Àṣà Oòduà

Tag: iroyin

  • O̩ló̩run sì máa gbè̩san ikú bàbá mi – O̩mo̩ o̩ko̩ olóyún

    Olorun si maa gbesan iku baba mi – Omo ojo Oloyun
    Ojo ketalelogun osu kin-in-ni odun yii ni awon adiha-Moran kan lo yinbon pa Alhaji Fatai Yusuf ti gbogbo eniyan mo si oko oloyun.


    Lati igba naa ni awon olopaa ti n se iwadii awon to se ise ibi naa.
    Akoroyin iwe iroyin PUNCH lo se alabapade Kehinde Yusuf to je omo oloogbe naa.

    Kehinde soro ile kun, o ni ju gbogbo re lo, o da oun loju to ada pe Eledua si maa gbesan iku baba oun lara awon eniyan buruku naa.


    O ni baba oun ko ki n ba eniyan ja bee ni ko ki n ba eniyan ta. O ni jeje ni baba yii maa n lo, ti o si maa n mura si bi okowo re se maa gberu sii.
    Kehinde ni oun gege bi omo Naijiria ko reti abajade lodo awon olopaa sugbon oun ni igbagbo ninu Olorun.

    O tun ni ebi oun gan-an ko gbe awon to pa baba naa sokan bi ko se bi awon se maa te siwaju. Bi awon se maa rii pe eto eko oun ati awon aburo oun ko duro nitori pe awon po die.


    O ni ko rorun fun mama oun nikan lati to ono mewaa sugbon awon ni igbagbo ninu Olorun. O ni ipade lorisirisii ti n lo lati le foju to gbogbo idasile baba oun naa. O ni awon ko fe ki okankan parun rara.


    O ni ara eko ti baba awon fi ko awon ni ki awon tepa mose nitori pe atelewo eni ko ki n tan ni je. O ni baba naa ni ki awon tun sun mo Olorun, ki awon maa ke pee ni gbogbo igba.


    Kehinde ni ko si eni ti iku baba naa ko dun ninu ebi oun, o kan je wi pe o dun oun gan-an ni nitori pe oun ni oun di eru baba naa ti oun si gbe si inu moto won, o ni sadede ni iroyin buruku naa kan oun lara ni ojo keji pe won ti yinbon pa baba naa.

    O ni bi ala lo ko ri ki awon ipe to maa wole lorisiirisii ti awon eniyan si tun bere si ni wo wa si ile awon.


    Kehinde ni eyi je ki o pe die ki oun to le pada si ile-iwe nitori pe oun kan sare wale ni ireti ati pada kiakia ki isele naa to sele.

  • Covid-19 ló sàkóbá fún isé̩ e̩gbè̩rùn kan, ìjo̩ba ìbíle̩ kan – Festus Keyamu

    Covid-19 ló sàkóbá fún isé̩ e̩gbè̩rùn kan, ìjo̩ba ìbíle̩ kan – Festus Keyamu
    Yínká Àlàbí

    Agbejoro agba to n ja fun eto omoniyan to tun je minisita eto ise fun ipinle, Festus Keyamu lo n salaye fun awon oniroyin nipa aseyori Buhari.

    Keyamu ni “oro kanle kan baale, yoo kan jeje ni mo jokoo mi”. O ni akoba kekere ko ni ajakale arun coronavirus se fun orileede yii.


    O ni ibi ti ijoba kankan ko ronu de ni ijoba Buhari ronu de fun odun merin eleekeji yii. O ni eto ise egberun eniyan ni ijoba ibile kookan ni orileede yii. A si ni ijoba egberin din merindinlogbon (774).

    Keyamu ni ijoba si ti seto egberun lona ogun naira fun enikookan losu. O ni eto yii si maa mu banki merin dani, o ni ajosepo awon banki yii lo maa din inawo naa ku.

    O ni awon eniyan yii kan maa lo foruko sile ni awon ile ifowo-pamo-si yii. Nomba idanimo (BVN) won ni won fi maa san owo fun won. Eyi ko si tun ni fi aaye ki eniyan kan gbowo eniyan meji dani.


    Minisita yii ni ibanuje gidi lo je bi ajakale arun yii se wolu ti ko je ki gbogbo agbaye mo “odo ti won maa da orunla si”.

