Àṣà Oòduà

Category: Awọn Iroyin Agbegbe

  • Nipinle Ondo, awon osise ko rowo osu gba lati sodun Keresimeis

    *Ijoba da awon osise 62 duro lenu ise
    Orisun: Olayemioniroyin.com
    Nibayii, Trade Union Congress (TUC) eka ti ipinle Ondo ti n ro gomina ipinle naa, Olusegun Mimiko, lati san awon owo osise ti won je seyin ati awon ajemonu won saaju ki odun keresimesi ti n bo yii to wole de.

    Egbe ti n ja fun eto awon osise yii tun fi kun wi pe, o je edun okan nla fun egbe naa bi ijoba ipinle Ondo se da awon osise mejilelogota (62) duro lenu ise.

    Oro yii lo jade ninu atejade ti egbe naa fi sita eleyii ti alaga egbe naa, Comrade Ekundayo Soladoye ati akowe re, Fatuase Clement buwolu.

    Gege bi alaye to te Olayemi Oniroyin lo, won ni ohun to le mu awon osise yo ayo idunnu odun keresimesi to n bo yii ni ti won ba ni owo lapo lati se itoju ebi won. Won si n fi asiko naa rawo ebe si Gomina Mimiko lati siju aanu wo awon osise ipinle naa. Ogbeni Kayode Akinmade, komisanna fun eto iroyin, ni ki awon osise lo mokan bale wi pe owo won ko ni pe jade.

    Ninu alaye Komisanna, o ni eto oro aje to denu kole lo fa sababi ti ijoba ipinle naa ko fi ri awon owo osu naa san. O si se ileri wi pe laipe, awon owo naa yoo di sisan.

    Ogbeni Akinmade tun soro lori awon osise ti won da duro lenu ise. O ni ijoba ko da enikeni duro lona aito tabi lai tele ofin.

    “Ti a ba ri eni ti ijoba daduro lona aito, e pe ki won mu awon eri won wa siwaju. Gbogbo awon ti ijoba da duro lo nidi kan pataki, eleyii ti ijoba si se ohun to to labe ofin,” Komisanna fi kun oro re bee.

  • Nipinle Ondo, eniyan meji koja sorun nibi ija NURTW

    O kere tan awon eniyan bi meji ni won gborun lo ni Ikare-Akoko to wa ni ipinle Ondo nigba ti awon eniyan bi mewaa farapa koja bikiafu nibi ija to wayii laaarin awon omo onimoto.

     

    Wahala to bere lati nnkan bi ago meje aaro putu Ojobo to koja yii ni awon ganfe kan ti gbe yawo Ikare-Akoko pelu ada, obe, igo ati bajinatu elenu sagila ti won si bere si ni se ijamba lorisiirisii ni agbegbe naa.

    Gege bi alaye to te Olayemi Oniroyin lowo se so, ohun ti awon omo yada-yobe naa wi ni wi pe, siamaanu NURTW eka ti Ikare-Akoko to ti n je tele naa ni yoo tun ma je lo. Itaporogan naa to ti mu emi dani, eleyii to tun fi opolopo dukia sofo ni ko ba bo sori patapata ti ki i ba se iranlowo awon olopaa digboluja ti won sare bomi pana rugudu naa.

    Oga olopaa, DPO to di agbegbe Ikare-Akoko mu, Ogbeni Musiliu Sogbade jeri si isele to waye naa. Bakan naa ni won fi da awon ara ilu loju wi pe alaafia ti pada si agbegbe naa latari iranlowo awon agbofinro.
    Orisun: Olayemioniroyin.com

  • Sambo Dasuki wo gau! Falana setan lati gbe lo si ilejo idaran ti okeere

    Agba ninu ise amofin to tun je agbejoro ti n ja fun eto omoniyan, Ogbeni Femi Falana ti seleri lati gbe oludamoran nipa eto abo fun ijoba apapo tele ri, Sambo Dasuki ati awon akegbe re ti won ka modi iwa jegudujera owo ti won seto fun rira awon eroja ogun lo si ile ejo okeere ti n ri si idaran, International Criminal Court (ICC). Falana, eni odun metadinlogota (57) lo soro yii nibi ipade kan to waye niluu Abuja eleyii ti Amnesty International se agbeteru re.
    Oludije fun ipo gomina ipinle Ekiti lodun 2007 so ninu alaye re wi pe, yato si owo to le ni bilionu meji owo dollar ( $2.1) ti won pariwo ninu awon iwe iroyin, o ni awon owo kan tun wa to ra saaarin Dasuki, Raymond Dokpesi ati Attahiru Bafarawa eleyii ti ko han si opolopo eniyan. O ni apapo owo yii n lo si nnkan bi bilionu mefa owo dollar ile Amerika ($6 billion).

