Àṣà Oòduà

Tag: iroyin

  • Ọ̀nà Jìbìtì

    Bi ara ipede Radio Naigeria O.Y.O ni aye atijo, won ni, “Ifunra loogun agba, pasa ko funra, o ja sina, aja ko funra, aja jin, ti onile naa ko ba funra, ole ni yoo ko lo”. Eyi ni o difa fun gbogbo awa ti a maa n gbe moto lo si ibi inawo.


    Ara iwa jibiti ibe ni ki awon kan lo ba adari eto ti gbogbo eniyan mo si M.C. Won a ni ki o polongo nomba moto jade, ki eni to nii le wa tun wa si ibi to dara.


    Igba ti eni naa ba de ibe lo maa dede ri awon kan ti won ti go dee pelu ibon. Won si maa ni ki o ko gbogbo owo ati awon nnkan miiran to ba lowo lori fun awon loju ese.


    Opo to ba se agidi maa n sabaa fara gba ogbe ti won ko ba ba isele naa lo.
    Iwe IROYIN OWURO wa n gba wa niyanju pe ti iru ikede bee ba sele, ki onimoto ma tete lo, ti o ba si lo ki o ma se da lo. E ma se je ki a dabii “f’Olorunso to n fokun ogede gope”.

  • Ọba mẹ́wàá, ìgbà mẹ́wàá

    Awon onpitan wu itan Emir Kano ana jade. Won ni oro re dabi egun ti baba baba re ti se sile. Won ni odun 1963 ni ede aiyede waye laare Emir Mohammed Sanusi to je baba eni ti gomina yo ni ana yii pelu Amenh Oboni ti ilu Igala.


    Rogbodiyan yii naa ni o yo baba Sanusi ana kuro lori oye. Odun ketadinlogota naa ree bi ana, ti gomina Gaduje tun yo Emir Sanusi kuro bi eni yo jiga. Loju ese naa ni won fi omo Aminu Ado Bayero dipo re.


    Orisiirisii esun ni ijoba ipinle Kano fi kan Emir Sanusi, won ni o se owo rogunrogun kan maku maku ti ko si alaye gidi Kankan lori re. Won ni ko ki n gboro si ijoba ipinle naa lenu rara. Gbogbo eyi ni won ko po ti ijoba ipinle naa fi ni osuwon re ti kun.

  • Àwọn obìnrin tọ́kasí pàtàkì ìbáraẹnidọ́gba láárin ọmọnìyàn

    Àwọn obìnrin tọ́kasí pàtàkì ìbáraẹnidọ́gba láárin ọmọnìyàn

    Ọjọ́ kẹjọ ọdọọdún ni àyájọ́ àwọn obìnrin lágbàáyé níbi tí gbogbo àgbáyé tí ń kọjú sí àwọn obìnrin láti yòǹbó àwọn iṣẹ́ takuntakun tí wọ́n gbé ṣe láì nọ́ọ́ní onírúurú ìpèníjà, ẹ̀dùn ọkàn àti Ìlàkàkà wọn fún àṣeyọrí gbogbo
    Ẹ̀tọ́ àwọn obìnrin pẹ̀lú ìdọ́gba pẹ̀láwọn ọkùnrin ló gbòde gẹ́gẹ́ bíi ohun òjútáyé lásìkò àjọyọ̀ àyájọ́ obìnrin lágbàáyé ti ọdún yìí.

    Àkọmọ̀nà àyájọ́ náà fún ọdún yìí ni “ajàfẹ́tọ̀ ìbáradọ́gba ni mí: mímú ẹ̀tọ́ àwọn obìnrin ṣẹ.”

    Nínú ọ̀rọ̀ tiwọn, àjọ ìṣọ̀kan àgbáyé rọ àwọn èèyàn gbogbo láti jí gìrì gbógun ti àwọn ìpèníjà sísọ àìdọ́gba láàrin ẹ̀yà ẹ̀dá gbogbo.

