Sebi tori omo naa la se n sise… Omoomo baba olowo
Author: oodua
-
Won ti yan Ooni tuntun ni Ile-Ife
Awon afobaje ilu Ile-Ife ti yan Omooba Adeyeye Enitan Ogunwusi lati idile Giesi gege bi Ooni tuntun bayii. Won si ti fi oruko oba tuntun naa ranse si gomina ipinle Osun, ogbeni Rauf Aregbesola.
-
Mama o fe e gba: Iyabo Ojo ati omo re
Edumare ma pa omo folomo. Ti eniyan ba ri omo Iyabo Ojo, eniyan le sebi boya aburo re ni. Iya gan-an ni ko si fe gba yii. Oga ju!
-
Madueke ko ti bo ninu ejo, Ile ejo ko fun Saraki nisimi, Abba Moro tun ko sowo EFCC
Madueke o ti bo ninu ejo, Ile ejo o fun Saraki nisimi, Abba Moro tun ko sowo EFCC
Olayemi OlatilewaIle ise ti n risi iwa idaran niluu London, National Crime Agency [NCA] si n ba iwadii won lo ni rebutu nipa minisita epo robi ile Naijiria nigba kan, Arabinrin Diezani Alison-Madueke lori awon esun jegudujera ti won fi kan-an.
Bi o tile je wi pe awon agbofinro ilu London ti pada tu Madueke sile ko maa lo sile, sugbon gbogbo iwe irinna re pata ni won ti gba lowo re.
Eleyii ti ko fun lanfaani lati tirafu jade niluu London titi ti gbogbo iwadii ti won se yoo fi kesejari.
Nibi ti Madueke, obirin akoko ti o je aare egbe awon orileede ti won ti n fo epo-robi lagbaye, Organization of the Petroleum Exporting Countries (OPEC), ti n ronu kini o le je abajade iwadii awon olopaa ilu London, Bukola Saraki ko loju orun mo bi ile ejo tun se sun igbejo re siwaju.
Aare ile igbimo asofin agba l’Abuja, Dokita Bukola Saraki ni ile ejo ti sun igbejo re siwaju di ojo karun-un ati ojo kefa osu kokanla odun ta a wa yii.
Saraki ni won fi esun metala kan eleyii to dale aisododo nipa ijewo dukia eni ati awon iwa jegudujera ni awon akoko to je gomina ipinle Kwara. Nibayii, ile ejo ti sun igbejo naa siwaju latari ki awon iwadii kan to n lo lowo le jinle daada.
Boya eyin gbagbe, losu keta odun 2014, awon eniyan bi ogun, awon odo, ni won doloogbe nibi won ti n lakaka lati rise gba ni eka ile ise ijoba apapo to n risi wiwole-wode, Nigerian Immigration Service. Abba Moro lo je minisita feto abenu nigba naa ti oro naa kan ni awon ara ilu pe fun idaduro re lenu ise. Sugbon aare to wa nipo nigba naa, Goodluck Jonathan, foju fo asise re da.
Asiri to tun tu nigba naa ni wi pe won fi eto igbanisise naa kowo je eleyii ti won ni kan dapada sugbon ti won ko lati se bee.
Awon Yoruba bo, won ni iyan ogun odun a maa jo ni lowo felifeli.
Nibayii, Awon ajo ti n gbogun ti iwa jegudujera, EFCC, ti ra maanu naa mu. Won si ti ni ko bere si ni so tenure re nipa awon esun ti won gbe ka a laya leyin osu marun-un to ti gbe ise ijoba ju sile.
-
Won ti gbe oye Dokita fun Oba Lamidi Adeyemi III
Leyin ayeye ojo ibi odun metadinlogorin (77) Oba Lamidi Olayiwola Atanda Adeyemi III to waye laipe yii, awon ojongbon tun ti pawopo fi oye Dokita da Alaafin Oyo lola.
Ayeye yii lo waye l’Ojoru to koja yii nibi won ti n se ikojade awon omo akekoo gboye ile iwe Ifafiti Afe Babalola to kale si Ado-Ekiti. Iru ayeye yii ni yoo je eleeketa iru e ti o waye lati igba ti won ti fi ile iwe giga naa lole lodun 2009.