    “Awon owo yii ni won seto re lati fi ra awon nnkan ija ogun eleyii ti won fe lo lati koju awon omo Boko Haram ti won yo alaafia Naijiria lenu. Sugbon awon kan gbimo po nipa iwa odaju, adanikanje, oju kokoro, wobia ati imo-tara-eni-nikan inu won lati je iru owo bee mole ti won si n tan awon ara ilu je wi pe awon ti ra awon ohun ija to ye gbogbo fun awon omo ologun ile wa.
    Opo won naa ni won si n pada pe awon omo ologun ni ole lasan-bansa ti o le ja latari akitiyan awon soja lati segun Boko Haram ti ko so eso rere,” Falana se lalaye bee.

    Falana, eni to je alaga apapo fun egbe oselu National Conscience Party lodun 2011 tun tesiwaju ninu alaye re pelu itara ati ikedun nla bi eni ofo se:” Gege bi omo Naijiria, oro naa dun mi denu egun. Ipenija nla si tun ni isele naa je fun mi gege agbejoro. Nitori mo ti ja fun eto aimoye soja ti won setan lati dajo iku fun latari wi pe won sa loju ija. Oun to mu mi maa ja fun eto won nigba naa ni wi pe, oye ye mi wi pe awon owo ti ijoba n na lati fi seranwo fun awon omo ologun ni ko debi to ye ko de. Ki lo wa de ti won pe iru awon soja wonyii ni ole danu lasan, ti won si tun gbero lati se idajo won pelu iku?”

    Falana fi da awon eniyan to wa ni ipade naa lose tokoja loju wi pe, ninu ose taa wayii ni oun yoo te pepe iwe ipejo naa siwaju ile ejo ti n risi idaran ti okeere, International Criminal Court (ICC) lori esun idaran si iran omoniyan.
    “Iwa ika owo awon wonyii koja ole jija lasan, idaran si iran omoniyan lesun won. Bi a tile n so nipa awon to wa laaye, n je e tile mo aimoye egberun lona egberun to gbe egberun pon eeyan ti won ti ku latari isele buruku yii, eleyii ti iwa odaju awon eniyan bi meloo kan ti won wa nidi isakoso sokunfa re. Gbogbo awon ti won kowo ti ijoba pese fun rira eroja ogun je pata ni won yoo foju wina ida ofin,” Falana fidi alaye re gunle bee.

    Orisun

  • Taye Ogunlaja: Won ti pa oloye omo egbe NURTW tiluu Eko

    *Won gun un lobe lorun pa ni

    Awon olopaa olotelemuye, eka ti ile ise olopaa ti n risi iwa idaran to wa ni Panti, Yaba ti bere ise iwadii to gbepon bayii lati mo odaju eda to seku pa Taye Ogunlaja, oloye NURTW nikete to jade ninu Mosalaasi kan to wa ni agbegbe Abule- Egba nipinle Eko.

    Ogbeni Ogunlaja ti enikan sadeede gun lobe legbe orun leyin irun alaasari lagbo wi pe o n mura lati rekoja lo si ilu Faranse pelu awon omo re meji ati iyawo re lati lo jegbadun opin odun mo odun tuntun to n bo lona.

    Gege bi iwadii ti OLAYEMI ONIROYIN ri kojo, okan pataki omo egbe awako (NURTW), eka ti Marina ni Ogbeni Ogunlaja je. Bakan naa la si gbo wi pe rugudu kan an sele lowo leka egbe won naa eleyii ti won pinnu lati yanju nibi ipade gbogboogbo olosoosu to ma n waye ninu egbe naa.

