Àṣà Oòduà

Tag: Sport gist

  • Manchester United Ti Se Tán Láti Ra Odion Ighalo Pátápátá

    Manchester united ti se tán láti ra Odion Ighalo pátápátá

    Lati owo Akinwale Taophic

    Se won ni ti egungun eni ba jo re, ori a ma ya atokun re. Ati wi pe, Ku ise ni n mu ori eni ya! Gudugudu meje ati yaaya mefa ti atamatase fun orileede wa Nigeria ni igba kan ri, eni ti o darapo mo iko Manchester United ninu osu kini odun ti a wa yi pelu adehun alayalo lati inu iko egbe agbaboolu Shanghai Greenland Shenhua, Odion Jude Ighalo, n se lowoyi ninu iko naa ko ni afiwe rara, boya idi re niyen, ti awon alokoso iko naa labe oludari won keji, Ed Woodward, se fi ife han lati gbe patapata pelu owo ti o to milionu meedogun poun (£15 million) owo ile okere.

    Gege bi oro olukoni fun iko naa, Ole Gunnar Solskjear, o je ki o di mimo wi pe inu oun dun si gbogbo isowo gba boolu Odion Ighalo, ati wi pe ohun ti o da oun loju ni wi pe ti awon ba fun ni aye, yio tun se ju bee lo.

    Se laipe yi ni Manchester United fi iroyin sita wi pe awon ni ife lati gbe atamatase omo orileede wa Nigeria miran ti o n gba boolu ninu iko Lille ni orileede France, Victor Oshimen, sugbon ti awon alokoso iko naa taku jale wi pe aadorin millionu poun owo ile okere (£70 million) ni awon yio gba lori omo naa.

    Lati igba ti Oshimen ti darapo mo iko egbe agbaboolu Lille, koteti rara, o ti gba ifigagbaga ti o to mejidinlogoji (38 appearances) fun won, o si ti gba ami ayo mejidinlogun (18goals) wole pelu iranlowo (6 assist) mefa. Metala ninu awon ami ayo re ni o gba wole ninu ifigagbaga metadinlogbon ninu liigi akoko orileede France.

  • Ikú agbábó̩ò̩lù: LMC fa ìbínú yo̩

    Ikú agbábó̩ò̩lù: LMC fa ìbínú yo̩
    – Iroyin lati Owo Akinwale Taophic.

    Latari iku odo agbaboolu, Chineme Martin’s, eni ti o pade iku ojiji ni abala akoko ifigagbaga ose ketalelogun liigi orileede wa Nigeria, NPFL, ti o waye laarin Nasarawa United ati Kastina United ni Papa isere Lafia, ile ise ti o n se kokaari liigi ni orileede wa Nigeria, LMC, ti gbe igi da arakunrin ti o se amojuto ifigagbaga ti isele buruku naa ti sele leyin, ogbeni Christian Mba, wi pe ki o lo rokun nile fun igba kan nan.

    NInu oro ti agbenuso fun LMC fi sita, won je ki o di mimo wi pe aikoju osunwon to ogbeni Mba pelu ki eniyan ma kaju ise ti won gbe le lowo ati fifi ise jafara re ni o fa iku agbaboolu naa, idi re si niyi ti won fi ni ki o lo jokoo sile baba re titi di asiko ti awon yoo pari gbogbo iwadii won.

    Won tun kowe si ajo ti o n se kokaari ere idaraya boolu alafesegba ni orileede wa Nigeria, NFF, lati yo owo Mba, eni ti o je okan lara ajo to o n se kokaari boolu alafesegba ni ipinle Enugu, kuro patapata ninu ere idaraya boolu alafesegba ki egungun o si ma se mo rara lawujo boolu alafesegba nitori wi pe o je ki ifigagbaga naa o tesiwaju leyin igba ti o ti ri wi pe gbogbo ohun eto ilera ati abo ti o peye ko si ni papa isere naa. Eyi ti o tun fi ba oro naa je ni wi pe ko fun ajo LMC ni abo esi ifigagbaga naa rara laarin gbedeke akoko ti ofin lakale lati jabo eyikeyi ifigagbaga. Won tun gba ajo NFF ni amoran wi pe ki won o din iye awon alamojuto ifigagbaga liigi ku lati yo owo awon ti musemuse won koda musemuse kuro lawo.

    Ajo LMC tun pase wi pe ki egbe agbaboolu Nasarawa United o lo san owo ti o to milionu mefa naira (N6m) laarin ojo ise mewaa pere gege bi owo itanran ati ifanileti wi pe won ko gbodo je ki iru e tun somo lowo won mo, ati wi pe ti iru e ba tun sele ni odo won laarin akoko yi si opin liigi 2020/2021, won yoo fi imu kata ofin ti o gaju ti won yoo si tun yo ami mefa sangiliti kuro ninu ami won. Bee ni ajo naa tun pase wi pe ifigagbaga liigi kankan ko gbodo waye ni Papa isere Lafia mo titi di igba ti won yoo se gbogbo ohun ti o ye ki won o se si papa isere naa fun eto ile ilera ati abo emi fun gbogbo awon ti won ba wa si papa isere naa gege bi ofin ati Ilana NPFL se la kale.

