Àṣà Oòduà

Category: Àṣà Oòduà

Àṣà Oòduà, Asa Ibile Oòduà. Oòduà (Yoruba) je okan ninu awon eya ti o laju ju lode aye yi. Lati igba ti alaye ti daye ni won ti ni eto ati ilana to kun nipa ohun gbogbo ti won nse ni igbesi ayee won.

  • Ti o ba je wi pe emi ni Oliseh, ohun ti maa se ni wi pe…”- Adegboye Onigbinde

    Vincent Enyeama ti n mu goli fun egbe agbaboolu Super Eagles ti dagbere fun egbe agbaboolu naa wi pe o digba kan na leyin odun metala to ti n sise sin ilu baba re.

    Igbese ikede ifeyinti pajawiri Enyeama ko sadeede waye, ikunsinu kan lo waye laaarin oun ati akoni-moogba egbe naa, Sunday Oliseh.

    Eleyii to mu oga re jarawo re loju gbogbo awon omo egbe naa nipa gbigba oye balogun egbe naa lowo re to si gbe fun Ahmed Musa.

    Gege bi iwadii Olayemi Oniroyin, Enyeama pe de ipago igbaradi egbe naa to kale siluu Belgium nibi won ti n mura lati koju ifesewon oloresore ti n be niwaju won.

    Enyeama to ye o de si ipago igbaradi lojo Aje sugbon to de be lojo Isegun salaye wi pe oun lo sin iya oun to rebi agba n re lo mo’un pe die, eniyan kii si niya meji laye.
    Gbogbo alaye Enyeama dabi igba ti eniyan n yin agbado seyin igba lo jo loju Oliseh. O gba ipo balogun egbe naa taa mo si kapteeni lowo re o si gbe oye naa fun Ahmed Musa to je agbaboolu CSK Moscow.

    Ohun to tun wa je papanbari ibe ni bi Oliseh se pase fun awon oluso alaabo ti won n be nitosi lati sin Enyeama jade nibi ipade naa.

    Christian Chukwu, eni akoko ti o je balogun ati akoni-moogba egbe naa nigba kan seyin, salaye isele naa gege bi ojuti nla fun egbe agbaboolu Naijiria. O ni adari egbe naa ko fi ogbon agba yanju oro naa rara. O ni iroyin iru awon isele bee ki se ohun to ye ki eniyan maa gbo seti.

    Adegboye Onigbinde, akoni-moogba to mu Enyeama wonu egbe naa lodun 2002, se alaye Enyeama gege bi enikan ti nnkan kii ba lara mu ni gbogbo igba.

    Eleyii to maa n mu tapa si ofin ati ilana egbe naa. O ni eleyii si buu ku gege bi ipo re gege bi balogun.

    Nipa ti Oliseh,

    “bi o tile je wi pe Oliseh se ohun to to, sugbon ona to gbe gba buru jai.

    “To ba je pe emi loun ni, mi o ni so ohunkohun ni akoko naa loju awon omo egbe yoku. Ti ojo ifesewonse ba ti de ni maa gbe oye naa fun elomii.

    Leyin eyi, mi o si ni pe e mo fun awon ifesewonse ojo iwaju.

    Oto ni ki eniyan mo ohun to ye ko so, oto tun ni ki eniyan mo idi to fi ye ko so iru oro bee jade ati ibi to ye ko ti so.

    “Bi o se yeye Enyeama loju awon omo egbe yoku le fa irewesi okan fun awon omo egbe, eleyii to le se akoba fun ise tie gan-an.

    “Lati ibere pepe, mi o fara mo bi won se yan Oliseh gege bi akoni-moogba egbe naa, nitori iriri re nipa imo isakoso kere pupo. Sugbon nigba to si ti de ipo naa bayii, dadan ni ki n gbero aseyori fun-un”.

    Lara esun ti Enyeama tun fi kan oga re ni wi pe o fenu tabuku iya oun. Oliseh ni ohun to jina sooto gbaa ni wi pe oun bu iya to bi Enyeama to doloogbe. “Kini mo fe fi bibu oku orun se?”

