Àṣà Oòduà

Tag: iroyin

  • Seyi Makinde, mo gbà fún ọ lórí ẹ̀kọ́ ọ̀fẹ́ tó o ṣe ní ìpínlẹ̀ Oyo—Yemi Ọṣinbajo

    Seyi Makinde, mo gbà fún ọ lórí ẹ̀kọ́ ọ̀fẹ́ tó o ṣe ní ìpínlẹ̀ Oyo—Yemi Ọṣinbajo

    Fẹ́mi Akínṣọlá

    Ṣe wọ́n ní yini yini kí ẹni le sèmí ì ,bẹ́ẹ̀ gẹ́lẹ́ lọ̀rọ̀ rí,nígbà tí
    Igbákejì Ààrẹ ilẹ wa, Ọ̀jọ̀gbọ́n Yemi Osinbajo gbósùba mo gba fun ọ, fún Gómìnà ìpínlẹ̀ Ọyọ, Onímọ̀ ẹrọ Seyi Makinde lórí Ìlànà ẹkọ ọfẹ tó gbé kalẹ̀ nipinlẹ Ọyọ.

    Àtẹ̀jáde kan tí akọwe Gómìnà ìpínlẹ̀ Ọyọ fétò Ìròyìn, Taiwo Adisa fisíta ṣàlàyé pé, igbákejì Ààrẹ gbósùba bẹẹ fún Seyi Makinde lásìkò tí wọ́n jọ péjú síbi ìsìn ayẹyẹ ọgbọn ọdun tí wọ́n dá Ìjọ Bishop Taiwo Adelakun, Victory Church sílẹ̀ nílù ú Ibadan.
    Osinbajo ṣàlàyé pé inu oun dun bí Gómìnà Makinde ṣe tẹwọgba ìpèníjà tó wà nídìí ìpèsè ẹkọ ọfẹ to tun jẹ ojúlówó nipinlẹ Ọyọ.
    Osinbajo fikún ún pé Ìjọba Muhammadu Buhari gan sọ logunjọ osu Kẹfa ọdun 2019 pé ètò ẹ̀kọ́ yóò jẹ́ ọfẹ yika orílẹ̀èdè Nàìjíríà fún ọdún mẹsan àkọ́kọ́ nile ẹkọ alakọbẹrẹ àti girama, t’íjọba àpapọ̀ kò si lee kan nipa fawọn ijọba ipinlẹ láti se bẹẹ.

    Ó wá jẹjẹ pé Ìjọba àpapọ̀ yóò ṣiṣẹ́ pọ̀ pẹ̀lú àwọn ìpínlẹ̀ láti se amusẹ ìpèsè ojúlówó ẹkọ ọfẹ pẹ̀lú afikun pe Ìjọba yoo ran wọn lọwọ ni gbogbo ọna lati ri daju pe afojusun ìpèsè ojúlówó ẹkọ ọfẹ, tó tún jẹ dandan di ohun.
    Nigba to n fesi, gomina Seyi Makinde ni ẹkọ ọfẹ ti di ohun nipinlẹ Ọyọ nítorí Ìlànà ètò ẹ̀kọ́ nikan ni ọ̀nà tó daju láti mu adinku ba ìṣẹ́ àti osi ati Ìlànà ìrónilágbára tó pegedé jùlọ fáwọn ọdọ.

    “Lóòótọ́ ọdún mẹrin kò tó láti gbé wa dé ibi tí a ń lọ à mọ́ ọdún mẹrin tó láti fi ìpìlẹ̀ gidi lélẹ fún ètò ẹ̀kọ́, èyí tí Ìjọba tó ń bo yóò mọ le lórí.”
    “Ọpọ àwọn asaájú wa ló sì ń ròyìn èrè ẹkọ́ ọfẹ Oloye Ọbafẹmi Awolọwọ tí wọ́n jẹ anfaani rẹ̀ bí ó tilẹ jẹ́ pé ọjọ́ pẹ tí Awolọwọ ti papoda. Ṣùgbọ́n ipa ẹkọ ọfẹ ti Awolọwọ fi sílẹ̀ ló jẹ́ òpó t’íjọba mi fẹyinti ní ìpínlẹ̀ pinlẹ Ọyọ.”

