Skip to content

Àṣà Oòduà

Author: Awo

KÁDÀRÁ Ò GBÓÒGÙN

Adáni wáyé ti dáni sáyé ná.
Káwayé máyà tó sayé dàwáàlọ.
Òréré layé kò see wò tán.
Àyàfi ká gba kádàrá lókù.
Kádàrá ò seé kọ̀ láìgbà.
Ádíá f’ẹ́ja tó f’ibú selé.
Ádíá f’ọ́pọ̀lọ́ tó f’òkè s’ebùgbé.
Ọ̀pọ̀ló f’omi s’elé, ó fèèpẹ̀ s’ebùgbé.
Àdán s’ẹyẹ tán, ó tún s’eku.
Lọ́wọ́ ọba mi àrà tí ń sisẹ́ àràmàǹdà.
Kí gbogbo ẹyẹ ó máse bínú àdán mọ́.
Kí gbogbo ẹja ó máse bínú ọ̀pọ̀lọ́ gan.
Ìpín-ò-jọ̀pín nílé ayé ń bí.
K’óníkálukú gba ti ẹ̀ lókù.
Iná ń bẹ lábẹ́ asọ kóówá.
Bí ti ń jóníkálùkù ọ̀tọ̀ọ̀tọ̀.
Iná tí ń jóni tá ò gbọdọ̀ jósí.
Iná tí ń jóni tá ò le è pa.
Iná abẹ́ asọ a máa jóni lọ́pọ̀lọ́pọ̀.
Ẹ̀dá tí ń sáré àtilà.
Kó rántí ẹni tó sáré là tí ò tọ́jọ́.
Ẹ̀dá tí ń sáré àtilu.
Kó rántí ẹni tó sáré lura rẹ̀ mọ́lẹ̀.
Ẹni ọba mi òkè bá pá lórí kó dúpé.
Lọ́jọ́ tí wèrè bá mọlé onígbàjamọ̀.
Ẹkún ń lá, tí kò leè sun ni.
Olówó ń sunkún, ẹ̀yin lẹ ò gbọ́
Ẹdìẹ ń làágùn, ẹ̀yin le ò mọ̀.
Iná tí ń jóni lábẹ́ asọ.
S’ebí lára oníkálukú ní ń bẹ.
Iná tí ń jóni tá ò leè pa.
Iná abẹ́ asọ ni wọ́n pè bẹ́ẹ̀.
Bí ẹ r’ẹ́ni tó lówó lọ́wọ́ bí alówólódù,
Ẹ má rò pó ti ń dùn bí ìlù dùn-ùn dún.
Ohun tí ń rán lábẹ́ asọ rẹ̀ ń dùn-ún dénú.
Ènìyàn le lówó lọ́wọ́ láì l’ẹ́nìkan.
Ènìyàn le lówó lọ́wọ́ láì láya ńlé.
Débi wípé ó máa bímọ gan.
Obìnrin le lówó lọ́wọ́.
Obìnrin le lẹ́wà lọ́dọ̀,
Kó tún jẹ́ opó ọ̀sán gangan.
Lọ́wọ́ ọba mi àrà tí ń sisé àràmàǹdà.
Òbìrí layé ẹ̀yin ọ̀rẹ́.
Òbìrí layé ẹ̀yin ọ̀rẹ́ ẹ̀ mi.
Ẹní lòrí ò ní fìlà.
Ẹni nì fìlà ò lórí.
Ẹni ra bàtà ò lẹ́sẹ̀.
Ẹní lẹ́sẹ̀ ò ra bàtà.
Oníkálukú abi ti ẹ lára.
Iná ń jó ògiri ò sá.
Òjò ń rọ̀ òrùlé téwọ́.
Sebí wọ́n gba kádàrá ni.
Ká gba kádàrá,
Káma jírẹ̀ẹ́bẹ̀,
Sọ́ẉọ́ ọba mi àrà tí ń sisẹ́ àràmàǹdà.
Kámá torí gbígbó ká pajá.
Kámá torí kíkàn ká pàgbò.
Kámá torí àwíjàre kítọ́ ó tán lẹ́nu.
Ẹni bá torí p’élé ayé burú,
Tó wá gbòrun alákeji lọ.
Ẹ báni bi wọ́n pé kin ni wọ́n fẹ́ bá pàdé níbẹ̀ẹ̀ẹ̀ẹ̀ẹ̀ẹ̀ẹ̀.

