Àṣà Oòduà

Tag: Ooduarere

  • Ìjàm̀bá iná se ò̩nà Eko sí Ibadan ati Ibadan sí Eko pa

    Ìjàm̀bá iná se ò̩nà Eko sí Ibadan ati Ibadan sí Eko pa
    Ìròyìn láti o̩wó̩ Yínká Àlàbí
    Oro gbogbo kii se lori alabahun ni opopona Eko si Ibadan ati Ibadan si Eko. Lati igba ti awon Julius Berger ti bere ona naa ni titun se ni isolenu re ti po sii.


    Ijeeje to o koja yii ni oko ajagbe eleru kan dede dubu ona ti moto kankan ko le wole bee si ni ko si eyi to le jade fun bii wakati mefa gbako.
    Nnkan bii aago meje aabo ale oni naa ni ajagbe oko agbepo Kan tun gbana ti ko si oko to le koja lo Ibadan tabi wo Eko fun wakati kan gbako.


    Opelope awon eso FRSC ati awon panapana ti won tete ji giri si oro naa.
    Won bere si ni dari oko lati agbegbe ile epo Fagbems ti o je ibere Long bridge ti ko jinna lopo si ibi ti isele naa ti sele.
    Eyo si mu ki gbogbo oko to n wo Eko ati eyi to n jade maa pin ona kan gba.
    Ki Eledua so wa nibi ina leralera yii.

    Iroyin Owuro

  • Sofia Kenin gba ife è̩ye̩ ìdíje Australia open 2030

    Omo orileede American, Sofia Kenin, ti fi ebun re han si gbogbo agbaye pelu bi o se bori ifigagbaga asekagba laarin oun ati omo orileede Spain, Garbine Muguruza pelu ami ayo 4-6 6-2 6-2 ni Melbourne lati gba ife eye idije naa ti abala awon obinrin.

    Eyi ni igba akoko ti Garbine, odun mokanlelogun, yio gba ife eye naa leyin igba mejila otooto ti o ti n kopa sugbon Muguruza ti gba ife eye naa ni igba meji otooto.

    Kenin ni agba eyin orile obinrin ti okere julo lati gba ife eye Australia Open leyin ti omo orileede Russia, Maria Sharapova ti gba ni odun 2008.

    Se Yoruba ni won so wipe inu eni o ki fun ki a pa mora ! Kenin, eni ti o je wi pe baba re ni olukoni re, le opa igba eyin orile re mole ti o si fo mo baba lorun lati fi idun re han si aseyori alailegbe naa.

  • Akiyesi Pataki

    Arákùnrin oníṣègùn oyinbo tó jẹ́ ọmọ bíbí Nigeria to wá n’ilu USA, fi ọrọ ìyànjú yí ranṣẹ fún anfaani ara wa. Jọ̀wọ́ ká, kí ó sì mú lo fún ìtọ́jú ara rẹ. Dr. A. Malgwi

    Ọna ti àwọn ọdọ wá lóde òní, ngba ni àìsàn kidirin jẹ ohun tó ndẹru báni. Mo nfi itẹjade yí ranṣẹ torí kò le ràn wá lọ́wọ́ nínú ewu àìsàn kidirin.
    Jọ̀wọ́ fara balẹ láti ka ọ̀rọ̀ ìsàlẹ̀ yí:

    AKIYESI PATAKI

    • KIDIRIN WA GBA ÀMÓJÚTÓ TÓ PÉYE

    Bí ọjọ́ méjì sí ìgbà tá wá yí, ní a gbọ ìròhìn ikú ọkàn ni àwọn òṣeré ori itage ọmọ ilẹ̀ wá ti àìsàn kidirin ṣekú pá.
    Bakanna, Minister alabojuto Iṣẹ́, Honourable Teko Lake wá nílé ìwòsàn ni ẹsẹ kan ayé, ẹsẹ kan ọrùn, nítorí àìsàn kidirin yí na ni. Idanilẹkọ yi dá lórí bí a ṣe lè toju ara wa ti ao ni bá wọn nipin ninu àìsàn kidirin yí.

