Àṣà Oòduà

Author: ayangalu

  • Ọjọ́ Kẹrin oṣu Kẹ́jọ ni ìdánwò WAEC yóò bẹ̀rẹ̀ – Mínísítà ètò ẹ̀kọ́

    Ọjọ́ Kẹrin oṣu Kẹ́jọ ni ìdánwò WAEC yóò bẹ̀rẹ̀ – Mínísítà ètò ẹ̀kọ́

    Ọjọ́ Kẹrin oṣu Kẹ́jọ ni ìdánwò WAEC yóò bẹ̀rẹ̀ – Mínísítà ètò ẹ̀kọ́

    Ìjọba àpapọ̀ ti kéde pé ìdánwò àṣeparí ní iléèwé girama, WAEC, yóó bẹ̀rẹ̀ lọ́jọ́ kẹrin oṣù Kẹjọ ọdún
    Mínísítà ètò ẹ̀kọ́, Emeka Nwajiuba ló fi ọ̀rọ̀ náà léde nígbà tí ìgbìmọ̀ amúṣẹ́yá Ìjọba àpapọ̀ ń jábọ̀ ibi iṣẹ́ dé dúró lórí ọ̀rọ̀ Kofi-19 ní Nàìjíríà.

    Ó ní “A ti ṣe ìwọ̀n tí a lè ṣe pẹ̀lú àjọ WAEC, a wá ń fi àkókò yí sọ fún un yín pé ìdánwò náà yóó bẹ̀rẹ̀ lati ọjọ́ kẹrin oṣù Kẹjọ títí di ọjọ́ karùn ún oṣù kẹsàn án ọdún 2020.”

    Nwajiuba sọ pé ààyè oṣù kan wà fún àwọn ilé ẹ̀kọ́ àtàwọn ìpínlẹ̀ tó bá nífẹ̀ẹ́ sí ṣiṣe idanwo naa lati pese àwọn ile ẹ̀kọ́ wọn sílẹ̀ fún ìdánwò ọ̀hún.

    Mínísítà náà sọ pé iléeṣẹ́ ètò ẹ̀kọ́ yóó pèsè àtẹ̀jáde àwọn àkókò tí ìdánwò ọ̀hún yóó wáyé lẹ́yìn ìpàdé pẹ̀lú àjọ NCDC, ẹgbẹ́ àwọn olùkọ́, NUT, àtàwọn àjọ míràn tí ọ̀rọ̀ kan.

    Nwajiuba sọ pé ìdánwò NECO àti NABTEB yóó bẹ̀rẹ̀ ní kété Lẹ́yìn ti wọn ba ti pari idanwo WAEC ọhun.

    Ọdún1952 ni wọ́n gbé ìdánwò WAEC kalẹ̀ fún àwọn akẹ́kọ̀ọ́ láwọn orílẹ̀-èdè ìwọ-oorun ilẹ̀ Áfírìkà tí wọ́n ti ń sọ èdè Gẹ̀ẹ́ṣì.

    Fẹ́mi Akínṣọlá

  • Ebenezer Obey ò kú o–Asojú ẹgbẹ́ Obey

    Ebenezer Obey ò kú o–Asojú ẹgbẹ́ Obey

    Ebenezer Obey ò kú o–Asojú ẹgbẹ́ Obey

    Ó dà bí ẹni pé àwọn èèyàn kìí fẹ́ rán aṣọ wọn níbi tó gbé ya mọ́ lóde òní. Ìtọ pinpin àti àríwísí ọ̀rọ̀ ọlọ́rọ̀ ló kù tí wọ́n ń mójútó, bọ̀kílẹ̀ èyí sì ń dá ìṣòro tó pọ̀ sí àwùjọ, dípò o kí ó mú ìlọsíwájú báwa.

