Àṣà Oòduà

Tag: Orisirisi

  • Ọwọ́ ọlọ́pàá tẹ àwọn tó f’ọ́lé e MKO Abiola

    Ọwọ́ ọlọ́pàá tẹ àwọn tó f’ọ́lé e MKO Abiola

    Ọwọ́ ọlọ́pàá tẹ àwọn tó f’ọ́lé e MKO Abiola

    À ṣẹ kò sééyan táyé ò lé bá ṣọ̀tá, ó tún hàn pé wọ́n le bínú òkú ọ̀run , yàtọ̀ sèèyan tí wọ́n jọ ń wà láyé. À bí kín ní ká tí pé tàwọn kọ̀lọ̀rànsí t’ọ́wọ́
    Iléeṣẹ́ ọlọ́pàá ti tẹ̀ báyìí pé wọ́n digunjalè sọsẹ́ nílé olóògbé Olóyè Moshood Abíọ́lá tó wà ní Ìkẹjà nílùú Èkó níbi tí wọ́n ti jí nǹkan tó tó ẹgbẹ̀lẹ́gbẹ̀ mílíọ̀nù lọ.

    Abíọ́lá ló jáwé olúborí nínú ìbò Ààrẹ gbogbogbòò tó wáyé lọ́dún 1993 èyí tí Ọ̀gágun fẹ̀yìntì Ibrahim Babangida wọ́gilé nígbà náà.

    Kọmíṣọ́nnà ọlọ́pàá nípìńlẹ̀ Èkó, Hakeem Odumosu ló sọ pé ọwọ́ àwọn agbófinró ti tẹ àwọn amòòkùnṣèkà ẹ̀dá ọ̀hún tí wọ́n yabo ilé Abíọ́lá L’ọ́jọ́rùú.

    Kọmíṣọ́nnà ọlọ́pàá tó sàbẹ̀wò sí ilé ọ̀hún fìdí rẹ̀ múlẹ̀ pé mẹ́ta làwọn olè ọ̀hún ṣùgbọ́n ọ̀kan lára wọn ló gbé ìbọn dání.

    Ọ̀gbẹ́ni Odumosu ní ”ẹbí Abíọ́lá sọ f’óun pé àwọn olè náà jí ọ̀pọ̀lọpọ̀ góòlù àti owó lọ.”

    ”Àwọn agbófinró ti wà lojufo báyìí lágbègbè ìkẹjà tí ilé náà wà tó fi dé ọ̀dọ̀ àwọn ọlọ́pàá tó wà ní ibodè Ìdírókò àti Seme,” Kọmíṣọ́nnà ọlọ́pàá ló sọ bẹ́ẹ̀.

    Kọmíṣọ́nnà ọlọ́pàá ìpínlẹ̀ Èkó ní kò sí ẹni tó farapa nínú ìṣẹ̀lẹ̀ náà nínú ìyàwó Abíọ́lá, Bísí àti ọmọbìnrin méjì tó wà nílé.

    Ọ̀gbẹ́ni Odumosu fikún ọ̀rọ̀ rẹ̀ pé ìwádìí ṣì ń tẹ̀ síwájú lórí ìṣẹ̀lẹ̀ náà.

    Àwọn Aládùgbóò tó báwọn akọròyìn ṣọ̀rọ̀ ṣàlàyé pé géètì tó wà lẹ́yìn làwọn olè bá wọlé, wọ́n ní láago mẹ́rin ìdájí ni ìṣẹ̀lẹ̀ náà wáyé nígbà táwọn ẹṣọ tó wà nínú ilé náà ti sùn lọ.

    Fẹ́mi Akínṣọlá

  • Ebenezer Obey ò kú o–Asojú ẹgbẹ́ Obey

    Ebenezer Obey ò kú o–Asojú ẹgbẹ́ Obey

    Ebenezer Obey ò kú o–Asojú ẹgbẹ́ Obey

    Ó dà bí ẹni pé àwọn èèyàn kìí fẹ́ rán aṣọ wọn níbi tó gbé ya mọ́ lóde òní. Ìtọ pinpin àti àríwísí ọ̀rọ̀ ọlọ́rọ̀ ló kù tí wọ́n ń mójútó, bọ̀kílẹ̀ èyí sì ń dá ìṣòro tó pọ̀ sí àwùjọ, dípò o kí ó mú ìlọsíwájú báwa.