    Nibi ipade yii naa ni won wa ki Ogbeni Ogunlaja to jade lo josin fun oba Allah ko to di wi pe ika eniyan kan pinnu lati ran sodo oba Allah patapata nipa fifi  obe oloju meji, elenu sonso, eleyii ti won tibo egbe orun re. Ogbeni Ogunlaja ko ku loju-ese, o n japoro nile ninu agbara eje to ti kun gbogbo ile ko to re ni sun mo o.

    Iyawo oloogbe naa salaye fun awon olopaa wi pe ohun ti oko re so gbeyin lori foonu ko to lo si mosalaasi ni wi pe, wahala ti won ba awon yanju naa ko ti kesejari.

    “Lojo Alamisi to koja yii, oko mi gba ipe ori foonu lati odo okan lara awon omo egbe onimoto lati ran an leti ipade olosoosu won ti won maa n se.

    Oko mi sare woso bee lojade nile ni nnkan bi ago kan osan-an. Igba to se die mo pe e, o si fi damiloju wi pe oun ti debi ipade naa. Ohun ti oko mi tun so ni wi pe awon oro ti won ba oun so ko ye oun rara. O ni awon owo kan ti oun ko modi ni won ni ki oun maa se isiro re. O si so fun mi wi pe laipe, oun yoo fi ipade naa sile lati lo kirun,” aya Ogunlaja se lalaye bee.

    Leyin eyi ni won pe aya Ogunlaja wi pe oko re wa losibitu. Igba ti yoo fi de osibitu ti won gbe lo l’Abule-Egba, won ni won ti taari re lo si Lagos State University Teaching Hospital (LASUTH) to wa n’Ikeja nigba ti agbara osibitu ti won koko gbe lo ko kaa. Sugbon ki won to de LASUTH, ogbeni Ogunlaja ti padanu opolopo eje ninu inira nla eleyii to si mu je ipe Olorun laipe ojo.

    Aya Ogunlaja ti bere si ni rawo si awon agbofinro lati ma je ki iya naa je e lajegbe nipa sise awari ika eniya to seku pa oko re.

    Gbogbo igbiyanju OLAYEMI ONIROYIN lati kan si alarinna ile ise olopaa ipinle Eko lori oro naa lo jasi pabo.

  • Ile ejo to gaju lo ni yoo pari idaju iku Reverend King

    Ile ejo to gaju nile yii ti kede ojo kerindinlogbon osu keji odun ti n bo (26/02/15) gege bi ojo ti igbejo adari ijo Christian Praying Assembly, Reverend Chukwuemeka Ezeugo, ti gbogbo eniyan mo si Reverend King yoo ma waye.

    Reverend King yii lo pe ejo ko-temi-lorun latari ejo iku ti ile ejo giga ti ipinle Eko da fun-un.

    Ile ejo to gaju yii, nibi ti Onidaju Walter Onoghen ti n joko ni o ti sun igbejo naa siwaju nigba ti awon agbejoro fun igun mejeeji bere si ni gba oro naa bi eni gba igba oti, ti won si tun bere iyan jija niwaju adajo.

    Olori eka idajo ati komisanna fun eto idajo ipinle Eko, Onidajo Adeniji Kazeem, eni to farahan ni ile ejo naa pelu Arabirin Idowu Alakija ro ile ejo naa lati da ipejo tuntun naa nu, ki won si tele idajo ile ejo giga ipinle eko eleyii to ni ki won yegi fun maanu naa.

    Reverend King, eni to koko farahan nile ejo lojo kerindinlogbon osu kesan-an odun 2006 lori esun mefa to dale ipaniyan ati igbiyanju lati paniyan.

    Ninu awijare re, okunrin naa ni oun ko jebi awon esun naa. Sibesibe, onidajo Joseph Oyewole ti n joko nile ejo giga ilu Eko to wa ni Ikeja da ejo iku fun un lojo kokanla osu kini odun 2007 lori esun ipaniyan okan ninu awon omo ijo re, Ann Uzoh.

    Ninu esun ti ijoba ipinle Eko fi kan Reverend King lo n wi pe, okunrin naa da epo bentiro si ara awon eniyan marun-un kan. Lara awon eniyan naa si ni Uzoh to doloogbe lojo keji osu kejo odun 2006 wa latari isele to sele sii lati owo Reverend King .