    EYI NI ONA MẸ́FÀ PATAKI TI ÀÌSÀN KIDIRIN FI ŃṢE ENIYAN

    1. Dídá itọ mọ àpò itọ fún ìgbà pipẹ lai tọ, jẹ́ ọ̀nà àkọ́kọ́ tí ó má ń fà àìsàn kidirin. Tí ile itọ wá bá ń kùn ju bó ṣe yẹ lọ, o má nba ilé itọ wá jẹ́. Itọ yí tí ao tọ jáde nílé itọ wá, kún fún ọpọlọpọ kòkòrò aifoju ri ti a n pe ni bacteria, ti wọn ba npẹ ju nílé itọ wá, wọ́n má npọ sì ni kíákíá. Èyí má fún àwọn kokoro yí lanfani láti máa padà sínu kidirin wá àti àwọn ọ̀nà miran ti wọn lé gba jáde, eyi má ńṣe jamba fún kidirin wá púpò. Nígbà miran, àwọn kòkòrò yí ni ó má nfa aisan atọsi ọlọyun àti orisirisi àwọn aisan bí nephritis àti uremia. Tí itọ bá gbọn wá, kí a tọ itọ yí lásìkò tó yẹ.
    2. Jíjẹ iyọ pupọ ju, tún jẹ́ ọna miran ti àìsàn kidirin fi ń mú wá. Ao gbudọ jẹ́ iyọ ju ìwọ̀n 5.8 grams lọ ní ijoko ẹkan ṣoṣo.
    3. Jijẹ ẹran pupọ ju. Èròjà protein to wá nínú ẹran, to ba pọ ju má npa kidirin wá lára. Kí èròjà protein ṣe ń kuro lára ẹran tí a ń jẹ, bẹ ní kemika ammonia na ma ń jáde pẹlu rẹ. Kemika ammonia yí ko ni ìwúlò kankan lára. Tí ammonia yí bá ti ń poju bó ṣe yẹ lọ, ó má ńṣe àkóbá fún kidirin wá. Jíjẹ ẹran pupọ ju má njẹ ki ammonia yí po jù nínú kidirin wá ti yio ba kidirin wá jẹ́.
    4. Mímú kafini pupọ ju. Kafini jẹ́ lára àwọn èròjà tí ó má nwa nínú àwọn minira bí Coca-Cola, nescafe tea àti òbí tí a njẹ. Kafini má njẹ ki ifunpa wá (blood pressure) ga ju bó ṣe yẹ lọ. Tí ifunpa wá bá nga ju, ó má ń ṣàkóbá fún kidirin wá. Torinaa, ẹ jẹ ki a sá fún mímú minira bí coke ati mimu nescafe pupọ ju àti jíjẹ òbí pupọ ju.
    5. Áìmu omi dada. Kidirin wá nílò omi láti ṣíṣe daradara, tí a kò bá mú omi daradara kidirin wá má ń ṣíṣe afipa ṣe àti wipe àwọn ìdọ̀tí (Toxins) tí kidirin wá yẹ kó sẹ kúrò nínú ẹ̀jẹ̀ wá, yio tun padà sára wá. Nítorí náà, ẹ jẹ ki a ma mu omi daradara, o kere ju kí a má mu omi pure water mefa lojumo. Ọ̀nà tó rọrùn láti mọ bóyá a ń mú omi to boti yẹ. Wò awọ itọ tó ń tọ bóyá ó pọn tàbí ó mọ bí omi. Tí ó bá pọn, ó kí mu omi tó. To ba mọ, ó nmu omi tó.
    6. Áìbìkítà láti ṣe ìtọ́jú aisan tó bá ńṣe wá lásìkò àti botiyẹ. Ẹ jẹ ki a ma tètè bójú tó àìsàn tó bá ńṣe wá lásìkò àti botiyẹ. Ẹ má ṣe ayẹwo ara wa nípa lílo àwọn ẸRỌ IFUNPA, ẸRỌ ITỌ SUGAR, ki a ma lọ rí dókítà wá lore kórè. Kí a má lo àwọn ogún wá nígbà tó yẹ. Ẹ jeki a rán ara wa lọ́wọ́. Ọlọ́run a ra wá lọ́wọ́ àti àwọn ẹbí wá lọwọ orisirisi àìsàn.