    Irúfẹ́ àwọn àhesọ ọ̀rọ̀ yìí ló mú kí aṣojú ẹgbẹ́ orin bàbá Ebenezer Obey, Túnjí Ọdúǹbákú o bọ́ síta sọ fún akọròyìn pé irọ́ ni ìròyìn tí àwọn kan ń gbé kiri pé gbajúgbajà olórin náà ti dágbére fáyé, kí àwọn èèyàn tàkìtì ìpàkọ́ sí ìròyìn ẹlẹ́jẹ̀ náà.

    Ṣaájú ni ìròyìn kan gbòde lórí ayélujára pé agbaọjẹ olórin juju ọ̀hún ti gbẹ́mìí mì nílé ìwòsàn kan ní ìlú Lọ́ńdọ́nù.

    Ṣùgbọ́n Odunbaku sọ fún akọròyìn pé kò sí òtítọ nínú ìròyìn náà.

    Ó ní “Nǹkan bíi Ìṣẹ́jú márùn ún ṣẹ̀yìn ní mo ṣẹṣẹ bá bàbá sọ̀rọ̀ lórí awuyewuye pé wọ́n papòdà, ṣùgbọ́n kò sí nǹkan kan tó ṣe bàbá, àlàáfíà ni wọ́n wà.”

    Ó tẹ̀síwájú pé irọ́ ni pé Ebenezer Obey wà ní ìlú òyìnbó.

    Ọdúǹbákú parí ọ̀rọ̀ rẹ̀ pé ìlú Èkó ni bàbá wà lásìkò tí òun ń bá akọ̀ròyìn sọ̀rọ̀, àti pé kokoko lara rẹ̀ le.

    Fẹ́mi Akínṣọlá

  • Keyamu àti àwo̩n Asojú sòfin tutó̩ sí ara wo̩n lójú

    Keyamu àti àwo̩n Asojú sòfin tutó̩ sí ara wo̩n lójú

    Keyamu àti àwo̩n Asojú sòfin tutó̩ sí ara wo̩n lójú

    Minisita fun ipinle ati eto ise ni orileede yii, Agbejoro agba Festus Keyamu ni awon Asoju sofin ranse si ni ilu Abuja lonii.


    Won fi saarin, won si bere si ni da ibeere lorisiirisii boo lori ibi ti ise de duro lori osise egberun kan fun ijoba ibile kan.


    Ijoba ibile ti o wa ni orileede yii je egberin din merindinlogbon (774). Keyamu ni ona ise naa ti jin, awon to maa gba awon eniyan egberun kan,ipinle kan ti bere ise, o ni gbogbo eto lo n lo laisi wahala kankan.


    Awon asoju sofin ni ki o je ki awon ri oruko awon to n gbani sise naa. Ki awon si mo ogbon ati ete ti won n lo lati fi gba awon osise naa.


    Minisita ni ki won ma se iyonu nitori akanse ise naa wa lati ile-ise Aare ni eyi ti ko tun pon dandan fun won mo lati maa dara won laamu rara nipa re.


    Eyi lo fa gbonmi-sii-omi-o-too laarin won.
    Igba ti oro naa n le ju ni awon asoju sofin ni ki awon wo iyewu lo pari oro naa ni eyi ti minisita yari kanle pe “ko si awo kankan lawo ewa” o ni” won o ki n te tufo aja”. Minisita ni oun ko ni ipade kankan se pelu won ti ko ba ti ni si awon oniroyin nibe.


    Awuyewuye yii ni Agbejoro agba naa ba kuro ni ile-igbimo asofin won.

    Yínká Àlàbí

  • Ilé ẹjọ́ kòtẹ́mílọ́rùn yọ alága ẹgbẹ́ òṣèlú APC Adams Oshiomhole nípò

    Ilé ẹjọ́ kòtẹ́mílọ́rùn yọ alága ẹgbẹ́ òṣèlú APC Adams Oshiomhole nípò–

    Ilé ẹjọ́ kòtẹ́milọ́rùn ti ilú Àbújá ti yẹ àga mọ́ alága ẹgbẹ́ òṣèlú APC, Adams Oshiomhole nídìí

    Ìgbìmọ̀ ẹlẹ́ni mẹ́tà ti adájọ́ Eunice Onyemanam sójú fún ni wọ́n fẹnu kò láti jan idájọ́ tí ilé ẹjọ́ ti kọ́kọ́ dá tẹ́lẹ̀ lóntẹ̀

    Sáájú ni Oshiomhole ti pe ẹjọ́ kòtẹ́milọ́rùn lórí ìdájọ́ tí àdájọ Abubakar Yahaya sì dájọ pé kí ìdájọ́ náà dúró náà kí ó ṣì máa ṣe alága lọ́ títí ìdájọ́ ilé ẹjọ́ kòtẹ́milọ́rùn yóò ṣe fìdímúlẹ̀.