    Irúfẹ́ àwọn àhesọ ọ̀rọ̀ yìí ló mú kí aṣojú ẹgbẹ́ orin bàbá Ebenezer Obey, Túnjí Ọdúǹbákú o bọ́ síta sọ fún akọròyìn pé irọ́ ni ìròyìn tí àwọn kan ń gbé kiri pé gbajúgbajà olórin náà ti dágbére fáyé, kí àwọn èèyàn tàkìtì ìpàkọ́ sí ìròyìn ẹlẹ́jẹ̀ náà.

    Ṣaájú ni ìròyìn kan gbòde lórí ayélujára pé agbaọjẹ olórin juju ọ̀hún ti gbẹ́mìí mì nílé ìwòsàn kan ní ìlú Lọ́ńdọ́nù.

    Ṣùgbọ́n Odunbaku sọ fún akọròyìn pé kò sí òtítọ nínú ìròyìn náà.

    Ó ní “Nǹkan bíi Ìṣẹ́jú márùn ún ṣẹ̀yìn ní mo ṣẹṣẹ bá bàbá sọ̀rọ̀ lórí awuyewuye pé wọ́n papòdà, ṣùgbọ́n kò sí nǹkan kan tó ṣe bàbá, àlàáfíà ni wọ́n wà.”

    Ó tẹ̀síwájú pé irọ́ ni pé Ebenezer Obey wà ní ìlú òyìnbó.

    Ọdúǹbákú parí ọ̀rọ̀ rẹ̀ pé ìlú Èkó ni bàbá wà lásìkò tí òun ń bá akọ̀ròyìn sọ̀rọ̀, àti pé kokoko lara rẹ̀ le.

    Fẹ́mi Akínṣọlá

  • Fìdáù Ajímọ̀bi, ẹbí nìkan ní wọ́n ń retí–Ẹbí Ajímọ̀bi

    Fìdáù Ajímọ̀bi, ẹbí nìkan ní wọ́n ń retí–Ẹbí Ajímọ̀bi

    Fìdáù Ajímọ̀bi, ẹbí nìkan ní wọ́n ń retí–Ẹbí Ajímọ̀bi

    Ṣé wọ́n ní kìí jẹ́ ti baba t’ọmọ, kó mọ́ ní ààlà. Èyí ló díá fún bí àwọn ẹbí olóògbé Abíọ́lá Ajímọ̀bi tí sàlàyé pé ,kí àwọn olùkẹ́dùn, ó má wulẹ̀ dààmu yọjú sí bi fìdáù, ní ìbámu pẹ̀lú n tí àjàkálẹ̀ àrùn apinni léèmí Kòrónáfairọ̀ọ̀sì n sọ , bí ó ti jẹ́ pé òní, ọjọ́ karùn-ún, oṣù Keje, ni àdúrà ọjọ́ kẹjọ yóó wáyé fún Gómìnà ìpínlẹ̀ Ọ̀yọ́ tẹ́lẹ̀rí tó di olóògbé, Sẹ́nétọ̀ Isiaka Abíọ́lá Ajímọ̀bi.

    Ètò àdúrà náà, Fìdáù, wà ní ìbámu pẹ̀lú àṣà àti ìṣẹ ẹ̀sìn Islam. Ìdílé olóògbé sọ nínú Ìkéde tó fi síta fún ètò àdúrà náà pé, ẹbí Ajímọ̀bi nìkan ni ètò àdúrà náà wà fún, nítorí òfin tó rọ̀ mọ́ ìtànkálẹ̀ àjàkálẹ̀ àrùn apinni léèmí Kòrónáfairọ̀ọ̀sì.

    Ṣùgbọ́n ṣá, wọ́n ní àwọn aráàlú yóó ní àǹfààní láti wo bí ètò àdúrà náà bá ṣe ń lọ lórí amóhùnmáwòrán àti lórí ẹ̀rọ ayélujára.

