Àṣà Oòduà

Tag: omo oodua

  • Ó San Owó Ilé Ìwé Mi Títí Mo Fi Jáde, Ṣùgbọ́n Mo Fi Májèlé San!

    Ó San Owó Ilé Ìwé Mi Títí Mo Fi Jáde, Ṣùgbọ́n Mo Fi Májèlé San!

    Àti ilé ìwé e gírámà ni èmi àti Kọ́lá ti jọ ń fẹ́ ra wa. Àwọn òbí i mi ò kí ń fẹ́ rí Kọ́lá pẹ̀lú u mi nítorí ààfín ni. Nígbà tí mo fẹ́ wo ile ìwé gíga ni bàbá à mi ní àìsàn an rọ́pá, rọsẹ̀,ọpẹ́lọpẹ́ kọ́lá tó san owó ilé ìwé è mi láti ìgbà tí mo wolé ẹ̀kọ́ gíga títí mo fi jádé.

    Nígbà ti mo lọ ṣe agùnbánirọ̀ mo pàdé sẹ́nátọ kán,èmi àti ẹ̀ sì bẹ̀rẹ̀ sí ní ṣe wọléwọ̀de.
    Sẹ́nátọ̀ ra ilé fún mi, ó tún, tún ilé àwọn òbí ì mi kọ́.

    Mi ò fi ọ̀rọ̀ ọ kọ́lá pamọ́ fún sẹ́nátọ̀, ṣẹ́nátọ̀ fún mi ni mílíọ̀nù mẹ́ẹ̀dógún pé kí n lọ fún Kọ́lá kó fi ṣe owó tó fi rán mi lọ ilé ìwé, Kọ́lá fárígá, ó ní dándán ni ki òun fẹ́ mi.
    Lọ́jọ́ mò mí n mọ̀ọ́ èmí àti sẹ́nátọ̀, Kọ́lá kọ́ àwọn jàndúkú wà ilé e wà láti wá da ayẹyẹ náà rù ṣùgbọ́n àwọn ṣọ́jà fí imú u wọn dánrin.

    Ní ọjọ́ kejì tí mo ṣe mò mí n mọ̀ọ́, mo wá Kọ́lá lọlé ,mo bẹ̀ẹ́, mo purọ́ fún pé, mo kàn n fẹ́ ṣẹ́nátọ̀ láti fi gbá owó ọwọ́ ẹ̀ ni kí èmi àti ẹ̀ lè dìjọ kúrò nínú u ìṣẹ́ àti òṣì. Lẹ́yìn náà ni mo gbé ẹ̀fọ́ rírọ̀ àti sèmó ti mo ti fi májèlé sí fún Kọ́lá. Lẹ́yìn ọ̀ṣè mẹ́jì ni májèlé tí mo fún Kọ́lá jẹ yóò bẹ̀rẹ̀ sí ní ṣiṣẹ́.

    Ọjọ́ kejì tí ìṣẹ̀lẹ̀ yìí ṣẹlẹ̀ ni mo kó ẹrù mí ti mo gbá ọ̀dọ̀ sẹ́nátọ̀ lọ nílùú Àbújá.

    © Omidan Yoòbá …

  • Iru Ekun: Sunday Igboho ti kéde o!

    Iru Ekun: Sunday Igboho ti kéde o!

    Sunday Igboho, ti kéde rẹ̀ fún gbogbo ọmọ Yorùbá pé ìforúkọsílẹ̀ láti dara pọ̀ mọ́ ẹgbẹ́ àbò “Iru Ekun Security Network” jẹ́ ọ̀fẹ́ ti kò sì ní ná kọ́bọ̀ kankan fún ẹnikẹ́ni tó fẹ́ yọ̀ǹda ara rẹ̀ fún àbò ilẹ̀ baba rẹ̀. Nínú àlàyé tuntun tí wọ́n ṣe fún àwọn kòòdínétọ̀, Ìgbòho sọ pé wọn kò gba owó kankan lọ́wọ́ ará ìlú fún fọ́ọ̀mù nítorí pé iṣẹ́ náà jẹ́ ti ìfẹ́ orílẹ̀-èdè àti ààbò gbogbo ilẹ̀ Yorùbá láti dènà àwọn jandùkú àti adigunjale.

