Àṣà Oòduà

Tag: oodua news

  • Iṣẹ́ ìránṣẹ́ kò sí fún ìmẹ́lẹ́ èèyàn – Tunde Bakare

    Fẹ́mi Akínṣọlá

    Ayé ló bàjẹ́ tí ọmọ olè ń dájọ; oníkálukú mọ ẹ̀tọ́ tó yẹ́’.
    Olùṣọ́ àgùtàn Tunde Bakare ṣàlàyé bí ìdámẹ́wàá ṣe bẹ̀rẹ̀ ninu Bíbélì àti pé kò si ẹni tí wọ́n gbé ìbọn tì pé dandan ni kó san ìdámẹ́wàá.
    Ó ní iṣẹ́ ọwọ́ òun ni òun ń jẹ nítorí pé Ọlọ́run kìí pe ọ̀lẹ sí iṣẹ́ àlùfáà.
    Bakare sọrọ nípa ijọba Muhammadu Buhari pé ó ti gbìyanju, nítorí pé èèyàn ni èèyàn ó máa jẹ́ .
    Ó ní àkókò tó fún Buhari láti lọ , kí ẹlòmíì le tẹ̀síwájú láti ibi tí Buhari bá iṣẹ́ dé.
    Bákan náà ló mẹ́nuba àjọṣepọ̀ òun àti igbákejì Ààrẹ Ọṣinbajo pé, Ẹ̀gbá méjì kò gbọdọ̀ ja ara wọn níyàn,ni ọ̀rọ̀ àwọn.

  • Àfikún owó oṣù nìkan lẹ̀rọ̀ ìyanṣẹ́lódì- NLC

    Àfikún owó oṣù nìkan lẹ̀rọ̀ ìyanṣẹ́lódì…NLC

    Fẹ́mi Akínṣọlá

    Ẹgbẹ́ òṣìṣẹ́ lorilẹede Nàìjíríà, NLC, ti sọ fún àwọn adari ẹgbẹ́ ọhun láwọn ipinlẹ pé kí wọ́n gbaradi fún ìyanṣẹ́lódì, bẹrẹ láti ọjọru, ọjọ Kẹrindinlogun oṣù Kẹwàá ọdún 2019.
    Ẹgbẹ́ NLC ní òun yóò gunle iyaṣẹlodi náà tí ifọrọwerọ oun pẹlu Ìjọba àpapọ̀ kò bá so eso rere.


    Nínú atẹjade kan tí ẹgbẹ́ náà fi sọwọ sí àwọn ẹka rẹ̀ ní àwọn ipinlẹ, ti akọwe àgbà ẹgbẹ́, Emmanuel Ugboaja fọwọ si, lóti sísọ lójú ọrọ náà.
    Ẹgbẹ́ NLC ní, gẹ́gẹ́ bí ìwé tí òun ti kọ Ṣaájú sí àwọn ọmọ ẹgbẹ́ náà ní Nàìjíríà pe, ti ajọsọ egbẹ naa pẹlu ijọba apapọ lori afikun owo oṣu ko ba so eso rere, oun yoo bẹrẹ iyanṣẹlodi.

    Ṣaájú ni ẹgbẹ awọn oṣiṣẹ ọhun ti beere afikun owo oṣu to jẹ ida mọkanla fun awọn oṣiṣẹ to wa ni ipele keje si mẹrinla, ati afikun owo oṣu ida mẹfa abọ fun awọn oṣiṣẹ ijọba to wa ni ipele karundilogun titi de ipele kẹtadinlogun.


    Ni ọjọ kẹrinla oṣu karun un ọdun 2019 ni ijọba apapọ gbe igbimọ kan dide lati boju wo afikun ti ẹgbẹ oṣiṣẹ n beere fun.
    Lẹ́yìn ọpọlọpọ ìpàdé àti ijiroro, ó jọ pé ẹ́gbẹ òṣìṣẹ́ àti Ìjọba àpapọ̀ kò tiì fẹnu ọrọ náà jona.

    iroyinowuro

  • Àyájọ́ ‘Má wọ kọ́mú’

    Àyájọ́ ‘Má wọ kọ́mú’ ló kò yìí, kín làkíyèsí ẹ̀yin obìnrin lórí àìsàn jẹjẹrẹ ọyàn

    Fẹ́mi Akínṣọlá

    Ọjọ́ Kẹtàlá oṣù Kẹwàá ọdọọdún ni àyájọ́ ọjọ́ ‘Má wọ kọ́mú’ lorilẹede Nàìjíríà eyi tó ń sọ fún àwọn obìnrin láti bá kọ́mú yan odì lọ́jọ́ náà.


