Àṣà Oòduà

Tag: Asa Oodua

  • L’ẹ́gbẹ́ òṣèlú APC; alága méjì lójijì lalẹ̀ hù—- Ajimobi àti Victor Giadom

    L’ẹ́gbẹ́ òṣèlú APC; alága méjì lójijì lalẹ̀ hù—- Ajimobi àti Victor Giadom

    Àwọn àgbà bọ̀ wọ́n ní bí ọ̀rọ̀ ńlá kò bá tí ì tán, èèyàn ńlá kò níí sinmi àròyé.
    Sinimọ́ oríta sì ń tẹ̀síwájú pẹ̀lú ọ̀rọ̀ tó jẹ mọ́ yíyàn ọmọ oyè nínú ẹgbẹ́ òṣèlú náà.
    Ìròyìn míì tó jọ eré oníṣẹ ti ń fi yé ni pé, ìgbákejì Akọ̀wé àpapọ̀ ẹgbẹ́ òṣèlú APC, Victor Giadom ti bọ́ s’órí oyè gẹ́gẹ́ bíi adelé Alága àpapọ̀ ẹgbẹ́ òṣèlú náà.

    Ọ̀rọ̀ ti di iṣu ata yán-an-yàn-an lẹ́gbẹ́ òṣèlú APC báyìí pẹ̀lú bí ẹgbẹ́ òṣèlú ọ̀hún ṣe ń ní adelé Alága àpapọ̀ méjì láàrin wákàtí díẹ̀ sí ara wọn.

    Ní kété tí ilé ẹjọ́ pàṣẹ kí Adams Oshiomole ó fi ipò sílẹ̀, ni ẹgbẹ́ òṣèlú APC ti kéde Sẹ́nétọ̀ Abíọ́lá Ajímọ̀bi gẹ́gẹ́ bí adelé Alága àpapọ̀ ẹgbẹ́ òṣèlú náà.

    Àmọ́ ṣá, kò pẹ́ púpọ̀ ni ẹni tó jẹ́ ìgbákejì Akọ̀wé àgbà ẹgbẹ́ òṣèlú ọ̀hún, Victor Giadom jáde sí bọnbọ pẹ̀lú ìwé ìdájọ́ láti Ilé ẹjọ́ kan , eléyìí tó ní òun ni ó tọ́ sí láti di ipò náà mú.

    Ní Ọjọ́rú sì ni Gaidom gun orí àga náà gẹ́gẹ́ bí adelé Alága àpapọ̀ ẹgbẹ́ òṣèlú APC.

    Ní wàràǹsesà tí ó wọlé ni ó ti kéde pé òun ń gba àkóso ní ìbámu pẹ̀lú ìdájọ́ Ilé ẹjọ́ tó ní ó fún òun lágbára àti ṣe bẹ́ẹ̀.

    Bákan náà ló wọ́gilé ètò àyẹ̀wò àwọn olùdíje fún ipò gómìnà lábẹ́ àṣìá ẹgbẹ́ òṣèlú APC ní Ìpínlẹ̀ Edo.

    Ó fi kún un pé gbá-gbá gbá làwọn ọmọ ìgbìmọ̀ májẹ̀óbàjẹ́ ẹgbẹ́ òṣèlú náà wà lẹ́yìn òun lórí ìgbésẹ̀ náà.
    Kò sí àníànì, ọ̀rọ̀ yìí kò le parí síbẹ̀, bí ó bá se ń lọ, a o máa jábọ̀ fún un yín.

    Fẹ́mi Akínṣọlá

    http://iroyinowuro.com.ng/2020/06/18/legbe-o%e1%b9%a3elu-apc-alaga-meji-lojiji-lale-hu-ajimobi-ati-victor-giadom/

  • O̩ló̩run sì máa gbè̩san ikú bàbá mi – O̩mo̩ o̩ko̩ olóyún

    Olorun si maa gbesan iku baba mi – Omo ojo Oloyun
    Ojo ketalelogun osu kin-in-ni odun yii ni awon adiha-Moran kan lo yinbon pa Alhaji Fatai Yusuf ti gbogbo eniyan mo si oko oloyun.


