Àṣà Oòduà

Author: oodua

  • Yeepa! Ki le yii?


    O Dabi Eni Wi Pe Inu Osupa Ni Maanu Yii Ti Wa

  • E Wa Wo Ohun Ti Omokekere Yii Da Lara: Eleyii Koja Afenu So

    Lara awon iroyin wa to ti jade tele, awon iroyin lori ate Olayemi Oniroyin, mo se lalaye wi pe Edua Oke ko da ile Adulawo gege bi ibugbe awon otosi ati alaini; awon olori wa lo so ilu wa di ero eyin ati akurete.

    Olorun fun wa ni awon eniyan olopolo pipe, sugbon kaka ki won ri iranlowo nipa ironilagbara, pupo iru awon eniyan bee di eni itanu lai ni oluranlowo kankan.

    Tuntun mii ti jade: Olayemi Oniroyin tun ti gbo nipa omode onise opolo nla kan ni orileede Uganda ti ile Adulawo.

    Omokunrin kekere yii lo dara nla yii lati Mubende to wa ni orileede Uganda. Gbogbo awon ara abule ibi ti omo naa n gbe nise owo re ya won lenu pupo ju.

    Omo kekere yii to igi papo, o fi se oko bogini pelu ero ayarabiasa.

    Olayemi Oniroyin, mo ti n rise ona (art) to fakiki, eleyii tun jo mi loju.

    Ki Olorun ba wa da omo naa si, ki Edua oke si ba wa ran oluranlowo si i.

    Olayemi Oniroyin ni oruko mi, ilu Naijeria olokiki ni mo n gbe. Mo feran iyan pelu obe egusi ti won ko eran ogunfe le lori.
    Emi kii mu oti lile o, sugbon ti mo ba ri Chivita to tutu, mo le maneeji re.

    E ku faaji opin ose!

    Orisun

  • Omo Naijeria Setan Lati Dije Fun Ipo Aare Orileede Spain


    Ko to di wi pe ma kan lu agbami oselu ti n gbona felifeli bayii ni ilu Spain, nibi ti Arabirin Helen Mukoro to je omo ipinle Delta lati orileede Naijeria ti setan lati dije fun ipo aare orileede Spain, mo royin ki e gba mi laaye ki n ti owo bo itan awon isele to sele bi nnkan bi ogota si aadorin odun seyin ni ilu Amerika.

    Sebi won ni bi omode o batan, yoo ba aroba. Awon agbalagba ile Yoruba ni won ni aroba ni baba itan.
    Kini je itan? Kini je aroba?

    Ti e ba fun mi laaye die si, mo fi dayin loju wi pe mejeeji ni maa salaye lai senuku sibi kankan.

    Odun 1929 ni won bi gege bi alawo dudu omo ile Amerika ni Atlanta, Georgia to wa ni orileede Amerika.
    Jije alawo dudu omo ile Amerika tunmo si wi pe orirun re tabi iran re se wa lati ile Afirika to je ile adulawo.
    Nnkan bi ago mefa koja iseju kan, lojo kerin osu kerin, odun 1968 ni awon agbanipa yin-in ni bajinatu lojiji ni ile itura Lorraine to wa Memohis, Tennessee latari wi pe enu re ti mu ju nipa jija fun eto omoniyan, paapa julo, eto awon omo adulawo ile Amerika ati iponlogo re eleyii to lodi si eleyameya ni ilu Amerika.

    Bi won tile seku pa a ninu agbara eje to n san bi omi odo Ogunpa, sugbon ero re ati igbagbo re ko ba a wonu ese mefa lo.

    Ni awon akoko yii, ilu Amerika je ilu ti won ri awon alawo dudu omo ile Amerika gege bi awon eniyan ti ko dogba pelu awon alawo funfun omo ile Amerika.

    Won on te eto awon alawo dudu mole, won si n re won je nigbogbo ona.

    Itan tile so fun wa wi pe won ko ka awon alawo dudu si eniyan eleran-ara, oju eranko inu igbo ni won fi n wo awon eniyan ti awo won ba dudu.

    Bi alawo funfun ba wo inu oko nla akero, to ba ri alawo dudu lori ijokoo, ofin ilu Amerika nigba naa so wi pe ki eniyan dudu dide naro fun alawo funfun lati joko.