    Gẹ́gẹ́ báa ṣe mọ̀ oṣù Kẹwàá yìí kan náà ní àwùjọ àgbáyé yà sọ́tọ̀ fún àyájọ́ gbígbógun ti àìsàn jẹjẹrẹ ọyàn, lọ́wọ́-lọ́wọ́ báyìí, orí ayélujára ti kún fún àwòrán awọ̀n obìnrin tó ń yan kọ́mú lódì lónìí láti dènà àrùn jẹjẹrẹ ọyàn.
    Gẹ́gẹ́ báa se gbọ́, ohun tó fa ìdàsílẹ̀ àyájọ́ ọjọ́ ‘Má wọ kọ́mú ‘ ní Nàìjíríà ni láti pe àkíyèsíi àwọn obìnrin sí àìsàn jẹjẹrẹ ọyàn àti àwọn ọ̀nà tí wọ́n le è gbà dènà rẹ̀.


    Lásìkò àyájọ́ ọjọ́ ‘Má wọ kọ́mú’ yìí si ọpọ obìnrin máa ń fi ọyàn ọn wọn sílẹ̀ bí Ọlọ́run se dáa, láì wọ kọ́mú táa téèbó pè ní “Bra tabi Brassiere” lati kó o sókè, nítorí pé ìwádìí kan ti fìdíi rẹ̀ múlẹ̀ pe àwọ̀jù kọ́mú gan an máa ń fàìsàn jẹjẹrẹ.


    Àmọ́ ọ̀pọ̀ àwọn obìnrin tó ti ní àìsàn jẹjẹrẹ, tí orí ti kó yọ, ni kò le è ṣe láì wọ kọ́mú nítorí wọ́n nílò láti fi kọ́mú gbé fùkẹ̀ fùkẹ̀ sókè, eyi tí wọ́n se rọ́pò ọmú fún wọn lẹ́yìn iṣẹ́ abẹ tí wọ́n fi gé ọyàn wọn kúrò.


    Díẹ̀ pàtàkì àyájọ́ ‘Má wọ kọ́mú’ fáwọn obìnrin Nàìjíríà nìyí:
    Ọjọ́ ‘Má wọ kọ́mú ‘ yìí ló ń sètò ìtanijí fáwọn obìnrin nípa àìsàn jẹjẹrẹ ọyàn, nítorí a gbọ pé kọ́mú àwọjù gan an le fa àìsàn jẹjẹrẹ ọyàn.
    Ọjọ́ yìí ni wọ́n tún fi máa ń sètò ìkówójọ fún iṣẹ́ ìwádì í láti gbógun ti àìsàn jẹjẹrẹ ọyàn

    Bákan náà tún ni ọjọ́ yìí wà láti rán àwọn obìnrin létí pé kí wọ́n lọ se àyẹ̀wò ọyàn wọn aìímọ̀ àìsàn jẹjẹrẹ ti le bá wọn lálejò láìmọ̀
    Ọjọ́ yìí yóò tún jẹ kí àwọn obinrin tí wọ́n bá tètè kẹ́ẹ́fín àìsàn jẹjẹrẹ lara wọn lásìkò àyẹ̀wò le tètè rí ìtọ́jú gbà láti ká ọwọ́jà ọsẹ́ àìsàn náà kò.


    Bẹ́ẹ̀ àwọn ìgbésẹ̀ kan ṣe kókó láti tètè paná àn àisan jẹjẹrẹ ọyàn . Àkọ́kọ́ ni síse àyẹ̀wò ọyàn obìnrin lóòrè kóòrè , paàpá ní ẹ̀ẹ̀kan lósù kan, ìgbà tó sì dára jùlọ láti se àyẹ̀wò ọyàn ni ọjọ́ Kẹwàá lẹ́yìn tí obìnrin bá parí nǹkan oṣù rẹ̀.

