Àṣà Oòduà

Category: Iroyin Pajawiri

  • È̩yin òsìsé̩ mi nílò àyè̩wò coronavirus kíákíá- Akeredolu

    È̩yin òsìsé̩ mi nílò àyè̩wò coronavirus kíákíá- Akeredolu

    È̩yin òsìsé̩ mi nílò àyè̩wò coronavirus kíákíá – Akeredolu

    Arakunrin Rotimi Akeredolu ti o je gomina ipinle Ondo lo n gba awon alabasise re niyanju ki won fi oro ti oun se arikogbon.


    O ni iba lasan ni o se oun ti oun si se itoju ara laarin ojo meji pere. O ni leyin re ni awon ore gba oun nimoran lati se ayewo ajakale arun coronavirus.


    Gomina naa ni “iyan jija lo n ba ore je” oun se ayewo ti esi ayewo si gbe pe oun ti ko arun naa.


    O ni tii di asiko yii, oun ko tii le so ibi ti ati ona ti oun gba ko aisan naa. Alagba Akeredolu salaye yii funra re lori afefe pe ki won wo oun pe saka ni ara da.

    Oun ko tile ni inira kankan ni eyi ti awon onimo oyinbo ni ohun lo dara ju. Won ni ti eniyan ba tete kefin arun yii ti o si tete gbogun tii lo dara ju ki o to wo ara.


    Eyi lo mu ki gomina gba awon osise re niyanju pe ki won tete lo se ayewo ara won nipa arun naa ki eni to ba nii le tete gbogun tii.

    Yínká Àlàbí

  • Àwo̩n aké̩kò̩ó̩ ti lè wo̩lé, mótò ti lè rìn làti ìpínlè̩ sí ìpínlè̩ – NCDC

    Àwo̩n aké̩kò̩ó̩ ti lè wo̩lé, mótò ti lè rìn làti ìpínlè̩ sí ìpínlè̩ – NCDC

    Àwo̩n aké̩kò̩ó̩ ti lè wo̩lé, mótò ti lè rìn làti ìpínlè̩ sí ìpínlè̩ – NCDC

    Ijoba apapo ti fowo si aba ti awon ajo NCDC gbe lo si odo Aare.


    Ijoba fi aaye sile ki awon ara ilu maa rin maa yan fun ose merin miiran. Ni eyi to maa tun je ki won mo odo ti won maa da orunla si.


    Ijoba apapo si salaye pe isede naa wa ni awon ijoba ibile mejidinlogun kaakiri orileede yii. Won ni ijoba ipinle maa kede awon ijoba ibile naa.
    Awon moto ti le rin lati ipinle kan si ekeji bayii. Won si gbodo tele gbogbo ofin ajo yii.

    Awon ofin bii ki won ma se gbe ju iye ero ti ijoba fowo si lo, won gbodo lo ibomu ti won ba ti wa pelu ero, won gbodo rin ni asiko ti ipinle kookan ba fi aaye sile ti won ni ko si isede ati awon ofin to ku.


    Awon akekoojade naa maa wole pelu atele ofin ti ijoba ipinle kookan ba laale fun won. Awon ipinle kookan lo maa salaye awon akekoojade to letoo si iwole ninu awon olodun kefa, olodun kesan-an ati olodun kejila abi gbogbo won lo si maa wole. Gbogbo eyi ni ijoba ipinle maa yanju.
    Awon baluu naa ti le fo pelu atele alaale ijoba.


    Arun covid-19 naa si n po sii ni orileede ni eyi ti ko je ki awon ajo naa mo ohun ti won maa se.

    Won ni opo ti awon ti se ayewo fun pe won ni arun naa ni won n sa lo si ile won.

    Ti awon ba si pe won, ija ni won n gbe pade awon. Eyi tun ko awon ajo yii lominu. Won si parowa si awon ara ilu lati fowo sowopo pelu awon ki arun naa le tete di ohun igbagbe.

