Àṣà Oòduà

Tag: asa Orisa

  • Òyèkú bìwòrì

    Òyèkú bìwòrì

    Òyèkú bìwòrì,
    Gbóró,gbóró,gìdì ? òyèkú b’ìwòrì?
    Ajan gbóró gìdì
    Adífáfún lájosìn
    Omo ab’oya ríre
    Èyí tio bo òrìsà obìnrin là
    Èròpo àti tòfà
    B’ifá bá..bíni níbè
    Oya ni ko maa bo

    ~Translation ~

    Òyèkú bìwòrì
    Gbóró gbóró gìdì
    Ajan gbóró gìdì
    Cast ifá for lájosìn
    The one that worship oya with blessings
    The one that is destined to worship oya to be successful
    People going to ipo, People going to offa
    Whenever someone is born with this odù ifá
    Must worship òrìsà oya and take her as his or her priority
    For him or her to be successful in life.

    Àse òrìsà?

  • Nnkan méje ti yóò yipada àti meje ti kò ni yi pada lẹ́yìn ti ilẹ Gẹ̀ẹ́si ti kuro labẹ EU

    Ǹkan méje ti yóò yipada àti meje ti kò ni yi pada lẹ́yìn ti ilẹ Gẹ̀ẹ́si ti kuro labẹ EU

    Fẹ́mi Akínṣọlá

    Lẹ́yin ọdún mẹ́ta lílọ bibọ̀ lórí ọ̀rọ̀ Brexit, ilẹ̀ Gẹ̀ẹ́ṣì padà kúrò lábẹ́ EU ní aago mọ́kànlá alẹ́ ọjọ́ Jimọ ọjọ́ kọkànlélọ́gbọ̀n Oṣù kínní ọdún 2020.

    Láàrin yìí ilẹ̀ Gẹ̀ẹ́ṣì yóò sì máa tèlé àwọn òfin EU bákan náà ni wọ́n á máa san owó tí ó yẹ. Àwọn ǹkan yóò jọra wọ́n sùgbọ́n àwọn míràn yóò máa yí padà.

    1.Gbogbo àwọn asojú ìgbìmọ̀ aṣòfin ilẹ̀ Gẹ̀ẹ́ṣì yóò pàdánù ààyè wọn ní EU

    Adarí ẹgbẹ́ Brexit, Nigel Farage jẹ́ ọ̀kan lára àwọn agbétẹrù tó ní pé kí Uk fi EU sílẹ̀ náà sì jẹ́ ọ̀kan nínú àwọn asojú mẹ́taleláàdọrin tí yóò pàdánù ààye wọn ní ilé Aṣòfin Yuropu.

    Èyí túmọ̀ sí pé lọ́wọ́lọ́wọ́ ilẹ̀ Gẹ̀ẹ́ṣì yóò fi gbogbo ètò òṣèlú àti àwọn àjọ tó jẹ́ ti EU sílẹ̀

    2.Kò sí àpérò European Union mọ́

    Asojú Ìjọba Ilẹ Gẹ̀ẹ́ṣì Boris Johnson yóó ní láti gba ìwé ìpe kó tó yọjú síbi àpérò EU lọ́jọ́ iwájú.

    Bákan náà àwọn mínísítà ilẹ̀ Gẹ̀ẹ́ṣì kò ní le péjú síbi àpérò tó ní ṣe pẹ̀lú ètò kankan.

    3. A ó máa gbọ́ nǹkan tí ó pọ̀ nípa òwò

    Ilẹ̀ Gẹ̀ẹ́ṣì yóó le má a bá àwọn orílẹ̀èdè míràn lágbàáyé sọ̀rọ̀ nípa Ìlànà tuntun lórí káràkátà.

    Ṣaájú àsìkò yìí UK kò ní àǹfànì láti se àdéhùn Ìdókoòwò pẹ̀lú orílẹ̀-èdè míràn bí i US àti Australia ṣe ń se, lásìkò tí wọ́n wà lábẹ́ EU.

    Èyí sì jẹ́ ọ̀kan nínú ìdí tí wọ́n fi kúrò ní EU , nítorí wọ́n fẹ́ ní oore-ọ̀fẹ́ láti ṣe nǹkan wọn fúnrawọn.

    Tí wọ́n bá tí ẹ̀ lu àlùyọ láti dóko-òwò pẹ̀lú orílẹ̀-èdè kan, wọ́n kò ní le se títí tí àsìkò tí won yóó fi kúrò ní EU pátápáta

    4. Ìwé ìrìna UK yóó pààrọ̀ àwọ̀

    Ìwé ìrìnà àlàwọ̀ omi aró yóò padà wá lẹ́yìn ọgbọ̀n ọdún tí wọ́n ti yíi padà sí àwọ̀ tí wọ́n n lò lọ́wọ́ báyìí.

    Ìpolongo yìí wáye lọ́dun 2017 láti padà sí aláwọ̀ búlúù tí wọ́n ó lò ní ọdún 2021.