    Ẹ̀JẸ̀ KÍ A SA FUN ÀWỌN OGUN WỌNYI WỌ́N ŃṢE ÌPALÁRA FUN ARA WA, WON JE OGUN TÓ LEWU GIDI GAN-AN.
    *D-cold
    *Vicks Action-500
    *Actified
    *Coldarin
    *Cosome
    *Nice
    *Nimulid
    *Cetrizet-D
    Àwọn ogún yí ni èròjà Phenyle Propanol-Amide PPA. Èyí má nfa àìsàn rọparọsẹ(STROKE). Àwọn ogún yí ni ìjọba USA kò gbà láyé nilẹ wọn.

    Jọ̀wọ́, kí ó tó pá ìtẹ́ jáde yí rẹ, rán ọrẹ rẹ lọwọ nípa fífi ìtẹ́ jáde yí ranṣẹ si. Nípa ṣíṣe bayi, ó lè ràn ẹnikan lọwọ. Fi ranṣẹ sì ọpọlọpọ ènìyàn..

    Àwọn dókítà ni ilu United States tí ṣe àwárí àìsàn jẹjẹrẹ kan tó ndamu ọmọ ènìyàn lamu, ohun tó ń ṣokùnfà àìsàn yì ni èròjà kan tí a npe ni Silver Nitro Oxide. Silver Nitro Oxide ni kemika tí wọ́n fi bo nọmba tó wà lára Recharge card, tí a bá ra recharge card, e ma fi ekana ha kemika yí tí ó lè fà àrùn jẹjẹrẹ yí. Ṣé alábàápín atẹjade yí pẹlu awọn olólùfẹ́ rẹ.

    ÌRÒHÌN ÌLERA TÓ ṢE PÀTÀKÌ

    1. Gba ìpè lórí fóònù rẹ sì etí osi.
    2. Má ma lo ogún òní horo pẹlu omi tutu.
    3. Má ma jẹ onjẹ to wúwo lẹhin ago marun irọlẹ.
    4. Mú omi daradara lowurọ, mú omi niwonba lalẹ.
    5. Àkókò to dára jù fún orun sísun ju ni àgó mẹwa alẹ sì àgó mẹrin arọ.
    6. Ó kò gbọ́dọ̀ sún ni kété tí ó bá lo ogún tàbí jẹun tán.
    7. Tí agbára batiri fóònù rẹ bá ti kú ìlà kan, ó kó gbọ́dọ̀ gba ìpè, torí wipe, àwọn agbára aifoju tí fóònù rẹ má nto ìlọ́po 1000 tí ole ṣe àkóbá fún ìlera rẹ.

    Ǹjẹ́ ole fi ite jáde yí ranṣẹ sì àwọn ènìyàn tí ó bìkítà fún?
    Èmi ti ṣe bẹ.
    Anu ṣíṣe ó nan wa lowo ṣùgbọ́n imọ jẹ agbára.

  • Kí gbogbo àwọn olórí ààbò lọọ rọ́kún nílé – Ilé ìgbìmọ̀ asojú

    Kí gbogbo àwọn olórí ààbò lọọ rọ́kún nílé – Ilé ìgbìmọ̀ asojú
    Láti ọwọ́ Yínká Àlàbí

    Abajade ipade ile igbimo asoju to wa ni Abuja ni “a kuku joye san ju enu mi ko ka ilu lo”. Won ni ki gbogbo awon olori eso aabo Naijiria lo sinmi nile. Won ni ko si ogbon atinuda kankan fun enikankan won mo. Ki won lo, ki aaye le wa fun “awon odo iwoyi to mo ehoro iwoyi le”.


    Won ni ko si ohun meji to fa eleyii bi ko se eto aabo ilu yii to n buru sii lojoojumo. Won ni agbara won ko ka awon onise ibi yii.
    Koda, ni ile igbimo asofin agba, Seneto Abaribe ni ki Aare Muhammadu Buhari tile maa lo nitori pe oun ati egbe APC ko mo eyi to kan mo. O ni ona abayo ko si fun won mo.


