Àṣà Oòduà

Category: Àṣà Oòduà

Àṣà Oòduà, Asa Ibile Oòduà. Oòduà (Yoruba) je okan ninu awon eya ti o laju ju lode aye yi. Lati igba ti alaye ti daye ni won ti ni eto ati ilana to kun nipa ohun gbogbo ti won nse ni igbesi ayee won.

  • Ninu Iroyin Owuro ose yii: Okunrin kan ko N2M owo ifeyinti re fun pasito ni Mowe, loro ba di gobe

    Ninu Iroyin Owuro ose yii: Okunrin kan ko N2M owo ifeyinti re fun pasito ni Mowe, loro ba di gobe

    Iroyin Owuro ose yii tun ti gori igba. Iwe iroyin ti n gbona felifeli. Die ni yii ninu awon koko iroyin ose yii

    * Ireti ati di minisita: Aregbesola re Oyinlola lepa

    *Arekenge! Osinbajo ati aya re fife han nita gbangba

    *Kayeefi! Omo tuntun gbe Bibeli waye ni Ila Orogun

    *Ni Mowe, okunrin kan ko N2M owo ifeyinti re fun pasito

    *Oba Deji Akure fi ibinu gbade lori oba Ibo

    *Awon olopaa ti lo ko awon omo egbe okunkun n’Ijebu Ode

    *Fayose kede nomba ero ibanisoro re fun awon eniyan ipinle Ekiti

    *Abiyamo gbe omo re ta nitori owo

    *Awon ota ko deyin leyin Ameachi

    *Ayeye ojo ibi Alaafin Oyo: Oba Lamidi pe eni odun metadinlogorin

    Ogorun naira pere ni Iroyin Owuro. E ri daju wi pe e beere lowo fendo yin. Aseti kii bojo, aseti kii boorun, aseti ko ni bayin laelae.

    Ase

  • Ogulutu: Olaju ti so ogbon aye atijo di omugo patapata

    #Ogulutu

    Ogulutu
    Nigba ti mo wa ni kekere, awon egbon adugbo kan wa, awon ti awon obi wa gba wi pe won nimo ju wa lo.

    Ti o ba ti n to akoko fun awon egbon ti wa lati wo ile iwe giga, awon obi wa maa n taari won lo ba awon egbon adugbo yii fun itosona nipa orisii eko imo to dara ju lo ni ile eko giga, awon eko to le tete mu eniyan rise tabi di eniyan pataki nikete ti won ba kawe gboye.

    Lopo igba, lara awon eko ti awon egbon adugbo naa maa n ka sile ni Imo Isegun, Imo Ajosepo Awon Ilu Okeere, Imo Ero, Imo Ofin, ati bee bee lo.

    Bi o tile je wi pe ko si oun to buru ninu kiko awon imo yii ni ile eko giga, sugbon ero okan won eleyii to bi orisii ogbon ti won lo nigba naa ni asise nla.

    Ko si imo eko kan ti a ya soto lati mu eniyan di eniyan pataki tabi rise kiakia ju awon yoku lo. Awon ogbon bayii tile le maa sise nigba oju dudu.

    Sugbon laye ode oni, ti olaju ti de, iru ogbon bee ti di omugo. Bakan naa ni ko si imo kan to kere tabi ti ko ni iwulo tie fun awujo.

    Imo Eko Ede Yoruba ati Litiraso ni mo se ni ile iwe giga lati gboye akoko. Nigba ti awa nile iwe, opo awon akekoo ma n foju wo wa bi igba ti a n fi asiko wa sofo lasan. Nitori wi pe ninu okan won, won maa ro wi pe kini eniyan le fi imo ede Yoruba se.

    Yato si ede Yoruba, awon imo eko kan wa ti won tun foju kere won.

    Opolopo ireti awon eniyan ti n jabo leyinoreyin, nitori ibi ti won foju si ona o gba be mo.

    Pupo inu awon imo eko to “dara ju” yii ni awon eniyan ti lo ko sugbon ti nnkan ko senuure nigba ti won jade.

    Ki n to so nipa ogbon aye ode oni to se koko, e je n so die nipa idi pataki ti a fi da eko kiko sile. Ilu Spartan ati Athens ni mooko-mooka ti gbe bere ni Senturi karun-un eleyii ti Pluto je okan lara awon agbateru igbese naa.

    Idi pataki ti won fi se idasile eko ni fun ironilagbara eniyan lati le daduro tabi lati le se ohun ti won fe lai se wi pe won duro de iranlowo enikeni.

    Sugbon laye ode oni, opolopo gba wi pe pataki eko ni lati ri ise se ati lati je eniyan atata lawujo eleyii to jina si otito.

    Bi eniyan ba fe pegede laye ode oni dandan ni ko ko ogbon aye ode oni to le mu ni leke. Nje ogbon wo ni ogbon igbalode abi aye ode oni to le mu eniyan leke? E pade mi lose to n bo.”

