Àṣà Oòduà

Author: oodua

  • Divination Process: Ifa Verses (Odu Ifa) 16 Principal Odu

    sixteenodus

    Ifá is a system of divination that originated in West Africa among the Yoruba ethnic groups. It is also practiced among believers in Lucumi, (sometimes referred to as Santería), Candomblé, West African & Diaspora, and similarly transplanted Orisa’Ifa lineages in the New World. The father of Ifa is Orunmila and it’s believed that Olodumare (GOD) gave Orunmila Ifa for Omo Eniyan (Humans) to serve as guidance into a brither Future.   The Ifa Divination system was added in 2005 by UNESCO to its list of “Masterpieces of the Oral and Heritage of Humanity”.

    Continue reading after the Page break bellow.

  • Yunifasiti ijo Mountain of Fire yoo bere eko kiko lojo Monde

    Gbogbo eto ti to bayii fun ileewe giga ti ijo Mountain of Fire and Miracles Ministries (MFM) eleyii ti won pe ni Mountain Top University lati bere eko kiko fun awon akekoo lojo Monde ose yii, 21/12/15.

    Eto ibere eko kiko ifafiti tuntun yii ni yoo bere pelu ayeye igbaniwole awon akekoo eleyii ti yoo waye lojo Monde kan naa.   Ikede tuntun yii lo jade lenu oga agba fun ile iwe naa, Ojogbon Elijah Ayolabi, nigba ti n ba awon oniroyin soro.

    Gege bi akojopo iroyin Olayemi Oniroyin, Ojogbon Ayolabi ni awon akekoo bi aadorinlerugba (270) ni awon yoo maa se ayeye igbawole fun lojo Aje to n bo yii. Eleyii ti won si maa gba won si elekajeka abala eko kiko to wa ninu ogba ileewe tuntun naa.

    Yato si eleyii, lara ayeye ti yoo tun waye ni sisi gbongan nla kan to wa ninu ogba MFM Prayer City, Kilometre 12, Masose Eko-Ibadan, Ibafo.

  • E Sora! FRSC ti kede oju ona to lewu n’Ijebu

    Orisun iwe Iroyin: Lati Ọwọ Olayemi Olatilewa

    Awon eso oju ona ile Nigeria, Federal Road Safety Commission (FRSC), eka ti Ijebu Ode ti kede awon oju ona to lewu ni gbigba fun awon onimoto ni akoko poposinsin odun yii.
    Oju ona ti won kede re naa ni masose Sagamu si Ore. Paapa ju lo, ogangan ibi awon afara odo Ososa, ikinni, ikeji ati iketa to wa ni Ijoba Ibile Odogbolu wa lara alaye to te Olayemi Oniroyin lowo
     
    Bakan naa ni won tun menu ba afara odo Arun ati Omo, ikinni ati ikeji to wa ni agbegbe J4 to wa ni Ogbere eleyii to kale si Ijoba Ibile Ila-Oorun Ijebu nipinle Ogun.
    Won ni ipo ti awon afara naa wa ko dara to fun aabo emi, won si n ro awon onimoto lati rora nigbakuugba ti won ba de awon ori afara yii.
    “Lati nnkan bi odun meta seyin ni awon afara naa ti di pakute iku. Eti awon afara naa legbeegbe ni ko lagbara to lati dena moto to ba fe ja sinu odo.
    Eleyii to si sokunfa iku aimoye awon eniyan ti won gba ona naa koja,” Ogbeni Isah Seidu to je FRSC Unit Commander ti Ijebu-Ode lo soro yii
    Bakan naa ni Ogbeni Seidu, fi asiko yii ro ijoba apapo lati se atunse si awon oju ona naa. Ogbeni Seidu ko sai tun gba awon onimoto lamoran nipa yiyeba nipa gbigbe epo bentiro inu keegi sinu moto.
    O tun fi kun un wi pe ti okan ninu awon waya oko won ba bo lara tabi to n sana, yoo dara ki won tete mojuto nitori awon nnkan bayii ma n je ki oko tete gbana ni akoko ijamba oko.

  • Nipinle Ondo, awon osise ko rowo osu gba lati sodun Keresimeis

    *Ijoba da awon osise 62 duro lenu ise
    Orisun: Olayemioniroyin.com
    Nibayii, Trade Union Congress (TUC) eka ti ipinle Ondo ti n ro gomina ipinle naa, Olusegun Mimiko, lati san awon owo osise ti won je seyin ati awon ajemonu won saaju ki odun keresimesi ti n bo yii to wole de.

    Egbe ti n ja fun eto awon osise yii tun fi kun wi pe, o je edun okan nla fun egbe naa bi ijoba ipinle Ondo se da awon osise mejilelogota (62) duro lenu ise.

