Àṣà Oòduà

Tag: iroyin

  • Covid-19- kó̩ ló pa Babatunde Oke

    Covid-19- kó̩ ló pa Babatunde Oke

    Covid-19 ko lo pa Babatunde Oke
    Owuro oni ni won kede iku Alaga ijoba ibile Onigbongbo, Ogbeni Babatunde Oke.


    Gbogbo iroyin to gbee ni ajakale arun coronavirus lo paa. Won ni baba naa se aisan ranpe ni nnkan bii ose meta seyin sugbon ti ara ti ya.
    Won ni alaga yii se odun ileya pelu awon ololufe ati ore pelu ojulumo ni asiko odun naa.

    Asiko yii gan-an ni awon olutele oloogbe naa ni ategun tun raaye wo ara re. Won ni bi aisan naa se wo baba naa mole niyen. Eyi mu ki won sare gbee lo si ile iwosan aladaani Kan.


    Ile-iwosan naa ni alaga naa ti gbemi mi ti o si je Olorun nipe.
    Awon olutele Alaga naa ni won ba IROYIN OWURO soro, won ni covid-19 ko lo pa baba naa. Won ni awon si wa nibi igbokusi ni Yaba lati se oku naa lojo fun igba die.


    Awon alaba-sise oloogbe naa ni ti o ba je covid-19 lo pa baba naa, ile-iwosan ko ni fi oku naa sile bee ni won ko si nii gba ki awon toju iru oku naa.

  • Gbọ́ ń táwọn èèkàn ìlú ṣọ lẹ́yìn Búrùjí Kashamu

    Gbọ́ ń táwọn èèkàn ìlú ṣọ lẹ́yìn Búrùjí Kashamu

    Gbọ́ ń táwọn èèkàn ìlú ṣọ lẹ́yìn Búrùjí Kashamu

    Bí ọmọ èèyàn bá wá sílé ayé, ìgbàgbọ́ Yorùbá ní pérúfẹ́ ẹni bẹ́ẹ̀ wáyé wá nájà ni. Ènìyàn ò sáà lè tajà tán kò sùn sínú ọjà, àti pé n tí kóówá gbe wá sínú ayé fún títà kò papọ̀.


    Ìbà Ọ̀jẹ́túndé Asòlẹ̀kẹ̀ Olorì alágbàáà àná tó sílẹ̀ bora. Ó ní èèyàn tó wáyé wá ta góòlù kò papọ̀ mọ́ tẹni wáyé wá ta ẹ̀kọ.
    Ẹni o wá tẹ̀kọ ṣe é ṣe kó tètè sẹ́rí wálé, góòlù kò yá títà bí ẹ̀kọ.
    Gbogbo àsamọ̀ yìí ló díá fún pé n tá a bá wá tá láyé ní yóó ṣọ bí ìrìnàjò yóó ṣe pẹ́ tó tàbí yá sí.

    Kò sí nínú ìròyìn mọ̀ pé Kofi -19 ń soro bí agbọ́n láàrin àwọn èèkàn ọmọ bíbí Orílẹ̀ yìí tó lóókọ lóókì, ọ̀kan pàtàkì sí ní Buruji Kashamu ẹni tí a fi àkójọpọ̀ ìwòye àwọn èèyàn lẹ́yìn rẹ̀ sọ di ìròyìn.

    Ṣé lọ́jọ́ a kú làá dère, èèyàn ò sunwọ̀n láàyè. Gbólóhùn yìí ló bi Onírúurú gbólóhùn tó ń fọhùn lẹ́yìn ikú èèkàn olóṣèlú n nì,Buruji Kashamu.
    Ṣé gángan láyé pẹ̀lú ojú méjì, ìbí tó bá sì gbà kójú sí kóówá ní yóó ṣọ bí ìròrí rẹ̀ yóó ṣe lọ.

