Àṣà Oòduà

Category: Iroyin Pajawiri

  • Òlódumarè les bendiga, que tengan una feliz y bendecida tarde.

    Ẹ̀là mo yìn bọrú.
    Ẹ̀là mo yìn bọyè.
    Ẹ̀là mo yìn bọ’ṣíṣẹ.

    Òlódumarè les bendiga, que tengan una feliz y bendecida tarde.

    Ijuba. Doy reverencia.

    Ìdà kí si ònà ní nse ejó lè yín
    A’dífá’fún Esin ohun Agbo
    Ti wòn nse Awo losí ilé oní Alákétu
    Njó tó jí ti kò ojúnbà Bàbá
    Ti kò ojúnbà Yèyé
    Ìbà Bàbá
    Ìbà Yèyé
    Ìbà Olówò
    Ìbà Ojù’gb’ònà……
    Ìbà apásá pà aso má nrò ó
    Ìbà ó kú tè gbogbo a rò so má ojúnbà.
    Aya má n’fohun táábadase
    Koro man saìgbá… Àsè

    Si la serpiente no cruza el camino rápidamente la matan con el machete
    Realizaron Adivinación de Ifá para el caballo y el carnero
    Cuando se iban de viaje de adivinación a la casa de Alákétu
    En el día que se despertaba sin darse la reverencia al padre
    Sin darle reverencia a la madre
    Yo le doy reverencia al padre
    Yo le doy reverencia a la madre
    Yo le doy la reverencia al rey
    Yo le voy la reverencia a la Ojù’gb’ònà
    Yo le doy la reverencia al montón de ñame que se le cubre con muchas hojas sin amarrarles
    Al menos que hagamos algo sin dar la reverencia
    Que el ritual o la ceremonia sea aceptado y exitoso… Àsè

    Ki Edumare fi ese mi mule ninu igbagbo yi. Àsè ooo

    A los pies del Creador yo bebo de la Tierra y hago un pacto con esta creencia… Así sea

    Por un mejor entendimiento de la Religión Yorùbá.

    Fá’nimoko Idin funfun.

  • Ààrẹ Buhari ní ààbò wà fún ẹ̀mí ààrẹ́ àná, Goodluck Jonathan

    Ààrẹ Buhari ní ààbò wà fún ẹ̀mí ààrẹ́ àná, Goodluck Jonathan

    Ààrẹ Buhari ti pe Ààrẹ àná, Goodluck Jonathan lórí ẹ̀rọ ìbánisọ̀rọ̀,láti báa kẹ́dùn lórí ìkọlù àwọn agbébọn tó wáyé ní Òtuòkè tíí ṣe ìlú abínibí rẹ̀ nípìńlẹ̀ Bayelsa.

    Nínú ọ̀rọ̀ orí fóònù náà, Ààrẹ Buhari kò fi bí ìṣẹ̀lẹ̀ náà ṣe ba òun nínú jẹ́ pamọ́. Ó ṣàkàwé rẹ̀ gẹ́gẹ́ bí ìṣẹ̀lẹ̀ ìbànújẹ́ ńlá tí ó sì kù díẹ̀ káátò.

    Ààrẹ tún kan sárá sáwọn ṣọ́jà tó ń ṣọ́ Ilé Ààrẹ Jonathan fún bí wọ́n ṣe kojú ìjà náà gẹ́gẹ́ bí akin. Ó wá bá àwọn ẹbí ọmọ ogun tó ṣubú lójú ìjà náà dárò.

    Ààrẹ Buhari wá fi dá àwọn ọmọ orílẹ̀èdè Nàìjíríà lójú pé àbò tó yẹ ń bẹ fún ẹ̀mí Ààrẹ àná náà àti gbogbo àwọn ọmọ orílẹ̀èdè Nàìjíríà láì yọ ẹni kan sílẹ̀ àti pé ààbò ni yóó túbọ̀ máa jẹ ìṣèjọba òun lógún.