    5. Owó Brexit
    Ó tó mílíọ̀nù mẹ́ta owó brexit tí wọ́n kọ déètì ọjọ́ kọkànlélọ́gbọ̀n oṣù kínní lé lórí tí wọ́n sì kọ àkọlé “Peace, prosperity and friendship with all nations”, yóó bẹ̀rẹ̀ sí ní di níná ní ọjọ́ Jimọ.

    Ọ̀pọ̀ ló ti tako owó náà tí wọ́n sì láwọn kò fọwọ́ sí i.

    Ẹ̀wẹ̀, àwọn owó ẹyọ náà ni wọ́n ti dá padà, tí wọ́n sì ti fi ṣe nǹkan míràn lẹ́yìn tí àsìkò tí wọ́n dá ti kọjá

    6. Ẹ̀ka Brexit ti parí ojúse wọn, abala náà yóó kógbá sílé

    Àwọn ìgbìmọ̀ tó ń mójútó bí ilẹ̀ Gẹ̀ẹ́ṣì sẹ lo sí Brexit ti di títúká báyìí.

    Ẹ̀ka tó mójútó kíkúrò ní EU tí asojú Ìjọba tẹ́lẹ̀ Theresa May dá sílẹ̀ lọ́dún 2016 náà yóó kúrò nípò

    Tí àpérò kankan bá jẹyọ lọ́jọ́ iwájú, àwon alágbàwí UK yóó ma fi Downing Street ṣe olú ilé iṣẹ́ wọn.

    7. Orilẹ̀-èdè Germany kò ní fi àwọn ọ̀daràn ránṣẹ́ sí UK

    kò ní ṣeéṣe fún àwọn ọdanran kan láti padà sí UK tí wọ́n bá ti fi ìgbà kan ṣá lọ sí Germany tẹ́lẹ̀.

    Orílẹ̀ -èdè Germany kìí gbà kí wọ́n mú ọmọ ìlú rẹ̀ lọ sí orilẹ̀-èdè tó bá yàtọ̀ sí èyí tó wà lábẹ EU.

    Kò tí dáju bóyá irú rẹ̀ náà le ṣẹlẹ̀ sí àwọn ọmọ orílẹ̀-èdè míràn bíi Slovania.

    Nítorí pé ìsípò padà ilẹ̀ Gẹ̀ẹ́ṣì bẹ̀rẹ̀ lóní wàràǹsesà, àwọn nǹkan mìíràn kò ní yí padà, ó kéré tán títí di inú oṣù kejìlá ọdún 2020.

    1. Ìrìn Àjò
    Ọkọ̀ òfurufú àti reluwé yóò ma ṣe iṣẹ́ bí ó ṣe ń ṣe é tẹ́lẹ̀.

    Lásìkò ìsípò padà , àwọn ilẹ̀ Gẹ̀ẹ́ṣì yóó sì má tò sí ibi tí wọ́n pèsè fún àwọn ọmọ EU nìkan

    2. Ìwé ìwakọ̀, ìwé níní ǹkan ọ̀sìn

    Níwọ̀n ìgbà tí ó bá ti jẹ́ pé kò ti lùgbàdi àkókò

    3. Káàdì European Health Insurance (EHIC)
    Káàdì yìí ni wọ́n má fi ń gba ìtọ́jú yálà tí ènìyàn bá ṣe àìsàn tàbí wọ́n ní ìjàmbá kan tàbí òmíràn

    Wọ́n le lọ ní orílẹ̀-èdè tó bá wà ní abẹ́ EU, ni Switzerland, Norway, Iceland àti Liechtenstein, èyí yóó sì máa siṣẹ́ lọ títí wọ́n yóó fi sípò padà tán.

    4. Wọ́n le máa siṣẹ́ kí wọ́n máa gbé ní EU
    Òmìnira wà fún láti yan sí ibi tó bá wù wọ́n lásìkò ìsípò padà, àwọn ọmọ ilẹ̀ Gẹ̀ẹ́ṣì yóó sì ní àǹfààní Gẹ̀ẹ́ṣì ní láti má gbé, tí wọ́n ó sì má siṣẹ́ ní EU bí wọ́n ṣe ń ṣe tẹ́lẹ̀

    Bákan náà ni yóó sì ṣe rí fún ọmọ EU kankan tó bá fẹ́ láti ma ṣiṣẹ́ tàbi gbé ní UK

    5. Owó ìfẹ̀yìntì

    Àwọn ọmọ ilẹ̀ Gẹ̀ẹ́ṣì tó ń gbé ní EU yóó sì máa gba owó ìfèyìntì wọn lọ bẹ́ẹ̀ ni wọ́n yóó ma gba àwọn àjẹmọ́nú tó bá ń gun orí rẹ̀ lọ́dọọdún

    6. Dídáwó sí ìsúna EU

    Títí ti wọ́n yóò fi pari ètò ìsípò pàda, Uk yóò sì má dá owó sí àpò ìṣúná EU. Ìtumọ̀ èyí ni pé àdéhùn tó ti wà nílẹ̀ tẹ́lẹ̀ láti máa dáwó sí ètò kan tó wà nílẹ̀ tẹ́lẹ̀ ò ní yẹ̀.