    Iru igbe aye yii je ohun ti akoni yii lodi si nigbogbo ojo aye re gege bi alawo dudu omo ile Amerika.
    Ni odun 1965, o salaye fun awon oniroyin wi pe ile Amerika je awon eniyan dudu ni gbese pupo gan-an latari imunisin tabi imunileru awon eniyan dudu to ti waye ni awon igba kan seyin ninu itan ile Amerika.

    O ni nipa sise eleyii, ile Amerika ti jebi tite eto omoniyan loju mole. Lara awon esun mi-in to menu ba ni ifiyajeni lona aito.

    Lori awon esun mejeeji yii, o beere fun aadota bilionu owo ile Amerika ($50B) gege bi owo itanran lati san fun awon eniyan alawo dudu omo ile Amerika ati awon alaise ti won ti te eto won loju mole.

    Martin Luther King Jr ko si mo lonii, won seku pa baba Yolanda Denise King leni odun mokandinlogoji (39).
    Won pa oninuure nibi o ti gbe n sise Oluwa oba, awon ika eniyan pa oko Coretta Scott King nibi o ti gbe n kilo iwa ibaje.

    Sugbon oro akoni to so kale lodun 1963 ni awon onkotan agbaye so wi pe yoo maa wa titi lae bi Opa Oranmiyan ti n be lode Oyo Oba Lamidi Adeyemi III.

    “Mo so fun yin, eyin ore mi. Bi o tile je wi pe a n dojuko isoro toni ati tola, mo si lala. O je ala eleyii to ridi mule ninu ala ile Amerika. Mo lala wi pe ojo kan orileede yii yoo dide lati gbe igbe aye to ni itunmo otito gege bi igbagbo re: ‘ A di otito yii mu gege bi eri ti wa, wi pe aparo kan ko ga jukan lo; ibi o si ju ibi lo.’
    Mo ni ala wi pe lojo kan, ni ori awon oke pupa to wa ni Georgia, awon omo eru igba kan ati awon omo olowo eru igba kan won yoo le joko papo lori tabili kan naa gege bi tegbon taburo.”

    Die lara oro Martin Luther King niyii eleyii to se niwaju opo eniyan ni ojo kejidinlogbon osu kejo odun 1963 ni Lincoln Memorial, Washington D.C.

    Ni akoko ti Martin Luther King n ro ala re fun awon eniyan nipa ojo iwaju awon eniyan dudu ile Amerika lodun 1963 ni ilu Washington, Barack Obama, omo ile Amerika alawo dudu, eni ti iran re se wa lati orileede Kenya, wa ni Honolulu leni odun meji nibi to ti n yi taya kiri adugbo ni orileede Amerika kan naa.

    Leyin odun merindinlaadota (46) ti Martin Luther King ti ro ala re fun gbogbo aye, Barack Obama wo inu ile nla funfun lo ni Washington D.C. gege bi aare ile Amerika akoko ti o je alawo dudu.

    Ala Martin Luther King wa si imuse nigba ti ilu Amerika gbe Barack Obama soke lodun 2009.
    Nje a tun le fi okan si i wi pe ala yii kan naa maa wa si imuse ni ilu Spain?

    Arabirin Helen Mukoro to je omo ipinle Delta lati orieede Naijeria wo ilu Spain ni odun 1992 nibi ti omobirn naa ti rese wale to si ti ridi joko remuremu.

    Onkowe ni, amofin ati agbaoje nipa ise otelemuye to dangajia tun ni pelu. Ninu osu karun-un odun yii, omobirin naa gbe apati lati du ipo alase ilu Denia to wa ni orileede Spain sugbon to fidiremi.

    Isubu yii ko da omi tutu si lokan rara pelu bo tun se dide lati gbe apoti ibo fun ipo aare orileede naa.
    Helen Mukoro ti da egbe oselu sile eleyii to pe ni Union De Todos, labe egbe oselu yii naa ni yoo si ti maa dije fun ipo aare eleyii ti yoo waye ninu osu kejila odun taa wayii.

    Gege bi alaye Helen Mukoro, itunmo Union De Todos to je oruko egbe re ni “wiwa ni isokan.”
    Ibeere ti n fi maa kadi alaye mi naa ni wi pe: n je awon eniyan ilu Spain le fi owo sowopo pelu isokan lati gbe alawo dudu akoko wole gege bi aare orileede naa?

    Olayemi Olatilewa ni oruko mi, ala mi ati igbagbo mi ni wi pe ni ojo kan, eni ti n je eran ogunfe , uyan Ekiti ati obe egusi ko ni loun jaye mo, nitori teru-tomo ile yii ni o maa fi ayokele se faaji lo je eja tutu nirole.

