Ilé ẹjọ́ kòtẹ́milọ́rùn ti ilú Àbújá ti yẹ àga mọ́ alága ẹgbẹ́ òṣèlú APC, Adams Oshiomhole nídìí
Ìgbìmọ̀ ẹlẹ́ni mẹ́tà ti adájọ́ Eunice Onyemanam sójú fún ni wọ́n fẹnu kò láti jan idájọ́ tí ilé ẹjọ́ ti kọ́kọ́ dá tẹ́lẹ̀ lóntẹ̀
Sáájú ni Oshiomhole ti pe ẹjọ́ kòtẹ́milọ́rùn lórí ìdájọ́ tí àdájọ Abubakar Yahaya sì dájọ pé kí ìdájọ́ náà dúró náà kí ó ṣì máa ṣe alága lọ́ títí ìdájọ́ ilé ẹjọ́ kòtẹ́milọ́rùn yóò ṣe fìdímúlẹ̀.
Adájọ́ Onyemanam tó dárí ẹjọ́ tó wáyé l’ọ́jọ́ ìṣègùn ló dá ẹjọ́ náà ló fídí rẹ̀ múlẹ̀ pé ìdájọ́ ilé ẹjọ́ kékeré tó yọ Adams Oshiohmole gẹ́gẹ́ bí alágá nínú ọṣù kẹta ọdún yìí ṣe nǹkan tó yẹ àti pé, ẹjọ́ kòtẹ́mílọ́rùn tí Oshiomhole pè kò fìdì múlẹ̀.
L’ẹ́gbẹ́ òṣèlú APC; alága méjì lójijì lalẹ̀ hù—- Ajimobi àti Victor Giadom
Àwọn àgbà bọ̀ wọ́n ní bí ọ̀rọ̀ ńlá kò bá tí ì tán, èèyàn ńlá kò níí sinmi àròyé. Sinimọ́ oríta sì ń tẹ̀síwájú pẹ̀lú ọ̀rọ̀ tó jẹ mọ́ yíyàn ọmọ oyè nínú ẹgbẹ́ òṣèlú náà. Ìròyìn míì tó jọ eré oníṣẹ ti ń fi yé ni pé, ìgbákejì Akọ̀wé àpapọ̀ ẹgbẹ́ òṣèlú APC, Victor Giadom ti bọ́ s’órí oyè gẹ́gẹ́ bíi adelé Alága àpapọ̀ ẹgbẹ́ òṣèlú náà.
Ọ̀rọ̀ ti di iṣu ata yán-an-yàn-an lẹ́gbẹ́ òṣèlú APC báyìí pẹ̀lú bí ẹgbẹ́ òṣèlú ọ̀hún ṣe ń ní adelé Alága àpapọ̀ méjì láàrin wákàtí díẹ̀ sí ara wọn.
Ní kété tí ilé ẹjọ́ pàṣẹ kí Adams Oshiomole ó fi ipò sílẹ̀, ni ẹgbẹ́ òṣèlú APC ti kéde Sẹ́nétọ̀ Abíọ́lá Ajímọ̀bi gẹ́gẹ́ bí adelé Alága àpapọ̀ ẹgbẹ́ òṣèlú náà.
Àmọ́ ṣá, kò pẹ́ púpọ̀ ni ẹni tó jẹ́ ìgbákejì Akọ̀wé àgbà ẹgbẹ́ òṣèlú ọ̀hún, Victor Giadom jáde sí bọnbọ pẹ̀lú ìwé ìdájọ́ láti Ilé ẹjọ́ kan , eléyìí tó ní òun ni ó tọ́ sí láti di ipò náà mú.
Ní Ọjọ́rú sì ni Gaidom gun orí àga náà gẹ́gẹ́ bí adelé Alága àpapọ̀ ẹgbẹ́ òṣèlú APC.
Ní wàràǹsesà tí ó wọlé ni ó ti kéde pé òun ń gba àkóso ní ìbámu pẹ̀lú ìdájọ́ Ilé ẹjọ́ tó ní ó fún òun lágbára àti ṣe bẹ́ẹ̀.