    7. Òwò ṣíṣe
    Ìdókoòwò UK àti EU yóó sì wà bó ṣe wà láì ní àfikun àwọn owó kankan nínú

  • Odù kan gorí àtẹ,Ọdẹ́gbèmí Ọdẹ́gbolá11 goróyè Àràbà nílẹ̀ẹ̀bàdàn

    Odù kan gorí àtẹ,Ọdẹ́gbèmí Ọdẹ́gbolá11 goróyè Àràbà nílẹ̀ẹ̀bàdàn

    Fẹ́mi Akínṣọlá

    Erin wo! Àràbà Awo ilẹ̀ Ìbàdàn, Ògbó Awo Oyewusi Amọo Fakayode wọ káàl’ẹ̀ sùn.Ọjọ́ a kú là á dère,èèyàn ò sunwọ̀n láàyè. Bí àlá ló ń ṣe ọ̀pọ̀lọpọ̀ àwọn ẹni ọ̀rọ̀ kàn nílànà ìṣẹ̀ṣe nígbà tí wọ́n gbọ pé àgbà awo náà tí jawàá lẹ̀.
    Ògbó awo Oyewusi ni Àràbà kẹrìnlélógún nínú ìtàn oyè gbogbo gbòò fún onísẹ̀ṣe nílẹ̀ẹ̀bàdàn.
    Àràbà tí ó gbésẹ̀ yìí,gorí oyè ní ọdún 2013,nígbà tó fàdàgbá ayé rọ̀ ní ọjọ́kejìdínlọ́gbọ̀n oṣù kejìlá ọdún 2019.

    Nínú ọkàn ò jọ̀kan ọ̀rọ̀ tí wọ́n fí ń ròyìn Àgbà awo náà, wọ́n fìwà rere, tíí ṣe ẹ̀sọ́ ọmọnìyàn ròyìn Ògbó awo Oyewusi Amọo nínú ìṣe rẹ̀ ní dúníyàn.
    Olóyè náà ní wọ́n ní kò fẹ́ ìrẹ́jẹ fún ẹnikẹ́ni, kìí sì gbè sẹ́yìn àbòsí, bẹ́ẹ̀ ló kórìíra tẹ̀ǹbẹ̀lẹ̀kun.
    Àgbà awo Fakayode wá ìrẹ́pọ̀ tó gbọngbọ́n láàrin àwọn ìpẹ́ẹ̀rẹ́ àti Ògbó awo nílẹ̀ẹ̀bàdàn àti àwọn ìlú mìíràn tó yíiká, èyí náà ló sì jẹ́ ó rọrùn tí ìdàgbàsókè fi bá ẹgbẹ́ onísẹ̀ṣe lásìkò o tiẹ̀ .
    Ṣé orí tí yóó dádé,inú agogo idẹ ní tií wà, ọrùn tí yóó lèjígbà ìlẹ̀kẹ̀,inú agogo idẹ ní tií wá, ìbàdì tí yóó lo Mọ́sàajì,aṣọ ọba tíí taná yanran yanran inú agogo idẹ náà ní tií wá.

    Bí Àràbà se gbésẹ̀ yìí, àwọn ìgbìmọ onísẹ̀ṣe lápapọ̀ kò fẹ́ kí ìyapa ẹnu wà. Gẹ́gẹ́ bí Ìlànà oyè jíjẹ́ nílẹ̀ẹ̀bàdàn, bí Olóyè kán bá ti gbésẹ̀, kò sí àríyànjiyàn ẹni tó tọ́ tó yẹ ní Ìlànà oyè náà ní yóó gorí àpèrè.
    Ní báyìí, akọ́dá awo tíí ṣe igbákejì Àràbà àná,ni àwọn tèwe tàgbà tí gbárùkù tì fún ìtẹ̀síwájú gbogbo onísẹ̀ṣe lápapọ̀.

    Nígbà tí ìròyìn Òwúrọ̀ pé àgbà awo naa lórí ẹ̀rọ ìbánisọ̀rọ̀ rẹ̀ ,o jẹ́ ó di mímọ̀ pé ní ìgbẹ́sẹ̀ oyè nílẹ̀ẹ̀bàdàn,ohun gbogbo pẹ̀lú ètò ni , bẹ́ẹ̀ ni kò dàrú rárá.
    Ó ní Ìlọsíwájú bá onísẹ̀ṣe nípa pé wọ́n rí ìjọba ìpínlẹ bá sọ̀rọ̀ pẹ̀lú akitiyan Àràbà àná yìí tí o sí di pé wọ́n bèèrè fún
    ìsinmi enu ise ọba “Ìṣẹ̀ṣe day August 20, ọdọọdún.”À mọ̀ Gómìnà àná Abiọla Ajimobi kò fi ọwọ́ sí i,bi o tilẹ̀ jẹ́ pé Ilé ìgbìmọ̀ aṣòfin ìpínlẹ̀ oyo fi ọwọ́ síi nígbà náà.

