Àṣà Oòduà

Tag: Saraki

  • Ìdíle Saraki àti ìjọba ìpínlẹ̀ Kwara dájọ́ ìpàdé

    Ìdíle Saraki àti ìjọba ìpínlẹ̀ Kwara dájọ́ ìpàdé

    Fẹ́mi Akínṣọlá

    Lẹ́yìn tí Ìjọba Ìpínlẹ̀ Kwara ti tẹ̀lé òfin tí wọ́n wo ohun ìní ìdílé Saraki èyí tí wọ́n ń pé ibẹ̀ ni Ilé Arúgbó ní ìlú Ilorin, ìpínlẹ̀ Kwara, gbogbo àwọn tọ́rọ̀ kan nínú rẹ̀ ti wá gbà láti yanjú aáwọ̀ láì ti ọwọ́ Ilé ẹjọ́ bọ̀ ọ́ mọ́.

    Lásìkò ìgbẹ́jọ́ náà ní ilé ẹjọ́ gíga ti ìpínlẹ̀ Kwara lọ́jọ́ ẹti ọ̀sẹ̀ tó kọjá, àwọn Agbẹjọ́rò fún àwọn ọlọ́rọ̀ méjéèjì sọ fún adájọ́ Abiodun Adewara pé àwọn ti jọ gbà láti yanjú ọ̀rọ̀ láì wá sí Ilé ẹjọ́.

    Bákan náà ni wọ́n fi ìpàdé sí ọjọ́ kẹtadínlọ́gbọ̀n oṣù kínní ọdún yìí lórí ọ̀nà àti wá ojútùú sí ohun tó wà nílẹ̀.

    Èyí ló mú kí Adájọ́ Adewara gbóríyìn fún igun méjéèjì tó sì kí wọn fún akitiyan wọn láti pinnu pé àwọn fẹ́ yanjú aáwọ̀ láì wo ohun tó ti ṣẹlẹ̀ tẹ́lẹ̀.

    Nítorí náà, adájọ́ sún ìjókòó síwájú di ọjọ́ kejì oṣù kẹta ọdún 2020 láti gbọ́ àbọ̀ ìyànjú aáwọ̀ náà.

    Bí ẹ kò bá gbàgbé, ọjọ́ kejì oṣù kínní ọdún yìí ni ìjọba ìpínlẹ̀ Kwara fi àwọn ọkọ̀ katakata wó ilé Arúgbó èyí tí wọ́n ní olóògbé Oluṣola Saraki tó jẹ́ bàbá Sẹ́nétọ̀ Bukola Saraki kọ s’órí ilẹ̀ tí wọ́n ní ó yẹ kí Ìjọba ìpínlẹ̀ Kwara lásìkò rẹ̀ fi kọ iléeṣẹ́ ìjọba.
    Lórí èyí, ìdílé Saraki gbé Ìjọba ìpínlẹ̀ Kwara lábẹ́ àkóso gomina AbdulRahman AbdulRazaq lọ sílé ẹjọ́ lẹ́yìn tí wọ́n wó ilé náà palẹ̀.

    Ẹ̀wẹ̀, adájọ́ Adewara gbà wọ́n níyànjú láti gba àlàáfíà láyè kí wọ́n sì jíròrò láti pẹ̀tù sí aáwọ̀ tó ń ṣúyọ lórí Ilé tí wọ́n wó.

    Èyí sì ló mú kí ìdílé Saraki pè fún ìpàdé láti yanjú rẹ̀ pẹ̀lú Ìjọba ìpínlẹ̀ Kwara láì ti ọwọ́ òfin bọ ọ̀rọ̀ náà mọ́.

  • Yoruba Du’n Gbo Lenu Saraki

  • Won o je ki Saraki o rona gba leyin to fun awon minisita Buhari lona lo

    Olayemi Olatilewa

    Ile ejo kotemilorun to kale siluu Abuja ti da esun aare ile igbimo asofin agba, Bukola Saraki nu patapata. Ninu esun ti Saraki gbe lo si ile ejo, ibe ni Saraki ti n ro ile ejo lati pase jokoo-jee fun  Code of Conduct Tribunal (CCT) latari awuyewuye ti won gbe dide. Bakan naa lo n wi pe ki ile ejo naa da gbogbo esun ti tiribuna gbe kaa laya nu sinu omi okun agbadagbudu. Sugbon sa, kaka ki ile ejo se ohun ti saraki n pe fun, iwe ofin ni ile ejo si ti won si kaa seti gbogbo mutumuwa. Won ni Code of Conduct Bureau ni ase labe ofin lati gbe enikeni lo si ile ejo tiribuna nigba to ba ye fun won lati se bee ninu ise won.

