Orí kó mi yọ lọ́wọ́ àwọn agbébọn – Gómìnà Samuel Ortom
Fẹ́mi Akínṣọlá
Gómìnà ìpínlẹ̀ Benue Samuel OPrtom ti fìdí ọ̀rọ̀ múlẹ̀ pé lóòótọ́ làwọn agbébọn ṣe ìkọlù sí òun lógúnjọ́ oṣù Kẹta.
Gómìnà náà sọ pé àwọn agbébọn tí wọ́n dojú ìjà kọ àwọn ẹ̀ṣọ́ rẹ̀ wọ aṣọ dúdú tí wọ́n sì tó mẹ́ẹ̀ẹ́dógún
ó ní àwọn agbébọn yìí fẹ́ rán òun lọ sí ọ̀run àrèmabọ̀ ni nítorí ó tó kìlómítà méjì tí àwọn fi sá fún wọn. Lásìkò tó n bá àwọn akọ̀ròyìn sọ̀rọ̀ ni Ortom tú kẹ̀ẹ̀kẹ́ ọ̀rọ̀ sílẹ̀ ,ó ṣàpèjúwe àwọn agbébọn yìí gẹ́gẹ́ bíi darandaran tó sì ní bíi àwọn mẹ́ẹ̀édógún ni wọ́n tọ ipasẹ̀ òun dé etí odò t’óun ti n fẹsẹ̀ rìn.
Gómìnà Ortom jẹ́ èèyàn kan tó n bẹnu àtlẹ́ lu ìhùwàsí àwọn darandaran tó jẹ́ ìpèníjà ààbò ní Nàìjíríà lẹ́nu lọ́họ́ọ́lọ́ yìí.
Akeredolu yari kanle. Olubadan ni ki Seriki Sasa fi owo sibi owo o gbe…
. Akeredolu yari kanle . Olubadan ni ki Seriki Sasa fi owo sibi owo o gbe . Gani Adams n yona lenu lori laasigbo Wakili . Sunday Igboho si gegun kale
Igbaniloju naa ti n lo, ojo pe die, sugbon bayii, o jo pe ile Yoruba ti setan ati gba ara re kale lowo ajeji godogba to n te’le basubasu. Awon atilaawi yii gan-an ni awon Fulani, paapaa awon darandaran, awon ti won je oniwakiwa ninu won. Awon lo n ko ogun ja omo Alade.
Awon ni won n da maaluu je oko, ti won n sa oloko ladaa, ti won n yin omo onile nibon, ti won n fipa ba omo ati iyawo won lopo, ti won si n jiwon gbe, ti won n pa eniyan bo se wu won. Nnkan naa buru debi pe won n fi owo ola gba tomode tágba loju. Yala ni Ipinle Oyo ni o, Ogun ni o, Ondo ni o, Ekiti ni o tabi Osun, awon karanbaani naa ko bikita. O ti n sele, o ti pe, sugbon ti enu odun bii merin seyin yii lo gontio.
Idi niyi ti awon eniyan kan fi ro pe tori pe Fulani ni olori Naijiria bayii ni awon darandaran se n se bo se wu won. Yoruba bo, won ni a kii ba nii tan, ka fa ni nitan ya.
Won ni a kii gbe ile eni ka forun ro, sugbon bii ti eni alakatakiti Fulani ba lalejo ko. Awon ti won buru jae debi pe won n ji olowo gbe, won n pa oba alaye, won si n daamu gbajugbaja bii Ojogbon Wole Soyinka.
Nje efuufu lele to n da ologi laamu, ko ti so ti elelubo dófo? Sugbon lenu ojo meta yii, o jo pe ile Yoruba naa ti n so pe o to gee. Won reti, reti ki ijoba apapo ati awon agbofinro o dekun galegale darandaran ati awon eniyan to n gba won sabe, sugbon ko jo pe won se bee.
Dipo bee, ohun ti awon kan n ko lorin ni pe ko dara ki a maa so awon eya kan loruko, ati pe ko si eya ti odaran ko si. Eki akoko ti Olorun koko ran si omo Alade ni Sunday Igboho. Asiko to siwaju ogun Igangan lo jo pe afefe to fe si awon olori ati eleyin Yooba niye. Oun lo je ki awon ara oke ohun naa mo pe omi le dake roro, kii se pe ko le gbeni lo. Eni kan ti Olorun tun fi se sababi ni Gomina Ipinle Ondo, Arakunrin Rotimi Akeredolu. Oun lo fi Ondo han omo Naijiria, nipa bi o se dide ogun si awon odaran darandaran ti won fi inu igbo ipinle naa se ibujokoo.