    Bi o tile je pe eyi fa tita ohun si ara eni laarin awon egbe oselu APC ati PDP, koda ile ise Aare naa da sii. Won ni Abaribe ko ni enu oro rara nitori pe egbe re naa lo ba ilu yii je de ibi to baje de. Won ni ko rorun lati tun nnkan se bi o se rorun lati ba nnkan je.

  • Ìjọba Àpapọ̀ Kò Gbẹ́sẹ̀lẹ̀ Lé Owó Tó Tọ́ Sáwọn Ìjọba Ìbílẹ̀ L‘ọyọ

    Ìjọba àpapọ̀ kò gbẹ́sẹ̀lẹ̀ lé owó tó tọ́ sáwọn ìjọba ìbílẹ̀ l‘Ọyọ

    Fẹ́mi Akínṣọlá

    Lórí ọ̀rọ̀ kan tó gbà gboro kan pé àgbẹjọrò àgbà orilẹ̀-èdè Naijiria, Abubakar Malami ti pàṣẹ fún gómìnà ìpínlẹ̀ Oyo láti gba àwọn alága káńṣù ti wọ́n yọ nípò pada, Ìjọba Ọyọ ti fèsì lórí ìṣẹ̀lẹ̀ náà.

    Nígbà tó ń sẹ̀rí ọ̀rọ̀ náà, Akọ̀wé ìkéde ìjọba ìpińlẹ̀ Oyo, Ọgbẹ́ni Taiwo Adisa ní, ìrọ tó jìnà sí òtítọ ni nítori pé òun kò tí ì rí lẹ́ta kankan tó jọ bẹ́ẹ̀ láti ọ̀dọ̀ Malami.
    Ó fí kún un pé kò sí ìgbà kankan tí Malami jáde láti sọ pé òun kọ lẹ́tà ránṣẹ́ si ìpínlẹ̀ Oyo, pẹ̀lú àfikún pé, ó se pàtàki ki àwọn akọ̀ròyìn máa ṣe ìwádìí wọ́n dáradára, ki wọ́n tó máa tan ìròyìn tí kò fi ìdí múlẹ̀ káàkiri.

    Lórí àhesọ ọ̀rọ̀ kan tó sọ pé, ìjọba ìpinlẹ̀ Oyo kò rí owó gbà láti ọ̀dọ̀ ìjọba àpapọ̀ fún àwọn ìjọba ìbilẹ̀, nítori pé àwọn Alága fìdíẹ ni wọ́n fi sí ìjọba Káńsù Adisa ní òfo ọjọ́ kejì ọjà ni ọ̀rọ̀ ọ̀hún.

    ” Ẹni tí wọ́n bá nà ló yẹ kí ara máa ta, tí ìjọba ìpínlẹ̀ Ọyọ kò bá rí owó gbà, ẹnu ìjọba ìpínlẹ̀ ni ẹ ó ti gbọ́ kìí ṣe ẹnu àwọn ìròyìn ẹlẹ́jẹ̀. Nítorí náà, òfúùtù fẹ́ẹ̀tẹ̀ ni Ìròyìn tó ní àwọn Ìjọba ìbílẹ̀ ní Ọyọ kò rí owó tó tọ́ sí wọn gbà láti ọ̀dọ̀ Ìjọba àpapọ̀.”

  • Ìdí tí nó̩ḿbà ìdánimò̩ kò fi jé̩ dandan mó̩ – Àjo̩ JAMB

    Ẹ kò nílò nọńbà ìdánimọ̀ NIN fún ìdánwò àṣewọlé ọdún 2020… Àjọ JAMB

    Fẹ́mi Akínṣọlá

    Ni báyìí Àjọ tó ń rí sí ìdánwò àṣewọlé ilé ẹ̀kọ́ gíga JAMB tí kó àfàró nípa lílo nọ́mbà ìdánimọ̀ “NIN” fún ìdánwò àṣewọlé ọdún 2020.

