Àṣà Oòduà

Author: ayangalu

  • Iyanu ti sele nipa awon omo Babington Ikorodu ti won jigbe

    Ni ojo Aje to koja yii (29/02/15) ni awon ajinigbe kan yawo ileewe Babington Macaulay ‎Junior Seminary School to kale si agbegbe Ikorodu nipinle Eko ti won si ji awon omo obirin akekoo meta salo raurau.

    Gege bi alaye ti oga agba ileewe naa, Ven Olaoluwa Adeyemi, se, o ni koto giriwo kan ni awon onisebi naa gbewole leyin ogba ileewe naa. Leyin ti won wole ni won bere si ni tabon tau-tau soke ti ina si n fo yo lenu ibon won bi igba ti Sango olukoso ba n binu. “Orisii ibon igbalode to wa lowo awon amokunseka naa lagbara pupo eleyii ti ko fun awon osise alaabo ileewe wa ni anfaani lati le doju ija ko won. Ologini foju jo amotekun ni, nnkan ju nnkan lo,” ogbeni Adeyemi se alaye naa bee.

    Lara iwadii ti OLAYEMI ONIROYIN kojo lojo Isegun (01/03/16) ni wi pe, awon ajinigbe naa ti n beere ogorun milionu (N100m) lori omo kookan eleyii ti won tun pada din owo naa si ogun milionu (N20m). Okan ninu awon akoroyin wa gbiyanju lati ba okan ninu awon omo tabi oluko ileewe naa soro lojo keji isele naa sugbon awon alase ileewe naa ti paalase fun won lati ma dahun ibeere awon oniroyin kankan.

    Ni ojo Wesde (02/03/16), Igbakeji gomina ipinle Eko to tun je komisanna fun eto eko, Arabirin Idiat Oluranti Adebule, se abewo si ileewe naa lati ba won kedun isele to waye naa. Bakan naa lo tun fi da won loju wi pe, ijoba yoo lo gbogbo agbara re lati gba awon omo naa pada wale.

    Oludasile ileewe naa, Dr Michael Fape, ko sai dupe lowo ijoba ipinle Eko pelu bi awon osise alaabo ipinle naa se dide ni kanmonkobo nikete ti won fi isele naa to won leti. Gbogbo agbegbe ileewe naa si ni awon osise alaabo gunle si bayii lati daabo bo emi ati dukia.

    Iru isele to jo iru eleyii ni eyi to sele ni oru ojo kerinla si ojo keedogun osu kerin odun 2014, nibi ti awon omobirin orinlugba o din merin (276) ti gbe di ohun awati ni Chibok. Bi o tile je wi pe lati igba naa ni awon omo ologun ile wa ti n ja raburabu lati ri awon omo naa ko wa le pada, sibesibe, ori igbiyanju naa ni ijoba apapo wa.

    Wayio, komisanna fun etigbo ati agbekale ilana fun ipinle eko, Steve Ayorinde, kede laaro oni ojo Sande (7/03/16) wi pe awon omo naa ti di gbigba pade wale latari iranwo awon agbofinro ilu Eko

  • Awon ojogbon fi oye dokita da Tinubu lola

    Oloye agba egbe APC, Asiwaju Ahamed Bola Tinubu ni won ti foye dokita dalola bayii ni ogba Yunifasiti tiluu Abuja. Idalola agba oloselu to je gomina ti yoo je sikejila (12th) nipinle Eko lo waye ninu ayeye ikojade awon akekoo gboye ileewe naa. Ayeye yii to waye yii ni i se igba ogun ti ileewe naa yoo ma se ayeye ikojade awon akekoo gboye lati igba ti wan ti se idasile re.