    Ó ṣọ síwájú pé iṣu atẹnumọ́rọ̀ kìí jóná ní àwọn yóó fi ọ̀rọ̀ náà ṣe, òun sì gbà pé Olódùmarè yóó kàwọn yẹ,níwájú Gómìnà ìpínlẹ̀ Ọ̀yọ́ Onímọ̀ ẹ̀rọ Ṣèyí Mákindé torí pé òun ní àfojúsùn rere fún ìtẹ̀síwájú ìlú àti pé, àfojúsùn rere ní awo mímọ́ gbọdọ̀ ní,ojú òpó náà sì ni òun wà torí pé ọmọ àtàtà kìí borúkọ ẹbí jẹ́,ati pé èèyàn tó bá tí lórúkọ rere,kii wá àlàjẹ́ burúkú kún un.
    Akọ́dá,Àgbàawo,Oloye Ifalere Ọdẹ́gbèmí Ọdẹ́gbolá11 ni Àràbà Ìbàdàn karùndínlọ́gbọ̀n (25). Òun tún fẹ́ẹ́ ẹ̀ ni Àràbà tó kéré jùlọ lọ́jọ́ orí tí ó fi dé ipò yí .

    A bíi ní ọjọ́ kẹfà , oṣù kẹfà ọdún 1960. Ó bẹ̀rẹ̀ àkàsọ̀ oyè awo lọ́dún 1992, ó sì sún kẹ̀rẹ̀ kẹ̀rẹ̀ láti ọdún náà kí ó tó di Àràbà ní ọjọ́kejìdínlọ́gbọ̀n oṣù Kọkànlá ọdún 2019.Èyí fihàn pé ìrìn àjò náà gbà á ní ọdún mẹ́tàdínlọ́gbọ̀n kó tó goróyè.
    Ìgbà yí ló sì di ọgbọ̀n ọdún àti oṣù mẹ́wàá tí bàbá a rẹ̀, Àgbà Oyè Ọdẹ́wùmì Àlàó Ọdẹ́gbolá1 fi ipò náà sílẹ̀ .

    Bẹ́ẹ̀ Àràbà mẹ́ta lẹ́yìn ikú Ọdẹ́gbolá akọ́kọ́ ti jẹ ,kí ó tó padà kan Ọdẹ́gbọ́lá kejì.(11) .
    Ìròyìn Òwúrọ̀ kí Àràbà awo náà pé àṣeyè ní àdáwọ́lé wọn gbogbo yóó jẹ́ ó.

    iroyinowuro

  • O lè wọ sòkòtò tó tóbi, ṣùgbọ́n kò sí ààyè fún yẹ̀rì,láti sìnrúùlú …Àjọ àgùnbánirọ̀. (NYSC)

    O lè wọ sòkòtò tó tóbi, ṣùgbọ́n kò sí ààyè fún yẹ̀rì,láti sìnrúùlú …Àjọ àgùnbánirọ̀. (NYSC)

    Fẹ́mi Akínṣọlá

    Ọ̀gá àgbà fún àjọ àgùnbánirọ̀ lórilẹ̀-èdè Nàìjíríà, Brig. Shuaibu Ibrahim ti sàlàyé fún akọ̀ròyìn pé ààyè wà fún àgùnbánirọ̀ tó bá fẹ́ wọ sòkòtò tó tóbi láti má fí bí ẹ̀yà ara rẹ̀ ṣe rí hàn , sùgbọ́n kò sí ààyè fún yẹ̀rì.
    Ó ní àwọn alásẹ lé gbójú kúrò nínú irú ìmúra bẹ́ẹ̀ sùgbọ́n kò ní fi ojúure wo ẹnikẹ́ni tó bá lọ rán síkẹ́ẹ̀tì láti fi rọ́pò sòkòtò tí wọ́n pèsè.

    Èyí jẹ́ ìdáhùn sí ìdí tí wọ́n fi le àwọn àgùnbánirọ̀ méjì kan ni ìpínlẹ̀ Ebonyi lásìkò tí wọ́n dé ibi ìpàgọ́ ìlanilọ́yẹ ọlọ́sẹ́ mẹ́ta tí wọ́n máa ń ṣe fún ẹni tó bá lọ sìnrú ìlú.

    Brig. Ibrahim sọ pé àra ìdí ti àwọn kò fi le gbà kí àgùnbánirọ̀ wọ síkẹ̀tì ni pé, kò le ṣe é yan bí ológun èyí tó máa ń wáyé ní gbogbo ìgbà fún ọ̀sẹ̀ mẹ́ta náà, àti pé òfin àkọsílẹ̀ ni fún ètò àgùnbánirọ̀, èyi sì máa ń jẹ́ kí wọ́n ṣe sámúsámú.

