Category: Àṣà Oòduà

Ó yá,
Ẹ jẹ́ á sàm̀bátá àwọn jagunjagun wa.
Ẹ jẹ́ ká f’orin ọgbọ́n yẹ̀ wọ́n wò,
Ká mọ rírì isẹ́ wọn t’ó yakin.
Pàtàkì l’àwọn ológun lórílẹ̀-èdè yìí;
Ișẹ́ takuntakun ni wọ́n kúkú ń ṣe.
Mo kírà f’áwọn sójà káàfàtà.
T’ọ̀sán t’ààjìn n’ọ́n ń șișẹ́ ìlú.
Bẹ́ẹ̀ ni tẹ̀mítẹ̀mí ni wọ́n fi ń jagun.
Bá a bá gúnyán wọn tán,
Ká f’ewé bò ó ló tọ̀nà.
Géńdé tó tó géńdé ní í lọ s’ójú-ogun.
Okùnrin tó t’ọ́kùnrin ní ń șișẹ́ẹ sójà,
Ẹni ẹ bá rí ẹ bi.
Akọni ogun ni wọ́n;
Kútańtì ni wọ́n-ọ́n ṣe.
Ìbà ẹ̀yin arógunmásàá;
Ọmọ arógun-má-fìgbà-kan-șojo.
Mo gbé’dìí f’ẹ́yin arógunyọ̀șẹ̀șẹ̀ káàfàtà.
Bí wọ́n ti ń pa wọ́n tó;
Bẹ́ẹ̀ l’eegun wọn ń le kankan bí iwin.
Wọ́n ń pebi mọ́nú ń’torí Nàìjíríà;
Wọ́n ń fara gbọta nítorí àwọn ọmọ wa.
Síbẹ̀, Zambo Dàsúkì,
Àt’àwọn ajòdìjẹ̀sọ̀ bíi tiẹ̀,
Wọ́n f’owóo wọn dá wọn lára.
Wọ́n f’ohun-ìjà dùn wọ́n;
Wọ́n f’ẹ̀mí wọn șòfò púpọ̀.
Bí wọn ‘ò mú Dàsúkì láyé,
Olódùmarè á mú alákọruwo.
Òbìtà ènìyàn tó sọ omi ọkà d’omi ìwẹ̀.
Ká sọ ọ́ kó yé wa yéké.
Àìsí nǹkan-ìjà tó gúnmọ́,
Lokùnfà bí Boko Haram ṣe ń rí wọn pa.
Ohun ojúu wọn ń rí kèrémí kọ́.
Nítorí ìșọ̀kan Nàìjíríà.
Ojoojúmọ́ l’àwọn sójà ń kú.
Ẹgbẹ̀ta la tún pàdánù láìpẹ́ jọjọ;
Tí gbogbo ẹbí wọn șì ń șọ̀fọ̀.
Àláùrà bá wa forí jì wọ́n o.
Șíjú àánú wò wọ́n,
Gb’ójú nínú ișẹ́-ibii wọn.
Kẹ́ wọn, gẹ̀ wọ́n.
Jẹ́ kí wọn ó r’Álùjánnà wọ̀.
Àwọn sójà t’ó kù láyé,
Pàápàá àwọn t’ó wà lójú ogun.
Bẹ̀rẹ̀ lát’orí ìmùlẹ̀ mi Adérẹ̀mí.
Tó fi káríi wọn gbogbo pátá poo.
Ọba-òkè bá wa mú wọn padà wálé.
Kí wọn ó ṣẹ́gun àwọn oníjàádì.
Alóyúnmábíi ọmọ ọba Kétu.
Awàșẹẹ̀tùdànù l’awo Awùjalẹ̀.
Bí wọ́n bá nàbọn sí wọn,
Kò ní f’ọhùn òkè.
Ẹ ‘ò ní ṣe kòńgẹ́ àgbá.
Ẹ ‘ò ní kú’kú àpalàdọ̀ fáàbàdà.
Apáa Boko Haram ‘ò ní káa yín.
Nítorí apá awọ́nrínwọ́n kì í ká’gi oko.
Apá àtẹ́lẹsẹ̀ kì í ká’jú-ọ̀nà.
Magbẹ̀yìn magbẹ̀yìn l’àgbà Lédì ń ké.
Kẹ́ ẹ rẹ́yìn ogun ọlọ̀tẹ̀ ènìyàn.

