Àṣà Oòduà

Category: Àṣà Oòduà

Àṣà Oòduà, Asa Ibile Oòduà. Oòduà (Yoruba) je okan ninu awon eya ti o laju ju lode aye yi. Lati igba ti alaye ti daye ni won ti ni eto ati ilana to kun nipa ohun gbogbo ti won nse ni igbesi ayee won.

  • Awon olopaa ti lo ko awon omo egbe okunkun n’Ijebu-Ode

    Orisun
    Awon olopaa ti lo ko awon omo egbe okunkun n’Ijebu-Ode
    *Komisanna lo pase fun awon olopaa

    Olayemi Olatilewa

    Owo awon olopaa ipinle Ogun ti te awon afura si kan gege bi omo egbe okunkun ni Ijebu-Ode.

    Gege bi atejade kan eleyii ti alarinna fun ile ise olopaa ipinle Ogun, Ogbeni Olumuyiwa Adejobi fi sita. Adejobi so wi pe awon omo egbe okunkun bi ogbon (30) ti won ti n yo alaafia Ijebu-Ode ati agbegbe re lenu ni won ti pada ko sinu pakute awon olopaa kogberegbe ti ile ise awon fon sigboro.

    Gege bi alaye re, Adejobi ni aimoye iroyin isele orisiirisii lo ti n kan awon nipa ise buruku ti awon omo egbe okunkun naa n da lara. O ni eyi lo mu ile ise olopaa ipinle Ogun, labe komisanna Valentine Ntomchukwu lati jigiri si isele naa nipa didekun awon onise okunkun naa.

    Pupo awon afura si ti owo te naa ni won mu ni opopona Fidipote, abule Ogbogbo, Ita Alapo ati awon ile itura ti awon omo eriwo ti n pade.

     

    Orisun

  • Omo yibo yari mo awon omo ile igbimo asofin Eko lowo.

    Omo yibo yari mo awon omo ile igbimo asofin Eko lowo.
    *O ni oun o fara mo siso ede Yoruba nile igbimo asofin
    Onarebu Jude Idimogu, okan lara awon omo ile igbimo asofin ipinle Eko, ti tako aba ile lati maa lo ede Yoruba pombele gege bi ona ibanisoro nigba ti ile ba joko lati jiroro.

    O ni sise amulo ede Yoruba dabi igba ti won dogbon ati di rikisi eleyii ti ko dara to fun ijoba awaarawa. ” A ni ede ajumolo, ede Geesi, kilode ti a fi ni ko ye ni lilo mo o?”- Idimogu

    Omo ipinle Imo ni Odimogu, oun si lo n soju ekun keji Oshodi/Isolo nile igbimo asofin ipinle Eko labe egbe oselu PDP.

    Oun kan naa si ni omo yibo akoko ti o joko nile igbimo asofin ipinle Eko gege bi onarebu.
    Olayemi Olatilewa, okan ninu awon akoroyin IROYIN OWURO jade lo lati mo ero awon eniyan nipa isele yii. Ohun to mu bo ni yii:

    Bayo Sola: Aba lati maa lo ede Yoruba nile igbimo ki i se tuntun, ki lode ti maanu naa n tako o?

    Chidinma Amaeshia: Ti o ba ti n lo si ile igbimo asofin, eni ko mu eniyan ti yoo ma ba se ayan ogbufo da ni.

    Franklin Egbuche: Ona meji lo pin si. Eniyan ko le soju awon eniyan to yato silu eni lai se wi pe eniyan gbo ede won lojulowo. Agbegbe ti eniyan yoo ba soju, dandan ni ko gbo ede won daada.

    Apa keji, abala ofin kan so wi pe ede ajumolo, ede geesi, ni ede kan ti igbimo yoo maa lo lati fi daba ofin. Bi o tile je wi pe ile igbimo asofin ipinle le se ipinnu ti won, sibesibe ohun to fin so ni yen.

    Bayo Akinola: Oro lo fe gbo, omo atiro to ra bata ranse sile si iya re. Imado i ba se bi elede a balu je…Aifini peni, aifeeyan peeyan ti n mu ara oko san bante wolu.