Sunday Igboho
Bi o tile je pe omo egbe APC to je ti ijoba apapo ni Akeredolu, bi eni pe Akereyari lo se se. Ko woju Are Muhammadu Buhari rara. O ni dandan, awon ajeji odaran gbodo fi Ondo sile, ki won jade ninu igbo ijoba, iyen Reserved Forests. Ko pin sibe o, Akeredolu ti fe so di ofin pe eni kankan ko gbodo maa san naani ori, ki won maa daran kaakiri ipinle naam o, iyen open grazing. Koda, o ti gbe abadofin naa lo si ile igbimo asofin. Ko wa tan bi, ma rin laala mi, ojo kan laa ko o. Ohun ti igbese Akeredolu fi ya opo eniyan lenu ni pe won gba pe awon Buhari lo gbe e wole gomina, paapaa ni igba to koko wole alakoko.
Arakunrin naa wa fihan pe aabo ilu se pataki si oun ju ohunohun lo. Pelu igbese ti Akeredolu wag be yii, lori ofin ma da maalu lori ile mi mo, o jo pe o ti le awon gomina egbe re ni ile Yooba si are, o ti fa won sirin, ti awon eniyan tiwon naa yoo maa wo o bi won yoo se ofin naa, tabi won ko nii se e. Olubadan ti ile Ibadan, Oba Saliu Adetunji, naa fakoyo lose to koja, lori oro galegale awon ajoji godogba yii naa ni. Opo eniyan lo ti n kominu lori bi awon Seriki Fulani se n se bi oba alaye, ti si n se bi eni ju oba lo nibo miran. Apere eyi ni Sarkin Sasa, Alhaji Haruna Mai Yasin Katsina.
Enu ti n kun Seriki yii. Ile ta si i. Igba ti ija nla be sile ni Sasa laipe yii ni oro naa wa le kenka. Bi oba alaye ni o n se, eyi ti awon onwoye kan so pe ejo ti fe lowo ninu. Won ni se oba meji lo wa nÍbadan ni? Sugbon lose to lo, Olubadan pa a lase pe, o to gee, alubata kii darin. Won ni oba kii pe meji laafin, ijoye le pe mewaa. Olubadan pa a lase pe Seriki Sasa gbodo fi ara re si abe Baale Sasa, Alagba Amusa Ajani. O ni ninu ofin ile Ibadan, Baale ni olori agbegbe kookan. Lobatan, se ika kan ni olohun fii mu nnkan re! Eni kan to tun ti n ja fitafita lenu ojo meta yii ni Aare Ona Kakanfo ile Yoruba, Iba Gani Adams. Egbe Oodua Peoples Congress, eyi to je olori fun, lo tun gbe igbese nla kan, ti won lo digbo lu arakunrin Fulani kan ti won ni ebo wa leru re, iyen, Wakili. Esun ti won fi kan Wakili ni pe oun lo wa nidii opo iwa aidaa to n sele ni agbegbe Ibarapa. Bo tile je pe oro naa ti di isu ata yan-an-yan-an, nipa pe awon olopaa ti gbe awon omo OPC to lo mu Wakili mole, oye oun to n sele ti ye awon eniyan si i.
Idi niyi ti Iba Gani Adams fi wa n ja fitafita, to ni egbin to n gun omo Yooba gbodo wa si opin. Ohun idunnu wa lo je lose to lo bakan naa, nigba ti Arae Muhammadu Buhari pa a lase pe enikeni to ba ti gbe ibon AK-47 lowo, lai lase lati se bee, ki awon agbofinro maa mu won bale ni. Eyi mu ki inu opo eniyan dun pe kii se pe Aare dunnu si bi awon darandaran ati awon odaran mira se n gbe irufe ibon naa kaakiri.
Minisita fun eto iroyin ati asa ni orileede yii, Alhaji Lai Mohammed ni ijoba apapo ko ni gba ki awon kan fi iroyin aboosi da ilu ru.