    http://iroyinowuro.com.ng/2019/10/21/seyi-makinde-mo-gba-fun-o-lori-eko-ofe-to-o-%e1%b9%a3e-ni-ipinle-oyo-yemi-o%e1%b9%a3inbajo/

  • Àfikún owó oṣù nìkan lẹ̀rọ̀ ìyanṣẹ́lódì- NLC

    Àfikún owó oṣù nìkan lẹ̀rọ̀ ìyanṣẹ́lódì…NLC

    Fẹ́mi Akínṣọlá

    Ẹgbẹ́ òṣìṣẹ́ lorilẹede Nàìjíríà, NLC, ti sọ fún àwọn adari ẹgbẹ́ ọhun láwọn ipinlẹ pé kí wọ́n gbaradi fún ìyanṣẹ́lódì, bẹrẹ láti ọjọru, ọjọ Kẹrindinlogun oṣù Kẹwàá ọdún 2019.
    Ẹgbẹ́ NLC ní òun yóò gunle iyaṣẹlodi náà tí ifọrọwerọ oun pẹlu Ìjọba àpapọ̀ kò bá so eso rere.


    Nínú atẹjade kan tí ẹgbẹ́ náà fi sọwọ sí àwọn ẹka rẹ̀ ní àwọn ipinlẹ, ti akọwe àgbà ẹgbẹ́, Emmanuel Ugboaja fọwọ si, lóti sísọ lójú ọrọ náà.
    Ẹgbẹ́ NLC ní, gẹ́gẹ́ bí ìwé tí òun ti kọ Ṣaájú sí àwọn ọmọ ẹgbẹ́ náà ní Nàìjíríà pe, ti ajọsọ egbẹ naa pẹlu ijọba apapọ lori afikun owo oṣu ko ba so eso rere, oun yoo bẹrẹ iyanṣẹlodi.

    Ṣaájú ni ẹgbẹ awọn oṣiṣẹ ọhun ti beere afikun owo oṣu to jẹ ida mọkanla fun awọn oṣiṣẹ to wa ni ipele keje si mẹrinla, ati afikun owo oṣu ida mẹfa abọ fun awọn oṣiṣẹ ijọba to wa ni ipele karundilogun titi de ipele kẹtadinlogun.


    Ni ọjọ kẹrinla oṣu karun un ọdun 2019 ni ijọba apapọ gbe igbimọ kan dide lati boju wo afikun ti ẹgbẹ oṣiṣẹ n beere fun.
    Lẹ́yìn ọpọlọpọ ìpàdé àti ijiroro, ó jọ pé ẹ́gbẹ òṣìṣẹ́ àti Ìjọba àpapọ̀ kò tiì fẹnu ọrọ náà jona.

    iroyinowuro

  • Yẹ Kí Nàìjíríà Dín Iye Àwọn Sẹ́nétọ̀ Tó Ń Ṣojú Wọn Kù Tàbi, Ka Kúkú Pa Ipò Náà Rẹ́ – Fayemi

    Ó yẹ kí Nàìjíríà dín iye àwọn Sẹ́nétọ̀ tó ń ṣojú wọn kù tàbi, ka kúkú pa ipò náà rẹ́ …..Gomina ìpínlẹ̀ Ekiti

    Fẹ́mi Akínṣọlá

    Ó ní àwọn sẹ́nétọ̀ tí ń náwó tó pọ̀jù léyìí tí Ìjọba yí le fi owó náà ṣe nǹkan mìíràn fáwọn ará ìlú.
    Ó gba Ìjọba nímọ̀ran láti ṣàmúlò àbọ ìwádìí àwọn ìgbìmọ̀ Orosaye Stephen.
    Àbọ ìwádìí Orosaye ni pé kí wọ́n da àwọn iléeṣẹ́ Ìjọba àpapọ̀ tí iṣẹ́ wọ́n jọra pọ̀ di ọ̀kan ṣoṣo kí wọ́n le gbòòrò síi
    Fayẹmi gba u ìmọ̀ran yìí lásìkò tí ó ń sọ̀rọ̀ níbi àpérò lórí ètò ọrọ ajé Nàìjíríà ẹlẹẹkẹdọgbọn irúu rẹ̀ tí àkòrí rẹ̀ jẹ́: Nàìjíríà ni 2050: kín ló kù ní ṣíṣẹ yàtọ̀?