    Yínká Àlàbí

    http://iroyinowuro.com.ng/2020/06/29/awo%cc%a9n-ake%cc%a9ko%cc%a9o%cc%a9-ti-le-wo%cc%a9le-moto-ti-le-rin-lati-ipinle%cc%a9-si-ipinle%cc%a9-ncdc/
  • Keyamu àti àwo̩n Asojú sòfin tutó̩ sí ara wo̩n lójú

    Keyamu àti àwo̩n Asojú sòfin tutó̩ sí ara wo̩n lójú

    Keyamu àti àwo̩n Asojú sòfin tutó̩ sí ara wo̩n lójú

    Minisita fun ipinle ati eto ise ni orileede yii, Agbejoro agba Festus Keyamu ni awon Asoju sofin ranse si ni ilu Abuja lonii.


    Won fi saarin, won si bere si ni da ibeere lorisiirisii boo lori ibi ti ise de duro lori osise egberun kan fun ijoba ibile kan.


    Ijoba ibile ti o wa ni orileede yii je egberin din merindinlogbon (774). Keyamu ni ona ise naa ti jin, awon to maa gba awon eniyan egberun kan,ipinle kan ti bere ise, o ni gbogbo eto lo n lo laisi wahala kankan.


    Awon asoju sofin ni ki o je ki awon ri oruko awon to n gbani sise naa. Ki awon si mo ogbon ati ete ti won n lo lati fi gba awon osise naa.


    Minisita ni ki won ma se iyonu nitori akanse ise naa wa lati ile-ise Aare ni eyi ti ko tun pon dandan fun won mo lati maa dara won laamu rara nipa re.


    Eyi lo fa gbonmi-sii-omi-o-too laarin won.
    Igba ti oro naa n le ju ni awon asoju sofin ni ki awon wo iyewu lo pari oro naa ni eyi ti minisita yari kanle pe “ko si awo kankan lawo ewa” o ni” won o ki n te tufo aja”. Minisita ni oun ko ni ipade kankan se pelu won ti ko ba ti ni si awon oniroyin nibe.


    Awuyewuye yii ni Agbejoro agba naa ba kuro ni ile-igbimo asofin won.

    Yínká Àlàbí

  • Mí ò ì pinnu lóri ìdíje Ààrẹ ọdún 2023-Tinubu

    Mí ò ì pinnu lóri ìdíje Ààrẹ ọdún 2023-Tinubu

    Mí ò ì pinnu lóri ìdíje Ààrẹ ọdún 2023-Tinubu

    Báá ti ṣe làá wí, ẹnìkan kìí yan àna rẹ̀ lódì ni Yorùbá wí àsamọ̀ yìí ló díá fún bí asáájú ẹgbẹ́ òṣelú ẹgbẹ́ APC, Sẹ́nétọ̀ Bola Ahmed Tinubu tí ṣọ pé òun kò ti ṣe ìpinnu láti díje dupò Ààrẹ orílẹ̀-èdè Nàìjíríà lọ́dun 2023.

    Èyí lòdì sí àwọn onírúurú ọ̀rọ̀ tó ti ń lọ nígboro tẹ́lẹ̀, Asiwáju ní nǹkan tó jẹ òun lógún jùlọ ni bí ọrọ̀ ajé tó ń dẹnu kọlẹ̀ yìí yóò ṣe gbéra sọ padà àti bí ètò ìlera yóò ṣe padà bọ̀ sípò ní Nàìjíríà.

    Tinubu sọ èyí di mímọ̀ nínú àtẹ̀jáde kan tó fọwọ́ sí lọ́sàn sátide, èyí sì ni ìgbà àkọ́kọ́ tí yóò fọhùn láti ìgbà tí wọ́n ti yọ ọwọ́ Adams Oshiomhole láwo gẹ́gẹ́ bí alága ẹgbẹ́ náà tí wọ́n sì tú ìgbìmọ amúṣẹ́ṣe ká lọ́jọ́rú ọ̀ṣẹ̀ yìí.