    Ti e ko ba gbagbe, laipe yii ni iwe iroyin SUN tile wa fi ami eye “Man of the Year” da Tinubu lola latari akitiyan ati akikanju re lati mu igba yipada fun ile Naijiria lagbo oselu. Oloye Tinubu, eni ti won fun loye Jagaban niluu Borgu to wa nipinle Niger, ko sai fi idunnu re han bi awon alase Yunifasiti Abuja se gbe aponle ati iyi oye dokita naa fun un. Eleyii to tun fi da won loju wi pe, oun ko ni duro ninu akitiyan lati mu igbe aye awon eniyan larinrin ju ateyinwa lo.

  • Rogbodiyan Mile 12: “Won ja omo ikoko gba lowo mi” – Abiyamo

    Leyin rogbodiyan to be sile ni agbegbe Mile 12 to wa niluu Eko l’Ojobo ose to koja yii (03/03/16), okunrin kan ti oruko re n je Daniel Igba lo ti ke gbajari sita wi pe, awon kan ja omo gba lowo oun nigba ti wahala naa gbena kari. Ninu itaporogan to waye laaarin eya awon Hausa inu oja Mile 12 ati awon Yoruba ni Ogbeni Igba ti gbe padanu omo re, eni odun kan ati osu meje ti ko si le so pato ibi ti omo na wa bayii.

    “Ile ni mo wa ni nnkan bi ago mewaa aaro nigba ti wahala naa wo inu adugbo wa. Mo sare gbe omo mi lati sawo ile lo. Sugbon bi mo se n salo ni awon eniyan naa sare tele mi leyin, won lemi ba, won si bere si ni na mi. Won fi ake sami lori ati lowo. Ni akoko yii, mo si gbe omo mi mora sibe naa. Bi mo se ni ki n tun dide ki n maa salo ni mo subu. Bayii ni won se ri omo naa jagba lowo mi. Lati igba naa, a ko ti ri omo wa. Iya re ko si nile ni akoko naa, o lo si ileewe,” Ogbeni Igba se alaye naa bee.

    Ninu ija nla to waye yii ni aimoye emi ati dukia ti gbe sofo ko to di wi pe awon omo ologun ile wa to wa dawo rogbodiyan naa duro.

  • E fun irun yi loruko ?

  • Ipo wo ni iwo fe wa ninu awon olowo ile Afirika?

    Ni owuro yii, mo fi akoko mi sile lati ka nipa aseyori Mike Adenuga, alase ati oludari ile ise ibanisoro Gbobacom. Ohun to ta mi kan ko ju iroyin tuntun nipa re eleyii to n se afihan re gege bi enikeji to lowo ju lo bayii ni ile Afirika gege bi atejade tuntun Magasiinni Forbes agbaye odun 2016. Ninu awon eniyan bi merinlelogun (24) ti Forbe se alaye won gege bi borokini olowo julo ni ile adulawo, ipo kinni si ni Dangote dimu, Adenuga se ipo keji. Femi Otedola wa nipo kerinla nigba ti Arabirin Folorunso Alakija wa ni ipo kerindinlogun.

    Iwadii Forbes fihan wi pe, ohun ti Adenuga n je lere ti fo fere lati bilionu merin owo dollar ile Amerika lodun 2015 bo si billion mewaa owo dollar ninu odun 2016.

    Ohun kan ti mo fe fi dayin loju ni wi pe, ki i se gbogbo eniyan to rise gidi se ni won sanwo riba fun enikan ki won to fun won nise se. Bakan naa ni ki i se gbogbo olowo ile Naijiria ni won jale tabi gba ona alumonkoroyi ki won to deni atata lawujo.

    Eyin naa le ti apata dide, ke e si di bee di eniyan atata lawujo.

    Aseyori eda bere lati ibi ero okan re. Ohun ti e dimu gege bi otito ni o pada royin lara bi aso. Ti e ba gbagbo wi pe e pada doke, mo fi n dayin loju wi pe, ohun to seese ni. Nitori ero okan yin, igbagbo yin, bope-boya yoo pada royin lara bi aso. Ewu wa ninu igbagbo yin wi pe, eniyan ko le debi giga laise se wi pe o gba ona alumonkoroyi.