    Adájọ́ Onyemanam tó dárí ẹjọ́ tó wáyé l’ọ́jọ́ ìṣègùn ló dá ẹjọ́ náà ló fídí rẹ̀ múlẹ̀ pé ìdájọ́ ilé ẹjọ́ kékeré tó yọ Adams Oshiohmole gẹ́gẹ́ bí alágá nínú ọṣù kẹta ọdún yìí ṣe nǹkan tó yẹ àti pé, ẹjọ́ kòtẹ́mílọ́rùn tí Oshiomhole pè kò fìdì múlẹ̀.

    Fẹ́mi Akínṣọlá

  • Orisirisi: Àwọn àǹjàǹnú ń gbowó oṣù l’ájọ Sùbẹ́ẹ̀bù Kwara- EFCC

    Àwọn àǹjàǹnú ń gbowó oṣù l’ájọ Sùbẹ́ẹ̀bù Kwara- EFCC

    Àjọ tó ń gbógun ti ìwà jẹgúdújẹrá lórílẹ̀-èdè Nàìjíríà EFCC sọ pé àṣírí àwọn ayédèrú òṣìṣẹ́ ẹgbẹ̀rún kan àjọ tó ń ṣàkóso ètò ẹ̀kọ́ alákọ̀ọ́bẹ̀rẹ̀ nípìńlẹ̀ Kwara ti tú sí àwọn lọ́wọ́.

    Orúkọ àwọn ayédèrú òṣìṣẹ́ yìí làwọn kan gb’ọ̀nà ẹ̀bùrú fi sínú orúkọ àwọn tó ń ṣiṣẹ́ tí wọ́n sì ń lu owó oṣù wọn ní póńpó.

    Olórí àjọ náà tó ń bójú tó ẹ̀ka ìpínlẹ̀ Kwara ló fi ọ̀rọ̀ yìí tó àwọn oníròyìn létí nílù Ilọrin lọ́jọ́bọ.

    Ọ̀gbẹ́ni Isyaku Sharu sọ pé nínú àwọn tí àwọn mú láti wá wí tẹnu wọn lórí ọ̀rọ̀ yìí ni Akọ̀wé àgbà kan àti Olùdarí iléeṣẹ́ Ìjọba lábẹ́ Ìjọba ìpínlẹ̀ Kwara kan náà wà.

    Lójú òpó abẹ́yefò Twitter Efcc bákan náà ni wọ́n fi síbẹ̀ pé, àwọn ti rí owó tó tó mílíọ̀nù méjìdínlógóje náírà gbà padà lọ́wọ́ àwọn tó ku owó ọba ní póńpó.

    Ó tún fikún ọ̀rọ̀ rẹ̀ pé àwọn tí ṣaájú dá àwọn owó kan t’áwọn rí gbà padà fún Gómìnà Kwara, Abdulrahman Abdurazaq

    Àjọ Sùbẹ́ẹ̀bù ló yẹ kí ó má mójútó ọ̀rọ̀ ètò ẹ̀kọ́ alákọ̀ọ́bẹ̀rẹ̀ ní Kwara ṣùgbọ́n, ẹnu kò sìn lẹ́yìn àjọ náà pẹ̀lú bí àwọn olùkọ́ kò se rí owó oṣù gbà déédé, tí àwọn ilé ẹ̀kọ́ alákọ̀ọ́bẹ̀rẹ̀ kò sì wà nípò to wú ni lórí.

    Fẹ́mi Akínṣọlá

  • O̩wó̩ pálábá 185 nínú o̩mo̩ e̩gbé̩ òkùnkùn ségí l’Eko

    O̩wó̩ pálábá 185 nínú o̩mo̩ e̩gbé̩ òkùnkùn ségí l’Eko
    Yínká Àlàbí

    Komisona olopaa ni ipinle Eko, Ogbeni Hakeem Odumosu tenu moo ipinle Eko ko ni faaye gba egbe okunkun rara.