    Ugo Stevenson: Awon ipinle ni eto labe ofin lati se ifilole ofin ti won. Sugbon ipinle bi Eko to je ipinle to kun fun aimoye eya ko gbodo maa lo agbara kan-anpa nipa sise amulo ede kan lati fi bori ede mii.

    Uzo Chikere: Yoruba ni iyawo Idimogu, oun gan-an si le so Yoruba to ja geere. Kini isoro re gan-an?

    Yato si ipinle Eko, a gbo wi pe awon ipinle kan ni apa Ila-oorun Guusu ile Naijiria naa ti n daba ati maa lo ede yibo gege bi ona ibanisoro ni awon ile igbimo asofin won.

    Orisun: http://www.olayemioniroyin.com/

  • Igba wo ni Pasuma fe ni Aya leyin odun mokandilaadota (49)?

    Igba wo ni Pasuma fe n’iyawo leyin odun mokandilaadota (49)? Olayemi Olatilewa

    Wasiu Alabi Pasuma tun ti pada so fun awon ololufe re wi pe ko ti to asiko fun oun lati ni iyawo nile. Oga Nla fuji, eni ti yoo pe omo odun mokandinlaadota (49) ninu osu kokanlan odun yii, so wi pe oun gbadun igbe aye oun gege bi baba-n-dagbe. Ati wi pe ki enikeni ma ti oun lo sibi ti oun ko ti setan lati lo.

    “Awon eniyan n yo mi lenu lori oro iyawo, mi o tile le so iye igba ti mo ti dahun ibeere lori koko oro kan naa. Bi o tile je wi pe o wu mi lati ni aya nile lojo kan, sugbon mo n gbadun igbe aye mi bayii gege bi apon”.

    Iba Wasila, eni ti awon kan tun pe ni Popsie Aliyah la gbo wi pe o ti bi omo bi mefa sita. Gege bi iwadii IROYIN OWURO, Ijaya fuji ti fi awon igba kan tami oge si Ayo Adesanya ati Ronke Odusanyani ti won je osere tiata sugbon ti oro won ko pada wo.

    Ojo ketadinlogbon osu kokanla, odun 1967 ni won bi Pasuma si Mushin to wa ni Ipinle Eko. Omo ilu Ilorin Afonja ni sugbon Mushin lo dagba si l’Eko oba Akiolu.

    Odun 1984 lo bere ise orin, igba to di odun 1993 to gbe awo re akoko jade to pe ni “Recognition.” Ninu awon olorin Fuji, Pasuma je enikan to sun mo awon olorin takasufe ile Naijiria ju lo.

    Boya eleyii lo mu oun naa gbe awo orin takasufe re jade lojo keji osu kejo odun 2015 eleyii to pe ni “My World”.

    Lara awon olorin to kopa ninu awo orin Pasuma naa ni Olamide, Tiwa Savage, Oritsefemi ati Patoranking.

    Orisun

  • Fayose kede nomba ero ibanisoro re fun awon eniyan ipinle Ekiti

    Gomina Ayo fayose ti kede nomba ero ibanisoro re lori eto olosoosu kan to maa waye lori redio ati telifisan ipinle Ekiti, “E PADE GOMINA”.

    Lori eto yii ni gomina ti n jiyin awon ise iriju re fun awon eniyan ipinle Ekiti nipa awon ohun meremere to ti gbese ati eyi to n se lowo.

    Bakan naa lo tun fi kun un wi pe,” mi o ni ohunkohun lati fi pamo. Mo n jiyin ise iriju mi.

    Nomba foonu mi ni yii, 08035024994. E pe mi. Ti mi o ba gbe, e fi atejise ranse. Maa ka, ma si fi esi ranse pada.

    Eyin eniyan mi, e ma mikan. Olorun yoo se gbogbo ohun ta n fe. Mo gbagbo ninu Olorun, yoo si ran wa lowo lati bori”. – Fayose

    Lojo isegun to koja yii, Gomina Fayose fun awon abarapa mewaa nise nigba to ko keke fun awon aro bi marunlelogbon (35).