    Ti e ba ni iru ero bayii lokan, ohun ti e n so fun ara yin ni wi pe, e ko peye to lati se asela laye. Iru ero wo le dimu nipa igbe aye yin? Kini igbagbo yin nipa ojo ola yin? Oni le koro bi ewuro, sugbon e fi igbagbo yin sinu ola. E ma so ireti aseyori yin nu. E si ma fi gbogbo igba ro ire nipa igbe aye yin. E ma gbagbe ohun ti mo so saaju, orisii ero yowu ki e ni lokan, bope-boya, ero okan yin yoo pada royin lara bi aso. Olayemi Olatilewa ni oruko mi, ilu Naija olokiki ti n san fun wara ati oyin lemi n ja fun lojo gbogbo. E ku ikale!

    http://www.olayemioniroyin.com/2016/03/ipo-wo-ni-iwo-fe-wa-ninu-awon-olowo-ile.html

  • Omo odun metadinlogun (17) joba nile Naijiria

    *Isele naa farape ti Awujale tile Ijebu

    Oba Sikiru Adetona, Awujale tile Ijebu, eni ti won bi lojo kewaa osu karun-un odun 1934 gori ite awon baba re lojo keji osu kerin odun 1960 leni odun merindinlogbon (26), eleyii ti n se eni ojo ori re kere julo lati joba nile Yoruba.

    Nibayii, Obi Chukwuka Noah Akaeze I, eni odun metadinlogun (17) ti gori ite awon babanla baba re gege bi eni ojo ori re kere ju lo lati joba ni gbogbo ile Naijiria.

    Obi ni won pe wale lati ile Biritiko nibi to ti n kawe lowo lati wa joba le awon eniyan Ubulu-Uku to wa ni ipinle Delta lori. Eleyii lo waye leyin ti awon ajinigbe kan seku pa baba re to je oba tele ni ibere osu kinni odun taa wa ye.

  • Ogoji (40) eniyan n ja raburabu fun ipo gomina nipinle Ondo

    Awon eniyan bi ogoji (40) lapapo ni won ti fi ife han bayii lati dije fun ipo gomina ipinle Ondo eleyii ti yoo waye ninu odun yii.

    Ninu egbe oselu All Progressives Congress (APC), ogbon eniyan ni won ti nawo soke bayii lati dije ninu eto idibo abele egbe oselu naa. Ninu eto idibo yii gan-an ni won yoo ti ma mo taani yoo soju egbe onigbale lati dije ninu eto idibo fun ipo gomina ti yo waye ninu osu kewaa odun 2016.

    Bakan naa, awon eniyan mewaa lati inu egbe osele Peoples Democratic Party (PDP) ni won ti n mura sile fun eto idibo abele egbe alaburada. Eleyii lo mu iye apapo gbogbo awon oludije naa je ogoji lapapo.

    Awon oludije fun egbe PDP ni Komisanna fun eto idajo nipinle Ondo, Eyitayo Jegede, Komisanna fun eto ayika, Sola Ebiseni, Hon. Kingsley Kuku, Hon. Bakitta Bello ati Hon. Saka Lawal. Awon yoku ni Ogbeni Rotimi Jegede, Omooba Nekan Olateru-Olagbegi, Ogbeni Bamiduro Dada ati Hon. Gbenga Elegbeleye.

    Awon oludije labe asia egbe APC ni Rotimi Akeredolu (SAN), Dr. Segun Abraham, Senato Ajayi Boroffice, Alhaji Jamiu Ekungba, Arabirin Jumoke Anifowose, Awodeyi Akinseyinwa Apata, Hon. Sule Akinsuyi, Olakunle Osunyikanmi, Odunayo Akinrinsola, Foluso Adefemi ati Bukola Adetula.