    O ni ju gbogbo re lo, ijoba apapo ko ti da eto gidi naa nu. O ni eto naa si n mumu laya ijoba apapo ti o si maa bere laipe.

  • Ìṣẹ parí fún òṣìṣẹ́ tó bá gbé àṣírí Ìjọba jáde lọ́nà àìtọ́—Ìjọba àpapọ̀

    Ìṣẹ parí fún òṣìṣẹ́ tó bá gbé àṣírí Ìjọba jáde lọ́nà àìtọ́—Ìjọba àpapọ̀

    Ṣé àwọn àgbà bọ̀ wọ́n ní, ìlú tí kò sófin, ẹ̀sẹ̀ kò sí níbẹ̀, gẹ́lẹ́ bẹ́ẹ̀ ni ọ̀rọ̀ Orílẹ̀ yìí dà báyìí, bí Ìjọba àpapọ̀ se ni ìwé ìdádúró ni òun yóò fún ẹnikẹ́ni tí aje ìwà ìbàjẹ́ gbígbé ìwé àti àṣírí ìjọba síta lórí ayélujára lọ́nà àìtọ́ bá sí mọ́ lórí.

    Ó ní ìwé ìjọba kan tó fara hàn lórí ayélujára láìpẹ́ yìí níbi tí o ti fi ìwé wá wí tẹnu ù rẹ sọwọ́ sí akọ̀wé ilé iṣẹ́ àpapọ̀ kan jẹ́ èyí tó tini lójú gidigidi.

    Olórí òṣìṣẹ́ ìjọba àpapọ̀ Ọ̀mọ̀wé Folashade Yemi-Esan ló fi ìpè náà síta pé ẹnikẹ́ni tí ìjọba ba mú yóò fẹnu fẹ́ra bí abẹ̀bẹ̀.

    Ìkìlọ̀ yìí kò sẹ̀yìn ìwé ìkìlọ̀ tí wọ́n fun akọ̀wé àgbà ilé iṣẹ́ tó ń rí sí ìmọ̀ sáyẹ́nsì Mohammed Bello Umar fún ríra ilé tí wọn ò kọ́ tán ní bílíọ́nù méje náírà fún ilé iṣẹ́ tó ń rí sí nǹkan ọ̀gbìn bó ṣe lu síta lórí ayélujára.

    Olórí òṣìṣẹ́ ìjọba àpapọ̀ ní Umar ló mójú tó ìdúnadúrà náà lásìkò tó jẹ́ akọ̀wé ilé iṣẹ́ nǹkan ọ̀gbìn

    Bákan náà ló ní akọ̀wé ọ̀un tún gbé iṣẹ́ ẹ gbígbẹ́ kànga ìgbàlódé méje síta ní bílíọ́nù kan ó lé díẹ̀ lọ́nà àìtọ́.


    Ìdáhùn Umar tó fi ṣọwọ́ padà sí olórí òṣìṣẹ́ níbi tó ti fèsì pé irọ́ pọ́nbélé ni gbogbo ọ̀rọ̀ náà tún jẹ jáde lórí ayélujára bákan náà.

    Ọ̀rọ̀ tí Ààrẹ Muhammadu Buhari kà sétí ìgbọ́ ọmọ Nàìjíríà ní ọjọ́ kejìdínlọ́gbọ̀n oṣù kẹrin lórí àrùn Covid19 ti ṣaájú Ààrẹ dé orí ayélujára wákàtí díẹ̀ kí Ààrẹ tó dórí afẹ́fẹ́.


    Ẹ̀wẹ̀ Yemi-Ẹsan ṣàpèjúwe àwọn nǹkan wọ̀nyí gẹ́gẹ́ bíi nǹkan tó burú jáì lẹ́nu iṣẹ́ ìjọba tó sì pè fún yíyọ eni tí aje ọ̀rọ̀ náà bá sí mọ́ lórí ní ṣẹ́, gẹ́gẹ́ bí òfin iṣẹ́ ìjọba ṣe gbé e kalẹ̀.

    Gbogbo ẹ̀ka ìjọba pátá ní ọ̀rọ̀ náà kàn.

