ìjìnlẹ̀ nipinlẹ Ọyọ,
    Ọjọgbọn Kehinde Sangodoyin,nínú ọrọ rẹ̀, sapejuwe Olóyè Ladọja gẹ́gẹ́ bíi bàbá gidi. Ó ní láti ìgbà tí gomina tẹ́lẹ̀rí náà ti ń díje du ipò ni òun tí mọ ọ

    Ó tẹ̀síwájú wí pé Ladọja jẹ ẹni tí ó máa ń fẹ́ kí nǹkan rere ti akata rẹ̀ jade wá, bẹẹ sì ni ó máa ń fẹ́ kí gbogbo èèyàn ṣe dáa dáa, bakan náà ló ní ó jẹ ẹnikan tí kìí bẹru, eyi si jẹ nǹkan pàtàkì tó yẹ kí gbogbo èèyàn ṣe awokọṣe rẹ̀.
    Nínú ọrọ ti ẹ̀. arabinrin Bukọla Ladọja ṣàlàyé pé ipa ribiribi tí Olóyè Ladọja kó fún ìdàgbàsókè ètò ẹ̀kọ́ lásìkò iṣejọba rẹ̀, ló mú kí wọ́n ṣe ayẹyẹ ọjọ́ọ̀bí náà mọ ifilọlẹ ìwé tuntun tí aya gomina tẹ́lẹ̀rí náà kọ.
    Arabinrin Bukọla wá parọwa si Oloye Ladọja láti tẹsiwaju nínú iṣẹ́ rere, paàpá julọ lẹka ètò ẹ̀kọ́.

    Nínú ọrọ idupẹ rẹ, Oloye Rashidi Ladọja dupẹ lọwọ gbogbo àwọn arirebaniṣe pẹ̀lú adura pé ohun rere ko ni tan lọdẹdẹ ẹnikẹni.
    Ladọja sàlàyé pé, lara àwọn ìredi ti idagbasoke ètò ẹkọ fi jẹ oun logun ni wi pe òun gan ti jẹ anfani eto ẹkọ ọfẹ sẹyin, bẹẹ si ni òun mọ òhun tí ó tumọ si fun akẹkọọ láti joko sile nitori aisan owo ile ẹkọ
    Gomina tẹ́lẹ̀rí náà fi kun ọrọ rẹ̀ pé, lára ohun tí ó yẹ kí Ìjọba tó ń bẹ lóde tẹsiwaju láti máa ṣe, ni itọju àwọn olùkọ́ nipasẹ sisan owó oṣu wọn lásìkò.

    Ó ní òun kò ni dẹkun láti máa kopa nínú idagbasoke ètò ẹ̀kọ́ láwùjọ, bó ti wu kí ara di ara àgbà tó .


    Ọ̀kan ò jọkan orin ni wọ́n fi dá àwọn àlejò lára yá níbi ayẹyẹ náà.
    Lára àwọn èèyàn tí ó tún wà nikalẹ ni Ọjọgbọn Bọlanle Awe, adarí àwọn òṣìṣẹ́ gomina ipinlẹ Ọyọ, Oloye Bisi Ilaka, akọwe ijọba ipinlẹ Ọyọ, Arabinrin Olubamiwo Adeoṣun, àwọn lẹgbẹlẹgbẹ loyeloye àti bẹ́ẹ bẹẹ lọ.

    http://iroyinowuro.com.ng/2019/10/14/igbakeji-gomina-oyo-ni-ladoja-%e1%b9%a3e-bebe-leka-eto-eko/

  • O̩kùnrin àkó̩kó̩ lórí Te̩lifísò̩n l’Áfíríkà filè̩ bora

    Bí Kunle Ọlasọpe, ìlúmọ̀ọ́ká agbóhùnsáfẹ́fẹ́ ṣe lo ìgbésí ayé rẹ̀ rèé o.

    Fẹ́mi Akínṣọlá

    Àwọn àgbà bọ wọ́n níjọ́ a kú,làá dère,èèyàn ò sunwọ̀n láàyè. ọrun dẹ̀dẹ̀ má kánjú gbogbo wa la ń bọ̀.
    Olóògbé Kunle Ọlasọpe, tíí ṣe ọkunrin akọkọ to fi oju han lori i amóhùnmáwòrán ti waye, o si ti lọ, a mọ iṣẹ́ ẹ rẹ̀ ń tọ́ọ̀ lẹ́yìn.
    Ọjọ Aiku, ọjọ Kẹfa, Osu Kẹwaa, ọdun 2019 ni gbajúgbajà agbóhùnsáfẹ́fẹ́ naa, Kunle Ọlasọpe sílẹ̀ bora lẹni ọgọrin ọdun.
    Ó ní ifẹ si isẹ iroyin lo jẹ ko lọ si ileesẹ agbóhùnsáfẹ́fẹ́ BBC lati lọ gba imọ kun imọ nipa isẹ ìgbóhùnsáfẹ́fẹ́ lọdun 1962.