    Eyi lo faa to fi tete pakiti mole lati gbogun ti awon omo naa bi olobo se taa.
    Lati ipari osu karun-un ni iroyin ti n kan ago olopaa pe awon egbe okunkun Eiye ati Aiye n gbena woju ara won.


    Awon egbe yii si n fi ibon ati awon nnkan oloro miiran pa ara won paapaa ni agbegbe Ikorodu.


    Ija miiran tun fe bere ni olobo ta awon olopaa ni eyi to si mu ki “owo palaba awon omo egbe marundinlaadowaa (185) segi”.
    Agbegbe Shagamu,Igbogbo,Ibeshe, Ipakodo,Agbowa ati bee bee lo ni owo ti te awon omo yii ni ilu Ikorodu.

    Awon egbe ti owo awon olopaa ti te awon omo won ju ni Eiye, Aiye, Kk, Buccaneers ati Vikings confraternity.


    Die ninu awon Oloye egbe towo olopaa te ni Gbadamosi Mohammed, Onibudo Afeez,Habeeb Isa,Felix Igwoke, Taiwo Iyanu ati Adeoye Daya.
    Awon olopaa gba ibon pisitu oyinbo mejo,ibon ibile kan pelu awon ohun ija oloro lorisiirisii.
    Awon olopaa ni awon ti owo te naa ko ni pe foju ba ile-ejo.

    http://iroyinowuro.com.ng/2020/06/09/o%cc%a9wo%cc%a9-palaba-185-ninu-o%cc%a9mo%cc%a9-e%cc%a9gbe%cc%a9-okunkun-segi-leko/

  • Ìdájọ́ ikú kò pọ̀jù fún gbogbo afipá bánilòpọ̀ – Ẹgbẹ́ ajàfẹ́tọ̀ọ́ ọmọnìyàn

    Ìdájọ́ ikú kò pọ̀jù fún gbogbo afipá bánilòpọ̀ – Ẹgbẹ́ ajàfẹ́tọ̀ọ́ ọmọnìyàn

    Àgbáríjọpọ̀ àwọn ẹgbẹ́ ajàfẹ́tọmọnìyàn bíi mẹ́rìnlà ọ̀tọ̀ọ̀tọ̀ ti korò ojú sí ìwà ìfipábánilòpọ̀ àti ìṣekúpani tí àwọn obìnrin ń kojú láwùjọ.

    Nínú ìpàdé àwọn oníròyìn tó wáyé lópin ọ̀sẹ̀ yìí nílùú Ìbàdàn, àwọn ẹgbẹ́ náà gbarata lórí ìwà ọ̀daràn tí àwọn amòòkùnṣèkà kan ń hù sí ọmọdé àti àwọn àgbà tó jẹ́ obìnrin, paàpá jùlọ lórí ọ̀rọ̀ ìṣekúpani àti ìfipábánilòpọ̀.

    Ọ̀kan lára àwọn aṣojú ẹgbẹ́ náà, Arábìnrin Grace Oluwatoye késí ìjọba àti àwọn agbófinró láti bójútó wàhálà tí àwọn ọmọbìnrin ń dojúkọ lásìkò yìí.

    Ó ní àwọn ọmọbìnrin bíi mẹ́ta ọ̀tọ̀ọ̀tọ̀ tó pàdánù ẹ̀mí wọn nítorí ìfipábánilòpọ̀ àti ìwà ipá láàrin ọ̀sẹ̀ kan ti fa àìbalẹ̀ ọkàn fún gbogbo abiyamọ pátá.

    Oluwatoye ní ohun tó ń kọnilóminú ni pé àwọn obìnrin tó jẹ́ pé láti ara wọn ni gbogbo ènìyàn ti jáde náà lótún wá ń kojú irú wàhálà báyìí. Gbogbo eléyìí kò sì ṣẹ̀yìn ètò ààbò tó mẹ́hẹ láwùjọ.

    Ó ní àìfi ẹnìkan kan jófin lórílẹ̀ yìí ló fàá tí àwọn olubi ẹ̀dá náà fi ń tẹ̀síwájú nínú ìwà ọ̀daràn. Ìgbàgbọ́ ẹgbẹ́ náà ni pé ìgbésẹ̀ láti dẹ́kun ìwà ìbàjẹ́ náà yóó yá kánkán tí ìjọba bá bẹ̀rẹ̀ sí ní ṣe ìdájọ́ ikú fún ẹnikẹ́ni tí wọ́n bá gbámú.

