Àṣà Oòduà

Tag: ifa

  • Ifá naa ki bayi wípé…

    Ifá gba gbogbo akápò re niyanju wípé ki won o rubo nitori ki a baa le ri orí ayé wa, ki a baa le de ile ileri, ifá ni nkan yio soro tabi le die fun awon ti won ba koti ogboin sebo, ifá ni atirise tabi ri ona lo yio fe soro funwon, ifá ni ki a rubo nibe, ifá ni tiwa koni soro se, ifá ni ao ri ona lo laye.


    Ifá ni ki a bo ògún lákayé, ifá ni ògún lákayé yio lana funwa o, obi meji, ako aja, agbata emun, epo ati iyo, ti a ba si ti bo ògún lákayé yi tan ki a gbe orí aja naa le lori.
    Ifá si tun sope ki a rubo, ki a ni aporipo/karahun orí ewure ati sakiti aro, ki a fi rubo nibe nitori ki a baa le gun oke olà.

    Ifá naa ki bayi wípé:
    Òrúnmìlà lo di àjàwárí
    Moní o di àjàwárí
    Òrúnmìlà ní bi ògún lákayé ba pa igba aja, orí re ni yio maa jàwá

    Òrúnmìlà lo di àjàwárí
    Moní o di àjàwárí
    Òrúnmìlà ní bi Ìja ba pa igba akuko, orí re ni yio maa jàwá

    Òrúnmìlà lo di àjàwárí
    Moní o di àjàwárí
    Òrúnmìlà ní bi Òsun ba pa igba erukuku, orí re ni yio maa jàwá

    Òrúnmìlà lo di àjàwárí
    Moní o di àjàwárí
    Òrúnmìlà ní bi Sango olukoso ba pa igba agbo, orí re ni yio maa jàwá

    Òrúnmìlà lo di àjàwárí
    Moní o di àjàwárí
    Òrúnmìlà ní bi Obàtálá ba pa igba etú, orí re ni yio maa jàwá

    Òrúnmìlà lo di àjàwárí
    Moní o di àjàwárí
    Òrúnmìlà ní bi osanyin mole lakodi ba pa igba ahun, orí re ni yio maa jàwá

    Òrúnmìlà lo di àjàwárí
    Moní o di àjàwárí
    Òrúnmìlà ní bi òun èdú alájogun ba pa igba ideregbe, orí re ni oun yio maa jàwá

    Moní Òrúnmìlà kaa mehùnrìn
    Moní kilode ti o fi nfo bi èdè ti o fi nfo bi èyò?
    Òrúnmìlà ní oun ko fo bi èdè, beeni òun ko fo bi èyò bi ki nse akápò toun ti won dafa fun
    Moní toba je bi ti akápò tire ni nko, kini nkan to maa se to maa fi ja rori ayé re?
    Òrúnmìlà ní ki won sofun akápò toun wípé ki o lo ni aporipo orí ewure, ki o ni sakiti aro ki o maa fi rubo, oni yio ja rori ayé re
    Akápò kabomora o rubo won se sise ifá fun, lati igba naa ni akápò ti rori ayé re to ti de ibi ire re, o wa njo o nyo o nyin babaláwo awon babaláwo nyin ifá, ifá nyin Eledumare, oni nje riru ebo a maa gbeni eru àtùkèsù a maa da ladaju nje ko pe ko jina ifá wa bami ni jebutu ire, jebutu ire ni a nbawo lese obarisa.


    AKOSE IFÁ NAA: Ao ki sakiti aro mo inu iho ori ewure nibi ti a ti yo obuntun re yen ti yio kun, ao fiyerosun tefa yi soju opon, ao ki ese ifá yi si ao se adura si daadaa ao bu iyerosun naa si gbogbo ara aporipo orí ewure naa, ao lo gbe soju atana(oju ona), tabi ki a beere ibiti a maa gbesi lowo ifá ti koba si oju ona ti a maa gbesi.
    Eyin eniyan mi, mose ni ìwúre wipe Eledumare yio jeki a ja rori ayé wa o, eleda wa yio jeki a goke olá, orí ire ati igbega koni je eewo funwa, ao ri ona lo laye o aaasee.
    ÀBORÚ ÀBOYÈ OOO.

  • Ifá naa ki bayi wípé..

