Àṣà Oòduà

Tag: iroyin

  • Ìpínlẹ̀ Eko ní ìfojúsùn ìpè pàjáwìrì ìsẹ́jú márùn-ún péré

    Ìpínlẹ̀ Eko ní ìfojúsùn ìpè pàjáwìrì ìsẹ́jú márùn-ún péré


    Ìpínlẹ̀ Eko ní ìfojúsùn ìpè pàjáwìrì ìsẹ́jú márùn-ún péré

    Yínká Àlàbí

    Ile-iṣẹ Aṣẹ ati Iṣakoso Pajawiri ti Ipinle Eko sọ pe awọn ti setan lati dahun si awọn ipe pajawiri ni ipinlẹ Eko laarin isẹju marun-un pere.
    Olùdarí Àgbà fún ilé-iṣẹ́ náà, Ọ̀gbẹ́ni Femi Giwa, sọ èyí ní ìfọ̀rọ̀wánilẹ́nuwò kan pẹ̀lú awọn oniroyin ní ìlú Èkó.
    Giwa sọ pé àfojúsùn ilé-iṣẹ́ náà ni láti dín àkókò tó wà láàrín ìyè àti ikú kù nípa rírí dájú pé ìdáhùn náà wáyé láàrín ìṣẹ́jú márùn-ún sí mẹ́wàá fún ọ̀pọ̀lọpọ̀ ìṣẹ̀lẹ̀.
    Ó ní àwọ́n dá ilé-iṣẹ́ náà sílẹ̀ ní ọdún 2010 láti pèsè ìpele kan ṣoṣo fún ṣíṣètò ìṣàkóso pajawiri ní ìpínlẹ̀ náà.
    “Ohun pàtàkì tí a gbé kalẹ̀ sí ilé-iṣẹ́ náà ni láti ní ibùdó kan níbi tí àwọn ẹgbẹ́ ìṣètò pajawiri tí ó ní àwọn olùdáhùn àkọ́kọ́ lè ṣiṣẹ́ papọ̀ láìsí ìṣòro.”
    Gẹ́gẹ́ bí ó ti sọ, àjálù jẹ́ ibi tí a lè fojú rí, tí a kò sì lè sọ tẹ́lẹ̀, nítorí náà, ó ṣe pàtàkì láti yanjú àjálù tí a kò lè ṣe.
    “Fún àpẹẹrẹ, ní àwọn agbègbè bíi Ojuelegba àti ní ojú ọ̀nà Ikorodu, a ti ṣètò àwọn ibùdó ìpaná àti àwọn ẹ̀ka ìfèsìpadà láti rí i dájú pé a yára gbé àwọn ènìyàn sókè.”
    Ó ní, “Àfojúsùn wa ni láti dín àkókò tó wà láàrín ìyè àti ikú kù nípa rírí dájú pé ìdáhùn sí àwọn ìṣẹ̀lẹ̀ náà wáyé láàrín ìṣẹ́jú márùn-ún sí mẹ́wàá.”
    Ó jẹ́wọ́ àwọn ìpèníjà bí ìṣòro ìrìnnà ọkọ̀, ètò ìrìnnà àti àwọn ipò ojú ọjọ́ tí kò dára, èyí tí ó lè ní ipa lórí àkókò ìdáhùn nígbà míì.
    Oṣiṣẹ naa tẹnumọ́ pàtàkì ìfọwọ́sowọ́pọ̀ gbogbogbòò láti ṣàṣeyọrí ìṣàkóso pajawiri tó gbéṣẹ́.
    Ó ní, “Àwọn olùgbé gbọ́dọ̀ fi ààyè sílẹ̀ fún àwọn ọkọ̀ tí wọ́n ní ìró ìró, kí wọ́n sì ṣètìlẹ́yìn fún àwọn olùdáhùn àkọ́kọ́ láti ṣe àwọn iṣẹ́ ìgbàlà ẹ̀mí.”

    https://iroyinowuro.com.ng/ipinle-eko-ni-ifojusun-ipe-pajawiri-iseju-marun-un-pere/

  • Orí kó Seun Kuti yọ kúrò lọ́wọ́ ikú ní yàrá ìgbàlejò US

    Orí kó Seun Kuti yọ kúrò lọ́wọ́ ikú ní yàrá ìgbàlejò US

    Mary Fágbohùn

    Olórin Afrobeat Seun Kuti ti fi ìrírí ibanuje ọkàn rẹ̀ ní orílẹ̀-èdè Amẹ́ríkà han nígbà tí ọta ibọn kan gúnlẹ̀ lójú fèrèsé yàrá igbalejo rẹ̀.