    Fẹ́mi Akínṣọlá

  • Àjo̩ NCDC mú mé̩ta nínú oògùn ìbíle̩ fún ìwòsàn covid-19

    Àjo̩ NCDC mú mé̩ta nínú oògùn ìbíle̩ fún ìwòsàn covid-19
    Yínká Àlàbí

    Ajakale arun ti gbogbo eniyan ro pe ko ni pe fi orileede yii sile, lo ti ko ti ko lo mo yii. Eyi lo wa bere si ni ko gbogbo aye lominu paapaa orileede Naijiria.


    Awon ajo NCDC to n gbogun ti arun coronavirus pokan po lati wo bi won se le fi owo ile too.


    Ajo awon onisegun ibile parapo, won sin pa itu meje ti ode n pa ninu igbo pelu egboogi won. Won salaye re replete, ninu eyi ti alaye re ye gbogbo awon ajo yii ni won ti mu meta ninu won.


    Iwadii to gbopan si n lo lowo bayii lori awon meta ti won mu fun iwosan arun covid-19

  • Àwo̩n aké̩kò̩ó̩ máa wo̩lé láìpé̩

    Àwo̩n aké̩kò̩ó̩ máa wo̩lé láìpé̩

    Gbogbo igbiyanju ni awon ajo eto eko ti wa ninu awon ajo NCDC n se bayii lati le je ki awon akekoo wole eko won.


    Oro arun coronavirus yii ti su gbogbo aye. Ile ti su awon akekoo, awon ile-iwe aladaani n gbiyanju eto eko ori ayelujara, bi o tile je pe “oju apa ko jo oju ara”. Eto eko oju ofurufu ko rorun bii ti ojukoju.


    Bi awon akekoo se n saroye pe eto eko naa ko da bii ki awon ri akegbe awon ni awon oluko naa ni “ki owo ma dile lasan ni”.


    Awon oluko kan tile ni awon ise kan ko tile see fi ogbon ko rara loju ofurufu, awon ise bii aworan yiya, ina dida, abala isiro Kan ati gbogbo ise to nilo ki awon akekoo dan wo loju oluko.


    Awon obi gan-an n saroye nipa ohun ti eto eko ayelujara naa n gbe lo lapo won nipa data rira, epo petiro ati awon nnkan miiran. Awon obi ni bee ni ko si owo lowo.


    Eyi to tun wa dun awon oloju aanu ju ni awon akekoo ile iwe ijoba ti ko si anfaani foonu tabi komputa fun rara.


    Eyi naa mumu laye ijoba apapo nitori opo awon oluko ile-iwe aladaani ni won je, ko sise, ko sowo fun. Ipade osan ati oru ti n lo lati wo bi awon Kan se maa lo ile-iwe ni aaro ti awon Kan maa lo losan lati le din ero ku die.

    Ìròyìn láti o̩wó̩ Yínká Àlàbí

  • Èsì àyẹ̀wò tuntun Nàìjíríà fihàn pé “313” èèyàn ti gbàlejò Kofi 19 …àjọ NCDC

    Èsì àyẹ̀wò tuntun Nàìjíríà fihàn pé “313” èèyàn ti gbàlejò Kofi 19 …àjọ NCDC

    À fi kí á bẹ Ọlọ́run kó bá wa dásí ọ̀rọ̀ àjàkálẹ̀ àrùn ajániláyà pàtì yìí, bí àwọn tó ní kòrónáfairọ̀ọ̀sì ní Nàìjíríà ti ń peléke sí i báyìí,lẹ́yìn tí àjọ NCDC tún kéde okòólélọ́ọ̀dúnrún dín méje èèyàn tí èsì àyẹ̀wò wọn sẹ̀sẹ̀ jáde.

    Ní báyìí, èèyàn ẹgbẹ̀rún méje, àti . òjìlélẹ́gbẹ̀rin dínkan (7839) ni àkọsílẹ̀ wà pé ó ti ní àrùn náà ní Nàìjíríà.

    Àkójọpọ̀ àwọn ìpínlẹ̀ tí èsì tuntun náà ti wá nìyí.

    Àjọ tó ń mójútó àjàkálẹ̀ arun l’órílẹ̀èdè Nàìjíríà, NCDC, kéde pé ènìyàn igba àti márùndínláádọ́rin ni àyẹ̀wò fihàn pé ó tún ní àrùn ni apinni léèmí Kòrónáfairọ̀ọ̀sì Naijiria.