    Ọ̀gá àgbà àjọ JAMB, Ishaq Oloyede ló fi ọ̀rọ̀ náà léde nígbà tó ń bá àwọn oníròyìn sọ̀rọ̀ l’Abuja.

    Bákan náà ni àjọ ọ̀hún fi ọ̀rọ̀ náà léde lójú òpó abẹ́yefò rẹ̀, níbi tó ti darí àwọn olùṣèdánwò láti fi orúkọ wọn ránṣẹ́ sí 55019 fún ìforúkọ sílẹ̀ ìdánwò náà.

    Ishaq sọ pé, ìdádúró lílo nọ́ńbà ìdánimọ̀ náà jẹ́ ọ̀nà láti fún àwọn tó ń ṣe ìdánwò JAMB lánfààní síi, láti leè gba nọ́ńbà ìdánimọ̀ wọn.

    Ó ní ìgbésẹ̀ náà tún jẹ́ ọ̀nà láti leè wá ojútùú sí àwọn kùdìẹ̀kudiẹ tó ń wáyé ní àwọn ojúko ìdánwò JAMB káàkiri orílẹ̀èdè-ede yìí.

    Ọ̀gá àgbà ọ̀hún ṣàlàyé síwájú síi pé, àwọn olùṣèdánwò kò nílò nọńbà ìdánimọ̀ fún ìdánwò ọdún 2020, ṣùgbọ́n wọn yóó nílò nọńbà náà fún ìdánwò ọdún 2021.

    Ṣaájú lọ́dún 2019 ni àjọ JAMB sọ pé àwọn tó bá fẹ́ ṣe ìdánwò àṣewọlé ọdún yìí yóó nílò nọńbà ìdánimọ̀ náà láti leè fòpin sí bí àwọn kan ṣe má ń forúkọ sílẹ̀ fún ìdánwò ọ̀hún ju ìgbà kan lọ.

    http://iroyinowuro.com.ng/2020/01/12/idi-ti-no%cc%a9mba-idanimo%cc%a9-ko-fi-je%cc%a9-dandan-mo%cc%a9-ajo%cc%a9-jamb/

  • M C Oluo̩mo̩ fo̩wó̩ o̩lá gbáwa lójú – NURTW

    MC Oluo̩mo̩ fo̩wó̩ o̩lá gbáwa lójú – NURTW
    Láti o̩wó̩ Yínká Àlàbí
    Oro ti gbogbo ara ilu ni o ti ku regbe ti o si ti di ohun igbagbe ni o tun n rugbo ni ibere ise yii laarin Musiliu Akinsanya ati Adekunle Lawal ti gbogbo eniyan mo si Kunle Poly.


    Ikolura-eni yi ti n rugbo bo laarin awon mejeeji ki o to di pe olobo ta awon olopaa ti won si sare lo fi owo sinkun ofin ko awon osise NURTW mejidinlaadota.


    Lara awon ti awon olopaa ko yi lo n ba awon oniroyin soro pe awon ko tile ba ti ija wa rara. Won ni M C Oluomo to je oga awon ni ipinle Eko lo pe ipade ti awon se wa, awon ko mo pe panpe lo de sile fun awon.
    Awon afunrasi yii ni ti a ba wo awon ti won ko daadaa, a maa rii pe awon eniyan Kunle Poly lo po ju.


    Awon afunrasi naa ni inu awon ko dun si iwa ti Oluomo wu rara nitori pe awon naa ko ki n se omo Esu, bi ilu se maa toro lo je awon naa logun.
    Olu ileese NURTW to wa ni ilu Agege ni awon olopaa ti lo ko awon eniyan naa.


    Komisona Olopaa ni ipinle Eko, Ogbeni Hakeem Odumosu ni awon maa fi won sile ni kete ti awon ba ti pari iwadii lori won.

  • Àwọn ará ilú dáná sún èèyàn méjì tí wọ́n furasí bíi olè

    Àwọn ará ilú dáná sún èèyàn méjì tí wọ́n furasí bíi olè

    Ọjọ́ gbogbo n t’olè, ọjọ́ kan n tolóhun.
    Àwọn ènìyàn méjì kan ti wọ́n fura si gẹ́gẹ́ bi olè, ni wọ́n ti dáná sun nílùú Calabar, tíí ṣe olú ilú Cross River.