    Nínú ọkàn ò jọ̀kan ọ̀rọ̀ tí wọ́n ṣọ ní ìrántí àyájọ́ yìí, àwọn obìnrin ní oríṣìríìṣí Ìlànà iṣẹ́ ajé gbogbo sọ̀rọ̀ lórí ìpèníjà tí wọ́n ń dojúkọ; paàpá jùlọ láàrin àwọn ọkùnrin lẹ́nu iṣẹ́ ajé gbogbo léyìí tí ò jẹ́ adínàgboòkú.

    Fẹ́mi Akínṣọlá

  • Ènìyàn mó̩kàndínlógójì ti ní àsepò̩ pèlú alárùn coronavirus l’Ogun

    Ènìyàn mó̩kàndínlógójì ti ní àsepò̩ pèlú alárùn coronavirus l’Ogun
    Ìròyìn láti o̩wó̩ Yínká Àlàbí


    Iberu bojo ti po gan-an ni ipinle Ogun bayii, paapaa julo lati igba ti ayewo ti fihan pe alarun buruku kan ti wo orileede yii lati orileede Italy.
    Lati igba naa ni ijoba ti bere si nii se iwadii gbogbo ibi ti arakunrin naa de ki o to di pe aisan naa daa gunle.

    italy corona virus


    Won ni ilera ti yara n sele si arakunrin naa, amo ayewo to gbopan gbodo waye pelu awon to ba se ipade ni Ewekoro to wa ni ipinle Ogun.
    Won ni ayewo gbodo wa pelu eni to fi moto gbee lati papako ofurufu, won ni ayewo gbodo waye lori awon ti won jo wo baalu de ipinle Eko ati bee bee lo.


    Elegbe gbogbo ipinle ni o ti gbaruku ti imurasile arun buruku naa ki o maa baa ba won ni ojiji. Iwadii ko tii fihan boya awon eniyan yii ti ko arun tabi won ko koo.

  • El- Rufai bá e̩bí ènìyàn 51 ké̩dùn

    El- Rufai bá e̩bí ènìyàn 51 ké̩dùn
    Nnkan buruku sele ni ilu Giwa ati Igali ni oru ojo aiku moju ojo Aje.
    Awon adihamora ni won tun ya bo awon ilu ati abule ni ipinle Kaduna ti won si bere si pa awon eniyan ibe, won si tun dana sun ile ati awon nnkan ini won miiran.

    Gomina ipinle naa, Nasir El- Rufai se abewo si awon ilu naa lonii, o si ba won kedun gidi nipa awon emi to sonu.
    Aare Mohammadu Buhari naa ranse ibani kedun si ipinle naa nipa awon eniyan ti won padanu.

    Ki Eledua ba wa dawo aburu duro.

    Ìròyìn láti o̩wó̩ Yínká Àlàbí

  • Ilé-ẹjọ́ fi mílíọ̀nù mẹ́wàá náírà fa APC létí

    Ilé-ẹjọ́ fi mílíọ̀nù mẹ́wàá náírà fa APC létí

    Ejo ti ile-ejo giga to fi ikale si ilu Abuja da ni ojo ketala, osu yii ni egbe oselu APC ni awon ko fara mo. Eyi ko tii saba waye ri ni orileede yii, ki ile-ejo giga da ejo ki awon kan wa ni won ni lati tun se ayewo re.


    Ejo naa lo fagi le ibo to gbe David Lyon wole gege bi gomina ipinle Bayelsa labe egbe oselu APC. Awon egbe PDP ni won pejo pe iwe eri igbakeji gomina naa ko moyan lori rara. Won ni orisiirisii oruko lo wa lori iwe eri igbakeji gomina naa, iyen Seneto Biobarakuma Degi-Eremienyo.


    Ile ejo ni ki awon to ni ejo ko te awon lorun fa asise awon jade sugbon ko si agbejoro to le fa asise Kankan jade ninu ejo naa.
    Eyi mu ki ile-ejo giga naa fi milionu mewaa naira fa egbe APC leti. Ile-ejo ni ki won ma se je ki iru re waye mo.

    Láti ọwọ́ Yínká Àlàbí

  • Òògùn náà(Chloroquine phosphate) lè ṣiṣẹ́ fún ìtọ́jú àrùn a jà má mààlà (Coronavirus ) tó ń tàn káàkiri.

