Àṣà Oòduà

Author: ayangalu

  • Ìjo̩ba máa gbé pé̩ré̩gi kaná pè̩lú àwo̩n oníròyìn ìdàlúrú – Lai Mohammed

    Minisita fun eto iroyin ati asa ni orileede yii, Alhaji Lai Mohammed ni ijoba apapo ko ni gba ki awon kan fi iroyin aboosi da ilu ru.


    O ni “oloju ko ni laju re sile ki talubo woo”. O ni aseju awon ti won pe ara won ni aja fun eto omoniyan ti po ju.


    O ni orisiirisii iroyin to le da ilu ru, to le da irewesi si okan awon to n femi sise ilu ni won n gbe jade, paapaa lori ero ayelujara.
    Minisita fi ibinu soro naa pe “esinsin won n je elegbo bayii, pe ki enikankan ma se soro nigba ti elegbo naa ba bere si ni je esinsin”.


    Minisita ni awon topa awon onise ibi naa de bi wi pe awon kan je omo orileede yii ti won si n tafa lati oke okun. O ni “bi aja won ba lo ogun odun lori ile,eran ogun si ni”.

    Lai Mohammed ni asiko ti ilu tile wa bayii lagbara die, o ni bi awon se n koju ajakale arun ti n ba agbaaye ja ki o ma se po ju ni Naijiria ni awon n fi egbe oju kan wo ipalara arun naa lori oro aje, awon ko pa eto aabo ti bee tun ni awon kan tun n paro fun awon ara ilu pelu iroyin eke.


    Lai Mohammed ni ki awon miran to ba n gbero idaluru bee tete lo so ewe agbeje mowo.

    Ìjo̩ba máa gbé pé̩ré̩gi kaná pè̩lú àwo̩n oníròyìn ìdàlúrú – Lai Mohammed
    Ìròyìn láti o̩wó̩ Yínká Àlàbí

  • Ẹlẹ́wọ̀n 2600 ni ìjọba tú sílẹ̀ ní Nàìjíríà nítorí àrùn apinni léèmí Coronavirus

    Ìjọba orílẹ̀-èdè Nàìjíríà ti tú ẹlẹ́wọ́n tó lé ní ẹgbẹ̀rún méjì sílẹ̀ ní ọgbà ẹ̀wọ̀n káàkiri orílẹ̀-èdè Nàìjíríà.

    Aregbesọla ní Ìjọba gbé ìgbésẹ̀ náà láti dẹ́kun ìtànkálẹ̀ àrùn Coronavirus ní Nàìjíríà.

    Mínísítà fún ọ̀rọ̀ abẹ́lé lórílẹ̀-èdè Nàìjíríà náà ni àwọn tí yóó jẹ àǹfààní ìtúsílẹ̀ yìí ni àwọn ẹni tó bá ti kọjá ọgọ́ta ọdún, àwọn aláìsàn , àwọn tó ní àrùn ọpọlọ àti àwọn tó sẹ ẹ̀sẹ̀ kéékèké.

    Mínísítà fún ọ̀rọ̀ abẹ́lé lórílẹ̀-èdè Nàìjíríà, Rauf Aregbesola ló kéde rẹ̀ ní ibi ayẹyẹ tí wọ́n ti ṣe ìtúsílẹ̀ náà.

  • Òòlù ìdájọ́ ré bá Fúnkẹ́ Akíndélé àti ọkọ rẹ̀ lẹ́yìn, owó ìtánràn, ìgbélé tipátipá, iṣẹ́ ìsìnlú bíi bọ̀kílẹ̀ àfojúdi .

    Kò sí n tó burú kí abẹ òfin ba Ògbó Awo tó bá ń se bí ọ̀gbẹ̀rì .
    Ilé ẹjọ́ ti dá gbajúgbajà òṣèré sinimá, Fúnkẹ́ Akíndélé àti ọkọ rẹ̀ Abdulrasheed Bello lẹ́jọ́ pé ó jẹ̀bi ẹ̀sùn tí wọ́n fi kàn án pé ó lòdì sí òfin kónílégbélé tí ìjọba Ìpínlẹ̀ Èkó gbé kalẹ̀ lórí dídẹ́kun àjàkálẹ̀ àrùn Coronavirus nípìńlẹ̀ Èkó àti orílẹ̀-èdè Nàìjíríà.

    Ilé ẹjọ́ rán àwọn méjéèjì lọ sí iṣẹ́ ìsìnlú fún wákàtí mẹ́ta lóòjọ́ fún ọjọ́ mẹ́rìnlà, yàtọ sí ọjọ́ Sátidé àti Àìkú.

    Bákan náà ni iléẹjọ́ ní kí wọ́n san owó ìtanràn ẹgbẹ̀rún lọ́nà ọgọ́rùn náírà.