    Ó tẹnumọ́ pé ẹnikẹ́ni tó bá ń gbowó fọ́ọ̀mù lọ́wọ́ àwọn ènìyàn ń ṣiṣẹ́ lòdì sí ète ẹgbẹ́ náà, nítorí pé iṣẹ́ ìyọ̀ǹda ara ẹni tó mọ́ gaara ni láti dá ààbò bo àwọn oko ati igbó wa.

    Olóyè Sunday Adeyemo ṣàlàyé pé bí wọ́n ṣe ń pín fọ́ọ̀mù ọ̀fẹ́ yìí, wọ́n ń ṣe ìwádìí kíkún lórí ẹnikẹ́ni tó bá fẹ́ darapọ̀ mọ́ wọn láti rí i pé àwọn ènìyàn gidi tí kò ní àbàwọ́n ọ̀daràn nìkan ni wọ́n ń gbà wọle. Ó fìdí rẹ̀ múlẹ̀ pé ẹgbẹ́ tuntun yìí ti forúkọ sílẹ̀ lábẹ́ òfin láti ṣiṣẹ́ pẹ̀lú àwọn ọlọ́pàá àti ológun láti rí i pé gbogbo ọmọ ẹgbẹ́ tẹ̀lé igbowo tó tọ́ láti dáàbò bò àwọn àgbẹ̀.

    Nípa sísọ ìforúkọsílẹ̀ yìí di ọ̀fẹ́, ó ní èyí yóò fún gbogbo àwọn ọ̀dọ́ tó nìfẹ́ sí àbò ní àǹfààní láti dáàbò bò agbègbè wọn pẹ̀lú òfin lábẹ́ àbò Gómìnà láti mú àlàáfíà padà sí gbogbo ilẹ̀ Gúúsù-Ìwọ̀ Oòrùn.

    sunday igboho
  • Ó Pọ́dún Mẹ́ta Lónìí Tí Aláàfin Adéyẹmí Re Barà.

    Ó Pọ́dún Mẹ́ta Lónìí Tí Aláàfin Adéyẹmí Re Barà.

    Kò sẹ́ni tí ó ju sáyé, gbogbo wa la ó dìtàn. Aláàfin Àtàndá ti kópa ti wọn, wọ́n ti lọ. Ọdún kẹta rèé tí Aláàfin Ọláyíwọlá ọmọ Adéyẹmí yíjú kúrò níhìn-ín, Ọláyíwọlá kọjú sáwọn aláṣekù, Baba bá wọn lọ. Iṣẹ́ tí wọ́n ṣe é lẹ̀ là ń sọ, tó dìròyìn. Bí a ti ń sọ ọ̀rọ̀ nípa Ọmọ Ìbírònkẹ́ lónìí, àsìkò ń bọ̀ tí àwọn kan náà ó sọ nípa tiwa. Kí layé á sọ nípa tèmi-tìrẹ?

    Ìlẹ̀pa dòdò kó dẹlẹ̀ fún Aláàfin Adéyẹmí, kọ́wọ́ ìbàjẹ́ ó sì má ba gbogbo ohun tí wọ́n fi sílẹ̀ 🙏

  • Bàbá Olóyè Ebenezer Obey Fabiyi kú ayẹyẹ oríkádún wọn

    Bàbá Olóyè Ebenezer Obey Fabiyi kú ayẹyẹ oríkádún wọn

    Ẹ jẹ́ kí á jọ kí GBajúmọ̀ Akọrin Jùjú nílẹ̀ yìí, Olóyè Ebenezer Obey Fabiyi kú ayẹyẹ oríkádún wọn ti ọdún kẹtàlélọ́gọ́rin (83) tó kò lónìí. Kí Olódùmarè ó fi àlàáfíà ṣe ẹ̀bùn Ogbó fún Bàbá