    O salaye ibapade to ba ni lẹru naa lori oju-iwe Instagram rẹ, o fi fidio ferese ti ọta ibọn naa bajẹ ati iho re han.

    Seun, ẹni ti o ṣalaye iyalẹnu, beere iwoye ti aabo ni Amẹrika.

    Ninu fonran naa, Seun Kuti sọ pe oun wa ninu yara igbalejo, ti oun n sinmi, nigba ti ọta ibọn kan lojiji gba oju ferese wole.

    “Mo ti ka a ni ibi kan wi pe awọn wọnyi je ọlaju eniyan. Sọ fun mi pe o wa ni Amẹ́ríkà lai so fun mi pe o wa ni Amẹ́ríkà. Mo n sere ninu yara igbalejo mi kan ati lojiji ariwo yi sele “, gege bi o se salaye.

  • Tírélà jábọ́ láti orí afárá l’Eko, rún Korope méji pa

    Tírélà jábọ́ láti orí afárá l’Eko, rún Korope méji pa

    Tírélà jábọ́ láti orí afárá l’Eko, rún Korope méji pa

    Fẹ́mi Akínṣọlá

    Aago mẹ́sàn-án òwúrọ̀ ló ń lọ lu lọjọ Àbámẹ́ta, ọjọ́ kẹrìndínlọ́gbọ̀n, oṣù Kerin 2025, tírélà kan fi jábọ́ láti orí afárá Pen Cinema, Agege, l’Ekoo, tó sì run ọkọ̀ Kórópe méjì tó jábọ́ lé lórí pa.

    Ajọ Lagos State Traffic Management Authority (LASTMA), to n ri si igbokegbodo ọkọ l’Ekoo, fidi iṣẹlẹ yii mulẹ.

    Atẹjade kan ti Adari iṣẹlẹ bi eyi ati ilaniloye ni LASTMA, Adebayo Taofiq, fi sita, sọ pe dẹrẹba to wa ọkọ tirela naa ko ni ikapa lori ọkọ ọhun mọ lasiko ijamba naa.

    O ni idi niyẹn to fi jabọ pẹlu ọkọ sisalẹ, to si run awọn ọkọ Korope meji to wa nibẹ womu.

    Adebayọ fi kun un pe dẹrẹba to wa tirela ọhun ṣeṣe pupọ nibi ọwọ rẹ mejeeji .

    O ni kia ni awọn oṣiṣẹ LASTMA ti fa a le awọn ọlọpaa teṣan Elere lọwọ, ti wọn si gbabẹ gbe e lọ sileewosan jẹnẹra to wa lagbegbe Ile Epo.

    GGE 624 YJ, ni LASTMA pe nọmba tirela to kun fọfọ ọhun.

    Ọga agba fun LASTMA, Olalekan Bakare-Oki, rọ awọn awakọ, paapaa julọ awọn to n wa tirela, lati maa fi oju ṣọri daadaa.

    O ni eyi ṣe pataki, paapaa bi asiko ojo ṣe n sun mọ etile .

    O rọ awọn awakọ gbogbo lati tẹle ofin ere sisa, nitori awọn irinṣẹ to n ṣọ awọn awakọ nipa ere asaju, eyi ti ijọba Eko ti fi sawọn agbegbe kiri lati dena ijamba.

    Ki wọn si pawọpọ mu oju ọna di ibi arinye.

    Orísun

  • Àjọ EFCC ti ń wá àwọn tó wà nídìí ṣogúndogójì CBEX

    Àjọ EFCC ti ń wá àwọn tó wà nídìí ṣogúndogójì CBEX

    Èyí ni àwòrán mẹ́rin nínú àwọn tó wà nídìí ṣogúndogójì CBEX. Àjọ EFCC ti ń wá wọn