    Oliseh tun fi kun un wi pe oun to mu oun gbe igbese yiyo Enyeama loye ko ju lati mu awon egbe naa ji giri si ise ti nbe niwaju won.

    Nibayii, ajo NFF ti pase fun awon egbe agbaboolu to ku lati bowo fun Oliseh to je akoni-moogba egbe agbaboolu Super Eagles. Won ni ilana ati ofin to ba si fi sile fun egbe naa labe ge, awon egbe pata si gbodo setan lati fi inu kan sise pelu re.

     

    http://www.olayemioniroyin.com/

  • Diepreye Alamieyeseigha, gomina ipinle Bayelsa nigba kan ri, jade laye leni odun mejilelogota (62)

    Diepreye Alamieyeseigha, to je gomina ipinle Bayelsa nigba kan ri, ti jade laye leni odun mejilelogota (62) lana Satide.

    Iroyin to te Olayemi Oniroyin lowo fi ye wa wi pe aisan ejeruru lo pa gomina naa.

  • Kayeefi: Adigunjale jabo lati oke aja banki sileele niluu Ilorin

    Orisun
    Okunrin afura si gege bi olosa kan lo jabo lati inu aja ile ifowopamo Guaranty Trust to wa niluu Ilorin lojo Eti to koja (09/10/15).

    Kayeefi nla lo jo loju gbogbo awon eniyan to wa ninu banki ni akoko naa nigba ti maanu naa jabo po sile saarin banki bi ibepe to jabo lati ori igi.

    Gege bi oro enu awon oluso banki naa, won ni o seese ko je wi pe lati oru ojo naa lo ti wa loke aja, eleyii ti enikeni ko si le so bo se de be.

    Won ni o le je wi pe o n reti awon eniyan re to ku ti won jo fe ja banki naa lole sugbon ti ese re ye saaju akoko ti won da funra won.

    Awon kositoma ti won nbe ninu banki naa ni won suru bo odaran afura si naa ko to di wi pe awon osise alaabo banki naa fi pamo de awon olopaa.

    Alarinna ile ise olopaa ipinle Kwara, ASP Okasanmi Ajayi fidi isele naa mule wi pe otito ni.

    O si salaye wi pe kete ti iroyin naa kan ile ise olopaa ni komisanna awon olopaa ipinle naa, Ogbeni Esosa Amadasun, ti yoju si banki naa.

    Enikeni ko fara pa sugbon won ti gbe banki naa ti nigba ti awon iwadii abenu si n tesiwaju.

     

    Orisun

  • Owo Ba awon igara olosa ti won fi okada sise ole L”Abuja


    Owo te awon igara olosa meji kan ti won fi okada jawo gba loju opopona IBB to wa ni agbegbe Maitama niluu Abuja lojo Tuside to koja yii.

    Ile ifowopamo kan to wa ni opopona IBB ni enikan to je onibara banki naa ti jade pelu owo tabua to lo gba ninu baagi.

    Ki maanu to gbe baagi dani naa to seju pe, awon alokolounkigbe ti koja mo o lara, won ja baagi re gba bee ni okunrin oni baagi ba figbe ta, “ole” “ole” “ole.”

    Awon ara agbegbe naa jigiri si igbe ariwo ole ti won pa lesekese, eleyii lo sokunfa bi owo se te awon ole naa.

    Awon Yoruba ni ojo gbogbo ni tole, ojo kan pere ni toloun. Awon eniyan ko tile duro de olopaa alaso dudu ki won to bere si se idajo owo won fun awon ole naa. Won fo won ni kondo lenu, awon kan jin won lese leyin orun. Awon kan ni e lo gbe taya wa, e je ka sun won bi suya alata suesue.

  • Ebola seruba awon eniyan niluu Calabar

    O kere tan, awon eniyan bi mewaa ni won ti se ayewo fun bayii niluu Calabar latari wi pe won ni ibapade pelu okunrin kan ti won fura si wi pe oseese ko ni arun Ebola.