    Nínú ọ̀rọ̀ rẹ̀ ó ní : Sí gbogbo ẹ̀yin tí ẹ ti ń kùn pé ìgbésẹ̀ Ààrẹ Buhari àti ìpáde àwọn ìgbìmọ tuntun nínú ẹgbẹ́ òṣèlú APC ṣe é ṣe láti fi òpin sí ìpinnu mí láti di Ààrẹ Orílẹ̀ yìí lọ́dún 2023, ó ṣe mí láànú fún yín”

    “Ènìyan ẹlẹ́ràn ara lásán ni mí tí kò sì ní òye ọjọ́ iwájú tàbí ọgbọ́n òṣèlú tí ẹ ń fi ẹnu pè yii, ẹ tí ń yọ ayọ̀ lórí ìpinnu ìjákulẹ̀ oyé Ààrẹ tí kò ti wáye rárá.

    “Tinubu ní kìí ṣe irú àsìkò tí àrun Kofi–19 ń da ètò ọrọ̀ ajé láàmú yìí, mí ò rí ọjọ́ ìwájú tó bi ẹ̀yin ‘se ríi” Mí ò sì tíì ṣe ìpinnu kankan láti dupò Ààrẹ lọ́dún 2023 nítorí pé àwọn nǹkan tó ń kojú wa ní àsìkò yìí tí lágbára tó.

    Ní àsìkò tí a wà yìí, mí ò jẹ́ kí ọ̀rọ̀ òṣèlú nípa ọdún 2023 jẹ mí lógún, mó rí èyí bí nǹkan tí kò bójú mu rárá, ó sì jẹ́ ìwà àìní ìmọ̀lára lásìkò ti ọ̀pọ̀ ń kojú ìṣòro oníhà méjì, ètò ọrọ̀ ajé tó nira àti àrùn tó ń kó ìkàyà bá gbogbo ayé.

    Láti bí oṣù díẹ̀ sẹ́yìn ni mo ti ń ro àwọn ìlànà ìjọba tí a lè gbé sílẹ̀ tí yóò ràn ìjọba lọ́wọ́ níhìn àti lọ́hùn.

    Ààrẹ tí sọ̀rọ̀, ọ̀rọ̀ tó sì sọ náà ni abẹ́ gé

    Nítori idí èyí mo rọ gbogbo àwọn ìgbìmọ̀ amúṣẹ́yá tí wọ́n túká àti gbogbo ọmọ ẹgbẹ́ tókù láti fiyè dénú kí wọ́n sì máá wo ọjọ́ iwájú rere tó wà níwájú

    Mó ti fara ṣiṣẹ́ fún ẹgbẹ́ bí àwọn ọmọ ẹgbẹ́ tó kù tàbi jù ẹlòmíràn lọ, sùgbọ́n síbẹ̀ kò nimí lára láti túbọ̀ farajì gẹ́gẹ́ bi olórí, kò sì sí ẹni tó yẹ kó ní ìṣoro kankan lòdì sí èyí.

    Fẹ́mi Akínṣọlá

  • Ògún Majek wọ káà ilẹ̀ sùn

    Ògún Majek wọ káà ilẹ̀ sùn

    Ògún Majek wọ káà ilẹ̀ sùn

    Ọlọ́jọ́ ń kajọ́, ẹ̀dá ò fiyè si.
    Ìjọ ọmọ tuntun dáyé, nijọ́ ìdùnnú, ẹ̀rín, òhun ọ̀yàyà fún ẹbí,ará, pẹ̀lú ìyekan. Ṣùgbọ́n kìí rọgbọ ká sàdédé sàfẹ̀kù èèyàn ẹni pékú yọwọ́ ọ rẹ̀ ní dúníyàn.

    Àsamọ̀ yìí ló díá fún ìròyìn tó ń tẹ̀ wá lọ́wọ́ báyìí pé, ìlúmọ̀ọ́ká òṣèré tíátà Gbọ́lágadé Akínpẹ̀lú, tí ọ̀pọ̀ èèyàn mọ̀ sí Ogun Majek ti jáde láyé, bákan náà wọ́n ti sin-ín ní ìlànà mùsùlùmí.

    Ọ̀rẹ́ tímọ́timọ́ Ògún Majek tí wọ́n tún jọ jẹ́ òṣèré tíátà, Musiliu Dásọfúnjó, tí ìnagijẹ rẹ̀ ń jẹ́ Èṣù làálú, ló fi ìdí ìṣẹ̀lẹ̀ náà múlẹ̀ fún akọròyìn.