    Ọjọ́ kẹẹdọgbọn, oṣù Kẹfà, ọdún 2020, ni Abíọ́lá Ajímọ̀bi kú, síléèwòsàn First Cardiologist, tó wà nílùú Èkó, lẹ́yìn tó ní àrùn Kofi-19.

    Ẹni àádọ́rin ọdún olóògbé Abíọ́lá Ajímọ̀bi ko tó tẹ́rí gbaṣọ.

    Fẹ́mi Akínṣọlá

  • È̩yin òsìsé̩ mi nílò àyè̩wò coronavirus kíákíá- Akeredolu

    È̩yin òsìsé̩ mi nílò àyè̩wò coronavirus kíákíá- Akeredolu

    È̩yin òsìsé̩ mi nílò àyè̩wò coronavirus kíákíá – Akeredolu

    Arakunrin Rotimi Akeredolu ti o je gomina ipinle Ondo lo n gba awon alabasise re niyanju ki won fi oro ti oun se arikogbon.


    O ni iba lasan ni o se oun ti oun si se itoju ara laarin ojo meji pere. O ni leyin re ni awon ore gba oun nimoran lati se ayewo ajakale arun coronavirus.


    Gomina naa ni “iyan jija lo n ba ore je” oun se ayewo ti esi ayewo si gbe pe oun ti ko arun naa.


    O ni tii di asiko yii, oun ko tii le so ibi ti ati ona ti oun gba ko aisan naa. Alagba Akeredolu salaye yii funra re lori afefe pe ki won wo oun pe saka ni ara da.

    Oun ko tile ni inira kankan ni eyi ti awon onimo oyinbo ni ohun lo dara ju. Won ni ti eniyan ba tete kefin arun yii ti o si tete gbogun tii lo dara ju ki o to wo ara.


    Eyi lo mu ki gomina gba awon osise re niyanju pe ki won tete lo se ayewo ara won nipa arun naa ki eni to ba nii le tete gbogun tii.

    Yínká Àlàbí

  • Àwo̩n aké̩kò̩ó̩ ti lè wo̩lé, mótò ti lè rìn làti ìpínlè̩ sí ìpínlè̩ – NCDC

    Àwo̩n aké̩kò̩ó̩ ti lè wo̩lé, mótò ti lè rìn làti ìpínlè̩ sí ìpínlè̩ – NCDC

    Àwo̩n aké̩kò̩ó̩ ti lè wo̩lé, mótò ti lè rìn làti ìpínlè̩ sí ìpínlè̩ – NCDC

    Ijoba apapo ti fowo si aba ti awon ajo NCDC gbe lo si odo Aare.


    Ijoba fi aaye sile ki awon ara ilu maa rin maa yan fun ose merin miiran. Ni eyi to maa tun je ki won mo odo ti won maa da orunla si.


    Ijoba apapo si salaye pe isede naa wa ni awon ijoba ibile mejidinlogun kaakiri orileede yii. Won ni ijoba ipinle maa kede awon ijoba ibile naa.
    Awon moto ti le rin lati ipinle kan si ekeji bayii. Won si gbodo tele gbogbo ofin ajo yii.

    Awon ofin bii ki won ma se gbe ju iye ero ti ijoba fowo si lo, won gbodo lo ibomu ti won ba ti wa pelu ero, won gbodo rin ni asiko ti ipinle kookan ba fi aaye sile ti won ni ko si isede ati awon ofin to ku.


    Awon akekoojade naa maa wole pelu atele ofin ti ijoba ipinle kookan ba laale fun won. Awon ipinle kookan lo maa salaye awon akekoojade to letoo si iwole ninu awon olodun kefa, olodun kesan-an ati olodun kejila abi gbogbo won lo si maa wole. Gbogbo eyi ni ijoba ipinle maa yanju.
    Awon baluu naa ti le fo pelu atele alaale ijoba.


    Arun covid-19 naa si n po sii ni orileede ni eyi ti ko je ki awon ajo naa mo ohun ti won maa se.