O ni “oloju ko ni laju re sile ki talubo woo”. O ni aseju awon ti won pe ara won ni aja fun eto omoniyan ti po ju.
O ni orisiirisii iroyin to le da ilu ru, to le da irewesi si okan awon to n femi sise ilu ni won n gbe jade, paapaa lori ero ayelujara. Minisita fi ibinu soro naa pe “esinsin won n je elegbo bayii, pe ki enikankan ma se soro nigba ti elegbo naa ba bere si ni je esinsin”.
Minisita ni awon topa awon onise ibi naa de bi wi pe awon kan je omo orileede yii ti won si n tafa lati oke okun. O ni “bi aja won ba lo ogun odun lori ile,eran ogun si ni”.
Lai Mohammed ni asiko ti ilu tile wa bayii lagbara die, o ni bi awon se n koju ajakale arun ti n ba agbaaye ja ki o ma se po ju ni Naijiria ni awon n fi egbe oju kan wo ipalara arun naa lori oro aje, awon ko pa eto aabo ti bee tun ni awon kan tun n paro fun awon ara ilu pelu iroyin eke.
Lai Mohammed ni ki awon miran to ba n gbero idaluru bee tete lo so ewe agbeje mowo.
Ìjo̩ba máa gbé pé̩ré̩gi kaná pè̩lú àwo̩n oníròyìn ìdàlúrú – Lai Mohammed Ìròyìn láti o̩wó̩ Yínká Àlàbí
Gómìnà Kaduna, El-Rufai fi ipò kejì dá Sanusi lọlá láàrin ọjọ́ méjì
Ọ̀rọ̀ Sanusi ti fẹ́ jọ ẹni a tì sígbó tó bára rẹ̀ lójú ọ̀nà. A pète pèrò ká dọwọ́ ẹ délẹ̀, pípele ló tún ń pele é síi. Emir ìlú Kano tẹ́lẹ̀, lamido Sanusi tún ti gba oyè mìíràn lẹ́yìn tí Ìjọba Gómìnà Abdullahi Ganduje rọ̀ ọ́ lóyè lọ́jọ́ Ajé.
Lọ́jọ́ Ìṣẹ́gun ni Gómìnà ìpínlẹ̀ Kaduna, Mallam Nasir El-Rufai yàn án gẹ́gẹ́ bí ọ̀kan lára àwọn àjọ tó ń rí sí ọ̀rọ̀ káràkátà ní ìpínlẹ̀ Kaduna,(KADIPA).
Lónìí Ọjọ́rú. ọjọ́ Kọkànlá oṣù kẹta ni Gómìnà El-Rufai tún fún Sanusi ní ipò míì. Olùdámọ̀ràn Gómìnà lórí ọ̀rọ̀ ìròyìn, Ọ̀gbẹ́ni Muyiwa Adekeye ṣàlàyé pé Sanusi ti di alákòóso ìgbìmọ̀ aláṣẹ Fásitì ìpínlẹ̀ Kaduna.
Sanusi rọ́pò Oba Alayé, Malam Tagwai Sambo tó ti wà nípò náà láti ọdún 2005.
Adekeye ṣàlàyé pé Gómìnà El-Rufai fún Sanusi ní ipò ọ̀hún nítorí ipa tó ti kó lórí ètò ẹ̀kọ́ lórílẹ̀-èdè Nàìjíríà.
Gómìnà El-Rufai dúpẹ́ lọ́wọ́ Malam Sambo fún bí ó ti gbà pé kí Sanusi di alákòóso ìgbìmọ̀ aláṣẹ Fásitì ìpínlẹ̀ Kaduna tuntun ọ̀hún. Gómìnà ìpínlẹ̀ Kaduna ti yan Mahammadu Sanusi kejì gẹ́gẹ́ bí ọ̀kan lára àwọn àjọ tó ń rí sí ọ̀rọ̀ káràkátà ní ìpínlẹ̀ Kaduna,(KADIPA).
Nínú àtẹ̀jáde tí wọ́n fi léde ni wọ́n ti sipe wọn fẹ fi eyi ṣe atunto ẹka to n risi idagbasoke ọrọ aje ni ipinlẹ naa.