    Awon yoku labe egbe oselu onigbale ni Dr. Bode Ayorinde, Olubunmi Agbaminoja, Oloye Segun Ojo, Sola Iji, Hon. Victor Olabimtan, Senato Tayo Alasoadura, Adegbonmire, Light Ariyomo, Paul Akinterinwa, Ayo Akinyelure, Olusola Oke, Ife Abegunde, Akinyinka Akinnola ati Dr.Tunji Abayomi.

  • Jegudujera: EFCC tun ti gbe ebi Alison-Madueke niluu Abuja

    Awon Yooba bo, won ni tina ko ba tan laso, eje ki i tan leekanna. Awon ajo ti n gbogun ti iwa jegudujera ati sise owo ilu mokunmokun, EFCC, ti gbe arakunrin Donald Chidi Amamgbo to je okan lara ebi arabirin Diezani Alison-Madueke lori esun gbigbon epo robi ile wa lona aito.

    Arakunrin Amamgbo ni asiri re tu lori ise iwadii ti ajo naa n se lati mo gbogbo ibi ti Alison-Madueke fara pamo si lori awon owo ilu to koje nigba to wa nipo gege bi minisita epo robi.

    Ogbeni Amamgbo la gbo wi pe o n lo awon ile ise okoowo epo robi  bi merin kan, eleyii ti oruko re han lori awon ile ise naa gege alakoso, lati gbon epo robi ile wa lo si awon ilu okeere.

    Awon ile ise ti ajo EFCC kede re wi pe Ogbeni Amamgbo n lo ni Mezcor Oil and Gas Limited, Tridax Oil and Gas Limited, Lynear Energy Limited ati Bulk Strategic Reserve Limited.

    Okan ninu awon ile ise naa to kale si agbegbe Wuse to wa niluu Abuja ni ajo EFCC ti tipa bayii raurau. Gege bi iwadii OLAYEMI ONIROYIN, lara awon iwe ti won riko ninu ile ise naa ni awon iwe ti won fi ra ile aimoye ati ogunlogo oko bogini olowo iyebiye.

    Gege bi alaye ajo EFCC, won ni orisiirisii ona ni Madueke n lo lati fi se ise ibi. Aimoye ona lo si ti fi kowo ilu mi bi kalokalo ni oruko awon ebi ati ojulumo re.

    Lowolowo bayii, awon osise ti n gbogun ti iwa idaran ni ilu London naa ko dake lori awon iwadii won lori esun kiko owo ilu je ti won fi kan Madueke. Lati inu osu kewaa odun to koja ni won si ti fi ofin de Madueke lati ma jade lo si ibikibi.

    Pada sori alaye ajo EFCC, ojo ti n ro ti ko ti i da ni esun iwa jegudujera ti won fi kan Alison-Madueke, Edua oke nikan lo moye eni to seku ti o pa.

    http://www.olayemioniroyin.com/2016/02/jegudujera-efcc-tun-ti-gbe-ebi-alison.html

  • Olajumoke omo oniburedi

    Opolopo ni i pokiki Olajumoke Orisaguna omo oniburedi gege bi oloriire ti Edumare da lola ojiji pelu bo se se alabapada agbaoje ayaworan ati olorin ti n je TY Bello. Laaarin iseju kan, omo oniburedi di orekelewa oba onise oge. Aimoye awon ile ise alaso oge ni won ti bere si sanwo tabua fun un latari igbelaruge ati ipolowo ti n se fun awon oja won. Okan ninu awon banki igbalode tile ti yan gege bi asoju won eleyii ti aimoye naira si ti sokale si i lapo. Aimoye awon eniyan ni won gbadura ki won ba iru aanu ati ore ofe bee pade.

    Sugbon kini kan se pataki ti o ye ka fi kogbon, buredi lo so aye Olajumoke di iyanu. Enikan so fun mi ni awon akoko kan seyin wi pe, ijakule elomii bere nikete to kawe gboye nile iwe giga. Nitori wi pe sabuke to gba ti bo o loju.