    Dásọfúnjó ní ìbànújẹ́ ọkàn ló jẹ́ fún òun nígbà tí òun gbọ́ nípa ikú ọ̀rẹ́ òun yìí, nítorí kò dàgbà débi tó yẹ kó kú lásìkò yìí.

    Dásọfúnjó ní wọ́n gbé Májẹ́kódùnmí dìgbàdìgbà lọ sí iléèwòsàn UCH ní Ìbàdàn, nígbà tí àìsàn rẹ̀ fẹ́ bọ́wọ́ s’órí àmọ́ ẹ̀pa kò bóró mọ́.

    Ó fikún-un pé, kìí ṣe pé àgbà ló dé sí ọ̀rẹ́ òun nítorí ọjọ́ orí rẹ̀ kò tíì tó nǹkan, àmọ́ àsìkò ti tó, ni Majek fi di èrò ọ̀run.

    Àìsàn kídìnrín àti àìsàn ìtọ ṣúgà ni Majek ti ń bá fínra fún ọ̀pọ̀lọpọ̀ ọdún kó tó jáde láyé.

    Dásọfúnjó fikún-un pé, ọ̀sán òní ni wọn sin Majek gẹ́gẹ́ bí ìlànà ẹ̀sìn mùsùlùmí.

    Ọ̀rẹ́ tímọ́timọ́ Ògún Majek, Musiliu Dásọfúnjó ní ìlú wọn ní agbègbè Elesude, lọ́nà Ọmí ní ìlú Ìbàdàn ni wọ́n sin-ín sí.

    Musiliu Dásọfúnjó ní àwọn ẹgbẹ́ òṣèré Yorùbá ló se kòkàárí ètò ìsìnkú rẹ̀.

    Ọ̀rẹ́ olóògbé náà wá sàpèjúwe Ògún Majek gẹ́gẹ́ bí ẹni tó ní sùúrù, tí kìí sì í fa wàhálà.

    “Majek jẹ́ ẹni tí kò sí nǹkan tí kò ba lára mu, tó sì tutù ní ìwà.”

    Dásọfúnjó tún ní “láàrin ọ̀pọ̀ ènìyàn, Majek jẹ́ ẹni tó lawọ́, tí kò bá ní, ó máa ń jẹ́ ìbànújẹ́ ọkàn fún un.”

    Dásọfúnjó ní ohun tó dun òun jù ni pé, òun kò ní rí i mọ́, tí wọn kò sì ní leè sọ̀rọ̀ lórí ẹ̀rọ ìléwọ́ mọ́.

    Fẹ́mi Akínṣọlá

  • Abiola Ajimobi sùn un re

    Abiola Ajimobi sùn un re

    Ikú pàgbẹ̀ àṣírí aláró tú.
    Ikú pàlùkò àbùkù kará ìkosùn.
    Ọrùn má kánjú, gbogbo wa la dágbádá ikú.
    Ìgbà átàsìkò ẹ̀dá ló só kùnkùn.
    Gíńgín ladáhunṣe tó mewé e re.
    Gbogbo wa lòpè nípa àkúnlẹ̀yàn.
    Òkú ń sunkú òkú, akáṣọlérí ń sunkú ara a wọn.
    Sùn un re oo Àjànàkú ọkọ Florence, Àkànjí ẹ̀rù , mọ́ ṣẹ̀rù baya, bọmọ tó o fi sáyé lọ.
    Má ṣẹ̀rù bàlú, sun- un-run ìgbẹ̀yìn pàdé Allah nídẹ̀ra .

    Àkànjí ẹ̀rù Sheeeeuuu,ibi o fàdàgbá ayé rọ̀ sí, ọmọ ni yóó lòyókú.

  • INEC kọ lẹ́tà APC láti ṣe ìbò abẹ́nú l‘Ondo

    INEC kọ lẹ́tà APC láti ṣe ìbò abẹ́nú l‘Ondo

    INEC kọ lẹ́tà APC láti ṣe ìbò abẹ́nú l‘Ondo

    Ṣé àwọn àgbà ní bí eégún kò bá ṣe n tó tóbi, atọ́kùn rẹ̀ kìí tú ìdí rẹ̀ wò.