    Ṣaájú ni gómìnà ìpínlẹ̀ Imo tẹ́lẹ̀, Rochas Okorocha tí kọ́kọ́ ní kí wọ́n dín o òdiwọ̀n iye àwọn aṣojúṣòfin kù nílé Ìjọba ní Abuja.
    Rochas ní sẹ́nétọ̀ tó ń ṣojú ìwọ̀ oórùn ìpínlẹ̀ Imo báyìí nílé ìgbìmọ̀ ìjókòó kẹsan an.
    Ó ní iye owó tí sẹ́nétọ̀ kọ̀ọ̀kan ń ná tí pọ̀jù lọ́júu t’òun àti pé ó yẹ k’íjọba dín wọn kù sí ẹyọ kan láti ìpínlẹ̀ kọ̀ọ̀kan dípò o mẹ́ta yìí.
    Lọ́wọ́lọ́wọ́ ni Nàìjíríà, àwọn aṣojú jẹ́ mọkandinlaadọfa nílé ìgbìmọ aṣòfin àgbà nílùú Abuja láti ipinlẹ mẹrindinlogoji àti Olúùlú FCT.
    Nígbà tí àwọn aṣojúṣòfin jẹ́ ọtalelọọdunrun nílé ìgbìmọ aṣojúṣòfin kékeré ní Abuja.
    Nínú àbá eto ìṣúná tuntun tọdún 2020 ti Ìjọba àpapọ̀ gbé wá síwájú ilé láìpẹ́ yìí ló ṣafihan pé biliọnu mẹẹdọgbọn le ní ọgọrun un ni àwọn aṣojú wọ̀nyí yóò ná tán. Okorocha
    Gomina Fayemi ni oun ko ro pe ọrọ Nàìjíríà nilo aduro ero yii lati maa na owo ti wọn n na tan loṣooṣu ki a to lè yanju iṣorọ Naijiria.
    O ni awọn aṣojúṣòfin la nilo lati ṣe agbẹkalẹ awọn ofin to yẹ ni Nàìjíríà kìí ṣe àwọn sẹ́nétọ̀ rara.

    Fayẹmi fi ìpínlẹ̀ Ekiti rẹ̀ ṣe àpẹrẹ pé kínni sẹ́nétọ̀ mẹta ń ṣe láti Ekiti kékeré yẹn kí á tó sọ àwọn ìpínlẹ̀ tí kò tún tóbi tó Ekiti.

    http://iroyinowuro.com.ng/2019/10/14/ye-ki-naijiria-din-iye-awon-seneto-to-n-%e1%b9%a3oju-won-ku-tabi-ka-kuku-pa-ipo-naa-re-fayemi/