    Orisun

  • Ayeye Ojo Ibi Oba Lamidi

    Oba Alhamis Olayiwola Atanda Adeyemi, Alaafin ti ilu Oyo, pe eni odun metadinlogorin (77) lojo keedogun osu kewaa odun yii loke eepe.

    Ayeye ojo ibi Oba Lamidi ni Omooba Akeem Adeyemi, eni to je okan lara awon omo ile gbimo asoju-sofin to wa l’Abuja se fun baba re lati fi dupe fun didasi ti Edua oke da baba re si.

    Lara awon eto to waye ni ifilole gbongan nla kan nibi ti awon odo ilu naa yoo ti maa ko nipa imo ayarabiasa komputa.

    Awon ori ade naa o gbeyin kaakiri ile Yooba, eleyii ti won dide lati bu ola oun iyi fun omo bibi inu Adeniran. Lara awon oba alade ti won ye Alaafin si ni Oba Osolo ti Isolo, Oba Kabiru Adelaja ati akegbe re lati ilu Eko, Oba Idowu Abiodun Oniru.

    Ojo keedogun osu kewaa odun 1938 ni won bi Oba Lamidi. Ojo kejidinlogun osu kokanla odun 1970 lo gori ite baba re leni odun mejilalogbon (32).

    Oba Lamidi Olayiwola to je okan lara awon oba alagbara ju lo ni ile Yoruba naa ni alaga igbimo lobaloba ipinle Oyo.

    Olarewaju Adepoju, okan lara awon akewi ile Yoruba, se apejuwe Oba Lamidi lodun 1980, ni akoko odun kewaa oba Lamidi lori ite, gege bi Oosa yato si igbakeji Oosa ti awon eniyan n pe e.

  • E wo ohun ti bobo yii se fun afesona re nita gbangba


    Laaarin ile itaja nla kan niluu Warri, bobo yii kunle fun ololufe re. O mu oruka ife jade lapo, o si wi bayii wi pe: “Joo ololufe mi, nje o gba lati je iyawo mi?”

    Opolopo awon eniyan ti won raja lowo ni won dawo duro, ti gbogbo eniyan si teju mo won.

    Ori omobirin ti bobo naa kunle fun loju gbogbo aye wu bi gaari Ifo, terin-toyaya lo fi na ika re siwaju fun bobo naa. Nigba ti afesona re si fi oruka ife, ti won fi goolu se, sibi to ye.

    Ibere ife a maa dun bi oyin, adura mi ni wi pe ki ife naa o ba won kale.

  • Awon eniyan ti bere si ni fi adura ranse si oga @DeleMomodu

    @DeleMomodu, okan ninu awon oga oniroyin ile Naijeria, eni ti pupo ninu awon akegbe re feran lati maa pe ni Bob Dee, ni okan ninu oju meji re n yo lenu bayii.

    Won ti se ise abe fun adari ati alakoso magasininni Ovation to kari aye, ise abe naa si kesejari.

    Adura wa ni wi pe ki Oba oke tun bo fun okunrin naa ni alaafia to peye si i. Amin

    E wo adura awon eniyan ti won fe Dele Momodu nibi:

  • Gbenga Ojoyido n jaye bi oba Lamidi niluu Amerika

    Won ti so mi lenu, idi ni yii ti mo fi pinnu lati dake. Won ti fabuku kan mi, idi ni yii ti mo fi senu mi ni deede sibi.

    Awon kan tile leri wi pe maa kandin ninu iyo, mo ba kuku karibonu bi eni wi pe mi o ri nnkankan.

    Lati mo nipa eni ti n je Gbenga Ojoyido, ati wahala to mu oniroyin so takada iroyin nu, linki isale yiii ni alaye naa wa.

    Walahi! Oro po ninu iwe kobo.
    www.olayemioniroyin.com/2014/05/wahala-ti-sele-ooo-okan-ninu-awon-omo.html?m=0

  • Ile Igbimo Asofin ipinle Kwara ti kede ojo ayewo awon komisanna tuntun

    Orisun

    Ile Igbimo Asofin ipinle Kwara ti kede ojo ayewo awon komisanna tuntun
    Olayemi Olatilewa

    Ile igbimo asofin Ipinle Kwara ti kede ogunjo osu kewaa odun yii [20/10/15]gege bi ojo ti won yoo se agbeyewo awon komisanna tuntun ti gomina fi ranse.

    Awon oruko ti gomina ipinle Kwara, Abdulfatah Ahmed fi ranse ni yii: Engr. Musa Yeketi, Engr. Idris Garbage, Otunba Taiwo Joseph, Aro Yahya, Barrister Abdurazak Shehu Akorede ati Bolakale Mayo.

    Awon yoku ni Barrister Kamaldeen Ajibade, Engr. Demola Banu, Alhaja Fumilayo Oniwa Isiaka ati Mahmud Babatunde Ajeigbe.

