Àṣà Oòduà, Asa Ibile Oòduà. Oòduà (Yoruba) je okan ninu awon eya ti o laju ju lode aye yi. Lati igba ti alaye ti daye ni won ti ni eto ati ilana to kun nipa ohun gbogbo ti won nse ni igbesi ayee won.
Ní déédé agogo márùn-ún ìròlé àná ni ìjàmbá ńlá tí Ó tún jé mánigbàgbé fún orílè èdè Nìjíríà selè, nígbà tí Tánkà ńlá kan gbiná ní ojú pópó ònà tí ó wà láàrin ìlú Èkó si Ìbàdàn.
Òpò àwon èèyàn ni ókú tí àwon kan sì fi ara pa, ti Òpò okò sì sègbé.
Ó mà se o àfi kí olórun gbà wá ní orílè èdè yí.
Kí elédùmarè té àwon tí Óní kú sí aféfé rere.
Nìjíríà ńlé sunkún
Àwon èèyàn ibè ò ye é rérìn-ín òfò
Èrín òfò tí won rò pé ti ìdùnú ní se
Nìjíríà ìlú tí òmínira rè ti di omi ìnirà
Atún ti wálé
Ojó wo ni àwa náà yóò gba ife gbogbo àgbáyé
Ó mà se o!
Argentina tún ko bò wá láàná, won tún lé wa léré wálé láti odún 1995 ni wón kúkú ti ń fó wa lénu.
Ikò super Eagles ti láwon ò super mó oo A ti dágbére fún won ní Russia
Nìjíríà ìlú olómìnira.
A dúpẹ́ o
Ikú ti di tiwa
A dúpẹ́ o
Àwọn èèyàn wa ò figi da mààlúù mọ́
AK 47 ni wọ́n ń lò
A dúpẹ́ lọ́wọ́ Ọlọ́run
Iṣẹ́ darandaran ti di iṣẹ́ dánràndáràn
Èdùmàrè a dúpẹ́ o
Ẹ dúró ná
Kí loun tá a ṣe
Tí gbogbo ilé wa kún fún ikú
Tí gbogbo Ọ̀dẹ̀dẹ̀ wa kún fún àrùn
Àwọn ẹranko tí ń bẹ nínú igbó ń gbádùn ayé jù wá lọ
Èdùmàrè
Kí loun tó ń happen ná
Áńgẹ́lì tó ń pín ikú
Kí ló dé tó jẹ́ pé o kò lọ sórílẹ̀ èdè mìíràn mọ́
Ẹ wo òkú ọmọde lójú u pópó
Ẹ wo òkú àgbàlagbà lẹ́ṣẹ̀ ọ̀nà
Ẹ wo òkú ọmọge tó ti di wúńdíá
Ẹ wo tàwọn ọ̀dọ́ tó ti bàlágà
Ọmú abiyamọ kò yọ omi mọ́
Ikú ti gbọ́mú lọ
Èdùmàrè
Ayé ti apá ibi yìí kò suwọ́n
Àwa ènìyàn ìhín kò dára
Wọ́n ń pa wá
Wọ́n tún ń dúró ti wà
Ojoojúmọ́ lẹran ara wa ń wọlẹ̀
Èwo tún lèyí ooo
Olódùmarè!!!
Ṣàánú ooo
Kò sílẹ̀ tá a fẹẹ gbinsu sí mọ́
Gbogbo rẹ̀ la ti sìnkú sí ooo
Ọlọ́run Ọba Aláṣẹ
Èdùmàrè ọba asẹ̀dá
Dákun
Bá Nàìjíríà lálejò
Jẹ́ ká yéé dúpẹ́ túláàsì…
Ẹ̀JẸ̀ ÒKÚ Ń SUNKÚN OOO
Láti owó Africulturist Femi Ajakaye
omokùnrin gbajúgbajà olórin tí a mò sí D’banj tí orúko omo náà ń jé Daniel ni a gbó wípé Ó kú sí omi ní àná tí a mò sí ojó kerìnlélógún osù kerin odún yii.
Kí olúwa kí ó bá wa rò wón lókàn.