  • Igbákejì gómìnà Ọyọ ní Ladọja ṣe bẹbẹ lẹ́ka ètò ẹkọ́

    Igbákejì gómìnà Ọyọ ní Ladọja ṣe bẹbẹ lẹ́ka ètò ẹkọ́

    Fẹ́mi Akínṣọlá

    Ṣé ìgbésẹ̀ òhun ìhùwàsí oníkálùkù láàyè, ìtàn ló ń kọ lóké eèpẹ̀.
    Tẹbi tara tọ̀rẹ̀ àti àwọn èèkan nísẹ́ Ìjọba ló péjú láti ṣé ajọyọ̀ ayẹyẹ ọjọ́ọ̀bí ọdún karundinlọgọrin gomina tẹlẹri nipinlẹ Ọyọ, Oloye Rashidi Adewọlu Ladọja.
    Ayẹyẹ náà ti o waye ni gbọngan nla igbalejo ile itura ‘Premier Hotel’ ilu Ibadan l’ọ́jọ́ Ajé, jẹ ọ̀kan lara àkànṣe ètò tó waye níbi ifilọlẹ iwe ètò ẹ̀kọ́ nípa ìtàn àti ipò adarí tí aya gomina tẹ́lẹ̀rí náà, Arabinrin Bukọla Ladọja kọ fún àwọn ilé ẹ̀kọ́ tó ń bẹ lorilẹede yìí.
    Igbakeji gomina ipinlẹ Ọyọ Onimọẹrọ Rauf Ọlaniyan, ti o ṣojú u Ìjọba ipinlẹ Ọyọ níbi ipejọpọ náà, gbósùba káre fún Olóyè Rashidi Ladọja fún iṣẹ́ takuntakun tí ó ṣe fún idagbasoke ipinlẹ Ọyọ, lásìkò iṣejọba rẹ gẹ́gẹ́ bí i gomina, paapaa jùlọ lẹka ètò ẹ̀kọ́ .
    Ọlaniyan tẹsiwaju wí pé, ibi tí ọrọ ètò ẹ̀kọ́ ti wọ́ ní ẹkùn iwọ-oorun ni Ladọja mójútó lásìkò ìṣèjọba rẹ̀, kí ó tó di pé àwọn tí ó gba Ìjọba lọ́wọ́ rẹ̀ da ètò náà rú.
    Ó fi kún ọrọ rẹ pé, Ìjọba ìpínlẹ̀ Ọyọ ń tọrọ ẹ̀mi gígùn àti àlàáfíà fún baba ọlọ́jọ́ ìbí, Kọmísánà fún ètò ẹ̀kọ́ àti ìmọ ìjìnlẹ̀ nipinlẹ Ọyọ,
    Ọjọgbọn Kehinde Sangodoyin,nínú ọrọ rẹ̀, sapejuwe Olóyè Ladọja gẹ́gẹ́ bíi bàbá gidi. Ó ní láti ìgbà tí gomina tẹ́lẹ̀rí náà ti ń díje du ipò ni òun tí mọ ọ

    Ó tẹ̀síwájú wí pé Ladọja jẹ ẹni tí ó máa ń fẹ́ kí nǹkan rere ti akata rẹ̀ jade wá, bẹẹ sì ni ó máa ń fẹ́ kí gbogbo èèyàn ṣe dáa dáa, bakan náà ló ní ó jẹ ẹnikan tí kìí bẹru, eyi si jẹ nǹkan pàtàkì tó yẹ kí gbogbo èèyàn ṣe awokọṣe rẹ̀.
    Nínú ọrọ ti ẹ̀. arabinrin Bukọla Ladọja ṣàlàyé pé ipa ribiribi tí Olóyè Ladọja kó fún ìdàgbàsókè ètò ẹ̀kọ́ lásìkò iṣejọba rẹ̀, ló mú kí wọ́n ṣe ayẹyẹ ọjọ́ọ̀bí náà mọ ifilọlẹ ìwé tuntun tí aya gomina tẹ́lẹ̀rí náà kọ.
    Arabinrin Bukọla wá parọwa si Oloye Ladọja láti tẹsiwaju nínú iṣẹ́ rere, paàpá julọ lẹka ètò ẹ̀kọ́.

    Nínú ọrọ idupẹ rẹ, Oloye Rashidi Ladọja dupẹ lọwọ gbogbo àwọn arirebaniṣe pẹ̀lú adura pé ohun rere ko ni tan lọdẹdẹ ẹnikẹni.
    Ladọja sàlàyé pé, lara àwọn ìredi ti idagbasoke ètò ẹkọ fi jẹ oun logun ni wi pe òun gan ti jẹ anfani eto ẹkọ ọfẹ sẹyin, bẹẹ si ni òun mọ òhun tí ó tumọ si fun akẹkọọ láti joko sile nitori aisan owo ile ẹkọ
    Gomina tẹ́lẹ̀rí náà fi kun ọrọ rẹ̀ pé, lára ohun tí ó yẹ kí Ìjọba tó ń bẹ lóde tẹsiwaju láti máa ṣe, ni itọju àwọn olùkọ́ nipasẹ sisan owó oṣu wọn lásìkò.

    Ó ní òun kò ni dẹkun láti máa kopa nínú idagbasoke ètò ẹ̀kọ́ láwùjọ, bó ti wu kí ara di ara àgbà tó .


