Àṣà Oòduà

Author: ayangalu

  • Olu Jacobs sì wà láàyè

    Olu Jacobs sì wà láàyè

    Agba oje ninu ere ori itage ni ede Oyinbo, Alagba Olu Jacobs ni awon iroyin eleje kan n gbee kiri lori ero ayelujara lati aaro oni pe, “olodi baba naa ti lo je ipe awon baba nla won”.


    Eyi mu ki IROYIN OWURO se iwadii lori re ti abajade si fun wa ni esi to dara pe baba si wa laye koda won wa laaye.


    Ibi iwadii yii naa ni o ti ta si wa leti pe baba yii saisan ranpe ni nnkan bi osu meji seyin sugbon ti won ti gbadun daadaa.


    Aipe yii naa ni Alagba yii se ojo ibi odun metadinlogorin (77years) loke eepe ti awon ati gbaju-gbaja aya won, Joke Silva si n sayeye naa.


    Ki Eledua ba wa lora emi Alagba Olu Jacobs.

    Yínká Àlàbí

  • O̩wó̩ pálábá 185 nínú o̩mo̩ e̩gbé̩ òkùnkùn ségí l’Eko

    O̩wó̩ pálábá 185 nínú o̩mo̩ e̩gbé̩ òkùnkùn ségí l’Eko
    Yínká Àlàbí

    Komisona olopaa ni ipinle Eko, Ogbeni Hakeem Odumosu tenu moo ipinle Eko ko ni faaye gba egbe okunkun rara.


    Eyi lo faa to fi tete pakiti mole lati gbogun ti awon omo naa bi olobo se taa.
    Lati ipari osu karun-un ni iroyin ti n kan ago olopaa pe awon egbe okunkun Eiye ati Aiye n gbena woju ara won.


    Awon egbe yii si n fi ibon ati awon nnkan oloro miiran pa ara won paapaa ni agbegbe Ikorodu.


    Ija miiran tun fe bere ni olobo ta awon olopaa ni eyi to si mu ki “owo palaba awon omo egbe marundinlaadowaa (185) segi”.
    Agbegbe Shagamu,Igbogbo,Ibeshe, Ipakodo,Agbowa ati bee bee lo ni owo ti te awon omo yii ni ilu Ikorodu.

    Awon egbe ti owo awon olopaa ti te awon omo won ju ni Eiye, Aiye, Kk, Buccaneers ati Vikings confraternity.


    Die ninu awon Oloye egbe towo olopaa te ni Gbadamosi Mohammed, Onibudo Afeez,Habeeb Isa,Felix Igwoke, Taiwo Iyanu ati Adeoye Daya.
    Awon olopaa gba ibon pisitu oyinbo mejo,ibon ibile kan pelu awon ohun ija oloro lorisiirisii.
    Awon olopaa ni awon ti owo te naa ko ni pe foju ba ile-ejo.

    http://iroyinowuro.com.ng/2020/06/09/o%cc%a9wo%cc%a9-palaba-185-ninu-o%cc%a9mo%cc%a9-e%cc%a9gbe%cc%a9-okunkun-segi-leko/

  • Ìdájọ́ ikú kò pọ̀jù fún gbogbo afipá bánilòpọ̀ – Ẹgbẹ́ ajàfẹ́tọ̀ọ́ ọmọnìyàn

    Ìdájọ́ ikú kò pọ̀jù fún gbogbo afipá bánilòpọ̀ – Ẹgbẹ́ ajàfẹ́tọ̀ọ́ ọmọnìyàn

    Àgbáríjọpọ̀ àwọn ẹgbẹ́ ajàfẹ́tọmọnìyàn bíi mẹ́rìnlà ọ̀tọ̀ọ̀tọ̀ ti korò ojú sí ìwà ìfipábánilòpọ̀ àti ìṣekúpani tí àwọn obìnrin ń kojú láwùjọ.

    Nínú ìpàdé àwọn oníròyìn tó wáyé lópin ọ̀sẹ̀ yìí nílùú Ìbàdàn, àwọn ẹgbẹ́ náà gbarata lórí ìwà ọ̀daràn tí àwọn amòòkùnṣèkà kan ń hù sí ọmọdé àti àwọn àgbà tó jẹ́ obìnrin, paàpá jùlọ lórí ọ̀rọ̀ ìṣekúpani àti ìfipábánilòpọ̀.

    Ọ̀kan lára àwọn aṣojú ẹgbẹ́ náà, Arábìnrin Grace Oluwatoye késí ìjọba àti àwọn agbófinró láti bójútó wàhálà tí àwọn ọmọbìnrin ń dojúkọ lásìkò yìí.