    Bí àwọn ìlúmọ̀ọ́ká àti olókoòwò ṣe n dárò àgbà ọ̀jẹ̀ olóṣèlú náà ló fẹ́ ẹ̀ jẹ́ àrà ọ̀tọ̀.
    Díẹ̀ lára àwọn tó ṣọ tinú wọn ni Olóyè Olúṣẹ́gun Ọbásanjọ́ Ẹbọra Owu.
    Bàbá náà ṣọ̀rọ̀ ìkẹ́dùn pé olóògbé náà kú . Bẹ́ẹ̀ ló bó o lójú pé Buruji khasamu rí gbogbo àǹfààní òfin lò láti borí àwọn Onírúurú ẹ̀sùn tí wọ́n fi kàn án nílẹ̀ yìí àti lókè okùn síbẹ̀ ikú ti wá mú un lọ.

    Gómìnà ìpínlẹ̀ Ògùn, Dàpọ̀ Abíọ́dún ti sàpèjúwe Sẹ́nétọ̀ Búrùjí Kashamu gẹ́gẹ́ bí ẹni tó nífẹ̀ẹ́ ọmọnìyàn.


    Gómìnà ní bótilẹ̀ jẹ́ pé àwọn kò jọ sí nínú ẹgbẹ́ òṣèlú kan náà, síbẹ̀ òun mọ̀ pé Sẹ́nétọ̀ náà ti ran àwọn ènìyàn lọ́wọ́ gidigidi.
    Àgbà òṣèlú àti adarí ẹgbẹ́ APC nílẹ̀ yìí Olóyè Bola Ahmed Tinubu tí sàpèjúwe Sẹ́nétọ̀ Búrùjí Kashamu gẹ́gẹ́ bí olóṣèlú tó fẹ́ràn àwọn èèyàn rẹ̀ tó sì nífẹ̀ẹ́ ẹgbẹ́ òṣèlú tó nígbàgbọ́ nínú rẹ̀.


    Ó ní .
    Bruce ni ọ̀rẹ́ wọlé wọde ni òun àti Kasamu kó tó jẹ́ Ọlọ́run nípè.
    Ó ròyìn ẹ̀ pé èèyàn rere ni àti pé ikú olóògbé náà jẹ́ ìmọ̀lára fún òun.O gbàá ládùúrà pé kí Ọlọ́run fáànù gbàá.


    Gómìnà t’ẹ́lẹ̀ ní Ìpínlẹ̀ Èkìtì, Ayodele Fayose náà wà lára àwọn tó kẹ́dùn pẹ̀lú àwọn ọmọ Orílẹ̀ yìí àti ẹbí olóògbé.O ròyìn rẹ̀ pé ojúlówó olóṣèlú tó fẹ́ràn àwọn èèyàn ẹkùn rẹ̀ ni.


    Ó ní ẹ̀dá kìí rìn kórí ó mọ́ mì, kò sééyan tí wọ́n wọ́n sí abíyá ẹ̀ sókè tí kò ní rùn. Èyí ló fi fèsì sí ọ̀rọ̀ tí Olóyè Olúṣẹ́gun Obasanjọ ṣọ lórí olóògbé Búrùjí Kashamu.
    Bí ó ó tilẹ̀ jẹ́ pé ojú olóògbé náà kò tẹ́yìn mọ́, síbẹ̀ ìtàn àṣesílẹ̀ n fọhùn lẹ́yìn olóògbé Búrùjí Kashamu.
    Níwọ̀n ìgbà tí èèyàn tí kò tíì kú kò mọrú ikú tí yóó pa á, ẹ jẹ́ á gbìyànjú ká nítàn réré, ṣaájú ọjọ́ àtisùn un wa.