    Lati igba naa ni awon olopaa ti n se iwadii awon to se ise ibi naa.
    Akoroyin iwe iroyin PUNCH lo se alabapade Kehinde Yusuf to je omo oloogbe naa.

    Kehinde soro ile kun, o ni ju gbogbo re lo, o da oun loju to ada pe Eledua si maa gbesan iku baba oun lara awon eniyan buruku naa.


    O ni baba oun ko ki n ba eniyan ja bee ni ko ki n ba eniyan ta. O ni jeje ni baba yii maa n lo, ti o si maa n mura si bi okowo re se maa gberu sii.
    Kehinde ni oun gege bi omo Naijiria ko reti abajade lodo awon olopaa sugbon oun ni igbagbo ninu Olorun.

    O tun ni ebi oun gan-an ko gbe awon to pa baba naa sokan bi ko se bi awon se maa te siwaju. Bi awon se maa rii pe eto eko oun ati awon aburo oun ko duro nitori pe awon po die.


    O ni ko rorun fun mama oun nikan lati to ono mewaa sugbon awon ni igbagbo ninu Olorun. O ni ipade lorisirisii ti n lo lati le foju to gbogbo idasile baba oun naa. O ni awon ko fe ki okankan parun rara.


    O ni ara eko ti baba awon fi ko awon ni ki awon tepa mose nitori pe atelewo eni ko ki n tan ni je. O ni baba naa ni ki awon tun sun mo Olorun, ki awon maa ke pee ni gbogbo igba.


    Kehinde ni ko si eni ti iku baba naa ko dun ninu ebi oun, o kan je wi pe o dun oun gan-an ni nitori pe oun ni oun di eru baba naa ti oun si gbe si inu moto won, o ni sadede ni iroyin buruku naa kan oun lara ni ojo keji pe won ti yinbon pa baba naa.

    O ni bi ala lo ko ri ki awon ipe to maa wole lorisiirisii ti awon eniyan si tun bere si ni wo wa si ile awon.


    Kehinde ni eyi je ki o pe die ki oun to le pada si ile-iwe nitori pe oun kan sare wale ni ireti ati pada kiakia ki isele naa to sele.

  • Raymond Dokpesi sé̩gun àrùn covid-19

    Raymond Dokpesi sé̩gun àrùn coronae̩i

    Aja to rele Ekun to bo, o ye ki a kii ku ewu.
    Gbajugbaju oludasile ileese redio ati telifison Ray power ati AIT ni o se alabapade ajakale arun coronavirus ni nnkan bii ose meji to koja lo.
    Arun yii ko mu oun nikan, o tun mu mefa miiran ninu ebi re. Oni yii ni ori ko alagba naa yo pelu awon ebi re mefeefa.
    Oluulu Naijiria, Abuja ni won ti ģba iwosan tiwon, ni ibi ti won ti n se itoju awon ti ajakale naa ba ko lu.


    Gbogbo awon ebi, ore ati ojulumo lo ti bere si ni ki alagba naa ku oriire. Nitori pe aisan naa buru de bii wo pe ko mo olowo bee ni ko mo talaka sugbon Eledua ko won yo.

    Ìròyìn láti o̩wó̩ Yínká Àlàbí

  • Ìjọba àpapọ̀: À nì sẹ́, dan dan l’óúnjẹ ọfẹ fún ọmọ rẹ, kíláàsì kínní dé ìkẹta alákọ̀ọ́bẹ̀rẹ̀

    À nì sẹ́, dan dan l’óúnjẹ ọfẹ fún ọmọ rẹ ,kíláàsì kínní dé ìkẹta alákọ̀ọ́bẹ̀rẹ̀- Ìjọba àpapọ̀

    Iléeṣẹ́ tó wà fún ìpèsè ohun ìrànwọ́ nílẹ̀ wa ló sísọ lójú ọ̀rọ̀ yìí nínú àtẹjáde kan tó fisíta lójú òpó abẹ́yefò Twitter rẹ̀.