    Àsìkò tí a ń se àyẹ̀wò ọyàn lósoosù kò gbọdọ̀ yàtọ, ó sì gbọdọ̀ bára dọ́gba eyi tí yóò se Ìrànlọ́wọ́ láti tètè rí èsì àyẹ̀wò tó dájú.
    Àwọn obìnrin tí kò bá se nǹkan oṣù gbọdọ̀ mú ọjọ́ kan lósoosù tí wọn yóò máa se àyẹ̀wò ọyàn wọn.

    Lásìkò àyẹ̀wò osoosù yìí, onítọ̀ùn yóò mọ bí ọyàn rẹ̀ se tóbi sí, bó se se múlọ́-múlọ́ sí àti bí awọ rẹ̀ se rí, èyi tí yóò jẹ́ kó tètè mọ̀ bí àyípadà kan bá dé sára ọyàn rẹ̀
    Tónítọ̀ùn bá lọ ṣe àyẹ̀wò àgọ́ ara rẹ̀ nílé i ìwòsàn, ó gbọdọ̀ ri daju pe awọn osisẹ eleto ilera se ayẹwo ọyan fun oun lọna to peye, ti ẹnikọọkan si gbọdọ mọ baa ti se ayẹwo ọyan funra ẹni

    Nibayii ti ayajọ ọjọ ‘Ma wọ kọmu’ tun ko báyìí, a n rọ gbogbo obinrin lati se àyẹ̀wò ọyàn wọn nítorí ijafara léwu, àti òkèrè ni oloju jinjin ti n mu ẹkun sun.

    iroyinowuro

  • Ìjọba ṣe tán láti bẹ̀rẹ̀ sí ní gbowó orí lóri ìbáraẹnisọ̀rọ̀

    Ìjọba ṣe tán láti bẹ̀rẹ̀ sí ní gbowó orí lóri ìbáraẹnisọ̀rọ̀

    Fẹ́mi Akínṣọlá

    Bí ó tilẹ̀ jẹ́ pé àbùùbùtán oore lọ̀rọ̀ sísọ jẹ́ ,fáwa ọmọ aádámọ̀,ọ̀làjú àsìkó yìí,ti fẹ́ mú kí nǹkan ó gbọ̀nà ọ̀tun yọ,bí ó ti jẹ́ pé ọ̀gọ̀ọ̀rọ̀ àwọn ọmọ orílẹ̀èdè yìí yóò máa same lórí ìpè e won.
    Álága ilé iṣẹ́ tó ń gbowó orí lórílẹ̀-èdè Nàìjíríà (FIRS), Babatunde Fowler ti ní báyìí o, kò sí nǹkan tó buru nínú kí ìjọba máá gba owó orí fún ìbáraẹnisọ̀rọ̀ lórí ẹ̀rọ.
    Fowler sọ èyí di mímọ lásìkò tó ń bá àwọn akọ̀ròyìn sọ̀rọ̀ níbi ìpàdé àpérò ètò ọ̀rọ̀ ajé Nàìjíríà tó wáye nilu Abuja.
    “Ẹ jẹ́ kí ń sọ báyìí, Ọmọ Nàìjíríà máa ń sọ̀rọ̀ púpọ̀ jùlọ, wọ́n a máa sọ̀rọ̀ ju bo ṣe yẹ ki wọ́n sọ̀rọ̀ lọ, ẹni tó bá sì lágbàra láti sọ̀rọ̀ tó bi wọ́n ṣe ń sọ yìí, tí a bá gbé owo ori lée, kò láìfí”

    “A máa fi ara wa wé àwọn orilẹ̀-ède tó ti tó tán, ṣùgbọ́n ìdá méji nínú ìdá ọgọ́rùn ni Ghana ń gba lówó orí fún ìbáraẹnisọ̀rọ̀, wọ́n sí máa ń lo nǹkan ti wọ́n bá ri níbẹ̀ láti gb bùkáta àwọn fásìtì wọ́n, èyí si lo mú kí àwọn ọmọ Nàìjíríà lọ máa kawe ni Ghana.”

    Fowler tún ṣàlàyé lóri owó ori ti wọn fi le ọjà rírà lori ayélujara pé gbogbo àwọn tí wọn ń lo ayelujara láti ta ọjà wọ́n ni àwọn báńkì yóò máa yọ ìdámarun nínú nǹkan tí wọ́n bá ta, láti fi sọ̀wọ si FIRS.