Ohun tí a se lónìí
Ìtàn ni b’ódòla
Lisabi Agbongbo Àkàlà
Fi ìwà akin gba gbogbo Ègbá kalè
L’óko erú Olóòyó
Ògèdèngbé ń be nínú ìwé ìtàn ìjeshà
Asíwájú rere ní se
Moremi obìnrinkùnrin n’ífè ńkó, a kò le gbàgbé rè láéláé
Efunroye Tinubu l’égbàá ilé ńkó, obìnrin ogun tí Ó so àwon òyìnbó d’òdè
Ipa tí won kó fún ìdàgbàsókè ìlú won
Ló so wón di olókìkí
Òkìkí irú èwo ni ìwo fé ní
Ò ń be l’éwe
Okúrò ní màjèsí
Ìwà àfowórá erù elérù
Kò kúrò lówó rè
O dàgbà tán
Èékán ni o tún je
Nínú àwon kò nísé àdúgbó
Àwon egbé re ni màjèsí tepámósé
Olúsisé ìná kò tówó
Ni won se ń rí ajé jeun
Olówó yí tè mí mólè ko kojá lo se ń bùkèlè ní tìre
Àgbà lò ń dà yí
Sé iró lo fé kí omó jogún ni
Àbí Ìwà àfowórá erù elérù tí o fi ńlé se ara rin-in-din
Yára rántí òla
Rántí òla, àgbà lò ń dà yí
Yára rántí òla, jáwó nínú àpòn tí kò yò, dá omi ilá ka ná
Kí òrò re má bà di akútúkú eni ibi tí o bá re ibi àgbà ńlé rè.
Èro àlọ, Ẹ wá gbọ́, èrò àbọ̀, Ẹ wá tẹ́tí sími
Oògùn ọlá tí mo ṣẹ̀ṣẹ̀ rí ní mo fẹ́ wí f’áyé
Oògùn ọrọ̀ tí mo ṣẹ̀ṣẹ̀ gbà ní mo fẹ́ ròyìn
Àtọjọ́ mo ti dáyé, Àtọjọ́ mo ti ń ṣiṣẹ́
Àtòjọ mo ti ń dààmú sáré kiri
Èmi ò mọ̀ pé oògùn ọlá kan wà tóju ká fi ọṣẹ forí lọ
Àní pé òògùn ọ̀rọ̀ kan wa tójú àwúre lọ
Mo ti kékeré lọ si Sokoto torí kí nlè lówó lọ́wọ́
Mo dàgbà tán gba Calabar lọ kí ń lè l’ọ́là lágbàlá
Mo dé Saki, dé Iseyin nítorí kí n lè l’ọrọ̀ léyìnkùnlé
Èmi ò mọ̀ pé ohun tí mo ń wá lọ Sokoto
Wà ní àpò Ṣòkòtò bùbá mi
Mo ti f’ọsẹ fọ́rí-fọrí, síbẹ̀ mi ò lówó lọ́wọ́
Ọ̀pọ̀ àsèjẹ ni mo ti komì, síbẹ̀ mi ò là
Ọ̀pọ̀ àbẹ́là ni mo ti tàn mọ́jú, síbẹ̀ mi ò rí t’ajé se
Hàntú ti mo mu kò l’òńkà, síbẹ̀ mi o ni láárí
Kàkà kó sàn lára mi, níṣe lo tún le koko si
Gbogbo ewúrẹ́ ilé mi ni me e rúbọ ọlá tán
Gbogbo àgùntàn ọ̀dẹ̀dẹ̀ mi ni me e se ètùtù ọlà
Mo fi gbogbo pẹ́péyẹ àgbàlá mi gúnsẹ àwúre
Mo kó gbogbo ẹyẹlé òrùlé mi fi s’àsèje ọrọ̀
Síbẹ̀ n ò rọ́wọ́ fi họrí, n ò rí ọwọ́ mu lọ ètè
Àwọn Alálùfáà gbowó titi, ko si ìyàtọ̀
Babaláwo gba ewure fa a, síbẹ̀ Ifá ò fọ re
Adáhunse gba agutan bẹ́ẹ̀ ko sí ayípadà rere kan
Ọlọ́sanyìn gba otí ìbílẹ̀ ṣùgbọ́n ọ̀rọ̀ naa òlójùtùú
Ọ̀kẹ́ àìmọye òróró Àdúrà ni mo rà fún wòlíì
Síbẹ̀síbẹ̀ ko sí àyípadà rere
Mo ba bẹ̀rẹ̀ sí bẹ orí, pe ko sọmí dolówó
Mo pe ìṣẹ̀dá mi níjà pé ko gbà mí kalẹ̀ lọ́wọ́ òsì