    Àtẹjáde náà ní gbogbo Ìpínlẹ̀ tó wà ní Nàìjíríà ni wọ́n ti rọ̀ láti lo gbogbo àkọsílẹ̀ tó wà nkàáwọ́ wọn láti tọ ipaṣẹ̀ ilégbèé àwọn akẹ́kọ̀ọ́ tó wà láwọn Ilé ẹ̀kọ́ alákọ̀ọ́bẹ̀rẹ̀ Ìjọba.

    Ṣùgbọ́n yàtọ̀ sí bó ṣe ń wáyé tẹ́lẹ̀, Ìjọba ní àwọn òbí àti alágbàtọ́ àwọn akẹ́kọ̀ọ́ tó lẹ́tọ̀ọ́ sí oúńjẹ ìjọba náà, ni wọn yóó gbe fún.

    “Kìkìdá àwọn akẹ́kọ̀ọ́ tó wà ní kíláàsì kínní sí ìkẹta láwọn Ilé ẹ̀kọ́ alákọ̀ọ́bẹ̀rẹ̀ Ìjọba nìkan, ni yóó jẹ àǹfààní ìpèsè oúnjẹ náà, èyí tí yóó kan ojúlé bílíọ́nù mẹ́ta ó lé díẹ̀, 3,131,971.”

    Lára àwọn èròjà oúnjẹ tí Ìjọba yóó pín fún ìdílé akẹ́kọ̀ọ́ kọ̀ọ̀kan tó lẹ́tọ̀ọ́ sí oúńjẹ náà ni, àpò ìrẹsì oní kílógíràmù márùn-ún (5kg), àpò ẹ̀wà oní kílógíràmù márùn-ún bákan náà, òróró ẹ̀ẹ́dẹ́gbẹ̀ta mìlílítà 500ml, epo Pupa oní ọ̀tàlélẹ́ẹ̀dẹ̀gbẹ̀rin ó dín mẹ́wàá mìlílítà, 750ml, iyọ oní ẹ̀ẹ́dẹ́gbẹ̀ta mílígíràmù, 500mg, ẹyin ẹyọ mẹ́ẹ̀ẹ́dógún àti tómátò lílọ̀ lúbú-lúbú oní mílígíràmù ogóje, 140gm.

    Ìjọba ní àpapọ̀ gbogbo owó àwọn èròjà tí wọ́n fẹ́ pín fún àwọn òbí akẹ́kọ̀ọ́ kọ̀ọ̀kan tó lẹ́tọ̀ọ́ sí oúńjẹ náà, jẹ́ ẹgbẹ̀rún mẹ́rin àti igba Naira, N4,200.

    “Ìgbésẹ̀ pínpín ìwé ẹ̀tọ́ sí oúnjẹ náà, tá a pè ní Voucher ti ń wáyé lọ́wọ́ nílùú Àbújá àti Èkó, tí Ìjọba sì ti ń pèsè owó fún àwọn Ìjọba Ìpínlẹ̀ láti sètò ìpèsè oúńjẹ fún akẹ́kọ́ọ̀ nípìnlẹ̀ kóówá wọn.”

    Fẹ́mi Akínṣọlá

    Ìjọba àpapọ̀

    Iroyin

  • Ewì Toni: Ìwà rere

    *Ìwà rere*
    Iléere ní ẹ̀ṣọ́ nínú
    Ìwà’bàjé ní jẹ́ k’ọ́mọ o j’ìyà
    Ẹwúrẹ́ ya aláìgboràn
    Àgùntàn jẹ́ oníwàpẹ̀lẹ́
    Adígbánnákú ṣẹ̀yìn gákangàkan

    Iléere ní ẹ̀ṣọ́ nínú
    Ìwà rere lẹ̀sọ́ ènìyàn
    Ìwà rere ni òbí ní,
    tí wọ́n fi ń ǹpé ní òbí rere
    Òbí rere ló le kọ́mọ ní’wà rere
    Òbí rere ní fi ìwà rere kọ́ni

