Inu fiimu wo ni foto yii ti jade?
Category: Aarin Buzi
-
Alaafin Lamidi gbalejo Owa Obokun nilu Oyo
Oba Lamidi Adeyemi III, Alaafin tilu Oyo gbalejo Oba (Dr.) Adekunle Aromolaran, Owa tilu Ilesa ni aafin tilu Oyo
-
Awon foto lati ibi iwuye Oba Adeyeye Enitan, Ooni ti Ile-Ife (Apa-Keji)
Oba Babatunde Enitan Adeyeye Ogunwusi Ojaja II
-
Gobe sele lagbo Davido
Orisiirisii ara ni awon omo olorin igbalode maa n da lagbo ere orin. Iru ara bee ni bi ki won bo aso lorun ki won si ju si aarin ero onworan. Awon mii a maa bo alakorun danu soju agbo lati fi ife han. Nigba mii ewewe, won maa da bi oti tabi omi inu ike si awon ero ti n je igbaladun won loju agbo ariya.
Iru asa yii naa ni Dafidi omo Adeleke ti gbogbo eniyan mo si Davido da lara lagbo ere re kan ni Ilu Burkina Faso. Alase ile ise orin HKN da omi inu ike si ara awon ero onworan nibi o ti n korin. Nibi ti Davido ti n fo soke ti n yo bi eni iya re bimo tuntun ni maanu giripa kan ba jade wa ba a lori pepe laaarin awon ero.
O gba omo baba olowo laso mu girigiri, bee ni i gbo jigijigi, to si n bi leere idi to fi n da omi si oun lara. Opelope awon osise alabo omokunrin olorin naa, ese nla rigidi ti maanu naa gbe soke ko ba sokale sori gongo imu Davido baba Imade nibi o ti n jo Skelewu pelu sokoto re to gbe si bebere-idi.
-
Awon Foto Alaafin Oyo niluu London
Alaafin ti bere ayeye odun marunlelogoji (45) lori oye pelu idije ese kikan niluu London
Olayemi Olatilewa
Oba (Dr) Lamidi Olayiwola Atanda Adeyemi III ti bere ajoyo ayeye odun marunlelogoji (45) to gori ite awon baba nla baba re lode Oyo. Ayeye yii to ti bere lojo kinni osu kejila odun yii niluu London, nigba ti asekagba re yoo maa waye laafin Oba Lamidi lojo kerinla osu kini odun to n bo nibi ti awon oba alaye kaakiri ile kaaaro-o-ji-i-re yoo ti ma ye baba si pelu aimoye olorin ibile.
Ayeye odun marunlelogoji yii lo ti bere niluu London lojo kinni osu yii ni kete ti Alaafin wo ilu London pelu omo re, Omooba Akeem Adeyemi. Aimoye awon omo Yooba pelu awon osise ile ise asoju ile Naijiria ti won wa niluu Oba ni won tu jade lati se ayesi oba to je leyin ti Gbadegesin Ladigbolu II goke aja. Lati papako ofurufu ni awon eniyan ti kowo rin lo si ile Alaafin, ile alarambara to duro ganga soke, eleyii to kale si Marlin Statford, 2 Millstone Close nigboro ilu London.
Aimoye orisiirisii eto ti won la kale fun ayeye yii ni won ti n fowo ba lokookan ejeeji lati ojo kinni osu yii ti omo Adeyemi Adeniran ti wolu obabirin Elisabeeti. Lara won eto naa ni idiji ese kikan oloresore laaarin Oba Lamidi ati Larry Ekundayo, ogbontarigi omo Naijiria afeseku-bi-ojo, eni to gbe ami eye African Boxing Union Welterweigh dani. Leyin ere idije naa ni Larry gbe ami eye re to gba naa fun Alaafin lati fi saponle re fun ayeye odun marunlelogoji to pe lori oye.
Bakan naa Oba Lamidi farahan lori Sky Sport Studio, Ben Television ati Oodua Voice Radio nibi to ti n ro awon omo Yoruba ti won gbe niluu Oba lati ma so omoluabi won nu. Bakan naa lo tun ro won lati ma gbagbe orisun won eleyii to je ojulowo ju lo.