    Ó ní àwọn ọmọbìnrin bíi mẹ́ta ọ̀tọ̀ọ̀tọ̀ tó pàdánù ẹ̀mí wọn nítorí ìfipábánilòpọ̀ àti ìwà ipá láàrin ọ̀sẹ̀ kan ti fa àìbalẹ̀ ọkàn fún gbogbo abiyamọ pátá.

    Oluwatoye ní ohun tó ń kọnilóminú ni pé àwọn obìnrin tó jẹ́ pé láti ara wọn ni gbogbo ènìyàn ti jáde náà lótún wá ń kojú irú wàhálà báyìí. Gbogbo eléyìí kò sì ṣẹ̀yìn ètò ààbò tó mẹ́hẹ láwùjọ.

    Ó ní àìfi ẹnìkan kan jófin lórílẹ̀ yìí ló fàá tí àwọn olubi ẹ̀dá náà fi ń tẹ̀síwájú nínú ìwà ọ̀daràn. Ìgbàgbọ́ ẹgbẹ́ náà ni pé ìgbésẹ̀ láti dẹ́kun ìwà ìbàjẹ́ náà yóó yá kánkán tí ìjọba bá bẹ̀rẹ̀ sí ní ṣe ìdájọ́ ikú fún ẹnikẹ́ni tí wọ́n bá gbámú.

    Àwọn ẹgbẹ́ náà tún fi ẹ̀sùn kan àwọn obìnrin tó ń ta ọtí líle àti pàrágà pé àwọn náà lọ́wọ́ sí ọ̀rọ̀ ìfipábánilòpọ̀ yìí nítorí pé gbogbo nǹkan burúkú tí àwọn ọ̀daràn náà ń mu ló ń fún wọn ní ìgboyà láti ṣiṣẹ́ ibi. Wọ́n ní “ẹni tí kò mu ọtí líle kò ní bá ọmọ ọdún mẹ́rin sí mẹ́jọ sùn”.

    Wọ́n ké sí Ìjọba láti rí sí ọ̀rọ̀ àwọn obìnrin tó ń ta pàrágà láwùjọ kí àdínkù le dé bá ipá búburú tí ìmukúmu ń kó láàrin wa.

    Lára ohun tí wọ́n tún késí ìjọba láti ṣe kí ìwà ọ̀daràn náà le káṣẹ̀ nílẹ̀ ní àgbékalẹ̀ òfin tí yóó máa dá sẹ̀ríà fún àwọn afipábánilòpọ̀, àti ìbáwí tó péye fún gbogbo ẹni tí ajé ìwà ìbàjẹ́ bá ṣí mọ́ lórí.

    Arábìnrin Oluwatoye tún rọ àwọn onílé iṣẹ́ ìgbóhùn sáfẹ́fẹ́ láti máa fi ààyè ìlanilọ́yẹ̀ sílẹ̀ lórí àwọn ètò tí wọ́n ń ṣe, kí òye túbọ̀ lé è yé àwọn ará ilé síi lórí àwọn ewu tó rọ̀ mọ́ ìfipábánilòpọ̀ àti ìṣekúpani láwùjọ wa.

    Ọ̀kan lára àwọn ọkùnrin tó jẹ́ aṣojú ẹgbẹ́ náà, Arákùnrin Hamzat Kọlawọle ṣọ pé ìwà tí kò bójúmu tí kò sì yẹ àwùjọ ni ìwà ìfipábánilòpọ̀.

    Ó ní ọkùnrin tó bá fi ipá bá ọmọdé tàbí àgbàlagbà tó jẹ́ obìnrin lọ̀pọ̀ ti ṣe ohun burúkú.Kọlawọle ní kò yẹ kí á bí irú àwọn ẹ̀dá bẹ́ẹ̀ sí ayé rárá dé ibi pé a ó máa pè wọ́n ní ọkùnrin.

    Ó ní irú àwọn ọkùnrin tó ń hu irú ìwà ọ̀daràn bẹ́ẹ̀ ló yẹ kí gbogbo àwọn ọkùnrin tó kù pawọ́pọ̀ láti báwí nítorí wọ́n ba gbogbo àwọn tí kò mọwọ́ mẹsẹ̀ lójú jẹ́.