    Àwọn ẹgbẹ́ náà tún fi ẹ̀sùn kan àwọn obìnrin tó ń ta ọtí líle àti pàrágà pé àwọn náà lọ́wọ́ sí ọ̀rọ̀ ìfipábánilòpọ̀ yìí nítorí pé gbogbo nǹkan burúkú tí àwọn ọ̀daràn náà ń mu ló ń fún wọn ní ìgboyà láti ṣiṣẹ́ ibi. Wọ́n ní “ẹni tí kò mu ọtí líle kò ní bá ọmọ ọdún mẹ́rin sí mẹ́jọ sùn”.

    Wọ́n ké sí Ìjọba láti rí sí ọ̀rọ̀ àwọn obìnrin tó ń ta pàrágà láwùjọ kí àdínkù le dé bá ipá búburú tí ìmukúmu ń kó láàrin wa.

    Lára ohun tí wọ́n tún késí ìjọba láti ṣe kí ìwà ọ̀daràn náà le káṣẹ̀ nílẹ̀ ní àgbékalẹ̀ òfin tí yóó máa dá sẹ̀ríà fún àwọn afipábánilòpọ̀, àti ìbáwí tó péye fún gbogbo ẹni tí ajé ìwà ìbàjẹ́ bá ṣí mọ́ lórí.

    Arábìnrin Oluwatoye tún rọ àwọn onílé iṣẹ́ ìgbóhùn sáfẹ́fẹ́ láti máa fi ààyè ìlanilọ́yẹ̀ sílẹ̀ lórí àwọn ètò tí wọ́n ń ṣe, kí òye túbọ̀ lé è yé àwọn ará ilé síi lórí àwọn ewu tó rọ̀ mọ́ ìfipábánilòpọ̀ àti ìṣekúpani láwùjọ wa.

    Ọ̀kan lára àwọn ọkùnrin tó jẹ́ aṣojú ẹgbẹ́ náà, Arákùnrin Hamzat Kọlawọle ṣọ pé ìwà tí kò bójúmu tí kò sì yẹ àwùjọ ni ìwà ìfipábánilòpọ̀.

    Ó ní ọkùnrin tó bá fi ipá bá ọmọdé tàbí àgbàlagbà tó jẹ́ obìnrin lọ̀pọ̀ ti ṣe ohun burúkú.Kọlawọle ní kò yẹ kí á bí irú àwọn ẹ̀dá bẹ́ẹ̀ sí ayé rárá dé ibi pé a ó máa pè wọ́n ní ọkùnrin.

    Ó ní irú àwọn ọkùnrin tó ń hu irú ìwà ọ̀daràn bẹ́ẹ̀ ló yẹ kí gbogbo àwọn ọkùnrin tó kù pawọ́pọ̀ láti báwí nítorí wọ́n ba gbogbo àwọn tí kò mọwọ́ mẹsẹ̀ lójú jẹ́.

    Fẹ́mi Akínṣọlá

  • Auxiliary, ata dùǹdú rẹ̀ ń fínmú — Ìjọba Ọ̀yọ́ dúnkookò

    Auxiliary, ata dùǹdú rẹ̀ ń fínmú — Ìjọba Ọ̀yọ́ dúnkookò

    Ó dà bí ẹni pé orí tí yóó súpó, kìí jẹ́ kí ti ọlọ́kùnrùn ó yè ni ọ̀rọ̀ fẹ́ dà báyìí fún asáájú ìgbìmọ̀ tó ń ṣe àkóso gárèjì ọkọ̀ ní ìpínlẹ̀ Ọ̀yọ́, Alhaji Mukaila Lamidi, tí ọ̀pọ̀ èèyàn mọ sí Auxiliary.
    Bí ìjọba ìpínlẹ̀ Ọ̀yọ́ ṣe ń pa á lówe fún un pé ata dùǹdú rẹ̀ ń fínmú, àti pé pọnlá pọnlá a bàtá rẹ̀ yìí lè ya lójijì.