    Ààye wà fún àgùnbánirọ̀ láti wọ sòkòtò labúlabú. Ọ̀gá àgbà Olùdarí ọ̀ún ní lóòtọ́ àwọn ń gbà kí wọ́n lo ìjáàbù láti yan bí ológun ṣùgbọ́n orí àti ọrùn nìkan ló ń bò.

    Ètò àgùnbánirọ̀ jẹ́ kàńpá fún gbogbo ẹnikẹ́ni tó bá kàwé gboyè jáde Fásitì tàbí Pólì, tí ìwé ẹ̀rí rẹ̀ sì jẹ́ ọ̀kan pàtàkì láti fi wá iṣẹ́ lọ́jọ iwájú, èyí túmọ si pé àwọn méjì tí wọ́n lé yìí kò ní ní àǹfànì láti ṣe iṣẹ́ ìjọba lọ́jọ́ iwájú, bákan náà ni wọn kò le gba ipò Ìjọba kankan lẹ́yìn wá ọ̀la.

    Ó wá fi kún pé ààye wà fún àwọn méjèèjì láti padà wá tí wọ́n bá setán láti tẹ̀lé ìlànà tí àjọ àgùnbánirọ̀ là sílẹ̀.

    Kìí ṣe ìgbà àkọ́kọ́ rèé tí irú èyí má a ṣẹlẹ̀, ní ọdún 2018, wọ́n lé Tolulope Ekundayọ kúrò ní ọgbà agùnbánirọ̀ Sahgamu fún ìdí kan náà.
    Ọ̀pọ̀ àwọn ọmọ Nàìjíríà lórí àtẹ̀jíṣẹ́ twitter ti wá kéde pé níwọ̀n ìgbà ti wọ́n bá ti ń gba mùsùlùmi láàyè láti wọ ìjáàbù nítorí ẹ̀sìn, ó pọn dandan láti gba àwọn oní síkẹ̀tì náà láàyè nítorí ó lòdì sí ẹ̀sìn wọn náà ni.

    Àwọn agùnbánirọ̀ méjì ni wọ́n ti fọwọ́ òsì júwe ilé fún nítorí wọ́n kọ̀ láti wọ sòkòtò tí wọ́n pèsè fún wọn ní ìpàgọ́ ìlanilọ́yẹ ọlọ́sẹ̀ mẹ́ta ní ìpínlẹ̀ Ebonyi.

    Àwọn obìnrin méjì ọ̀ún ṣàlàyé pé sòkòtò wíwọ̀ lòdì sí ẹ̀sìn wọn, tí wọ́n sì kọ̀ láti wọ̀ọ́.

    Nínú àlàyé tí àwọn obìnrin àgùnbánirọ̀ náà ṣe, won sọ pé nítorí ìgbàgbọ́ ló jẹ́ kí àwọn wọ síkẹ́ẹ̀tì dípò sòkòtò tó jẹ́ àlàkalẹ̀ àjọ NYSC.

    Alukoro fún àjọ NYSC ní ìpínlẹ̀ Ebonyi, Ngozi Ukwuoma ṣàlàyé pé olùdarí ìpàgọ́, Isu Josephine rí àwọn méjéèjì nígbà tó ń sàbẹ̀wò.
    Olùdarí náà ni ó fi orúkọ àwọn méjéèjì léde, Okafor Love pẹ̀lú nọńbà ìdánimọ̀ EB/19C/0523 àti Odiji Oritsetsolaye EB/19C/0530.
    Ní kété tí wọ́n mú wọn ni àwọn àgùnbánirọ̀ náà ti ṣàlàyé pé, àwọn kò le wọ sòkòtò funfun pélébé tí àjọ náà fún wọn nítorí pé kò bá ìgbàgbọ́ àwọn mu láti wọ̀ọ́.

    Gbogbo akitiyan aláṣẹ àti adarí àjọ náà láti mú wọn rí ìdí tí ó fi yẹ fún wọn láti wọ sòkòtò náà ló já sí pàbó.
    Kété ni ilé ẹjọ́ tí ó wà fún àwọn agùnbánirọ̀ ní ìpàgọ́ náà dáwọn lẹ́bi títàpá sófin àti fífi ọwọ́ pa idà àlàkalẹ̀ àjọ NYSC lójú ti wọn sì fi ọwọ́ òsì júwe ilé fún wọn lẹ́yìn ọ̀ rẹyìn

    Iroyin Owuro

  • N kò leè fi ìdúnú mi pamọ́ lọ́jọ́ ìkómọ àwọn ìbẹta….Yinka Ayefele

    N kò leè fi ìdúnú mi pamọ́ lọ́jọ́ ìkómọ àwọn ìbẹta….Yinka Ayefele

    Fẹ́mi Akínṣọlá

    Ẹ̀dá ò láròpin láyé, ṣé bí ó se wu Olúwa Ọba níí sọlá, fẹ́ni Ó wù ú,bẹ́ẹ̀ gẹ́lẹ́ ni ọ̀rọ̀ níbi tí t’ọba, tìjòyè, ọ̀tọ̀kùlú ìlú àti àwọn ìlúmọ̀ọ́ká olóṣèlú,ti péjú pésẹ̀ yẹ́ àwọn ìbẹta t’Ọ́lọ́run fi ta gbajúgbajà olórin Yinka Ayefele lọ̀rẹ níbi ìkómọ wọn.