    Ọ̀kan ò jọkan orin ni wọ́n fi dá àwọn àlejò lára yá níbi ayẹyẹ náà.
    Lára àwọn èèyàn tí ó tún wà nikalẹ ni Ọjọgbọn Bọlanle Awe, adarí àwọn òṣìṣẹ́ gomina ipinlẹ Ọyọ, Oloye Bisi Ilaka, akọwe ijọba ipinlẹ Ọyọ, Arabinrin Olubamiwo Adeoṣun, àwọn lẹgbẹlẹgbẹ loyeloye àti bẹ́ẹ bẹẹ lọ.

    http://iroyinowuro.com.ng/2019/10/14/igbakeji-gomina-oyo-ni-ladoja-%e1%b9%a3e-bebe-leka-eto-eko/

  • O̩kùnrin àkó̩kó̩ lórí Te̩lifísò̩n l’Áfíríkà filè̩ bora

    Bí Kunle Ọlasọpe, ìlúmọ̀ọ́ká agbóhùnsáfẹ́fẹ́ ṣe lo ìgbésí ayé rẹ̀ rèé o.

    Fẹ́mi Akínṣọlá

    Àwọn àgbà bọ wọ́n níjọ́ a kú,làá dère,èèyàn ò sunwọ̀n láàyè. ọrun dẹ̀dẹ̀ má kánjú gbogbo wa la ń bọ̀.
    Olóògbé Kunle Ọlasọpe, tíí ṣe ọkunrin akọkọ to fi oju han lori i amóhùnmáwòrán ti waye, o si ti lọ, a mọ iṣẹ́ ẹ rẹ̀ ń tọ́ọ̀ lẹ́yìn.
    Ọjọ Aiku, ọjọ Kẹfa, Osu Kẹwaa, ọdun 2019 ni gbajúgbajà agbóhùnsáfẹ́fẹ́ naa, Kunle Ọlasọpe sílẹ̀ bora lẹni ọgọrin ọdun.
    Ó ní ifẹ si isẹ iroyin lo jẹ ko lọ si ileesẹ agbóhùnsáfẹ́fẹ́ BBC lati lọ gba imọ kun imọ nipa isẹ ìgbóhùnsáfẹ́fẹ́ lọdun 1962.

    Gẹ́gẹ́ bi itan igbe aye rẹ ti sọ fun wa lori ayelujara, baba to bi baba Olasope ni iyawo mẹwa, ti iya tirẹ si jẹ iyawo keji, ti oun naa si jẹ ọmọ kẹfa ninu ọmọ mẹrindinlọgbọn.

    Ọmọ bibi ilu Ẹfọ̀n Alààyè ní ipinlẹ Ekiti ni Kunle Ọlasọpe, ti orukọ baba rẹ si n jẹ Julius Ọlasọpe.
    Ilu Ibadan, ni ipinlẹ Ọyọ ni wọn bi Olasope si ni Ọjọ Kẹjọ, Osu Karun un, ọdun 1937 ladugbo Oke Padi
    Ọlasọpe lọ si ile iwe alakọbẹrẹ Agbeni Methodist ni ilu Ibadan, ti o si wọle si ile iwe girama Igbobi, ni Yaba ni ilu Eko lọdun 1951


    Bakan náà lo jẹ́ olori awọn akẹkọọ nile ẹkọ girama náà, kó tó kẹkọ ọ jade
    fun eto ẹkọ fasiti, Ọlasọpe lọ si ibudo ẹkọ irọlẹ tíí se ẹka ileẹkọ fasiti Ile Ife tó kalẹ silu Ibadan


    Nigba ti ẹrọ amóhùnmáwòrán de si Naijiria lọdun 1959, Kunle Olasope pẹlu Anike Agbaje-Williams ati John Edyang ni wọn bẹrẹ ikede ni ile isẹ móhùnmáwòrán WNTV, tíí se akọkọ nilẹ Afirika.
    Gẹ́gẹ́ bi ẹni akọkọ to ka Iwe lroyin lori ẹrọ amóhùnmáwòrán , Ọlasọpe kopa nínú bi ile isẹ iroyin náà ṣe gbe afihan asa ilẹ wa, taa mọ si FESTAC 77 si ori afẹfẹ jakejado Naijiria.


    Kunle Olasope gba ọpọ ami ẹyẹ.Diẹ lara rẹ ni ami ẹyẹ Naijiria (MON) lọdun 2000, t’íjọba ipinlẹ Ekiti náà si fi ami ẹyẹ daa lọla lọdun 2004
    Olasọpe, nigba aye rẹ ma n parọwa si àwọn ọdọ láti jara mọ iṣẹ́ ti wọ n n se, ki wọn si yago fun wiwa owo ojiji.