14 November 2018
Olódùmarè mà tóbi lóba ooo.

Olódùmarè mà tóbi lóba ooo.

Kíni olórun olódúmarè kò le se tán, Olódùmarè tó dá ayé òhun òrun tí ó sì so òrò sí órìlè ayé, òrò náà á máa jé Ifá tí ó fi rán òrúnmìlà baba àgbónìrègún.
Òdú ìfá ni ó sì n se atóka ohun gbogbo, odù ifá náà bèrè láti orí Èjìogbè dé Òfún méjì.
Olódùmarè ti se atóka rè sí orílè alàyè a sì rí odù Ejìogbè ní ara Eranko Ewúró.
Njé Olódùmarè yí kò tóbi bí.

11 November 2018
Olorì Basirat tí ó pé odún mókàndínlógún ni ojó mélòó séyìn ya àwon àwòrán tí ó wuyì.

Olorì oba àti ìyá ìbejì ni a gbó wípé ó máa n dá oba lóhùn láàfin àti wípé òhun ni ó máa n pèsè gbogbo nkan tí Kábìèsí fé láàfin àti ní orí èro ayélujára.
A gbó wípé kò sí ibi náà tí e ó ti ri Aláàfin tí e kò ni ri Olorì Ola níbè.
Olorì ti se ayeye ojo ìbí rè ní àrà òtò látàrí pínpín àwòrán tó yááyì.

6 November 2018
Òsèré Yvonne Jegede àti Oko è kí omo tuntun káàbò tí ó tún jé àkóbí won.

Gbajúgbajà Òsèré Yvonne Jegede Fawole àti oko rè dun nú nígbà tí won bí omo tuntun tí ó tún jé Àkóbí won. Bí ó ti lè jé wípé a kò tí mò bóyà ako ni àbí abo sùgbón a mò wípé ó ti bímo.
Yvonne tí ó se ìgbéyàwó ní osú Èrèlé (February) odún tó lo, ti bímo láìpé.

3 November 2018
Ká ṣojú ẹni Ká sẹ́yìn ẹni Orúkọ tí à á pe ìránṣẹ́ (ìbò) .

Òtítọ́ wọn kò sí láyé mọ́
Aṣẹ̀yìn deni wọn kò wọpọ̀
Àbàtà ńlá abojú dẹ̀gun dẹ̀gun
Ká ṣojú ẹni
Ká ṣẹ̀yìn ẹni
Àwọn mẹ́rẹ̀ẹ̀rin ní ọmọ ìkọ́fa
Ilé Àgbọnnìrègún
Baba kọ́won ní dídá ọwọ́
Wọ́n mọ̀ ọ́n dá
Ifá kọ́won ní títẹ̀ ilẹ̀

Wọ́n mò ọ́n tẹ̀
Baba kọ́won ní ìkarara ẹbọ ní híha
Wọ́n mọ̀ ọ́n ha
Wọ́n ń jẹ ìtí eku
Wọ́n ń jẹ ìtí ẹja
Wọ́n ń gba ẹyẹ
Wọ́n ń gba ẹran
Wọ́n ń jẹ ọ̀tọ̀tọ̀ ènìyàn lérù
Baba wá ní òun ṣ’awo lọ sí apá kan òkun
Òun ṣ’awo lọ sí ìlà mejì Ọ̀ṣá

Ódi ọdún mẹ́rìndínlógún kí òun tó darí dé
Òtítọ́ wọn kò sì láyé mọ́
Ni baba kó ewúrẹ́ fún pé kó mọ́ ọn tọ́jú
Aṣẹ̀yìn deni wọn kò wọpọ̀
Ni baba kó àgùntàn fún pé kó mọ́ ọn tọ́jú
Àbàtà ńlá abojú dẹ̀gun dẹ̀gun
Ni baba kó adìẹ òkòkó fún pé kó mọ́ ọn tọ́jú
Ká ṣojú ẹni
Ká sẹ̀yìn ẹni
Ni baba ko ẹyẹlé fún pé kó mọ́ ọn tọ́jú