    Bákan náà ni ìdájọ́ ọ̀hún tún ní kí ọ̀kọ̀ọ̀kan lọ́kọláyà náà yóó lọ sí ibùdó pàtàkì mẹ́wàá ní ìpínlẹ̀ Èkó láti ṣe ìdánilẹ́kọ́ọ̀ àti ìlanilọ́yẹ lórí ìjìyà tó wà fún ẹni tó bá ṣoríkunkun sí òfin kónílé ó gbélé.

    Bẹ́ẹ̀ ni wọ́n gbọdọ̀ fi orúkọ àti nọńbà ìbánisọ̀rọ̀ gbogbo àwọn tó kópa níbi àjọyọ̀ náà.

    Bákan náà nìròyìn míì ti fìdí rẹ̀ múlẹ̀ pé, Azeez Fashola tí ọ̀pọ̀ èèyàn mọ̀ sí Naira Marley tí àwọn agbófinró tí kọ́kọ́ kéde ṣaájú pé àwọn ń wá ló tí fúnra rẹ farahàn báyìí ní àgọ́ Ọlọ́pàá.
    Ìròyìn ń bọ lórí rẹ̀ láìpẹ́ ẹ fojú sọ́nà

    Òòlù ìdájọ́ ré bá Fúnkẹ́ Akíndélé àti ọkọ rẹ̀ lẹ́yìn, owó ìtánràn, ìgbélé tipátipá, iṣẹ́ ìsìnlú bíi bọ̀kílẹ̀ àfojúdi .

    Fẹ́mi Akínṣọlá

  • Àwa kò tíì gba owó ló̩wó̩ e̩niké̩ni – Boss Mustapha

    Àwa kò tíì gba owó ló̩wó̩ e̩niké̩ni – Boss Mustapha

    Ìròyìn láti o̩wó̩ Yìnká Àlàbí

    Awon igbimo ti ijoba apapo gbe kale lori arun coronavirus ni awon eniyan ti n fi esun inakuna owo kan kaakiri.

    Eyi lo mu ki olori ajo naa Ogbeni Boss Mustapha ba awon oniroyin soro. Mustapha ni akowe agba fun ijoba apapo. Ara awon ti won jo wa nibe ni Minisita fun eto ile,Alagba Osagie,Minisita eto asa ati iroyin, Alagba Lai Mohammed ati awon to ku.O ni titi di oni , awon ko tii two gba kobo lowo ijoba apapo tabi awon aladani gege bi awon eniyan kan se n gbee poori enu pe awon ti na owo ilu tan.

    O ni orisiirisii atejise ni ajo awon n gba leralera nipa awon to fe je nibe ti won ko mo pe awon ko tii tewo gba kobo lowo enikeni.
    Boss Mustapha tun fi asiko naa kilo fun awon eniyan lati ma se fi asiri ile owo won sile fun enikeni. O ni jibiti patapata ni ti enikankan ba beere fun BVN won tabi ona ati wo ile owo won. O ni ki oro won maa lo dabi “eni to n wa ifa ti o ri ofo”.

    O tun da awon oniroyin lohun nipa pe ijoba apapo ti gbogbo ile iwosan pa. O ni iro nla ni eyi naa. O ni gbogbo ile iwosan lo wa ni sisi sile pelu gbogbo ibi ti won ti n ta oogun.

    Boss Mustapha ni ijoba kan gba awon ara ilu ni imoran lati yera fun ile iwosan bayii. O ni ayafi aisan ti oogun ko ba le wo nile mo nikan ni ki won maa gbe lo si ile iwosan.

    O ni ile iwosan lewu lati lo lasiko ti a wa yii fun eni to ba ri ogbon re da. O ni ikilo yii wa fun ki eniyan ma baa gbe ohun ti ko gbe kuro nile lo ile.

  • Ewi Toni: Egbe APC iba oooo


    Egbe buruku tin fi ebi Pani
    Odaju egbe tio lanu talaka
    Omo buruku wole iya re busekun loruko APC
    Egbe alatako ekun oko PDP
    Egbe buruku tin fiya je mekunu
    Alujonu egbe tin Rin Loru ogonjo
    Egbe odaju tin fun apayan nipo
    Egbekegbe tin so eniyan di oloti
    Egbe amunisin tin so alagbara di ole
    Egbe alusi toso lai Muhammad di opuro agbaye
    Egbe ofo Toko coronal wo Nigeria
    Egbe abamo ti ki tele ofin.
    Akuse egbe tin pin rice agolo Kan fun eniyan mewa
    APC all people’s criminal
    This is special gift from Lagos State governor olusola sanwo olu to the people of Egan alafia CDA. Alimosho local government area.