    sibeki
  • Ìkéde ní Yàjóyàjó láti Ilẹ̀ Ìjẹ̀ṣà

    Ìkéde ní Yàjóyàjó láti Ilẹ̀ Ìjẹ̀ṣà

    Ní ìtẹ̀síwájú orò ìwúyè Ọwá Obòkun Àdìmúlà ilẹ̀ Ìjẹ̀ṣà, Ọwá Clement Adésuyì Haastrup, wọ́n ti kéde ìṣéde jákèjádò ìlú Iléṣà. Gẹ́gẹ́ bí Olóyè Àgbà Ọlálékan Fọ́lọ́runṣọ́ tí wọ́n jẹ́ Loro ilẹ̀ Ìjẹ̀ṣà ṣe kéde, ìṣéde náà yóò bẹ̀rẹ̀ ní aago mẹ́jọ alẹ́ òní Ọjọ́ Ẹtì, Ọjọ́ kọkànlá títí di aago mẹ́fà Òwúrọ̀ ọjọ́ Àbámẹ́ta, ọjọ́ Kejìlá oṣù kẹrin (8pm of April 11 to 6am of April 12, 2025)

    Kí eku ilé ó gbọ́, kó sọ fún toko o!!! Gbogbo ènìyàn pátá, Onílé àti Àlejò ni ìṣéde yìí kàn o🎤🎤🎤

    Orísun ìròyìn :Ijesa News

    ÌKéde ní Yàjóyàjó láti Ilẹ̀ ÌJẹ̀ṣà
  • Ẹ kú ojúmọ́ Ọjọ́bọ̀ tòní o!

    Ẹ kú ojúmọ́ Ọjọ́bọ̀ tòní o!

    Àwòrán Ogbè Ìwẹ̀yìn wa tòní rè, ẹ jẹ́ kí á rántí àwọn Olùkọ́ tí wọ́n máa ń kó pankẹ́rẹ́ bí ẹni tí ń tẹ̀lé Eégún. Kí lorúkọ Olùkọ́ yín tó máa ń gbé pankẹ́rẹ́ kiri nílé ẹ̀kọ́ Ṣẹ́kọ́ńdírì tí ẹ lọ?

  • Ọkùnrin tí àwọn adigunjalè yìnbọn mọ́ ní ọjà Bodija ṣì wà láyé — Ọlọ́pàá

    Ọkùnrin tí àwọn adigunjalè yìnbọn mọ́ ní ọjà Bodija ṣì wà láyé — Ọlọ́pàá

    Fẹ́mi Akínṣọlá

    Ìròyìn òkèrè, bí ò lé, a dín.
    Iléeṣẹ́ ọlọ́pàá ìpínlẹ̀ Ọ̀yọ́ ti ṣàlàyé bí ìdigunjalè kan tí ìròyìn sọ pé ó gba ẹ̀mí èèyàn kan ṣe wáyé ní ọjà Bódìjà nílùú Ìbàdàn.

    Agbẹnusọ iléeṣẹ́ ọlọ́pàá, Adéwálé Òṣífẹ̀sọ̀, sọ nínú àtẹ̀jáde tó fi síta lórí ìṣẹ̀lẹ̀ ọ̀hún pé lọ́jọ́ ẹtì ni ìṣẹ̀lẹ̀ náà ṣẹlẹ̀.

    Ó ní arákùnrin kan, Abubakar Ibrahim, ni àwọn adigunjalè kọlù ní nǹkan bíi aago mẹ́ta ku ìṣẹ́jú mẹ́ẹ̀ẹ́dógún, tí wọ́n sì yìnbọn mọ́ ọ kí wọ́n ó tó gba 270,000 Naira lọ́wọ́ ọ rẹ̀, nitori ikorita Bódìjà Ojúurin.

    Ṣaájú ni àwọn iléeṣẹ́ ìròyìn orí ayélujára kan ti sọ pé ọkùnrin nà kú nítorí ọgbẹ́ ìbọn tí ó wọ̀ ọ́ lára.

    À mọ́ ASP Òsífẹ̀sọ̀ sọ pé ẹ̀mí ọkùnrin ọ̀hún kò bọ́, tó sì ń gba ìtọ́jú lọ́wọ́ níléèwòsàn kan.

    Òsífẹ̀sọ̀ sọ pé ìwádìí iléeṣẹ́ ọlọ́pàá fihàn pé àwọn adigunjalè náà tọ ipasẹ̀ Ọ̀gbẹ́ni Ibrahim láti ibì kan tó ti lọ̀ ọ́ ta ọjà nínú ìgboro Ìbàdàn, tó sì ń padà sí ibùgbé rẹ̀ ọjà Akinyele, níjọba ìbílẹ̀ Akinyele.