    Oro yii lo jade ninu atejade ti egbe naa fi sita eleyii ti alaga egbe naa, Comrade Ekundayo Soladoye ati akowe re, Fatuase Clement buwolu.

    Gege bi alaye to te Olayemi Oniroyin lo, won ni ohun to le mu awon osise yo ayo idunnu odun keresimesi to n bo yii ni ti won ba ni owo lapo lati se itoju ebi won. Won si n fi asiko naa rawo ebe si Gomina Mimiko lati siju aanu wo awon osise ipinle naa. Ogbeni Kayode Akinmade, komisanna fun eto iroyin, ni ki awon osise lo mokan bale wi pe owo won ko ni pe jade.

    Ninu alaye Komisanna, o ni eto oro aje to denu kole lo fa sababi ti ijoba ipinle naa ko fi ri awon owo osu naa san. O si se ileri wi pe laipe, awon owo naa yoo di sisan.

    Ogbeni Akinmade tun soro lori awon osise ti won da duro lenu ise. O ni ijoba ko da enikeni duro lona aito tabi lai tele ofin.

    “Ti a ba ri eni ti ijoba daduro lona aito, e pe ki won mu awon eri won wa siwaju. Gbogbo awon ti ijoba da duro lo nidi kan pataki, eleyii ti ijoba si se ohun to to labe ofin,” Komisanna fi kun oro re bee.

  • Oselu Kogi: “Idi ti a ko fi yan Faleke ni yii” – Alaga APC

    Alaga fun egbe oselu APC lapapo, Oloye John Odigie-Oyegun ti salaye idi pataki ti awon agba egbe naa fi pamopo lati yan Alhaji Yahaya Bello gege bi oludije ti yoo ropo Abubakar Audu, eni to jade laye saaju ki eto idibo naa to kesejari.

    Ninu oro re, eleyii to se nibi ipade to ni pelu awon oloye egbe APC ti won je ti ekun Ila-oorun Kogi, o ni bi ayo olopon ni oselu je. Eleyii to gba arojinle ati ise opolo to fakiki.

    “A ko gbodo yan enikeni to je wi pe yoo rorun fun egbe PDP lati ye aga mo nidi ni kootu leyin to ba di gomina. Idi ni yii to fi je wi pe a gbodo sora gidigidi ninu awon ipinnu wa.

    “Nigba ti a ba n pate-pero, a gbodo ma wo sakun ohun to seese ko sele lojo iwaju, ati awon ona ti ota le gba yo si wa. Eleyii je koko, ki omi ma ba teyin wogbin wa lenu.

    “Ti iru nnkan bayii ba sele, o daju wi pe inu apa kan ko le dun si igbese ti a ba gbe. Sugbon a ni lati ro tegbe na ki ifaseyin ma ba de ba wa. Leyin eyi, ise wa ni lati yanju aawo tabi ikunsinu to ba jeyo laaarin awon ti igbese naa ko ba dun mo ninu,” Oyegun se lalaye bee.

    Ninu alaye to te Olayemi Oniroyin lowo, siamaanu egbe PDP lapapo ko sai tanna imole si awon oro kan to jewo wi pe omo Abubakar Audu, Mohammed Audu, ye ko ropo alafo ti baba re fi sile lo. Won ni ko sohun to buru ti Faleke ba je gomina, ki won si fi omo oloogbe se igbakeji re.

    “O ye ko ye wa wi pe oselu kii se oye idile. Eleyii ti a n gbe ipo baba fun omo. Lotito, omo le je ninu ola baba re lagbo oselu. Baba si le tun ran omo re lowo ninu oselu. Koda, omo le goke agba ninu oselu nipase gbajumo baba re. Sugbon ki i sebi ka gbe ipo baba fun omo. Kosi ohun to jo bee ninu oselu,” Oyegun fi kun oro re bee.

    Orisun: Olayemioniroyin.com

  • Nipinle Ondo, eniyan meji koja sorun nibi ija NURTW

    O kere tan awon eniyan bi meji ni won gborun lo ni Ikare-Akoko to wa ni ipinle Ondo nigba ti awon eniyan bi mewaa farapa koja bikiafu nibi ija to wayii laaarin awon omo onimoto.

     

    Wahala to bere lati nnkan bi ago meje aaro putu Ojobo to koja yii ni awon ganfe kan ti gbe yawo Ikare-Akoko pelu ada, obe, igo ati bajinatu elenu sagila ti won si bere si ni se ijamba lorisiirisii ni agbegbe naa.