  • Gbọ́ ń táwọn èèkàn ìlú ṣọ lẹ́yìn Búrùjí Kashamu

    Gbọ́ ń táwọn èèkàn ìlú ṣọ lẹ́yìn Búrùjí Kashamu

    Gbọ́ ń táwọn èèkàn ìlú ṣọ lẹ́yìn Búrùjí Kashamu

    Bí ọmọ èèyàn bá wá sílé ayé, ìgbàgbọ́ Yorùbá ní pérúfẹ́ ẹni bẹ́ẹ̀ wáyé wá nájà ni. Ènìyàn ò sáà lè tajà tán kò sùn sínú ọjà, àti pé n tí kóówá gbe wá sínú ayé fún títà kò papọ̀.


    Ìbà Ọ̀jẹ́túndé Asòlẹ̀kẹ̀ Olorì alágbàáà àná tó sílẹ̀ bora. Ó ní èèyàn tó wáyé wá ta góòlù kò papọ̀ mọ́ tẹni wáyé wá ta ẹ̀kọ.
    Ẹni o wá tẹ̀kọ ṣe é ṣe kó tètè sẹ́rí wálé, góòlù kò yá títà bí ẹ̀kọ.
    Gbogbo àsamọ̀ yìí ló díá fún pé n tá a bá wá tá láyé ní yóó ṣọ bí ìrìnàjò yóó ṣe pẹ́ tó tàbí yá sí.

    Kò sí nínú ìròyìn mọ̀ pé Kofi -19 ń soro bí agbọ́n láàrin àwọn èèkàn ọmọ bíbí Orílẹ̀ yìí tó lóókọ lóókì, ọ̀kan pàtàkì sí ní Buruji Kashamu ẹni tí a fi àkójọpọ̀ ìwòye àwọn èèyàn lẹ́yìn rẹ̀ sọ di ìròyìn.

    Ṣé lọ́jọ́ a kú làá dère, èèyàn ò sunwọ̀n láàyè. Gbólóhùn yìí ló bi Onírúurú gbólóhùn tó ń fọhùn lẹ́yìn ikú èèkàn olóṣèlú n nì,Buruji Kashamu.
    Ṣé gángan láyé pẹ̀lú ojú méjì, ìbí tó bá sì gbà kójú sí kóówá ní yóó ṣọ bí ìròrí rẹ̀ yóó ṣe lọ.

    Bí àwọn ìlúmọ̀ọ́ká àti olókoòwò ṣe n dárò àgbà ọ̀jẹ̀ olóṣèlú náà ló fẹ́ ẹ̀ jẹ́ àrà ọ̀tọ̀.
    Díẹ̀ lára àwọn tó ṣọ tinú wọn ni Olóyè Olúṣẹ́gun Ọbásanjọ́ Ẹbọra Owu.
    Bàbá náà ṣọ̀rọ̀ ìkẹ́dùn pé olóògbé náà kú . Bẹ́ẹ̀ ló bó o lójú pé Buruji khasamu rí gbogbo àǹfààní òfin lò láti borí àwọn Onírúurú ẹ̀sùn tí wọ́n fi kàn án nílẹ̀ yìí àti lókè okùn síbẹ̀ ikú ti wá mú un lọ.

    Gómìnà ìpínlẹ̀ Ògùn, Dàpọ̀ Abíọ́dún ti sàpèjúwe Sẹ́nétọ̀ Búrùjí Kashamu gẹ́gẹ́ bí ẹni tó nífẹ̀ẹ́ ọmọnìyàn.