Wọ́n fikún un pé àwọn gbé ìgbésẹ̀ náà nítorí wọ́n mọ pé ìpínlẹ̀ Kaduna yóó rí ohun ribiribi kọ́ lára ọgbọ́n tí Sanusi ní àti òye rẹ̀ nípa ètò ọrọ̀ ajé.
Ìdààmú ilé ọlá kan kìí rọ̀, ko ko ko níí le. Ní báyìí Ìgbìmọ̀ ìsàkóso Ìjọba ìpínlẹ̀ Kano ti rọ Emir Sanusi lóyè ní ọjọ́ Ajé, ọjọ́ kẹsàn án Oṣù kẹta ọdún 2020.
. Ó ti tó ọjọ́ mẹ́ta kan tí gbún-gbùn-gbún ti ń wáyé láàrin gómìnà ìpínlẹ̀ Kano, Abdullahi Umar Ganduje àti Ẹmia Lamido Sanusi.
Akọ̀wé Ìjọba ìpínlẹ̀ Kano nínú àtẹ̀jáde kan ṣàlàyé pé ìgbìmọ̀ ìṣèjọba ìpínlẹ̀ náà yọ ọ́ lóyè lórí ẹ̀sùn pé ó ń tako àṣẹ tí gómìnà ìpínlẹ̀ náà ń pa.
Bákan náà ló ní lára àwọn ìwà títàpá sófin àti àṣẹ náà ni bí ó ṣe kọ láti farahàn láwọn ìpàdé àti ètò tí Ìjọba ìpínlẹ̀ náà bá gbé kalẹ̀ láìsí àwíjàre tó yanrantí.
Ó ní ọ̀pọ̀lọpọ̀ ìgbà ni Mallam Sanusi ti tako àwọn àgbékalẹ̀ òfin tó de oyè jíjẹ ní ìpínlẹ̀ náà eléyìí tó ní yóó ba iyì ìlú Kano jẹ́ bí wọn kò bá mójútó o.
Ìjọba ìpínlẹ̀ Kano ní àwọn gbé ìgbésẹ̀ láti yọ Sanusi nípò Ẹmia ìlú Kano láti dáàbò bo àṣà, ìṣẹ̀ṣe àti ẹ̀sìn tí ó mú iyì bá ìlú Kano.
Bí a kò bá gbàgbé, o dà bíìgbà tí ìtàn fẹ tún raarẹ kọ ní o, torí pé ìgbà kejì nìyí tí irúfẹ́ ìrọninípò bẹ́ẹ̀ yóó wáyé nínú ẹbí i Ẹmia yìí. Àkọ́kọ́ ni fànfà tó wáyé ní ọdún 1963 láàrin Sa Muhammadu Sanusi II kejì àti Ahmadu Bello , tí àwọn méjéèjì ti sílẹ̀ bora báyìí.
Gómìnà Ganduje ti ìpínlẹ̀ Kano wá ké sí àwọn èèyàn Ìpínlẹ̀ náà láti fọkànbalẹ̀ kí wọ́n sì máa bá iṣẹ́ òòjọ́ wọn lọ àti pé láìpẹ́ ni wọn yóó yan Ẹmia tuntun. Bákan náà ní ìròyìn míì n fìdí rẹ̀ múlẹ̀ pé wọ́n tí yàn Aminu Ado Bayero rọ́pọ̀ Lamido Sanusi gẹ́gẹ́ bí Emir tuntun ìlú kano.
Ilé ẹjọ́ tó ga jù dá Seyi Makinde láre gẹ́gẹ́ bíi gómìnà ìpínlẹ̀ Ọ̀yọ́
Fẹ́mi Akínṣọlá
Ọ̀rọ̀ Gómìnà ìpínlẹ̀ Ọ̀yọ́ lọ́wọ́-lọ́wọ́ onímọ ẹ̀rọ Ṣèyí Mákindé tí di ọmọ oṣupa lé ẹ̀ ní kò gún,……bí Ilé ẹjọ́ tó ga jùlọ lórílẹ̀-èdè Nàìjíríà ti fi ìdí ìyànsipo Seyi Makinde, gẹ́gẹ́ bí i Gómìnà ìpínlẹ Ọ̀yọ́ mulẹ. Èyí papà á ló sẹ̀rí i ọrọ gómìnà náà ṣaájú pé ,”Ìjọba Ọyọ yàtọ̀ sí ti Ọṣun àbí Ekiti tí APC leè fi àṣẹ iléẹjọ́ lé dànù”
Èyí wáyé lẹ́yìn tí olùdíje fún ipò gómìnà nínú ẹgbẹ́ òsèlú APC, Adebayọ Adelabu pe ẹjọ́ nílé ẹjọ́ náà pé, kí wọ́n fagilé ìdájọ́ ìgbìmọ tó gbọ́ ẹ̀sùn tó ṣúyọ lórí ètò ìdìbò gómìnà, àti ìdájọ́ Ilé ẹjọ́ kòtẹ́milọ́rùn.