    Nínú oṣù keje ọdún 2019 ni Yinka Ayefele kò le pa oore náà mọ́ra tó sì tú ìròyìn ayọ̀ náà síta pé Ọlọ́run ṣe ìdílé òun lóore ńlá.
    Níbi ìkómọ àwọn ìbẹta yìí, kìí ṣe ọ̀rọ̀ èrò diẹ̀ tabi wẹ́wẹ́, ẹsẹ̀ kò gbèrò síbẹ̀ àwọn lóókọ lóókì láwùjọ gan wá darapọ̀ níbi ayẹyẹ náà.


    Ṣaájú ni àwọn èèyàn tí ń gbọ fìnrìnfìnrìn bíi pé Ìròyìn òfegè no tó sọ pé ìyàwó òǹkọrin yìí bímọ ṣùgbọ́n tí òun pẹ̀lú tètè bọ́sí ìgboro láti ṣàlàyé pé ìyàwó òun kò tíí bímọ. Ẹ dákẹ́ àhesọ ọ̀rọ̀, n kò bí ìbẹta – Yinka Ayefẹlẹ.
    Ṣùgbọ́n nígbà tí ọ̀rọ̀ náà di òhun, olórin yìí kò bo oore Ọlọ́run mọ́ra láti ìgbà tó ti kọ́kọ́ fi ojú àwọn ọmọ mẹ́ta náà hànde. Lára ọ̀nà ìdúpẹ́ rẹ̀ ni ìsìn ìkómọjáde tó wáyé lọ́jọ́ àìkú ,ọjọ́ kẹta oṣù Kọkànlá ọdún 2019.


    Lọ́jọ́ ìkómọ náà, àwọn èèkàn ìlú péjú síbẹ̀. Pẹ̀lú ayọ̀ àti ìdùnnú ni wọ́n sì fi ń yẹ́ ìyá, bàbá àti àwọn ẹ̀bùn Ọlọ́run naa sí.
    Yinka Ayefele fi ìmọrírì rẹ̀ hàn sí àwọn tó wá síbi ìkómọ àwọn ẹ̀ta ọba ọmọ tó wọlé tọ ìdílé rẹ̀ wá.

  • Lai Mohammed fa o̩mo̩ Naijiria létí lórí ìròyìn òfegè

    Lai Mohammed fa ọmọ Nàìjíríà létí lórí ìròyìn òfegè

    Fẹ́mi Akínṣọlá

    Mínísítà ètò ìbáraẹnisọ̀rọ̀ àti Ìròyìn lórílẹ̀-èdè Nàìjíríà, Lai Mohammed ti ní ìjọba yóò bẹ̀rẹ̀ ṣí í ṣe àmójútó àtagbà ojú òpó ayélujára báyìí.
    Ìgbésẹ̀ yìí ni láti ṣe àfọ̀mọ́ ojú òpó ayélujára kí àdínkù leè bá ayédèrú Ìròyìn àtàwọn ọrọ kòbákùngbé tó ń jẹyọ.


    Lai Mohammed sọ ọ̀rọ̀ yìí níbi ìpàdé oníròyìn kan tó wáyé nílùú Abuja
    Mínísítà ní èyí kò yọ àwọn oníṣẹ́ ìròyìn sílẹ̀ o. Ó ní ilé iṣẹ́ Ìròyìn tó bá ta féle fèle gan yóó fara kó o.
    Àtúnṣe tí wọ́n fẹ́ bẹ̀rẹ̀ yìí yóò tàn dé ojú òpó ayélujára èyí tó sàpèjúwe pé “ó ti kọjá àtúnṣe”.


    Lai Mohammed tún ní “láti ìgbà tí a ti ṣe ìfilọ́lẹ̀ ètò àyípadà yìí ni àwọn ọmọ Nàìjíríà kan ti kàn sí wa pé kí a bojú wo bí a ṣe le ṣe ìlanilọyẹ̀ lórí àwọn ayélujára náà a kò sì ní pa eléyìí tì”.
    Mohammed ni kò sí ìjọba gidi kan tí yóò jókòó káwọ́ gbera kí ìròyìn òfegè sì máa fò kiri t’òun tọ̀rọ̀ àlùfàǹṣá eléyìí tó leè dáná sun orílẹ̀-èdè láì sí àyẹ̀wò kankan.