    Gege bi alaye to te Olayemi Oniroyin lowo se so, ohun ti awon omo yada-yobe naa wi ni wi pe, siamaanu NURTW eka ti Ikare-Akoko to ti n je tele naa ni yoo tun ma je lo. Itaporogan naa to ti mu emi dani, eleyii to tun fi opolopo dukia sofo ni ko ba bo sori patapata ti ki i ba se iranlowo awon olopaa digboluja ti won sare bomi pana rugudu naa.

    Oga olopaa, DPO to di agbegbe Ikare-Akoko mu, Ogbeni Musiliu Sogbade jeri si isele to waye naa. Bakan naa ni won fi da awon ara ilu loju wi pe alaafia ti pada si agbegbe naa latari iranlowo awon agbofinro.
    Orisun: Olayemioniroyin.com

  • Emi ati Alao-Akala ti lepo di okan soso- Gomina Ajimobi

    *Ajimobi fogbon juko oro si Ladoja

    Leyin awuyewuye ati awon oro ti n lo nigboro nipa wi pe gomina tele fun ipinle Oyo, Christopher Alao-Akala n mura lati darapo mo egbe APC ti pada jade lenu Akala funra re bayii. Oro yii ni Alao-Akala, eni ti awon kan tun un pe ni Omo Iya Alaro, fi da awon eniyan loju nikete ti ile ejo kotemilorun pada da Ajimobi lare gege bi gomina ti o maa tesiwaju ninu isejoba  ipinle Oyo. Akala ni gbogbo eto lo ti to, oun si ti setan lati darapo mo egbe APC ti won dasile lojo kefa osu keji odun 2013.

    Ninu alaye to te Olayemi Oniroyin lowo, Abiola Ajimobi to je gomina ipinle Oyo ni idarapo Alao-Akala mo egbe APC dabi igba ti alagbara meji ba gbimopo lati di okan soso. O ni igbese tuntun yii yoo so awon di erikina nla ti enikeni ko ni le da lona.

    “Gomina ipinle Oyo tele je eekan nla ti ko se fowo ro seyin lagbo oselu ipinle Oyo ati ni Naijiria lapapo. Eerin nla niluu Naijiria, to ba de ilu London, eerin naa ni yoo tun maa je. Bakan naa, eerin nla ninu egbe PDP ati Labour, eerin naa ni yoo tun maa je to ba de inu egbe APC.

    “Ni ojo toni, ti a ba ni ka maa so nipa awon to lenu nibe ninu oselu ipinle Oyo, a maa so nipa Ajimobi, Akala ati Ladoja. Ibasepo emi ati Akala yoo mu wa di alagbara eleyii ti enikeni ko ni le ko lona. Nigba ti akogun meji ba dokan, talo tun seku? A ko ni i lo lati daruko enikeni, awa nigi nla ti ko se e kolu.” – Ajimobi se lalaye bee.
    Orisun: Olayemioniroyin.com

  • “Ko saaye fun Toll-Gate bayii” – Egbe Akoroyin tiluu Eko

    E gbe akoroyin, Nigeria Union of Journalists eka ti ilu Eko, ti gbe atejade kan jade eleyii to n ro ijoba apapo lati se atunse si awon oju ona masose wa ki won to ronu a ti da Toll Gate pada si aarin ilu.
    Nibi ipade eleyii ti egbe naa se to waye l’Ojoru ose to koja yii, eleyii ti won fi kase odun 2015 nile ni alaga egbe naa, Ogbeni Deji Elumoye ti n buwo lu atejade ti won fi sita naa.

    “Ti ijoba ba fe da awon enu iloro igbowo lowo awon awako pada, o se pataki ki awon oju ona wa wa ni ipo ti o mu igbokegbodo oko wa ni irorun,” Ogbeni Elumoye fi kun oro re bee.

    Ninu atejade egbe naa eleyii to te Olayemi Oniroyin lowo ni alaga egbe naa tun gbe oriyin rabata fun Gomina Akinwunmi Ambode pelu awon ohun elo igbogun ti iwa idaran ni ipinle Eko eleyii ti won pese laipe yii. O ni inu oun dun lati ri oko ofurufu Helicopter, oko oju omi ati aimoye orisiirisii awon ohun elo ti o fun awon osise alaabo lagbara.
    Bakan naa lo si n ro awon osise alaabo oju-lalakan-fi-n-sori, Rapid Response Squad (RRS), lati maa lo awon ohun elo igbogun ti idaran naa lona to dara. Paapa julo ni akoko poposinsin odun tuntun to wole de yii.
    Orisun: Olayemioniroyin.com

  • Aare Buhari pe eni odun metalelaadorin (73) lonii


    Igba odun, odun kan ni

  • E ba wa dasi oro yii

    Nje ohun to dara wa ninu ki awon okunrin maa na awon iyawo ile won?

    Kini obirin le se to le mu okunrin siwo soke na won?