Àwọn méjéèjì ló dájọ́ pé Ṣèyí Makinde ni gómìnà tó wọlé nìpínlẹ̀ Ọyọ. Ajimọbi kí Seyi Makinde kú oríire .
Bákan náà ni ilé ẹjọ́ tó ga jùlọ ní Nàìjíríà yóó jókòó lórí ẹjọ́ kòtẹ́milọ́rùn tí olùdíje fún ipò gómìnà ìpínlẹ Ogun látinú ẹgbẹ́ òsèlú Allied People’s Movement, APM, Abdulkabir Adekunle Akinlade pè tako alátakò rẹ̀ láti inú ẹgbẹ́ òsèlú All Progressives Congress, APC, Dapọ Abiọdun.
Akinlade àti ẹgbẹ́ rẹ̀, APM, ń fẹ́ kí Ilé ẹjọ́ fagilé ìdájọ́ ìgbìmọ tó gbọ́ ẹ̀sùn tó ṣúyọ lórí ìdìbò náà, àti tí Ilé ẹjọ́ kòtẹ́milọ́rùn, tó fi ìdí rẹ̀ múlẹ̀ pé Dapọ Abiọdun ló wọlé.
Ìdájọ́ Ilé ẹjọ́ kò sọ pàtó ẹni tó jáwé olúborí láàrín Makinde àtiAdelabu
Fẹ́mi Akínṣọlá
Kángun kàngùn Kángun, bọ́ pẹ́,bọ́ yá, ó gbọ́dọ̀ kángun síbìkan, bẹ́ẹ̀ ló súmọ́ kí ọ̀rọ̀ rí ní ìpínlẹ̀ Ọ̀yọ́, látàrí àgbéjáde ilé ẹjọ́. Tí Ilé ẹjọ́ kan kò bá wá fìdíi ọ̀rọ̀ múlẹ̀ ní pàtó nípa ìdájọ́ ohun ta gbé lọ síwájú rẹ̀, kínni ó yẹ ká ṣe? Bẹ́ẹ̀ lọ̀rọ̀ rí pẹ̀lú ohun tó ṣẹlẹ̀ nílé ẹjọ́ kòtẹ́milọ́rùn nílùú Ibadan tó ń gbẹ́jọ́ láàrin Gómìnà Seyi Makinde àti akẹgbẹ́ rẹ̀ tí wọ́n jọ du ipò Gómìnà, Adebayo Adelabu ti ẹgbẹ́ òsèlú APC.
Kókó ọ̀rọ̀ tó jáde nípa ìdájọ́ tí adájọ́ ẹlẹ́ni mẹ́ta ilé ẹjọ́ náà fi lélẹ̀ ni pé àwọn fọwọ́ rọ́ ìdájọ́ Ilé ẹjọ́ ìgbìmọ̀ tó ń gbẹ́jọ́ ìdìbò sẹgbẹ kan ṣùgbọ́n ilé ẹjọ́ kò sọ ojú abẹ níkòó bóyá Makinde tàbí Adelabu ló jáwé olúborí.
Ní ti Adelabu, ń se ló ń sọ pé kí Ilé ẹjọ́ wọ́gilé èsì ìdìbò tó gbé Makinde wọle kó sì kéde òun gẹ́gẹ́ bí Gómìnà. Àmọ́ báyìí tí Ilé ẹjọ́ náà kò ì sọ bóyá òun ni Gómìnà tàbí Makinde ni, ohun tó kàn fáwọn méjéèjì ni kí wọ́n gba Ilé ẹjọ́ tó ga jùlọ lórílẹ̀-èdè Nàìjíríà lọ láti yànànà ọ̀rọ̀ lórí ìdájọ́ Ilé ẹjọ́ kòtẹ́milọ́rùn.