    Òògùn náà(Chloroquine phosphate) lè ṣiṣẹ́ fún ìtọ́jú àrùn a jà má mààlà (Coronavirus ) tó ń tàn káàkiri.

    Fẹ́mi Akínṣọlá

    Ọ̀rọ̀ yìí dà bí ọ̀rọ̀ ìwé mímọ́ tó sọ pé ” òkúta táwọn ọ̀mọ̀lé kọ̀ sílẹ̀, ló di pàtàkì igun Ilé.

    Òògùn ibà tó wọ́pọ̀ nílẹ̀ Áfírìkà, paàpá jùlọ lórílẹ̀-èdè Nàìjíríà ní bí ogún ọdún sí ọgbọ̀n sẹ́yìn, Chloroquine phosphate ni àwọn Onímọ̀ ìṣègùn ti sọ pé, ó ṣiṣẹ́ fún ìtọ́jú àrùn Coronavirus tó ń tàn kálẹ̀ káàkiri.

    Ẹ̀ka ìjọba ìmọ̀ ìjìnlẹ̀ àti ìmọ̀ ẹ̀rọ lórílẹ̀-èdè China ló sọ pé, òògùn Chloroquine ṣiṣẹ́ dáadáa lára àwọn tó ní àrùn náà táwọn ti dán -an- wò lára wọn.
    Àwọn Onímọ̀ ìṣègùn òyìnbó lo Chloroquine fún ìtọ́jú ibà fún ọ̀pọ̀lọpọ̀ ọdún, kí ó tó di pé òògùn náà kò ran àwọn kòkòrò tó máa ń fa àìsàn ibà mọ́.

    Lójú òpó Twitter COVID-19 tí wọ́n ti ń dáwọn èèyàn lóhùn lórí àrùn coronavirus, wọ́n sọ nípa òògùn Chloroquine pé ó ń dènà àrùn coronavirus.
    Ìròyìn tó tẹ wá lọ́wọ́ láti orílẹ̀-èdè China fìdí rẹ̀ múlẹ̀ pé, àwọn Dókítà Onímọ̀ ìṣègùn ti dán òògùn náà wò lára àwọn tó lárùn coronavirus nílé ìwòsàn mẹ́wàá, wọ́n sì ri pé ó ṣiṣẹ́ dáadáa.

    Ẹ̀wẹ̀, Onímọ̀ kan nípa òògùn òyìnbó tó bá akọ̀ròyìn sọ̀rọ̀ ṣàlàyé pé bó yá òògùn Chloroquine le ṣiṣẹ́ fún àrùn coronavirus tàbí bẹ́ẹ̀ kọ, àjọ ètò ìlera lágbàáyé(WHO) àti àjọ ilẹ̀ Amẹ́ríkà tó ń ṣàkóso oúnjẹ ló lè sọ.

    Ohun tí àjọ ìlera lágbàáyé sọ ni pé ó ṣeéṣe kí òògùn àrùn coronavirus jáde ní bíi ọdún kan ààbọ̀ sí àkókò yìí.

    Ní báyìí, ojú òpó Twitter tí ń yeruku lálá lórí ìròyìn pé òògùn Chloroquine dára fún ìtọ́jú àrùn coronavirus.

    Ọ̀pọ̀ ló dunnú sí ìròyìn náà, bákan náà ni wọ́n ṣe ìrántí bí wọ́n ti máa ń lòògùn ọ̀hún fún ìtọ́jú àrùn ibà láti ọjọ́ tó ti pẹ́.

    Harry Obi ní tiẹ̀ sọ pé, ta ló le rò òògùn Chloroquine le ṣe ìtọ́jú coronavirus, ó ní ó dájú pé, àwọn Dókítà oníṣègùn òyìnbó yóó tún ní òògùn náà nítorí wọ́n ti lo ọ̀pọ̀ rẹ̀ fún ìtọ́jú àrùn ibà tẹ́lẹ̀.

    Ọ̀gbẹ́ni Adekunle ní ta ló mọ̀ bóyá òògùn Flagyl gan le ṣe ìtọ́jú àrùn HIV lẹ́yìn táwọn onímọ̀ ìṣègùn ti sọ pé, Chloroquine dára láti kojú corona virus.