    Ni Ọjọ́ Ìṣẹ́gun ni ìròyìn jáde síta pé àwọn agbébọn kan kọlu ilu Otuoke tó jẹ́ ìlú Ààrẹ àná, Ọ Omọ̀wé Goodluck Jonathan tí wọ́n sì pa ṣọ́jà kan níbẹ̀.

    Fẹ́mi Akínṣọlá

    #iroyinowuro

  • Olè yabo báńkì: O fowó náà so̩dún Kérésì fáwọn èrò

    Olè yabo báńkì. O fowó náà so̩dún Kérésì fáwọn èrò

    Bí ayé bá ń lọ sópin, àràǹbarà ìran lojú yóó máa rí. À bí kín ní ká tí pèyí sí pẹ̀lú bí arákùnrin òyìnbó onírungbọ̀ kan ṣe dédé yabo ilé ìfowópamọ́sí kan ní Colorado Springs ní orílẹ̀èdè-ede America jíwó o báńkì.

    Kété tó wọlé ló jẹ́ kí àwọn òṣìṣẹ́ báńkì náà mọ̀ pé olè ni òun àti pé kí àwọn oníbàárà má bẹ̀rù.

    Lẹ́sẹ̀kẹsẹ̀ náà ni àwọn òṣìṣẹ́ báńkì kò wulẹ̀ janpata mọ́ nítorí ẹ̀mí wọn tí arákùnrin náà sì ráàyè kó owó tó pọ̀ bó ṣe wùú.
    ojú mi tó tí ìṣẹ̀lẹ̀ yìí ṣojú wọn ní bó ṣe kó owó tán ló rìn jáde síta báńkì náà tó sì bẹ̀rẹ̀ sí ní fọ́n owó náà ká.

    Wọ́n ní bó ṣe ń fọ́n owó náà fáwọn èrò tó ń kọjá lọ níta báńkì ló ń pariwo ” Merry Christmas”

    Àwọn agbófinró ṣàlàyé pé ọkùnrin àgbàlagbà náà jalè owó yìí ní Academy Bank tó wà ní Colorado Springs lásìkò oúnjẹ ọ̀sán ni.

    Dion Pascale, ọ̀kan lára àwọn tí ọ̀rọ̀ náà ṣojú rẹ̀ sọ fún akọ̀ròyìn 11 News tó wà ní Colorado pé ìyàlẹ́nu ńlá ló jẹ́ fún gbogbo èrò ojú pópó bí ọkùnrin náà ṣe ń kó owó jáde láti inú báàgì owó tó sì ń fón won dà síta.

    Ìròyìn ní kété tí arákùnrin yí fọ́n owó náà ká tàn ló wọ inú Starbucks tí wọ́n ti ń ta àwọn ohun mímu tútù bíi tíì àti kọfí lọ.
    Àwọn ó ṣojú ù mi ní bó ṣe wọ inú starbucks tán ló jókòó tó ń retí àwọn ọlọ́pàá pé wọ́n á tó wá mú òun.

    Ìròyìn ní àwọn èrò ojú títì fi ara balẹ̀ ṣa owó náà tí oníkálùkù kò sì kàá sí ẹ̀bùn ọdún kérésì,bi ọkùnrin náà se kéde fúnwọn ṣùgbọ́n tí wọ́n dáa padà sínú ilé ìfowópamọ́sí náà tí ọkùnrin ọ̀ún ti kóo bọ́ síta tẹ́lẹ̀.

    Àwọn agbófinró Colorado Springs pe orúkọ ọkùnrin náà ní David Wayne Oliver.

    Wọ́n ní ọmọ ọdún márùndíláàdọrin ni àti pé kò dàbí ẹni pé ó ní olùrànlọ́wọ́ kankan tí wọ́n jọ jalè náà rárá.