     

    Saraki ni won fi esun metala kan eleyii to dale aisododo nipa ijewo dukia eni ati awon iwa jegudujera ni awon akoko to je gomina ipinle Kwara. Nibayii, ile ejo to gaju niluu Abuja ti pase fun Code of Conduct Tribunal (CCT) lati maa ba awon esun metala ti won fi kan Bukola saraki lo lai si idiwo tabi idina kankan.

    Iroyin tuntun yii lo jade lojo Eti to koja yii leyin ti Saraki ati awon senato yoku fi ontelu lu awon minisita Buhari, paapa julo, Rotimi Amaechi ti awon kan ti ni ko ni yege.

    Ti e ko ba gbagbe, ojo karun-un ati ojo kefa osu kokanla odun ta a wa yii ni ile ejo tiribuna yoo tun maa pada jokoo lati ye Saraki wo bi igba ti tisa ba n gbon ise akekoo wo yebeyebe.

    Lori esun jegudujera kan naa, ile ise ti n risi iwa idaran niluu London, National Crime Agency [NCA] si n ba iwadii won lo ni rebutu nipa minisita epo robi ile Naijiria nigba kan, Arabinrin Diezani Alison-Madueke lori awon esun jegudujera ti won fi kan-an.

    Bi o tile je wi pe awon agbofinro ilu London ti pada tu Madueke sile ko maa lo sile, sugbon gbogbo iwe irinna re pata ni won ti gba lowo re. Eleyii ti ko fun lanfaani lati tirafu jade niluu London titi ti gbogbo iwadii ti won se yoo fi kesejari.

    Nibi ti Madueke, obirin akoko ti o je aare egbe awon orileede ti won ti n fo epo-robi lagbaye, Organization of the Petroleum Exporting Countries (OPEC), ti n ronu kini o le je abajade iwadii awon olopaa ilu London, Abba Moro o loju orun mo pelu bi Aare Buhari se siwe iranti kan-an.

    Boya eyin gbagbe, losu keta odun 2014, awon eniyan bi ogun, awon odo, ni won doloogbe nibi won ti n lakaka lati rise gba ni eka ile ise ijoba apapo to n risi wiwole-wode, Nigerian Immigration Service.

    Abba Moro lo je minisita feto abenu nigba naa, to si je eni  ti oro naa kan gbongbon, ni awon ara ilu pe fun idaduro re lenu ise. Sugbon aare to wa nipo nigba naa, Goodluck Jonathan, foju fo asise re da.

    Asiri to tun tu nigba naa ni wi pe won fi eto igbanisise naa kowo je eleyii ti won ni kan dapada sugbon ti won ko lati se bee.

    Awon Yoruba bo, won ni iyan ogun odun a maa jo ni lowo felifeli.

  • Won Ya Aso Iyi Saraki Niluu Ilorin Lojo Odun Ileya


    Okuta ati ogulutu ni awon eniyan bere si ni so lu aare ile igbimo asofin agba, Bukola Saraki, laaaro oni nibi to ti fe kirun yidi odun ileya niluu Ilorin Afonja.

    Bi awon eniyan se n ju okuta bee naa ni won pariwo ole, ole, ole le omo baba oloye lori.

    Kilode ti eni iyi di eni ete lojiji?

    Gege bi Iwadii Olayemi Oniroyin, gomina ipinle naa, Abdulfatah Ahmed, ko sanwo osu fun awon osise ipinle Kwara eleyii to mu pupo awon musulumi ilu naa lati ma ri owo ra eran odun ati ounje fun awon omo ati aya ti won ko sile.

    Afikun alaye won ni wi pe, owo iranwo ti ijoba apapo fi ran awon ipinle to je owo osu awon osise lowo, eleyii to je ti ipinle Kwara ni Bukola Saraki fi n jagun niluu Abuja lai wo ti igba ori ti ebi n pa niluu Ilorin.

    Gbogbo awon eekan ilu bi Emir ilu Ilorin, Alh Ibrahim Sulu-Gambari ati awon oloselu nlanla lati ipinle kwara ti won jo koworin pelu Saraki ni awon eniyan so di eniyeye papo mo Saraki nigba ti yidi ti won ti fe kirun yipadi di rotiroti bi igba ti awon omo garaji ba da gobe sile.

