Àṣà Oòduà

Author: oodua

  • Yinka Ayefele sodun fun awon alaini ati omowewe

    Aimoye awon omo wewe ni won pejo si bi ayeye odun keresimesi ati babakeresi ti ile ise redio Fesh FM ti Yinka Ayefele eleyii to waye ni Music House, ile orin Ayefele, to kale siluu Ibadan. Asekagba naa lo waye ni ojo kerinlelogun osu kejila odun (24/12/15) nibi ti awon omowewe ti gba aimoye ebun rele.

    Leyin ajoyo pelu awon omode ni Yinka Ayefele, eni ti aare ana, Goodluck Jonathan, fi ami-eye M.O.N dalola tun gun ori redio re lo lati pin ebun odun fun awon opo ti ko loko lori afefe. Lori redio naa ni Yinka ti kede wi pe, awon opo bi aadota ti won ba pe sori redio naa yoo gba ebun keresimesi eleyii ti yoo mu odun won dun pelu egberun marun-un owo naira.

    Gege bi oro oludamoran nipa eto iroyin fun Yinka Ayefele, David Ajiboye, se so, o ni asekagba ayeye to waye l’Ojobo to koja yii lo ti beere bi ose bi meloo kan seyin nibi ti awon omowewe lati orisiirisii ileewe ti n ya wa lati wa yo ayo keresimesi pelu Ayefele.

    Siwaju sii, Yinka Ayefele, omo bibi Ipoti-Ekiti, tun fi asiko naa ranse ikini odun si awon ololufe re.
    “Mo n fi asiko yii ki awon ololufe, ore ati awon ebi mi ku odun. Paapa julo, awon eniyan ti won lowo ninu aseyori mi laye. E ku odun. O dun ayabo fun wa o. Amin,” Ayefele ranse ikini re bee.

  • “Oju Mimiko ni PDP yoo fi poora nipinle Ondo” – Oloye egbe APC

    Okan pataki ninu awon oloye egbe APC nipinle Ondo, Niran Sule-Akinsuyi, ti so yanya wi pe niseju Gomina Olusegun Mimiko ni egbe oselu PDP ipinle naa yoo fi di ohun a-fi-seyin teegun fiso.
    Oro yii lo n so nigba to fi n da awon eniyan loju nipa aseyori ti yoo deba egbe APC ninu eto idibo gomina ipinle naa ti yoo waye lodun ti n bo.
     “Ki i se ero awon oloselu tabi egbe oselu APC nikan ni lati ni iyipada rere, awon ara ilu gan-an fe iyipada ti yoo so igbe aye won di otun. Eleyii si foju han ninu eto idibo aare to waye nibi ti egbe APC ti feyin PDP janle loju gbogbo aye,” Ogbeni Sule-Akinsuyi fi kun oro re bee.
    Yato si eleyii, ojo Monde to koja yii ni awon omo egbe PDP meji kan tun kowe fi ipo won sile gege bi omo egbe, ti won si ko gbogbo awon ololufe won pata wonu egbe APC.
    Awon oloselu meji naa ni ogbeni Ayo Patrick Akinyelure, eni to ti soju ekun aarin gbungbun Ondo gege bi senato nigba kan ri. Eni keji ni Pius Olakunle Osunyikanmi to je oludari Technical Aid Corps (TAC).
    Awon oloselu nla mejeeji ti won jijo fi ipo won sile gege bi omo egbe PDP ni won salaye itesiwaju won sinu egbe APC gege bi iyipada otun fun Ipinle Ondo lapapo.
    “Ka to to gbe igbese ti agbe yii, awon eniyan ti a n soju fun pata ni awon agbegbe wa ni won fowo si aba naa. Awon agbalagba egbe naa ko gbeyin, gbogbo won ni won fowo si igbese wa eleyii ti a lero wi pe yoo so eso rere,” Akinyelure fi kun oro re bee.

  • Faleke n mura ija nipinle Kogi *Omo oloogbe Abubakar Audu n be leyin re.

    *Omo oloogbe Abubakar Audu n be leyin re.
    *Kilode ti Tinubu ko da soro naa?

    Lati Ọwọ Olayemi Olatilewa

    Lojo Aje to koja yii ni rugudu ti n lo lagbo oselu nipinle Kogi tun bureke si i nigba ti Ogbeni James Abiodun Faleke mu iwe ipejo re lo siwaju ile ejo ti n gbo awuyewuye to suyo leyin idibo ti a mo si tiribuna nipinle naa.