Lẹ́yìn ọdún kẹrìndínlógún tí baba dé
Òtítọ́ wọn kò sì láyé mọ́
Eléyìun tí ba ewúrẹ́ jẹ́
Aṣẹ̀yìn deni wọn kò wọpọ̀
Eléyìun nì ba àgùntàn jẹ́
Àbàtà ńlá abojú dẹ̀gun dẹ̀gun
Eléyìun nì kó adìẹ òkòkó wọgbó
Ká ṣojú ẹni
Ká ṣẹ̀yìn ẹni
Eléyìun nìkàn ló tún ẹyẹlé ṣe

Òtítọ́ wọn kò sí láyé mọ́
orúkọ tí à á pe ìrọ́kẹ́
Ifá ní eléyìun kò gbọdọ̀ dá sí ọ̀rọ̀ tòun mọ́ láí láí
Tí wọ́n bá ń dá’fá
Kí wọ́n má a fẹnu rẹ̀ ṣẹpọ́n ko ko ko
Aṣẹ̀yìn deni wọn kò wọpọ̀
Orúkọ tí à á pe ìrùkẹ̀rẹ̀
Ifá ní eléyìun kò gbọdọ̀ dá sí ọ̀rọ̀ tòun mọ́ láí láí
Bí wọ́n bá ń dá’fá
Kí wọ́n kó má a fẹnu rẹ̀ gbáyẹ̀ròṣùn

Àbàtà ńlá abojú dẹ̀gun dẹ̀gun
Orúkọ tí à á pe ọpọ́n
Ifá ní eleyíun náà kò gbọdọ̀ dá sí ọ̀rọ̀ tòun mọ́
Tí wọ́n bá ń dá’fá
Kí wọn má a fọwọ́ lọ̀ọ́ nímú
Ká ṣojú ẹni
Ká sẹ́yìn ẹni
Orúkọ tí à á pe ìránṣẹ́ (ìbò)
Ifá ní ìbò nìkan ni kí ó má a dá sí ọ̀rọ̀ tòun ní gbogbo ìgbà

Ǹjẹ́ kínni ń bẹ lẹ́yìn tí ń tubọ?
Ìrànràn
Ìránṣẹ́ nìkàn ní ń bẹ lẹ́yìn tí ń tubọ
Ìrànràn
Ǹjẹ́ kínni yíò ma rànwá ṣe?
Ìrànràn
Ifá ni yóò ma a rànwá ṣe
Ìrànràn

Ifá yíò ma ṣe àrànṣe fún gbogbo Awo o!

– Ogbè Ògúndà (Ogbèyọ́nú)

3 November 2018
Akékòó okùnrin tí ó ti wà ní ìpelè tí ó parí ní ilé-èkó gíga polytechnic ti ìlú Oko ni won yìnbo fún tí ó sì kú.

Arákùnrin kan ni won yìn ìbon fún ní ilé-èkó gíga polytechnic ti ìjoba ní Oko ní ìpínlè Anambra.

Gégé bí ìròyìn se so, olóògbé tí gbogbo èèyàn mò sí ‘ De moon’ jé Akékòó féè pari tí ó sì jé wípé odún yí ni yóò parí èkó rè, ni won ti yin ìbon fún ní alé ojóbò (Thursday) tí se àná. Agbó wípé eka-èkó Banking and Finance ni ó wà ní ilé-èkó náà.
Àwon akékòó tí ó n gbé ní inú ogbà yí ti è ti ñ bèrú tèlè kí ó tó di wípé èyí tún selè.
Ìdí tí ó fa ìbon kò tí yé eni kankan, bí àwon kan se so wípé àwon omo egbe òkùnkùn ni ó yin ìbon náà, tí àwon kan sì so wípé olóògbé n ló èro ìbánisòrò rè mó àwon tí ó yìnbo yí lówó kí won tó paá.
Ìsèlè yí ti kó jìnìjìnì bá òpò akékòó.

2 November 2018
Davido àti Kiss Daniel nínú o okò ojú òfurufú.

Davido àti Kiss Daniel nínú o okò ojú òfurufú.
Gbajúgbajà olórin àti ìlú mòóká olórin tí gbogbo ayé mò sí Wizkid àti Kiss Daniel ya àwòrán papò nínú okò ojú òfurufú aládani. Nse ni ó dàbí eni wípé won fé jo ko orin tí yóò mìlú tìtì papò.
Nse ni ó dàbí eni wípé òré tímó tímó ni won báyìí

1 November 2018
Toke Makinwa nínú aso ìwè nígbà tí ó lo sí èbá òkun ní ìlú Èkó.

Gbajúgbajà ò n lò èro ayélujára tí a mò sí Toke Makinwa tí gbé ògo tí olórun fún hàn, nígbà tí ó gbé àwòrán ìgbà tí ó wo aso ìwè sí orí èro ayélujára tí ó n jé Ínsítágírámù .
Àwòrán tí ó gbòde yí ni ó yà ní èbá òkun ní ìlú Èkó. Toke tí won so wípé bí ó bá yá ti è yóo ju ti Kim Kardashian lo.

