Àṣà Oòduà

Category: Àṣà Oòduà

Àṣà Oòduà, Asa Ibile Oòduà. Oòduà (Yoruba) je okan ninu awon eya ti o laju ju lode aye yi. Lati igba ti alaye ti daye ni won ti ni eto ati ilana to kun nipa ohun gbogbo ti won nse ni igbesi ayee won.

  • Fayose setan lati ya awon osise lowo ra moto nipinle Ekit

    “Ilaji owo osu won nijoba yoo ma yo fi san gbese naa” -Komisanna isuna owo

    Gomina Ayodele Fayose ti yanda owo to le ni igba milionu owo naira (N236,860,000) gege bi owo ti won ya soto lati ya awon osise ipinle Ekiti lati fi ra orisii moto to ba wu won.

    Komisanna eto isuna ipinle Ekiti, Toyin Ojo, so wi pe, awon osise ti anfaani naa si sile fun yoo ni anfaani lati ya owo to to egberun lona ogorin (N80,000) si milionu kan abo (N1.5m), eleyii ti won yoo tewo gba lodindi.

     

    Komisanna tun so siwaju wi pe, ki i se gbogbo osise ni o leto si anfaani yii bikose awon kan ti won ti n sise siru ilu fun awon akoko kan ati ipo won lenu ise ijoba.

    Lara afikun komisanna ni wi pe, awon osise ti won ba setan lati je anfaani yii ni lati fara mo ilana ati agbekale to wi pe, ilaji owo osu won ni ijoba yoo ma yo lati fi kase gbese naa nile. Bakan naa lo tun fi n da awon osise to ku loju wi pe, laipe, anfaani owoya lati fi ra moto ara eni yoo kari gbogbo won pa.

  • Gomina ipinle Kwara ti da Jelili oniso lola

    *Femi Adebayo n wonu oselu lo diedie

    Nibayii, gomina ipinle Kwara, Abdulfatah Ahmed, ti yan ogbontarigi onisetiata, Femi Adebayo, gege bi oluranlowo pataki nipa ise ona, asa ati irinajo-afe (Special Assistant on Arts, Culture and Tourism). Osere ti inagije re tun je Jelili ko le pa ayo naa mora pelu bo se kede iyansipo re naa lori ayelujara fun awon ololufe re pata.

    Bakan naa lo tun un dupe lowo gomina ipinle Kwara fun anfaani ti won fun un lati kopa ninu idagbasoke ipinle Kwara. Igbese tuntun yii ni awon kan ri gege bi ategun fun osere naa lati ridi joko ninu oselu ipinle re. Eleyii ti won lo se e se ko fun ni koriya lati gbe apoti idibo ninu eto idibo ojo iwaju.

  • Kootu fi leta iku le Rev. King lowo

    *Won ni ki won yegi fun un leyin to pa omo ijo re

    Reverend King
    Opin irin ajo ti de ba Rev. Chukwuemeka Ezeugo ti inagije re n je Reverend King nigba ti ile ejo to gaju yan-anyan, Supreme Court, tun fi onte lu u wi pe ki won lo yegi fun titi ti emi yoo fi jade lara re. Oludari ijo Christian Praying Assembly to kale siluu Eko ni ile ejo kotemilorun ti koko fi ontelu ejo ti ile ejo kootu ti da tele wi pe ki won yegi fun Rev King pelu bo se seku pa okan ninu awon omo ijo re, Ann Uzoh, ni ojo keji osu kejo odun 2006.

    Oluso-agutan ti won pe ni Rev. King yii lo dana sun awon omo ijo re meje (7) kan latari wi pe o fi esun pansaga kan won. Ninu awon meje ti Rev King dana sun bi eran ileya ni Ann ti rekoja lo sorun aremabo.

    Ejo ti won ti koko da lojo kerinla osu kinni odun 2007 wi pe, iku lere ese owo Rev. King. Sugbon maanu naa tun pejo kotemilorun lori ejo ti won da naa.

    Nile ejo kotemilorun, ika eniyan kan ko ni lo lai jeya to to labe ofin ni adajo tun ko lorin seti Rev King.

    Leyin eyi ni Rev. King tun fo fere lo si ile ejo Supreme to wa niluu Abuja boya Ifa won yoo fore yato si ejo ti won ti n da seyin.

    Sugbon ibi pelebe naa ni abebe ti won so soke niluu Abuja tun fi n lele. Adajo ni ki won lo yegi fun un titi ti emi yoo fi jade lara Rev. Chukwuemeka Ezeugo ti gbogbo eniyan mo si Rev. King.