    Gẹ́gẹ́ bi itan igbe aye rẹ ti sọ fun wa lori ayelujara, baba to bi baba Olasope ni iyawo mẹwa, ti iya tirẹ si jẹ iyawo keji, ti oun naa si jẹ ọmọ kẹfa ninu ọmọ mẹrindinlọgbọn.

    Ọmọ bibi ilu Ẹfọ̀n Alààyè ní ipinlẹ Ekiti ni Kunle Ọlasọpe, ti orukọ baba rẹ si n jẹ Julius Ọlasọpe.
    Ilu Ibadan, ni ipinlẹ Ọyọ ni wọn bi Olasope si ni Ọjọ Kẹjọ, Osu Karun un, ọdun 1937 ladugbo Oke Padi
    Ọlasọpe lọ si ile iwe alakọbẹrẹ Agbeni Methodist ni ilu Ibadan, ti o si wọle si ile iwe girama Igbobi, ni Yaba ni ilu Eko lọdun 1951


    Bakan náà lo jẹ́ olori awọn akẹkọọ nile ẹkọ girama náà, kó tó kẹkọ ọ jade
    fun eto ẹkọ fasiti, Ọlasọpe lọ si ibudo ẹkọ irọlẹ tíí se ẹka ileẹkọ fasiti Ile Ife tó kalẹ silu Ibadan


    Nigba ti ẹrọ amóhùnmáwòrán de si Naijiria lọdun 1959, Kunle Olasope pẹlu Anike Agbaje-Williams ati John Edyang ni wọn bẹrẹ ikede ni ile isẹ móhùnmáwòrán WNTV, tíí se akọkọ nilẹ Afirika.
    Gẹ́gẹ́ bi ẹni akọkọ to ka Iwe lroyin lori ẹrọ amóhùnmáwòrán , Ọlasọpe kopa nínú bi ile isẹ iroyin náà ṣe gbe afihan asa ilẹ wa, taa mọ si FESTAC 77 si ori afẹfẹ jakejado Naijiria.


    Kunle Olasope gba ọpọ ami ẹyẹ.Diẹ lara rẹ ni ami ẹyẹ Naijiria (MON) lọdun 2000, t’íjọba ipinlẹ Ekiti náà si fi ami ẹyẹ daa lọla lọdun 2004
    Olasọpe, nigba aye rẹ ma n parọwa si àwọn ọdọ láti jara mọ iṣẹ́ ti wọ n n se, ki wọn si yago fun wiwa owo ojiji.


    Nigba to jẹ pe ile ni abọ sinmi oko, Kunle Ọlasọpe kó lọ silu Ẹfọn Alààyè lẹyin tó fẹyinti lẹ́nu isẹ, to si ń kopa lọkan o jọkan si idagbasoke ilu náà
    Ọlasọpe ni iyawo, to si bi ọpọ ọmọ ki iku to paju ẹ de lẹni ọdun mejilelọgọrin loke eèpè.
    Ǹ jẹ́ kí Èdùmàrè ó dẹlẹ̀ féèyàn rere.