    Ekaaro eyin eniyan mi, aojiire bi? Aku ise ana o Eledumare ninu aanu re yio fi ire gbogbo wa wari loni o Àse.
    Ifá yi gbawa niyanju wipe ki a bo ifá pelu obi meji ati agbebo adiye, ki a si se akose ifá yi ki a fi sin gbere si orokun wa mejeeji yika, ifá ni oun koni jeki a rogun ejó o, ogun wahala koni je tiwa, ifá ni ejo yi yio fe sele laarin awa ati eniyan kan tabi egbe si egbe, ifá ni mura nibe ki a ma baa sewon tabi gbere itiju o.
    Ifá naa ki bayi wípé:

    “Otín ni otín ejó”
    Obì ni obì ìmòràn 
    Emun àìrírí ni emun àràjoòjo
    A difa fun kéreré ìpàpò a bu owo kan fun àgbàgbà ìpàpò lojo ti won nlo si ikunle ejó, àwon méjèjì ni won jijo nbarawon ja ti won nbarawon nsota, won ni ki kéreré ìpàpò rúbo nitori ki won baa le segun àgbàgbà ìpàpò, won ni ki àgbàgbà ìpàpò náà rúbo nitori ki won baa le segun kéreré ìpàpò, obi meji, agbebo adiye ati apolukuluku sugbon kéreré ìpàpò nikan lo rúbo ti won si sin gbéré ifá funwon, àwon àgbàgbà ìpàpò mawo niro won pesu lole won koti ogboin sebo, kee pe seni won ranse si àwon méjèjì lati ile olofin wípé ki won wa ro ejó enu won, nigbati àwon méjèjì dele olofin won duro won koju sira won, àwon kéreré ìpàpò ro ejó bee náà ni àwon àgbàgbà ìpàpò ro ejó sugbon ejó enu kéreré ìpàpò nikan ni olofin gbo, kéreré ìpàpò nikan ni won da lare won si segun àgbàgbà ìpàpò, àwon kéreré ìpàpò wa njo won nyo won nyin babalawo àwon babalawo won nyin ifá, ifá nyin Eledumare won niti won gbo riru ebo ti won rúbo ti won gbo eru atukesu ti won tu ti won si gbo ikarara ebo ni hiha ti won si ha, nje riru ebo a maa gbeni eru atukesu a maa da ladaju ko pe ko jina ifá wa bami larusegun arusegun ni a nbawo lese obarisa. 


    Àwon kéreré ìpàpò wa fiyere ohun bonu wípé:
    Ojó ti mo bawon ru mo ro mo segun o
    ojó ti mo bawon ru mo ro mo se won 
    Ogun ki nja ko ja kéreré ìpàpò oni ni maa ro masegun
    Òrúnmìlà ni to ba se bi ise ti akápò toun ni, oni sebi adiye ki ni orókún ejó 
    Oni sebi oju kan ni apolukuluku njoko si njare oloko.


    AKOSE IFÁ NAA: Leyin igba ti a ti fi adiye naa bo ifá tan, ao ge orokun won lotun losi ti ibi oju orokun naa yio wa laarin, ao ge ojuke ewe apolukuluku naa bee die, ao lo papo mo orokun adiye mejeji naa ti yio kunna daadaa, ao fi iyerosun teye ifá yi soju opon ao pe ifá yo si ao se adura si, ao da iyerosun naa si eleyi ti a lot yen lori ao po papo, ao fi sin gbere yika orokun wa mejeeji. 


    Eyin eniyan mi, mose ni iwure laaro yi wípé Eledumare koni jeki a ri ogun ejó o, ao segun gbogbo ogun toba doju kowa ako ni ri inira ninu odun yi lase Eledumare aaase. 
    ÀBORÚ ÀBOYÈ OOO.

  • The sensiotics of autism were disclosed by Ifa through the sacred Odu Osa Oturupon. 