Orí gbọ́, orí gbémi pàdé oògùn owó tó dájú
Ìṣẹ̀dá gbà ó fi mi sọ̀rẹ́ oògùn ọrọ̀ ti ko lábàwọ́n
Oògùn owó ti mò n wí ò gba ewúrẹ́
Oògùn ọrọ̀ ti mò ń sọ ò gba àgùntàn
Oògùn ajé tí mo fẹ́ ròyìn kò gbẹ̀jẹ́
Oògùn owó ti mo fẹ́ wi lómú adé gbayì láàrin fìlà
Ohun lómú káún d’ọ̀gá láwùjọ òkútà
Lómú Iyọ̀ gbayì láwùjọ erùpẹ̀
Ọ̀YÀYÀ lorúkọ oògùn òhún n jẹ́
Olùtajà tó ní ọ̀yàyà ní rí owó kójọ
Oníṣẹ́ ọwọ́ tó ní ọ̀yàyà ní ń rí iṣẹ́ gbà
Òṣìṣẹ́ ìjọba tó ní ọ̀yàyà Irú wọn kìí pẹ́ gbokùn lẹ́nu isẹ́
Ọmọ ilé-Ìwé tó ní ọ̀yàyà ló n gbọ́ ohun olùkọ́ sọ yé
Ọmọ ìkọ́ṣẹ́ tó ní ọ̀yàyà, irú wọ́n lọ̀gá ń fi iṣẹ́ hàn
Ọmọge tó ń ṣe ọ̀yàyà, irú wọn ni ń ri ọkọ gidi fẹ
Ọ̀dọ́mọkùrin tó l’ọ̀yàyà lobìnrin ń dù
Ìyàwó ilé to l’ọ́yàyà, lọkọ ń fẹ́ràn
Ẹni a ṣe ọ̀yàyà sí lónìí, a tún padà wá lọ́lá
Ọ̀dájú kò ní wá lásán torí bó délé yóó ròyìn fún tẹrú tọmọ
L’èèyàn bá di aníyì káyé, olókìkí káàkiri
Iwúrí kíni ń bẹ níbi ki èèyàn fajúro?
Èrè wo ló ń bẹ nínú ká di ẹnu kukuku?
Aní owó wó là ń rígbà níbi kí èèyàn dijú mórí?
Ọlá wo ló ń bẹ nínú odì yíyàn?
Iyì wo lówà lára òsónú ẹ̀dá?
Ọ̀rẹ́ mi, ye e súré ka, ye dààmú kiri
Àní o yé fi èèyàn gúnsẹ nítorí owó
Ye fi ènìyàn jó oògùn nítorí ọlà
Ye to jú bọ ilé Adahúnse, onísègùn, wòlíì pẹ̀lú Àlùfáà fún ọsẹ àwúre
Ọ̀yàyà ni kí o gbìnyànjú kí o ni
Ọ̀yàyà ni kí o gbìnyànjú kí o yan láàyò.
Yé fi oògùn ẹ̀tẹ́ wo làpálàpá
Ọ̀yàyà ní oògùn àti ọ̀nà àbáyọ si ọ̀rọ̀ rẹ
Ìgbà kò lo bí òréré
Ayé kò lo bí òpá ìbon,
Ìgbà kan ńlo
Ìgbà kan ńbo
Kí elédùmarè jé kí á n’ígbà tó dára n’ílé ayé wa
Ìgbà kan ni ogún náírà yí níyì púpò
Sùgbón nísìnín
Ó ti di ohun tí èèyàn ò fé rí mo.
Ìgbà rere ni kí á ma toro
Kí elédùmarè fún wa ní ìgbà òtun.
Gégé bí a ti mò wípé eré bóòlù ife àgbáyé ńlo lówó. Ahmed Musa tí Ó jé òkan Lára àwon omo agbábòòlú Nìjíríà ti gbá bóòlù méjì òtòtò wo ilé àwon alátakò won tí a mò sí ikò Iceland.
Oya òpèré,
Ekùn oko asè’ké
Oya má bá mi jà
Mi ò l’ówó aféfé ńlé
Èmi ò rí eni tí yó ràgàn, ràgàn bí Oya ní òde ìpo
Kò séni tí ó ràgàn ràgàn bí Oya lótù ifé
Oya lo ràgàn ràgàn
Ló re nú ìgbé lò ké sí
Omo oyá d’olú
Oya mòdè ooo
Òpèré ní won ń jé
Òpéré ni won jé ó e
Gbogbo ilé olóya
Òpérè ni won je o e
Oya ní ìyá òun ò l’órogún
Óní òun náà ko ní l’óba kan
Òrìsà mérìndínlógún ni Oya bá n’ílé Sàngo gbogbo won ló fi eyin ojú lé lo. .