    Ìwà rere kọjá ẹ̀sìn
    Ẹ̀sìn bá ìwà rere láyé ni
    Kíì ṣe ẹ̀sìn ní kọ́ni níwà rere
    Ìwà rere ni ẹ̀sọ́ ènìyàn

    Ìpáǹle kìí ṣe ìwà tó tọ́
    Àigbọ̀ràn kìí ṣè’wà rere
    Agbójúlógun firarẹ̀ fóṣì ta
    Ká-tẹ-pá mọ́ ‘ṣẹ́ ohun pẹ̀lú ìwà
    Ojúkòkòrò kìí ṣèwà ire
    Ìwà rere dántọ́, ó tayọ, ó yàtọ̀,
    Ìwà rere ní àpọ́nlé
    Óń buyì kún ní
    Óń fi ni hàn lọ́nà tó gún
    Óń kóni yọ nínú ewu

    Ká tọ́ jú ìwà to pé, tó tọ́
    Gbogbo èèyàn ló dá ọmọluàbí mọ̀
    Èéfín nìwà
    Ìwà kò ́ṣèe kó pamọ́ sínú ǹkankan
    Ìwà kò ṣeé bò mọ́lẹ̀ bí èbù iṣu
    Ìwà ma ń ru sókè láìrò

    Tọ́jú ìwà rẹ ọ̀rẹ́ mìi
    Kí tẹrú tọmọ lè pọ́n ọ lé
    Ìwà rere ǹgbèni débi ayọ̀
    Ẹní bá níwà ní jọlá, ẹní bá níwà níí jọlà
    Ẹníbà níwà ní jère ire
    Tọ́jú ìwà rẹ ọ̀rẹ́ mìi
    Ìwà rere lẹ̀ṣọ́ ènìyàn.

    *Ẹdaọtọ Agbeniyi*
    Lagos, Nigeria.

  • Kòrónáfairọ̀ọ̀sì kò dí ìgbáradì ètò ìdìbó ìpínlẹ Edo àti Òǹdó lọ́wọ́–INEC

    Ó dà bí ẹni pé ń tí ń ṣe Lébáńdé kò s’ọmọ rẹ o, Lébáńdé ń sunkún ọmú, ìyá rẹ ń sunkún ebi, ló díá fún bí àjọ elétò ìdìbò Nàìjíríà ti kéde pé àjàkálẹ̀ àrùn apinni léèmí coronavirus kò dí àwọn lọ́wọ́ rárá láti múra sílẹ̀ de àṣeyọrí ètò ìdìbò ní ìpínlẹ̀ Òǹdó àti Ẹdó.

    Wọ́n ní kò sí ayípadà kankan lórí àwọn ìgbésẹ̀ tó yẹ ní gbígbé láti ṣètò ìdìbò gómìnà àti àwọn ọmọ ilé ìgbìmọ̀ aṣòfin ní àwọn ìpínlẹ̀ méjéèjì náà..

    Ìpínlẹ̀ Edó wà ní Gúúsù Gúúsù Nàìjíríà nígbà tí ìpínlẹ̀ Òǹdó wà ní ìwọ̀ oòrùn Gúúsù Orílẹ̀ yìí.

  • Aye̩ye̩ o̩jó̩ò̩bí Sikiru Lemon

    Aye̩ye̩ o̩jó̩ò̩bí Sikiru Lemon
    Bí a bá dájó̩, o̩jó̩, á pé, bí a dósù, osù á kò. Gbogbo o̩jó̩ ko̩kàndínló̩gbò̩n, osù ké̩rin o̩dún ni o̩jó̩ò̩bí Alhaji Sikiru Lemon.


    Yorùbá bò̩,wó̩n ní “àìbá wo̩n sí níbè̩ ni àìbá wo̩n dá síi”. Ìwé ÌRÒYÌN ÒWÚRÒ darapò̩ mó̩ àwo̩n e̩bí, ò̩ré̩, ojúlùmò̩ àti olólùfé̩ láti sàjo̩yò̩ o̩jó̩ òní pè̩lú ò̩ré̩ wa Sikiru Lemon.