    Fẹ́mi Akínṣọlá

    http://iroyinowuro.com.ng/2020/08/10/gbo-n-tawon-eekan-ilu-%e1%b9%a3o-leyin-buruji-kashamu/
  • APC kò ní ì ṣe ìdìbò ní ìpínlẹ̀ Òǹdó àyàfi.. Olùdíje kan

    APC kò ní ì ṣe ìdìbò ní ìpínlẹ̀ Òǹdó àyàfi.. Olùdíje kan


    APC kò ní ì ṣe ìdìbò ní ìpínlẹ̀ Òǹdó àyàfi.. Olùdíje kan

    Láìpẹ́ yìí ni ìròyìn kàn pé ìgbìmọ̀ ẹgbẹ́ òṣèlú All Progressive Congress (APC) tó ń ṣe àyẹ̀wò àwọn olùdíje lábẹ́ ẹgbẹ́ náà sọ pé Segun Abraham ni kò kójó òṣùwọ̀n tó nínú àwọn tó ń díje nítori náà ni won ṣe yọ.

    Segun Abraham jẹ́ ọ̀kan lára àwọn méjìlá tó ń dije lábẹ́ àsíá ẹgbẹ́ APC tó sì ti gbá ìwé láti fi èrò rẹ̀ hàn pé, òun ṣetan láti kópa nínú ìdìbò abẹ́lé ẹgbẹ́ náà ti yóò wáye ní Ogúnjọ́, Oṣù Keje ọdún yìí.

    Sùgbọ́n nínú ìfọ̀rọ̀wáni lẹ́nu wò tí akọròyìn ṣe fún olùdíje náà, Ó fi ìdí rẹ̀ múlẹ̀ pé títí di àsìkò yìí, ìgbìmọ̀ kò ti fi tó òun léti pé òun ni wọ́n yọ.

    Títí di àsìkò yìí mí ò ti gbọ́ láti ọ̀dọ̀ àwọn ìgbìmọ̀ àyẹ̀wò pé èmì ni wọ́n yọ, tàbi ki wọ́n kọ lẹta nípa rẹ, wọ́n ni, wọ́n ni, ní mò ń gbọ́.”

    Àwọn tí wọ́n jọ díje ni Joseph Olusola Iji, Odimayo Okunjimi, Olayide Owolabi Adelami, Isaacs Duerimini Kekemeke, Olusola Oke Alex, lfeoluwa Olusola Oyedele àti Olajumoke Olubusola Anifowoshe.

    Àwọn tó kù ni Awodeyi Akinsehinwa Akinola Colinus, Olubukola Adetula, Dr. Abraham Olusegun Michael, Gomina Rotimi Akeredolu ati Dokita Nathaniel Adojutelegan.

    http://iroyinowuro.com.ng/2020/07/16/apc-ko-ni-i-%e1%b9%a3e-idibo-ni-ipinle-o%c7%b9do-ayafi-oludije-kan/

    Fẹ́mi Akínṣọlá

  • Ọbásanjọ́ tìkẹ̀kùn mọ́ àwọn òṣìṣẹ́, ojúlùmọ̀ níbi òkú àna rẹ̀

    Ọbásanjọ́ tìkẹ̀kùn mọ́ àwọn òṣìṣẹ́, ojúlùmọ̀ níbi òkú àna rẹ̀

    Ọbásanjọ́ tìkẹ̀kùn mọ́ àwọn òṣìṣẹ́, ojúlùmọ̀ níbi òkú àna rẹ̀

    Ṣé àwọn àgbà bọ̀ wọ́n ní, bí ìṣẹ̀lẹ̀ bá sẹ̀ ní agboolé, a mọ́ ọ kángun sẹ́nìkan ju ẹnìkan lọ.Ọ̀rọ̀ rí bẹ́ẹ̀, nígbà tí Àárẹ̀ tẹ́lẹ̀rí lórílẹ̀-èdè Nàìjíríà, Olusegun Obasanjo ti sọ ìdí tí òun fi ti ìlẹ̀kùn ilé ìjọsìn mọ́ àwọn òṣìṣẹ́ rẹ̀ àti ojúlùmọ̀, tó wá sí ibi ayẹyẹ òkú ìyá ìyàwó rẹ̀ ní Ọjọ́ Ẹtì.