Àmín àṣẹ!

Omokùnrin odún méèédógún yí gba máàkì tí ó pò jùlo nínú ìdánwò àti wo ilé-èkó gíga ifáfitì tí ó sì gba púpò jùlo nínú WAEC.

Omokùnrin yí gba àmì A nínú gbogbo ìdánwò tí Ó se fún WAEC tí Ó sì gba jùlo nínú ìdánwò Jamb tí ó gba 332 nínú èsì rè. Èyí wuyì púpò.

ÈDÈ YORÙBÁ

Èdè Yorùbá ṣe pàtàkì;
Ó ṣe kókó.
Ẹ̀yin ọmọ Oòduà,
Ẹ jẹ́ ká máa rọ́jú s’èdèe wa.
Èdè òǹluko kọ́ l’èdèe Yorùbá.
Èdè tó gba’yì tó gb’ẹ̀yẹ ni.
Àìkọ́mọ l’áhọ́n-ìbílẹ̀,
Ní sábàbí ìwà ọ̀yájú.
Ọmọ yín jí ní kùtùkùtù,
Kò mọ bá a ti ń dọ̀bálẹ̀ kí baba.
Àtikúnlẹ̀ ọmọbìnrin ìwòyí a dìdààmú ńlá.
Ọ̀pọ̀ a lanu gbàù,
Wọn a la’rúkọ m’ágbà lórí.
Háà!
Ó dá mi lójú gbangba,
Èdè àpọ́nlé l’èdèe Yoòbá.
Ọmọ Aládé ló ni ká bọ̀wọ̀ àgbà.
Èdè tí í kọ́ni níwà ni Yorùbá.
Èdè tá a fi í ronú láròjinlẹ̀;
Èdè tó kún mi lójú jọjọ kúkú ní í ṣe.
Gẹ̀ẹ́sì Gẹ̀ẹ́sì șá ni wọ́n fi kó wa lẹ́rú.
Bí Gẹ̀ẹ́sì ‘ò bá ti já gaara lẹ́nu,
Àwọn òpè a ṣe bí tọ̀hún ‘ò nímọ̀.
Bẹ́ẹ̀, ìmọ̀ tayọ èdè gédégédé.
L’ára ìmọ̀ l’èdèe wà.
Èdè kan ‘ò sì kúkú jù’kan lọ,
Àwa la ‘ò nááníi tiwa.
B’ónígbá bá sì ṣe pe’gbá ẹ̀,
Bẹ́ẹ̀ l’ayé á bá a pè é.
Ọmọ-àlè nìkan ni kì í gb’édè ilé bàbá ẹ̀.
Ó ṣe láraa wa nílẹ̀ yìí.
A gb’òmìnira ìșèjọba,
A ‘à gb’òmìnira èdè.
Èdè Yorùbá ‘ò ní parẹ́.
Àwọn tó gbé e níyì ‘ò ní parun.
Ẹgbẹ́ Akọ́mọlédè ‘ò ní bàjẹ́.
Ẹgbẹ́ Akéwì ẹ kú ișẹ́ takuntakun.
Àbáláyée Nàìjíríà,
Ișẹ́ tó yakin lẹ ń f’ojoojúmọ́ ṣe.
Gbogbo ilé-ișẹ́ rédíò,
Gbogbo ilé-ișẹ́ ìwé-ìròyìn,
Tó ń gbé èdè abínibí lárugẹ,
Iwájú lẹ ó máa lọ.
Gbogbo olólùfẹ́ èdè àtàtà,
Tí í ṣe èdèe Yorùbá,
Ẹ ‘ò ní pàdánù.

Àmín àṣẹ!