  • Nnkan méje ti yóò yipada àti meje ti kò ni yi pada lẹ́yìn ti ilẹ Gẹ̀ẹ́si ti kuro labẹ EU

    Ǹkan méje ti yóò yipada àti meje ti kò ni yi pada lẹ́yìn ti ilẹ Gẹ̀ẹ́si ti kuro labẹ EU

    Fẹ́mi Akínṣọlá

    Lẹ́yin ọdún mẹ́ta lílọ bibọ̀ lórí ọ̀rọ̀ Brexit, ilẹ̀ Gẹ̀ẹ́ṣì padà kúrò lábẹ́ EU ní aago mọ́kànlá alẹ́ ọjọ́ Jimọ ọjọ́ kọkànlélọ́gbọ̀n Oṣù kínní ọdún 2020.

    Láàrin yìí ilẹ̀ Gẹ̀ẹ́ṣì yóò sì máa tèlé àwọn òfin EU bákan náà ni wọ́n á máa san owó tí ó yẹ. Àwọn ǹkan yóò jọra wọ́n sùgbọ́n àwọn míràn yóò máa yí padà.

    1.Gbogbo àwọn asojú ìgbìmọ̀ aṣòfin ilẹ̀ Gẹ̀ẹ́ṣì yóò pàdánù ààyè wọn ní EU

    Adarí ẹgbẹ́ Brexit, Nigel Farage jẹ́ ọ̀kan lára àwọn agbétẹrù tó ní pé kí Uk fi EU sílẹ̀ náà sì jẹ́ ọ̀kan nínú àwọn asojú mẹ́taleláàdọrin tí yóò pàdánù ààye wọn ní ilé Aṣòfin Yuropu.

    Èyí túmọ̀ sí pé lọ́wọ́lọ́wọ́ ilẹ̀ Gẹ̀ẹ́ṣì yóò fi gbogbo ètò òṣèlú àti àwọn àjọ tó jẹ́ ti EU sílẹ̀

    2.Kò sí àpérò European Union mọ́

    Asojú Ìjọba Ilẹ Gẹ̀ẹ́ṣì Boris Johnson yóó ní láti gba ìwé ìpe kó tó yọjú síbi àpérò EU lọ́jọ́ iwájú.

    Bákan náà àwọn mínísítà ilẹ̀ Gẹ̀ẹ́ṣì kò ní le péjú síbi àpérò tó ní ṣe pẹ̀lú ètò kankan.

    3. A ó máa gbọ́ nǹkan tí ó pọ̀ nípa òwò

    Ilẹ̀ Gẹ̀ẹ́ṣì yóó le má a bá àwọn orílẹ̀èdè míràn lágbàáyé sọ̀rọ̀ nípa Ìlànà tuntun lórí káràkátà.

    Ṣaájú àsìkò yìí UK kò ní àǹfànì láti se àdéhùn Ìdókoòwò pẹ̀lú orílẹ̀-èdè míràn bí i US àti Australia ṣe ń se, lásìkò tí wọ́n wà lábẹ́ EU.

    Èyí sì jẹ́ ọ̀kan nínú ìdí tí wọ́n fi kúrò ní EU , nítorí wọ́n fẹ́ ní oore-ọ̀fẹ́ láti ṣe nǹkan wọn fúnrawọn.

    Tí wọ́n bá tí ẹ̀ lu àlùyọ láti dóko-òwò pẹ̀lú orílẹ̀-èdè kan, wọ́n kò ní le se títí tí àsìkò tí won yóó fi kúrò ní EU pátápáta

    4. Ìwé ìrìna UK yóó pààrọ̀ àwọ̀

    Ìwé ìrìnà àlàwọ̀ omi aró yóò padà wá lẹ́yìn ọgbọ̀n ọdún tí wọ́n ti yíi padà sí àwọ̀ tí wọ́n n lò lọ́wọ́ báyìí.

    Ìpolongo yìí wáye lọ́dun 2017 láti padà sí aláwọ̀ búlúù tí wọ́n ó lò ní ọdún 2021.