    Okunrun ti won fura si yii lo ku nikete ti won da dubule ni ile iwosan kan to wa niluu Calabar. Bi o tile je wi pe ko si aridaju wi pe ebola lo seku pa okunrin naa, sugbon awon apere ti won ri foju han wi pe oseese ko je Ebola.

    Idi niyii ti won fi bere ayewo fun awon noosi ti won toju re ati awon eniyan mi-in to ni ibapade pelu oloogbe naa.

    Leyinoreyin, “negetiifu” ni ayewo ti won se fun won gbe kari. Eleyii to tun mo si wi pe won ko ni arun naa lara.

    Lojo Wesde to koja yii (07/10/15), orileede bi Guinea, Sierra Leone ati Liberia yo ayo odiindi ose kan lai gburo ebola eleyii to ti n finna mo won labe aso lati inu osu keta odun 2014.

    O le ni egberun mokanla (11,000) eniyan ti ebola ran lo sorun ni apa iwo-oorun Afirika. Isele ebola yii lo si fe e je eyi to se ijamba ju lo ninu itan ajakale arun.

    Ebola gbori wole si orileede Naijiria losu keje odun 2014 nigba ti okunrin onisowo kan, omo ilu Liberia sadeede subu lule logido ni papako ofurufu to wa l’ Eko oba Akiolu.

    Nipase akitiyan ijoba ipinle Eko, orileede Naijiria segun ebola leyin to gbe eniyan meje mi, eleyii to je iye eniyan to kere ju lo ni awon ilu ti ebola ti sejamba.

     

    Orisun: Olayemioniroyin.com

  • Rose Odika setan lati se igbeyawo leyin iya-n-dagbe odun mewaa: Bobo kan lo jamo lowo niluu Eko


    Leyin bi odun mewaa ti Rose Odika ti wa gege bi iya-n-dagbe, oserebirin omo Ipinle Delta naa ti setan lati ni oko tuntun.

    Bi o tile je wi pe bonkele ni won fi oro naa se, ti won si n daso bo deeti ojo igbeyawo won mole. Sugbon iwadii Iwe Iroyin Owuro fidi re mule wi pe oseese ki iya Oyinkansola se igbeyawo pelu afesona ikoko re ki odun yii to kogba wole.

    Rose Odika ko sai menu ba die lara idi ti igbeyawo re akoko fi di afiseyin teegun fiso. Awelewa oserebirin ti irawo re jade lodun 1993 nigba to se sinima Ododo Aye lati owo Olu Wemimo salaye wi pe ailafarada ati owu jije oun lo mu oun padanu igbeyawo akoko.

    O ni gbogbo isele naa da lori aigbon ati ailoye lori oun nigba naa nitori omo odun mejidinlogbon (28) loun nigba igbeyawo akoko naa.

    Nibayii ti Rose Odika ti le ni omo ogoji odun, igbagbo wa ni wi pe iriri ati ogbon ori re bayii yoo se opolopo iranlowo fun un ninu igbeyawo tuntun to fe tese bo naa.

    Omokunrin onisowo kan niluu Eko ni Rose pada ja mo lowo. Iwe Iroyin Owuro si tun rigbo wi pe awon ololufe mejeeji yii ti n gbadun ara won ni koro fun ojo pipe ko to di wi pe won daba lati so yigi igbeyawo won papo.

    Orisun

  • Mercy Aigbe pe oko re keji to fe ni adun ife otito: Oko Aigbe pe eni aadota odun laye


    Orisun
    Mercy Aigbe-Gentry, okan ninu awon oserebirin onirawo meje ile Naijiria, dana ayeye ojo ibi to peleke fun oko re, Lanre Gentry, eni to pe omo aadota (50) odun lose to koja.

    “Eni ma segbeyawo a se gudugudu meje” l’Oritse Femi ko morin. Sugbon nipa ti Mercy Aigbe, “eni maa soko onitiata yoo se gudugudu meje pelu yaaya mefa lomobirin to je omo bibi ilu Edo ko lorin lati fi se aponle oko re nibi ayeye ojo ibi re to ko.