Ojà tí ó wà ní ìlú Abeokuta ní won tì pa pátápátá ní àná, won se èyí láti fi se àpónlé Oba won tí ó wàjà eni tí a mò sí Oba Halidu Laloko (MFR) tí ó jé Agura ti Gbagura tí ó papòdà láti lo bá àwon baba ńlá rè ní ojó kejìlá osù keje odún 2018 (12/07/2018).
Èyí fi hàn wípé Àsà Yorùbá kò le parun.

Tuface àti àwon omo rè okùnrin méjì Nino àti Ziona Idibia ní New York.

Gbajúgbajà tí ó tún jé ògbóntarìgì olórin ìgbàlódé ti a mò sí Tuface Idibia tí ó wà ní orílè èdè United State báyìí fún ìrìn àjò rè ni ó ya àwòrán pèlú àwon omo rè okùnrin méjì tí ó jo ó bí ìmumu, Nino àti Ziona tí won jo jáde pò ní ìpínlè New York.

Àwon ajínigbé mérin tí won tún jé omo egbé òkùnkùn tí ńkó da ìjoba ìbílè Eleme àti agbègbè rè láàmú ni àwon olùbódàbòbò pa .

Orúko àwon tí won pa a máa jé Joe Mba tí ìnagije rè ńjé Sk tàbí Mba boy, Teetito frank tí ìnagije rè ńjé Obele,, Teetito Godwin tí ìnagije rè ńjé Coachy boy àti Gift Paul.

Ìsèlè yí sèlè ní fine real capital hotel ní ònà Okigwe ní ìjoba ìbílè Àríwà Owerri.

Anthony Joshua ní láti gbáradì fún ogun míràn báyìí ni Alibaba tí Ó jé apanilérìn-ín àti adérìn-ín pa òsónú se so nígbà tí Anthony fi aya rè hàn tí èyí sì fi hàn wípé okùnrin mésàn-án ni, òun náà sì ya àwòrán ara rè hàn wípé kí Anthony Joshua gbáradì nítorí òun yóò se tán títí odún méjì.

Ọ̀wọ́nyán rosùn porogodo lóso, Agogo ńlá ni wọ́n fi ń fọ́ri fálágbára mu, Àtàtà ńlá ni wọ́n fi ń fọ yíìrí mọrọ̀, Adífáfún Ògún tíń gbógun lọ sí Ìgbòmẹkùn-eséji, ẹbọ lawo níkóse, Ògún ló sẹbọ sètùtù lówá kóre dé ìtùtúrú

Ògún lákáayé
Oníjà oòle
Ẹjẹmu olúwọnran
Adìgìrì rebi ìjà
Koríko etídò
tíírú mìnìmìnì
Sékélé ni ń o ma rọ̀bẹ
ní pópó iyemakin
Sàgàlà lọ̀bẹ ìrè
Ọ̀bẹ ìrèmògún di ogójì
Ọ̀bẹ ìrèmògún di ọ̀wọ́ngógó
Ọmọ rọ́wọ́rọ̀wọ̀rọ́wọ́
Bí Alágbẹ̀dẹ́ kòbá rọ́wọ́
Ọmọ fínnáfìnnàfínná
bí Alágbẹ̀dẹ kòbá fínná
Tọlọ́kọ́ taládàá ni yóò mọ sùn sọ́nà oko

Ògún yeeeeeeeeeeeeeeeeeeeeeee

Àwon ìgbìmò tuntun rè é, Gómìnà ìpínlè River, Nyesom Ezenwo Wike tètè dé sí Ilorin ní ìpínlè Kwara fún ìpàdé pàtàkí náà pèlú àwon ti Benue náà, Gómìnà Samuel Ortom tí ó sèsè ko ìwé láti fi egbé APC sílè fún èyí tí a kò tí mò.
Sineto George Sekibo, Sineto Adawari pepple àti àwon míràn ni ó sin Gómìnà Wike lo sí ibi ìpàdé náà.
Àwon Gómìnà méjèèjì ti se ìpàdé pèlú Sineto Bukola Saraki àti Gómìnà ìpínlè Kwara, Abdul Fatah Ahmed.