    Àjọ olómìnira tó ń ṣe kòkárí ètò ìdíbò Orílẹ̀ yìí tí fọnmú báyìí pẹ̀lú gbólóhùn pé, a kìí fini joyè àwòdì, kí á má leè gbé adìẹ.

    Èyí kò ṣé látàrí gàdàgùdù omi wàhálà tó ń rú nínú ẹgbẹ́ òṣèlú( All Progressives Congress, APC)ṣe ń fi ojoojúmọ́ gbóná janjan ní ìpińlẹ̀ Edo, bákan náà ló jọ bí ẹni pé ẹgbẹ́ náà kò tún rójúùtú ètò ìdìbò abẹ́nú láti yàn olùdíje gómìnà lábẹ́ àsíá ẹgbẹ́ náà nípìnlẹ̀ Òǹdó .

    Lọ́sàn yìí ni àjọ tó rí sí ètò ìdìbò ní Nàìjíríà (INEC) fi àtẹjáde kan síta pé, ìwé ìfitóniléti tí ẹgbẹ́ APC nípìnlẹ̀ Òǹdó kọ sí olú ilé iṣẹ́ ẹgbẹ́ náà l’Abuja láti pe òun fún ìdìbò àbẹ́nu wọ́n, kò kójú òṣùwọ̀n tó nítorí pé adelé akọ̀wé àpapọ̀ ẹgbẹ́ APC ní Nàìjíríà nìkan ló buwọ́ lu lẹ́tà náà.

    Gẹ́gẹ́ bí àtẹjáde náà ṣe sọ, ìwé ìfitónilétí ti ó tẹ ilé ẹgbẹ́ lọ́wọ́ ní ọjọ́ kejìdínlógún oṣù kẹfà ọdún yìí kò ni àbuwọ́lù àlága àpapọ̀ ẹgbẹ́ náà nínú.

    Àtẹjáde tí Rose Oriaran-Anthony, tó jẹ́ akọ̀wé àjọ tó ń rí sí ètò ìdìbò ní Nàìjíríà (INEC) buwọ́lù sàlàyé pé, ìdìbò abẹ́nú tó yẹ kó wáyé ní ogúnjọ́ oṣù kèje ọdún yìí, le má ṣeéṣe nítorí pé àlága àpapọ̀ ẹgbẹ́, àwọn akọ̀wé àpapọ̀ ẹgbẹ́, ló yẹ kí wọ́n jọ buwọ́lùú.

    Fẹ́mi Akínṣọlá

    http://iroyinowuro.com.ng/2020/06/24/inec-ko-leta-apc-lati-%e1%b9%a3e-ibo-abenu-londo/

  • Igbákejì gómìnà Òǹdó Agboola Ajayi tilé APC bọ́sí yẹ̀wù PDP

    Igbákejì gómìnà Òǹdó Agboola Ajayi tilé APC bọ́sí yẹ̀wù PDP

    Ó dà bíi pé , ẹ kú àtilé bọ́ọ́lé ló kù báyìí, tí àwa òlùdìbò yóó ma kí àwọn olóṣèlú wọ̀nyí lásìkò yìí, tí wọ́n kàn ń múwa ṣeré nínú ọpọlọ, yí bìrìpé láti inú ẹgbẹ́ kan sí ìkejì.

    Ìròyìn mí-ìn tí a gbọ́ báyìí ni pé ìgbákejì Gómìnà ìpínlẹ̀ Òǹdó, Agboola Ajayi ti fẹgbẹ́ òṣèlú APC sílẹ̀ bọ́ sẹ́gbẹ́ PDP.

    Akọ̀wé Ìròyìn fún Ọ̀gbẹ́ni Ajayi, Tope Okeowo ló fìdí ọ̀rọ̀ náà múlẹ̀.

    Okeowo ṣọ fún akọ̀ròyìn pé lọ́jọ́ Àìkú ni ìgbákejì Gómìnà Òǹdó kọ̀wé fipò sílẹ̀ gẹ́gẹ́ bí ọmọ ẹgbẹ́ òṣèlú APC.