    Nigba to jẹ pe ile ni abọ sinmi oko, Kunle Ọlasọpe kó lọ silu Ẹfọn Alààyè lẹyin tó fẹyinti lẹ́nu isẹ, to si ń kopa lọkan o jọkan si idagbasoke ilu náà
    Ọlasọpe ni iyawo, to si bi ọpọ ọmọ ki iku to paju ẹ de lẹni ọdun mejilelọgọrin loke eèpè.
    Ǹ jẹ́ kí Èdùmàrè ó dẹlẹ̀ féèyàn rere.

    Iroyin Owuro

  • Èèyàn tó pọ̀ ní Nàìjíríà kìí ṣe dúkìá, gbèsè ni – Sanusi

    Èèyàn tó pọ̀ ní Nàìjíríà kìí ṣe dúkìá, gbèsè ni…Sanusi

    Fẹ́mi Akínṣọlá

    Emir ilu Kano, Mohammadu Lamido Sanusi (II) sọ oko ọrọ kan niluu Abuja lọjọ Aje nibi to ti sọ pe gbese ni iye eeyan to wa lorilẹ-ede Nàìjíríà bayii jẹ.
    O ni nitori pe Naijiria ni ero to pọ ti awọn eniyan pọ pupọ ko sọ pe o ja si èrè fun wa.
    Sanusi sọrọ yii nibi apero lori ọrọ aje ẹlẹẹkẹẹdọgbọn iru rẹ to n lọ lọwọ niluu Abuja.
    Gomina ipinlẹ Ekiti, Ọmọwe Kayode Fayemi ati oludasilẹ ṣọọṣi Kukah Centre, Bisọbu Matthew Kukah naa wa lara awọn to peju sibi apero ọhun.
    Emir Kano ṣalaye pe lootọ ni pe Nàìjíríà le ṣe ohun to pọ nitori iye eeyan to wa nibẹ ṣugbọn ko ri bẹẹ lasiko yii, pipọ t’eeyan pọ ni Nàìjíríà ko tii maa mu anfaani kankan ba orilẹ-ede naa bayii.
    Sanusi ni ko tii si eto ti yoo jẹ káwọn ẹgbẹlẹgbẹ ọdọ wulo fún orilẹ-ede Naijiria lọjọ iwaju.
    Sanusi sọrọ yii nibi apero lori ọrọ aje ẹlẹẹkẹẹdọgbọn iru rẹ to n lọ lọwọ niluu Abuja.
    Emir Sanusi ni iṣẹlẹ ijinigbe, idigunjale, igbesunmọmi, ikọlu laarin agbẹ ati darandaran n waye nitori bi awọn eeyan naa ṣe n pọ si ni Nàìjíríà

    .

    Ó fikun ọrọ rẹ pe, bi èèyàn ṣe pọ to ni Nàìjíríà ko tii ṣe orilẹ-ede náà loore gẹ́gẹ́ bi ọpọ ṣe ro.
    Sanusi ni Nàìjíríà ko tii dagba gẹ́gẹ́ bi orilẹ-ede de ibi ti àwọn èèyàn to wa nibẹ yoo jẹ́ dukiẹ fun un.
    Sanusi gbamọran pe ki awọn eniyan Nàìjíríà naa maa ṣamulo ọpọlọ wọn si iwa daadaa ati aṣeyọri ninu imọ bii sayẹnsi lasiko yii.
    Nibayii, awọn eeyan to wa ni Nàìjíríà din mẹwaa ni igba miliọnu .

    http://iroyinowuro.com.ng/2019/10/08/eeyan-to-po-ni-naijiria-kii-%e1%b9%a3e-dukia-gbese-ni-sanusi/

  • Adelabu tún gbé Ṣeyi Makinde lọ sí ilé ẹjọ́ kòtẹ́milọ́rùn

    Adelabu tún gbé Ṣeyi Makinde lọ sí ilé ẹjọ́ kòtẹ́milọ́rùn

    Fẹ́mi Akínṣọlá

    Àwọn àgbà ní bí o bá nídíì,arúgbó ò gbọdọ̀ sunkún ọmú.
    Bayo Adelabu ti ẹgbẹ́ òsèlú APC ní òun kò faramọ́ ìdájọ́ Àjọ Elétò Ìdìbò tó ní Ṣeyi Makinde ló wọlé nínú ìdibò tó kọjá.