    Orisun

  • IROYIN OWURO ose yii ti jade oooooooo

    Ese ‘o gbero ni Ikenne
    Paradise ni mama wa bayi – Pst Adeboye
    Opelope Mama Kapenta nii nba je – Pst Bakare

    Okunrin to feran ibalopo pelu
    okunrin farahan ni Abeokuta

    Oju to maa ti awon ti won nbu
    ijoba mi – Rauf Aregbesola

    Abike Dabiri fe ki awon
    obinrin ti okunrin ba fipa
    lopo maa so tenu won sita

    Lati odun kewaa gbako, awon agbegbe
    kan ko ni ina monamona ni Ibafo
    * Lai ni transformer, Liberty Estate tiraka ra opo ina bii ogbon
    * Won pa ejo rapata kan nibe

    Arepo lo je k’epo won ni Naijiria

    Ekun Iyawo gbe asa
    ati ede wa laruge
    * O ti fe di agbelewo

    Emi ko tii ku o.
    Mo wa laye,
    mo wa laaye
    – Alabi Yelo
    * O ti di
    efangeliisi
    bayii

    IFOLORUNSHO ALAKIJA: Obinrin to lowo julo ni Naijiria
    * Eko pataki ninu itesiwaju ati oriire reg

    Awon omobinrin ti ko
    m’okunrin s’ojoobi fun
    Princess Adediran

    Ibo Kogi di yanpon-yanrinbati oloronbo lo lemi kuro l’Eko Akete – Alujo Rasheed

    Ilu nla gan-an ni ilu Anifowoshe
    Ayipada rere yoo ba ilu Anifowoshe
    – Hon. Fatai Anifowoshe

  • E wo ohun ti Gomina Ambode ko fun awon agbofinro ilu Eko


    Gomina Ambode ti ilu eko ti ko opolopo ohun elo bi moto, oko ojuomi, oko ofurufu ati okada fun awon agbofinro ipinle naa lati le gbogun ti iwa idaran ni ipinle naa. Minisita fun eto abenu, Rahman Dambazzau lo soju Aare Buhari nibi ayeye naa.

  • Ojulowo-ogidi iya je awon ole ti won mu ni Mowe

    Ojo gbobo ni tole, ojo kan pere ni tolohun. Owo palanba awon igara olosa kan segi laaro ana ni agbegbe Olowotedo Mowe to wa ni masose Eko si Ibadan. Ikanra ni awon eniyan agbegbe naa fi na awon ole taa wi yii jalajala ko to di wi pe won fa won le agbofinro lowo.

  • Eto idibo gomina ipinle Kogi di fopomoyo

    *Faleke n binu, ara ilu n sofo
    *Iwe ofin ruju mo awon amofin loju
    *Won tun ni kan fomo Audu je gomina apapandodo

    Leyin iku Abubakar Audu, oludije fun ipo gomina labe egbe oselu APC nipinle Kogi, eni to jade laye nikete ti ajo INEC kede wi pe eto idibo gomina to waye nipinle naa ku sibi kan, ni isele naa ti di ohun ti awon onwoye lagbo oselu ati eka imo ofin ti n forigbari nipa ona abayo si awon isoro to le tenten bi igba ti won fi lori omi.

    Ninu eto idibo to waye lojo kokanlelogun osu kokanla odun yii (21/11/15) ni Audu to je oludije labe egbe oselu APC ti n lewaju pelu iye ibo 240,867. Nigba ti akegbe re lati inu egbe oselu PDP, eni to tun je gomina ipinle naa, Idris Wada, ni iye ibo 199,514 ko to wa di wi pe ajo INEC kede wi pe eto idibo naa ku sibi kan latari kudiekudie to waye ni awon ibudo idibo ti apapo iye won je mokanlelaadorun (91).

    Lara awon ibeere to n ja rainrain nile ni wi pe, se ogbeni James Faleke to je igbakeji oloogbe Abubakar Audu ninu eto idibo to waye naa ni yoo maa tesiwaju gege bi oludije ipo gomina lati pari awon agbegbe ti eto idibo naa yoo tun ti waye?

    Gbogbo inu iwe ofin Naijiria ti odun 1999 ti a n samulo ni awon agba amofin yewo yebeyebe lai ri ogangan abala to soro ba iru isele to sele ni Ipinle Kogi. Won ni iru isele bee je ajoji, eleyii ti idahun san-ansan nipa re ko jeyo rara nibikibi ninu iwe ofin ile wa naa.