    Akowe iroyin fun gomina Fayose, Idowu Adelusi, so wi pe eyi wa lara eto lati fi sami odun kan gomina lori oye.

  • Se eru nla FIFA ko ni wo Issa Hayatou lorun?

    Bi o tile je wi pe iriri odun metadinlogbon (27) ni Ogbeni Issa Hayatou ti ni nipa didari ajo to n ri si ere boolu ile Afirika, Confederation of Africa Football.

    Sibesibe awon ololufe ere boolu ni awon ilu okeere ko sai maa kominu nipa boya agbara re le tuko ipo re tuntun gege bi adari ajo ti n ri si ere boolu agbaye, FIFA.
    Hayatou ni won ti kede re gege bi Aare-fidi-he ajo FIFA latari asemase Ogbeni Sepp Blatter, eni odun mokandinlogorin (79), to ti n tuko ajo naa wa lati nnkan bi odun metadinlogun (17) seyin.

    Blatter ni won ni ko lo rokun nile fun odindi aadorun (90) ojo lati fi se iwadii awon esun jegudujera ti won fi kan-an.

    Awon aheso ti n ja lawon ilu okeere yii ni Hayatou, eni odun mokandinlaadorin (69), ti ko lati soro ba nigba to wo inu ofiisi re tuntun lo to wa ni Zurich l’Ojobo ose to ko ja yii.

    Hayatou to je omo ilu Cameroon lati ile alawo dudu so wi pe,” Ipo ti a ba ara wa gege bi ajo FIFA je ohun ti a ko pinnu re tele, sugbon a ni lati tesiwaju lai siye meji”.

     

    Orisun: Olayemioniroyin.com

  • Niluu Abeokuta, apata wo pa iya ati awon omo re

    Niluu Abeokuta, apata wo pa iya ati awon omo re. Olayemi Olatilewa

    Apata kan ti n be loke tente ni agbegbe Iberekodo niluu Abeokuta ti ye lule to si seku pa iya ati awon omo re.

    Bi eniyan ba je ori ahun, bo ba ribi ti okuta nla ti gbe run eniyan eleran ara mo ogiri ile, onitoun yoo bu omi loju suurusu.

    Ojo ibanuje nla gbaa ni ojo Eti to lo loun je fun awon idile ogbeni Ismail Lawal ti won gbe ni agbegbe Iberekodo to kale si Abeoukata ni ipinle Ogun nigba ti apata nla kan sadeede yelule, to si seku pa iyawo ati awon omo re ti won sun sinu yara ibusun.

    Isele yii lagbo wi pe o waye latari ojo nla kan to bere lati bi nnkan bi ago marun-un irole titi di bi nnkan bi ago mesan-an ale.

    Awon eniyan ti won ba isele laabi naa lo ni iyawo ogbeni Ismail, ti n je Silifat Lawal ati awon omo re meji ti won je Rasheedat ati Semia.

    Omo odun meedogun (15) ni Rasheedat nigba ti Semia je omo odun merin (4). Bakan naa ni Mariam to je omoomo Silifat na doloogbe ninu isele naa.

    Nigba ti Ismail to je baale ile fara pa pelu awon omo re meji ti won n je Sukurat ati Rofiat.

    Ohun to ko Ogbeni Ismail ati omo re meji yoku yo ni wi pe won ko si ninu yara ibusun ti iyawo re wa, yara igbalejo (palo) ni awon wa ni akoko isele naa.

    Arabirin Khadijat Adegoke, okan ninu awon eniyan ti won gbe ni agbegbe naa ni awon ko tile mo ohunkohun, nitori iji ti n ja n pariwo gan-an, titi di akoko ti Ogbeni Ismail fi wa pe awon fun iranlowo.

    Elomii to ko lati daruko ara re naa tun fi ero re han nipa isele to waye naa:
    “Isele buruku ni isele naa eleyii ti ko ye ko maa sele.

    Opolopo awon okuta nlanla ni i be lori oke eleyii ti ko ridi joko. Sibesibe, awon eniyan n kole sabe re nisale. Ero awon eniyan ni wi pe apata kii sidi, sugbon eyi to sele yii yoo je arikogbon”.