    “Nítorí súnkẹrẹ-fàkẹrẹ ọkọ̀ tó wà nì òpópónà márosẹ̀, Ibrahim pinnu láti gba ọ̀nàaàbùjá kan tí kìí ṣe ibi tí ọ̀pọ̀ èèyà ń gbà. Ibẹ̀ ni àwọn adigunjalè náà ká a mọ́.

    “Láti orí ọ̀kadà tí wọ́n wà, ni wọ́n ti yìnbọn mọ́ Ibrahim ní àwọn ìka ẹsẹ̀ rẹ̀, kí wọ́n tó ó gba owó tó wà lọ́wọ́ ọ rẹ̀.”

    Agbẹnusọ ọlọ́pàá ní ìwádìí ti ń lọ lórí ìṣẹ̀lẹ̀ àgbọ́gbárímú ọ̀hún.

  • Orun Ire Ooooo

    Orun Ire Ooooo

    ERIN WOOOOOOO. Iku da Oro iku shei’ika, Iku mu eni rere lo.

  • Ọlọ́pàá ò lè dáwa lọ́wọ́kọ́ àti sèwọ́de àyájọ́ EndSARS, -Oduala

    Ọlọ́pàá ò lè dáwa lọ́wọ́kọ́ àti sèwọ́de àyájọ́ EndSARS, -Oduala

    Ọlọ́pàá ò lè dáwa lọ́wọ́kọ́ àti sèwọ́de àyájọ́ EndSARS, -Oduala

    Ọrẹ Òtítọ́jù

    Ọ̀kan nínú àwọn tó ṣagbátẹrù ìwọ́de ta ko àwọn ọlọ́pàá SARS t’íjọba ti fòfin dè, Bọlatito Oduala, tí ìnagijẹ rẹ̀ ń jẹ́ Savvy Rinu ti sọ pé kò s’óhun tó lè dá àwọn ọ̀dọ́ lọ́wọ́ kọ láti má ṣèwọ́de lógúnjọ́ , oṣù Kẹwàá yìí, ní ìrántí ìṣẹ̀lẹ̀ EndSARS tó wáyé lọ́dún tó kọjá.

    Oduala sọrọ yii lori ikanni ayelujara rẹ lati fesi si ikilọ tileeṣẹ ọlọpaa ipinlẹ Eko ṣe ninu atẹjade ti wọn fi lede lọjọ Aje yii, pe awọn o ni i faaye gba iwọde kankan ni iranti iṣẹlẹ EndSARS.

    Atẹjade ọhun, eyi ti Kọmiṣanna ọlọpaa ipinlẹ Eko, CP Hakeem Odumosu, buwọ lu sọ pe ipo ẹlẹgẹ ni eto aabo ipinlẹ Eko wa, bẹẹ lo si ri kaakiri orileede yii, tori naa awọn ko ni i faaye gba ẹnikẹni tabi awọn ọdọ lati gun le iwọde eyikeyii lọjọ ayajọ EndSARS, o ni irufẹ iwọde bẹẹ le di eyi tawọn janduku atawọn ajinigbe le darapọ mọ lati dana ijangbọn tabi ki wọn wu awọn araalu lewu.

    Odumosu ni gbogbo ilana ati igbesẹ to bofinmu, to wa nikaawọ awọn agbofinro lawọn yoo gbe lati gbegi dina iwọde tabi ifẹhonuhan lọjọ naa, bẹẹ lo si kilọ fawọn obi lati ba awọn ọmọ wọn sọrọ nibi ti wọn ti maa n gbọran.

    Ṣugbọn Oduala sọ ninu ọrọ to kọ soju opo ayelujara rẹ ọhun pe ko si nnkan ija tawọn ọlọpaa le lo ti yoo di awọn lọwọ lati ṣewọde lọjọ naa, tori ẹtọ awọn ọdọ ni, awọn si ti ṣeto bo ṣe yẹ.

    O lawọn o ni lati gba iyọnda lọwọ ileeṣe ọlọpaa ki iwọde too waye, bẹẹ ni ki i ṣe ojuṣe kọmiṣanna lati kọkọ fọwọ si i tabi tako o.

    Savvy Rinu kọ ọ sibẹ pe: “CP Hakeem Odumosu, o o laṣẹ lori ọrọ yii, bẹẹ lo o lẹtọọ kankan lati kilọ, tabi gbegi dina fun awọn to fẹẹ ṣe iwọde alaafia. Oṣiṣẹ ijọba ni o, ojuṣe rẹ si ni lati pese aabo, ko o si daabo bo ẹtọ awọn to maa ṣe iwọde.”

