Olorin Naijiria olugbafe eye Grammy, Temilade Openiyi, ti a mo si Tems, ti safihan pe oun setan lati doju ko saare nigba ti oun fi eya orin takasufe ti gbogbo eniyan mo kaakiri orile ede sile fun R&B.
Tems wi pe oun ni igbagbo pupo ninu ara oun to bee ti oun ko bikita bi oun o ba “je nnkankan tabi da enikeni” pelu R&B.
Olorin ‘Essence’ naa so pe oun kan fe ki “ifiranse naa jade sita ni.”
O safihan eyi ninu ijiroro re pelu asoro orin kiakia Amerika, Kendrick Lamar, ninu iwe irohin iforo-wani-lenu-wo Interview Magazine to gbe jade laipe yii.
Tems wi pe, “Mo setan lati ku. Mo ni igbagbo pupo ninu ara mi to fi je pe mi o bikita nipa pe mo le ma je nnkankan tabi enikeni. Mo kan fe fi ifiranse kan sita. Mo kan fe ki igbohunsafefe mi maa jade. Mo ro pe, ‘Koda bi eniyan mewaa ba gbo je, o dara.’ Sugbon nigba to ya, mo n gbo orin Naijiria sugbon mi o kun fun emi to—mo feran Celine Dion, nitori naa, mo feran iru imolara bee, mo setan lati fo sile lati idagẹẹrẹ-okegiga. Bayii ni mo se fe ki orin mi ri ni gbogbo igba, orin takasufe ko si fun mi ni iru nnkan bayii.”
O wi pe gbogbo eniyan ti oun beere fun imoran lowo won nigba naa, ro oun lati se orin takasufe, wi pe, “Ona kan ti o fi le se eyi ni orin takasufe. Kii se pe orin re ko dara, o kan je pe ko ye fun Naijiria. Awon omo Naijiria ko feran iru re.”
Olorin ti a fa sile fun ife eye Oscar so pe oun ko lati jowo re nitori pe owo kii se ilepa oun. O fikun un pe nnkan ti oun fe ni “lile igbohunsafefe.”
Mo ní èmi ò fẹ́ Mo ní èmi ò jẹ Bí ẹ bá rí ikàn l’ọ́jà kí ẹ ma rà fún mi Mo ní èmi ò fẹ́ Mo ní èmi ò jẹ Atẹ̀gbẹ̀ tí o bá délé Olódùmarè kí o ra ọmọ wẹrẹ wá fún mi A dífá fún Àbẹ̀kẹ́ tí ń se eléwùrà l’ọ́jà tí n se elépo ní imọdẹ àgàn òde àpà Ẹkún ọmọ lo n sun Òun le bímo lópòlopò ni ndafa sí Ẹbọ lawo ni kóse Kò sí ohun tó wuyì ju ọmọ lọ Ọmọ làdèlé ẹni Kò sí ohun tó wuyì ju ọmọ lọ. Ire o?
Ìròyìn òkèrè, bí ò lé, a dín. Iléeṣẹ́ ọlọ́pàá ìpínlẹ̀ Ọ̀yọ́ ti ṣàlàyé bí ìdigunjalè kan tí ìròyìn sọ pé ó gba ẹ̀mí èèyàn kan ṣe wáyé ní ọjà Bódìjà nílùú Ìbàdàn.
Agbẹnusọ iléeṣẹ́ ọlọ́pàá, Adéwálé Òṣífẹ̀sọ̀, sọ nínú àtẹ̀jáde tó fi síta lórí ìṣẹ̀lẹ̀ ọ̀hún pé lọ́jọ́ ẹtì ni ìṣẹ̀lẹ̀ náà ṣẹlẹ̀.
Ó ní arákùnrin kan, Abubakar Ibrahim, ni àwọn adigunjalè kọlù ní nǹkan bíi aago mẹ́ta ku ìṣẹ́jú mẹ́ẹ̀ẹ́dógún, tí wọ́n sì yìnbọn mọ́ ọ kí wọ́n ó tó gba 270,000 Naira lọ́wọ́ ọ rẹ̀, nitori ikorita Bódìjà Ojúurin.
Ṣaájú ni àwọn iléeṣẹ́ ìròyìn orí ayélujára kan ti sọ pé ọkùnrin nà kú nítorí ọgbẹ́ ìbọn tí ó wọ̀ ọ́ lára.
À mọ́ ASP Òsífẹ̀sọ̀ sọ pé ẹ̀mí ọkùnrin ọ̀hún kò bọ́, tó sì ń gba ìtọ́jú lọ́wọ́ níléèwòsàn kan.