Lójú òpó Twitter, ohun tí Ilé ẹjọ́ yí sọ tí ń mú ìríwísí ọ̀tọ̀ọ̀tọ̀ wá táwọn èèyàn sì ń gbìyànjú láti tú ohun tí Ilé ẹjọ́ sọ bó ṣe yé wọn mọ. Kódà àwọn kan ti ń fi ohùn ránṣẹ́ sí Ààrẹ Buhari àti ẹgbẹ́ APC pé kí wọ́n má ṣe dásí ọ̀rọ̀ náà tí wọn ò bá fẹ́ kan àbùkù
Bí ọ̀rọ̀ náà ti ṣe wà báyìí,ohun tó dájú ni pé ilé ẹjọ́ kò sọ ẹni tó jáwé olúborí bẹ́ẹ̀ sì ni kó kéde pé wọn yóó tún ìbò mìíràn dì Bí a bá ní ká tẹ̀lé ọ̀rọ̀ táwọn agbẹjọ́rò olùdíje méjéèjì yí sọ báyìí, ààyè ṣì wà nílẹ̀ fáwọn láti kọrí sí ilé ẹjọ́ tó ga jùlọ láti sọ bí iṣu ṣe kú, bọ́bẹ ṣì ṣe pá. Kókó kan ṣoṣo tó hànde lórí ọ̀rọ̀ ẹjọ́ yìí ni pé Ilé ẹjọ́ gíga ló máa yanjúẹ̀.
Màá ṣa ipá láti mú káwọn aráàlú nígbẹkẹ̀lé nínú ìjọba
Fẹ́mi Akínṣọlá
Àwọn àgbà bọ̀,wọ́n ní ,bí Ọlọ́run bá rí ọ, jéèyàn náà ó sẹ̀ríìrẹ,bẹ́ẹ̀ gẹ́lẹ́ lọ̀rọ̀ rí,bí Gómìnà ìpínlẹ̀ Ọ̀yọ́, Onímọ̀ ẹ̀rọ Seyi Makinde ti fọwọ́ gbáyà pé òun yóó sa gbogbo ipá òun láti rí i dájú pé àwọn èèyàn rere ìpínlẹ̀ náà ní ìgbẹ́kẹ̀lé kíkún nínú Ìjọba òun.
Gómìnà Makinde fi ọwọ́ idaniloju ọ̀hún sọ̀yà nínú ọ̀rọ̀ apilẹkọ rẹ̀ níbi ìpàdé ìta gbangba lórí ètò ìṣúná ọdún 2020 tó wáyé ní ẹkùn ìdìbò ààrin gbùngbùn Ọ̀yọ́, ní gbọ̀ngàn Atiba, nílù Ọ̀yọ́. Makinde ní Ìjọba òun ti setán láti se àtúntò ìlànà ìṣèjọba, kí òun sì se àgbékalẹ̀ ìpínlẹ̀ tó lóòrìn fún ìṣèjọba alájùnmọ̀ṣe tí ìlẹ̀kùn rẹ̀ yóó sí sílẹ̀ fáwọn aráàlú.
Gómìnà Makinde. ẹni tí olórí òṣìṣẹ́ lọ́ọ́fìsì Gómìnà, Olóyè Bisi Ilaka ṣojú fún ṣàlàyé pé àfojúsùn ìpàdé ìta gbangba náà ni láti jẹ́ kí ọmọ ìpínlẹ̀ Ọ̀yọ́ kọ̀ọ̀kan ní ẹnu nínú ìṣèjọba, kí Ìjọba sì le ní ìmọ̀ nípa ohun tí Ìjọba ìbílẹ̀ kọ̀ọ̀kan ń pòùngbẹ rẹ̀ nígbaradì fún àmúsẹ ètò ìṣúná ọdún 2020.
Makinde ní àfojúsùn ìjọba òun ni láti mú ètò ìlànà ìṣèjọba onídàgbàsókè tí yóó gbà tó ogún ọdún, èyí tí yóó wà fún Ìjọba mi àti àwọn ìṣèjọba tí yóó tẹ̀lé mi.