    Nínú èsì àyẹ̀wò náà, ìpínlẹ̀ Èkó ní èèyàn mẹ́taleláàdóje, Ọ̀yọ́ ní mẹtàlélọ́gbọ̀n, Edo sì ní méjìdínlọ́gọbn.

    àwọn tó ti ní l’órílẹ̀èdè Nàìjíríà jẹ́ ẹgbẹ̀rún méje, àti ẹ̀ẹ́dẹ́gbẹ̀ta lé mẹ́rìndinlọ́ggbọ̀n (7526).

    Ẹgbẹ̀rún méjì àti mẹ́rìnléláàdọ́sàn (2174), ti rí ìwòsàn, okòólérúgba lé kan (221) sì ti kú.

    Fẹ́mi Akínṣọlá

  • Ààrẹ Buhari dijú lé Ọ̀gá Àjọ NECO àti àwọn mẹ́rin mìíràn tó jàjẹbánu

    Ààrẹ Buhari dijú lé Ọ̀gá Àjọ NECO àti àwọn mẹ́rin mìíràn tó jàjẹbánu

    Ààrẹ orílẹ̀-èdè Nàìjíríà, Muhammadu Buhari ti fi ọwọ́ òṣì júwe ilé fún adarí àjọ elétò ìdánwò àṣekágbá ti girama, NECO àti àwọn mẹ́rin mìíràn lórí ẹ̀sùn pé wọ́n ṣe màgòmágó.

    Nínú àtẹjáde tí Ààrẹ Buhari fi léde ló ti ní Ọjọ́gbọn Charles Uwakwe, Bamidele Olure, Shina Adetona, Tayo Odukoya àti Babatunde Aina ni wọ́n ti kọkọ fún ní ìwé lọ gbélé rẹ fún ìgbà díẹ̀ kí wọ́n fi ṣe ìwádìí fínífíní ẹ̀sùn ìwà àjẹbánu tí wọ́n fi kàn wọ́n.

    Wọ́n ní Uwakwe jẹ̀bi ẹ̀sùn lílo owó àjọ náà básubàsu gẹ́gẹ́ bí òfin àjọ náà ti ọdún 2007 sẹ tako ìwà àjẹbánu bẹ́ẹ̀.
    Ààrẹ wá késí i láti dá gbogbo ẹrù Ìjọba tó wà ní ọwọ́ rẹ̀ padà fún adelé darí àjọ náà tó wà níbẹ̀ lọ́wọ́lọ́wọ́.

    Bákan náà nínú àtẹjáde ọ̀hún ni wọ́n sọ pé Arákùnrin Bamidele Olure tó jẹ́ adarí ẹ̀ka ìṣúná ní àjọ NECO ló jẹ̀bi ẹ̀sùn ṣíṣe owó àjọ náà tó wà ní ìkáwọ́ rẹ básubàsu, tí kò sì yẹ ní adarí ẹ̀ka náà mọ́.

    Ọ̀mọ̀wé Dókítà, Shina Adetona ni wọ́n fẹsun kàn ní tirẹ̀ pé ó ṣe jibiti, tó sì ṣe màgòmágó pẹ̀lú àkọsílẹ̀ àwọn òṣìṣẹ́.

    Tayo Odukoya ní wọ́n lé nítorí òun náà ṣẹ màgòmágó tó tako òfin àjọ náà, nígbà tí wọ́n sì lé agbẹjọ́rò Babatunde Aina nítorí ó yí àkọsílẹ̀ ‘pàdé, tí ó sì ṣe màgòmágó nípa títa ilé ìgbé àjọ náà.
    Bákan náà ni Mínísítà fún ètò ẹ̀kọ́, Mallam Adamu Adamu wá pàṣẹ fún àwọn adarí àjọ náà láti bẹ̀rẹ̀ ìgbésẹ̀ láti gba gbogbo owó tí wọ́n fi ọ̀nà èrú gbà padà lọ́wọ́ wọn.

    Tí a kò bá gbàgbé, Ọjọ́ Kẹwàá, Oṣù Karùn ún ọdún 2018 ni Ìjọba kọ ìwé lọ gbé ilé rẹ fún ìgbà díẹ̀ sí Ọ̀jọ̀gbọ́n Uwakwe fún ìwádìí ẹ̀sùn jẹgúdújẹrá tí wọ́n fi kàn án àti àwọn meji míràn.