    Olayemi Olatilewa
    @OlayemiOniroyin

  • E Wo Ohun Ti Awon Omo Ile Igbimo Asofin Se Lodun 1962


    Awon omo ile igbimo asofin Nigeria ti n foganna lojo to ti pe, ohun ti won se ni yii lodun 1962 nigba rogbodiyan Western Region.

     

    Orisun

  • Yomi Fash – Lanso N Jaye Oloba Niluu Côte d’Ivoire


    YOMI FASH – LANSO

    Orisun +Wale Ojo-Lanre

  • Oniroyin Meji Ti Wa Ni Kirikiri Bayii: Ise Iroyin Won Lo Ko Ba Won


    Alase banki Fidelity ti Nigeria, Ogbeni Nnamdi Okonkwo ni Oniroyin Seun Oloketuyi gbe saye lori ikanni re, www.naijahottestgist.com wi pe oga banki naa feran ko maa se “yodiyodi” fun awon osisebirin banki re.

    O ni yato si awon osisebirin re, awon kositoma ti won ba tun je “gala” oga banki, lila ni gbogbo won lodo Okonkwo, won ni maanu naa gbadun “kerewa” pupo ju.

    Seun Oloketuyi ni awon olopaa koko gbe, eleyii ti won ti lo foju re bale ejo pelu esun ibanilorukoje eleyii ti oga agba banki Fidelity fi kan an.

    Lori eleyii la wa, ni Ogbeni Dare Lasisi, Jagunmolu akoroyin ti n pidan lori ikanni darelasisi.co.uk tun kede wi pe won ti gbe Chris Kehinde Nwandu, olootu ikanni www.cknnigeria.com lori esun kan naa.

    Gege bi ohun ti Dare Lasisi kede re, o ni awon oniroyin mejeeji naa ti wa ni Kirikiri bayii nibi won ti n fi kondo fun won lewa olomi sooro je laaro ati lale.

    Sugbon ohun kan ti awon oniroyin ile Naijeria n wa okodoro re ni wi pe, se ooto ni iroyin ti Seun Oloketuyi ati Chris Kehinde Nwandu gbe jade abi won kan fi ba maanu naa loruko je lasan ni?

    Se Ogbeni Nnamdi Okonkwo n gbe igbese yii lati fi aso bo iwa eeri ara re ni abi won paro mo lotito gege bi awijare agbejoro re, barisita Olakanmi Omisope.

    Olayemi Oniroyin, e je n duro nibi ko to di wi pe won yoo ni ki n wa so eyi to ku l’Alagbon. Sebi e mo wi pe mi o laapon, ati wi pe mi o laiki ewa olomi sooro.

    Sebi eyin mo mi…

     

    Orisun: olayemioniroyin

  • Osise Arik Airline Ba Naija Loju Je Niluu London: Won Ka “Lafun Funfun Alata’ Mo o Lowo


    Owo ti te CHIKA EGWU UDENSI, okan ninu awon osise ile ise oko ofurufu ARIK Airline ni papako ofurufu HEATHROW ti ilu London pelu ogun oloro kokeeni.

    Ogun oloro ti won ka mo bobo naa lowo ni won ni iye owo re yoo to nnkan bi ogorun milionu owo naira.

    Oruko Nigeria ti emi n gbiyanju lati tun se ni awon kan si n gbinyaju lati maa yimo inu erofo loju awon ebo.

    Laaarin emi ati CHIKA EGWU UDENSI ija sese bere ni o.

  • “Oserekurin Ti Mo Fe Lati Je Ete Re Ni…”: Tani Okunrin Ti Bimbo Thomas Feran Lati Kiisi?


    Ti a ba n so nipa ise tiata ile Naijeria, Bimbo Thomas ti kuro ni ojewewe ti won nawo juwe re. Lara awon fiimu to ti kopa ribiribi ni eleyii ti Funke Akindele gbe jade ti won pe akole re ni OMO GHETTO, nibi to ti kopa Nikky

     

    Gege bi alaye ti Bimbo se fun awon oniroyin iwe iroyin Vanguard ti ile Nigeria, o ni fiimu OMO GHETTO fe e je fiimu to gbo oun ju lo nitori eda-itan ti oun kopa re jina si iru igbe aye ti oun gbe loju aye.
    Ninu fiimu yii lati ri Nikky nibi to ti n faraki, to si n je ko maa ye won pe oun ni Iyanlaya awon omo ghetto. Yato si eyi, omobirin naa n pago mole, won si fa surutu kiri igboro pelu awon akegbe re ninu ere naa.
    Lara ohun to tun jeyo ninu iforowero Bimbo Thomas ati awon oniroyin ni ile itaja re, Bimbally, nibi to ti n ta awon orisirisi oti waini to gbamuse. Ninu ero omobirin naa ni lati ni eka kaakiri; o si tun se afikun ife re lati maa ta awon aso oge pelu.
      