    “Idi niyii ti ao fi maa koju ayederu iroyin ati ọrọ alufansa ayafi bi a ba to le gbogbo rẹ danu”. O ni tori awọn ti ṣe agbekalẹ igbimọ kan ti aarẹ Buhari fọwọ si lati kọju awọn ọrọ alufansa.

    Iroyin Owuro

  • Vietnamni , ẹ wá dá oko ìrẹsì sílẹ̀ ní Nàíjíríà, dípò kíkórẹsì wọlé– Oshiomole fèsì ẹ̀bẹ̀

    Vietnamni , ẹ wá dá oko ìrẹsì sílẹ̀ ní Nàíjíríà, dípò kíkórẹsì wọlé– Oshiomole fèsì ẹ̀bẹ̀

    Fẹ́mi Akínṣọlá

    Bí Ìjọba Nàíjíríà se gbé àwọn ẹnu ọ̀nà àbáwọlé sí orílẹ̀ -èdè yìí tìpa ti ń mú kí orí ta àwọn lórílẹ̀-èdè tó múlé tì wá àti àwọn tó wà nílẹ̀ òkèèrè.
    Kódà, ìsòro yìí pọ̀ tó bẹẹ fún orílẹ̀-èdè Vietnam tó fi gbé aṣojú dìde pé kó wá rawọ́ ẹ̀bẹ̀ síjọba Nàíjíríà láti sí ẹnu ibodè rẹ̀ padà, kí òun leè kó ìrẹsì òun wọlé- lọ́pọ̀ yanturu.


    Igbákejì Olóòtú Ìjọba Vietnam, Vuong Dinh Hue tó kó àwọn aṣojú náà wá sí Nàíjíríà ti wá ń rawọ́ ẹ̀bẹ̀ sí ẹgbẹ́ òsèlú APC tó ń tukọ Ìjọba Nàíjíríà lọ́wọ́ láti báwọn bẹ Ààrẹ Muhammadu Buhari, kí ẹnu bodè wa leè di sísí padà.
    Ìlú Abuja ni ìgbákejì Olóòtú Ìjọba Vietnam náà ti rawọ́ ẹ̀bẹ̀ yìí lásìkò tó sàbẹ̀wò si Alága ẹgbẹ́ òsèlú APC nílẹ̀ wa, Adams Oshiomole lọ́fíìsì rẹ̀, tó sì tún kéde pé nítorí bí ọrọ náà se ká àwọn lára tó, àwọn yóò tún lọ
    dírẹ̀ẹ́bẹ̀ níwájú igbákejì Ààrẹ, Yẹmi Ọsinbajo lórí rẹ̀ pẹ̀lú.


    Nígbà tó ń kí àwọn àlejò rẹ̀ kaabọ sílẹ̀ yìí, tó sì ń fèsì lórí ìbéèrè wọn, Adams Oshiomole ní àrè kò sèlú, kí wọ́n má fìse hàn wá ní Nàíjíríà nítorí báyìí ni n ó se nǹkan mi kò leè yípadà,bÍ ohun gbogbo tilẹ̀ padà.


    Oshiomole ni lórílẹ̀-èdè Nàíjíríà kò leè dáhùn sí ẹ̀bẹ̀ wọn láti sí ẹnu bodè wa, tó sì rọ àwọn aṣojú ilẹ̀ Vietnam pé kí wọ́n wá gba ilẹ̀ sorilẹede Nàíjíríà láti dá oko ìrẹsi ni yóò pé wọn.

    Ó ní ọmọjá ti kúò niye tí wọ́n ń rà á, nítorí Nàíjíríà kò ní jẹ́ ààtàn èròjà tó ti bàjẹ́ mọ́ fún àwọn orílẹ̀-èdè kan, tí wọ́n fẹ́ràn à tí máa da èròjà olóró asekúpani wọn sí .


    Alága ẹgbẹ́ APC fikún un pé digbí ni àgádágodo yóò wà láwọn ẹnu bodè e wa títí táwọn orílẹ̀-èdè tó múlé tì wá yóò fi bọ̀wọ̀ fún òfin to de ìbáṣepọ̀ okoòwò láàrin orílẹ̀-èdè kan sí èkejì.

  • Atiku tún pàdánu nílé e̩jó̩ tó ga jù

    Atijo tun padanu nile ejo to ga ju
    Lati owo
    Yinka Alabi
    Ile-ejo to ga ju lo ni orileede yii ti se idajo lori ejo ti oludije dupo Aare ni abe egbe oselu PDP, Alhaji Atiku Abubakar.

    Ile-ejo ni Aare Muhammadu Buhari naa ni o jawe olubori nibi ibo Aare to waye naa.