    Fẹ́mi Akínṣọlá

  • Ọgbà ẹ̀wọ̀n ni pásítọ̀ Sòtítọbirẹ̀ yóó ti ṣe kérésì

    http://iroyinowuro.com.ng/2019/12/24/ogba-ewon-ni-pasito-sotitobire-yoo-ti-%e1%b9%a3e-keresi/

    Ọgbà ẹ̀wọ̀n ni pásítọ̀ Sòtítọbirẹ̀ yóó ti ṣe kérésì

    Ìjọba Ìpínlẹ̀ Ondo ti gbé Pásítọ̀ Alfa Babatunde tíí ṣe olùdásílẹ̀ Ìjọ Sòtítọbírẹ ní Ondo lọ Ilé ẹjọ́ léyìí tí ìwòye sì tún ń ṣàfihàn rẹ̀ báyìí pé Wòlíì náà yóó najú tayọ ọdún Kérésìmesì lọ́gbà ẹ̀wọ̀n.

    Lẹ́yìn ọ̀pọ̀lọpọ̀ ohun tó wáyé nílé ẹjọ́, adájọ́ ní kí wọ́n sọ Pásítọ̀ náà ṣí ẹ̀wọ̀n ọjọ́ mọ́kànlélógún gbáko títí wọn yóó fi parí ìwádìí.

    Fún Ìdí èyí, ilé ẹjọ́ ti sún ìgbẹ́jọ́ sí ọjọ́ kẹtàdínlógún oṣù kínní ọdún 2020.

    Ẹsẹ̀ kò gbèrò nínú ilé àti ìta ọgbà Ilé ẹjọ́ Oke Eda nílùú Akurẹ níbi tí Ìjọba gbé e lọ.

    Ṣe ni àwọn èrò tó wá wòran káwọ́ mórí nígbà tí wọ́n rí i tó jáde síta láti inú Ilé ẹjọ́, torí nígbà tí wọ́n gbé e wọlé, àwọn òṣìṣẹ́ àjọ DSS yí i ká, wọn kò sì jẹ́ kí ẹnikẹ́ni ráàyè wọ̀sọ́sọ́ sọ́dọ̀ ọ rẹ̀.

    Ọ̀kan lára àwọn agbẹjọ́rò tó wà níbi ìgbẹjọ náà sọ pé ní Ìlànà òfin, kò tíì sí àrídájú kankan tí wọ́n fi lélẹ̀ pé ó jẹ̀bi ẹ̀sùn tí wọ́n fi kàn án.

    Ìjọba ìpínlẹ̀ Ondo ló gbé pásítọ̀ Ìjọ Sòtítọbírẹ Miracle Centre, Wòlíì Alfa Babatunde lọ ilé ẹjọ́,Oke Eda, tó wà nílù Akure fún ẹ̀sùn ìjọ́mọgbé.

    Pásítọ̀ náà àti àwọn meje mìíràn ni Ìjọba fojú u wọn balé ẹjọ́.

    Lára ẹ̀sùn tí wọ́n fi kan wòlíì náà àti àwọn èèyàn rẹ̀ ,ni ìdìtẹ̀ láti jí ọmọ gbé àti ẹ̀sùn jíjí ọmọ gbé.

    Gẹ́gẹ́ bí ìwé ẹ̀sùn náà ṣe sọ ọ́, lára àwọn èèyàn tí ìjọba pè lẹ́jọ́ ọ̀hún ti na pápá bora.

    Nígbà tí akọ̀ròyìn fi ọ̀rọ̀ wá agbẹjọ́rò rẹ̀ lẹ́nu wò, ó ṣàlàyé pé bí onibara òun kò bá ṣẹ̀ sí òfin, wọn yóó fi sílẹ̀. Ṣùgbọ́n bí wọ́n bá rí i pé ó jẹ̀bi, òun gan gbà pé kí wọ́n fi jófin.

    ” Àwa gan ń fẹ́ ìdájọ́ tó tọ́”, lọ̀rọ̀ tí agbẹọ́rò rẹ̀ sọ.