Òsífẹ̀sọ̀ sọ pé ìwádìí iléeṣẹ́ ọlọ́pàá fihàn pé àwọn adigunjalè náà tọ ipasẹ̀ Ọ̀gbẹ́ni Ibrahim láti ibì kan tó ti lọ̀ ọ́ ta ọjà nínú ìgboro Ìbàdàn, tó sì ń padà sí ibùgbé rẹ̀ ọjà Akinyele, níjọba ìbílẹ̀ Akinyele.
“Nítorí súnkẹrẹ-fàkẹrẹ ọkọ̀ tó wà nì òpópónà márosẹ̀, Ibrahim pinnu láti gba ọ̀nàaàbùjá kan tí kìí ṣe ibi tí ọ̀pọ̀ èèyà ń gbà. Ibẹ̀ ni àwọn adigunjalè náà ká a mọ́.
“Láti orí ọ̀kadà tí wọ́n wà, ni wọ́n ti yìnbọn mọ́ Ibrahim ní àwọn ìka ẹsẹ̀ rẹ̀, kí wọ́n tó ó gba owó tó wà lọ́wọ́ ọ rẹ̀.”
Agbẹnusọ ọlọ́pàá ní ìwádìí ti ń lọ lórí ìṣẹ̀lẹ̀ àgbọ́gbárímú ọ̀hún.
Yínká Àlàbí Yoruba bo̩, wo̩n ni “aisan lo se e wo, a ko ri ti o̩lo̩jo̩ se”. Ko ki n se iroyin mo̩ pe iku ti poju gbajugbaja osere ori itage de ni o̩jo̩ aje o̩se̩ yii. Agba osere yii fi o̩mo̩ me̩ta saye lo̩ nigba ti o̩po̩ o̩mo̩o̩mo̩ naa wa nile̩. Ohun ibanuje̩ miiran tun ni pe oloogbe naa tun fi mama saye lo̩.
Iwadii fi idi re̩ mule̩ pe ge̩re̩ ti baba suwe padanu Omoladun aya re̩ ni nnkan ko ti se deedee fun mo̩. Koda, okiki re̩ ja wale̩ nitori awuyewuye to ro̩ mo̩ iku Omoladun naa. Le̩yin ti eleyii waye ni o̩dun 2009 ni awo̩n ajo̩ NDLEA naa tun fi o̩wo̩ sinkun ofin mu Alagba Babatunde Omidina yii kan naa pe o se daruke oogun oloro. O̩jo̩ me̩rinlelogun ni Alaga yii lo ni ahamo̩ wo̩n nitori pe Baba suwe ni oun ko gbe oogun oloro sugbo̩n awo̩n ajo̩ yii ni oogun wa ni ara re̩.
Le̩yin o̩jo̩ me̩rinlelogun yii ni Agbejoro Baba Suwe, Oloogbe Bamidele Aturu gba Baba yii sile̩ lo̩wo̩ wo̩n pe ko si bi oogun se fe̩ wa lara re̩ ki o ma ti yaa jade lati igba to ti wa ni ahamo̩ wo̩n. O̩dun 2011 ni awo̩n ajo̩ yii gbena woju Oloogbe naa.
O̩dun yii naa ni Baba Suwe pe e̩jo̩ ibaniloruko̩ je̩, ti ile-e̩jo̩ si ni ki ajo̩ NDLEA san milionu naira me̩e̩do̩gbo̩n fun baba Suwe sugbo̩n ti oloogbe yii ko ri gba ki O̩lo̩jo̩ to de. Papako ofurufu ti Muritala Mohammed ni wo̩n ti mu Alagba naa. Le̩yin eleyii ni awo̩n aisan lorisiirisii be̩re̩ si ni jade lara re̩.
Nigba ti idaamu yii po̩ ni Arabinrin Esther Ajayi to je oludasile ile ijo̩sin kan gbe milionu me̩waa sile̩ fun ito̩ju baba Suwe, Igbakeji Aare̩ orileede yii, O̩jo̩gbo̩n Yemi Osinbajo naa fi milionu naira kan kun un. Kia ni awo̩n ajo̩ elere ori itage TAMPAN ti Alagba Bolaji Amusan je Aare̩ wo̩n ti wo̩n si ti n se itoju Baba Suwe lati igba ti aisan naa ti be̩re̩ gbe eto ati irinajo naa ko̩ Ogbeni Gbenga Adewusi lo̩run ti wo̩n si gbe Baba Suwe lo̩ si Rhode Island ni orileede Amerika.