    Fẹ́mi Akínṣọlá

  • Ọmọọsẹ́ tó súnmọ́ mi jù lọ satọ́nà bí wọ́n se jí ìbejì mi gbé — Akewugbagold

    Ọmọọsẹ́ tó súnmọ́ mi jù lọ satọ́nà bí wọ́n se jí ìbejì mi gbé — Akewugbagold

    Ṣé wọ́n ní olè kò ní jàgbà, kó má kó fìrí, bẹ́ẹ̀ bíkú ilé ò pani,yóó sòro díẹ̀ kí kú tòde pààyàn . Ọ̀rọ̀ kò rí bẹ́ẹ̀ ni gbajúgbajà onímọ̀ nípa ẹ̀sìn Islam, Sheikh Taofeeq Akeugbagold tú pẹrẹpẹ́rẹ̀ ọ̀rọ̀ nípa irú èèyàn tí amúgbálẹ́gbẹ̀ rẹ̀, Opeyemi Oyeleye jẹ́.
    Ẹni yìí ni afurasí táwọn Ọlọ́pàá ló ṣe kòkàárí bí wọ́n ṣe jí ìbejì rẹ̀ gbé lọ.

    Bẹẹ ba gbagbe, ọjọ Aje ni Ileesẹ Ọlọpaa ipinlẹ Oyo ṣe afihan oju awọn afurasi to ji ibeji Akeugbagold gbe lọ, ki wọn to ri wọn pada, ti Opeyemi si wa lara awọn afurasi naa.
    , nigba to n ba sọrọ lọjọ Isegun lori iṣẹlẹ naa salaye pe, ọmọkunrin to ni laakaye ni afurasi naa, o ni ọpọlọ, to si maa n ronu kọja ọjọ ori rẹ.

    “Ọmọkùnrin náà ní ẹ̀kọ́ gan-an ni, ó gbọ́n púpọ̀, èyí tó mú kí n tètè fà á mọ́ra, kódà ó ń dùn mí pé ó fẹ́ fi gbogbo ẹ̀bùn rere tí Ọlọ́run fún un ṣòfò ni, torí mo ti fi ojú ṣùn-ún pé ọjọ́ iwájú rẹ̀ yóó dára.”

    Ọmọọsẹ́

    Onímọ̀ nípa ẹ ẹ̀ṣìn Islam náà ní, inú òun máa ń dùn láti ṣúnmọ́ ẹni tó lóye, ìdí nìyí tí òun fi fa afurasí náà mọ́ra débi pé, òun nìkan ló máa ń wọ yàrá ìbùsùn òun, tí àwọn sì dìjọ máa ń jẹun nínú àwo kan ṣoṣo lásìkò ìsínu ààwẹ̀.

    ” Gbogbo bá a ṣe ń wá àwọn ìbejì mi, kò sí eléyìí tí kìí gbọ́, ìdí sì rèé tó fi nira láti tètè rí wọn mú, àdúrà mi sì ló gbà, tá a fi tètè rí wọn mú.”Akeugbagold ní àwọn èèyàn tó lọ́wọ́ nínú bí wọ́n ṣe jí ìbejì òun gbé ní àwọn nílò owó ni àwọn ṣe hùwà náà, tí àwọn sì gbọ́ pé òun lówó lọ́wọ́, òun kàn ń fi ara pamọ́ ni.

    ” Ọ̀kan nínú wọn ló máa ń tẹ̀lé mi lọ gba owó táwọn èèyàn bá fẹ́ sanwó Hajj tàbí owó ilẹ̀ ,torí mò ń ta ilẹ̀ àti ilé, mo tún ní oko ńlá tá a ti ń ṣe nǹkan ọ̀sìn,afurasí yìí ló máa ń bá mi gba owó, àwọn nǹkan yìí ló kó sí wọn lójú.”

    Nígbà tó ń ṣàlàyé pé òun kìí fi owó jẹ àwọn òṣìṣẹ́ òun níyà, àgbà Alfa náà tún sísọ lójú rẹ pé, ẹgbẹ̀rún lọ́nà ọgọ́rùn náírà ni òun máa ń ṣan fún àwọn méjéèjì tó ń ṣe àkóso ojú òpó ìtàkùn àgbáyé òun lẹ́yìn ààwẹ̀ Ramadan.