  • Ìjo̩ba àpapò̩ t’ókun ló̩rùn Sowore àti Dasuki

    Ìjo̩ba àpapò̩ t’ókun ló̩rùn Sowore àti Dasuki
    Lati owo
    Yinka Alabi
    Ijoba apapo orileede Naijiria ni o ti ni ki Ogbeni Omoyele Sowore ti o je oludari “iroyin ayelujara Sahara” ati Sambo Dasuki ti o je oluba-Aare damoran pataki (NSA) nigba isejoba Goodluck Jonathan maa wa jejo lati ile ni osan oni ojo kerinlelogun, osu kejila odun 2019.


    Minisita eto idajo ni orileede yii, Abubakar Malami ni o gbe ejo naa kanri nigba ti ile ejo giga ti ni ki won maa wa jejo lati ile sugbon ti ijoba apapo ni ko dara ki a fi ina si ori orule sun.


    Awuyewuye ti wa n po lori ejo naa ni orileede yii ati ile ibomiran.
    Koda ija waye ni ana ode yii lori ki ijoba apapo le fi Sowore sile.


    Abubakar Malami ni nigba ti ile ejo ti le ni kii won maa wa jejo lati ile pelu awon nnkan iduro won, to won si ti yege gbogbo nnkan naa, o ni ki won maa lo ile, ki won si ma se gbagbe adehun won.

    iroyinowuro

  • Ìjọba àpapọ̀ f’ẹ́ já iná mànàmáná orílẹ̀èdè Togo àti Benin Republic nítorí gbèsè $7m

    Ìjọba àpapọ̀ f’ẹ́ já iná mànàmáná orílẹ̀èdè Togo àti Benin Republic nítorí gbèsè $7m

    Ariwo t’íjọba àpapọ̀ Nàìjíríà ń pa lé àwọn tó jẹ ẹ́ ni gbèsè owó iná nìyí báyìí o.

    Ṣùgbọ́n lọ́tẹ̀ yìí kìí ṣe àwọn ọmọ orílẹ̀-èdè Nàìjíríà nìjọba àpapọ̀ ń bá wí, bíkòṣe àwọn Ìjọba orílẹ̀-èdè méjì kan lẹ́kùn ìwọ̀ oòrùn ilẹ̀ Áfírìkà.

    Bẹ́ẹ̀ ni, Ìjọba àpapọ̀ Nàìjíríà ti jáwé ìkìlọ̀ ránṣẹ́ s’órílẹ̀èdè Togo àti Benin Republic pé kí Ìjọba ibẹ̀ tètè san gbèsè iná ẹ̀lẹ́ńtírìkì tí wọ́n jẹ orílẹ̀-èdè Nàìjíríà.

    Hmmm… Alága àjọ àpapọ̀ iná mànamáná lẹ́kùn ìwọ oòrùn ilẹ̀ Afirika, Usman Gur Mohammed ni orílẹ̀-èdè méjéèjì yí jẹ Nàìjíríà lówó iná tó tó mílíọ̀nù méje dọ́là owó ilẹ̀ Amẹ́ríkà, ($7m).

    Ọ̀gbẹ́ni Miohammed ní òun ò le joyè akótilétà tí yóó máa yan àwọn ọmọ Nàìjíríà jẹ lórí ọ̀rọ̀ iná ọba.

    Gẹ́gẹ́ bí ó ṣe sọ, ‘Ọgọ́rùn mílíọ̀nù dọ́là owó ilẹ̀ Amẹ́ríkà, ($100m) ni orílẹ̀-èdè Benin àti Togo ń jẹ ní gbèsè owó iná nígbà tí mo dé ipò Alága àjọ apínná ọba Nàìjíríà, TCN. Ní báyìí mo ti gba owó náà ku mílíọ̀nù méje dọ́là owó ilẹ̀ Amẹ́ríkà, ($7m).”