    O salaye bo se nira fun awon okunrin lati gbe po pelu awon obirin onitiata. Sugbon nipa suuru ati ife otito, o ni oko oun ko ja oun ju sile rara bi aso to ti gbo.

    Bi o tile je wi pe awuyewuye kan seyo ni awon igba kan wi pe oko Bimbo Akinsanya ti oun naa je oserebirin ni Mercy Aigbe jagba to si so di oko tie losan gangan.

    Sibesibe, Lanre Gentry ko sai tako iroyin naa nigba to n se alaye wi pe oun ati iyawo oun akoko ti ko ara awon sile fun igba pipe saaju ki oun to pade Mercy Aigbe.

    Mercy Aigbe naa ti ni oko kan tele ri, eleyii ti igbeyawo naa fori sanpon leyin omo kan. Mercy Aigbe salaye wi pe iya oko oun akoko korira oun nitori wi pe awon kii se eya kan naa pelu won. Eleyii lo sokunfa bi igbeyawo naa se tuka yangayanga bi eyin ti won solu apata.

    Ju gbogbo re lo, ojo ibi Lanre oteyii kamomo pelu orisiirisii oro adidun ati iwuri ti aya re fi kii ku oriire ayo aadota odun to ba a laye.

    “Lai fi oro si abe ahon so, ko rorun lati soko onitiata/onisowo. Sugbon okunrin yii je eda oto gedegbe. O je eni to ni agboye, o si je oluranlowo pelu.

    Nigba mi-in ti gbogbo e ba su mi, ti mo ti fe ropin, o je enikan ti mo maa n ri legbe mi to si maa n gba mi niyanju ati tesiwaju.

    Mo dupe gidigan, adun ife mi. Bo o se le lodun lonii, Edumare yoo tun bo ma da o si fun mi, ninu alaafia, emi gigun ati ibukun yanturu loruko Jesu. Titi lae ni i ma nife re, ade ori mi.” – Mercy Aigbe-Gentry

  • Iyawo olopaa gun oko re lobe pa niluu Akure: O ni ise esu ni

    Okunrin olopaa kan ti eka ti Ipinle Ondo, Ogbeni Israel Omowa ni iyawo re, Arabirin Wumi Omowa ti gun lobe pa nibi gogongo orun oko re.

    Ede aiyede kan lo waye laaarin toko-taya ti won gbe ni agbegbe Olu to wa laaarin masose Ilesa si Owo niluu Akure.

    Titi di akoko ti iroyin yii fi n jade, enikeni ko ti le so pato ohun to waye laaarin won eleyii to mu iyawo re binu tan to si seku pa oko re laipe ojo.

    “Iyawo olopaa ti le binu ju, gbogbo igba lo maa n kagidi bori bi faanu Taiwan. O ti to bi ojo meta kan ti a ti maa n gbo ariwo won laaaro-laaaro, enikeni ki i da si won mo nitori ko je tuntun. Sugbon eyi to sele yii jo wa loju, eleyii ti enikeni ko tile lero wi pe o le sele.” Obirin alamulegbe toko-taya yii, eni to ko lati daruko ara re lo so eleyii fun akoroyin Iwe Iroyin Owuro.

    Alarinna ile ise olopaa ipinle Ondo, Ogbeni Femi Joseph ti jeri si isele naa.

    Mista Femi so wi pe ile iwosan adani kan ti won gbe inpeto Israel Omowa lo naa lo pada dake si.

    Okunrin to n sise alarinnna fun ile ise olopaa ipinle naa tun fi kun un wi pe iyawo olopaa naa ti wa ni gbaga awon olopaa bayii nibi ti ko ti ni alaye meji ti n se ju wi pe: “e saanu mi, ise esu ni.”