    Aimoye awon eniyan ti won je alatileyin, ore ati ololufe Faleke ni won tele lo si ile ejo naa lati fi iwe ipejo naa sile fun akowe kootu.

    Lara awon eniyan ti won tele Faleke ni Mohammed Audu to je omo oloogbe Abubakar Audu ati agbejoro Faleke to siwaju gege bi Balogun.

    Esun pataki ti Faleke te siwaju ile ejo naa ni wi pe, ona aito lo je gege bi ajo INEC se kede eto idibo ojo kokanlelogun osu kokanla odun yii (21/11/15) gege bi eto idibo to ku sibi kan leyin ti egbe to bori ti foju han gbangba.

    Bakan naa, Faleke fi kun oro re wi pe, oun lo ye fun ajo INEC lati kede gege bi gomina tiluu dibo yan ki i se Yahaya Bello.

    Nibayii, awon agba egbe APC lati ekun Iwo-oorun ipinle Kogi ti n mura lati se ipade po pelu Faleke nibi ti won yoo ti ma petu si i ninu lati faramo ipinnu egbe lori oro to wa nile naa.

    “Gbogbo ohun to ba ye ka se pata ni a gbodo muse lati ri wi pe oro to wa nile yii ko baje koja atunse. A fi n da awon ololufe egbe wa loju wi pe a o bu omi tutu si oro naa. To fi je wi pe Faleke yoo lo fa iwe ipejo naa ya, titi gbogbo re yoo si yanju patapata. Ipinnu egbe se pataki, sebi ti omode ba n gegi nigbo, agba ni i mobi ti o wosi. Agba ki i si wa loja, ki ori omo tuntun o wo,” Oloye Richard Asaje lo se lalaye bee.

    Wayio, amofin to tun je ajafeto omoniyan, Ogbeni Emmanuel Owotunse ni awon igbese ti Faleke n gbe dabi igba ti eniyan ba n towo bo inu eeru gbigbona, kosi igba ti ko ni fika jona.

    “Bi Faleke se gba ile ejo lo dabi igba to n te egbe loju mole, eleyii ti abamo le kangun oro re ti ko ba se suuru. Egbe mo ohun ti won se, ti Faleke ko ba si fi owo re sibi to ye, afaimo ko ma towo bo eeru gbigbona ti yoo jo nika. Eniyan ti ko kopa ninu eto idibo abele egbe ko le di gomina. Eewo ni. Faleke ko kopa ninu eto idibo abele egbe APC, ti won ba fa kale, owo kan ni egbe PDP yoo gba danu ni kootu leyin to ba di gomina,” Ogbeni Owotunse se lalaye bee.

    Ninu oro Owotunse eleyii to se ni Lokoja to je olu ilu Kogi lo tun fi kun wi pe, oun ti n ki Faleke laye ko ju nipa ajosepo re pelu Bola Tinubu lo.

    “Awon agbejoro ti won gba Faleke lamoran ni won yoo pada se akoba fun un. Igbakeji gomina nipo Faleke lati ibere pepe, kilode ti ojukokoro ipo gomina wa n feju mo o losan gangan? Bo tile ni ajosepo to danmoran pelu Tinubu, o gbodo gba kadara ko ma ba gba kodoro,” Owotunse fi kun oro re bee.

    Bakan naa, Mohammed Audu to je omo oloogbe Abubakar Audu kede atileyin re fun Falake gege bi ife okan awon agba idile baba re. Eleyii ti aba naa jade leyin ipade molebi to waye ninu idile oloogbe naa.
    ” Mi o ro wi pe awon agba idile wa nikan ni won fe lati ri Faleke gege bi eni to ye nipo gomina, inu baba mi ti n be lorun gan-an ko le dun pelu bi awon kan se gbimopo lati yan igbakeji re je. E je ka maa se ohun gbogbo pelu iberu Olorun oba Allah. O ni lasan la ri, kosi eni to mo ile ti o mola,” Mohammed fi kun oro re bee.

    Pelu bi nnkan se n lo yii, awon onwoye nipa oro oselu gba wi pe ina Faleke ti n jo lori omi, onilu re mbe nisale odo ni. Won ni okan ninu awon omo ti Tinubu to dagba ninu oselu ni Faleke je, to fi je wi pe kosi ohun ti Tinubu ni ko se ti ko ni se. Bi nnkan se wa ri yii, ti a ko gbo ohunkohun ni gbangba nipa Tinubu lori oro naa, o ni lati je wi pe nikoro ni Tinubu ti n ba Faleke soro. Eleyii ti oro naa si je awon oro iwuri ti n mu Faleke maa saya gbangban to si ko lati gba si egbe lenu.