    Iroyin Owuro

  • Yẹ Kí Nàìjíríà Dín Iye Àwọn Sẹ́nétọ̀ Tó Ń Ṣojú Wọn Kù Tàbi, Ka Kúkú Pa Ipò Náà Rẹ́ – Fayemi

    Ó yẹ kí Nàìjíríà dín iye àwọn Sẹ́nétọ̀ tó ń ṣojú wọn kù tàbi, ka kúkú pa ipò náà rẹ́ …..Gomina ìpínlẹ̀ Ekiti

    Fẹ́mi Akínṣọlá

    Ó ní àwọn sẹ́nétọ̀ tí ń náwó tó pọ̀jù léyìí tí Ìjọba yí le fi owó náà ṣe nǹkan mìíràn fáwọn ará ìlú.
    Ó gba Ìjọba nímọ̀ran láti ṣàmúlò àbọ ìwádìí àwọn ìgbìmọ̀ Orosaye Stephen.
    Àbọ ìwádìí Orosaye ni pé kí wọ́n da àwọn iléeṣẹ́ Ìjọba àpapọ̀ tí iṣẹ́ wọ́n jọra pọ̀ di ọ̀kan ṣoṣo kí wọ́n le gbòòrò síi
    Fayẹmi gba u ìmọ̀ran yìí lásìkò tí ó ń sọ̀rọ̀ níbi àpérò lórí ètò ọrọ ajé Nàìjíríà ẹlẹẹkẹdọgbọn irúu rẹ̀ tí àkòrí rẹ̀ jẹ́: Nàìjíríà ni 2050: kín ló kù ní ṣíṣẹ yàtọ̀?

    Ṣaájú ni gómìnà ìpínlẹ̀ Imo tẹ́lẹ̀, Rochas Okorocha tí kọ́kọ́ ní kí wọ́n dín o òdiwọ̀n iye àwọn aṣojúṣòfin kù nílé Ìjọba ní Abuja.
    Rochas ní sẹ́nétọ̀ tó ń ṣojú ìwọ̀ oórùn ìpínlẹ̀ Imo báyìí nílé ìgbìmọ̀ ìjókòó kẹsan an.
    Ó ní iye owó tí sẹ́nétọ̀ kọ̀ọ̀kan ń ná tí pọ̀jù lọ́júu t’òun àti pé ó yẹ k’íjọba dín wọn kù sí ẹyọ kan láti ìpínlẹ̀ kọ̀ọ̀kan dípò o mẹ́ta yìí.
    Lọ́wọ́lọ́wọ́ ni Nàìjíríà, àwọn aṣojú jẹ́ mọkandinlaadọfa nílé ìgbìmọ aṣòfin àgbà nílùú Abuja láti ipinlẹ mẹrindinlogoji àti Olúùlú FCT.
    Nígbà tí àwọn aṣojúṣòfin jẹ́ ọtalelọọdunrun nílé ìgbìmọ aṣojúṣòfin kékeré ní Abuja.
    Nínú àbá eto ìṣúná tuntun tọdún 2020 ti Ìjọba àpapọ̀ gbé wá síwájú ilé láìpẹ́ yìí ló ṣafihan pé biliọnu mẹẹdọgbọn le ní ọgọrun un ni àwọn aṣojú wọ̀nyí yóò ná tán. Okorocha
    Gomina Fayemi ni oun ko ro pe ọrọ Nàìjíríà nilo aduro ero yii lati maa na owo ti wọn n na tan loṣooṣu ki a to lè yanju iṣorọ Naijiria.
    O ni awọn aṣojúṣòfin la nilo lati ṣe agbẹkalẹ awọn ofin to yẹ ni Nàìjíríà kìí ṣe àwọn sẹ́nétọ̀ rara.

    Fayẹmi fi ìpínlẹ̀ Ekiti rẹ̀ ṣe àpẹrẹ pé kínni sẹ́nétọ̀ mẹta ń ṣe láti Ekiti kékeré yẹn kí á tó sọ àwọn ìpínlẹ̀ tí kò tún tóbi tó Ekiti.

    http://iroyinowuro.com.ng/2019/10/14/ye-ki-naijiria-din-iye-awon-seneto-to-n-%e1%b9%a3oju-won-ku-tabi-ka-kuku-pa-ipo-naa-re-fayemi/