    Bàbá Ọbásanjọ́ nínú àtẹ̀jáde tó fi léde sọ wí pé, nítorí àrùn Kòrónáfairọ̀ọ̀sì ni òun ṣe gbé ìgbésẹ̀ náà.

    Ọbásanjọ́ sàlàyé pé, bí ètò ìsìnkú ọ̀hún ṣe bẹ̀rẹ̀ ní agogo mẹ́wàá Òwúrọ̀ ni ìjọ Saint Peters Anglican Church tó wà ní ọgbà lsara-Remo, ní ìpínlẹ̀ Ògùn, ni òun fúnra òun ti ìlẹ̀kùn ilé ìjọsìn ọ̀hún, kí àwọn ènìyàn má baà ráyè wọlé.

    Ó fikún-un pé òun tẹ̀lé àṣẹ ìjọba tó tako ìpéjọpọ̀ àwọn ènìyàn ọlọ́gọ̀ọ̀rọ̀ lásìkò àjàkálẹ̀ àrùn Kofi-19 yìí.

    Níṣe ni àwọn òṣìṣẹ́ àti ojúlùmọ̀ náà dúró síta lẹ́yìn ìgbésẹ̀ Bàbá Ọbásanjọ́, tí wọ́n sì lọ sin òkú ọ̀hún lẹ́yìn ìsìn.

    Ó kù díẹ̀ kí Màmá Florence Adenekan pé ẹni àádọ̀rún ọdún ló jáde láyé.

    Mama Adenekan ni ìyá Bola Ọbásanjọ́ tó jẹ́ ọ̀kan lára ìyàwó Bàbá Ọbásanjọ́.

    Ìròyìn gbé e pé ó wà ní Ilẹ̀ Gẹ̀ẹ́ṣì lásìkò ìsìnkú ìyá rẹ̀, tí Bàbá Ọbásanjọ́ sì ṣe ojú rẹ̀ ní ibi ìsìnkú ọ̀hún.

    Lẹ́yìn ìsìnkú náà ni Bàbá Ọbásanjọ́ wá tẹ̀síwájú lọ kí àwọn lọ́balọ́ba tó wà ní agbègbè náà.

    Fẹ́mi Akínṣọlá

  • Ebenezer Obey ò kú o–Asojú ẹgbẹ́ Obey

    Ebenezer Obey ò kú o–Asojú ẹgbẹ́ Obey

    Ebenezer Obey ò kú o–Asojú ẹgbẹ́ Obey

    Ó dà bí ẹni pé àwọn èèyàn kìí fẹ́ rán aṣọ wọn níbi tó gbé ya mọ́ lóde òní. Ìtọ pinpin àti àríwísí ọ̀rọ̀ ọlọ́rọ̀ ló kù tí wọ́n ń mójútó, bọ̀kílẹ̀ èyí sì ń dá ìṣòro tó pọ̀ sí àwùjọ, dípò o kí ó mú ìlọsíwájú báwa.

    Irúfẹ́ àwọn àhesọ ọ̀rọ̀ yìí ló mú kí aṣojú ẹgbẹ́ orin bàbá Ebenezer Obey, Túnjí Ọdúǹbákú o bọ́ síta sọ fún akọròyìn pé irọ́ ni ìròyìn tí àwọn kan ń gbé kiri pé gbajúgbajà olórin náà ti dágbére fáyé, kí àwọn èèyàn tàkìtì ìpàkọ́ sí ìròyìn ẹlẹ́jẹ̀ náà.

    Ṣaájú ni ìròyìn kan gbòde lórí ayélujára pé agbaọjẹ olórin juju ọ̀hún ti gbẹ́mìí mì nílé ìwòsàn kan ní ìlú Lọ́ńdọ́nù.

    Ṣùgbọ́n Odunbaku sọ fún akọròyìn pé kò sí òtítọ nínú ìròyìn náà.