Lara awon eniyan ti won da lola lojo naa ni olori ijo Aguda eka ti ipinle Sokoto, Bisoobu Mathew Kukah, Kofeso Attahiru Jega to je alaga egbe INEC tele ati onidajo-feyinti Emmanuel Ayoola Babalola.
Gege bi alaga igbimo oludari ile iwe naa, Ojogbon Iyorwuese Hagher se so, o ni awon eniyan ti awon dalola yii lo je awon ti won ti kopa ribiribi ninu idagbasoke igbe aye awon eniyan awujo. Eleyii to se apejuwe won gege bi awon eni iyi ateye.
Alaafin nikan o darin, die lara awon ayaba ati igbimo Oyomesi koworin pelu oba to je nikete ti Gbadegesin Ladigbolu II goke aja. Koda, won tun ya foto pelu awon oloye nigba ti won pada saafin baba ti mbe lode Oyo.
-
Olise dubule aisan leyin ti Emmanuel Emenike dagbere fun egbe Super Eagles
Akoni-moogba egbe agbaboolu Naijiria, Sunday Oliseh ni won ti gbe digbadigba lo si ilu Belgium bayii fun itoju. Ajo ti n dari ere boolu Naijiria, The Nigeria Football Federation lo so eleyii di mimo loju opo won [@thenff] eleyii to kale sori Twitter.
Ojobo ose to koja yii ni won fi baalu funfun nla gbe Oliseh jade niluu Potakootu lo siluu Belgium nibi won ti n toju re.
Lojo Oru ose to koja ni Emmanuel
Emenike, okan lara awon egbe agbaboolu Super Eagles kede lori ero ayelujara wi pe akitiyan oun ti pari pelu egbe agbaboolu naa.Eleyii ti Oliseh so wi pe o je iyalenu ati ohun to soro lati gbagbo. E maa gbagbe pe, Vincent Enyeama naa kede ifeyinti re laipe yii ninu egbe Super Eagles.
Titi ti a fi se akojopo iroyin yii, a ko le so pato orisii aisan to n se Oliseh, eni ti itoju re si n tesiwaju niluu Belgium.
-
Ile ejo ti ran Jimoh lewon leyin to fi ehin ja ori oyan asewo niluu Ibadan
Ile ejo ti ran Jimoh lewon leyin to fi ehin ja ori oyan asewo niluu Ibadan
Ile ejo Majisireeti ti n jokoo niluu Ibadan ti ran Ogbeni Sunday Jimoh lewon bayii leyin igba to fi ehin ja ori oyan arabirin Meseheno Asukwo niluu Ibadan. Ni nnkan bi ago mejo ale Ojoru to ko ja yii (21/10/15) ni Sunday, eni odun mokandinlogun (19) lo je igbadun ara re ni ile asewo kan to wa ni agbegbe Ekotedo niluu Ibadan. Gege bi iwadii Iroyin Owuro, igba ti Sunday je dodo omoge tan, ko di wi pe ko sanwo asewo lo ba bere si ni so sitoori repete fun Meseheno.
Meseheno omo yibo ba fabinu yo. Bee lo n pariwo pelu adamodi geesi ati ede yibo wi pe ki Sunday o sanwo oja to ra ni kiakia. Meseheno ti inagije re n je Angel ba gbinyanju lati towo bo inu apo Sunday nigba to ko ti o dalohun boro. Ibi ija ti gbe bere ni yii, ti Sunday n fi gbogbo ara ja bi eni jagun Kiriji.
Nibi ija yii lo ti fehin ja ori oyan Angel omo pupa roboto, to si tun fehin kola gomba si gbogbo oju re pata.
Awon eniyan sare gbe Angel lo si ile iwosan nigba ti won dana iya fun Sunday ko to di wi pe won fa a le awon olopaa lowo. Enikeni ko le so fun wa nipa ibi ti Sunday n gbe abi iru ise ti n se gan-an. Sugbon iwadii fi ye wa pe igba akoko ko ni yii ti omokunrin naa ti maa wa naja awon asewo.