    Gómìnà ní bótilẹ̀ jẹ́ pé àwọn kò jọ sí nínú ẹgbẹ́ òṣèlú kan náà, síbẹ̀ òun mọ̀ pé Sẹ́nétọ̀ náà ti ran àwọn ènìyàn lọ́wọ́ gidigidi.
    Àgbà òṣèlú àti adarí ẹgbẹ́ APC nílẹ̀ yìí Olóyè Bola Ahmed Tinubu tí sàpèjúwe Sẹ́nétọ̀ Búrùjí Kashamu gẹ́gẹ́ bí olóṣèlú tó fẹ́ràn àwọn èèyàn rẹ̀ tó sì nífẹ̀ẹ́ ẹgbẹ́ òṣèlú tó nígbàgbọ́ nínú rẹ̀.


    Ó ní .
    Bruce ni ọ̀rẹ́ wọlé wọde ni òun àti Kasamu kó tó jẹ́ Ọlọ́run nípè.
    Ó ròyìn ẹ̀ pé èèyàn rere ni àti pé ikú olóògbé náà jẹ́ ìmọ̀lára fún òun.O gbàá ládùúrà pé kí Ọlọ́run fáànù gbàá.


    Gómìnà t’ẹ́lẹ̀ ní Ìpínlẹ̀ Èkìtì, Ayodele Fayose náà wà lára àwọn tó kẹ́dùn pẹ̀lú àwọn ọmọ Orílẹ̀ yìí àti ẹbí olóògbé.O ròyìn rẹ̀ pé ojúlówó olóṣèlú tó fẹ́ràn àwọn èèyàn ẹkùn rẹ̀ ni.


    Ó ní ẹ̀dá kìí rìn kórí ó mọ́ mì, kò sééyan tí wọ́n wọ́n sí abíyá ẹ̀ sókè tí kò ní rùn. Èyí ló fi fèsì sí ọ̀rọ̀ tí Olóyè Olúṣẹ́gun Obasanjọ ṣọ lórí olóògbé Búrùjí Kashamu.
    Bí ó ó tilẹ̀ jẹ́ pé ojú olóògbé náà kò tẹ́yìn mọ́, síbẹ̀ ìtàn àṣesílẹ̀ n fọhùn lẹ́yìn olóògbé Búrùjí Kashamu.
    Níwọ̀n ìgbà tí èèyàn tí kò tíì kú kò mọrú ikú tí yóó pa á, ẹ jẹ́ á gbìyànjú ká nítàn réré, ṣaájú ọjọ́ àtisùn un wa.

    Fẹ́mi Akínṣọlá

    http://iroyinowuro.com.ng/2020/08/10/gbo-n-tawon-eekan-ilu-%e1%b9%a3o-leyin-buruji-kashamu/
  • Fìdáù Ajímọ̀bi, ẹbí nìkan ní wọ́n ń retí–Ẹbí Ajímọ̀bi

    Fìdáù Ajímọ̀bi, ẹbí nìkan ní wọ́n ń retí–Ẹbí Ajímọ̀bi

    Fìdáù Ajímọ̀bi, ẹbí nìkan ní wọ́n ń retí–Ẹbí Ajímọ̀bi

    Ṣé wọ́n ní kìí jẹ́ ti baba t’ọmọ, kó mọ́ ní ààlà. Èyí ló díá fún bí àwọn ẹbí olóògbé Abíọ́lá Ajímọ̀bi tí sàlàyé pé ,kí àwọn olùkẹ́dùn, ó má wulẹ̀ dààmu yọjú sí bi fìdáù, ní ìbámu pẹ̀lú n tí àjàkálẹ̀ àrùn apinni léèmí Kòrónáfairọ̀ọ̀sì n sọ , bí ó ti jẹ́ pé òní, ọjọ́ karùn-ún, oṣù Keje, ni àdúrà ọjọ́ kẹjọ yóó wáyé fún Gómìnà ìpínlẹ̀ Ọ̀yọ́ tẹ́lẹ̀rí tó di olóògbé, Sẹ́nétọ̀ Isiaka Abíọ́lá Ajímọ̀bi.