    Ohun to si mu isele naa takoko ko ju wi pe, won ti dibo naa pari ni awon agbegbe kan, nigba ti eto idibo ko kesejari ni awon agbegbe mi-in eleyii to mu INEC so wi pe awon ibo naa ku sibi kan. To ba je wi pe won ti kede eni to jawe olubori ni, oro naa ki ba ma ti lojupo bi ese telo.

    Ninu oro Amofin, Abdul Mahmud, amofin to mo tifuntedo ofin ile Naijiria, so wi pe abala to soro ba iru sele Kogi menuba gomina ti won ti yan sipo, ko so nipa eleyii ti won nibo re ko ti kesejari latari wi pe o ku sibi kan.

    “Oro to wa nile yii takoko gidi gan-an. Iwe ofin odun 1999 ati agbekale ofin to ni i se pelu eto idibo ile yii ko yannana apeere iru isele to sele ni ipinle Kogi. Ajo INEC kede eto idibo naa gege bi ibo to ku sibi kan, nipa eleyii, Section 181(1) ti ofin ile Naijiria todun 1999 ko wulo,” Ogbeni Mahmud se e lalaye bee.

    Gegeg bi agbekale abala mokanlelogosan (Section 181) ofin ile Naijiria todun 1999 se se agbekale re, ori kinni so wi pe, ti gomina ti won ba dibo yan ba ku saaju ojo ibura gege bi iyansipo gomina, tabi ohunkohun to sele ti won ko fi ni le bura fun un, eni to je bi igbakeji re ni won yoo bura fun gege bi gomina. Eni naa ni yoo si pada yan igbakeji tuntun pelu ibuwolu idameji ninu meta ile igbimo asofin ipinle naa.

    Labe agbekale ofin ti amofin Mahmud n soro o ba loke yii ni i se pelu oludije to ku saaju eto ibura iyansipo. Sugbon nipa ti isele to sele ni Ipinle Kogi, eto idibo ti bere, eto idibo naa si ku die ko pari ni oludije naa jade laye.

    Sugbon ninu ero amofin Jiti Ogunye, ti o oun naa je okan lara awon amofin ti won mojuleja iwe ofin ile Naijiria, oun gba wi pe ko ye ki idaduro o wa rara, o ni oye ki ajo INEC tesiwaju ninu eto idibo naa ki won si kede eni to bori.

    “Kii se Audu ati Wada nikan ni oludije ti n du ipo gomina. Awon egbe oselu ti won si n kopa ninu eto idibo naa koja APC ati PDP,” Ogunye fi kun oro re bee.

    Ju gbogbo re lo, minisita fun eto idajo, Abubakar Malami, ti so di mimo fun gbogbo elekajeka ti oro naa kan wi pe, pelu bi oro se ri yii, egbe APC ni lati fa elomii kale ti yoo ropo Audu Abubakar to doloogbe. Nigba ti iyoku ibo ni awon ibudo ibo ti won fe tun di yoo si maa tesiwaju.

    Lara awon awuyewuye to tun jeyo ni bi awon egbe ti won polongo idibo fun oloogbe Audu Abubakar se n wi pe omo oloogbe, Mohammed Audu, ni ki egbe fa kale lati ropo baba re. Lara awon ti won kin oro yii leyin ni gomina ipinle Abia nigba kan ri, Orji Kalu.

    Yato si eleyii, awon agbaagba egbe APC lati ekun ila-oorun ipinle Kogi naa ti kede atileyin won fun Muhammed, eni odun metalelogoji (43) to je akobi omo Audu Abubakar.

    Sugbon ninu oro ti alaga fun egbe APC lapapo, oloye John Oyegun, fi da awon eniyan loju wi pe egbe APC ti ipinle Kogi yoo lo tun ibo abenu mi-in di lati mo asoju egbe naa ti yoo ma tesiwaju gege bi oludije.

    Igbese ti egbe APC n sise le lori yii lo gbeyin yo nigba ti igbakeji Audu Abubakar, James Faleke, fi ibinu ko leta si alaga ajo INEC, Mahmood Yakubu. Faleke ni ohun ni gomina ti ilu dibo yan niwon gba ti Audu Abubakar ti silebora. O tun fi kun un wi pe, ajo INEC ko leto lati kede eto idibo naa gege bi eto idibo to ku sibi kan niwon igba to ti foju han wi pe egbe APC lo wole.