    Owó iná tí orílẹ̀-èdè Niger republic ní tirẹ̀ ń jẹ dín díẹ̀ ní mílíọ̀nù méjì dọ́là owó ilẹ̀ Amẹ́ríkà, ($2m). A ò sì ní fi wọ́n sílẹ̀. A máa já iná wọn gẹ́gẹ́ bí a ṣe ń já iná àwọn èèyàn ní Nàìjíríà níbí ni.”

    Ó ní kò sójú àánú lọ́rọ̀ iná ọba lílò àti pé, kò ní sí ààyè fún àwọn èèyàn láti máa lo iná ẹ̀lẹ́ńtírìkì orílẹ̀-èdè Nàìjíríà láì san owó rẹ̀.

    Ní kété táwọn ọmọ Nàìjíríà gbọ́ ọ̀rọ̀ yìí, onírúurú èsì ni wọ́n ti ń fọ̀ lórí rẹ̀.

    Àwọn ọmọ Nàìjíríà kan ń tara ni pé inú àwọn kò dùn sí Ìròyìn náà nítorí pé ó ní n tí ojú àwọn ọmọ Nàìjíríà tó jẹ owó díẹ̀ lásán ń rí lọ́wọ́ àwọn òṣìṣẹ́ amúnáwá eléyìí tó fihàn pé Ìjọba àpapọ̀ kìí ṣe irú rẹ̀ fún àwọn ilẹ̀ òkèèrè tó jẹ ẹ́ ní gbèsè owó iná.

    Bákan náà láwọn kan kọminú pé orílẹ̀-èdè Nàìjíríà kò le è pèsè iná tó dúró déédé fún àwọn èèyàn rẹ̀ tó jẹ́ oníǹkan, ṣùgbọ́n ó leè máa pèsè iná ológeere fáwọn ti ilẹ̀ mìíràn tó sì jẹ́ pé lẹ́yìn ò rẹyìn wọn kò ní san owó iná náà.

    Fẹ́mi Akínṣọlá

  • Ó di láyéláyé pọngbá ! Àlàbí Yellow ,àgbà òṣèré re’bi àgbà á rè

    Ó di láéláé pọngbá ! Àlàbí Yellow ,àgbà òṣèré re’bi àgbà á rè

    Gbajúgbajà òṣèré Samuel Akinpẹlu tí gbogbo ènìyàn mọ̀ sí Àlàbí Yellow ti jẹ́ Ẹlẹ́dàá nípè.

    Akọni tí à ń perí yìí jẹ́ òṣèré tí àwọn èèyàn kò leè gbàgbé , fún irú ipa tó máa ń kó nínú eré sinimá àgbéléwò lórílẹ̀-èdè Nàìjíríà.

    Nígbà tí ó ń bá akọ̀ròyìn sọ̀rọ̀ Ààrẹ ẹgbẹ́ àwọn òṣèré,TAMPAN, Bolaji Amusan, Mr Latin fìdí ọ̀rọ̀ náà múlẹ̀ tó sì ní àdánù ńlá ni ikú Àlàbí Yellow jẹ́ lágbo òṣèré

    Nílé rẹ̀ tó wà ní Ikorodu ni Àlàbí Yellow dákẹ́ sí ní òwúrọ̀ ọjọ́ Àìkú lẹ́yìn àìsàn tó ti fi ìgbà díẹ̀ dè é mọ́lẹ̀.

    Latin ṣàlàyé pé òun ti ní kí Alága ẹgbẹ́ TAMPAN tó wà ní Ikorodu lọ tojú sí mọ̀lẹ́bí olóògbé.

    Sinimá tó kópa kẹ́yìn nínú rẹ̀ ni Mọkálíìkì tí Kunle Afolayan darí rẹ̀

    Àìlera ti ń bá Àlàbí Yellow fínra fún ìgbà díẹ̀ kí ó tó wá di pé ó jawàá lẹ̀ ní òwúrọ̀ ọjọ́ Àìkú.