    Ó ní “Nǹkan bíi Ìṣẹ́jú márùn ún ṣẹ̀yìn ní mo ṣẹṣẹ bá bàbá sọ̀rọ̀ lórí awuyewuye pé wọ́n papòdà, ṣùgbọ́n kò sí nǹkan kan tó ṣe bàbá, àlàáfíà ni wọ́n wà.”

    Ó tẹ̀síwájú pé irọ́ ni pé Ebenezer Obey wà ní ìlú òyìnbó.

    Ọdúǹbákú parí ọ̀rọ̀ rẹ̀ pé ìlú Èkó ni bàbá wà lásìkò tí òun ń bá akọ̀ròyìn sọ̀rọ̀, àti pé kokoko lara rẹ̀ le.

    Fẹ́mi Akínṣọlá

  • Atiku, Saraki, Dogara ati Melaye lè má bó̩ nínú e̩jó̩ jìbìtì Hushpuppi- APC

    Atiku, Saraki, Dogara ati Melaye lè má bó̩ nínú e̩jó̩ jìbìtì Hushpuppi- APC

    Ogbeni Ramoni Igbalode Abbas to je omo Naijiria ti owo te ni ilu Dubai pelu esun jibiti lilu lori ero ayelujara lose to koja ni egbe oselu APC ni owo PDP ko mo nibe.


    Gege bi atejade to egbe oselu APC gbe jade nipa irinkurin egbe oselu PDP paapaa julo ni asiko idibo odun 2019 to koja. APC ni ki won to so pere, won ti ko ara won lo Dubai fun ipade.


    APC ni iru ipade wo ni won n lo se ni orileede naa ti ko see se ni Naijiria. APC tun ni gbogbo foto ti won ya pelu Hushpuppi nibi ipade ati gbogbo ohun to da won po lo maa jade laipe.

    APC ni o da awon.loju to ada pe awon oyinbo maa wadii gbogbo irinajo Ogbeni afunrasi naa.

    Gege bi atejade egbe APC ti igbakeji akole agba egbe naaogbeni Yekini Nabena fowl si, APC ni ki egbe PDP maa se sun asunpiye nitori ejo naa ti kuro ni Dubai lo si Chicago ni orileede Amerika. O ni afaimo ki Ogbeni Hushpuppi ma se fi ewon ogun odun gbara.

  • È̩yin òsìsé̩ mi nílò àyè̩wò coronavirus kíákíá- Akeredolu

    È̩yin òsìsé̩ mi nílò àyè̩wò coronavirus kíákíá- Akeredolu

    È̩yin òsìsé̩ mi nílò àyè̩wò coronavirus kíákíá – Akeredolu

    Arakunrin Rotimi Akeredolu ti o je gomina ipinle Ondo lo n gba awon alabasise re niyanju ki won fi oro ti oun se arikogbon.


    O ni iba lasan ni o se oun ti oun si se itoju ara laarin ojo meji pere. O ni leyin re ni awon ore gba oun nimoran lati se ayewo ajakale arun coronavirus.


    Gomina naa ni “iyan jija lo n ba ore je” oun se ayewo ti esi ayewo si gbe pe oun ti ko arun naa.


    O ni tii di asiko yii, oun ko tii le so ibi ti ati ona ti oun gba ko aisan naa. Alagba Akeredolu salaye yii funra re lori afefe pe ki won wo oun pe saka ni ara da.

    Oun ko tile ni inira kankan ni eyi ti awon onimo oyinbo ni ohun lo dara ju. Won ni ti eniyan ba tete kefin arun yii ti o si tete gbogun tii lo dara ju ki o to wo ara.


    Eyi lo mu ki gomina gba awon osise re niyanju pe ki won tete lo se ayewo ara won nipa arun naa ki eni to ba nii le tete gbogun tii.