    “Ti a ba ni ka foju inu wo daada, ko ye ki oludije tuntun wa jere ibo ti awon eniyan ti di sile, eleyii ti won ti ka si ara ilu leti saaju ki won tile to yan irufe oludije tuntun bee,” leta yii ni amofin Wole Olanipekun ko ni oruko ogbeni Faleke.

    Falake ko sai tun fi kun un wi pe oun ni gomina ti ilu sese yan, ni o si dara ki ajo INEC tete se atunse ni kiakia.

    Ninu oro ti akowe ipolongo fun egbe PDP, Olisa Metuh fi sita, o ni nipa wi pe oludije labe egbe oselu APC padanu emi re ni akoko idibo naa fidi re mule wi pe egbe PDP ti jawe olubori. O si kesi ajo INEC lati kede Idris Wada gege bi olubori ati eni ti yoo je gomina tuntun.

    “Ka maa se pasipaaro oludije laaarin meji eto idibo ki i se ohun ti a ri ka ninu iwe ofin ile Naijiria rara. Iku oludije APC fi da wa loju wi pe won ti padanu idije fun ipo gomina ipinle Kogi,” Metuh fi kun oro re bee.

    Ogbeni Metuh ko sai pe fun ikowefiposile minisita fun eto idajo, Abubakar Malami, pelu bo se si ajo INEC lona nipa wi pe ki egbe APC yan oludije tuntun.

    Lori oro yii kan naa, Gomina Ayodele Fayose ti ipinle Ekiti ti naka aleebu si Aare Buhari gege bi enikan to n lo minisita fun eto idajo, Malami, lati dori oro kodo mo ajo INEC lowo. Oro yii ni Fayose so lati enu oludamoran re nipa oro-to-n-lo ati iroyin ayelujara, Ogbeni Lere Olayinka.

    Ninu eto idibo abele eleyii ti egbe APC ti ipinle Kogi n mura lati se, awon onwoye lagbo oselu so wi pe oseese ko je Alhaji Yahaya Bello ni o jawe olubori. Alhaji Yahaya ni eni to gbe ipo keji ninu eto idibo abele to mu Audu je asoju egbe APC. Ninu eto idibo abele egbe APC naa, Audu ni iye ibo 1,109 nigba ti Yahaya ni iye ibo 703.

    Wayio, ojo karun-un osu kejila odun yii (5/12/15) ni afojusun awon omo ipinle Kogi, eleyii to je ojo ti ajo INEC kede gege bi ojo ti eto idibo naa yoo maa tesiwaju ni awon ibudo idibo ti won fagile fun atundi ibo.

    Orisun: Olayemioniroyin.com

  • Kini ijoba n se nipa awon ti n se ayederu?

    Orisun iwe Iroyin
    Iroyin yii kii se tuntun, yoo si ti to bi osu kan o le die ti asiri awon to n se ayederu elerindodo Coca Cola ti jade. Sugbon iru awon iroyin bayii, a kan maa n gbo naa ni. To ba ya, ategun yoo fe koja lori won, a ko si ni gbo ohunkohun nipa re mo.
    ayederu

    Ibeere ti Olayemi Oniroyin n beere ni wi pe, iru ijiya wo ni won se fun awon ti won se iru ise bayii? Kini ijoba n se lati dekun ayederu nisise lawujo wa? Aimoye ayederu oogun oyinbo lo kungboro to n seku pa awon mekunnu ni joojumo.

    Bakan naa lomo se sori ti a ba n so nipa fiimu agbelewo. Gbogbo igba ni awon to n se fiimu tiata n kigbe wi pe ere ise owo awon, awon ika eniyan lo n gbadun re. Bawo ni orileede se fe tesiwaju ti a ba n gbe iru igbe aye bayii?

    Kini e lero wi pe ijoba lese? Iru ijiya wo ni ijoba le gbe kale fun awon ti won ba ba nidi iru ise buruku yii?

    Olayemi Oniroyin maa dake nibi naa. Sugbon tewure ba bojuweyin, dandan ni yoo bu epe felepe.