    Fẹ́mi Akínṣọlá

  • Gómìnà ìpínlẹ̀ Abia, Okezie Ikpeazu ti fara kásá àrùn Covid-19

    Gómìnà ìpínlẹ̀ Abia, Okezie Ikpeazu ti fara kásá àrùn Covid-19

    Bí àwọn èèyàn kan ṣe rò pé eré orí ìtàgé ni ariwo t’íjọba ń pa lórí àjàkálẹ̀ àrùn apinni léèmí Kòrónáfairọ̀ọ̀sì yìí, bẹ́ẹ̀ ni Ìjọba lẹ́lẹ́kaǹka náà n ké tòòò lórí pé ẹ má fàìmọ̀kan gbẹ̀mí ara a yín. Ẹ má kú síìjọba lọ́rùn.
    Àrùn apinni léèmí Kofi -19 yìí kò mojú ẹnikẹ́ni o. Àfihàn rẹ̀ pé kò dá ẹnìkan sí ni ti Ìjọba ìpínlẹ̀ Abia tí Gómìnà wọn níbẹ̀, Okezie Ikpeazu,tó sẹ̀ṣẹ̀ lùgbàdi àrùn apinni léèmí ọ̀hún Kòrónáfairọ̀ọ̀sì .

    Gómìnà ọ̀hún ni Gómìnà kẹrin tí yóó fara káásá àrùn náà láti ìgbà tí àrùn náà ti wọ orílẹ̀-èdè-ede Nàìjíríà lósù kejì ọdún tí a wà yìí. 2020.

    Agbẹnuṣo Gómìnà ọ̀hún, Onyebuchi Ememanka tó fìdí Ìròyìn náà múlẹ̀ fákọ̀ròyìn sọ pé Gómìnà ọ̀hún ti wà ní ìgbélé, àti pé àwọn akọ́sẹ́mọsẹ́ dókítà ti ń ṣe ìtọ́jú rẹ̀.

    Ememanka ní kí àwọn èèyàn ìpínlẹ̀ náà má fòyà, nítorí Gómìnà náà kìí ṣe Gómìnà àkọ́kọ́ tí yóó lùgbàdi àrùn ajániláyà pàtì náà ní Nàìjíríà.

    Ṣaájú ni Kọmíṣọ́nnà ọrọ̀ tó ń lọ ní ìpínlẹ̀ ọ̀hún, John Okiyi Kalu ti kọ sọ nínú àtẹ̀jáde kan pé Gómìnà náà ti fún ìgbákejì rẹ̀ ní àṣẹ láti delé dè é kí èsì àyẹ̀wò àrùn náà tó jáde.

    Ọgbọ̀njọ́, oṣù karùn ún ọdún 2020 ni Gómìnà ọ̀hún gbà láti ṣe àyẹ̀wò, tó sì pàṣẹ pé kí gbogbo àwọn tó ń bá òun ṣe ṣèjọba ṣe bẹ́ẹ̀.

    Ọjọ́ kejì oṣù Kẹfà ni èsì àyẹ̀wò náà jáde ṣùgbọ́n, kò ní àrùn ọ̀hún.

    Ní ọjọ́ Kẹrin kan náà ni ó tún àyẹ̀wò náà ṣe tí èsì sì fihàn pé ó ti gbàlejò àrùn apinni léèmí kòrónáfairọ̀ọ̀sì yìí.

    Fẹ́mi Akínṣọlá

  • KṒJṒDÁ 10062: Odún Dé Omo Eríwo…

    Happy world Ifa Festival to all the traditionalist around the globe.
    Irinwó imolè, igba imolè, Olódùmarè yóò gba gbogbo irè wa, àmódùn á jù báyìí lo. We shall all witness more of it on earth.

    Ajoke Olóbì❣️❣️❣️❣️❣️

    Kojoda 10,062
    Kojoda 10,062

  • Auxiliary, ata dùǹdú rẹ̀ ń fínmú — Ìjọba Ọ̀yọ́ dúnkookò

    Auxiliary, ata dùǹdú rẹ̀ ń fínmú — Ìjọba Ọ̀yọ́ dúnkookò

    Ó dà bí ẹni pé orí tí yóó súpó, kìí jẹ́ kí ti ọlọ́kùnrùn ó yè ni ọ̀rọ̀ fẹ́ dà báyìí fún asáájú ìgbìmọ̀ tó ń ṣe àkóso gárèjì ọkọ̀ ní ìpínlẹ̀ Ọ̀yọ́, Alhaji Mukaila Lamidi, tí ọ̀pọ̀ èèyàn mọ sí Auxiliary.
    Bí ìjọba ìpínlẹ̀ Ọ̀yọ́ ṣe ń pa á lówe fún un pé ata dùǹdú rẹ̀ ń fínmú, àti pé pọnlá pọnlá a bàtá rẹ̀ yìí lè ya lójijì.