    Awon olopaa n yin tajutaju bee ni won yinbo soke; bajinatu si n dun keukeu kaakiri agbegbe yidi. Awon eniyan n sa soke sa sodo nigba ti awon kan ba awon oko to tele Saraki wa je.

    Aimoye eniyan ti won wo jalamia funfun ni aso won ti di kampala nibi awon ero ti n tira won ti gbogbo re si di boo-lo-o-yago-lona ni yidi.

    Olayemi Oniroyin ni oruko mi, awon omo Naija to wa ni orileede India ni won pe mi ni “Sultan”; Sultan Olayemi Oniroyin. Yeepa! Mo n wa owo lo lona mo gbayi. Lol.

    Barka da Salah!

     

    Source: olayemioniroyin

  • Kilode Ti Ogbeni Bukola Saraki Fi N Paro?: O paro Nile Ejo Tiribuna, O Tun Paro Fun Omo Naijeria


    Ni ile Yorubawa, ti omo kekere ba n paro, awon agba gba wi pe iru omo naa le jale tabi ko ti maa jale.

    Lara esun metala ti eka onidajo ti Code of Conduct Bureau, Code of Conduct Tribunal gbe siwaju nipa bi Bukola Saraki se ji owo Ipinle Kwara pamo si ile ifowopamo ile okeere nigba ti n se ijoba ipinle naa gege bi gomina.

    Leyin iroyin to jade lori ate iroyin Olayemi Oniroyin lana nipa bi won se le Saraki lokuta nibi won ti n kirun yidi niluu Ilorin, aimoye ile ise iroyin kaakiri ile Naijeria ni won tun jeri si isele naa. Koda, ile ise iroyin Sahara Reporters ti gbe fidio isele naa jade. E le ka iroyin naa nibi:

    Sugbon ohun to joniloju ni wi pe, Bukola Saraki ti tako iroyin to jade gege bi ohun to jina si otito. Saraki ni ohun to jo bee ko waye rara.

    Sugbon ninu atejade mii eleyii ti gomina Ipinle Kwara, Abdulfatah Ahmed fi sita, eni ti ko si ni yidi ni akoko naa; gomina bu enu ate lu bi awon eniyan se n so okuta lu aare ile igbimo asofin agba ati Emir ti ilu Ilorin.

    O ni ohun idoti ni, eleyii ti ko ye ko waye nibi awon eniyan ti fe josin fun Olorun.

    Saraki ni awon eniyan ko so oun lokuta nigba ti gomina Abdulfatah Ahmed koro oju si bi awon eniyan se so Saraki lokuta nibi ijosin fun Olorun Oba.

    Ogbeni Saraki n paro, ko si si ododo ninu gbogbo awijare re pata. Awon eniyan n pariwo “ole” “ole” “ole” won si n ju okuta ati omi inu ora lu omo baba oloye saaju ki awon osise alaabo re to gbe salo. Sibesibe, Saraki ni awon eniyan se rankadeede oun lasan ni ki se okuta ni won ju.

    Bukola Saraki so niwaju igbimo onidajo Code of Conduct Tribunal wi pe oun o jebi esun ole jija ati aise ododo nipa akosile dukia re eleyii to niro ninu.

    Ti awon esun ti won fi kan Saraki ni CCT ko ba tile dawa loju boya Saraki n paro ni, isele to sele lojo odun ileya ati atejade Saraki fi ye wa wi pe ogbologbo oniro ni

    Orisun:

     

  • Bukola Saraki Wo Gau: Won Pada ‘geti’ Maanu Naa


    Leyin awon esun bi metala ati esun iro funfun ti Bukola Saraki pa nipa jijewo dukia to ni. Ile ise ijoba apapo, eka ti awon onidajo ti pase ki ile ise olopaa ile yii, labe akoso ogbeni Solomon Arase lo gbe Saraki latari wi pe o ko lati yoju si ile ejo lori awon esun ti won fi kan-an.

    Won ni maanu naa jo ra re lo ju pupo ju. Se tori wi pe o je aare ile igbimo asofin agba lo je ko maa se galigali, ko maa se bi eni wi pe oun ti ga jofin lo?  Bi o tile je wi pe Sariki ti pada toro aforijin, sibesibe onidaju Danladi Umar ni a fi ti awon olopaa ba gbe e, ki won di bi eru okirika, ki won si so jua sile niwaju oun.
    Orisun: Olayemioniroyin.com