“Bákan náà ni mo tún fẹ́ mú àgbéga bá okùn àjọṣepọ̀ láàrin ìjọba àti àwọn aráàlú nípa bíbèèrè èrò wọn lórí ìṣúná ọdún tó ń bọ̀.” “Yàtọ̀ sí pé màá rí i dájú pé a lo àwọn ohun àlùmọ́ọ́ní fáwọn iṣẹ́ àkànṣe tó nítumọ̀ sí aráàlú, àti àmúsẹ àwọn ètò tí yóó mú ìlọsíwájú bá ètò ìlera àwọn èèyàn ìpínlẹ̀ yìí, máa tún tiraka láti rí i dájú pé aráàlú ní ìgbẹ́kẹ̀lé kíkún nínú Ìjọba mi.”
Ṣaájú nínú ọ̀rọ̀ i ìkínni káàbọ̀ rẹ̀ Kọmísánà fétò ìṣúná àti ààtò ọ̀rọ̀ ajé nípìńlẹ̀ Ọ̀yọ́, Amòfin Adeniyi Farintọ mẹ́nubàá pé ìpàdé ìta gbangba náà se kókó nítorí ìgbà àkọ́kọ́ rèé tí Ìjọba kan àti àwọn aráàlú yóó jókòó papọ̀ láti jíròrò lórí ètò ìṣúná kan kí wọ́n tó gbé e kalẹ̀. Farintọ ní Ìjọba Seyi Makinde yóó tẹ̀síwájú láti máa kó àkóyawọ́ láì fi igbá kan bọ ọ̀kan nínú, nínú àwọn ìlànà tó bá gbékalẹ̀, tí yóó sì máa gba èrò aráàlú láàyè.
Nígbà tó ń dáhùn sí àwọn ìbéèrè aráàlú lásìkò ìjíròrò náà, Makinde sèlérí pé òun yóó pèsè ojú ọ̀nà tó já gaara sí ẹkùn ìdìbò náà. Ó ní òun yóó tún se àgbékalẹ̀ ẹ̀ka àjọ tó ń se àtúnṣe ojú ọ̀nà ní ìpínlẹ̀ Ọ̀yọ́, OYSTROMA sí ẹkùn náà pẹ̀lú bí àfikún se bá owó t’íjọba ìpínlẹ̀ náà ń gbà láti ọ̀dọ̀ ọ Ìjọba àpapọ̀ pẹ̀lú bílíọ̀nù márùn náírà.
Lórí ọ̀rọ̀ LAUTECH, Makinde ní wọ́n ti gbé ìgbìmọ̀ kan kalẹ̀ láti ṣiṣẹ́ lórí bí ìpínlẹ̀ Ọ̀yọ́ yóó se gba àkóso Ilé ẹ̀kọ́ Fásitì Ladoke Akintola tó wà nílùú Ogbomọsọ pátápáta.
Ṣé ko ko ko là á ránfá adití,àti pé ó ń bọ̀, ó ń bọ̀,ojú ni wọ́n ń mú tó o. Èyí ló mú kí Ààrẹ orílẹ̀ yìí Muhammadu Buhari má a ké tan tan tan saájú ìdìbò gómìnà ní Ìpínlẹ̀ Kogi àti Bayelsa lọ́jọ́ Sátidé ọ̀sẹ̀ yìí, fìkìlọ̀ léde fáwọn òṣìṣẹ́ elétò ààbò láti dènà àwọn jàǹdùkú tó bá fẹ́ jí àpótí ìdìbò gbé.
Buhari nínú àtẹ̀jáde tó fi síta láti ọwọ́ olùdámọ̀ràn pàtàkì lórí ọ̀rọ̀ ìròyìn, Garba Shehu, sọ fáwọn òṣìṣẹ́ elétò ààbò pé kí wọ́n ṣiṣẹ́ wọn bí iṣẹ́, kí wọ́n rí i pé àwọn èèyàn dìbò gẹ́gẹ́ bí ẹ̀tọ́ ọ wọn. Ààrẹ Buhari sọ pé gbogbo ọ̀nà ni káwọn ẹ̀ṣọ́ elétò ìdìbò fi dènà ẹnikẹ́ni tó bá fẹ́ jí àpótí ìdìbò gbé.