    Yínká Àlàbí

  • Àwo̩n aké̩kò̩ó̩ ti lè wo̩lé, mótò ti lè rìn làti ìpínlè̩ sí ìpínlè̩ – NCDC

    Àwo̩n aké̩kò̩ó̩ ti lè wo̩lé, mótò ti lè rìn làti ìpínlè̩ sí ìpínlè̩ – NCDC

    Àwo̩n aké̩kò̩ó̩ ti lè wo̩lé, mótò ti lè rìn làti ìpínlè̩ sí ìpínlè̩ – NCDC

    Ijoba apapo ti fowo si aba ti awon ajo NCDC gbe lo si odo Aare.


    Ijoba fi aaye sile ki awon ara ilu maa rin maa yan fun ose merin miiran. Ni eyi to maa tun je ki won mo odo ti won maa da orunla si.


    Ijoba apapo si salaye pe isede naa wa ni awon ijoba ibile mejidinlogun kaakiri orileede yii. Won ni ijoba ipinle maa kede awon ijoba ibile naa.
    Awon moto ti le rin lati ipinle kan si ekeji bayii. Won si gbodo tele gbogbo ofin ajo yii.

    Awon ofin bii ki won ma se gbe ju iye ero ti ijoba fowo si lo, won gbodo lo ibomu ti won ba ti wa pelu ero, won gbodo rin ni asiko ti ipinle kookan ba fi aaye sile ti won ni ko si isede ati awon ofin to ku.


    Awon akekoojade naa maa wole pelu atele ofin ti ijoba ipinle kookan ba laale fun won. Awon ipinle kookan lo maa salaye awon akekoojade to letoo si iwole ninu awon olodun kefa, olodun kesan-an ati olodun kejila abi gbogbo won lo si maa wole. Gbogbo eyi ni ijoba ipinle maa yanju.
    Awon baluu naa ti le fo pelu atele alaale ijoba.


    Arun covid-19 naa si n po sii ni orileede ni eyi ti ko je ki awon ajo naa mo ohun ti won maa se.

    Won ni opo ti awon ti se ayewo fun pe won ni arun naa ni won n sa lo si ile won.

    Ti awon ba si pe won, ija ni won n gbe pade awon. Eyi tun ko awon ajo yii lominu. Won si parowa si awon ara ilu lati fowo sowopo pelu awon ki arun naa le tete di ohun igbagbe.

    Yínká Àlàbí

    http://iroyinowuro.com.ng/2020/06/29/awo%cc%a9n-ake%cc%a9ko%cc%a9o%cc%a9-ti-le-wo%cc%a9le-moto-ti-le-rin-lati-ipinle%cc%a9-si-ipinle%cc%a9-ncdc/
  • Ògún Majek wọ káà ilẹ̀ sùn

    Ògún Majek wọ káà ilẹ̀ sùn

    Ògún Majek wọ káà ilẹ̀ sùn

    Ọlọ́jọ́ ń kajọ́, ẹ̀dá ò fiyè si.
    Ìjọ ọmọ tuntun dáyé, nijọ́ ìdùnnú, ẹ̀rín, òhun ọ̀yàyà fún ẹbí,ará, pẹ̀lú ìyekan. Ṣùgbọ́n kìí rọgbọ ká sàdédé sàfẹ̀kù èèyàn ẹni pékú yọwọ́ ọ rẹ̀ ní dúníyàn.

    Àsamọ̀ yìí ló díá fún ìròyìn tó ń tẹ̀ wá lọ́wọ́ báyìí pé, ìlúmọ̀ọ́ká òṣèré tíátà Gbọ́lágadé Akínpẹ̀lú, tí ọ̀pọ̀ èèyàn mọ̀ sí Ogun Majek ti jáde láyé, bákan náà wọ́n ti sin-ín ní ìlànà mùsùlùmí.