  • Gomina Akinwunmi Ambode gbe ami-eye fun Fasola


    Gomina Akinwunmi Ambode ti Ipinle Eko gbe ami-eye fun gomina Ipinle Eko ana, Barisita Babatunde Fasola nibi ayeye weje-wemu olodoodun awon amofin ti Ipinle Eko

    Gomina Akinwunmi Ambode eni to je alejo pataki nibi ayeye ti won pe ni Legal Year Dinner 2015/2016 eleyii to waye laipe yii ninu ogba ile iwe ti won ti n ko nipa ise amofin to wa ni Erekusu Eko lo gbe ami-eye naa fun BRF eni to se apejuwe re gege bi agba loya olori pipe.

    Ti e ko ba gbagbe, ninu eto idibo abele egbe APC lati yan taani yoo soju egbe fun idije gomina Ipinle Eko ninu eto idibo odun 2015. Ogbeni Olasupo Shahore ni Fasola to je gomina to wa nipo nigba naa n ti leyin lati soju egbe. Nigba ti Bola Tinubu ati Olowo Eko, Oba Rilwan Akiolu ni Akinwunmi Ambode n’IFa mu.

    Leyinoreyin, awon oludije bi mejila ni Ambode jan mole ninu eto idibo abele naa lati soju egbe APC. Eleyii to tun pada wole gege bi gomina Ipinle Eko.

     

    Orisun: Olayemioniroyin.com

  • Akara Alison-Madueke tu sepo raurau

    Alison-Madueke
    *O ko sowo olopaa nibi o ti fe fi owo eru ra ile ni London.
    *Ile ejo gbe ese le owo re mole
    *Iya re naa ti foju ba ile ejo.
    *Agbejoro re kede wi pe o ni arun jejere
    Sebi awon Yoruba lo ni bina o tan laso, eje ki i tan leekanna. Leyin ti awon agbofinro ti won on ri si iwa odaran niluu London se gbe minisita epo robi nigba kan ri, Diezani Alison-Madueke lojo Eti to koja loun (2/10/15).

    Ti awon ajo EFCC naa si tun rolu ile re to kale si Asokoro ni ilu Abuja lati gbe agadagodo nla gbangba senu ona ile naa, iroyin mi-in tun ti seyo.

    Gege bi a se gbo, awon osise ti won gbogun ti iwa odaran niluu London, National Crime Agency ti fi sita wi pe ati odun 2013 ni awon ti n dode Madueke latari awon owo ilu kan to se basubasu.
    Isele yii dabi oro konko: Konko ni ti won ba gbe iyawo tuntun oun ki i lo be lo woran.

    O ni tori wi pe oun mo pe bopeboya, iyawo tuntun n bo wa ponmi lodo. Koda, o tun le bora sile fohun nihoho nigba o ba fe bomi lura.

    Alison-Madueke ko si panpe nigba ti n gbiyanju lati ra ile ti owo re n lo bi nnkan bi milionu mejila aabo owo poun ile Biritiko (12.5m pounds).

    Igba ti won on dunadura, won ko fuu lara rara titi ti Alison-Madueke fi setan lati sanwo ile naa.

    Lara akojopo Iwe Iroyin Owuro tun ni wi pe ki i se Madueke nikan lo fi ika abamo senu, okan lara awon oga ile ise epo robi kan naa jeun japo saya.

    Eleyii ti owo te oun ati oga re, Madueke nibi won ti n gbiyanju ati ra ile agbaayanu, awosigele, awodamienu kan niluu London.

    Awon osise eka ile ise ile Biritiko ti won gbogun ti iwa odaran so wi pe ohun to ta awon nidi kan ko ju nipa owo tabua ti madaamu naa setan lati daale leekan soso fun rira ile naa pa patapata.

    Won ni yoo soro fun osise ijoba kan lasan lati ko obitibiti owo poun to po to yun-un kale la se wi pe o fi jibiti kun ise ilu ti won gbe le e lowo.

    Lori gbajugbaja ikanni ayelukara www.lindaikejisblog, aimoye awon omo Naijeria jakejado agbaye ni won fi ero won han nipa iriwise abe atejade iroyin to ni i se pelu bi won se gbe Alison Madueke niluu London latari esun jegudujera.