    5. Owó Brexit
    Ó tó mílíọ̀nù mẹ́ta owó brexit tí wọ́n kọ déètì ọjọ́ kọkànlélọ́gbọ̀n oṣù kínní lé lórí tí wọ́n sì kọ àkọlé “Peace, prosperity and friendship with all nations”, yóó bẹ̀rẹ̀ sí ní di níná ní ọjọ́ Jimọ.

    Ọ̀pọ̀ ló ti tako owó náà tí wọ́n sì láwọn kò fọwọ́ sí i.

    Ẹ̀wẹ̀, àwọn owó ẹyọ náà ni wọ́n ti dá padà, tí wọ́n sì ti fi ṣe nǹkan míràn lẹ́yìn tí àsìkò tí wọ́n dá ti kọjá

    6. Ẹ̀ka Brexit ti parí ojúse wọn, abala náà yóó kógbá sílé

    Àwọn ìgbìmọ̀ tó ń mójútó bí ilẹ̀ Gẹ̀ẹ́ṣì sẹ lo sí Brexit ti di títúká báyìí.

    Ẹ̀ka tó mójútó kíkúrò ní EU tí asojú Ìjọba tẹ́lẹ̀ Theresa May dá sílẹ̀ lọ́dún 2016 náà yóó kúrò nípò

    Tí àpérò kankan bá jẹyọ lọ́jọ́ iwájú, àwon alágbàwí UK yóó ma fi Downing Street ṣe olú ilé iṣẹ́ wọn.

    7. Orilẹ̀-èdè Germany kò ní fi àwọn ọ̀daràn ránṣẹ́ sí UK

    kò ní ṣeéṣe fún àwọn ọdanran kan láti padà sí UK tí wọ́n bá ti fi ìgbà kan ṣá lọ sí Germany tẹ́lẹ̀.

    Orílẹ̀ -èdè Germany kìí gbà kí wọ́n mú ọmọ ìlú rẹ̀ lọ sí orilẹ̀-èdè tó bá yàtọ̀ sí èyí tó wà lábẹ EU.

    Kò tí dáju bóyá irú rẹ̀ náà le ṣẹlẹ̀ sí àwọn ọmọ orílẹ̀-èdè míràn bíi Slovania.

    Nítorí pé ìsípò padà ilẹ̀ Gẹ̀ẹ́ṣì bẹ̀rẹ̀ lóní wàràǹsesà, àwọn nǹkan mìíràn kò ní yí padà, ó kéré tán títí di inú oṣù kejìlá ọdún 2020.

    1. Ìrìn Àjò
    Ọkọ̀ òfurufú àti reluwé yóò ma ṣe iṣẹ́ bí ó ṣe ń ṣe é tẹ́lẹ̀.

    Lásìkò ìsípò padà , àwọn ilẹ̀ Gẹ̀ẹ́ṣì yóó sì má tò sí ibi tí wọ́n pèsè fún àwọn ọmọ EU nìkan

    2. Ìwé ìwakọ̀, ìwé níní ǹkan ọ̀sìn

    Níwọ̀n ìgbà tí ó bá ti jẹ́ pé kò ti lùgbàdi àkókò

    3. Káàdì European Health Insurance (EHIC)
    Káàdì yìí ni wọ́n má fi ń gba ìtọ́jú yálà tí ènìyàn bá ṣe àìsàn tàbí wọ́n ní ìjàmbá kan tàbí òmíràn

    Wọ́n le lọ ní orílẹ̀-èdè tó bá wà ní abẹ́ EU, ni Switzerland, Norway, Iceland àti Liechtenstein, èyí yóó sì máa siṣẹ́ lọ títí wọ́n yóó fi sípò padà tán.