    Ọ̀rẹ́ tímọ́timọ́ Ògún Majek tí wọ́n tún jọ jẹ́ òṣèré tíátà, Musiliu Dásọfúnjó, tí ìnagijẹ rẹ̀ ń jẹ́ Èṣù làálú, ló fi ìdí ìṣẹ̀lẹ̀ náà múlẹ̀ fún akọròyìn.

    Dásọfúnjó ní ìbànújẹ́ ọkàn ló jẹ́ fún òun nígbà tí òun gbọ́ nípa ikú ọ̀rẹ́ òun yìí, nítorí kò dàgbà débi tó yẹ kó kú lásìkò yìí.

    Dásọfúnjó ní wọ́n gbé Májẹ́kódùnmí dìgbàdìgbà lọ sí iléèwòsàn UCH ní Ìbàdàn, nígbà tí àìsàn rẹ̀ fẹ́ bọ́wọ́ s’órí àmọ́ ẹ̀pa kò bóró mọ́.

    Ó fikún-un pé, kìí ṣe pé àgbà ló dé sí ọ̀rẹ́ òun nítorí ọjọ́ orí rẹ̀ kò tíì tó nǹkan, àmọ́ àsìkò ti tó, ni Majek fi di èrò ọ̀run.

    Àìsàn kídìnrín àti àìsàn ìtọ ṣúgà ni Majek ti ń bá fínra fún ọ̀pọ̀lọpọ̀ ọdún kó tó jáde láyé.

    Dásọfúnjó fikún-un pé, ọ̀sán òní ni wọn sin Majek gẹ́gẹ́ bí ìlànà ẹ̀sìn mùsùlùmí.

    Ọ̀rẹ́ tímọ́timọ́ Ògún Majek, Musiliu Dásọfúnjó ní ìlú wọn ní agbègbè Elesude, lọ́nà Ọmí ní ìlú Ìbàdàn ni wọ́n sin-ín sí.

    Musiliu Dásọfúnjó ní àwọn ẹgbẹ́ òṣèré Yorùbá ló se kòkàárí ètò ìsìnkú rẹ̀.

    Ọ̀rẹ́ olóògbé náà wá sàpèjúwe Ògún Majek gẹ́gẹ́ bí ẹni tó ní sùúrù, tí kìí sì í fa wàhálà.

    “Majek jẹ́ ẹni tí kò sí nǹkan tí kò ba lára mu, tó sì tutù ní ìwà.”

    Dásọfúnjó tún ní “láàrin ọ̀pọ̀ ènìyàn, Majek jẹ́ ẹni tó lawọ́, tí kò bá ní, ó máa ń jẹ́ ìbànújẹ́ ọkàn fún un.”

    Dásọfúnjó ní ohun tó dun òun jù ni pé, òun kò ní rí i mọ́, tí wọn kò sì ní leè sọ̀rọ̀ lórí ẹ̀rọ ìléwọ́ mọ́.

    Fẹ́mi Akínṣọlá

  • Abiola Ajimobi sùn un re

    Abiola Ajimobi sùn un re

    Ikú pàgbẹ̀ àṣírí aláró tú.
    Ikú pàlùkò àbùkù kará ìkosùn.
    Ọrùn má kánjú, gbogbo wa la dágbádá ikú.
    Ìgbà átàsìkò ẹ̀dá ló só kùnkùn.
    Gíńgín ladáhunṣe tó mewé e re.
    Gbogbo wa lòpè nípa àkúnlẹ̀yàn.
    Òkú ń sunkú òkú, akáṣọlérí ń sunkú ara a wọn.
    Sùn un re oo Àjànàkú ọkọ Florence, Àkànjí ẹ̀rù , mọ́ ṣẹ̀rù baya, bọmọ tó o fi sáyé lọ.
    Má ṣẹ̀rù bàlú, sun- un-run ìgbẹ̀yìn pàdé Allah nídẹ̀ra .

    Àkànjí ẹ̀rù Sheeeeuuu,ibi o fàdàgbá ayé rọ̀ sí, ọmọ ni yóó lòyókú.