    Iroyin Owuro

  • Èèyàn tó pọ̀ ní Nàìjíríà kìí ṣe dúkìá, gbèsè ni – Sanusi

    Èèyàn tó pọ̀ ní Nàìjíríà kìí ṣe dúkìá, gbèsè ni…Sanusi

    Fẹ́mi Akínṣọlá

    Emir ilu Kano, Mohammadu Lamido Sanusi (II) sọ oko ọrọ kan niluu Abuja lọjọ Aje nibi to ti sọ pe gbese ni iye eeyan to wa lorilẹ-ede Nàìjíríà bayii jẹ.
    O ni nitori pe Naijiria ni ero to pọ ti awọn eniyan pọ pupọ ko sọ pe o ja si èrè fun wa.
    Sanusi sọrọ yii nibi apero lori ọrọ aje ẹlẹẹkẹẹdọgbọn iru rẹ to n lọ lọwọ niluu Abuja.
    Gomina ipinlẹ Ekiti, Ọmọwe Kayode Fayemi ati oludasilẹ ṣọọṣi Kukah Centre, Bisọbu Matthew Kukah naa wa lara awọn to peju sibi apero ọhun.
    Emir Kano ṣalaye pe lootọ ni pe Nàìjíríà le ṣe ohun to pọ nitori iye eeyan to wa nibẹ ṣugbọn ko ri bẹẹ lasiko yii, pipọ t’eeyan pọ ni Nàìjíríà ko tii maa mu anfaani kankan ba orilẹ-ede naa bayii.
    Sanusi ni ko tii si eto ti yoo jẹ káwọn ẹgbẹlẹgbẹ ọdọ wulo fún orilẹ-ede Naijiria lọjọ iwaju.
    Sanusi sọrọ yii nibi apero lori ọrọ aje ẹlẹẹkẹẹdọgbọn iru rẹ to n lọ lọwọ niluu Abuja.
    Emir Sanusi ni iṣẹlẹ ijinigbe, idigunjale, igbesunmọmi, ikọlu laarin agbẹ ati darandaran n waye nitori bi awọn eeyan naa ṣe n pọ si ni Nàìjíríà

    .

    Ó fikun ọrọ rẹ pe, bi èèyàn ṣe pọ to ni Nàìjíríà ko tii ṣe orilẹ-ede náà loore gẹ́gẹ́ bi ọpọ ṣe ro.
    Sanusi ni Nàìjíríà ko tii dagba gẹ́gẹ́ bi orilẹ-ede de ibi ti àwọn èèyàn to wa nibẹ yoo jẹ́ dukiẹ fun un.
    Sanusi gbamọran pe ki awọn eniyan Nàìjíríà naa maa ṣamulo ọpọlọ wọn si iwa daadaa ati aṣeyọri ninu imọ bii sayẹnsi lasiko yii.
    Nibayii, awọn eeyan to wa ni Nàìjíríà din mẹwaa ni igba miliọnu .

    http://iroyinowuro.com.ng/2019/10/08/eeyan-to-po-ni-naijiria-kii-%e1%b9%a3e-dukia-gbese-ni-sanusi/

  • Adelabu tún gbé Ṣeyi Makinde lọ sí ilé ẹjọ́ kòtẹ́milọ́rùn

    Adelabu tún gbé Ṣeyi Makinde lọ sí ilé ẹjọ́ kòtẹ́milọ́rùn

    Fẹ́mi Akínṣọlá

    Àwọn àgbà ní bí o bá nídíì,arúgbó ò gbọdọ̀ sunkún ọmú.
    Bayo Adelabu ti ẹgbẹ́ òsèlú APC ní òun kò faramọ́ ìdájọ́ Àjọ Elétò Ìdìbò tó ní Ṣeyi Makinde ló wọlé nínú ìdibò tó kọjá.


    Oloye Adebayo Adelabu ti ẹgbẹ́ oselu APC ti ni, òun kò faramọ idajọ ajọ eleto idibo to da igbẹjọ oun nù lórí idibo to gbe Ṣeyi Makinde wọle gẹ́gẹ́ bi gomina nipinlẹ Ọyọ. Lẹ́yìn ọjọ mọkanlelogun ti idajọ naa waye ni ilu Ibadan, ni Adelabu gbe ẹjọ lọ ile ẹjọ kotẹmilọrun.


    Adelabu ati ẹgbẹ oselu APC sọ wi pe, magomago waye ninu idibo Ọjọ Kẹsan, Osu Kẹta, ọdun 2019, eleyii to gbe Ṣeyi Makinde wọle gẹgẹ bi gomina.
    Adelabu wa n beere lọwọ ile ẹjọ kotẹmilọrun lati sọ wi pe oun lo ni ibo to pọju lọ ninu idibo sipo gomina ni ipinlẹ Ọyọ abi ki wọn tun ibo naa di.
    Tí a ko ba gbagbe, Alaga igbẹjọ naa, Justice Muhammed Sirajo salaye pe awọn da ẹjọ ti APC pe mọ Ṣeyi Makinde nu nitori gbogbo àwọn ẹlẹri ti Adelabu pèé kò ní ẹri tó daju, amọ ti wọ́n ń sọ ahesọ lásán.

    Iroyinowuro