    Lati owo Hamzat Mujeeb Olawale

  • Ṣeyi Makinde, Gómìnà Ìpínlẹ̀ Ọ̀yọ́ Sọ̀rọ̀ Lórí Àrùn Coronavirus Tó Ní

    Ìròyìn tó bá ọ̀pọ̀ lẹ́jafùú ni ìròyìn ‘Mo ti ní àrùn Coronavirus’ èyí tí Gómìnà Ṣèyí Mákindé gbé jáde ní ọjọ́ Ajé lójú òpó twitter rẹ̀.

    Níbáyìí tí ó ti lo ọjọ́ méjì ní ìgbélé lẹ́yìn ìkéde yìí, gómìnà ìpínlẹ̀ Ọ̀yọ́, Ṣèyí Mákindé ti ṣàlàyé pé pẹ̀lú àánú Ọlọ́run, kò sí nǹkan tí Coronavirus leè fi òun àtàwọn èèyàn Ìpínlẹ̀ Ọ̀yọ́ tó ní àrùn náà ṣe.

    Mákindé tó ní òun dúpẹ́ fún òbítíbitì òjò àdúrà tí gbogbo èèyàn ń fi ṣọwọ́ sí òun ṣàlàyé pé àdúrà náà ti ṣọ òun di bẹ́mìídíje , ẹ̀mí òun yi gírígírí, eléyìí tó fi ń dájú pé òun àti gbogbo àwọn èèyàn ìpínlẹ̀ Ọ̀yọ́ tí ọ̀rọ̀ kan yóó rùú là.

    Gómìnà Mákindé wá rọ àwọn èèyàn ìpínlẹ̀ náà láti máa tẹ̀lé ìtọ́ni àti Ìlàkalẹ̀ Ìgbìmọ̀ amúṣẹ́yá tí Ìjọba gbé kalẹ̀ láti gbógun ti àrùn COVID-19 ní ìpínlẹ̀ Ọ̀yọ́ láti leè tètè kápá àrùn náà lọ́gán ní ìpínlẹ̀ ọ̀hún.

    Níbáyìí, èèyàn mẹ́jọ ló ti kó àrùn Coronavirus ní ìpínlẹ̀ Ọ̀yọ́ nínú èyí tí Gómìnà Ṣèyí Mákindé pẹ̀lú wọn.

    Bákan náà ni wọ́n ti tú èèyàn kan sílẹ̀ lẹ́yìn tí ó gba ìwòsàn lọ́wọ́ àrùn ọ̀hún.

    Fẹ́mi Akínṣọlá

  • Mo Ti Fi Ẹjọ́ Abani Lórúkọjẹ́ Tó Fẹ́ Fi Àwòrán Ìhòòhò Mi S’órí Ìtàkùn Àgbáyé Sun Ìjọba – Waka Queen

    À fi kí Ọlọ́run gbani lọ́wọ́ ẹni tó ń ṣọ́ni tá ò ṣọ́ o, ló dífá fún kójú má ríbi,gbogbo ara lòògùn rẹ̀, bí gbajúgbajà olórin wákà, Salawa Abẹni ti sọ pé, òun ti fi ẹjọ́ abani lórúkọ je tó fẹ́ fi àwòrán ìhòòhò òun léde lórí itàkùn àgbáyé sun Ìjọba.

    Salawa ló sọ ọ̀rọ̀ yìí nínú ìfọ̀rọ̀wérọ̀ pẹ̀lú akọ̀ròyìn.

    Ó ní òun kò mọ ẹni tó ṣe iṣẹ́ ibi ọ̀hún, ṣùgbọ́n bí ikú ilé ò pani, tòde kò lè pani.

    Salawa sọ pé ọkùnrin náà bá òun ṣọ̀rọ̀ lórí ìkànnì WhatsApp, tó sì sọ pé kí òun fún un lówó, bí bẹ́ẹ̀ kọ́, òun yóó fi àwòrán ìhòòhò rẹ̀ léde fún gbogbo ayé láti rí.

    Gbajúgbajà olórin wákà náà ṣàlàyé pé ìṣẹ̀lẹ̀ náà kò tu irun kankan lara oun.

    Lẹ́yìn náà ló sọ pé òun kò leè gbà kí ẹnikẹ́ni ba orúkọ òun jẹ́ lẹ́yìn ọ̀pọ̀lọpọ̀ ọdún tó ti ń to orúkọ ọ̀hún jọ, ìdí rè é tí òun ṣe fi ọ̀rọ̀ náà tó àwọn agbófinró létí.

    Ṣaájú ni Salawa ti fi ọ̀rọ̀ kan léde lójú òpó Instagram rẹ̀, níbi tó ti ṣàfihàn àtẹ̀ránṣẹ́ ti ọkùnrin náà, tó pe orúkọ ara rẹ̀ ní Jason tẹ̀ ẹ́ sí.