    Oloye Adebayo Adelabu ti ẹgbẹ́ oselu APC ti ni, òun kò faramọ idajọ ajọ eleto idibo to da igbẹjọ oun nù lórí idibo to gbe Ṣeyi Makinde wọle gẹ́gẹ́ bi gomina nipinlẹ Ọyọ. Lẹ́yìn ọjọ mọkanlelogun ti idajọ naa waye ni ilu Ibadan, ni Adelabu gbe ẹjọ lọ ile ẹjọ kotẹmilọrun.


    Adelabu ati ẹgbẹ oselu APC sọ wi pe, magomago waye ninu idibo Ọjọ Kẹsan, Osu Kẹta, ọdun 2019, eleyii to gbe Ṣeyi Makinde wọle gẹgẹ bi gomina.
    Adelabu wa n beere lọwọ ile ẹjọ kotẹmilọrun lati sọ wi pe oun lo ni ibo to pọju lọ ninu idibo sipo gomina ni ipinlẹ Ọyọ abi ki wọn tun ibo naa di.
    Tí a ko ba gbagbe, Alaga igbẹjọ naa, Justice Muhammed Sirajo salaye pe awọn da ẹjọ ti APC pe mọ Ṣeyi Makinde nu nitori gbogbo àwọn ẹlẹri ti Adelabu pèé kò ní ẹri tó daju, amọ ti wọ́n ń sọ ahesọ lásán.

    Iroyinowuro

  • Ilééṣẹ́ Aṣọ́bodè Naijiria ń pa bílíọ̀nù N5.8 wọlé lójúmọ́

    Ilééṣẹ́ Aṣọ́bodè Naijiria ń pa bílíọ̀nù N5.8 wọlé lójúmọ́

    Fẹ́mi Akínṣọlá

    Ṣe n ta o ba fẹ ba fẹ o bajẹ, o ní ba a ṣe e ṣe e.N lo bi ọrọ kan ti ọ̀ga agba asọbode ilẹ yìí sọ pé,
    “Naijiria ti n jere pupọ lati igba ti a ti ti ẹnu ibode wa pa”
    Ọ̀ga agba pata fun ileeṣẹ Aṣọbode Naijiria, Hameed Ali ti kede pe ileeṣẹ naa n pa biliọnu mẹrin le si biliọnu mẹfa naira “`to din
    lẹgbẹrun lọna igba wọle lojoojumọ.“`
    O ni kete ti ijọba Naijiria ti ẹnu bode rẹ pa ni awọn ti n pa owo yii wọle sapo ijọba apapọ bayii.
    Lọjọ ru ni Ali sọrọ yii lasiko to n dahun ibeere lọdọ awọn ọmọ igbimọ to n mojuto eto iṣunna lọdun 2020-2022.
    Loṣu kẹjọ ọdun yii ni ijoba Naijiria ti ẹnu ibode rẹ pa pẹlu awọn orilẹ-ede to mule tii bii Benin Republic.
    Ijọba Naijiria ni awọn gbe igbesẹ yii lati mu ẹdinku ba awọn to n ṣe fayawọ ọja wọle.
    Hameed Ali ṣalaye pe owo naa n wọle nitori pe ẹnikẹni to ba fẹ ko ọja wọ Naijiria ko ni abuja lọna ọpẹ ju ko san owo ẹnu ibode lọ.

    Ali ni ẹru kọkọ ba oun nigba ti a tilẹkun ẹnubode wa pe boya owo ti a n pa wọle a dinku ṣugbọn idakeji lo pada ja si fun ijọba Naijiria.

    Hameed ni koda lọjọ kan ṣoṣo loṣu to kọja, owo ti àwọn pa wọle le ni biliọnu mẹsan an naira.
    O ní ohun ti àwọn tun ri ni pe awọn ọja ti wọn n ko wọle naa jẹ lati orilẹ-ede Benin .
    Ali ni kete ti àwọn ti ẹnubode pa, wọn ko ni ọna miiran ju ki wọn gbe ọja wọn gba Apapa tabi TinCan Island ki àwọn si gba owo to yẹ lori ọja naa.
    Nítẹsiwaju ọrọ rẹ o ní àwọn tun ti rii pe, odiwọn iye epo béntiroo ti àwọn eniyan Naijiria n lo lojumọ naa ti dinku.