    Omobirin to kawe gboye ni Ifafiti ijoba apapo to wa niluu Eko ko sai menu ba bo se bere ise tiata.
    O se lalaye wi pe Tayo Odueke ti gbogbo eniyan mo si Sikiratu Sindodo, eni to ti bere ise tiata saaju re, lo gba a niyanju lati dara po mo ise tiata nigba to ri ipa re nidi ise akanse ti won se ni ile iwe. ( Ise ona alatinuda, Creative Art, ni Bimbo Thomas ka gboye akoko ni Ile iwe Unilag).
    Ohun ti Bimbo so nipa Sikiratu Sindodo ni yii:
    “O gba mi nimoran wi pe ki n maa bo ninu ise fiimu niwon igba to je wi pe mo ni gbogbo amuye bi karisima ati awon nnkan mi-in”
    Ohun to dun mi ju ti oniroyin Vanguard ko beere lowo Bimbo ni nnkan ti osere naa ni lokan pelu gbolohun to so gbeyin: “… awon nnkan mi-in“.
    Niwon igba ti eleyii ko ti jeyo ninu iforowero won, ninu ero mi, o ni lati je ewa ti omobirin naa ni lohun to o n soro o ba. Awon Yoruba ni funfun niyi ehin, Sunny Ade si fi tie kun wi pe: “Omu sikisiki niyi obirin”. Atiwaju ateyin Bimbo ko ja kereemi ti eniyan le foju pare.
     
    Bimbo dudu, dudu ohun o jona, didan nii dan bi korosin.
    Lopin ohun gbogbo, Bimbo Thomas ko sai menu ba oserekunrin to je dodo re julo lagbo amuludun. John Dumelo omo ilu Ghana ni Bimbo ni oun gba dun swaga re ju lo. O ni didun inu oun ni yoo si je ti ise ba jo pa awon po lori itage, ti awon si ni anfaani lati jete,kiisi tabi ki won jijo pon enu ara won la.

  • Milionu Mefa Ti Gbe Omo Naijeria Wonu Ese-Mefa: Ojukokoro Ti Pa Chukwudi!


    Chukwudi, omo odun mejidinlogbon (28)ti padanu emi re leyin igba to ta kidinrin re ni milionu mefa owo naira (N6million)niluu Malaysia

    Chukwudi la gbo wi pe o tirafu lati ilu re, Owerri, ipinle Imo lati lo siluu Malaysia nibi to ti lo ta kidirin re fun okan lara awon olowo ilu naa ti won niilo re fun ilera ti won.

    Gege bi iwadii awon oniroyin lati owo awon omo Naijeria to wa niluu Malaysia. Won ni Chukwudi ko ni eni akoko ti yoo wa si ilu Malaysia lati wa ta kidinrin re, aimoye awon omo Naija ni won se e.

    O ni pupo awon omo Naijeria feran lati wa si Malaysia lati wa ta kidinrin won latari owo goboi ti won maa san fun won eleyii ti o mu won di olowo ojiji leyin ti won ba fi kidirin won sile tan.

    Chukwudi ti ku bayii, milionu mefa ko si ni ba wonu ese-mefa lo. Ta a wa ni yoo na milionu mefa leyin ti Chukwudi ti wonu ese-mefa lo?

     

    Iroyin èdè oyinbo (English Version)

  • Iyalenu: Foto Ohun To N Sele Ni Ibudo Awon Ti B’Haram So Di Alailara, Alaini Nnkankan Niyii


    Ibudo awon eniyan ti Boko Haram So di alailara ati alainile lori latari ijamba ati ikolu Boko Haram ni yii ni Maiduguri to wa ni Ipinle Borno.

    E le biliifu wi pe sobiri ti won fi n re ile ni won fi n bu ounje fun awon omo eniyan.

    Ki Edumare ba wa mu fitinati kuro lorileede Naijeria.
    Ase