    Written by Bokonon Abla Woli

    Osa Oturupon speaks about an emotional disease that manifests through different mechanisms. First of all there is a scattered kinestesis. Kinestesis is characterized by the divergence of many information that come out simultaneously and overload the emotional field. In other words the autistic person is overloaded by a sum of countless kinestesis information that focus the conscious attention of the subject. These information may collect into some form of visual synesthesia, in particular the proprioceptive afferences. Proprioceptor are kinestesic receptors that are located into the joints and muscles and are able to inform the cerebellum on the static and dynamic positions of the entire body or specific muscolar groups. The cerebellum has become increasingly implicated in higher cognitive processes and executive function such as those employed in theory of mind through these fronto-cerebellar circuits thus changes in cerebellar structure provide a potential anatomical basis for a range of cognitive deficits that are observed in autism.
    Continue reading after the page break

  • Eniyan koni rajo kofi orire kale sile ibiti aba koriwa mase pada leyinwa oo

    Ori mi Apere
    isedami Ajifobi kan
    Amuni wale aye magbagbe Eni
    Orimi gbemi bose gbe omo alara tofidade owo
    isedami gbemi bosegbe omo ajero tofi tepaleke
    orimi gbemi bose gbe
    omo orangun ila tofidi eni apesin pitipiti
    mogbani Adurafun wape
    oriwa Asegbe funwa o
    ifa ni
    sakasala legbe leke
    Adifafun ori omo Amuwa gun boroboro
    ebo lawoni komuse osi gbebobe orubo
    eropo eroofa eyin omon
    pe orilamuwa gun awo.

    bi ori eni basunwan
    wan ani ori enida
    isedami jeki orimisunwan korimidi ori ola ati olaa ki mase se eru egbe mi oo
    # Babalawo Ifatola Sangodare Awosipe

  • Odún ifá àgbáyé !

    Odù ifá tí ó sòkalè ni *ìretè-ìká* ifá pé ire aya (couples blessing) ifá ní a ó se òpòlopò Odún láyé.

    Ifá ní kí á rúbo lópòlopò wípé Odún yìí yóò sàn wá fún ajé, aya, Omo, ogbó ató àti àìkú tí se baálè orò .

    Àsèyí se àmòdún ooo

  • Ifá náà ki bayi wípé: Eye òkun, Eye òsà

    Ekaaro eyin eniyan mi, aojiire bi? Aku amojuba osù tuntun òkudù yi, osù tuntun náà yio sanwa sowo, somo ati si aiku baale orò o, mosi tun fi asiko yi ki gbogbo awa onisese lagbaye wípé aku odun bara mi agbonmiregun kaakiri agbaye, bi a se se odun yi ao tun se ti eemin ninu ire gbogbo o àse.
    E jeki a fi odu ifá mimo osa alawure yi se iwure ti ibere osù tuntun yi.
    Ifá náà ki bayi wípé:
    Liili eye òkun
    Liili eye òsà
    A difa fun Òrúnmìlà baba felo joye atáyése won ni ko karaale ebo ni ki o wa se, obi meji…. Òrúnmìlà kabomora o rubo won se sise ifá fun, lati igba náà ni Òrúnmìlà ti bere sini ntayese, baba wa njo o nyo o nyin awo àwon babalawo nyin ifá, ifá nyin Eledumare, oni riru ebo a maa gbeni eru atukesu a maa da ladaju nje kee pe kee jina ifá wa bami ni jèbútú ire nje jèbútú ire ni a nbawo lese obarisa.
    Eyin eniyan mi, mose ni iwure laaro yi wípé Òrúnmìlà yio tun aye wa se o, gbogbo isoro ti a nkoju yio di nkan igbagbe ninu osù tuntun yi, ao rije ao rimun losu yi, gbogbo oke isoro wa yio di petele lase Eledumare aaaase.
    ÀBORÚ ÀBOYÈ OOO.

    English Version

    Continue after the page break

  • Owonrinsogbe – Lati Owo Araba Ifayemi Elebuibon.

     