    Ètò àdúrà náà, Fìdáù, wà ní ìbámu pẹ̀lú àṣà àti ìṣẹ ẹ̀sìn Islam. Ìdílé olóògbé sọ nínú Ìkéde tó fi síta fún ètò àdúrà náà pé, ẹbí Ajímọ̀bi nìkan ni ètò àdúrà náà wà fún, nítorí òfin tó rọ̀ mọ́ ìtànkálẹ̀ àjàkálẹ̀ àrùn apinni léèmí Kòrónáfairọ̀ọ̀sì.

    Ṣùgbọ́n ṣá, wọ́n ní àwọn aráàlú yóó ní àǹfààní láti wo bí ètò àdúrà náà bá ṣe ń lọ lórí amóhùnmáwòrán àti lórí ẹ̀rọ ayélujára.

    Ọjọ́ kẹẹdọgbọn, oṣù Kẹfà, ọdún 2020, ni Abíọ́lá Ajímọ̀bi kú, síléèwòsàn First Cardiologist, tó wà nílùú Èkó, lẹ́yìn tó ní àrùn Kofi-19.

    Ẹni àádọ́rin ọdún olóògbé Abíọ́lá Ajímọ̀bi ko tó tẹ́rí gbaṣọ.

    Fẹ́mi Akínṣọlá

  • Ògún Majek wọ káà ilẹ̀ sùn

    Ògún Majek wọ káà ilẹ̀ sùn

    Ògún Majek wọ káà ilẹ̀ sùn

    Ọlọ́jọ́ ń kajọ́, ẹ̀dá ò fiyè si.
    Ìjọ ọmọ tuntun dáyé, nijọ́ ìdùnnú, ẹ̀rín, òhun ọ̀yàyà fún ẹbí,ará, pẹ̀lú ìyekan. Ṣùgbọ́n kìí rọgbọ ká sàdédé sàfẹ̀kù èèyàn ẹni pékú yọwọ́ ọ rẹ̀ ní dúníyàn.

    Àsamọ̀ yìí ló díá fún ìròyìn tó ń tẹ̀ wá lọ́wọ́ báyìí pé, ìlúmọ̀ọ́ká òṣèré tíátà Gbọ́lágadé Akínpẹ̀lú, tí ọ̀pọ̀ èèyàn mọ̀ sí Ogun Majek ti jáde láyé, bákan náà wọ́n ti sin-ín ní ìlànà mùsùlùmí.

    Ọ̀rẹ́ tímọ́timọ́ Ògún Majek tí wọ́n tún jọ jẹ́ òṣèré tíátà, Musiliu Dásọfúnjó, tí ìnagijẹ rẹ̀ ń jẹ́ Èṣù làálú, ló fi ìdí ìṣẹ̀lẹ̀ náà múlẹ̀ fún akọròyìn.

    Dásọfúnjó ní ìbànújẹ́ ọkàn ló jẹ́ fún òun nígbà tí òun gbọ́ nípa ikú ọ̀rẹ́ òun yìí, nítorí kò dàgbà débi tó yẹ kó kú lásìkò yìí.

    Dásọfúnjó ní wọ́n gbé Májẹ́kódùnmí dìgbàdìgbà lọ sí iléèwòsàn UCH ní Ìbàdàn, nígbà tí àìsàn rẹ̀ fẹ́ bọ́wọ́ s’órí àmọ́ ẹ̀pa kò bóró mọ́.

    Ó fikún-un pé, kìí ṣe pé àgbà ló dé sí ọ̀rẹ́ òun nítorí ọjọ́ orí rẹ̀ kò tíì tó nǹkan, àmọ́ àsìkò ti tó, ni Majek fi di èrò ọ̀run.