27 October 2018
Gbajúgbajà olórin tí a mò sí Yemi Alade rèdí fún, ìlúmòókà olórin tí a mò sí Flavour.

Gbajúgbajà olórin tí a mò sí Yemi Alade rèdí fún, ìlúmòókà olórin tí a mò sí Flavour.
Gégé bí òrò ata díndín tí ó gbòde kan, òrò nípa Tiwa Savage àti Wizkid tí àwon èèyàn n gbà, tí won sì n je lénu, Yemi Alade àti Flavour náà ti se ti won tí won pè ni “Ìfé ya wèrè ( Crazy love).
Yemi Alade pín àwòrán ijó níbi tí ó ti n rèdí fún flavour sí orí èro ayélujára. Ó n jó ó sì tún rèdí.
Àwon ìlúmòóká bíi Chioma Chukwuka-Akpotha, Juliet Ibrahim, Toke Makinwa, Falz àti àwon míran sòrò.

27 October 2018
Ogbè Ògúndá (Ogbèyọ́nú)

Ifá pé òun yóò ṣe oore òjijì fún ọmọ Ogbèyọ́nú tàbí ẹni yòówù tí a dáfá yìí fún. Ifá pé ìgbàgbọ́ rẹ̀ kò tó nǹkan nínú òun; pé kó lọ ní ìgbàgbọ́ tó jinlẹ̀ síwájú síi nínú òun Ọ̀rúnmìlà.

Ifá pé kí ó máa ṣèbọ fún òun ní ìgbà kú gbà tí ojú bá ti fẹ́ máa pọ́n ọn fún ire gbogbo pẹ̀lú eku, ẹja àti abo adìẹ.

Òwúùrù (ọ̀pọ̀lọpọ̀) ẹyẹlé àti ẹgbẹ̀rin ọ̀kẹ́ owó ni ẹbọ rẹ.

Àkóṣe /Àtẹ̀ṣé

A ó gùn ún èso ọ̀pọ̀tọ́ díẹ̀ tí ó bá ní ọ̀pọ̀lọpọ̀ èèrà lára pẹ̀lú ọwọ́ alákẹdun díẹ̀ mọ́ ọṣẹ dúdú, a ó pa ẹyẹlé kan fún ọṣẹ náà, a ó máa fi wẹ̀ lóòrè-kóòrè.

B’áráyé bá ń gan ni
B’árá ọ̀run ò bá gan ni ó tán
A dífá fún Mọ́kànjúọlá ọmọ Ẹlẹ́rìn Șàjéjé
Ìgbà tí ó ń fi omi ojú ṣe ìráhún ire gbogbo
Ẹbọ ni àwọn Awo ní ó ṣe

Ẹbọ rẹ̀ náà dà ládàjù
Ǹjẹ́ Mọ́kànjúọlá ìgbà wo lo d’olówó
Mọ́kànjúọlá ìgbà wo lo d’aláya
Mọ́kànjúọlá ìgbà wo lo d’ọlọ́mọ
Mọ́kànjúọlá ìgbà wo lo d’onílé

Àní Mọ́kànjúọlá ìgbà wo lo d’oníre gbogbo
Òní Ifá ni ẹ bá mi kì
Ọ̀pẹ̀ ni ẹ bá mi yìn
Ẹnìkan kìí mọ̀gbà tí èèrà wọnú ọ̀pọ̀tọ́
Ṣèbí lójijì là á bá ọmọ lọ́wọ́ alákẹdun

Ire ni o!

24 October 2018

←Previous Page

1 2 3 4 5 6 … 42

Àṣà Oòduà

Àṣà Oòduà

Blog
About
FAQs
Authors

Events
Shop
Patterns
Themes

Twenty Twenty-Five

Designed with WordPress