    Fẹ́mi Akínṣọlá

    http://iroyinowuro.com.ng/2019/12/23/o-di-layelaye-pongba-alabi-yellow-agba-o%e1%b9%a3ere-rebi-agba-a-re/

  • Àlùfá tọ́ bá ọmọ ọdún méje sùn, wẹ̀wọ̀n ọdún Márùn- ún ní ìpínlẹ̀ Ekiti

    Ọjọ́ gbogbo n t’olè, ọjọ́ kan n t’olóhun.
    Ìjọba ìpínlẹ̀ Ekiti tífìtàn balẹ̀ bí wọ́n ṣe jẹ́ ìpínlẹ̀ àkọ́kọ́ tí yóò bẹ̀rẹ̀ láti máa dárúkọ ọ̀daràn afipá bánilòpọ̀ hàn àti láti máa dójú tì wọ́n.

    Gómìnà ìpínlẹ̀ náà Kayode Fayemi gbé e jáde lójú òpó twitter rẹ̀ pé àsìkò ti tó láti máa fi ojú aṣebi hàn lásìkò tó gbé àwòrán ẹni ọ̀wọ̀ Asateru Gabriel ti ìjọ St Andrew Anglican Ifinsin -Ekiti nígbà kan.

    Gabriel ti fọjú ba ilé ẹjọ ó si jẹ̀bi ẹ̀sùn tí wọ́n fi kan, nítori ìdí èyí yóò maa ṣẹ̀wọ̀n ọdún márùn ní ọgbà ẹ̀wọ̀n Ìjọba ní Ado Ekiti fún ẹ̀sùn ìfipá bá ọmọ ọdún méje lòpọ̀.

    Ní bayiì orúkọ rẹ̀ ti wọ ìwé àkọsílẹ̀ àwọn olùfipábánilòpọ̀ ní ilé ìṣẹ́ ìdajọ́.

    Èyí jẹ́ ìpínlẹ̀ Gúúsù- ìwọ̀ -oòrùn àkọ́kọ́ tí yóò gbé ìgbesẹ̀ yìí.

    Fẹ́mi Akínṣọlá
    Iroyinowuro

  • Ìdí tí a fi yọ Donald Trump nípò Ààrẹ

    Alágbára ayé,alágbára ayé,a sè a ṣẹ̀ má lù kan, Ọlọ́run o tíì da sí dúníyàn .Bí nǹkan se n lọ yìí, Donald Trump ni Ààrẹ orílẹ̀èdè Amẹ́ríkà kẹta nínú ìtàn tí ọ̀bẹ yóó bá ń dìí láti ọ̀dọ̀ àwọn Ilé aṣojú-ṣòfin lórílẹ̀-èdè náà.

    Ìgbésẹ̀ yìí ti wá sọ ọ́ di kannakánná na ọmọ ẹ̀gà bayii nígbà tí ìjíròrò láti buwọ́lu ìyọnípò náà bá wáyé ní Ilé aṣòfin àgbà níbẹ̀.

    Ẹ̀sùn méjì tó dá lórí àsìlò ipo, ati ṣiṣe idiwo fún iṣẹ́ Ilé aṣòfin-ni wọ́n fi kan Ààrẹ Donald Trump .

    Ìdìbò lórí ẹ̀sùn méjì yìí kò ṣàì bá Ìlànà ẹgbẹ́ òsèlú lọ.

    Gbogbo àwọn ọmọ ẹgbẹ́ òsèlú Democrats yàtọ̀ sí méjì ló dìbò fún yíyọ Trump nípò, bẹ́ẹ̀ ni àwọn Republicans tó jẹ́ ẹgbẹ́ òsèlú Trump dìbò takò ó.

    Wákàtí mẹ́wàá gbáko ni ìjíròrò lórí ọ̀nà tí Ìlànà ìyọnípò náà yóó gbà fi wáyé láàrin àwọn aṣòfin àgbà náà ní Amẹ́ríkà.