     

    http://www.olayemioniroyin.com/2016/02/kootu-fi-leta-iku-le-rev-king-lowo.html

  • Osika egbon pa omo aburo re tori owo

    Ogbeni Samuel Omosaba, eni odun mejilelogoji (42), ni owo awon olopaa ipinle Ondo ti te bayii pelu bo se ge ori omobirin, eni odun meta (3), to je omo aburo re lati fi sogun owo ojiji. Isele yii lo waye ni agboole Ilepa to wa ni Ikare-Akoko ni ijoba ibile Ila-oorun Ariwa Akoko tipinle Ondo.

    Ogbeni Omosaba ti ko nise kankan ti n se lo ledi apopo pelu babalawo kan to kale si Ipe-Akoko, eni to seleri lati ba a se ogun owo ojiji to daju to ba le wa ori omode wa.

    Omobirin ti won seku pa yii ni iya re, ti n je Bunmi, maa n mu lo sodo iya oko re nigba to ba n lo sibi ise laaaro. Sugbon lojo ti isele buruku yii yoo sele, ko si iya oko re nile, egbon oko re lo ba nile. Egbon oko re naa lo gba omo naa sodo lati toju titi ti iya re yoo fi pada de.

    Igba ti iya omo yo pada de, to silekun yara egbon oko re, lo ba oku omo re ti won ti ge ori kuro lorun re. Ogbeni Omosaba pada jewo fun awon ebi nipa bi o se fe fi omo naa gunse owo.

    Ogbeni Femi Joseph to je agbenuso fun ile ise olopaa ipinle Ondo ni awon eniyan adugbo naa ko ba ti dana sun Ogbeni Omosaba ti ki i ba ki i se iranlowo awon olopaa. Bakan naa lo tun so wi pe, won ti gbe ejo naa lo si eka ile ise olopaa ti n risi idaran (State Criminal Investigative Department), to wa niluu Akure.

  • Awon igbimo Olubadan foju Seriki gbole ni kootu

    *Won ti dajo iwuye Adetunji gege bi Olubadan tuntun

    Gege bi oro awon Yoruba to wi pe, ti oba kan ko ba ku, oba mi ki i je. Eleyii ni awon igbimo Olubadan tile Ibadan tele pelu bi won se da ojo tuntun ti won yoo fi oba tuntun je leyin ipapoda Oba Samuel Odulana Odugade to waja lojo kokandinlogun osu kinni odun yii (19/01/16).

    Nibayii, gbogbo eto ti to, ojo kerin osu keta odun yii (04/03/16) ni won da lati jawe oye Oba Olubadan le Oloye Saliu Akanmu Adetunji lori gege bi Olubadan tuntun.

    Igbese tuntun yii lo waye leyin ti ile ejo da Oloye Adebayo Oyediji lebi lori ipejo to gbe si iwaju ile ejo lati da eto ifinijoye naa duro. Saaju akoko yii ni idile seriki ti Oloye Oyediji n se olori fun gba iwaju adajo Mukhtar Abimbola lo pelu esun wi pe, awon igbimo olubadan ko leto lati fi oba tuntun je nigba ti ejo si wa lori eni to ye lati joba ni kootu. Sebi won ni tigi ba relugi, toke re la a ko re kuro.

    Awuyewuye ti won te pepe re siwaju ile ejo naa ni eyi  ti olori idile seriki, Oloye Oyediji, ti n so wi pe, oun loye lati je Oba Olubadan. Ejo naa si ti de ile ejo eleyii ti ko ti niyanju titi di asiko yii. Sugbon ni akoko ti eyi n lo lowo, ni awon igbimo Olubadan n so wi pe, jije oye Olubadan ko ruju, “Balogun Olubadan ti n se Oloye Saliu lokan lati joba. Kosi si ohunkohun to le di wa lowo lati ma se ohun to ye. Eni ti inu re ko ba dun si i le gbejo lo si kootu ijoba,” awon igbimo fenu ko bee.

    Sugbon sa, gbogbo atotonu amofin-agbejoro Abideen Adeniran ti n soju idile seriki lati ma je ki eto oba jije naa waye lo ja si pabo nigba ti adajo agba ti n joko nile ejo to gaju nile Ibadan, Onidajo Mukhtar Abimbola da ejo naa nu gege bi ejo ti ko lese nile rara.

     

    http://www.olayemioniroyin.com/2016/02/awon-igbimo-olubadan-foju-seriki-gbole.html

  • Se e ti gbo nipa Beewealth-Textiles?

    Arambara aso oge mbe lowo Beewealth-Textiles!