    Nígbà tó ń fi ewé ọmọ mọ́ Auxiliary létí, Kọmísánà fún iṣẹ́ òde àti ìgbòkègbodò ọkọ̀ nípìńlẹ̀ Ọ̀yọ́, Ọ̀jọ̀gbọ́n Raphael Àfọ̀njá ní etí ìjọba ìpínlẹ̀ Ọ̀yọ́ ti kún, lórí àwọn ìwà ìdàlúrú tí asáájú ìgbìmọ̀ alákòóso gárèjì ọkọ̀ àti àwọn ìṣọǹgbè tíí ṣe ọmọ lẹ́yìn rẹ ń hù nígboro.

    Afonja, lásìkò tó ń kópa lórí ètò orí rédíò kan nílù Ìbàdàn ní, kò sí ẹni tí ìjọba kò leè pààrọ̀, yóó sì dáa kí Auxiliary àti ìṣọǹgbè rẹ so èwe gbejẹ mọ́ wọ́.
    Ó ní àfojúsùn Ìjọba ìpínlẹ̀ Ọ̀yọ́ lábẹ́ àkóso Gómìnà Onímọ̀ ẹ̀rọ Ṣèyí Mákindé ní pé kí ìdẹ̀rùn bá ìlú, láì sí páà héè.

    “Etí ìjọba Ọyọ ti kún nípa ìwà ìpáǹle tí àwọn ọmọlẹ́yìn Auxiliary ń ṣe, mo wá ń fi àkókò yìí késí òun àti àwọn ọmọ ẹ̀yìn rẹ̀ láti sinmi agbaja, bí bẹ́ẹ̀ kọ́, ìjọba yóó gba ipò náà lọ́wọ́ rẹ̀ nítorí kò sí ẹni tó ga ju òfin lọ.”

    Bẹ́ẹ̀ bá gbàgbé, ọ̀pọ̀ ìgbà ni ariwo ti sọ nígboro ìlú Ìbàdàn nípa bí àwọn ọmọlẹ́yìn Auxiliary ṣe ń hùwà ipá ní àwọn ibùdókò tí wọ́n ti ń ṣíṣẹ.

    Fẹ́mi Akínṣọlá

  • Ọ̀daràn kan fi tipá wọ ààfin Ọ̀ọni ilé ifẹ̀

    Ọ̀daràn kan fi tipá wọ ààfin Ọ̀ọni ilé ifẹ̀

    A kìí gbélé ẹni ká fi ọrùn rọ́ ni a ti ń gbọ́ tipẹ́ tipẹ́, sùgbọ́n kín wá ni ká ti pe tirúfẹ́ ìṣẹ̀lẹ̀ ajániláyà yìí tó wáyé ní ààfin Ọọ̀nirìṣà Ọba Adéyẹyè Ògúnwùsì,ní alẹ́ ọjọ́ Ìṣẹ́gun níbi tí àwọn èèyàn ìlú Ilé Ifẹ̀ ni àwọn ti ń gbọ́ ìró ìbọn ní kíkàn kíkan ní ilé Oòduà tíí ṣe ààfin Ọọ̀nirìṣà Ilé Ifẹ̀, Ọba Adéyẹyè Ògúnwùsì .

    Eléyìí ló ṣì mú kí ọ̀pọ̀lọpọ̀ àwọn èèyàn ìlú ìṣèǹbáyé náà ó máa kó àyà sókè lórí àlàáfíà Ọọ̀nirìṣà Adéyẹyè Ògúnwùsì.

    Nígbà tí gbogbo rẹ̀ yóó fi rọlẹ̀ ni ìròyìn jáde pé àwọn èèyàn mẹ́ta kan gbìyànjú láti fi ipá wọ ààfin nínú ọkọ̀ ayọ́kẹ́lẹ́ kan. Nígbà tí wọ́n dé ìloro àkọ́kọ́ ní ààfin Ọọ̀nirìṣà ní àwọn ẹ̀ṣọ́ bèèrè ohun tí wọ́n wá ṣe, tí méjì nínú wọn sì bẹ́ sílẹ̀ nínú mọ́tò tí wọ́n sì fi ẹsẹ̀ fẹ́ ẹ.

    Ẹnì kẹta wọn tó wa ọkọ̀ náà ni wọ́n ní ó fi ọkọ̀ náà já ìloro kínní àti ìkejì pẹ̀lú èròńgbà láti wọ ìloro kẹta níbi tí Kábíyèysí àrólé Oòduà, Ọọ̀nirìṣà Ọba Ògúnwùsì ń gbé, ṣùgbọ́n àwọn agbófinró tó ń ṣọ́ ààfin náà bá ya bò ó.