    “Mo tún máa fún wọn ní ẹgbẹ̀rún méjì
    náírà ẹnì kọ̀ọ̀kan ní ojoojúmọ́, wọ́n yóó sínu ààwẹ lọdọ mi, lọ́dún tó kọjá, wọ́n gbé ìrẹsì, mílíìkì, òróró lọ sílé àmọ́ Kòrónáfairọ̀ọ̀sì kò jẹ́ kó rí bẹ́ẹ̀ lọ́dún yìí.”

    Ó tun tẹ̀síwájú pé tí wáàsí ìta gbangba bá wà lásìkò ààwẹ̀ Ramadan, ọ̀kọ̀ọ̀kan
    wọn yóó mú tó ẹgbẹ̀rún lọ́nà ogún náírà lọ sílé, ṣùgbọ́n ó ní Kofi-19 kò jẹ́ kí wáàsí ààwẹ̀ ṣeéṣe lọ́dún yìí, èyí tó leè mú kí owó wọ́n tó ná.

    Nígbà tó ń sàlàyé bó ṣe ṣe salábàápàdè afurasí náà, tó fi dé ọ̀dọ̀ rẹ, Akeugbagold ní láti ipaṣẹ̀ èèyàn kan tó ní orúkọ rere láàrin ìlú, tó sì ń ṣe dáadáa ni òun ti mọ Ọmọdékùnnrin náà.

    Ó ní òun nílò ẹni tí yóó máa ṣe àkóso ojú òpó ayélujára òun lásìkò ààwẹ̀, ní òun fi gbà á sọ́dọ̀ , láì mọ̀ pé ọmọkùnrin náà ti ṣe àìdáa rí lọdọ Ọ̀gá rẹ̀ tẹ́lẹ̀.

    “Ní ọjọ́ tí wọ́n jí àwọn ìbejì mi gbé lọ, èmi pẹ̀lú rẹ la dìjọ wà nínú mọ́tò, bí wọ́n sì ṣe pè mí láti Ilé pé wọ́n ti jí àwọn ọmọ gbé lọ, a dìjọ ń lé gbogbo mọ́tò tó jọ ti àwọn ajínigbé náà ni, tó sì ń ṣe ètò lórí rédíò, bẹ́ẹ̀ ló ń bẹ̀bẹ̀ lórí ìkànnì abánidọ́rẹ̀ẹ́ rẹ̀ Facebook pé kí wọ́n tú àwọn ọmọ náà sílẹ̀.”

    Akeugbagold fikún un pé afurasí náà ń fò fáyọ̀ lásìkò tí wọ́n tú àwọn ọmọ náà sílẹ̀ ni, tí kò sì sí ẹni tó fura sí i pé ejò rẹ̀ lọ́wọ́ nínú ìṣẹ̀lẹ̀ náà.

    Akeugbagold ni òun ti dáríjìn àwọn afurasí ajọ́mọgbé náà, tí òun sì setán láti ràn hán lọ́wọ́ tó bá jáde ní àhámọ́, òun sì ń gbàdúrà fún pé kó yí ìwà rẹ̀ padà, kó lè di Ààfáà ńlá.

    Fẹ́mi Akínṣọlá

  • Èèyàn ẹgbẹ̀rún kan àti irínwó dín mẹ́fà bá Kofi 19 rìn l’Amẹ́ríkà lópin ọ̀sẹ̀.

    Èèyàn ẹgbẹ̀rún kan àti irínwó dín mẹ́fà bá Kofi 19 rìn l’Amẹ́ríkà lópin ọ̀sẹ̀.

    À fi kí á bẹ Ọlọ́run kó báwa dáwọ́ ibi dúró nílẹ̀ yìí àti lókèèrè to rí igbi gbogbo la lẹ́ni sí lórílẹ̀.
    Gbogbo ìgbà ni àjàkálẹ̀ àrùn apinni léèmí Kofi 19 ń pitú ọwọ́ rẹ̀ káàkiri àgbáyé o, bí ó se tun ti nawọ́jà rẹ̀ gbemi eeyan to pọ ni Amẹ́ríkà.