Ni igba aye oloogbe yii, wo̩n se o̩po̩lo̩po̩ ere ori itage be̩e̩ ni o si gba ami e̩ye̩ lorisiirisii ki iku to poju re̩ de ni o̩mo̩ o̩dun me̩talelo̩go̩ta. Ki Eledua ba wa te̩ Babatunde Omidina si afe̩fe̩ ‘re.
Arápájà di Igbákejì Alága ẹgbẹ́ PDP níhà Gúúsù Orílẹ̀ yìí
Ọrẹ Akínṣọlá
Ṣé bóṣe wu Ọlọ́run Ọba ní-ín sọlá, èèyàn tó bá wù Ú ní-Ìn ṣe lógo. Igbákejì gómìnà ìpínlẹ̀ Ọ̀yọ́ nígbààa kan, Ọ̀gbẹ́ni Taofeek Arapaja, ti jáwé olúbori sípò Ìgbákejì Alága ẹgbẹ́ òṣèlú PDP ní Gúúsù ilẹ́ wa, ó sì fẹ̀yìn alátakò rẹ̀ tóun náà jẹ́ gómìnà ìpínlẹ̀ Ọ̀sun tẹ́lẹ̀rí, Ọmọọba Ọlágúnsóyè Oyinlọlá, janlẹ̀.
Iṣẹlẹ yii waye lowurọ ọjọ Aiku, ọjọ kọkanlelọgbọn, oṣu kẹwaa yii, lasiko ti wọn n ka abajade ibo tawọn aṣoju to pesẹ sibi apero apapọ ẹgbẹ oṣelu Peoples Democratic Party ọhun di, lati mọ ẹni to maa wa nipo igbakeji alaga ẹgbẹ lagbegbe Guusu Naijiria.
Ṣaaju ni awuyewuye ti wa pe ki ẹnikan ninu awọn ondije fun ipo Igbakeji alaga naa juwọ silẹ fun ẹnikeji, ko le dọgba pẹlu eto ti ẹgbẹ PDP ṣe lori awọn ipo ijoye ẹgbẹ yooku, leyii ti ko si alatako kankan, ayafi ipo Igbakeji alaga Ariwa.
Ṣugbọn ko sẹni to juwọ silẹ laarin Arapaja, ti Gomina Ṣeyi Makinde tipinlẹ Ọyọ jẹ igi lẹyin ọgba fun gbagbaagba, ati Ọmọọba Oyinlọla ti gbogbo eeyan bọwọ fun bii ọkan lara awọn agba ẹgbẹ PDP. Eyi lo mu kọrọ naa di didibo le lori.
Lẹyin idibo, gẹgẹ bi Gomina Ahmadu Umaru Fintiri tipinlẹ Adamawa ṣe kede abajade rẹ, Arapaja ni ibo ẹgbẹrun meji o le mẹrin (2004), nigba ti Oyinlọla ni ibo ẹẹdẹgbẹrin o le marun-un (705), ninu ẹgbẹrun mẹta aabọ ati mọkanla (3511) aṣoju ti wọn pesẹ sibi eto naa.
Aropọ ibo marunlelọgọjọ (165) ni wọn ni ko wulo, wọn da a nu bii omi iṣanwọ ni, awọn aṣoju ojilelẹgbẹta din mẹta (637) ni wọn ko dibo lasiko idije ọhun.
Pẹlu eyi, Taofeek Arapaja ni Igbakeji alaga ẹgbẹ PDP niha Guusu ilẹ wa.
A dúpẹ́ púpọ̀ lọ́wọ́ Baálẹ̀ Yemọja, Ìyá Omítọ̀nàdé, Ẹbí, Ará, gbogbo Àgbà àti Ọmọdé… Ìbà Olódùmarè, ọdún pé, ọdún jọ. .To all friends, fans and well wishers, we’re grateful.
Ọlọ́pàá ò lè dáwa lọ́wọ́kọ́ àti sèwọ́de àyájọ́ EndSARS, -Oduala
Ọrẹ Òtítọ́jù
Ọ̀kan nínú àwọn tó ṣagbátẹrù ìwọ́de ta ko àwọn ọlọ́pàá SARS t’íjọba ti fòfin dè, Bọlatito Oduala, tí ìnagijẹ rẹ̀ ń jẹ́ Savvy Rinu ti sọ pé kò s’óhun tó lè dá àwọn ọ̀dọ́ lọ́wọ́ kọ láti má ṣèwọ́de lógúnjọ́ , oṣù Kẹwàá yìí, ní ìrántí ìṣẹ̀lẹ̀ EndSARS tó wáyé lọ́dún tó kọjá.