    Die lara ero awon eniyan ni yii:

    RoyalPristhood: Titi di igba ti ile ejo yoo fi dawon lebi, a ko le ti gba wi pe odaran ni won. Mo gba adura wi pe ori iya won yoo ko won yo ninu fitinati ti won ko si.

    Karisson: Ariwo enu lasan leyii. Ubanagun [ede yibo].

    Ngene Olivia: E dakun, e je ki won maa tesiwaju lati maa gbe gbogbo won, gbogbo awon odaran pata.

    #GbogboNnkanYooPadaDara #OpeLoMaJasi

    Olumide David: Eleyii tun pamilerin, bawo ni etaworo awon eniyan kan se ja gbogbo ilu lole ni aimoye owo bi eleyii?

    Abdulhammed Idris: Ope pataki lowo Aare Muhammadu Buhari.
    Mo tun ni igbagbo sii ninu isejoba re pelu bo se sangi mo Madueke lori. Bawo ni o ba se dun to ko je wi pe idajo iku ni won se fun-un.

    Dayo Adetunji: Eleyii dara pupo. Sugbon ko ba san ti ijoba Naijiria ba le maa mu awon asebaje naa nigba ti won ba wa lori erupe ile Naijiria yato si igba ti won ba wa loke okun.
    Nitori ati da awon asebaje naa wale pada lati wa koju ina iya ese won maa n pe die.

    Lara asiri to tun tu jade ni wi pe aimoye owo ni Madueke ko pamo si aimoye banki orisiirisii kaakiri ni oruko awon ebi ati ojulumo re.

    Sugbon gege bi oro awon Yoruba, won ni aaya gbon Ogungbe gbon. Aaya n tiro, Ogungbe n bere ni a le fi we oro Madueke ati eka ti n gbogun ti iwa odaran ile Biritiko.

    Eleyii lo fa bi iya to bi Diezani Alison-Madueke, iyen arabirin Beatrice Agama ati arabirin kan ti oruko re n je Melanie Spencer se foju ba ile ejo Majisireeti Westminster to wa ni opopona Marylebone niluu London lojo Aje to koja, ojo karun-un osu kewaa odun taa wa yii lori esun awon owo kan to boha mo won lowo.

    Loju ese naa tun ni ile ejo tun pase gbigbesele egberun metadinlogbon owo poun (27, 000 pounds) kan to tun je ti Madueke.

    Ni bayii, ogbeni kan ti oruko re n je Kola Aluko ni oruko re tun ti lefo bi kete ti won fi lori omi ninu iwadii awon olopaa ilu London. Aluko to je onisowo epo robi, okan ninu awon agbodegba Madueke ti won ba dabaru awon owo ijoba to ji ko ki asiri re le bo loju omo araye.

    Aimyo dukia ni okunrin naa ti fi awon owo naa de mole ni ilu London ati Switzerland eleyii ti asiri gbogbo re ti bere si ni foju han lode. Sebi ti iro ba lo logun odun, ojo kan soso ni otito yoo ba.

    Wayio, awon ebi Arabirin Alison-Madueke ti n fara ki bakan naa ni won tun koro oju si awon iroyin to jade nipa bi awon olopaa se gbe Madueke niluu London. Won ni awon olopaa o gbe Madueke, n se ni won fiwe pe lati dahun awon ibeere kan.

    A ti wi pe oju ese naa ni won ni ko pada sile lati lo ma jaye ori re.

    Ogbeni Oscar Onwudiwe to je agbajero Madueke naa ti bee si n pariwo kiri bayii wi pe, onibara oun ni aisan jejere. A ti wi pe o ni awon itoju kan to n gba lowo ni ile iwosan.

    Eleyii ko si ni boju mu ti won ba n fitinati emi re lori awon esun ti ko lese n le lati fida alaafia re laamu.

    Ojo to n ro ti ko ti da ni esun jegudujera, sise owo ilu mokumoku ati riba gbigba ti won fi kan Alison-Madueke, Edua oke nikan lo moye eni ti o pa.
    Orisun