    Oduala ni awọn o ni i wọgi le iwọde naa, dandan ni ko waye bawọn ṣe ṣeto rẹ.

  • Họ́wù! Àgọ́ ọlọ́pàá ni wọ́n tí fọmọ odó lu èèyàn méjì pa

    Họ́wù! Àgọ́ ọlọ́pàá ni wọ́n tí fọmọ odó lu èèyàn méjì pa

    Họ́wù! Àgọ́ ọlọ́pàá n wọ́n tí fọmọ odó lu èèyàn méjì pa

    Ará kò níí tán nílé alárà láé láé. À bí kínni kí á tí wí pẹ̀lú bí èèyàn méjì ti kú lẹ́yìn tí ọlọ́pàá kan fi ọmọ odó lu ọ̀dọ́ mẹ́ta fún pé wọ́n jí adìẹ.

    Ẹnìkẹta, Abdulwahab Bello, nìkan ni ó yè. Ṣùgbọ́n, ó fi ara gba ọgbẹ́, tí egungun rẹ̀ sì kán, lẹ́yìn tí ọlọ́pàá náà lù wọ́n ní àgọ́ ọlọ́pàá kan ní Ìpínlẹ̀ Bauchi.

    Abdulwahab sọ pé iṣẹ́ abánikọ́lé ni òun ń ṣe, àti pé àwọn ọ̀rẹ́ rẹ̀ ló kó adìẹ méje wá bá òun, kí òun tó tẹ̀lé wọn lọ sí ọjà láti tà á.

    Lẹ́yìn náà ni àwọn ọlọ́pàá wá kó wọn, pé àwọn jí adìẹ.

    Abdulwahab tẹ̀síwájú nínú ọ̀rọ̀ rẹ̀ pé níṣe ni Ọ̀gá ọlọ́pàá náà ‘DPO’ fi okun so oun, to si bẹrẹ si ni fi ọmọ odó lu oun ni ẹsẹ titi to fi kan.

    Abdulwahab ni : “Lẹ́yìn náà ló bọ́ sí ẹsẹ̀ kejì, tó sì tún kán an, kó tó ó bọ sí itan.”

    “Níṣe ni mo sin àwọn ọ̀rẹ́ mi lọ ta adìyẹ l’ọ́jà, kódà èmi ni mo yá wọn ni owó tí wọ́n fi wọ ọkọ̀ lọ.”

    Ìyókù nǹkan tí Abduwahab sọ nìyí; Lẹ́yìn tí wọ́n ta adìẹ tán ni wọ́n tó ó dá owó mi padà. Ní kété tí wọ́n kó wa dé àgọ́ ọlọ́pàá, ni Ọ̀gá wọn sọ pé kí gbogbo wa ó dojú bolẹ̀.

    Kò pẹ́ ẹ̀ ló ní kí àwọn ọlọ́pàá ó dè wá ní ìkọ̀ọ̀kan, tó sì lọ̀ ọ́ gbé ọmọ odó láti má a fi lù wá.

    Abdulwahab sọ fún akọròyìn pé ọ̀rẹ́ òun Ibrahim ló kọ́kọ́ lù láyà, àti ẹ̀yìn títí tó fi dákẹ́.

    “Mo kọ́kọ́ ro pé ó dákú ni, ṣùgbọ́n nǹkan tí DPO náà ń sọ ni pé “ó sàn kó o kú nítorí pé o kò wúlò fún nkànkan.”

    Lẹ́yìn náà ló bọ́ s’órí ọ̀rẹ́ mi kejì, tó sì lu òun náà tó fi kú.”

    Ó ní bó tilẹ̀ jẹ́ pé orí ìso ni òun wà lásìkò náà, gbogbo nǹkan tó ń ṣẹlẹ̀ ni òun rí.

    Lẹ́yìn tó lu gbogbo wa tán, ó ní wọ́n gbé ọkọ̀ ayọ́kẹ́lẹ́ wá, òun ló sì lọ̀ ọ́ fi gbé òkú Ibrahim lọ sí ilé wọn, tó sì sọ fún wọn pé adigunjalè ni.

    Ṣùgbọ́n, iléeṣẹ́ ọlọ́pàá nípìńlẹ̀ Bauchi sọ pé àwọn ti ń ṣe ìwádìí ìṣẹ̀lẹ̀ náà.

    Fẹ́mi Akínṣọlá