    Iwe eri ni i gbe kiri, o si ko lati mu ise kankan se yato si ise ti sabuke re le fi le e lowo. Aimoye awon eniyan ni i wase lode toni, ki i se wi pe kosise, iru ise ti won wa ni ko wopo. Sugbon ni awon akoko kan ninu igbe aye eda, a ni lati gbe igberaga ti sibi kan, ki aye le dun gbe fun wa. Ohunkohun ti a ba ri lati fi pawoda, e je ka gbiyanju lati mu sa loogun titi ti igbega wa yoo fi de. Meloo ninu awon odo asiko yii ni won setan lati lo kose owo leyin ti won jade ileewe?

    E ma je ki ise kankan ti wa loju lati se niwon igba to ba ti je ise to gunle otito. Eniyan le ma sise asobode lonii, eleyii ko yi kadara re pada tabi iru eni ti Edua oke so wi pe yoo je laye. Eniyan le se alagbafo debi ti ogo re wa. Ti a ba n gbadura wi pe ki Oluwa bukun wa, ki i se nipa jijoko sile lai se ohunkohun. Ti e ko ba nise lowo, mo ro yin ki wa ise kan se.

    O le je ise kekere, sugbon ninu igbinyanju yin ni Edua o ti saanu fun yin. Koda, eniyan le sise ofe tori ko ma ba joko sile lasan. Ti Jumoke ko ba ta buredi ko le de ibi to de lonii. Ti eniyan ko ba ri ohun to fe, a ma fe ohun to ba ri nigba mii. Kadara eda wa lowo Eledumare oba ogo. Oosa oke nikan lo si mo ona teda o gba soriire laye.

    E ma so ireti yin nu ninu Naijiria. E fi ireti sinu ogo ati ola re. O daju wi pe leyin okunkun, imole n bo dandan ni. E ku ikale!

    http://www.olayemioniroyin.com/2016/02/olajumoke-omo-oniburedi.html

  • Igbeyawo Ooni Ile-Ife fo yangayanga?

    *Oba Ogunwusi n mura lati se igbeyawo tuntun

     

    Lose to koja ni awon aheso oro kan be sile nigboro eleyii to ti bere si ni mu awuyewuye lowo bayii. Lara awon oro naa ni eyi ti n wi pe, Ooni Adeyeye Enitan Ogunwusi ti ko aya re, Olori Adebukola Ogunwusi sile. Ede-aiyede to be sile laaarin loko-laya naa lo tun pada bureke leyin ti won jawe oye le Oba Ogunwusi lori.

    Bi o tile je wi pe gbagbaagba ni Olori Bukola le mo Oba Ogunwusi lojo ti Gomina Aregbe gbe opa ase le e lowo, sibesibe, ohun ti a gbo ni wi pe, ikunsinu ti be sile laaarin ololufe meji naa saaju akoko naa. Wahala to wa laaarin loko-laya yii ni idile mejeeji si ti gbiyanju ki won pari sugbon ti gbogbo akitiyan naa jasi otubante, ofo ojo keji oja.

    Gege bi akiyesi awon eniyan, won ni lati igba ti won ti bura fun Oba Ogunwusi ni won ko ti ri i pelu aya re mo, eleyii to mu ifura dani wi pe, oseese ki awon aheso oro naa ni otito ninu.

    Nibayii, omobirin tuntun ti won lo se e se ko je aya oba tuntun laaafin ni Omidan Wuraola Otiti Zynab Obanor to wa lati agboole Oluyare to wa ni adugbo Iremo ni ilu Ile-Ife.

    Sugbon sa, ilu Benin ni iran awon omo naa ti se wa si ilu Ile-Ife. Omidan Wuraola mole gboo bi ojo, awo ara re si tutu minijojo bi eja arogidigba lodo. Ewa omidan naa lekenka to bee gee, eleyii ti opo awon eniyan gba wi pe yoo tun bu iyi kun Ooni Ojaja gege bi oba to gbo faari oge sise.

    http://www.olayemioniroyin.com/2016/02/igbeyawo-ooni-ile-ife-fo-yangayanga.html