    Pada sori oro ti amofin Owotunse so, se kadara ni o pada keyin oro Faleke ni abi kodoro?

  • “Kosi ona ti a fe gbegba, ijoba ni lati yo owo iranwo ori epo kuro” – Oyegun

    Alaga egbe oselu APC, oloye John Odigie-Oyegun ti fi da awon omo Naijiria loju wi pe, kosi ipadaseyin ninu yiyo owo iranwo ori epo robi.

    Oyegun lo n soro yii nigba ti n gbalejo awon iko kan lati inu egbe oselu APC, APC National Coalition for Peace and Mobilization (NACOPEAM).

    Gege bi oro re, jegudujera ati aitele awon ilana to ye eleyii ti ijoba Goodluck Jonathan faaye gba se opolopo akoba fun eto oro-aje ati isejoba Naijiria.

    Bakan naa lo fi kun wi pe, awon nnkan to ti baje labenu yii ko je ki isejoba rorun fun Aare Muhammadu Buhari.

    Yato si eleyii, awon arijenimadaru ti won ti tojubo epo robi ko je ki owo ti ijoba nla lori iranwo epo o funa. Awon eniyan yii kan naa ni won si n se agbateru igbogun ti ijoba lati ma yowo iranwo ori epo kuro.

    “Ona abayo kankan soso lati tete da ogo oro aje Naijiria pada ni yiyo owo iranwo ori epo kuro. Idi pataki ti ijoba fi gbodo se eleyii gbodo ye omo Naijiria pata.

    Ohun ti ijoba Buhari ba nile ko mu isakoso Naijiria rorun fun-un. Ti a ko ba si se awon nnkan woyii ni akoko to ye, ifaseyin le de ba awon ileri ti a se fun awon ara ilu ni akoko ipolongo,” Oyegun se lalaye bee

    Bakan naa ni Oloye Oyegun n ro awon ara ilu lati fowosowopo pelu ijoba to wa lode yii ki awon erogba re pata le kesejari.

  • Aregbesola ya ₦130m lati ko ile iwe girama kan

    Iroyin Lati Ọwọ Olayemi Olatilewa

    Gomina Rauf Aregbesola tipinle Osun ti lo si ileewe girama, Olufi Middle School to kale si Gbongan ni Ijoba Ibile Ayedaade to wa nipinle naa. Nibi ayeye ti won ti n si ileewe naa ni Ogbeni Aregbesola ti n so wi pe, Aadoje milionu (N130m) owo naira ile wa lo pari ileewe naa, a ti wi pe yiya ni awon ya owo naa.
    Nibi ayeye naa ni gomina ti n ro awon oluko ati awon alase ileewe naa lati se itoju ileewe naa daada, eleyii to fi je wi pe ki atunse kankan to tun le waye nibe yo to nnkan bi aadota (50) odun sigba taa wa yii.

    Ogbeni Aregbesola ti awon kan tun mo si Baba Kabiru lo tun se apejuwe ara re nibi ayeye naa gege bi ojise Olorun, eni ti a ran lati wa so igba derun fun gbogbo mekunnu pata. O se lalaye ninu oro re wi pe, iru agbekale ati ara ti won fi ileewe naa da fe e je eyi ti enikeni ko le ri nibikibi lagbaye nitori ara oto ni.

    Ogbeni Aregbe tun se lalaye siwaju wi pe, awon ileewe girama bi mokanla (11) ni ijoba oun ti ko. Bakan naa lo si seleri wi pe awon ileewe girama bi meje (7) ni oun yoo ko ninu odun 2016.
    “Awon ileewe alakobere bi ogorun (100) lo wa ninu ipinnu wa lati ko, a si ti ko bi meedogun (15) ninu won bayii. Bakan naa, ni agbara Olorun, ileewe girama bi aadota (50) ni yoo di kiko ni ipinle Osun,” Aregbe se lalaye bee.