  • Ifa naa ki bayi wipe: Emi ote, Iwo ote

    Ekaaro eyin eniyan mi, aojiire bi? Aku ise ana o, a sin ku ose ifá toni, emin wa yio se pupo re laye ase.
    Gegebi a se mo wípé oni ni ose ifá, e jeki a fi odù ifá mimo eji elemere yi se iwure ti aaro yi.
    Ifa naa ki bayi wipe:
    Emi ote
    Iwo ote
    Igbati ote di meji lo dododo a difa fun baba olorire malese ire igba iwase eleyi ti ori re nfojojumo ngbare sugbon ti ese mejeeji ko lo gba ire naa, won ni ko karale ebo ni ki o wa se nitori bi ori re ba tile gba ire ki ese re mejeeji naa baa le lo maa gba ire naa, obi meji…….. baba kabomora o rubo won se sise ifa fun nigbakugba ti ori baba bati wa gba ire ese re mejeeji yio wa lo gba ire naa, baba wa njo o nyo o nyin awo awon babalawo nyin ifa, ifa nyin eledumare oni nje riru ebo a maa gbeni eru arukesu a maa da ladaju nje ko pe ko jina ifa wa bami larusegun arusegun ni a nba awo lese obarisa.
    Baba wa fiyere ohun bonu wipe:
    Nje bi okan bayo ninu igbo a bona wa ire kasai wami wa o ire
    Bi aba bu Omi sori a bese wa ire kasai wami wa o ire.
    Eyin eniyan mi, mo gbaladura laaro yi wipe ire gbogbo yio maa sawari wa, ese wa mejeeji koni lodi sori wa, ao segun amubo, aseti, ijakule ati ki won ba eniyan da majemu ki won ma fise o aaaseee.
    ABORU ABOYE OOO.

    English Version
    Continue after the page break

  • A difa fun Òrúnmìlà lojo ti baba nlo sotu ife…

    Ekaaro eyin eniyan mi, aojiire bi? Aku isinmi opin ose o, bi a se njade lo loni ako ni subu lase Eledumare Àse.
    Laaro yi mofe fi kayefi kan to sele ni bi ojó mesan seyin ladugbo mi nilu ikorodu se idanileko laaro yi.
    Gegebi mo se maa nso wípé Olorun Eledumare ni alagbara julo, iru agbara eyi o wu ka ni, boya oso niwa ni, ogbologbo aje, babalawo to gbofa to mo oyun igbin ninu ikarahun ni tabi ogbologbo aroni gbonra jigi deru oogun niwa ni, olorisa ni tabi ologboni, eyin eniyan mi ofutufete niwa niwaju Eledumare, Olorun Eledumare nikan ni oba alagbara julo, fun idi eyi gbogbo agbara ti a ba ni e jeki a maa rora lo kasi maa fi bowo fun Eledumare.

    O pe ojó mesan loni nigbati kafeyi yi sele, bi mose de si adugbo ti mo ti nsise, mo jade ninu oko ayokele nigbati mo maa gbe ese seni mo nwo aso ogun ti won jo soju opopona sugbon aso náà ko jo tan, mo wa pe ikan ninu àwon omo adugbo wípé kini nkan to sele nibi laaro yi? Omokunrin yen wa sofun mi wípé seni won ri obinrin kan to wo aso ogun to nra nile wonu mosalasi nibi ti awon okunrin maa njoko si nse adura nidaji nigbati won fe lo kirun asuba, bi won se paruwo niyen, won wa lo pe arakunrin omo egbe oodua people congress kan, arakunrin naa si gbe ibon dani oni nigbati won nbeere oro lowo arabinrin náà ko le so nkankan won ni seni o nse bi eniti iye ti ra mo ninu, nigbati won wa gbe ibon ti won ni ko bo aso orun re o wa bo aso náà bi won se dana sun aso niyen, sugbon laarin iseju yen won wa omobinrin yi ti won ko ri mo, o ti “farasoko” pelu ihoho to wa, emi lo gba iyoku aso ti ko jotan naa sinu kota nitori ki awon eniyan ma baa te mole, lotito awon ara adugbo ko mo iru eni ti obinrin naa je sugbon emi mo wipe ninu awon ika aje ni to ta siagere sagbara Eledumare ti won si fi òrò enu Eledumare bawi.