Bákan náà ló wọ́gilé ètò àyẹ̀wò àwọn olùdíje fún ipò gómìnà lábẹ́ àṣìá ẹgbẹ́ òṣèlú APC ní Ìpínlẹ̀ Edo.
Ó fi kún un pé gbá-gbá gbá làwọn ọmọ ìgbìmọ̀ májẹ̀óbàjẹ́ ẹgbẹ́ òṣèlú náà wà lẹ́yìn òun lórí ìgbésẹ̀ náà. Kò sí àníànì, ọ̀rọ̀ yìí kò le parí síbẹ̀, bí ó bá se ń lọ, a o máa jábọ̀ fún un yín.
Alaga patapata fun eto idibo ni orileede yii, Ojogbon Mahmood Yakubu lo n salaye yii ni ilu Abuja. O ni pelu rogbodiyan to n lo ni ipinle Edo, awon kan ti n gbee poori enu pe INEC maa fi kun ojo idibo. O ni ko si ohun to joo.
Yakubu ni ojo kokanla osu kesan-an odun yii ni idibo si ipo gomina maa waye ni ipinle naa.
Alaga yii ni gbogbo fifi oruko sowo si ajo INEC naa wa laarin ojo mewaa si asiko yii. O ni o pe ju,aago mefa irole ojo kokandinlogbon osu kefa yii ni iforuko sile naa maa dopin.
Yakubu ro awon egbe oselu meedogun to maa dije du ipo gomina maa ki won tele ofin orileede yii ati ti alaale oselu.
Alaga nii ki won ma se gbagbe nnkan merin to se pataki ki won to foruko asoju nibi idibo abele ranse si ajo oun. O ni oloselu to fe dije du ipo gomina gbodo je omo orileede yii, o gbodo pe omo odun marundinlogoji o kere tan, o gbodo je omo egbe oselu naa, bee si ni eni naa gbodo kawe, o kere tan iwe mewaa.
Mahmood Yakubu nu leyin gbogbo eyi,idibo lo ku ni ojo idibo.
Gomina tele ri ni ipinle Osun, Ogbeni Rauf Aregbesola ni o tinsalaye ni aimoye igba pe oun ko ni Ojogbon kankan pelu Asiwaju Bola Tinubu. O ni “ogede ko le wo koko ye tan,ko wa di igi buruku “.O ni Asiwaju lo gbe oun leyin, eewo tin nibi oun tun maa fi eyin naa gee je.
Aregbesola ni gbogbo ohun ti oun da lonii nidii oselu,ko seyin Asiwaju ati wo pe ojo tin ti pe ti awon tun ti jo n bo.
Orisiirisii egbe ni ijoba ibile Alimosho lo n salaye yii fun awon oniroyin pe, Aregbe ko Toledo fi igba Kan nii lokan lati idije du ipo Aare ni Osun 2923. Won ni Ogbeni Aregbe se maa wo kaa ile sun ko le dije du ipo pelu Tinubu layelaye.
Bàbá mi máa jáwé olúborí ipò Ààre̩ ló̩dún 2023 – Adamu Atiku
Alhaji Atiku Abubakar ni igbakeji Aare tele ri ni orileede yii. Oun ni igbakeji Oloye Olusegun Obasanjo nigba naa. Atiku dije du ipo Aare ni odun 1993 ni eyi ti o se ipo keta tele M K O Abiola ati Babagana Kingibe labe egbe oselu SDP. O tun dije du ipo Aare ni odun 2007 labe egbe oselu AC sugbon ni igba ti oruko oludije jade, oruko Atiku Abubakar ko si ninu iwe INEC. Odun 2011 ni Atiku pada si egbe PDP pelu awon gomina marun-un kan. O tun padanu ipo Aare bakan naa. Atiku padanu ipo yii ni odun 2015 ati ni odun 2019 si owo Aare Mohammadu Buhari. Omo Atiku ti o je komisona ni “esin kii da ni ki a ma tun un gun”, baba oun maa dije du ipo Aare ni odun 2023, o si maa jawe olubori.