Oduala sọrọ yii lori ikanni ayelujara rẹ lati fesi si ikilọ tileeṣẹ ọlọpaa ipinlẹ Eko ṣe ninu atẹjade ti wọn fi lede lọjọ Aje yii, pe awọn o ni i faaye gba iwọde kankan ni iranti iṣẹlẹ EndSARS.
Atẹjade ọhun, eyi ti Kọmiṣanna ọlọpaa ipinlẹ Eko, CP Hakeem Odumosu, buwọ lu sọ pe ipo ẹlẹgẹ ni eto aabo ipinlẹ Eko wa, bẹẹ lo si ri kaakiri orileede yii, tori naa awọn ko ni i faaye gba ẹnikẹni tabi awọn ọdọ lati gun le iwọde eyikeyii lọjọ ayajọ EndSARS, o ni irufẹ iwọde bẹẹ le di eyi tawọn janduku atawọn ajinigbe le darapọ mọ lati dana ijangbọn tabi ki wọn wu awọn araalu lewu.
Odumosu ni gbogbo ilana ati igbesẹ to bofinmu, to wa nikaawọ awọn agbofinro lawọn yoo gbe lati gbegi dina iwọde tabi ifẹhonuhan lọjọ naa, bẹẹ lo si kilọ fawọn obi lati ba awọn ọmọ wọn sọrọ nibi ti wọn ti maa n gbọran.
Ṣugbọn Oduala sọ ninu ọrọ to kọ soju opo ayelujara rẹ ọhun pe ko si nnkan ija tawọn ọlọpaa le lo ti yoo di awọn lọwọ lati ṣewọde lọjọ naa, tori ẹtọ awọn ọdọ ni, awọn si ti ṣeto bo ṣe yẹ.
O lawọn o ni lati gba iyọnda lọwọ ileeṣe ọlọpaa ki iwọde too waye, bẹẹ ni ki i ṣe ojuṣe kọmiṣanna lati kọkọ fọwọ si i tabi tako o.
Savvy Rinu kọ ọ sibẹ pe: “CP Hakeem Odumosu, o o laṣẹ lori ọrọ yii, bẹẹ lo o lẹtọọ kankan lati kilọ, tabi gbegi dina fun awọn to fẹẹ ṣe iwọde alaafia. Oṣiṣẹ ijọba ni o, ojuṣe rẹ si ni lati pese aabo, ko o si daabo bo ẹtọ awọn to maa ṣe iwọde.”
Oduala ni awọn o ni i wọgi le iwọde naa, dandan ni ko waye bawọn ṣe ṣeto rẹ.
Akeredolu yari kanle. Olubadan ni ki Seriki Sasa fi owo sibi owo o gbe…
. Akeredolu yari kanle . Olubadan ni ki Seriki Sasa fi owo sibi owo o gbe . Gani Adams n yona lenu lori laasigbo Wakili . Sunday Igboho si gegun kale
Igbaniloju naa ti n lo, ojo pe die, sugbon bayii, o jo pe ile Yoruba ti setan ati gba ara re kale lowo ajeji godogba to n te’le basubasu. Awon atilaawi yii gan-an ni awon Fulani, paapaa awon darandaran, awon ti won je oniwakiwa ninu won. Awon lo n ko ogun ja omo Alade.
Awon ni won n da maaluu je oko, ti won n sa oloko ladaa, ti won n yin omo onile nibon, ti won n fipa ba omo ati iyawo won lopo, ti won si n jiwon gbe, ti won n pa eniyan bo se wu won. Nnkan naa buru debi pe won n fi owo ola gba tomode tágba loju. Yala ni Ipinle Oyo ni o, Ogun ni o, Ondo ni o, Ekiti ni o tabi Osun, awon karanbaani naa ko bikita. O ti n sele, o ti pe, sugbon ti enu odun bii merin seyin yii lo gontio.
Idi niyi ti awon eniyan kan fi ro pe tori pe Fulani ni olori Naijiria bayii ni awon darandaran se n se bo se wu won. Yoruba bo, won ni a kii ba nii tan, ka fa ni nitan ya.
Won ni a kii gbe ile eni ka forun ro, sugbon bii ti eni alakatakiti Fulani ba lalejo ko. Awon ti won buru jae debi pe won n ji olowo gbe, won n pa oba alaye, won si n daamu gbajugbaja bii Ojogbon Wole Soyinka.
Nje efuufu lele to n da ologi laamu, ko ti so ti elelubo dófo? Sugbon lenu ojo meta yii, o jo pe ile Yoruba naa ti n so pe o to gee. Won reti, reti ki ijoba apapo ati awon agbofinro o dekun galegale darandaran ati awon eniyan to n gba won sabe, sugbon ko jo pe won se bee.