Gege bi akosile itan ilu Oyo se so, ojo kejidinlogun osu kokanla odun 1970 ni Oba Lamidi de ade oba ilu Oyo nigba ti alase Western Region nigba naa, Colonel Adeyinka Adebayo fi opa ase le e lowo lati maa dari ilu Oyo. Oba Olayiwola, eni odun metadinlogorin (77), ni yoo si je oba eleeketalelogoji (43) ti yoo je Alaafin ilu Oyo.
Gege bi oro Omooba Akeem Adeyemi, omo Alaafin Oyo, eni to tun je okan lara awon omo ile igbimo asoju-sofin l’Abuja se so, o ni ayeye odun marunlelogoji oba Lamidi lori oye eleyii to bere niluu London dabi igba ti eniyan ba woran mariwo lasan. “Mariwo leleyii, egungun to je baba mariwo ni eyi ti o sele lode Oyo lati fi ye baba si. Baba je eni kan to lemi ifinsi ati ododo, eleyii si wa lara awokose rere fun iru awa,” Hon Akeem ti gbogbo eniyan mo si Skimeh lo so bee.
Omooba Akeem, eni to n duro bi olowo-otun Ikubabayeye niluu London tun fi da awon eniyan loju wi pe, awon akowe iroyin baba yoo tun maa kede laipe nipa awon eto ti yoo waye nigba ti Alaafin ba pada wale. O ni aimoye eto lo ti wa nikale, eleyii ti yoo si maa lo titi ti asekagbe re yoo fi waye lojo kerinla osu kinni odun ti n bo.
-
Oba’binrin Asa Solaade Iyaasa: Ohun IFA ati Iwure
ÒÒṢÀ ÒKÈ, ÌBÀ
IFA ni ti a ba ji a ki OLU
OLU moji mo ki o loniIFA ni to a ba ji a ki Osin, osin moji mo ki o loni
ELA ni kan ni somo bibi inu Agbomiregun
Nigba to n ti ode orun bowa si ode isalaiye, ebo ni won ni koseWon ni k’oru igunnugun ki ile aiye re o le bagun
Won ni k’oru Eye osin ko le ba di eni apesin
Won ni koru epo ela ko le ba la
Won ni koru Eran oya ki ibi gbogbo ko le baaya leyin re.O gbebo nibe o si ru, emi naa ru temi oo
Emi ti ru igungun, ifa je ki ile aye mi k o gun
Emi ti ru eye osin, ifa Je ki ndi eni apesin
Emi ti ru epo ela, ifa je ki nba won la ni ode isalaiyeEmi ti ru eran oya, ifa je ki gbogbo aburu aye,ijamba ati gbogbo arun ko ya lẹyin mi.
Mo wa ṣe niwure wipe gbogbo wa la o dẹni apesin, a o ni bọjọ ọlọjọ lọ, igba ile wa a roju, awo ile wa a raaye, aiye o ni fẹgba fun wa lounjẹ oo, a o ni báwọn rajo alọide, awa ti a ri ibẹrẹ ọdun yii la o ri opin rẹ pẹlu ire gbogbo.
E ku ọjọ mẹta oo
-
Awon Foto Kunle Afolayan niluu Kenya
Die ni yii ninu ibudo ere fiimu tuntun Kunle Afolayan, The CEO, ni ilu Nairobi to wa ni Kenya.
-
Oju oge orekelewa iyawo K1 oba Fuji tasansan
Titi Masha ni yii, okan ninu awon orekelewa obirin ti K1 de Ultimate fi n segbaladun niyewu. Titi rewa pupo lobirin, oju re ri rekete bi ojo, ibadi aran ti n danilorun nigba gbogbo. [Olayemi, ara n fu mi si o]
Gege bi iwadii Olayemi Oniroyin, Titi wa lara awon iyawo oba Fuji to wa lojuopon bayii, obirin naa si ni alase ati oludari Fathia Fabrics to wa ni Surulere eleyii to kale silu Eko Oba Akinolu.
-
Foto: Saheed Osupa Mr Designer
Awon eniyan oba ni Osupa ti mura tan lati gbe awo orin re tuntun jade. E le ka iroyin naa NIBI. Eniwee, mo sakiyesi wi pe awon aso okeere maa n mu oju osupa dabi odomode nigba ti awon aso ibile wa maa mu dabi baba agbalagba.