Àwọn àǹjàǹnú ń gbowó oṣù l’ájọ Sùbẹ́ẹ̀bù Kwara- EFCC
Àjọ tó ń gbógun ti ìwà jẹgúdújẹrá lórílẹ̀-èdè Nàìjíríà EFCC sọ pé àṣírí àwọn ayédèrú òṣìṣẹ́ ẹgbẹ̀rún kan àjọ tó ń ṣàkóso ètò ẹ̀kọ́ alákọ̀ọ́bẹ̀rẹ̀ nípìńlẹ̀ Kwara ti tú sí àwọn lọ́wọ́.
Orúkọ àwọn ayédèrú òṣìṣẹ́ yìí làwọn kan gb’ọ̀nà ẹ̀bùrú fi sínú orúkọ àwọn tó ń ṣiṣẹ́ tí wọ́n sì ń lu owó oṣù wọn ní póńpó.
Olórí àjọ náà tó ń bójú tó ẹ̀ka ìpínlẹ̀ Kwara ló fi ọ̀rọ̀ yìí tó àwọn oníròyìn létí nílù Ilọrin lọ́jọ́bọ.
Ọ̀gbẹ́ni Isyaku Sharu sọ pé nínú àwọn tí àwọn mú láti wá wí tẹnu wọn lórí ọ̀rọ̀ yìí ni Akọ̀wé àgbà kan àti Olùdarí iléeṣẹ́ Ìjọba lábẹ́ Ìjọba ìpínlẹ̀ Kwara kan náà wà.
Lójú òpó abẹ́yefò Twitter Efcc bákan náà ni wọ́n fi síbẹ̀ pé, àwọn ti rí owó tó tó mílíọ̀nù méjìdínlógóje náírà gbà padà lọ́wọ́ àwọn tó ku owó ọba ní póńpó.
Ó tún fikún ọ̀rọ̀ rẹ̀ pé àwọn tí ṣaájú dá àwọn owó kan t’áwọn rí gbà padà fún Gómìnà Kwara, Abdulrahman Abdurazaq
Àjọ Sùbẹ́ẹ̀bù ló yẹ kí ó má mójútó ọ̀rọ̀ ètò ẹ̀kọ́ alákọ̀ọ́bẹ̀rẹ̀ ní Kwara ṣùgbọ́n, ẹnu kò sìn lẹ́yìn àjọ náà pẹ̀lú bí àwọn olùkọ́ kò se rí owó oṣù gbà déédé, tí àwọn ilé ẹ̀kọ́ alákọ̀ọ́bẹ̀rẹ̀ kò sì wà nípò to wú ni lórí.
Èèyàn 627 ló lùgbàdì àrùn Coronavirus ní Naijiria ní Ọjọ́ Ẹtì
Ẹgbẹ̀ta lé lọ́gbọ̀n o dín mẹta èèyàn (627 )tuntun míì ló ṣẹ̀sẹ̀ lùgbàdi àrùn Kofi -19 ní Nàìjíríà.
Àjọ tó ń rí sí ìdènà àti amójútó àjàkálẹ̀ àrùn apinni léèmí Kòrónáfairọ̀ọ̀sì, NCDC ló fi ìkéde náà síta lójú òpó abẹ́yefò Twitter rẹ̀.
Àpapọ̀ àwọn tó ti ní àrùn náà káàkiri orílẹ̀-èdè Nàìjíríà ti wá di 15,181 báyìí.
Èèyàn 4,891 ló ti rí ìwòsàn gbà, nígbà tí àwọn 399 ti dèrò ọ̀run nípaṣẹ̀ àrùn ajániláyà pàtì méèmí ẹni lọ ọ̀hún.
Iye àwọn èèyàn tó ṣẹ̀ṣẹ̀ kó àrùn náà ní ìpínlẹ̀ kọ̀ọ̀kan rèé:
Eko-229,FCT-65
Abia-54,Borno-42
Oyo-35,Rivers-28
Edo-28,Gombe-27
Ogun-21,Plateau-18
Delta-18,Bauchi-10
Kaduna-10,Benue-9
Ondo-8,Kwara-6
Nasarawa-4,Enugu-4
Sokoto-3,Niger-3
Kebbi-3,Yobe-1,Kano-1
Ìjọba lẹ́lẹ́kaǹka ń pàrọwà sí àwọn ọmọ Orílẹ̀ yìí láti ríi pé àdínkù bá ìtànkálẹ̀ àrùn apinni léèmí Kofi-19.