    Won ni opo ti awon ti se ayewo fun pe won ni arun naa ni won n sa lo si ile won.

    Ti awon ba si pe won, ija ni won n gbe pade awon. Eyi tun ko awon ajo yii lominu. Won si parowa si awon ara ilu lati fowo sowopo pelu awon ki arun naa le tete di ohun igbagbe.

    Yínká Àlàbí

    http://iroyinowuro.com.ng/2020/06/29/awo%cc%a9n-ake%cc%a9ko%cc%a9o%cc%a9-ti-le-wo%cc%a9le-moto-ti-le-rin-lati-ipinle%cc%a9-si-ipinle%cc%a9-ncdc/
  • Keyamu àti àwo̩n Asojú sòfin tutó̩ sí ara wo̩n lójú

    Keyamu àti àwo̩n Asojú sòfin tutó̩ sí ara wo̩n lójú

    Keyamu àti àwo̩n Asojú sòfin tutó̩ sí ara wo̩n lójú

    Minisita fun ipinle ati eto ise ni orileede yii, Agbejoro agba Festus Keyamu ni awon Asoju sofin ranse si ni ilu Abuja lonii.


    Won fi saarin, won si bere si ni da ibeere lorisiirisii boo lori ibi ti ise de duro lori osise egberun kan fun ijoba ibile kan.


    Ijoba ibile ti o wa ni orileede yii je egberin din merindinlogbon (774). Keyamu ni ona ise naa ti jin, awon to maa gba awon eniyan egberun kan,ipinle kan ti bere ise, o ni gbogbo eto lo n lo laisi wahala kankan.


    Awon asoju sofin ni ki o je ki awon ri oruko awon to n gbani sise naa. Ki awon si mo ogbon ati ete ti won n lo lati fi gba awon osise naa.


    Minisita ni ki won ma se iyonu nitori akanse ise naa wa lati ile-ise Aare ni eyi ti ko tun pon dandan fun won mo lati maa dara won laamu rara nipa re.


    Eyi lo fa gbonmi-sii-omi-o-too laarin won.
    Igba ti oro naa n le ju ni awon asoju sofin ni ki awon wo iyewu lo pari oro naa ni eyi ti minisita yari kanle pe “ko si awo kankan lawo ewa” o ni” won o ki n te tufo aja”. Minisita ni oun ko ni ipade kankan se pelu won ti ko ba ti ni si awon oniroyin nibe.


    Awuyewuye yii ni Agbejoro agba naa ba kuro ni ile-igbimo asofin won.

    Yínká Àlàbí

  • Mí ò ì pinnu lóri ìdíje Ààrẹ ọdún 2023-Tinubu

    Mí ò ì pinnu lóri ìdíje Ààrẹ ọdún 2023-Tinubu

    Mí ò ì pinnu lóri ìdíje Ààrẹ ọdún 2023-Tinubu

    Báá ti ṣe làá wí, ẹnìkan kìí yan àna rẹ̀ lódì ni Yorùbá wí àsamọ̀ yìí ló díá fún bí asáájú ẹgbẹ́ òṣelú ẹgbẹ́ APC, Sẹ́nétọ̀ Bola Ahmed Tinubu tí ṣọ pé òun kò ti ṣe ìpinnu láti díje dupò Ààrẹ orílẹ̀-èdè Nàìjíríà lọ́dun 2023.

    Èyí lòdì sí àwọn onírúurú ọ̀rọ̀ tó ti ń lọ nígboro tẹ́lẹ̀, Asiwáju ní nǹkan tó jẹ òun lógún jùlọ ni bí ọrọ̀ ajé tó ń dẹnu kọlẹ̀ yìí yóò ṣe gbéra sọ padà àti bí ètò ìlera yóò ṣe padà bọ̀ sípò ní Nàìjíríà.

