Àṣà Oòduà

Tag: Buhari

  • Buhari kí Obaseki kú oríire

    Buhari kí Obaseki kú oríire

    Buhari kí Obaseki kú oríire

    Ààrẹ Muhammadu Buhari ti ránṣẹ́ kú orííre sí Godwin Obaseki lẹ́yìn tó jáwé olúborí nínú ìdìbò gómìnà tó wáye lónìí nípìnlẹ̀ Edo.

    Obaseki tó jẹ́ olùdíje dupò gómìnà lábẹ́ ẹgbẹ́ òṣèlú PDP ló fi ìdí akẹgbẹ́ rẹ̀ lábẹ̀ ẹgbẹ́ òṣèlú APC Ize-Iyamu janlẹ̀.

    Nínú àtẹjáde náà ti Garba Shehu tó jẹ́ olùrànlọ́wọ́ pàtàkì fún Ààrẹ Buhari lórí ìpolongo fọwọ́sí, ló ti dúpẹ́ lọ́wọ́ àwọn elétò ìdìbò fún bi wọ́n ṣe kéde Obaseki bí ẹni to jáwé olúbori.

    Ó fí kún-un pé èyi fi kún àrídáju pé ìjọba Ààrẹ Buhari nígbàgbọ́ nínú ètò ìdìbò tí kò ní kọ́núnkọ́họ nínú.

    Bákan náà ló fi ọ̀rọ̀ ránṣẹ́ sí i pé, kó fi àṣeyọrí rẹ̀ hàn nínú oore ọ̀fẹ́ àti ìrẹ̀lẹ̀.

    Fẹ́mi Akínṣọlá

  • Ìjọba Nàìjíríà kéde ìlànà tuntun fún ìséde Kofi-19

    Ìjọba Nàìjíríà kéde ìlànà tuntun fún ìséde Kofi-19

    Ìjọba Nàìjíríà kéde ìlànà tuntun fún ìséde Kofi-19

    Ṣe àwọn àgbà bọ̀ wọ́n ní kò sí ohun kan tó le le le tí kìí padà rọ̀, ìdí nìyí tó fí jẹ́ pé, ìrọ́jú ló yẹ ẹni tí eégún bá ń lé…

    Ìjọba Orílẹ̀ yìí ti fi ọjọ́ kún ìséde Kòrónáfairọ̀ọ̀sì jákèjádò Nàìjíríà.

    Ní báyìí, dípò aago mẹ́wàá alẹ́ sí mẹ́rin ìdájí, aago méjìlá òru sí mẹ́rin ìdájí ni Ìṣéde yóó fi má a wà.

    Ọgbọ̀nọ́njọ́, oṣù Kẹta, ọdún 2020 ni Ààrẹ kọ́kọ́ kéde Ìṣéde ní ìpínlẹ̀ Èkó, Ògùn àti ìlú Àbújá, níbi tí Kofi-19 ti kọ́kọ́ gbilẹ̀.

    Alága Ìgbìmọ̀ amúṣẹ́yá fún amójútó kòrónáfairọ̀ọ̀sì ní Nàìjíríà, Sani Mustapha, ló kéde àṣẹ tuntun yìí lọ́jọ́bọ.

    Ó ṣàlàyé pé àǹfààní ti wà fún àwọn Ilé sinimá, ibùdó tí wọ́n ti ń se eré ìdárayá, àti àwọn ibùdó fàájì tó kù, láti bẹ̀rẹ̀ iṣẹ́ padà.

    Bákan náà ló sọ pé kí àwọn ile ẹ̀kọ́ má a múra sílẹ̀ fún wíwọlé padà.

    Musatpha sọ pé kọ́kọ́rọ́ kan tó ba eyín ajá jẹ́ ni àwọn tí kò tẹ̀lé Ìlànà Ìjọba fún àrùn Kofi-19.

    Àwọn nǹkan tó tún wà nínú àṣẹ tuntun tí Ìjọba kéde

    Àwọn ilé ìtura ti lè sí ìlẹ̀kùn wọn.
    Ilé sinimá, ibi tí wọ́n ti ń ṣe eré ìdárayá le sí padà, ṣùgbọ́n èrò wọn kò gbọdọ̀ ju ìdá àádọ́ta lọ


    Àwọn gbọ̀ngàn ayẹyẹ lè síi padà, ṣùgbọ́n kò gbọdọ̀ ju ìdá àádọ́ta lọ
    Àwọn ilé oúnjẹ kò gbọdọ̀ gbà kí ẹnikẹ́ni jókòó jẹun lọ́ọ̀dọ wọn
    Àwọn ilé ọtí àti ilé ijó kò gbọdọ̀ ṣí ìlẹ̀kùn