    Gẹ́gẹ́ bí ọ̀rọ̀ tí alákòóso ọ̀rọ̀ ìròyìn fún Ọọ̀nirìṣà, Kọmureedi Ọlafare ṣe ṣàlàyé fún akọròyìn, Ajá kan tí wọ́n ní arákùnrin náà gbé sínú ọkọ̀ tí ó tú sílẹ̀, ni àwọn agbófinró ń lé kiri.

    Ìró ìbọn tí wọ́n sì ń yìn sí ajá náà níbi tí wọ́n ti ń lé e kiri làwọn aráàlú gbọ́ tí wọ́n fi rò pé bóyá àwọn adigunjalè ló wọ ààfin.

    Arákùnrin náà ní wọ́n ní ó wà ní àhámọ́ àwọn ọlọ́pàá báyìí tí ìròyìn sì ń jẹ́ kó di mímọ̀ pé ó ti bá wọn lálejò ní ẹ̀ka ọ̀tẹ̀lẹ̀múyẹ iléeṣẹ́ Ọlọ́pàá ní Òṣogbo.

    Nínú ọ̀rọ̀ tó bá iléeṣẹ́ Ìròyìn kan ní ìlú Ọṣogbo sọ, alukoro fún iléeṣẹ́ ọlọ́pàá ní ìpínlẹ̀ Ọ̀ṣun, ASP Yẹmisi Ọpalọla, nínú àlàyé rẹ̀ dárúkọ arákùnrin náà gẹ́gẹ́ bí i Daramọla Wasiu.

    Fẹ́mi Akínṣọlá

  • Iléèṣẹ́ ọlọ́pàá ti ṣe àfihàn àwọn afurasí tó jí ìbejì Akeugbagold gbé ní ìlú Ìbàdàn

    Iléèṣẹ́ ọlọ́pàá ti ṣe àfihàn àwọn afurasí tó jí ìbejì Akeugbagold gbé ní ìlú Ìbàdàn

    Àwọn àgbà bọ̀ wọ́n ní, àṣẹgbé kan kò sí, àsepamọ́ ló wà.Ni báyìí, kélé òfin ti mú àwọn ọ̀daràn tó jí àwọn ìbejì Alhaji Taofẹẹq Akewugba Gold gbé.

    Méje ni àwọn kọ̀lọ̀rànsí ọ̀daràn náà, ọkùnrin mẹ́fà àti obìnrin atẹ̀yìntọ̀ kan tí wọ́n gbà láti tọ́jú àwọn ìbejì ní gbogbo ọjọ́ mẹ́jọ tí wọ́n lò lákàtà àwọn ajínigbé.

    Ohun ìyàlẹ́nu ni wí pé méjì nínú Yatọ si pe ọwọ tẹ wọn, miliọnu mẹta din ẹgbẹrun lọna igba Naira (2.8m), ni awọn afurasi naa sọ pe awọn naa owo ti wọn gba fun itusilẹ awọn ọmọ naa ku.

    Miliọnu mẹẹrin Naira ni wọn gba.
    ọ̀daràn náà ló sún mọ́ Bàbá ìbejì pẹkipẹki gẹ́gẹ́ bí òṣìṣẹ́, mílíọ̀nù mẹ́rin Náírà ni wọ́n gbà kí wọ́n tó jọwọ ẹmi àwọn ọmọ náà.

    Kọmísánà Àjọ ọlọ́pàá nípìńlẹ̀ Ọ̀yọ́, Ṣina Olukolu ló ṣe àfihàn àwọn ọ̀daràn náà lọjọ Ajé ní olú iléeṣẹ́ ọlọ́pàá tó ń bẹ ní agbègbè Ẹlẹyẹle nílùú Ìbàdàn.

    Yàtọ̀ sí pé ọwọ́ tẹ̀ wọ́n, mílíọ̀nù mẹ́ta dín ẹgbẹ̀rún lọ́nà igba Náírà (2.8m), ni àwọn afurasí náà sọ pé àwọn ná owó tí wọ́n gbà fún ìtúsílẹ̀ àwọn ọmọ náà kù.

    Mílíọ̀nù mẹ́rin Náírà ni wọ́n gbà.

    Fẹ́mi Akínṣọlá