    Olori egbe oselu APC, Adams Oshiomole ni “oro omugo lo maa n yato,bakan naa ni ti ologbon ri”. O ni ile-ejo lo je ki o ye awon egbe oselu alatako mo pe ipo Aare kii se ohun ti awon omo Yahoo kan le ko jo loru. O ni orileede yii ti koja ibo “aburakadaka”.

    Aare Mohammadu Buhari naa ni inu oun dun si idajo naa, oun si maa feran ki egbe oselu PDP darapo mo oun ki awon le jo gbe Naijiria de ebute ogo.
    Atiku Abubakar ni inu oun ko baje pe egbe oun padanu ejo naa nile ejo giga. O ni ija ti o dara ni oun ja,ni eyi to mu ki idagbasoke ba eto oselu orileede yii.

    http://iroyinowuro.com.ng/2019/10/30/14920/

  • Akpabio fajúro sí owó ìnákúùná Niger Delta

    Akpabio fajuro si owo inakuna Niger Delta
    Lati owo
    Yinka Alabi
    Ijoba apapo ti Senato Akpabio n soju fun lo ti gbanaje lori awon ise ajanbaku to n waye ni agbegbe Niger Delta.


    Akpabio ni o ye ki ise ijoba maa te siwaju bi ijoba se n yi pada ni amo o ni ko ri bee ni oro orileede yii. O ni bi eto ijoba se n yi pada ni awon eniyan bere si ni seto owo miran fun ise miran. Won wa n pa ise ti awon Kan ti se ti.
    Akpabio ni eyi ni lati dawo duro nitori pe owo rogun rogun ni ijoba apapo n ya soto fun agbegbe naa ni odoodun.


    Akpabio ni owo ina apa yii ti bere lati bii odun metalelogun seyin bayii. O ni awon ara agbegbe naa si n pariwo pe ijoba n ri owo ni agbegbe awon bee ni ijoba naa ko sise si agbegbe naa.


    Eyi wa lara ohun to da omi tutu si okan Senato Akpabio.
    Lara itesiwaju agbegbe naa lo mu ki ipade pajawiri waye ni Abuja laarin awon gomina agbegbe naa pelu Aare Mohammadu Buhari lonii.

    Iroyin Owuro

  • Ẹ ẹ̀ ṣi nọ́ńbà mú l’Ọyọ, gbogbo owó yín tí mo bá ná, ẹ ó rí n tí mo fi se – Seyi Makinde

    Ẹ ẹ̀ ṣi nọ́ńbà mú l’Ọyọ, gbogbo owó yín tí mo bá ná, ẹ ó rí n tí mo fi se…..Seyi Makinde

    Fẹ́mi Akínṣọlá

    Àwọn àgbà ní bí Ọlọ́run bá sẹ̀rí ì rẹ,jẹ́ kí èèyàn náà ó sẹ̀rí ì rẹ .
    Gomina ìpínlẹ̀ Ọyọ, Onímọ̀ ẹ̀rọ Seyi Makinde tún ti fọwọ́ méjéèjì sọ̀yà fún àwọn olùgbé ìpínlẹ̀ Ọyọ pé, òun kò ní ná owó wọn ní inakuna. Ó ní gbogbo ohun tí òhun bá fi owó wọn se, ni wọn yóò fi ojú rí.
    Gomina Makinde jẹjẹ yii lọjọ Aje lasiko to n se ayẹwo awọn isẹ agbase mẹta nilu Ibadan, tii se olu ilu ipinlẹ Ọyọ.


    Gomina Makinde lo sabẹwo gareji ọkọ to wa ni Sango, ile iwosan Jericho ati ile igbẹbi tuntun to wa ladugbo Jericho bakan naa, to si koro oju si ipo tawọn dukia ijọba ọhun wa, paapa awọn ilẹ ati ọpọ ohun eelo ti wọn ti pa ti.
    Gomina ni asa ti ko dara ni ki wọn maa na owo ilu ninakuna lori awọn isẹ agbase kan, ki wọn si pada wa pa isẹ ọhun ti nigba ti isẹ naa ba de idaji, lai naani owo tuulu ti wọn ti na le lori.

    Makinde ni iru asa yii lo wọpọ lasiko ijọba to kogba wọle nipinlẹ Ọyọ, to si tun seleri fawọn eeyan ipinlẹ naa pe ijọba oun yoo ri daju pe wọn fi oju ara wọn ri ohun ti oun ba fi owo ilu se.

    Makinde wá pàsẹ fún olùdarí ilée tó ń sàkóso ètò ìrìnà lójú pópó ní ìpínlẹ̀ Ọyọ, Ọmọwe Akin Fagbemi, láti gbé olú iléeṣẹ́ rẹ̀ lọ sí gárèjì ọkọ̀ àtijọ́ to wà ní Sango, pẹ̀lú ìlérí pé òun yóò pèsè àwọn ohun èlò to yẹ síbẹ̀ fún ìdẹ̀rùn iṣẹ́ wọn.

    Iroyinowuro