    Nígbà tó ń fi ewé ọmọ mọ́ Auxiliary létí, Kọmísánà fún iṣẹ́ òde àti ìgbòkègbodò ọkọ̀ nípìńlẹ̀ Ọ̀yọ́, Ọ̀jọ̀gbọ́n Raphael Àfọ̀njá ní etí ìjọba ìpínlẹ̀ Ọ̀yọ́ ti kún, lórí àwọn ìwà ìdàlúrú tí asáájú ìgbìmọ̀ alákòóso gárèjì ọkọ̀ àti àwọn ìṣọǹgbè tíí ṣe ọmọ lẹ́yìn rẹ ń hù nígboro.

    Afonja, lásìkò tó ń kópa lórí ètò orí rédíò kan nílù Ìbàdàn ní, kò sí ẹni tí ìjọba kò leè pààrọ̀, yóó sì dáa kí Auxiliary àti ìṣọǹgbè rẹ so èwe gbejẹ mọ́ wọ́.
    Ó ní àfojúsùn Ìjọba ìpínlẹ̀ Ọ̀yọ́ lábẹ́ àkóso Gómìnà Onímọ̀ ẹ̀rọ Ṣèyí Mákindé ní pé kí ìdẹ̀rùn bá ìlú, láì sí páà héè.

    “Etí ìjọba Ọyọ ti kún nípa ìwà ìpáǹle tí àwọn ọmọlẹ́yìn Auxiliary ń ṣe, mo wá ń fi àkókò yìí késí òun àti àwọn ọmọ ẹ̀yìn rẹ̀ láti sinmi agbaja, bí bẹ́ẹ̀ kọ́, ìjọba yóó gba ipò náà lọ́wọ́ rẹ̀ nítorí kò sí ẹni tó ga ju òfin lọ.”

    Bẹ́ẹ̀ bá gbàgbé, ọ̀pọ̀ ìgbà ni ariwo ti sọ nígboro ìlú Ìbàdàn nípa bí àwọn ọmọlẹ́yìn Auxiliary ṣe ń hùwà ipá ní àwọn ibùdókò tí wọ́n ti ń ṣíṣẹ.

    Fẹ́mi Akínṣọlá

  • O̩ló̩run sì máa gbè̩san ikú bàbá mi – O̩mo̩ o̩ko̩ olóyún

    Olorun si maa gbesan iku baba mi – Omo ojo Oloyun
    Ojo ketalelogun osu kin-in-ni odun yii ni awon adiha-Moran kan lo yinbon pa Alhaji Fatai Yusuf ti gbogbo eniyan mo si oko oloyun.


    Lati igba naa ni awon olopaa ti n se iwadii awon to se ise ibi naa.
    Akoroyin iwe iroyin PUNCH lo se alabapade Kehinde Yusuf to je omo oloogbe naa.

    Kehinde soro ile kun, o ni ju gbogbo re lo, o da oun loju to ada pe Eledua si maa gbesan iku baba oun lara awon eniyan buruku naa.


    O ni baba oun ko ki n ba eniyan ja bee ni ko ki n ba eniyan ta. O ni jeje ni baba yii maa n lo, ti o si maa n mura si bi okowo re se maa gberu sii.
    Kehinde ni oun gege bi omo Naijiria ko reti abajade lodo awon olopaa sugbon oun ni igbagbo ninu Olorun.

    O tun ni ebi oun gan-an ko gbe awon to pa baba naa sokan bi ko se bi awon se maa te siwaju. Bi awon se maa rii pe eto eko oun ati awon aburo oun ko duro nitori pe awon po die.


    O ni ko rorun fun mama oun nikan lati to ono mewaa sugbon awon ni igbagbo ninu Olorun. O ni ipade lorisirisii ti n lo lati le foju to gbogbo idasile baba oun naa. O ni awon ko fe ki okankan parun rara.


    O ni ara eko ti baba awon fi ko awon ni ki awon tepa mose nitori pe atelewo eni ko ki n tan ni je. O ni baba naa ni ki awon tun sun mo Olorun, ki awon maa ke pee ni gbogbo igba.


    Kehinde ni ko si eni ti iku baba naa ko dun ninu ebi oun, o kan je wi pe o dun oun gan-an ni nitori pe oun ni oun di eru baba naa ti oun si gbe si inu moto won, o ni sadede ni iroyin buruku naa kan oun lara ni ojo keji pe won ti yinbon pa baba naa.

    O ni bi ala lo ko ri ki awon ipe to maa wole lorisiirisii ti awon eniyan si tun bere si ni wo wa si ile awon.


    Kehinde ni eyi je ki o pe die ki oun to le pada si ile-iwe nitori pe oun kan sare wale ni ireti ati pada kiakia ki isele naa to sele.

