Àṣà Oòduà Àṣà Oòduà
Bisu eni ba ta
Ka fowo booje lo to
Agba ofifo ni dun koro koro
Mo ti reru to domo
Mo si ti riwonfa to ko peteesi
Igba o lo bi orere
Owo aago laye
To ba lowaju a tun pada seyin
Igba lonigba n ka
Ile o si meni n teun
Agemo ti n tele yoyooyo
Iku n foga sara rindin
Se opolo ti n janra mole
Nni ‘ku o ni san?
Ore se jeje ile n mi
Boo ba gbagbe
Je n ran o leti
So o ranti Kaaruna olowo aye?
Abi o gbagbe Farao onipo atata
Gbogbo pakaleke e won
Ani gbogbo fufulenge ki lo wa dure le?
Baa ba n fapa ajanaku n sanyan
Baa ba n fitan ogongo joka
Bo ba buse gada to buse gede tan
Dedengbo ni o pada fi gbogbo wa yata
Gbogbo mo le goke mo le so
Gbogbo fufulanga fufulanga
Afemi afemi
Nijo iku ba de laapon a pin
Bi’ya re ba lowo bi olowo aye
Ti Baba n fagbo bolojo moguro
O je ranti pasan bansa laye
Gbogbo gulegule o kojaa saare
Ojo tifa a peran
Topele yoo sebe oyinmolaka
Tomo Awo o ni le gbokele nko?
Se ipa o wa ni pin?
Feso jaye ore
Boo ba lowo lowo
Seranti alaini
Boo ba n gbokele atata meta lojumo
Ranti eni n fagbara kaka jeekan
Se o si wa mo wi pe ilakaka re ko rara
Kadara o ku fagba
Atila o fa girigiri asedanu ofo
Ki lo ha de taa kuku fowo wewo
Ka fese wese
Kaye o le ye mutumuwa
Opo oro o kuku k’agbon
Yooba ni:afefe ni n baa lo
Ka ranti atubotan
N lorin ti mo n diju magbari n ko.
……………
…………….
O to ojo meta taa rira wa,bi o nidii obinrin o ni je
kumolu,Eyi to ba si je kumolu a je wi pe…………
tor e seun eyin omoran ti n moyun igbin E ma
binu si mi. ire o.
Tagged with: ewi
About ayangalu