Bí ariwo ìkéde ṣé n lọ yìí, síbẹ̀ àwọn èèyàn kan nílẹ̀ yìí sí n yínmú pé irọ́ ni kò sí àrùn náà, àti pé, bí ó bá wà, ó yẹ kí wọ́n máa ṣàfíhàn àwọn èèyàn náà fún àwọn wò bíìran. Ẹni ikú pa kò tó nǹkan, ẹni àìgbọ́n pa ló pọ̀.
Agba oje ninu ere ori itage ni ede Oyinbo, Alagba Olu Jacobs ni awon iroyin eleje kan n gbee kiri lori ero ayelujara lati aaro oni pe, “olodi baba naa ti lo je ipe awon baba nla won”.
Eyi mu ki IROYIN OWURO se iwadii lori re ti abajade si fun wa ni esi to dara pe baba si wa laye koda won wa laaye.
Ibi iwadii yii naa ni o ti ta si wa leti pe baba yii saisan ranpe ni nnkan bi osu meji seyin sugbon ti won ti gbadun daadaa.
Aipe yii naa ni Alagba yii se ojo ibi odun metadinlogorin (77years) loke eepe ti awon ati gbaju-gbaja aya won, Joke Silva si n sayeye naa.
Lati odun to koja ni ijoba apapo ti yi ojo isejoba awa-ara-wa kuro ni ojo kokandinlogbon osu karun-un odun si ojo kejila osu kefa odun.
Eyi waye lati fi se iranti Oloogbe Moshood Kashimaawo Abiola ti gbogbo aye gba pe ibo ojo kejila odun 1994 ni ibo ti o dara ju ni orileede yii.
Won ni ibo naa ni ko ni ojoro ti o si lo ni irowo ati irose ju lati igba ti a ti bere oselu.
“Ko si bi a se le daruko aja ti a ko ni daruko ikoko to a fi see”. Eyi lo mu oro naa kan ijoba ologun igba naa ti Ajagunfehinti Badamosi Babangida je olori. Oun ni o da ibo naa nu bii omi isanwo.
Awon omo Naijiria faraya gidi ni igba naa ki Eledua to ba wa pero sii. Opo emi omo Naijiria lo ba isele naa lo.
Komisona olopaa ni ipinle Eko, Ogbeni Hakeem Odumosu tenu moo ipinle Eko ko ni faaye gba egbe okunkun rara.
Eyi lo faa to fi tete pakiti mole lati gbogun ti awon omo naa bi olobo se taa. Lati ipari osu karun-un ni iroyin ti n kan ago olopaa pe awon egbe okunkun Eiye ati Aiye n gbena woju ara won.
Awon egbe yii si n fi ibon ati awon nnkan oloro miiran pa ara won paapaa ni agbegbe Ikorodu.
Ija miiran tun fe bere ni olobo ta awon olopaa ni eyi to si mu ki “owo palaba awon omo egbe marundinlaadowaa (185) segi”. Agbegbe Shagamu,Igbogbo,Ibeshe, Ipakodo,Agbowa ati bee bee lo ni owo ti te awon omo yii ni ilu Ikorodu.
Awon egbe ti owo awon olopaa ti te awon omo won ju ni Eiye, Aiye, Kk, Buccaneers ati Vikings confraternity.
Die ninu awon Oloye egbe towo olopaa te ni Gbadamosi Mohammed, Onibudo Afeez,Habeeb Isa,Felix Igwoke, Taiwo Iyanu ati Adeoye Daya. Awon olopaa gba ibon pisitu oyinbo mejo,ibon ibile kan pelu awon ohun ija oloro lorisiirisii. Awon olopaa ni awon ti owo te naa ko ni pe foju ba ile-ejo.