    Ìṣẹ̀lẹ̀ náà wáyé ní agbègbè Akai Effa, tíwọ́n sì fi tipá fún àwọn afurasí náà ní fóònù láti pe àwọn ẹbí wọ́n láti sọ fún wọ́n pé, wọ́n ti fẹ́ dána sun wọ́n nítorí àwọn jalè .

    Ìròyìn sọ pé, àwọn ará àdúgbò ọ̀hún pàmọ̀ pọ̀ láti dáná sún àwọ́n afurasí adigunjalè náà nítorí bí àwọn olè ṣe ń jà ládúgbò láti ìgbà díẹ̀ sẹ́yìn.

    Ní ọjọ́ ọdún Kérésìmesì, afurasí ọ̀daràn kan lẹ́yìn tó jalè tán, tún fipá bá ẹni tó kámọ́lé lòpọ̀ ní agbègbè Okoro Agbor ní Calabar.

    À mọ́ ó pàpà bọ́ sí ọwọ́ àwọn ará ìlú, wọ́n lùú, bó tilẹ̀ jẹ́ pé àwọn ọlọ́pàá gbìyànjú láti gbà á sílẹ̀ sùgbọ́n ẹmi ti bọ́ lára rẹ̀ kí wọ́n tó gbé e dé ilé ìwòsàn

    Alukoro ọlọ́pàá ìpínlẹ̀ Cross Rivers, DSP Irene Ugbo, fìdíi ọ̀rọ̀ náà múlẹ̀ pé lóòótọ́ ni ìṣẹ̀lẹ̀ náà wáyé, bí kò tilẹ̀ sọ ọ̀rọ̀ míràn kún àlàyé rẹ̀ mọ́.

    Fẹ́mi Akínṣọlá

  • È̩ ń fi ẹ̀wọ̀n run imú ẹ̀yin Olóyè Ìbàdàn mọ́kànlélógún tẹ ń ǹ pera a yín lọ́ba

    Ọrọ̀ kò tíì tán lórí àwọn Olóyè mọ́kànlélógún tí Ilé ẹjọ́ sọ pé kí wọ́n lọ rọọ́kún nílé nílùú Ìbàdàn.

    Kọmíṣọ́nnà ètò ìdájọ́ tẹ́lẹ̀rí nípìńlẹ̀ Oyo, Ọ̀gbẹ́ni Michael Lànà ló ṣe ìkìlọ̀ fún wọn pé, kí wọ́n yé pe ara wọn ní ọba káàkiri, bí bẹ́ẹ̀kọ́, wọ́n ń fi ẹ̀wọ̀n run imú ni.

    Nínú àtẹ̀jáde kan tí Ọ̀gbẹ́ni Lànà fi síta lọ́jọ́ Ajé, ó sọ wí pé bí àwọn Olóyè náà tí ń pe ara wọn, tí wọ́n sì ń gbé ara wọn gẹ̀gẹ̀ bi ọbí lòdì sí àṣẹ ilé ẹjọ́.

    ”Ìgbésẹ̀ ìjọba àná nípìńlẹ̀ Ọyọ tó fún àwọn Olóyè mọ́kànlélógún láti máa dé adé ìlẹ̀kẹ̀, àti láti máa pe ara wọn ní Ọba lòdì sí òfin,” Ọ̀gbẹ́ni Lànà ló wòye bẹ́ẹ̀

    Ó ṣàlàyé síwájú síi pé ìdájọ́ Ilé ẹjọ́ gíga ìpínlẹ̀ Ọ̀yọ́ tó wáyé lọ́jọ́ kọkàndínlógún oṣù Kọkànlá ọdún 2019 ti gbé ìgbésẹ̀ ìjọba àná lórí àwọn Olóyè Ìbàdàn sẹ́ẹ̀gbẹ́ kan.

    Ọ̀gbẹ́ni Lànà ṣọ pé ìyàlẹ́nu ló jẹ́ pé àwọn kan sì tún ń wọ adé ìlẹ̀kẹ̀ tí wọ́n sì ń pe ara wọn ní Ọba ìlú Ìbàdàn.