  • Covid-19 ló sàkóbá fún isé̩ e̩gbè̩rùn kan, ìjo̩ba ìbíle̩ kan – Festus Keyamu

    Covid-19 ló sàkóbá fún isé̩ e̩gbè̩rùn kan, ìjo̩ba ìbíle̩ kan – Festus Keyamu
    Yínká Àlàbí

    Agbejoro agba to n ja fun eto omoniyan to tun je minisita eto ise fun ipinle, Festus Keyamu lo n salaye fun awon oniroyin nipa aseyori Buhari.

    Keyamu ni “oro kanle kan baale, yoo kan jeje ni mo jokoo mi”. O ni akoba kekere ko ni ajakale arun coronavirus se fun orileede yii.


    O ni ibi ti ijoba kankan ko ronu de ni ijoba Buhari ronu de fun odun merin eleekeji yii. O ni eto ise egberun eniyan ni ijoba ibile kookan ni orileede yii. A si ni ijoba egberin din merindinlogbon (774).

    Keyamu ni ijoba si ti seto egberun lona ogun naira fun enikookan losu. O ni eto yii si maa mu banki merin dani, o ni ajosepo awon banki yii lo maa din inawo naa ku.

    O ni awon eniyan yii kan maa lo foruko sile ni awon ile ifowo-pamo-si yii. Nomba idanimo (BVN) won ni won fi maa san owo fun won. Eyi ko si tun ni fi aaye ki eniyan kan gbowo eniyan meji dani.


    Minisita yii ni ibanuje gidi lo je bi ajakale arun yii se wolu ti ko je ki gbogbo agbaye mo “odo ti won maa da orunla si”.

    O ni ju gbogbo re lo, ijoba apapo ko ti da eto gidi naa nu. O ni eto naa si n mumu laya ijoba apapo ti o si maa bere laipe.

  • Àjo̩ NCDC mú mé̩ta nínú oògùn ìbíle̩ fún ìwòsàn covid-19

    Àjo̩ NCDC mú mé̩ta nínú oògùn ìbíle̩ fún ìwòsàn covid-19
    Yínká Àlàbí

    Ajakale arun ti gbogbo eniyan ro pe ko ni pe fi orileede yii sile, lo ti ko ti ko lo mo yii. Eyi lo wa bere si ni ko gbogbo aye lominu paapaa orileede Naijiria.


    Awon ajo NCDC to n gbogun ti arun coronavirus pokan po lati wo bi won se le fi owo ile too.


    Ajo awon onisegun ibile parapo, won sin pa itu meje ti ode n pa ninu igbo pelu egboogi won. Won salaye re replete, ninu eyi ti alaye re ye gbogbo awon ajo yii ni won ti mu meta ninu won.


    Iwadii to gbopan si n lo lowo bayii lori awon meta ti won mu fun iwosan arun covid-19

  • Àwo̩n aké̩kò̩ó̩ máa wo̩lé láìpé̩

    Àwo̩n aké̩kò̩ó̩ máa wo̩lé láìpé̩

    Gbogbo igbiyanju ni awon ajo eto eko ti wa ninu awon ajo NCDC n se bayii lati le je ki awon akekoo wole eko won.


    Oro arun coronavirus yii ti su gbogbo aye. Ile ti su awon akekoo, awon ile-iwe aladaani n gbiyanju eto eko ori ayelujara, bi o tile je pe “oju apa ko jo oju ara”. Eto eko oju ofurufu ko rorun bii ti ojukoju.


    Bi awon akekoo se n saroye pe eto eko naa ko da bii ki awon ri akegbe awon ni awon oluko naa ni “ki owo ma dile lasan ni”.


    Awon oluko kan tile ni awon ise kan ko tile see fi ogbon ko rara loju ofurufu, awon ise bii aworan yiya, ina dida, abala isiro Kan ati gbogbo ise to nilo ki awon akekoo dan wo loju oluko.


    Awon obi gan-an n saroye nipa ohun ti eto eko ayelujara naa n gbe lo lapo won nipa data rira, epo petiro ati awon nnkan miiran. Awon obi ni bee ni ko si owo lowo.


    Eyi to tun wa dun awon oloju aanu ju ni awon akekoo ile iwe ijoba ti ko si anfaani foonu tabi komputa fun rara.


    Eyi naa mumu laye ijoba apapo nitori opo awon oluko ile-iwe aladaani ni won je, ko sise, ko sowo fun. Ipade osan ati oru ti n lo lati wo bi awon Kan se maa lo ile-iwe ni aaro ti awon Kan maa lo losan lati le din ero ku die.

    Ìròyìn láti o̩wó̩ Yínká Àlàbí