    Tinubu sọ èyí di mímọ̀ nínú àtẹ̀jáde kan tó fọwọ́ sí lọ́sàn sátide, èyí sì ni ìgbà àkọ́kọ́ tí yóò fọhùn láti ìgbà tí wọ́n ti yọ ọwọ́ Adams Oshiomhole láwo gẹ́gẹ́ bí alága ẹgbẹ́ náà tí wọ́n sì tú ìgbìmọ amúṣẹ́ṣe ká lọ́jọ́rú ọ̀ṣẹ̀ yìí.

    Nínú ọ̀rọ̀ rẹ̀ ó ní : Sí gbogbo ẹ̀yin tí ẹ ti ń kùn pé ìgbésẹ̀ Ààrẹ Buhari àti ìpáde àwọn ìgbìmọ tuntun nínú ẹgbẹ́ òṣèlú APC ṣe é ṣe láti fi òpin sí ìpinnu mí láti di Ààrẹ Orílẹ̀ yìí lọ́dún 2023, ó ṣe mí láànú fún yín”

    “Ènìyan ẹlẹ́ràn ara lásán ni mí tí kò sì ní òye ọjọ́ iwájú tàbí ọgbọ́n òṣèlú tí ẹ ń fi ẹnu pè yii, ẹ tí ń yọ ayọ̀ lórí ìpinnu ìjákulẹ̀ oyé Ààrẹ tí kò ti wáye rárá.

    “Tinubu ní kìí ṣe irú àsìkò tí àrun Kofi–19 ń da ètò ọrọ̀ ajé láàmú yìí, mí ò rí ọjọ́ ìwájú tó bi ẹ̀yin ‘se ríi” Mí ò sì tíì ṣe ìpinnu kankan láti dupò Ààrẹ lọ́dún 2023 nítorí pé àwọn nǹkan tó ń kojú wa ní àsìkò yìí tí lágbára tó.

    Ní àsìkò tí a wà yìí, mí ò jẹ́ kí ọ̀rọ̀ òṣèlú nípa ọdún 2023 jẹ mí lógún, mó rí èyí bí nǹkan tí kò bójú mu rárá, ó sì jẹ́ ìwà àìní ìmọ̀lára lásìkò ti ọ̀pọ̀ ń kojú ìṣòro oníhà méjì, ètò ọrọ̀ ajé tó nira àti àrùn tó ń kó ìkàyà bá gbogbo ayé.

    Láti bí oṣù díẹ̀ sẹ́yìn ni mo ti ń ro àwọn ìlànà ìjọba tí a lè gbé sílẹ̀ tí yóò ràn ìjọba lọ́wọ́ níhìn àti lọ́hùn.

    Ààrẹ tí sọ̀rọ̀, ọ̀rọ̀ tó sì sọ náà ni abẹ́ gé

    Nítori idí èyí mo rọ gbogbo àwọn ìgbìmọ̀ amúṣẹ́yá tí wọ́n túká àti gbogbo ọmọ ẹgbẹ́ tókù láti fiyè dénú kí wọ́n sì máá wo ọjọ́ iwájú rere tó wà níwájú

    Mó ti fara ṣiṣẹ́ fún ẹgbẹ́ bí àwọn ọmọ ẹgbẹ́ tó kù tàbi jù ẹlòmíràn lọ, sùgbọ́n síbẹ̀ kò nimí lára láti túbọ̀ farajì gẹ́gẹ́ bi olórí, kò sì sí ẹni tó yẹ kó ní ìṣoro kankan lòdì sí èyí.

    Fẹ́mi Akínṣọlá

  • Ògún Majek wọ káà ilẹ̀ sùn

    Ògún Majek wọ káà ilẹ̀ sùn

    Ògún Majek wọ káà ilẹ̀ sùn

    Ọlọ́jọ́ ń kajọ́, ẹ̀dá ò fiyè si.
    Ìjọ ọmọ tuntun dáyé, nijọ́ ìdùnnú, ẹ̀rín, òhun ọ̀yàyà fún ẹbí,ará, pẹ̀lú ìyekan. Ṣùgbọ́n kìí rọgbọ ká sàdédé sàfẹ̀kù èèyàn ẹni pékú yọwọ́ ọ rẹ̀ ní dúníyàn.