  • ILERA LORO: Bi a se le se itoju ehin enu wa

    #Oniroyin
    @OlayemiOniroyin

    Aridaju iwadii ti fi ye wa wi pe osan orombo dara pupo ni mimu eleyii to n fun erigi ehin wa ni agbara.

    Mimu osan orombo ran erigi lowo lati le mu ehin enu wa duro daada nipase orisii eroja vitamin C ti mbe ninu osan orombo.
    Fifo ehin wa tun se pataki.

    O kere tan, a gbodo maa fo ehin wa leemeji lojumo; nigba ta a ba fe sun lale ati igba ti a ba ji laaro putuputu.

    Idi to fi se pataki lati maa fo ehin wa ka to sun lale ni wi pe, die lara awon ounje ti a je maa n ha si wa lehin.

    Iru awon ounje bayii si maa n jera ki o to di ojo keji nigba to ba wa laarin ehin wa.

    Awon ounje to ha si wa laaarin ehin yii si le se akoba fun ehin enu wa. Ko to di wi pe a bo si ori ibusun lale, e je ka fi ose ati igi ifohin fo enu wa nu daada.

    Ti a ba n fo ehin wa pelu ose ifohin, agbodo maa ri daju wi pe a n fo ori ahon wa ati aja enu wa.

    Awon idoti maa n le mo ori ahon wa eleyii to le fa ki enu wa maa run ti a ko ba fi igi ifohin gbo ori ahon naa daada.

    Bakan naa ni oke enu ati isale ahon se pataki nigba ti a ba n fo enu nu, e je ka ri daju wi pe a n mu owo de gbogbo ibe pata.

    Yato si wi pe a gbo ehin wa sotun ati sosi, a gbodo tun gbe igi ifohin wa si isale ehin nibi ti erigi pin si lati gbo ehin wa soke. Eleyii yoo fi anfaani sile fun awon idoti to ha si aarin meji ehin lati jade.

    E ma gbagbe wi pe atinu atode ehin ni a o se eleyii fun ki gbogbo idoti naa le fo yo patapata.

    Itoju enu wa se pataki, nitori ona kan pataki re e ti ounje n gba de inu ara wa. A si gbodo ri daju wi pe enu wa wa ni ipo to dara fun ilera wa.

    Ojo mejo ni i ma tesiwaju nipa bi a se le se itoju ehin enu wa.

    E ma gbagbe, Ilera loro.

    @OlayemiOniroyin

  • Igba otun de ba Majek Fashek: O korin ni Felabration


    Bi Eledumare  ba ran eda lowo, bi idan ni i ri. Majek Fashek ti opolopo sebi o ti tan fun latari bi okunrin naa se fi ogun oloro baye ara re je, ti ko si ni kobo lowo mo lati fi jeun.  Okunrin olowo kan ninu Warri, Ayiri Emami ni Oba oke ran si i. O fi owo se itoju re, okunrin olorin naa si pada bo si po pada.  Majek Fashek re e nibi o ti n korin nibi ayeye ti won se lati fi bu ola fun oloogbe Fela Kuti, Felabration.

  • Salawa Abeni korin pelu omo re, BIG SHEFF


    BIG SHEFF ni yii, omo SALAWA ABENI.
    Sheriff Ilori je okan lara omo ti Queen Salawa Abeni bi fun Oba Fuji Alatika, Alhaji Rasaki Kolawole Ilori, eni ti gbogbo eniyan mo si Gen. Kollington Ayinla.

    Big Sheff je olorin Hip pop, eleyii ti irisi re fe jo ti Rick Ross ti ilu Amerika. Ijora Big Sheff lo mu awon kan maa pe ni Rick
    Ross ile Naijiria.

    Oun ati iya re jo korin nibi ayeye olodoodun ti won se niranti Fela Anikulapo Kuti ti won pe ni Felabration.

    Orisun

  • Obirin to bi ibeta ni yii leyin ti Boko Haram gba ile lowo won

    Arabirin yii bi ibeta (omo meta) ni ipago ti won pese fun awon eniyan ti Boko Haram so di alainile lori to wa ni Bama ni ipinle Borno. @OlayemiOniroyin