    Àjọ NYSC yóó bẹ̀rẹ̀ ìmúra sílẹ̀ fún ìgbà tí àwọn ile ẹ̀kọ́ yóó di ṣíṣí padà
    Àjọ INEC yóó ríi dájú pé ó tẹ̀lé Ìlànà lórí Kòrónáfairọ̀ọ̀sì – ẹni tí kò bá lo ìbòmú kò gbọdọ̀ dìbò. Bákan náà ni wọn ó tún má a ṣe àyẹ̀wò bí ara àwọn èèyàn ṣe gbóná sí, lo sanitáísà, àti títakété síra ẹni.

    Fẹ́mi Akínṣọlá

  • Ìṣẹ parí fún òṣìṣẹ́ tó bá gbé àṣírí Ìjọba jáde lọ́nà àìtọ́—Ìjọba àpapọ̀

    Ìṣẹ parí fún òṣìṣẹ́ tó bá gbé àṣírí Ìjọba jáde lọ́nà àìtọ́—Ìjọba àpapọ̀

    Ṣé àwọn àgbà bọ̀ wọ́n ní, ìlú tí kò sófin, ẹ̀sẹ̀ kò sí níbẹ̀, gẹ́lẹ́ bẹ́ẹ̀ ni ọ̀rọ̀ Orílẹ̀ yìí dà báyìí, bí Ìjọba àpapọ̀ se ni ìwé ìdádúró ni òun yóò fún ẹnikẹ́ni tí aje ìwà ìbàjẹ́ gbígbé ìwé àti àṣírí ìjọba síta lórí ayélujára lọ́nà àìtọ́ bá sí mọ́ lórí.

    Ó ní ìwé ìjọba kan tó fara hàn lórí ayélujára láìpẹ́ yìí níbi tí o ti fi ìwé wá wí tẹnu ù rẹ sọwọ́ sí akọ̀wé ilé iṣẹ́ àpapọ̀ kan jẹ́ èyí tó tini lójú gidigidi.

    Olórí òṣìṣẹ́ ìjọba àpapọ̀ Ọ̀mọ̀wé Folashade Yemi-Esan ló fi ìpè náà síta pé ẹnikẹ́ni tí ìjọba ba mú yóò fẹnu fẹ́ra bí abẹ̀bẹ̀.

    Ìkìlọ̀ yìí kò sẹ̀yìn ìwé ìkìlọ̀ tí wọ́n fun akọ̀wé àgbà ilé iṣẹ́ tó ń rí sí ìmọ̀ sáyẹ́nsì Mohammed Bello Umar fún ríra ilé tí wọn ò kọ́ tán ní bílíọ́nù méje náírà fún ilé iṣẹ́ tó ń rí sí nǹkan ọ̀gbìn bó ṣe lu síta lórí ayélujára.

    Olórí òṣìṣẹ́ ìjọba àpapọ̀ ní Umar ló mójú tó ìdúnadúrà náà lásìkò tó jẹ́ akọ̀wé ilé iṣẹ́ nǹkan ọ̀gbìn

    Bákan náà ló ní akọ̀wé ọ̀un tún gbé iṣẹ́ ẹ gbígbẹ́ kànga ìgbàlódé méje síta ní bílíọ́nù kan ó lé díẹ̀ lọ́nà àìtọ́.


    Ìdáhùn Umar tó fi ṣọwọ́ padà sí olórí òṣìṣẹ́ níbi tó ti fèsì pé irọ́ pọ́nbélé ni gbogbo ọ̀rọ̀ náà tún jẹ jáde lórí ayélujára bákan náà.

    Ọ̀rọ̀ tí Ààrẹ Muhammadu Buhari kà sétí ìgbọ́ ọmọ Nàìjíríà ní ọjọ́ kejìdínlọ́gbọ̀n oṣù kẹrin lórí àrùn Covid19 ti ṣaájú Ààrẹ dé orí ayélujára wákàtí díẹ̀ kí Ààrẹ tó dórí afẹ́fẹ́.


    Ẹ̀wẹ̀ Yemi-Ẹsan ṣàpèjúwe àwọn nǹkan wọ̀nyí gẹ́gẹ́ bíi nǹkan tó burú jáì lẹ́nu iṣẹ́ ìjọba tó sì pè fún yíyọ eni tí aje ọ̀rọ̀ náà bá sí mọ́ lórí ní ṣẹ́, gẹ́gẹ́ bí òfin iṣẹ́ ìjọba ṣe gbé e kalẹ̀.