    Bakan naa, olori ile igbimo asofin ipinle naa ni awon ti se ifilole igbimo alabe sekele eleyii ti Hassan Oyeleke n dari lati jiroro pelu awon komisanna naa saaju ojo ayewo won.

  • Awon olokada rogo lowo olopaa ilu Ibadan: Won ni ese nla ni lati gbero meji seyin.

    Orisun
    Awon olokada rogo lowo olopaa ilu Ibadan: Won ni ese nla ni lati gbero meji seyin. Olayemi Olatilewa

    Awon olopaa ilu Ibadan ti bere si ni mu awon olokada ti won ba ti ko ju ero kan lo seyin loju popona ilu naa.

    Igbese yii lo tele atejade eleyii ti alarinna ile ise olopaa ipinle Oyo, Adekunle Ajisebutu (DSP) fi sita. Ninu atejade yii lo ti so gbangba gbangba wi pe ese nla ni bayii fun olokada igboro ilu Ibadan lati ni ju ero kan leyin lo, yala okada adani tabi eyi ti won fi n pawo.

    Ogbeni Ajisebutu ko sai menu ba idi pataki ti ile ise olopaa fi gbe igbese tuntun yii.

    Lara oro re, o ni owo ile ise olopaa ipinle naa te isowo awon ole kan to je wi pe okada ni won fi n sise ibi.

    Idi ni yii ti ile ise olopaa fi gbe igbese tuntun yii. Eleyii ti won lero wi pe yoo mu adiku ba ole jija nipa lilo okada.

    Iwe Iroyin Owuro ba Ogbeni Ajadi, okan lara awon olokada ilu Ibadan, eni ti gbogbo eniyan mo si Yalumo, soro lori igbese tuntun ti ile ise olopaa gun le.

    “Emi o ro wi pe igbese naa le mu adiku ba ole jija ti won fi okada se. Nitori wi pe pupo awon ole yii maa n ni ju okada kan lo. Eleyii ti yoo rorun fun won lati gbe enikan seyin, ti won yoo si sise ibi owo won. Awa olokada ni won kan fe fiya je nipa ofin tuntun naa”. Ogbeni Ajadi n na agbegbe Gate si Gbagi Alakia to wa ni ilu Ibadan.

    Orisun

  • Awon olopaa gba owo inu saka nla mesan-an pada lowo awon adigunjale banki.

    Orisun

     

    Awon olopaa fako yo! Won gba owo inu saka nla mesan-an pada lowo awon adigunjale banki. Olayemi Olatilewa

    Awon olopaa digboluja ti won gbogun ti iwa odaran gba obitibiti owo naira pada lowo awon adigunjale ti won dena de oko banki Diamond niluu Pota.

    Awon igara olosa bi meje yii ni won dena de oko banki agboworin ti eka ile ifowopamo Diamond to wa ni Trans Amadi, eleyii to kale si ilu Port Harcourt, l’Ojobo ose to koja ni nnkan bi aago marun-un irole.

    Owo kan ti iroyin isele naa kan awon olopaa lara ni won ti be sita. Won le awon ole naa ba, itaporogan naa si di “faya fo faya” laaarin olopaa digboluja ati awon gbewiri.

    Leyinoreyin, awon ole naa salo nigba ti won fi oko ati owo ti won jigbe sile seyin.
    Awon owo yii to je asan egberun kan naira ni won kun inu baagi “Ghana Must Go” mesan-an.

    Alarinna ile ise olopaa ipinle Rivers, ogbeni Ahmad Muhammad je ri si isele naa. O ni ohun to mu awon se aseyori ko ju bi awon se yara dide lo nikete ti iroyin naa wole.

    Ohun ti a tun gbo ni wi pe, o seese ki agbeyinbeboje kan wa ninu banki, lara awon osise. Eleyii to n fun awon ole naa lowo.

    Ogbeni Ahmad so wi pe awon olopaa si n ba iwadii won lo lati ri i daju wi pe owo te awon odaran naa ti won salo.

    Orisun

  • Aye akamara: Abiyamo gbe omo re ta nitori owo

    Owo awon osise alaabo ti won dabo bo dukia ijoba, Nigerian Security and Civil Defense Corps, NSCDC, e ka ti ipinle Enugun ti te arabirin kan to fe ta omo bibi inu re ni egberun lona ogorun owo naira Naijiria.

    Arabirin Nkechi Isioko to n gbe ni Mpu to wa ni ijoba ibile Aninri nipinle naa ni owo awon osise alaabo NSCDC te nibi to ti n gbiyanju lati ta omo re fun arabirin kan ti oruko re n je Blessing Egbo.

    Gege bi oro Nkechi, o ni won ti pada gba oun ni imoran lati ma ta omo naa mo. Oun si ti setan lati da owo naa pada fun Blessing. Nkechi ni iponju ati osi lo sun oun debi iwa palapala bee.

    Titi di akoko yii, enikeni ko mo ohun pato ti Blessing fe fi omo to ra se.