     

  • “Efon ti n fa kokoro Zika wa ni Naijiria, kosi ti gboogun”- Minisita Ilera

    Minisita fun eto ilera, Ojogbon Isaac Adewole, ti se idaniloju alaye wi pe, efon abami ti n sokunfa kokoro Zika ti ko gboogun ti wa ni Naijiria. Bakan naa lo si ro awon eniyan lati se ohun gbogbo ni ikapa won lati dena efon lati ma fenu kan won lara.

    O ni awon eniyan le dena efon Zika yii nipa lilo neeti adena efon (mosquito nets) ni akoko ti won ba fe sun lale. “Ona abayo kan soso to wa bayii ni lilo mosquito nets lati daabo bo ara wa nitori wi pe, ko ti si oogun to le gba eniyan sile lowo arun kokoro Zika apani naa,” Ojogbon se alaye bee niluu Abuja.  Bakan naa lo gba awon alaboyun nimoran lati ma rin irin ajo lo awon agbegbe ti Zika ti n se ijamba lowolowo bayii latari ipo elege ti won wa.

  • Bayii ni Jumoke Orisaguna omo oniburedi se di oloriire


    Awon foto re wa nisale

  • “Ijoba etan ati jaguda ni Mimiko n se nipinle Ondo” – APC

    *Mimiko ya bilionu meedogun soto lati san gbese

    Lose to koja ni awuyewuye kan tun seyo nipinle Ondo nigba ti egbe oselu APC tako Gomina Olusegun Mimiko ti ipinle naa nipa bo se ya bilionu meedogun ati milionu mejo (N15. 8b) soto lati san gbese nikan. Owo ti Mimiko ya soto yii lo jeyo ninu eto isuna owo ipinle naa fodun 2016.

    Adari eto iroyin ati ipolongo fun egbe oselu APC, Ogbeni Steve Otaloro, lo tuto soke to si foju gbaa ninu atejade kan to fi sowo si awon oniroyin niluu Akure.

    Ninu atejade naa lo ti bu enu ate lu ijoba Mimiko gege bi ijoba etan ati jaguda paali ti n fi owo mejeeji ko owo ilu mi bi kalokalo.

    “Bawo ni ijoba yoo se ya N15.850b soto lati san gbese nikan, eleyii ti n se ida ogbon ninu ogorun (30%) owo isuna odun kan soso. Kosi tabisugbon ninu oro to wa nile yii, egbe PDP ti ta ojo ola ipinle Ondo danu,” Ogbeni Otaloro se alaye re bee.

    Bakan naa ni Ogbeni Otaloro tun tenu mo wi pe, awon ise akanse ti Mimiko salaye ninu iwe eto isuna wi pe awon fe na aadota bilion ati milionu mesa-an (N50.9 b) le lori, lo je awon ise ti won ti yo owo re soto tele ni awon igba kan seyin.

    Ogbeni Otaloro ko sai tun gbe orinkiniwin alaye re kale nipa bi ijoba PDP ti Mimiko ko sodi se ja awon eniyan ipinle Ondo ni jibiti tirilionu kan naira eleyii to je owo ti ipinle naa pa wole lati odun bi 2009.

    Wayio, Ogbeni Otaloro ti gba Mimiko niyanju lati wo awokose Muhammadu Buhari, eleyii to je wi pe larija eto isuna owo re da lori ona lati mu aye derun fun awon mekunnu.

  • Bayii ni a se le se iwosan fun eni to ni kokoro inu eje

    Awon ohun elo ti a gbodo wa ni yii:

     

    1 Omi osan wewe igo kan tabi oti igo kan tabi omi grape igo kan

    2 Capsule red & yellow eyo mewaa (10 pieces)

    3 Ewe taba ti won ti lo, sibi imuko kan pere

     

    Bi a se le pese ogun naa ni yii:

    Gbogbo nnkan ti a menu ba loke yii ni a maa dapo mo ara won. E le lo osan wewe, oti tabi grape, eyikeyi ninu meteeta ni a le lo. A wa maa tu red and yellow eyo mewaa sinu re. Leyin eyin la ma da ewe taba ti won ti lo, sibi imuko kan sinu re.

    Lilo ogun naa

    A ma mu sibi meji laaro ati lale.

    Gege bi mo se maa n so ni abala yii, Olayemi Oniroyin kii se onisegun. Ogbon ti awon agba ko mi ni mo ni ki n se alaye re fenikan. Edumare to ni alaafia lodo yoo fi fun gbogbo wa. Ase. Ti e ba lo to ba je fun yin, e je ki n gbo. Ire o!