    Aregbe ko tun sai soro lori ipo ailera ti eto oro-aje ile Naijiria wa bayii. O si so wi pe, akurete to ti de ba eto oro-aje ti se aimoye akoba fun awon eto ijoba si ara ilu, eleyii to si je edun okan nla fun un.
    O wa n fi asiko naa ro awon odo lati jigiri si ise agbe ni sise lojulowo.

    “Ipo ti a ba ara wa bayii gege bi orileede, ise agbe nikan lo le ran wa lowo. Idi ni yii ti a fi n ro awon odo wa lati mu ise agbe lokunkundun ki n kan le pada senure fun wa ni Naijiria,” Aregbe fi kun alaye re bee

  • “Ajo NFF kii ta agbaboolu soke okun” Aare NFF

    Ogbeni Amaju Pinnick to je aare ajo ti n risi ere boolu alafesegba, Nigeria Football Federation, ti fesi lati tako awon aheso kan ti n lo nigboro wi pe, ajo NFF n se bisineesi tita agbaboolu soke okun.

    O ni iro to jina si otito ni aheso naa. Ninu oro re, o ni oseese ki awuyewuye naa jeyo ninu asigbo oro ti minisita fun ere idaraya ati awon odo, Ogbeni Solomon Dalung so.

    O ni minisita so wi pe ki awon se kia nipa awon eto awon fun awon agbaboolu abele ti won fe lo maa gba boolu ni awon ilu okeere.

    “A wa kii ta agbaboolu si okeere, iwe eri lasan ni awa n fi le won lowo. Mo si gba wi pe awon ti won gbe iroyin naa kiri ko gbo alaye minisita ye yekeyeke ni. Minista ko so nipa tita agbaboolu, awon eto wa lati se iranwo fun awon agbaboolu abele ti won fe lo si oke okun lo ni ka se ni kiakia,” Pinnick se alaye naa bee.

  • Esun idigunjale la o fi kan eni to ba gbegidina ti n gbowo odun” Olopaa Ipinle Ogun

    Komisanna awon olopaa ipinle Ogun, Ogbeni Abdulmajid Ali ti kede wi pe,ile ise olopaa ipinle Ogun ti wa ni imurasile lati gbogun ti iwa idaran to seese ko suyo lasiko poposinsin odun taa wa yii.
    Ninu oro Ogbeni Abdulmajid, eleyii to se ni olu ileese olopaa to wa ni Eleweran niluu Abeokuta, ibe lo ti n ro awon ti won ba fe wuwa idaran lati kowo omo won baso nitori ileese olopaa ipinle naa yoo wa loju ise losan ati loru.
    Bakan naa lo tun fi kun wi pe, awon ofin to de banger si wa sibe digbi, enikeni ti owo ba te yoo fimu danrin.
    Ogbeni Abdulmajid tun salaye siwaju wi pe, iwa idaran gbaa ni ki awon kan maa gbegi dina lati gbowo odun tabi ki won maa ti popona pa nitori ayeye odun ti a mo si Carnival.
    O ni awon nnkan bayii ni ileese olopaa ko ni faaye gba rara.
    “Esun idigunjale, ni esun ti ile ise olopaa yoo fi kan enikeni ti owo ba te wi pe o gbegidina, to si n fi tipatipa gbowo odun lowo awon eniyan. Ile ise olopaa ipinle Ogun ko ni foju ire wo enikeni ti owo ba te rara,”  Ogbeni Abdulmajid fi kun alaye re bee.

  • A se iru eniyan bayii ni Gani Adams, e gbo ohun ti won so nipa re

    E ni lati fi eti ara yin gbo ohun ti Omooba Yomi Tejuosho so nipa Oloye Gani Adams. Eniyan ti a n ri lokeere, aimoye nnkan ni e ko mo nipa eni naa.rara.

  • Se oro Buhari ko ta leti awon asofin ni?

    Okan ninu awon asofin, Honourable Essien Ekpenyong Ayi (PDP) lati ipinle Cross River n sun ni akoko ti Aare Buhari n ka iwe eto isuna odun 2016 niwaju ile igbimo asofin Abuja.

  • E wo ohun ti oyinbo amunisin se lodun 1908

    Awon oyinbo amunisin lati ilu Belgium yegi fun omokunrin, omo odun meje (7) niluu Congo lodun 1908. Ogbeni Femi Fani-Kayode lo se afihan foto yii lori ayelujara. Okunrin naa si tun fi kun un wi pe, ninu awon oyinbo amunisin to daju ju lo, ilu Belgium lakoko, ilu to sikeji ni Jamani.