    4. Wọ́n le máa siṣẹ́ kí wọ́n máa gbé ní EU
    Òmìnira wà fún láti yan sí ibi tó bá wù wọ́n lásìkò ìsípò padà, àwọn ọmọ ilẹ̀ Gẹ̀ẹ́ṣì yóó sì ní àǹfààní Gẹ̀ẹ́ṣì ní láti má gbé, tí wọ́n ó sì má siṣẹ́ ní EU bí wọ́n ṣe ń ṣe tẹ́lẹ̀

    Bákan náà ni yóó sì ṣe rí fún ọmọ EU kankan tó bá fẹ́ láti ma ṣiṣẹ́ tàbi gbé ní UK

    5. Owó ìfẹ̀yìntì

    Àwọn ọmọ ilẹ̀ Gẹ̀ẹ́ṣì tó ń gbé ní EU yóó sì máa gba owó ìfèyìntì wọn lọ bẹ́ẹ̀ ni wọ́n yóó ma gba àwọn àjẹmọ́nú tó bá ń gun orí rẹ̀ lọ́dọọdún

    6. Dídáwó sí ìsúna EU

    Títí ti wọ́n yóò fi pari ètò ìsípò pàda, Uk yóò sì má dá owó sí àpò ìṣúná EU. Ìtumọ̀ èyí ni pé àdéhùn tó ti wà nílẹ̀ tẹ́lẹ̀ láti máa dáwó sí ètò kan tó wà nílẹ̀ tẹ́lẹ̀ ò ní yẹ̀.

    7. Òwò ṣíṣe
    Ìdókoòwò UK àti EU yóó sì wà bó ṣe wà láì ní àfikun àwọn owó kankan nínú

  • Ò̩pò̩ dúkìá sègbé sínú ìjàm̀bá iná ló̩jà Amu l’Ekoo

    Ò̩pò̩ dúkìá sègbé sínú ìjàm̀bá iná ló̩jà Amu l’Ekoo
    Láti o̩wó̩ Yínká Àlàbí
    Eledua jowo maa so wa pelu ijamba ina to n sele lasiko eerun yii.
    Lojiji ni ijamba tun be yo ni oja gbaju-gbaja Amu ti o wa ni ilu Mushin ni ipinle Eko.


    Oja yii ni won ti n ta awon igi ikole,abesitoosi ikole ati awon ohun ikole miiran gbogbo.


    Awon eso panpana tete de ibi isele yii sugbon epa ko boro ni oro ina naa. Gbogbo bi won se n da omi sii lo n da bii igba ti won da epo petiro si ina naa.
    Dukia to le ni bilionu naira lo sofo sinu isele buruku naa, eni to kan lo mo.
    Isele yii ba opo eniyan lokan je nitori pe ko si eni ton le mo oja yii tele to maa gbo pe ina joo guruguru ti ko ni kawo mori.
    Ko tii si eda Olorun kan to le so ohun to fa ijamba ina naa nitori pe awon onise monamona ko muna wa ni gbogbo asiko naa.
    Ki Eledua ba wa dawo aburu duro.

  • Ilé-ẹjọ́ Tó Ga Jù Ní Samuel Ortom Náà Ló Tún Jáwé Olúborí Ní Benue

    Ilé-ẹjọ́ tó ga jù ní Samuel Ortom náà ló tún jáwé olúborí ní Benue
    Láti ọwọ Yínká Àlàbí


    Iroyin yajoyajo to wole bayii lo n jeri sii bi ile ejo to ga ju lo to fi ikale si ilu Abuja se da ejo oludije fun ipo gomina ni ipinle Benue, iyen Emmanuel Jime ti egbe oselu APC nu bi omi isanwo.


    Awon adajo meje ti Adajo Olabode Rhodes-vivour je olori fun ni won se idajo naa ni nnkan bii ogbon iseju seyin.
    Ile ejo ni gbogbo awijare egbe oselu APC ko lese nile, nipa idi eyi ki gomina Ortom ti egbe oselu PDP si maa se ijoba re lo ni alaafia.


    Ti a ko ba gbagbe, ana ode yii naa ni ile ejo yii da ejo awon gomina merin nigba ti ti ipinle Imo waye ni ose to koja bi o tile je pe iwode si n lo kaakiri nipa idajo naa.
    Awon ti ko te lorun n se iwode bee si ni awon ti ejo naa gbe n se idunnu kiri ilu.

    http://iroyinowuro.com.ng/2020/01/21/ile-ejo-to-ga-ju-ni-samuel-ortom-naa-lo-tun-jawe-olubori-ni-benue/