    Àsamọ̀ yìí ló díá fún ìròyìn tó ń tẹ̀ wá lọ́wọ́ báyìí pé, ìlúmọ̀ọ́ká òṣèré tíátà Gbọ́lágadé Akínpẹ̀lú, tí ọ̀pọ̀ èèyàn mọ̀ sí Ogun Majek ti jáde láyé, bákan náà wọ́n ti sin-ín ní ìlànà mùsùlùmí.

    Ọ̀rẹ́ tímọ́timọ́ Ògún Majek tí wọ́n tún jọ jẹ́ òṣèré tíátà, Musiliu Dásọfúnjó, tí ìnagijẹ rẹ̀ ń jẹ́ Èṣù làálú, ló fi ìdí ìṣẹ̀lẹ̀ náà múlẹ̀ fún akọròyìn.

    Dásọfúnjó ní ìbànújẹ́ ọkàn ló jẹ́ fún òun nígbà tí òun gbọ́ nípa ikú ọ̀rẹ́ òun yìí, nítorí kò dàgbà débi tó yẹ kó kú lásìkò yìí.

    Dásọfúnjó ní wọ́n gbé Májẹ́kódùnmí dìgbàdìgbà lọ sí iléèwòsàn UCH ní Ìbàdàn, nígbà tí àìsàn rẹ̀ fẹ́ bọ́wọ́ s’órí àmọ́ ẹ̀pa kò bóró mọ́.

    Ó fikún-un pé, kìí ṣe pé àgbà ló dé sí ọ̀rẹ́ òun nítorí ọjọ́ orí rẹ̀ kò tíì tó nǹkan, àmọ́ àsìkò ti tó, ni Majek fi di èrò ọ̀run.

    Àìsàn kídìnrín àti àìsàn ìtọ ṣúgà ni Majek ti ń bá fínra fún ọ̀pọ̀lọpọ̀ ọdún kó tó jáde láyé.

    Dásọfúnjó fikún-un pé, ọ̀sán òní ni wọn sin Majek gẹ́gẹ́ bí ìlànà ẹ̀sìn mùsùlùmí.

    Ọ̀rẹ́ tímọ́timọ́ Ògún Majek, Musiliu Dásọfúnjó ní ìlú wọn ní agbègbè Elesude, lọ́nà Ọmí ní ìlú Ìbàdàn ni wọ́n sin-ín sí.

    Musiliu Dásọfúnjó ní àwọn ẹgbẹ́ òṣèré Yorùbá ló se kòkàárí ètò ìsìnkú rẹ̀.

    Ọ̀rẹ́ olóògbé náà wá sàpèjúwe Ògún Majek gẹ́gẹ́ bí ẹni tó ní sùúrù, tí kìí sì í fa wàhálà.

    “Majek jẹ́ ẹni tí kò sí nǹkan tí kò ba lára mu, tó sì tutù ní ìwà.”

    Dásọfúnjó tún ní “láàrin ọ̀pọ̀ ènìyàn, Majek jẹ́ ẹni tó lawọ́, tí kò bá ní, ó máa ń jẹ́ ìbànújẹ́ ọkàn fún un.”

    Dásọfúnjó ní ohun tó dun òun jù ni pé, òun kò ní rí i mọ́, tí wọn kò sì ní leè sọ̀rọ̀ lórí ẹ̀rọ ìléwọ́ mọ́.