    Ó ní Ìjọba kò ní bèṣùbẹ̀gbà láti gbé ìgbésẹ̀ lórí bí àwọn Olóyè mọ́kànlélógún náà ṣe ń pe ara wọn ní Ọba káàkiri.

    Ọ̀gbẹ́ni Lànà wá ké pe Kọmíṣọ́nnà ọlọ́pàá ìpínlẹ Ọyọ pé kó pàṣẹ fáwọn agbófinró láti fi ọwọ́ òfin mú ẹnikẹ́ni nínú àwọn Olóyè náà tó bá ń pe ara rẹ̀ lọ́ba.

    Fẹ́mi Akínṣọlá

    http://iroyinowuro.com.ng/2020/01/02/e%cc%a9-n-fi-ewon-run-imu-eyin-oloye-ibadan-mokanlelogun-te-n-%c7%b9-pera-a-yin-loba/

  • Ohun t’ọ́kùnrin ń ṣe l’Ekiti, obìnrin lè ṣe é. Àjọ̀dún Àṣà ìbílẹ̀ lékìtì

    Ohun t’ọ́kùnrin ń ṣe l’Ekiti, obìnrin lè ṣe é.. Àjọ̀dún Àṣà ìbílẹ̀ lékìtì

    Fẹ́mi Akínṣọlá

    Àṣà àti ìṣe wà nínú n tíí ṣàfíhàn èèyàn bí ọmọ ọkọ tàbí ọmọ ìdàkejì n ló díá fún bí onírúurú ohun tẹ́ ẹ̀ tilẹ̀ mọ pé ó wà láyé yìí se dohun àfojúrí níbi ayẹyẹ àjọ̀dún àṣà ọdún yìí ní ipinlẹ Èkìtì, .

    Adarí iléeṣẹ́ Àṣà ni ìpínlẹ̀ Èkìtì, Wale Ojo sọ fún akọ̀ròyìn pé àwọn ń kó àwọn àṣà àwọn jáde láti ṣe àfihàn rẹ̀ fáráyè ni.

    “A sọ ijó di owó, ohun t’ọ́kùnrin ń ṣe l’Èkìtì, obìnrin lè ṣe é”. Ọ̀gbẹ́ni Wale sọ pé Èkìtì Festival ti mú ọlá àti oríire wọ ìlú Èkìtì, “ó ń gbe ọgbọ́n inú àti ìmọ̀ àwọn ọ̀dọ́ jáde síta”.

    Ó tẹ̀síwájú pé gbogbo ìlú tó wà ní Africa ló kù tí Èkìtì máa fìwé pè lọ́dún 2020 láti wá wo ọgbọ́n, ìmọ̀ àti òye ti Ọlọ́run fi sọlọ̀ sí ìlú Èkìtì.

    Lóòtọ́ lóòtọ́, kò sí àṣàdànù nínú àwọ́n afihan ohun agbaṣa ga to waye nibi EKiti Festival 2019.

    Ṣé ẹ mọ̀ pé Ekiti ni ìlú tí Ògún Lákááyé wọlẹ̀ sí?
    Ìlú Ọrúnmìlà náà, Èkìtì ni.

    Èṣù tó má a ń dá àbò bo àwọn èèyàn tirẹ̀, Èṣù Ẹlẹ́gbára tó máa ń gba àwọn eeyan lọ́jọ́ ibi bá dé, ìlú Ekiti ni gbogbo wọn ti wá gẹ́gẹ́ bí adarí àṣà ìpínlẹ̀ náà ṣe sọ ọ́.

    Ìyàwó gómìnà ìpínlẹ̀ Ekiti, Erelú Bísí Fáyemí kádíì ètò àjọ̀dún náà pẹ̀lú ọ̀rọ̀ ìwúrí nípa Ekiti pé “Orin Ekiti dá yàtọ̀, ijó wọn, òkè ńlá ńlá àtàwọn nǹkan tó jẹ́ pé owó làwọn èèyàn fi lọ ń wò wọ́n níbòmíràn”.

    Iroyinowuro