    Eyin eniyan mi, kosi alagbara kankan leyin Eledumare, afiti Olorun ko baiti setan lati jewo ara re fun onitohun, òrò enu Eledumare ntu bee lo si nde, fun idi eyi e jeka se jeje je o.
    Òrúnmìlà naa koju iru awon isoro bayi nigbati awon eni ibi fe bayeje mo lowo, sugbon nipa oro enu Eledumare “ifa” o segun won o si raye se.
    Mo maa fi ese ifá odu Osalogbe (osa elesu) se idanileko nipa iru isele to sele yi.
    Ifá náà ki bayi wípé:
    Omi réré
    Omi rèré
    A difa fun Òrúnmìlà lojo ti baba nlo sotu ife ti nlo bawon taye won se, seni iya olodogboniko ni ki Òrúnmìlà mu oun dani, Òrúnmìlà loun ko ni le mu dani nitori oun ko le jeki o doju ti oun lotu ife, iya odogboniko bere sini nbe Òrúnmìlà wipe oun koni dojuti, oni ki Òrúnmìlà jeki won bura sugbon Òrúnmìlà sofun wipe eewo oun ni ibura oni oun ko ki nbura, iya odogboniko ba bere sini soro wipe oun maa njeku, oun maa njeja, oun si maa njeran oni sugbon se Òrúnmìlà ri igi towa ninu iho okuta yen oni oun ki nje o, oni oun koni dojuti Òrúnmìlà, bi Òrúnmìlà se gba lati mulo sotu ife niyen, nigbati won de otu ife Òrúnmìlà bere sini nrubo o nsetutu lati fi tun awon nkan toti baje se, ko ti e pe rara seni iya odogboniko fo feere sode to bere sini nba otu ife je, bi okiki re se nkan sotun bee lo nkan sosi, otu ife daru o kan gogogo, gbogbo ara otu ife bere sini nparuwo le Òrúnmìlà lori wipe baba ti ba ilu won je, won ni oun lo mu alejo ajeji wolu won, won ni ko yaa lo wogbon dasi alejo re o ki o si bawon se ilu won to baje o, Òrúnmìlà ba ko oke ìpònrí re ru o so won ni seni ki Òrúnmìlà lo rubo ki o lo gbebo naa si “agbèrùn”(orita meta) Òrúnmìlà ba se bee, arubosobo ni won nse nigba kutu iwase, Òrúnmìlà lo foju pamo sibikan lati le mo nkan to maa sele, ko pe si nigbati iya odogboniko nbo lati ibi to ti lo “ró” se lo de agberun to nwo isu ati ago omi nibe, o bu serin oni Òrúnmìlà yi ma go o, oni ojo to fi eku papate oun gbeje, oni ojó to fi eja papate oun gbeje, oni ojó to fi eran papate oun gbeje oni se isu lasan lasan to wa fi rubo yi ni oun koni le je, bi o se mu isu niyen, o bu isu je wau nigba kinni o buje nigba keji, igba to maa buje nigba keta ko mo wipe egungun eran wa ninu isu ti oun buje bi o se ni ki oun gbemi seni egungun eran ha lona ofun ko wale gbe isu min mo, o bere sini nse hòò, bi esu se jade si niyen esu nise ko si omi ni Òrúnmìlà jade sita oni omi wa, won gbe ago omi ti won se ifá sinu re fun iya odogboniko, o gbe omi mun gigigi, seni iya bere sini npoyi to nbi gòòrògò, Òrúnmìlà fiyere ohun bonu wípé:
    O ti nsu
    O ti nbi
    Odogboniko
    Ko seni to mogba “to ma re o”(kú)
    Odogboniko
    Ki oko loyun
    Ki oyà (iyawo) loyun
    Omi rere kenge
    Ao mo eniti to maa tete bí (bimo)
    Omi rere kenge
    Atetebi muku tina
    Omi rere kenge
    Oni ni òbò a paje
    Oni ni òbò a paje o
    Bi ìyá odogboniko se subu lule niyen toku, ojó naa ni otu ife bere sini dara, gbogbo àwon ara otu ife bere sini njo won nyo won nyin babalawo àwon babalawo nyin ifá, ifá nyin Eledumare won ni riru ebo a maa gbeni eru atukesu a maa da ladaju nje ko pe ko jina ifá wa bawa larusegun arusegun ni a nbawo lese obarisa.
    AWO KOKO TO WA NINU ESE IFA YI NI:
    1. Ifá yi ki nba eniyan bura tabi munle
    2. Ifa yi ki nfe obinrin pupa
    3. Ifá yi ki nje isu sisun nitori eyin dindun
    4. Ifa yi ki nsi agbara tabi ipo ti eni bawa lo
    5. Ifá yi ki ntapa si ona Eledumare ki eni naa ma baa subu ti koni gberi mo laye.