    Àìsàn kídìnrín àti àìsàn ìtọ ṣúgà ni Majek ti ń bá fínra fún ọ̀pọ̀lọpọ̀ ọdún kó tó jáde láyé.

    Dásọfúnjó fikún-un pé, ọ̀sán òní ni wọn sin Majek gẹ́gẹ́ bí ìlànà ẹ̀sìn mùsùlùmí.

    Ọ̀rẹ́ tímọ́timọ́ Ògún Majek, Musiliu Dásọfúnjó ní ìlú wọn ní agbègbè Elesude, lọ́nà Ọmí ní ìlú Ìbàdàn ni wọ́n sin-ín sí.

    Musiliu Dásọfúnjó ní àwọn ẹgbẹ́ òṣèré Yorùbá ló se kòkàárí ètò ìsìnkú rẹ̀.

    Ọ̀rẹ́ olóògbé náà wá sàpèjúwe Ògún Majek gẹ́gẹ́ bí ẹni tó ní sùúrù, tí kìí sì í fa wàhálà.

    “Majek jẹ́ ẹni tí kò sí nǹkan tí kò ba lára mu, tó sì tutù ní ìwà.”

    Dásọfúnjó tún ní “láàrin ọ̀pọ̀ ènìyàn, Majek jẹ́ ẹni tó lawọ́, tí kò bá ní, ó máa ń jẹ́ ìbànújẹ́ ọkàn fún un.”

    Dásọfúnjó ní ohun tó dun òun jù ni pé, òun kò ní rí i mọ́, tí wọn kò sì ní leè sọ̀rọ̀ lórí ẹ̀rọ ìléwọ́ mọ́.

    Fẹ́mi Akínṣọlá

  • Ilé ẹjọ́ kòtẹ́mílọ́rùn yọ alága ẹgbẹ́ òṣèlú APC Adams Oshiomhole nípò

    Ilé ẹjọ́ kòtẹ́mílọ́rùn yọ alága ẹgbẹ́ òṣèlú APC Adams Oshiomhole nípò–

    Ilé ẹjọ́ kòtẹ́milọ́rùn ti ilú Àbújá ti yẹ àga mọ́ alága ẹgbẹ́ òṣèlú APC, Adams Oshiomhole nídìí

    Ìgbìmọ̀ ẹlẹ́ni mẹ́tà ti adájọ́ Eunice Onyemanam sójú fún ni wọ́n fẹnu kò láti jan idájọ́ tí ilé ẹjọ́ ti kọ́kọ́ dá tẹ́lẹ̀ lóntẹ̀

    Sáájú ni Oshiomhole ti pe ẹjọ́ kòtẹ́milọ́rùn lórí ìdájọ́ tí àdájọ Abubakar Yahaya sì dájọ pé kí ìdájọ́ náà dúró náà kí ó ṣì máa ṣe alága lọ́ títí ìdájọ́ ilé ẹjọ́ kòtẹ́milọ́rùn yóò ṣe fìdímúlẹ̀.

    Adájọ́ Onyemanam tó dárí ẹjọ́ tó wáyé l’ọ́jọ́ ìṣègùn ló dá ẹjọ́ náà ló fídí rẹ̀ múlẹ̀ pé ìdájọ́ ilé ẹjọ́ kékeré tó yọ Adams Oshiohmole gẹ́gẹ́ bí alágá nínú ọṣù kẹta ọdún yìí ṣe nǹkan tó yẹ àti pé, ẹjọ́ kòtẹ́mílọ́rùn tí Oshiomhole pè kò fìdì múlẹ̀.

    Fẹ́mi Akínṣọlá

  • O̩jó̩ ìdìbò kò sún síwájú ní Edo – INEC

    O̩jó̩ ìdìbò kò sún síwájú ní Edo – INEC

    Alaga patapata fun eto idibo ni orileede yii, Ojogbon Mahmood Yakubu lo n salaye yii ni ilu Abuja.
    O ni pelu rogbodiyan to n lo ni ipinle Edo, awon kan ti n gbee poori enu pe INEC maa fi kun ojo idibo. O ni ko si ohun to joo.