    Fẹ́mi Akínṣọlá

  • Abiola Ajimobi sùn un re

    Abiola Ajimobi sùn un re

    Ikú pàgbẹ̀ àṣírí aláró tú.
    Ikú pàlùkò àbùkù kará ìkosùn.
    Ọrùn má kánjú, gbogbo wa la dágbádá ikú.
    Ìgbà átàsìkò ẹ̀dá ló só kùnkùn.
    Gíńgín ladáhunṣe tó mewé e re.
    Gbogbo wa lòpè nípa àkúnlẹ̀yàn.
    Òkú ń sunkú òkú, akáṣọlérí ń sunkú ara a wọn.
    Sùn un re oo Àjànàkú ọkọ Florence, Àkànjí ẹ̀rù , mọ́ ṣẹ̀rù baya, bọmọ tó o fi sáyé lọ.
    Má ṣẹ̀rù bàlú, sun- un-run ìgbẹ̀yìn pàdé Allah nídẹ̀ra .

    Àkànjí ẹ̀rù Sheeeeuuu,ibi o fàdàgbá ayé rọ̀ sí, ọmọ ni yóó lòyókú.

  • Abọ ìwádìí yóó ṣọ pàtó ikú tó pàwọn òṣìṣẹ́ wa– Àjọ FRSC

    Abọ ìwádìí yóó ṣọ pàtó ikú tó pàwọn òṣìṣẹ́ wa– Àjọ FRSC

    Abọ ìwádìí yóó ṣọ pàtó ikú tó pàwọn òṣìṣẹ́ wa– Àjọ FRSC

    Ìlú u gángan lọ̀pọ̀ ìṣẹ̀lẹ̀ láyé,n Iàwọn àgbà se ṣọ pé,ẹ̀yìn ló kọ sẹ́nìkan, n tó kọjú sẹ́lòmíìn.
    Bí a kò bá gbàgbé, àìpẹ́ yìí ni ìṣẹ̀lẹ̀ ajániláyà pàtì kan wáyé ní ìpínlẹ̀ Ògùn tí àwọn òǹwòye ìmọ̀ ìjìnlẹ̀ nípa àṣà sí tí ṣọ ìgbésẹ̀ tó kàn nílànà ìbílẹ̀ fún àǹfààní ara a wọn.

    Ọ̀rọ̀ yìí ni Adarí Àjọ tó ń rí sí ètò ìrìnnà ojú pópó, FRSC náà fèsì sí pé, àwọn kò leè fi ìdí rẹ̀ múlẹ̀ pé ààrá ló sán pa òṣìṣẹ́ àjò ọ̀hún mẹ́ta tó kú ní ìpínlẹ̀ Ògùn.

    Adarí Àjọ FRSC ní ìpìńlẹ̀ náà, Ahmed Umar ló fi síta fún akọròyìn, pé ìgbésẹ̀ tó kàn ni láti mọ irú ikú tó pa àwọn òṣìṣẹ́ náà.

    Umar ní òun tí àjọ náà mọ̀ ni pé iná ló ṣokùnfà rẹ̀, bóyá iná dédé gbé wọn ni tàbí ààrá ló sán pa wọ́n, àti pé nítorí náà ni àwọn ṣe bẹ̀rẹ̀ ìwádìí kíkún lórí rẹ̀.

    Àmọ́, ó fikún-un pé, tí ìwádìí bá fìdí ẹ̀ múlẹ̀ pé lóòótọ́ ààrá ló sán pa wọn, òun kò le è ṣe ẹbọ tàbí ṣe ètùtù nítorí ẹlẹ́ṣìn Mùsùlùmí ni òun, bẹ́ẹ̀ òun kò ti ẹ̀ gbàgbọ́ nínú rẹ̀.

    Adarí Àjọ ẹ̀ṣọ́ ojú pópó FRSC nípìńlẹ̀ náà, Ahmed Umar wá fikún-un pé àwọn yóó fi ẹ̀rí ìwádìí àwọn léde fáyégbọ́ lẹ́yìn tí wọ́n bá ti parí ẹ̀ .

    Fẹ́mi Akínṣọlá