    Ni igba kan ri ni odun 2013, mose iru etutu yi fun arabinrin kan ni Ayetoro Ayobo, o si gbe etutu naa siwaju ile re lorita, lale ojo náà ni eni to nbaja ladugbo naa gbe etutu yi lo sile to si je to mun omi ifá naa si, nigba to di ojo keji won gbe lo si celestial soosi kan sugbon àwon ara celestial sofun iyawo re wipe ki o maa gbelo si ilu re, nipa to pe ojo keta ni orun gbalejo re.
    Eyin eniyan mi, mose ni iwure laaro yi wipe ako ni se si ofin Olorun Eledumare, ibinu Eledumare koni ke lori wa, ayé koni fi okunkun bo igbesi ayé wa mole, gbogbo awon eni ibi ti won ndawa laamu orun yio gba alejo won ni kiakia loni aaaase.
    ÀBORÚ ÀBOYÈ OOO.

    Continue after the page break for The English Version

  • Ifa naa ki bayi wipe: Òkàn sá

    Ekaaro eyin eniyan mi, aojiire bi? Mo lero wipe gbogbo wa la sun dokan daradara aku isimi opin ose, mosi fi asiko yi ki gbogbo àwon ore mi ti won je omo leyin kristi wípé eku odun eku iyedun emin yio se pupo re laye ninu ola ati idera o Àse.
    Ifá yi gba wa niyanju, tabi eni to ba bi nigbodu/itenifa niyanju wipe ki o se etutu daradara ki won si se akose ifa yi fun ki o fi sin gbere sorun owo re mejeeji ki a si tun se akose elemun fun akápò yi ki o maa mu dani fun sise adura lararo nitori ki o ma baa maa se Ogun amubo ati aseti ki gbogbo nkan to ba ndawole baa le maa yori si rere.

    Ifá yi gba okunrin ti odu yi ba jade si niyanju wipe ki o se etutu naa ki o ma baa maa se amubo iyawo , ki iyawo ba le ba gbele dojo ale, ti o ba si je obinrin naa lo jade si ki o se etutu naa daradara o ki o ma baa ni isoro Oko ki won ma baa maa gbe lagbeju sile ki o ba le lade lori dojo ale re.
    Ifa naa ki bayi wipe:
    Òkàn sá
    Èjì sá babalawo àsá dífá fun àsá lojo ti o nroko iwaje, beeni asa nse Ogun amubo o nse Ogun aseti o wa goke ijeti ile Orunmila “won gbódo wálè àgbède òrun ro” won ni ko karale ebo ni ki o se ki o ma baa maa se amubo ati aseti mo ki o baa le maa ri eran obi meji……..sile meta owo ati igba ewe ayajo ifá, àsá kabomora o rubo won ni ko gbe lo sorita meta ajaloko àsá si se bee, nigbati o dorita meta o wa nse adura si etutu ni esu odara de, o wa beere lowo asa wipe kini isoro re? Asa ni Ogun amubo ati aseti lo nba oun finra pe kosi gbogbo nkan toun ba mu ti ki nbo lowo oun, esu ba mu ikan ninu emu ti asa fi rubo yen o fi ikan si lowo otun o fi ikan si lowo osi oni kosi nkan to bati mu ti yio bo lowo re mo inu asa ba dun to ba wati ri nkan to fe gbe àsá a so wipe;
    Àpasà?
    maa ni o han só,
    Oni òkò àsá nko?
    Mani ki nbale nsanwo, lati igba náà ni àsá ti segun Ogun amubo ati aseti o wa njo o nyo o nyin awo awon babalawo nyin ifá, ifá nyin Eledumare oni riru ebo a maa gbeni eru atukesu a maa da ladaju nje ko pe ko jina ifá wa bami larusegun arusegun ni a nbawo lese obarisa.
    Eyin eniyan mi, mose ni iwure laaro yi wipe ire ayé wa koni bo danu lowo wa mo, ao maa ni aseyori lori gbogbo adawole wa, gbogbo obinrin ti won nse amubo Oko yio di asegun loni e o si lade lori dojo ale yin, gbogbo okunrin ti won nse amubo iyawo won yio di alaya ni odede, ako ni sanwo ire gbogbo mo laelae, laalaa wa koni jasi asan lase Eledumare aaase.
    ÀBORÚ ÀBOYÈ OOO.

     

    English Version:

    Continue after the page break