Ààrẹ ní ẹnikẹ́ni kò gbọdọ̀ dúnkokò mọ́ ẹnikẹ́ni tàbí dènà ẹnikẹ́ni láti dìbò gẹ́gẹ́ bí ẹ̀tọ́ wọn. Bákan náà ni Ààrẹ Buhari képe àwọn olùdìbò ní ìpínlẹ̀ Bayelsa àti Kogi láti ṣe jẹ́ẹ́jẹ́ níbùdó ìdìbò, kí wọ́n sì dìbò lálàáfíà gẹ́gẹ́ bí òfin ti làá kalẹ̀. Buhari sọ pé, ”níbi gbogbo tí ètò ìdìbò ti ń wáyé ni olùdíje kan yóó ti jáwé olúborí, tí òmíràn yóó sì fìdí rẹmi, ti Bayelsa àti Kogi kogi náà kò gbọdọ̀ yàtọ̀.”
Ààrẹ Buhari rọ àwọn olùdíje láti gba èsì ìdìbò tí yóó wáyé bí ó bá ṣe rí láì dá rògbòdìyàn sílẹ̀. Ààrẹ ní olùdíje tí ètò ìdìbò kò bá tẹ́ lọ́rùn láṣẹ láti gba ilé ẹjọ́ lọ dípò kí ó dá wàhálà sílẹ̀.
A dúró lójú òpó ìdájọ́ ilé Ẹjọ́ àkọ́kọ́ lórí ẹjọ́ Ajimobi – Adájọ́
Fẹ́mi Akínṣọlá
Gómìnà àná ní Ìpínlẹ̀ Ọ̀yọ́ Abiola Ajimọbi ti fìdí rẹmi nínú ìpẹ̀jọ́ rẹ̀ láti tako ìbò tí ó gbé ojúgbà rẹ̀ Kọla Balogun wọlé gẹ́gẹ́ bíi Sẹ́nétọ̀. Ilé ẹjọ́ kòtẹ́milọ́rùn ni ó fagilé ìwé ìpẹ̀jọ́ tí Ajimọbi fi pe sẹ́nétọ̀ náà tí ó ń ṣojú gúúsù Ìpínlẹ̀ náà lẹ́jọ́.
Ṣe lórí ìdìbò ọjọ́ kẹtàlélógún oṣù kejì ọdún yìí tí Balogun ní ìbò 105,720 nígbà tí Ajimọbi ní 92,218. Nígbà tí ó ń dá ẹjọ́ náà, Justice Haruna Tsammani ni ó da ìpẹ̀jọ́ náà nù tí ó ní kò lẹ́sẹ̀ ń lẹ̀ rárá. Adájọ́ náà ni ó wá gùn lé ìgbẹ́jọ́ ilé ẹjọ́ tí ó rí sí èsì ìbò pé ìdájọ́ òdodo ni wọ́n ti kọ́kọ́ dá.
Ilé ẹjọ́ sọ pé Ajimọbi kò ní àṣẹ láti sọ wí pé Balogun kò tọ̀nà láti díje lábẹ́ àṣìá ẹgbẹ́ òsèlú PDP. Ó ní, ẹni tí kò kópa nínú ètò ìbò abẹ́lé kò ní àṣẹ láti tako ìbò abẹ́lé ẹgbẹ́ òsèlú kankan.
Adájọ́ náà tẹ̀síwájú pé, kété tí ajọ tí ó ń rí sí ètò ìbò àti ẹgbẹ́ òsèlú bá ti fọwọ́ sí ẹnikẹ́ni pé ó gbéwọ̀n, kò sí ìdádúró mọ́ fúnrúfẹ́ ẹni bẹ́ẹ̀. Tsammani wá wí pé gbogbo ẹ̀rí tí Ajimọbi kó kalẹ̀ kò lẹ́sẹ̀ ń lẹ rárá láti tàbùkù alátakò rẹ̀. Ó kásẹ̀ ọ̀rọ̀ rẹ̀ nílẹ̀ pé, ilé ẹjọ́ ṣe ìdájọ́ tó yẹ bí wọ́n ṣe dá Sínátọ̀ Kola Balogun láre.