  • 615″, ńọ́ń́bà tuntun fún ìdáàbòbò àwọn èèyàn ìpínlẹ̀ Ọ̀yọ̀

    “615”, ńọ́ń́bà tuntun fún ìdáàbòbò àwọn èèyàn ìpínlẹ̀ Ọ̀yọ̀

    Fẹ́mi Akínṣọlá

    Awọn agba bọ wọn ni oju bayii ni alakan fii sọri.Eyi naa lo mu gomina ipinlẹ Oyo,Ṣeyi Makinde gbe igbesẹ akin, ni bi o ṣe kede ńọ́ń́bà Ẹẹfa, ookan, aarun, “615” ni ńọ́ń́bà tuntun ti ijọba ipinlẹ Ọyọ nipasẹ ajọṣepọ pẹlu ajọ ibaraẹnisọrọ, NCC gbe kalẹ fun araalu lati maa pe ni kete ti wọn ba kọlu ipenija abo ninu irinajo wọn.
    Gomina ipinlẹ Ọyọ, Ṣeyi Makinde ṣalaye pe ńọ́ń́bà naa wa fun idaabobo araalu ti wọn yoo ma lo nibẹ.
    Nigba to n sọ bi ńọ́ń́bà naa yoo ṣe maa ṣiṣẹ, Gomina Seyi Makinde ni awọn olugbe ipinlẹ Ọyọ to ba n dojukọ ipenija aabo bi idigunjale, rogbodiyan, ijamba ina jijo, tabi awọn ijamba miiran lee pe fun iranwọ ajọ gbogbo to ba yẹ ni kiakia.
    Gẹgẹ bi o ṣe yanana ẹ , lasiko ti awọn aṣoju ileeṣẹ ibaraẹnisọrọ NCC wa ṣe abẹwo si i ni ọfiisi gomina to wa ni Agodi nilu Ibadan loṣu Kẹjọ ọdun 2019 nibẹ ni wọn ti jiroro lori agbekalẹ nọmba naa,fun anfaani ara ilu.bà tuntun fún ìdáàbòbò àwọn èèyàn ìpínlẹ̀ Ọ̀yọ̀

    Ẹẹfa, ookan, aarun, “615” ni tuntun ti ijọba ipinlẹ Ọyọ nipasẹ ajọṣepọ pẹlu ajọ ibaraẹnisọrọ, NCC gbe kalẹ fun araalu lati maa pe ni kete ti wọn ba kọlu ipenija abo ninu irinajo wọn.
    Gomina ipinlẹ Ọyọ, Ṣeyi Makinde ṣalaye pe ńọ́ń́bà naa wa fun idaabobo araalu ti wọn yoo ma lo nibẹ.
    Nigba to n sọ bi ńọ́ń́bà naa yoo ṣe maa ṣiṣẹ, Gomina Seyi Makinde ni awọn olugbe ipinlẹ Ọyọ to ba n dojukọ ipenija aabo bi idigunjale, rogbodiyan, ijamba ina jijo, tabi awọn ijamba miiran lee pe fun iranwọ ajọ gbogbo to ba yẹ ni kiakia.
    Gẹgẹ bi o ṣe yanana ẹ , lasiko ti awọn aṣoju ileeṣẹ ibaraẹnisọrọ NCC wa ṣe abẹwo si i ni ọfiisi gomina to wa ni Agodi nilu Ibadan loṣu Kẹjọ ọdun 2019 nibẹ ni wọn ti jiroro lori agbekalẹ ńọ́ń́bà naa,fun anfaani ara ilu.

    Iroyin Owuro

  • Idi pataki meta ti ko fi ye ka maa fi ehin je eekanna

    1. Ehin le yingin tabi ki die kan lara ehin wa: Nigba mi-in ti a ba n gbiyanju lati fi ehin ge eekanna wa, ehin wa le lura won lojiji, eleyii si le fa ki ehin yingin legbe kan tabi ki die lara re kan danu.

    2. Erigi enu wa ninu ewu: Bakan naa, fifi ehin je tabi ge eekanna wa le se akoba fun erigi. Okan ninu iriri awon dokita onitoju ehin fi ye wa wi pe nigba ti eniyan ba n gbiyanju lati fi ehin ge eekanna, oseese ki eekanna naa ha si aarin ehin, eleyii to le se akoba fun erigi enu wa.