    Tijó ti ìlù ni àwọnn ọmọ ẹgbẹ́ òṣèlú PDP fi kí Ọ̀gbẹ́ni Ajayi káàbọ̀ sínú ẹgbẹ́ wọn.

    Kó dà, àwọn èèkàn nínú ẹgbẹ́ PDP gbàdúrà fún un bí wọ́n ti fi káàdì ọmọ ẹgbẹ́ lé e lọ́wọ́.

    Ẹ̀wẹ̀, Akọ̀wé Ìròyìn rẹ̀ sọ fún akọròyìn pé lọjọ Ajé ni Ọ̀gbẹ́ni Ajayi yóó báwọn akọ̀ròyìn ṣọ̀rọ̀ lórí ìdí tó fi kúrò nínú ẹgbẹ́ APC lọ sí PDP àti ìgbésẹ̀ tó kan fún un láti gbé.

    Fẹ́mi Akínṣọlá

  • Kíní orúkọ tí wọn npè Ìsọ yìí ní èdè ìlú ti’yin?

    Aku ataro óò Adé kú ọjọ yìí Kíní orúkọ tí wọn npè Ìsọ yìí ní èdè ìlú ti’yin náà?????? #iya lájé

  • Eṣọ́ àjọ FRSC mẹ́ta tí ààrá sán pa gbọdọ̀ ṣ’ètùtù – Ẹlẹ́buùbọn

    Eṣọ́ àjọ FRSC mẹ́ta tí ààrá sán pa gbọdọ̀ ṣ’ètùtù – Ẹlẹ́buùbọn

    Ṣé ọlọ́tọ̀ ní t’óun ọ̀tọ̀, a díá fún òkú tó kú ńlé, tí wọ́n sin s’óko.
    Àgbà Imọlẹ̀ kan nlẹ yìí ti fèsì sí ìṣẹ̀lẹ̀ ààrá tó sán láìpẹ́ yìí pa àwọn òṣìṣẹ́ Àjọ ẹṣọ ojú u pópó mẹta ,o ní,ìkìlọ̀ ni ìṣẹ̀lẹ̀ àrá tó sán pa àwọn ẹ̀ṣọ́ aláàbò ojú-pópó (Federal Road Safety Corps) mẹ́ta, tí òp̣ò ̣sì farapa nípìnlẹ̀ Ògùn.

    Ẹlẹ́sìn ìbílẹ̀, Ògbó Awo Yẹmí Ẹlẹ́buùbọn tí tún se Àràbà Òṣogbo tẹnumọ́ ọ bẹ́ẹ̀ nígbà tó ń bá akọ̀ròyìn sọ̀rọ̀ lórí ìṣẹ̀lẹ̀ ajániláyà pàtì ọ̀hún.

    Itele-Ijebu ní Old-gate ni ìsẹ̀lẹ̀ náàt ti ṣẹlẹ̀ ní Ọjọ́rú.

    A gbọ́ pé bí àrá yìí ṣe sán ló pa àwọn ẹ̀ṣọ́ mẹ́ta náà lójú ẹsẹ̀, tó sì jan àwọn míì mọ́lẹ̀, ti gbogbo agbègbè náà sì di ibùdó erujeje lójú ẹsẹ̀.

    Ìròyìn tó tẹ̀wà lọ́wọ́ tún sọ pé àwọn oníṣàngó lọ ṣètùtù tó yẹ, kò tó di pé wọ́n gbé òkú wọn fún ìjọba.

    Àmọ́, Àgbà Imọlẹ̀ náà ní ìṣẹ́ kan kìí ṣẹ́ lásán, tí kò bá sì nídìí, obìnrin kìí jẹ́ ikúmólú.

    Bàbá Ṣàngó kìí sàdédé pààyàn bẹ́ẹ̀ tí kò bá jẹ́ wípé àwọn èèyàn náà ti ṣe nǹkan àìtọ́ kan.

    Bàbá Ẹlẹ́buùbọn ní ó yẹ kí wọ́n ṣe ṣètùtù láti dènà àjálù mìíràn papàá jùlọ àwọn alábàáṣiṣẹ́pọ̀ àwọn èèyàn tó kú.