    Yakubu ni ojo kokanla osu kesan-an odun yii ni idibo si ipo gomina maa waye ni ipinle naa.

    Alaga yii ni gbogbo fifi oruko sowo si ajo INEC naa wa laarin ojo mewaa si asiko yii. O ni o pe ju,aago mefa irole ojo kokandinlogbon osu kefa yii ni iforuko sile naa maa dopin.


    Yakubu ro awon egbe oselu meedogun to maa dije du ipo gomina maa ki won tele ofin orileede yii ati ti alaale oselu.


    Alaga nii ki won ma se gbagbe nnkan merin to se pataki ki won to foruko asoju nibi idibo abele ranse si ajo oun. O ni oloselu to fe dije du ipo gomina gbodo je omo orileede yii, o gbodo pe omo odun marundinlogoji o kere tan, o gbodo je omo egbe oselu naa, bee si ni eni naa gbodo kawe, o kere tan iwe mewaa.

    Mahmood Yakubu nu leyin gbogbo eyi,idibo lo ku ni ojo idibo.

    Yínká Àlàbí

  • O̩ló̩run sì máa gbè̩san ikú bàbá mi – O̩mo̩ o̩ko̩ olóyún

    Olorun si maa gbesan iku baba mi – Omo ojo Oloyun
    Ojo ketalelogun osu kin-in-ni odun yii ni awon adiha-Moran kan lo yinbon pa Alhaji Fatai Yusuf ti gbogbo eniyan mo si oko oloyun.


    Lati igba naa ni awon olopaa ti n se iwadii awon to se ise ibi naa.
    Akoroyin iwe iroyin PUNCH lo se alabapade Kehinde Yusuf to je omo oloogbe naa.

    Kehinde soro ile kun, o ni ju gbogbo re lo, o da oun loju to ada pe Eledua si maa gbesan iku baba oun lara awon eniyan buruku naa.


    O ni baba oun ko ki n ba eniyan ja bee ni ko ki n ba eniyan ta. O ni jeje ni baba yii maa n lo, ti o si maa n mura si bi okowo re se maa gberu sii.
    Kehinde ni oun gege bi omo Naijiria ko reti abajade lodo awon olopaa sugbon oun ni igbagbo ninu Olorun.

    O tun ni ebi oun gan-an ko gbe awon to pa baba naa sokan bi ko se bi awon se maa te siwaju. Bi awon se maa rii pe eto eko oun ati awon aburo oun ko duro nitori pe awon po die.


    O ni ko rorun fun mama oun nikan lati to ono mewaa sugbon awon ni igbagbo ninu Olorun. O ni ipade lorisirisii ti n lo lati le foju to gbogbo idasile baba oun naa. O ni awon ko fe ki okankan parun rara.


    O ni ara eko ti baba awon fi ko awon ni ki awon tepa mose nitori pe atelewo eni ko ki n tan ni je. O ni baba naa ni ki awon tun sun mo Olorun, ki awon maa ke pee ni gbogbo igba.


    Kehinde ni ko si eni ti iku baba naa ko dun ninu ebi oun, o kan je wi pe o dun oun gan-an ni nitori pe oun ni oun di eru baba naa ti oun si gbe si inu moto won, o ni sadede ni iroyin buruku naa kan oun lara ni ojo keji pe won ti yinbon pa baba naa.

    O ni bi ala lo ko ri ki awon ipe to maa wole lorisiirisii ti awon eniyan si tun bere si ni wo wa si ile awon.


    Kehinde ni eyi je ki o pe die ki oun to le pada si ile-iwe nitori pe oun kan sare wale ni ireti ati pada kiakia ki isele naa to sele.