    Gbogbo ẹ̀ka ìjọba pátá ní ọ̀rọ̀ náà kàn.

    Fẹ́mi Akínṣọlá

  • Ààrẹ Buhari dijú lé Ọ̀gá Àjọ NECO àti àwọn mẹ́rin mìíràn tó jàjẹbánu

    Ààrẹ Buhari dijú lé Ọ̀gá Àjọ NECO àti àwọn mẹ́rin mìíràn tó jàjẹbánu

    Ààrẹ orílẹ̀-èdè Nàìjíríà, Muhammadu Buhari ti fi ọwọ́ òṣì júwe ilé fún adarí àjọ elétò ìdánwò àṣekágbá ti girama, NECO àti àwọn mẹ́rin mìíràn lórí ẹ̀sùn pé wọ́n ṣe màgòmágó.

    Nínú àtẹjáde tí Ààrẹ Buhari fi léde ló ti ní Ọjọ́gbọn Charles Uwakwe, Bamidele Olure, Shina Adetona, Tayo Odukoya àti Babatunde Aina ni wọ́n ti kọkọ fún ní ìwé lọ gbélé rẹ fún ìgbà díẹ̀ kí wọ́n fi ṣe ìwádìí fínífíní ẹ̀sùn ìwà àjẹbánu tí wọ́n fi kàn wọ́n.

    Wọ́n ní Uwakwe jẹ̀bi ẹ̀sùn lílo owó àjọ náà básubàsu gẹ́gẹ́ bí òfin àjọ náà ti ọdún 2007 sẹ tako ìwà àjẹbánu bẹ́ẹ̀.
    Ààrẹ wá késí i láti dá gbogbo ẹrù Ìjọba tó wà ní ọwọ́ rẹ̀ padà fún adelé darí àjọ náà tó wà níbẹ̀ lọ́wọ́lọ́wọ́.

    Bákan náà nínú àtẹjáde ọ̀hún ni wọ́n sọ pé Arákùnrin Bamidele Olure tó jẹ́ adarí ẹ̀ka ìṣúná ní àjọ NECO ló jẹ̀bi ẹ̀sùn ṣíṣe owó àjọ náà tó wà ní ìkáwọ́ rẹ básubàsu, tí kò sì yẹ ní adarí ẹ̀ka náà mọ́.

    Ọ̀mọ̀wé Dókítà, Shina Adetona ni wọ́n fẹsun kàn ní tirẹ̀ pé ó ṣe jibiti, tó sì ṣe màgòmágó pẹ̀lú àkọsílẹ̀ àwọn òṣìṣẹ́.

    Tayo Odukoya ní wọ́n lé nítorí òun náà ṣẹ màgòmágó tó tako òfin àjọ náà, nígbà tí wọ́n sì lé agbẹjọ́rò Babatunde Aina nítorí ó yí àkọsílẹ̀ ‘pàdé, tí ó sì ṣe màgòmágó nípa títa ilé ìgbé àjọ náà.
    Bákan náà ni Mínísítà fún ètò ẹ̀kọ́, Mallam Adamu Adamu wá pàṣẹ fún àwọn adarí àjọ náà láti bẹ̀rẹ̀ ìgbésẹ̀ láti gba gbogbo owó tí wọ́n fi ọ̀nà èrú gbà padà lọ́wọ́ wọn.

    Tí a kò bá gbàgbé, Ọjọ́ Kẹwàá, Oṣù Karùn ún ọdún 2018 ni Ìjọba kọ ìwé lọ gbé ilé rẹ fún ìgbà díẹ̀ sí Ọ̀jọ̀gbọ́n Uwakwe fún ìwádìí ẹ̀sùn jẹgúdújẹrá tí wọ́n fi kàn án àti àwọn meji míràn.

    Fẹ́mi Akínṣọlá

  • Ẹlẹ́wọ̀n 2600 ni ìjọba tú sílẹ̀ ní Nàìjíríà nítorí àrùn apinni léèmí Coronavirus

    Ìjọba orílẹ̀-èdè Nàìjíríà ti tú ẹlẹ́wọ́n tó lé ní ẹgbẹ̀rún méjì sílẹ̀ ní ọgbà ẹ̀wọ̀n káàkiri orílẹ̀-èdè Nàìjíríà.

    Aregbesọla ní Ìjọba gbé ìgbésẹ̀ náà láti dẹ́kun ìtànkálẹ̀ àrùn Coronavirus ní Nàìjíríà.