Dipo bee, ohun ti awon kan n ko lorin ni pe ko dara ki a maa so awon eya kan loruko, ati pe ko si eya ti odaran ko si. Eki akoko ti Olorun koko ran si omo Alade ni Sunday Igboho. Asiko to siwaju ogun Igangan lo jo pe afefe to fe si awon olori ati eleyin Yooba niye. Oun lo je ki awon ara oke ohun naa mo pe omi le dake roro, kii se pe ko le gbeni lo. Eni kan ti Olorun tun fi se sababi ni Gomina Ipinle Ondo, Arakunrin Rotimi Akeredolu. Oun lo fi Ondo han omo Naijiria, nipa bi o se dide ogun si awon odaran darandaran ti won fi inu igbo ipinle naa se ibujokoo.
Sunday Igboho
Bi o tile je pe omo egbe APC to je ti ijoba apapo ni Akeredolu, bi eni pe Akereyari lo se se. Ko woju Are Muhammadu Buhari rara. O ni dandan, awon ajeji odaran gbodo fi Ondo sile, ki won jade ninu igbo ijoba, iyen Reserved Forests. Ko pin sibe o, Akeredolu ti fe so di ofin pe eni kankan ko gbodo maa san naani ori, ki won maa daran kaakiri ipinle naam o, iyen open grazing. Koda, o ti gbe abadofin naa lo si ile igbimo asofin. Ko wa tan bi, ma rin laala mi, ojo kan laa ko o. Ohun ti igbese Akeredolu fi ya opo eniyan lenu ni pe won gba pe awon Buhari lo gbe e wole gomina, paapaa ni igba to koko wole alakoko.
Arakunrin naa wa fihan pe aabo ilu se pataki si oun ju ohunohun lo. Pelu igbese ti Akeredolu wag be yii, lori ofin ma da maalu lori ile mi mo, o jo pe o ti le awon gomina egbe re ni ile Yooba si are, o ti fa won sirin, ti awon eniyan tiwon naa yoo maa wo o bi won yoo se ofin naa, tabi won ko nii se e. Olubadan ti ile Ibadan, Oba Saliu Adetunji, naa fakoyo lose to koja, lori oro galegale awon ajoji godogba yii naa ni. Opo eniyan lo ti n kominu lori bi awon Seriki Fulani se n se bi oba alaye, ti si n se bi eni ju oba lo nibo miran. Apere eyi ni Sarkin Sasa, Alhaji Haruna Mai Yasin Katsina.
Enu ti n kun Seriki yii. Ile ta si i. Igba ti ija nla be sile ni Sasa laipe yii ni oro naa wa le kenka. Bi oba alaye ni o n se, eyi ti awon onwoye kan so pe ejo ti fe lowo ninu. Won ni se oba meji lo wa nÍbadan ni? Sugbon lose to lo, Olubadan pa a lase pe, o to gee, alubata kii darin. Won ni oba kii pe meji laafin, ijoye le pe mewaa. Olubadan pa a lase pe Seriki Sasa gbodo fi ara re si abe Baale Sasa, Alagba Amusa Ajani. O ni ninu ofin ile Ibadan, Baale ni olori agbegbe kookan. Lobatan, se ika kan ni olohun fii mu nnkan re! Eni kan to tun ti n ja fitafita lenu ojo meta yii ni Aare Ona Kakanfo ile Yoruba, Iba Gani Adams. Egbe Oodua Peoples Congress, eyi to je olori fun, lo tun gbe igbese nla kan, ti won lo digbo lu arakunrin Fulani kan ti won ni ebo wa leru re, iyen, Wakili. Esun ti won fi kan Wakili ni pe oun lo wa nidii opo iwa aidaa to n sele ni agbegbe Ibarapa. Bo tile je pe oro naa ti di isu ata yan-an-yan-an, nipa pe awon olopaa ti gbe awon omo OPC to lo mu Wakili mole, oye oun to n sele ti ye awon eniyan si i.
Idi niyi ti Iba Gani Adams fi wa n ja fitafita, to ni egbin to n gun omo Yooba gbodo wa si opin. Ohun idunnu wa lo je lose to lo bakan naa, nigba ti Arae Muhammadu Buhari pa a lase pe enikeni to ba ti gbe ibon AK-47 lowo, lai lase lati se bee, ki awon agbofinro maa mu won bale ni. Eyi mu ki inu opo eniyan dun pe kii se pe Aare dunnu si bi awon darandaran ati awon odaran mira se n gbe irufe ibon naa kaakiri.