    3. O le fa aisan si ago ara wa: Awon idoti to wa ni abe eekanna, eleyii to kun fun kokoro aifojuri le sakoba nla fun ilera wa to ba se bee bo sinu enu wa.

    Lakotan, Awujo wa tile ka asa ifehin ge eekanna gege bi iwa obun eleyii ti ko bojumu. E je ka yago fun iru iwa bee. E je ka wa obe sekele ti aa ma lo, eleyii ti enikeni ko ni ba wa pin lo, lati fi maa ge eekanna wa nigba gbogbo.

    Lati Ọwọ Olayemi Olatilewa

  • Dele Momodu se afihan Madueke nigba keji

    Fun awon ti ko mo, Dele Momodu ni oniroyin akoko to koko se afihan foto Diezani Alison-Madueke. Eleyii to ya nigba to se abewo si minisita fun epo robi nigba kan ri ni ilu London.Oga Dele Momodu ti pada se afihan Madueke leekansii. Ekunrere iroyin nipa obirin naa kosi ni pe jade ninu iwe iroyin re.

  • “Iyawo mi n yale, o tun bimo ale fun mi”: Alabi yari ni kootu Ikorodu

    Orisun

     

    Ogbeni Alabi Rasheed, eni odun mejidinlaadota (48) ti gbe iyawo re, Sherifat, lo si ile ejo lati tu yigi igbeyawo odun mewaa to wa laaarin won ka lOjobo ose to koja yii. Gege bi alaye Alabi ni Ikorodu Customary Court to kale siluu Eko, oko Sherifat salaye fun ile ejo wi pe ayewo eje ti oun se fun awon omo oun fi da oun loju wi pe omo ale ni omo keji ti iyawo oun bi foun.

    Ogbeni Alabi to n gbe ni oju ona Baiyeku to wa n’Igbogbo si n ro ile ejo naa lati fi obe ja okun igbeyawo naa si meji, ki onikaluku si maa gba ibi tie lo ni alaafia.

    “Aja igboro ni iyawo mi, ‘sokisoki’ lo ma n se kiri igboro. Bakan naa si ni awon ale re o lonka. Iwa re yii lo je ki n lo se ayewo eje fun awon omo meji to bi fun mi. Ayewo DNA ti mo si se fi ye mi wi pe omokeji ti iyawo mi bi fun mi kii se omo mi rara- omo ale ni.

    “Yato si eleyii, oro re ti su mi. O kan an doju ti mi kiri adugbo lasan ni. Gbese jije re ti poju. Gbogbo ara adugbo lo ti yawo lowo won tan lai da okankan pada. Aimoye igba ni awon olopaa ti wa gbe lori esun gbese yii naa ni bi eni won fi se,” Alabi se bee lalaye.

    Awon Yoruba bo, won ni agbejo eni kan da, agba osika ni i se. Onidajo fun Sherifat, eni odun mejilelogoji (42) naa lanfaani lati so tenu re. Sherifat ni iro gbaa ni gbogbo alaye ti oko re ro kale. O ni oko oun feran ejo wewe, o si tun je enikan to maa n gbe ara re lokan soke lai nidi kan pataki.

    “Oko mi ko so fun wi pe oun fe lo se ayewo eje nigba to ko awon omo mi kuro nile, ohun to so ni wi pe, oun fe ko won lo sibi ayeye ojo ibi.

    “Mi o gba oro re gbo wi pe lotito lo lo se ayewo eje fun awon omo naa. O kan an wa ohun kewo lati ba igbeyawo yii je lasan ni.

    “Kosi igbeyawo ti ko ni ipenija tie, maa si fi asiko yii ro ile ejo yii lati ba wa wa atunse si oro to wa nile yii, ti igbeyawo aladun yii ko fi ni fori sanpon lai ro tele,” Sherifat se alaye tie naa.

    Onidajo Omolara Abiola to n joko ni kootu naa pase wi pe ki won lo tun ayewo naa se fun idaniloju . Bakan naa lo sun igbejo naa di ojo keji osu kejila, 2/12/2015.

    Iroyin Lati Ọwọ Olayemi Olatilewa

  • Baalu Aare Buhar ti bale niluu Iran

    Aare Muhammadu Buhari ti bale ni Tehran to wa ni orileede Iran nibi ti yoo ti maa joko se ipade eleeketa iru e ti egbe awon orileede ti n gbe epo robi jade fun awon orileede agbaye.