    Ọkùnrin ọ̀hún ṣọ pé kí Salawa fún òun lówó, bí bẹ́ẹ̀ kọ́, òun yóó fi àwòrán ìhòòhò Salawa léde fún gbogbo àgbáyé láti rí.

    Lẹ́yìn èyí ni Salawa fún ra rẹ̀ wá fi àwòrán ọ̀hún léde.

    Fẹ́mi Akínṣọlá

  • Ogún ènìyàn jàjà bọ́ lọ́wọ́ coronavirus

    Ogún ènìyàn jàjà bọ́ lọ́wọ́ coronavirus
    Ìròyìn láti ọwọ́ Yínká Àlàbí


    Ni ipinle Eko ni ori ti ko ogun eniyan yo ni ile iwosan ti won ti n toju awon ti kokoro Covid-19 n ba ja.


    Bi o tile je pe won ni ko si oogun kan gbogi fun aisan naa sugbon Eledua n fun ipinle Eko se lati ni aseyori lori itoju awon alaisan naa. Ti a ko ba gbagbe, arakunrin omo orileede Italy ni o koko gba iwosan naa ki awon meta miiran, marun-un miiran ki mokanla to kun-un ni oni ojo keji, osu kerin odun ti a wa yii.


    Ijoba apapo, ipinle ati ibile pelu ajo NCDC ni ki awon eniyan ma se dawo imototo duro ki onikaluku si gbe ile re fun igba die ki arun buruku naa le kase nile patapata.

  • Adarí àgbà ilé ìwòsàn UCH kò ní àrùn Coronavirus mọ́

    Họ́wùú! bí babaláwo bá ń kígbe ẹ̀fọ́rí, kín ni yóó jẹ́ àtubọtán aláìsàn? Kò jẹ́ jẹ́ bẹ́ẹ̀.

    Adarí àgbà ilé ìwòsàn ẹ̀kọ́ṣẹ́, UCH Íbàdàn Ọ̀jọ̀gbọ́n Abiodun Otegbayo ti yiijẹ o, kò ní àrùn Coronavirus mọ́ lẹ́yìn tó sàyẹ̀wò àrùn náà nígbà kejì.

    Ṣaájú ní Otegbayo ti kọ́ sàyẹ̀wò, tí èsì àyẹ̀wò ọ̀hún sì fi hàn pé ó ti fara káásá àrùn náà, èyí tó mú kó ya ara rẹ̀ sọ́tọ̀ fún ìtọ́jú.

    Ṣùgbọ́n lẹ́yìn tó lo ọjọ́ mẹ́jọ ní ìyàsọ́tọ̀ ọ̀hún ló sàyẹ̀wò lẹ́ẹ̀kejì, tí èsì sì fi hàn pé kò ní àrùn náà lára mọ́.

    Agbẹnusọ ilé ìwòsàn ẹ̀kọ́ṣẹ́ UCH, Toye Akinrinlola ló fi ọ̀rọ̀ náà léde fún àwọn akọ̀rọ̀yìn lọ́jọ́bọ

    Fẹ́mi Akínṣọlá

  • Àwọn agbẹjọ́rò ta ko ìnáwó àti òfin kó-nílé-ó-gbélé Ààrẹ àti àwọn gómìnà

    Orisiirisii awon agbejoro ati awon amofin pelu ojogbon lorisiirisii ni won ti n yo suti ete si igbese awon ijoba orileede yii, paapaa julo lori arun coronavirus to gbode.


    Won ni ko tile tona rara ki ijoba apapo dede kede ki-onile-o-gbele lai fi to awon ile igbimo asofin kekere ati nla leti. Won ni eleyii lodi patapata si ofin ile wa ti odun 1999.

    Won ni bi a si ti n towo bo owo ilu naa maa leyin nigba ti arun yii ba lo. Won ni ko tun ba ofin ile wa mu rara. Won ni loooto ni isuna wa fun nnkan ojiji sugbon ijoba apapo ati ijoba ipinle ko tile tele okankan alaale awon ofin naa.

    Ara awon agbejoro naa ni a ti ri Ebun-olu Adegoruwa (SAN), Inibehe Effiong, Charles Omole lati U K ati bee bee lo. Eyi si n fa ariyanjiyan pelu awon ojogbon kookan, awon ni ko si iye ti ijoba apapo ati ti ipinle na ti o po ju ti iru ajakale arun yii ba sele.


    Àwọn agbẹjọ́rò ta ko ìnáwó àti òfin kó-nílé-ó-gbélé Ààrẹ àti àwọn gómìnà
    Ìròyìn láti ọwọ́ Yínká Àlàbí