Lojo keji ti isele yii waye, adajo agba Majisireeti, Arabirin Munirat Giwa-Babalola ti n jokoo nile ejo Majisireeti Iyaganku niluu Ibadan ti dajo ewon osu mefa (6) fun Sunday nigba ti ile ejo fidi re mule wi pe bobo naa jebi awon esun ti won fi kan an.
-
Won je David Mark, Amaechi ati Fasola lenu bi obi abata
Won je David Mark, Amaechi ati Fasola lenu bi obi abata
*Didake David Mark n ko awon eniyan lominu
*Asa tuntun ti won da:
“Mi o gba riba ri laye mi” – Amaechi
“Gege bi gomina, mi o saini seeki ri ”- Fasola
Oniroyin: Olayemi OlatilewaDavid Mark
Awon omo Naijiria ti bere si ni kominu pelu didake ti aare ile igbimo asofin agba ana, David Mark, se ko ti o soro tabi dasi awon oro to n lo nile igbimo asofin gege bi omo ile. Paapa julo, didake re ni akoko ti awon ile igbimo asofin agba n se iforowanilenuwo fun awon minisita ti Aare Buhari fi oruko won ranse.Gege bi omo ile igbimo to ni iriri julo, opolopo awon omo Naijiria ni won reti idasi re ninu awon oro to se koko sugbon ti maanu naa ko ti o soro lati igba ti won ti gbe ile igbimo eleekejo to wa lode yii ro.
Igba marun-un otooto ni won ti dibo yan David Mark, eni odun metadinlaadorin (67), sile igbimo asofin agba Abuja. Ninu eto idibo odun 1999, 2003, 2007, 2011 ati ti 2015 to waye laipe yii, David Mark naa ni igba funfun re n leke omi lati soju Guusu Benue nile igbimo asofin ti won ti n fi aga alaso pupa jokoo.
Yato si wi pe o ni anfaani lati jawe olubori nipa jije omo ile igbimo lodun 2011, Mark to ti fi igba kan je alakoso ipinle Niger lodun 1984 si 1986 ninu isejoba ologun, tun pada jawe olubori gege bi aare ile igbimo asofin agba eleyii to jokoo laaarin 2011 si 2015. Akoko yii si fe e je igba ti okiki re kan julo ninu oselu ile Naijiria.
Opolopo awon eniyan ni won ti lero wi pe baba naa o lo sinmi nile nigba to ba pari ise re gege bi aare ile igbimo asofin agba. Sugbon ninu eto idibo odun 2015, odoodun ni sapo n ruwe ni David Mark fi oro naa se pelu bo se pada wa gege bi omo ile igbimo asofin fun igba karun-un.
David Mark ko di ipo agbara kankan mu nile igbimo asofin eleekejo iru e to wa lode yii, bakan naa ni iriri re gege bi asofin to pe ju lo nile igbimo farasin ni awon akoko tile ba pade.
Awon onwoye lagbo oselu ati awon onimo nipa irori eda eniyan gba wi pe didake ogbeni Mark le je latari bi pupo awon omo leyin re nigba kan se di ipo asaaju mu nile igbimo oteyii, nigba ti oun bi enikan to n ti je oga wa pada di omo leyin to kan an jokoo lori aga lasan lai ni irawo kankan lapa.
Lara afikun awon onwoye tun ni wi pe, o le je boya o n gbiyanju lati fi ara re si ipo owo (aponle) nipa didake ti n dake roro bi omi inu amu. Se e mo wi pe awon ijiroro lori awon abadofin ile igbimo kii waye laisi ariwo pipa mora eni, riranju mora eni, eleyii to tun maa la gidigbo lo Iawon igba mi-in. O le je awon ohun to n sa fun ni yii to fi n sebi abata takete bi eni wi pe ko bodo tan-an tabi ko je wi pe ojuti ni o je o soro.
O jo bi eni wi pe awon ara ilu gan-an ko tile kobiara si bi ogbeni David Mark ko se ki n dasi awon oro to n lo nile igbimo asofin. Sugbon ohun to pe akiyesi awon eniyan ko ju bi kamera ile ise telifisan kan se gbe aworan Mark jade nibi to pelengo si legbe kan , to si n wo bi eni wi pe ohun ti n lo ko kan-an rara. Eleyii waye nigba ti ile n da ibeere orisiirisii bo Rotimi Amaechi, okan lara awon minisita ti won fi oruko won ranse.