    Ọ̀ga agba aṣọbode fidiẹ mulẹ pe o to iwọn miliọnu mẹwaa o le jala epo meji to ti dinku nínú odiwọn epo bẹntiroo ti àwọn eniyan Naijiria n lo.
    O ni eyi fihan pe epo rọbi yii ni wọn n ji gbe lọ si Benin lọna aitọ.

    Ali mẹnuba ọpọ awọn ile epo to wa loju ọna ẹnubode bii Ilaro, Idi iroko ati awọn ilu si ileto ẹnu bode Naijiria.
    Ni eyi ti a ti ri ẹri pe wọn ji epo rọbi ko lọ sita.

    Iroyin Owuro

  • Àrùn burúkú fé̩ tú Queens college

    Arun iba buruku kan n da yanpon- yanrin sile bayii ni ile-ise awon obinrin (Queens college) to wa ni ilu Eko.
    Ironu ti dori awon agba kodo ni ipinle Eko bayii paapaa julo fun gbogbo awon to lomo nibe.


    Ile-iwe yii loruko to dara lati odun to ti pe. Ibe ni opo awon omo eniyan pataki lawujo n fi omo won si ki o to di pe awon ile-iwe aladaani tu jade ni nnkan bii ogoji odun seyin.


    Ko tii pe odun meta bayii ti arun omi mimu semi awon omo meta legbodo ni ile-ise naa.
    Yoruba bo, won ni “eni to gunyan je to ku, ti seru ba eni to gbe isu kana”.
    Isele odun keta seyin lo mu ki opo obi tete lo maa ko awon omo won bi won se gbo pe arun kan tun ti sele ni ile-iwe naa.
    Omo ti ko din ni egberun lo ti kuro ni ile-iwe naa titi di asiko ti a n ko iroyin yii jo.
    Onikaluku awon obi yii lo si n mu awon omo naa gba ile-iwosan lo.
    Gbogbo awon obi ti o wa loke okun gan-an lo ti n ranse sile ki awon ojulumo won le tete ba won se amojuto awon omo won.
    Orisiirisii ipade lo ti n lo lowo bayii laarin awon egbe obi ati oluko ile-iwe naa lati le wa ona abayo si isele naa.

    http://iroyinowuro.com.ng/2019/10/01/arun-buruku-fe%cc%a9-tu-queens-college/

  • Ṣàgbẹ̀lójú yòyò, ni ọ̀pọ̀ àwọn òṣèré…. òjòpagogo

    Ṣàgbẹ̀lójú yòyò, ni ọ̀pọ̀ àwọn òṣèré…. òjòpagogo

    Fẹ́mi Akínṣọlá

    Awọn agba bọ,wọn ni purọ n niyi,ẹwu ẹtẹ nii da bolowo ẹ lọrun lo mu
    gbajugbaja agba ọjẹ oṣere Yoruba, Razak Ọlayiwọla ti gbogbo eeyan mọ si Ojopagogo bi o se sọrọ lori ohun to n ṣẹlẹ laarin awọn oṣere Yoruba.
    O pabi ,o yabidun ọrọ lori awọn oṣere Yoruba ti wọn n gbe ara wọn sori ayelujara ati awọn to n gberaawọn gẹṣin aayan peraawọn ni n ti wọn ko jẹ .
    Ojopagogo ni ere ṣiṣe a maa parọ mọ eeyan ni oju aye.
    O ni awọn ipa olowo ti awọn n ko ninu ere ko sọ pe olowo ni awọn oṣere tiata loju aye.
    AbdulaRazak ni ko si ohun to buru lati gbe oore Ọlọ́run sojutaye ṣugbọn, iwọntunwọnsi ni gbogbo nnkan.
    O pakiyesi awọn eeyan si igbe aye awọn agba oṣere bii Ogunde, Baba Salah atawọn eekan mii,pe wọn kii fẹkọ tana fawọn eeyan.
    Agba oṣere yii ko sai gba awọn oṣere to ku nimọran lati ṣe jẹjẹ nitori piparọ lori ayelujara kii jẹ ki eeyan ri alaanu.
    O ni ki awọn ọdọ iwoyi ṣe pẹlẹ pẹlẹ, ki wọn ma ba a sare mọto kọlu kẹkẹ boruko ẹbi i wọn jẹ.