    Àkàlàmò̩gbò kò ní saláì le̩gbè̩rún o̩dún láyé. È̩mí re̩ á se ò̩pò̩lo̩pò̩ o̩dún lókè eèpè̩ nínú o̩lá, iyì, è̩ye̩ àti aláfíà pè̩lú gbogbo olólùfé̩.
    Igba o̩dún, o̩dún kan

  • Ọ̀ọni ilé ifẹ̀ bẹ̀rẹ̀ fínfín ìtagbangba ní Ifẹ̀

    Ọọ̀nirìṣà ilé Ifẹ, jìngbìnì bí àtẹ àkún,Ọba Adéyẹyè Ẹnitan Ogunwusi bẹ̀rẹ̀ fínfín àwọn ìta gbangba gbogbo ní ìlú Ilé Ifẹ̀ lẹ́yìn tó kéde ríra àwọn ohun èlò afínko láti dẹ́kun ọwọ́jà àrùn apinni léèmí COVID-19.

    Ọba Adéyẹyè ra àwọn irinṣẹ́ afínko tí wọ́n ṣe lábẹ́lẹ́ tí owó rẹ̀ tó mílíọ̀nù mẹ́jọ náírà láti ṣe ìrànwọ́ fún ìgbésẹ̀ Ìjọba lórí wíwa wọ́ àrùn apinni léèmí Coronavirus bọlẹ̀.

    Kábíyèysí Ọọ̀nirìṣà kò ṣàì tẹnumọ́ pàtàkì fínfín àwọn ìta gbangba gbogbo káàkiri ìlú, ìpínlẹ̀ àti jákèjádò orílẹ̀-èdè Nàìjíríà.

  • Maryam Sanda ṣì wà lẹ́wọ̀n, Buhari kò dáa sílẹ̀.

    Iléeṣẹ́ Ààrẹ ló sọ pé Ìròyìn tó ń jà rànyìnrànyìn kiri pé Ààrẹ Muhammadu Buhari tí darí jin arábìnrin náà kìí ṣe òtítọ́ rárá.Ki àwọn èèyàn kọtí ọ̀gbọin sí i.
    Ní oṣù kínní ọdún yìí ni ilé ẹjọ́ dá arábìnrin Maryam Sanda lẹ́bi ikú pé ó jẹ̀bi ẹ̀sùn gígún ọkọ rẹ̀ pa tí wọ́n fi kàn án.

    Amúgbálẹ́ẹ̀gbẹ́ fún Ààrẹ Buhari lórí ọ̀rọ̀ Ìròyìn ayélujára, Bashir Ahmad ló fi síta lójú òpó twitter rẹ̀ pé, ara ọ̀nà láti ba orúkọ rere tí Ààrẹ ti ní lórí ètò ìdáríjì fáwọn ẹlẹ́wọ́n tó wáyé láìpẹ́ yìí lọ́nà àti mú àdínkù bá àwọn ọgbà ẹ̀wọ̀n tó kún fọ́fọ́ lórílẹ̀-èdè yìí.

    Fẹ́mi Akínṣọlá

  • Ilé-ìwé Chrisland s̩e ìrànló̩wó̩ fún àwo̩n tó kù díè̩ fún l’Ekoo

    Aiba won si nibe ni aiba won da sii. Eyi lo mu ki Alaga ile-iwe ati oludari, Mama Winfrey Awoshika ati Ibironke Adeyemi pese iresi, ewa, gaari ati ororo repete fun awon ti o ku die fun ni awujo.



    Idile egberun marun-un (5,000) ni won ni lokan sugbon won bere pelu idile egberun kan (1,000) bayii naa.


    Won ti bere si ni pin ounje naa fun awon to letoo si, awon idile naa si n rojo adura fun idagbasoke ile-iwe naa.

    Ilé-ìwé Chrisland s̩e ìrànló̩wó̩ fún àwo̩n tó kù díè̩ fún l’Ekoo
    Ìròyìn láti o̩wo̩ Yínká Àlàbí