E jeri awon omo Naija, kete ti won foju ri Mark ni iye won so. Ti won si se bee fo fere sori ero iwiregbe Twitter nibi won ti n tu gbogbo oun to ha won lona ofun da sile. Die ni yii lara awon oro to n lo lori ayelujara nipa asofin David Mark.
Musbau Bolaji: [@Bonjila] Onworan le mi kaa si. Ohun to si maa n sele seeyan niyi nigba o ba ti pe lori imi.
Aisha: [@aisha_modibbo] Maanu naa le maa dake latari wi pe oju n ti, ko si mo bo se fe pe Bukola Saraki ni “Mr Senate President sir”.
AS Aruwa [@Musadiqz] David Mark, agbalagba ana, wa di eni ti n wo bi omode ti won gba pofupoofu re lonii. Sio.
Abu Hashim [@zvyyd] E dakun sir, oga Bukola Saraki, bi o tile je adura ibere ati ipari, e je ki David Mark naa ma se.
IG:Osi.lama: [Osi_lama] Emi ko tile kofiri baba naa rara. Se e suo wi pe David Mark mbe nile igbimo sa?
Raji Fasola Alade: [@alade80] Ti omo ile iwe ba ti ripiiti kilaasi, ki lo tu ku ju ko ma wo bi ori eran lo.
Yato si oro David Mark ti n ja raninranin lori ero iwiregbe Twitter, awon omo Naija tun ti bere si ni dasa tuntun eleyii to jeyo latari awon idahun Raji Fasola ati Rotimi Amaechi ti won je gomina tele fun ipinle Eko ati Rivers leseese.
Rotimi Amaechi Ni akoko ti ile igbimo asofin agba n fi oro wa Fasola lenu wo, won beere nipa milionu mejidinlogorin (N78M) to na sori ikanni adani re lori ayelujara, www.fashola.com. Fasola ni ko si owo ti oun na ni akoko oun gege bi gomina ipinle Eko eleyii ti ko gba ona to ye jade.
“Gege bi gomina, mi o saini seeki ri”- Fasola.
Iru ipade yii na jade ninu idahun Rotimi Amaechi, eni to si ni awon esun kan ti won fi ko o lorun nipa isowo ilu mokumoku. Lara awon idahun Amaechi niwaju ile igbimo asofin ni , “Emi o gba riba ri laye mi”.“Gege bi gomina, mi o saini seeki ri”, “Mi o gba riba ri laye mi”, ti di asa nla bayii eleyii ti opolopo awon eniyan naa ti bere si ni so ohun ti awon ko se ri.
Arabirin kan ti awon ojulumo re n pe ni mama Bolu ni oun o sun mo okunrin ri laye oun. Awon omo ile iwe kan ni awon o jiwe wo ri laye awon. Nigba ti awon kan ni awon o bu tisa leyin ri. Okunrin kan ti oruko re n je Saheed, to pe ara re ni mekaliiki naa dasi oro naa,“ gege bi mekaliiki, mi o fowo kan epo enjinni oko ri laye mi”.
-
Ewi Awon Omode: E Ma Ya Baseje
Ewi: E ma ya baseje
Eyin ewe iwoyii, e wa teti si agogo ogbon
E ma ya baseje
Baseje ti n bale je ni won pe larungun
Arungun ni eni ti n ba ohun ti won fowo se je
Oninakuna omode ni won pe lapa.
E ma ya baseje
E ma ba ohun ti won fowo ra je.
To ba je omo ile iwe toju iwe re daada
To ba wa nile ma ba ohun iya ati baba fowo ra je
Ibikibi too ba de, toju ohun gbogbo ti nbe layika re
Ti won ba fun o lowo ma nanakuna
Oninakuna won ki i rowo se ohun rere laye
Omode to ba yapa won ki i ni laari bo dola.
E ma ya baseje
Eniyan to ba ba ohun ti won fowo se je kii niyi.
Orisun: olayemioniroyin