    Iwadii ati alaye lati enu awon ti isele naa soju won fi han wi pe agbaboolu naa ko ba ti ma gbemi mi ni ojo naa, ti o ba je wi pe eto ilera ti o peye wa ni papa isere ni ojo buruku esu-gbomi-mu naa ni, nitori wi pe ni kete ti o daku ni awon eniyan ti sare sii lati du emi re sugbon ko si eroja iwosan ti o peye ni papa isere naa rara ati wi pe oko pajawiri (Ambulance) ti o ye ki won o fi gbe lo so ile iwosan fun itoju kiakia ko, ko sise, koda awon eniyan gbiyanju lati fi owo ti oko naa sise, sugbon gbogbo igbiyanju won pabo lo ja si. Won gbe agbaboolu naa de ile iwosan pelu oko okan lara awon ti won tele Gomina ipinle Nasarawa, Abdullahi Sule, wa si papa isere lati wa wo ifigagbaga naa sugbon nigbeyin-gbeyin, epa ko boro mo ! nnkan pada polukumusu ti agbaboolu naa si je Olorun nipe.

    Ami ayo meta si odo (3-0) ni ifigagbaga naa pari si ninu eyi ti egbe agbaboolu ti o gbalejo ti bori

  • Sofia Kenin gba ife è̩ye̩ ìdíje Australia open 2030

    Omo orileede American, Sofia Kenin, ti fi ebun re han si gbogbo agbaye pelu bi o se bori ifigagbaga asekagba laarin oun ati omo orileede Spain, Garbine Muguruza pelu ami ayo 4-6 6-2 6-2 ni Melbourne lati gba ife eye idije naa ti abala awon obinrin.

    Eyi ni igba akoko ti Garbine, odun mokanlelogun, yio gba ife eye naa leyin igba mejila otooto ti o ti n kopa sugbon Muguruza ti gba ife eye naa ni igba meji otooto.

    Kenin ni agba eyin orile obinrin ti okere julo lati gba ife eye Australia Open leyin ti omo orileede Russia, Maria Sharapova ti gba ni odun 2008.

    Se Yoruba ni won so wipe inu eni o ki fun ki a pa mora ! Kenin, eni ti o je wi pe baba re ni olukoni re, le opa igba eyin orile re mole ti o si fo mo baba lorun lati fi idun re han si aseyori alailegbe naa.

  • “Idagbasoke awon akonimoogba gbodo je koko fun NFF” – Amodu

    Shuaibu Amodu, okan lara awon igbimo oludari ajo NFF ti so wi pe ona kan pataki lati se igbelaruge fun ere boolu alafesegba abele ni nipa sise eto idagbasoke fun awon akonimoogba ere boolu ile Naijiria. Oro yii ni Amodu, eni odun metadinlogota (57) se niluu Minna nigba ti won pate idanileko ita gban-angba fun awon akonimoogba ere boolu ile Naijiria.

    “A le yanju isoro ti n koju ikoni awon ojewewe agbaboolu ile wa ti won gba boolu labele nipa sise agbekale awon eto to giriki fun idagbasoke awon akonimoogba wa gbogbo,” Amodu fikun alaye re bee.

    Amodu, eni to ti fi igba kan je akonimoogba egbe agbaboolu Orlando Pirates ti ilu South Africa tun so wi pe, aseyori Golden Eaglets ninu idije 2015 FIFA U-17 World Cup ko fi bee wu oun lori nitori wi pe pupo awon omo naa ni ko gba abe itoju boolu abele ile wa koja. O si tun so wi pe ona kan pataki lati da ogo boolu ile Naijiria pada ni pipada si ese aaro fun atunse to munadoko.

  • “E ma fi mi we Messi mo”- C. Ronaldo

    Ogbontarigi agbaboolu Real Madrid, Christiano Ronaldo ti ro awon ololufe ere boolu agbaye lati dekun ati maa fi we akegbe re lati inu egbe agbaboolu Barcelona, Lionel Messi.Bi o tile je wi pe gbogbo awon ololufe ere boolu ki i ye gbe awon akoni ori odan meji naa yewo sira won, sugbon lenu ojo meta yii ni awuyewuye naa tun ru jade bi omi seleru eleyii to gba gbogbo iroyin agbaye kankan.
    “Oun ni sitayi tie, emi naa ni sitayi temi. Bi awon eniyan se n fi wa wera wa ko je tuntun si mi mo.Sugbon lopo igba mi-in awon iroyin naa maa n ta mi leti nitori ohun kan naa ni awon eniyan n ran monu ni gbogbo igba”– C. Ronaldo
    Olayemioniroyin.com

  • O se o Eledua ! Alaafia ti n pada sara Oliseh

    Akonimoogba egbe agbaboolu Super Eagles, Sunday Oliseh, si wa ni ile iwosan niluu Belgium nibi to ti n gba itoju lowo.
    Iroyin tuntun to te Olayemi Oniroyin lowo lati enu awon dokita isegun oyinbo ti n toju re fi ye wa wi pe alaafia ti n pada si ara Oliseh, eni to je okan lara egbe agbaboolu Julius Berger tilu Eko lodun 1990.

    Ti e ko ba gbagbe, ojo kejilelogun osu kewaa odun yii (22/10/15) ni won gbe Oliseh digbadigba wo ilu Belgium nigba ti ipo ilera re bere si ni yoro koja bo ti ye.