    Ní nǹkan bíi agogo méjì àbọ̀ òru òní tó jẹ́ agogo mẹ́jọ ààbọ̀ alẹ́ lórílẹ̀-èdè Amẹ́ríkà ni wọn buwọ́ lu ìdìbò náà.

    Ẹ̀sùn àsìlò ipò tí wọ́n fi kan Ààrẹ Trump dá lórí ẹ̀sùn pé ó gbìyànjú àti fún orílẹ̀èdè Ukraine lókùn lọ́rùn kí ó leè kéde ìwádìí ọ̀kan lára àwọn alátakò rẹ̀ lẹ́gbẹ́ òsèlú Democrats, alàgbà Joe Biden.

    Ẹ̀sùn kejì tó kọ́ Trump lẹ́sẹ̀ ni pé ó dí Ilé aṣòfin lọ́wọ́ iṣẹ́ nípa kíkùnà láti fọwọ́ sowọ́pọ̀ pẹ̀lú ilé náà lórí ètò ìwádìí àti yọ Àrẹ náà nípò pẹ̀lú pípàṣẹ pé kí àwọn má ṣe fara hàn jẹ́rì í níwájú Ilé náà.

    Igba ó lé ọgbọ̀n, 230 àwọn aṣòfin ló dìbò kí wọ́n yọ ọ́ lórí ẹ̀sùn àsìlò ipò tí àwọn mẹ́tàdínnígba, 197 sì ta kò ó.

    Igba ó lé mọ́kàndínlọ́gbọ̀n ló dìbò fún ẹ yọ Trump lábẹ́ ẹ̀sùn pé ó dí Ilé aṣòfin lọ́wọ́ tí àwọn méjìdínnígba sì ta kò ó.

    Pẹ̀lú ìyọnikúrò nípò rẹ̀ yìí, Donal trump ti di ṣàwáwù kan náà pẹ̀lú àwọn Ààrẹ méjì mìíràn tó ti jẹ rí nílẹ̀ Amẹ́ríkà nínú ìtàn orílẹ̀èdè ọ̀hún-Andrew Johnson àti Bill Clinton. Èyí ti fa ìjíròrò àti ìgbẹ́jọ́ gbogbo di iwájú àwọn aṣòfin àgbà lórílẹ̀-èdè náà láti mọ̀ bóyá lóòótọ́, Trump yóó fi ipò sílẹ

    Fẹ́mi Akínṣọlá

    Iroyin Owuro

  • Kò sí ilé tàbí só̩ò̩bù tí a kò le fo̩ láti ké̩rù òfin – Àjo̩ Customs

    Awon ajo asobode ile Nigeria ti gbogbo eniyan mo si Customs ni won n ba awon oniroyin soro ni ipinle Adamawa pe, ko si ile tabi soobu ti awon ko le ja tabi fo ti o ba ye.
    Won ni gbogbo eda tabi onisowo fayawo ti awon ba kefin pe o keru wole lona aito ni awon le fagidi ja ile tabi soobu re ki awon si lo awon ero ofin naa lo.


    Gege bi iko ti Ogbeni Kamarudeen Olumon dari ni ipinle Adamawa se salaye. O ni bi awon se n ge awon onifayawo lowo ni won n bo oruko.
    O ni gbogbo ogbon alumokoroyi ni won mo ti won si fi n koja wole. O ni ofin abala 147 ajo Customs gba awon laaye lai gbase lati ibikankan lati lo ko iru oja bee.

    Awon ara oja Mubi ni ipinle naa rawo ebe si ijoba apapo ki o jowo si oju aanu wo awon nitori pe opo onisowo lo dawojo lati lo ra oja ti awon ajo naa gbese le. Won ni awon ko tun je fi iru aso bee seegun mo.
    Awon ajo yii ko gbo ebe rara, gbogbo iresi, ororo ati awon nnkan ile okeere miran ti won ba ninu oja Mubi naa ni won ko.

    Yinka Alabi