    Ilẹ̀ Amẹ́ríkà tún ti ṣe àkọsílẹ̀ ikú ènìyàn ẹgbẹ̀rún kan àti irínwó dín mẹ́fà látàrí àrùn Kòrónáfairọ̀ọ̀sì

    Èyí sì ti mú àpapọ̀ ènìyàn tó ti kú di ẹgbẹ̀rún méjì dín láàádọ̀rún lè ẹ̀ẹ́dẹ́gbẹ̀rin ati mẹ́sàn an (88,709)

    Àjọ tó ń mójú tó ìgbógun ti àjàkálẹ̀ àrùn ní Amẹ́ríkà (CDC) ló kéde èyí lọ́jọ́ Aìkú,

    Wọ́n fi kún un pé mílíọ̀nù kan àti ẹgbẹ̀rún lọ́nà irínwó lé mẹ́tàdínláàdọ́rin àti márùn-únlélọ́gọ́ta ló ti ní àrùn ajániláyà pàtì méèmí ẹni lọ ọ̀hún. (1,467,065) èyí jẹ́ àfikún ẹgbẹ̀rún lọ́nà ogójì sí díẹ̀ sí èyí tí wọ́n ní tẹ́lẹ̀.

    Orílẹ̀-èdè Amẹ́ríkà ló ní àkọsílẹ̀ àwọn tó kú jù nítorí àrùn Kofi 19 lágbàáyé.

    Ṣáájú ni Ààrẹ ilẹ̀ Amẹ́ríkà tẹ́lẹ̀ rí Barack Obama ti ṣèkìlọ̀ lórí bí Ààrẹ Donald Trump se ń mú àrùn apinni léèmí náà Kòrónáfairọ̀ọ̀sì.

    Fẹ́mi Akínṣọlá

  • Iléèṣẹ́ ọlọ́pàá ti ṣe àfihàn àwọn afurasí tó jí ìbejì Akeugbagold gbé ní ìlú Ìbàdàn

    Iléèṣẹ́ ọlọ́pàá ti ṣe àfihàn àwọn afurasí tó jí ìbejì Akeugbagold gbé ní ìlú Ìbàdàn

    Àwọn àgbà bọ̀ wọ́n ní, àṣẹgbé kan kò sí, àsepamọ́ ló wà.Ni báyìí, kélé òfin ti mú àwọn ọ̀daràn tó jí àwọn ìbejì Alhaji Taofẹẹq Akewugba Gold gbé.

    Méje ni àwọn kọ̀lọ̀rànsí ọ̀daràn náà, ọkùnrin mẹ́fà àti obìnrin atẹ̀yìntọ̀ kan tí wọ́n gbà láti tọ́jú àwọn ìbejì ní gbogbo ọjọ́ mẹ́jọ tí wọ́n lò lákàtà àwọn ajínigbé.

    Ohun ìyàlẹ́nu ni wí pé méjì nínú Yatọ si pe ọwọ tẹ wọn, miliọnu mẹta din ẹgbẹrun lọna igba Naira (2.8m), ni awọn afurasi naa sọ pe awọn naa owo ti wọn gba fun itusilẹ awọn ọmọ naa ku.

    Miliọnu mẹẹrin Naira ni wọn gba.
    ọ̀daràn náà ló sún mọ́ Bàbá ìbejì pẹkipẹki gẹ́gẹ́ bí òṣìṣẹ́, mílíọ̀nù mẹ́rin Náírà ni wọ́n gbà kí wọ́n tó jọwọ ẹmi àwọn ọmọ náà.

    Kọmísánà Àjọ ọlọ́pàá nípìńlẹ̀ Ọ̀yọ́, Ṣina Olukolu ló ṣe àfihàn àwọn ọ̀daràn náà lọjọ Ajé ní olú iléeṣẹ́ ọlọ́pàá tó ń bẹ ní agbègbè Ẹlẹyẹle nílùú Ìbàdàn.

    Yàtọ̀ sí pé ọwọ́ tẹ̀ wọ́n, mílíọ̀nù mẹ́ta dín ẹgbẹ̀rún lọ́nà igba Náírà (2.8m), ni àwọn afurasí náà sọ pé àwọn ná owó tí wọ́n gbà fún ìtúsílẹ̀ àwọn ọmọ náà kù.

    Mílíọ̀nù mẹ́rin Náírà ni wọ́n gbà.

    Fẹ́mi Akínṣọlá