    Mínísítà fún ọ̀rọ̀ abẹ́lé lórílẹ̀-èdè Nàìjíríà náà ni àwọn tí yóó jẹ àǹfààní ìtúsílẹ̀ yìí ni àwọn ẹni tó bá ti kọjá ọgọ́ta ọdún, àwọn aláìsàn , àwọn tó ní àrùn ọpọlọ àti àwọn tó sẹ ẹ̀sẹ̀ kéékèké.

    Mínísítà fún ọ̀rọ̀ abẹ́lé lórílẹ̀-èdè Nàìjíríà, Rauf Aregbesola ló kéde rẹ̀ ní ibi ayẹyẹ tí wọ́n ti ṣe ìtúsílẹ̀ náà.

  • Foto: Baba ati omo

    O wu Olodumare lo da erin ni ola, Olodumare loni ko ri be.

  • Ebami Dasi Oroyii, aare orile ede Naijiria yii Muhamedu buhari…

    eku ojumo gbogbo awa omo yoruba rere asikoyi atuwa lara ooooo Ase, ebami dasi oroyii, aare orile ede naijiria yii muhammedu buhari ti yowo yose kuro lori oro epo, epo tiwa di N145 per littre, sugbon eje karantipe nigbati ijoba ana fe yowo kuro lori subsidy tinubu, atiku abubakar, fashola, pariwo pe ki jonathan mase be nitori awon omo naija majiya, nigbati eto idibo de egbe APC gbagboro kankan pelu ariwo say buhari say baba awa omo naija na ao si fimu finle akon debo wa fun egbe APC niyen laimope ete lama babo nibe, nisin amabere sini ra epo ni N145, ejo igbawo lamaseida nitori inira yii po.

  • Aare Buhari pe eni odun metalelaadorin (73) lonii


    Igba odun, odun kan ni

  • “Oruko awon to ja Naijiria lole ko ni pe jade” – Buhari

    Aare Buhari ti fi da awon omo Naijiria loju wi pe, laipe, awon oruko awon ojelu ti won ko owo Naijiria je ko ni pe di tite jade fun gbogbo aye. Gege bi oro re, eleyii to se nibi ipade Anyiam-Osigwe Foundation to waye nilu Abuje lose to koja, ibe ni aare ti n so wi pe awon oruko yii ni banki agba ile yii, Central Bank of Nigeria (CBN) ti se akojopo won.

    Sugbon won da atejade naa duro latari awon iwadii kan ti n lo lowo labenu. Aare tun fi kun un wi pe pupo ninu awon eniyan yii ni won ti n da lara awon owo naa pada si asunwon ijoba nipase eto igbogun ti iwa jegudujera ti n lo lowo.

    “A ti gbe awon igbese to joju lati ri awon owo ti won je mole yii gba pada. Mo si fi da yin loju wi pe iwadii to fese mule n lo kaakiri tibu-toro ile yii ni awon eka ile ise ijoba pata. Awon osise tabi awon ti won wa nipo agbara ni awon igba kan seyin naa pelu awon ti a n tanna wadii wo. Awon ti won ba fe aponle, anfaani wa lati da awon owo naa pada lai si wahala.

    “Mo si fi n dayin loju wi pe oruko awon asebaje yii pata ni banki agba yoo gbe jade. Ohun to fa ti a fi dawo atejade naa duro ni wi pe, igbejade awon oruko naa ni akoko yii le se akoba fun awon iwadii kan ti n lo lowo. Sugbon gege bi ara ilu to ran wa nise, a fi dayin loju wi pe dandan ni ka jabo fun yin nigba ti akoko ba to,” Buhari se lalaye bee.

     

    Olayemioniroyin

  • Enikan ti Buhari gbagbe lati fun ni ipo misita

    Ohun ti Ogbeni Yanju Adegboyega ko nipa maanu naa ni yii:

    “Walaaahi!
    Mo sese gbagbo loooto ni pe, alaimoore lo po julo ninu awon oloselu. Olorun n gbo, alaimoore ni Aare Buhari ati egbe oselu APC.
    Eyin o gbagbo?

    O daa naa, ipo minisita wo ni won fi okunrin yi, eni to f’emi ara re wewu lati fese rin lati ilu Eko lo siluu Abuja nitori ti Aare Buhari ati egbe oselu APC bori ibo.

    Mo fe fi asiko fun aare orileede yii, Muhammadu Buhari ati egbe oselu APC ni gbedeke ojo meje lati wa ipo kan fun okunrin yii tabi ki won da ileese ijoba kan ti yoo maa ri si “Irin-are” sile. Ki won si fi maanu yi se olori re.

    Bi bee ko! E ma jee ki n so nnkan ti yoo sele. Nitori, maa mobilaisi lati yo Ibadan kuro lara orileede Nigeria ni o.”