Àṣà Oòduà

Author: ayangalu

  • O lè wọ sòkòtò tó tóbi, ṣùgbọ́n kò sí ààyè fún yẹ̀rì,láti sìnrúùlú …Àjọ àgùnbánirọ̀. (NYSC)

    O lè wọ sòkòtò tó tóbi, ṣùgbọ́n kò sí ààyè fún yẹ̀rì,láti sìnrúùlú …Àjọ àgùnbánirọ̀. (NYSC)

    Fẹ́mi Akínṣọlá

    Ọ̀gá àgbà fún àjọ àgùnbánirọ̀ lórilẹ̀-èdè Nàìjíríà, Brig. Shuaibu Ibrahim ti sàlàyé fún akọ̀ròyìn pé ààyè wà fún àgùnbánirọ̀ tó bá fẹ́ wọ sòkòtò tó tóbi láti má fí bí ẹ̀yà ara rẹ̀ ṣe rí hàn , sùgbọ́n kò sí ààyè fún yẹ̀rì.
    Ó ní àwọn alásẹ lé gbójú kúrò nínú irú ìmúra bẹ́ẹ̀ sùgbọ́n kò ní fi ojúure wo ẹnikẹ́ni tó bá lọ rán síkẹ́ẹ̀tì láti fi rọ́pò sòkòtò tí wọ́n pèsè.

    Èyí jẹ́ ìdáhùn sí ìdí tí wọ́n fi le àwọn àgùnbánirọ̀ méjì kan ni ìpínlẹ̀ Ebonyi lásìkò tí wọ́n dé ibi ìpàgọ́ ìlanilọ́yẹ ọlọ́sẹ́ mẹ́ta tí wọ́n máa ń ṣe fún ẹni tó bá lọ sìnrú ìlú.

    Brig. Ibrahim sọ pé àra ìdí ti àwọn kò fi le gbà kí àgùnbánirọ̀ wọ síkẹ̀tì ni pé, kò le ṣe é yan bí ológun èyí tó máa ń wáyé ní gbogbo ìgbà fún ọ̀sẹ̀ mẹ́ta náà, àti pé òfin àkọsílẹ̀ ni fún ètò àgùnbánirọ̀, èyi sì máa ń jẹ́ kí wọ́n ṣe sámúsámú.

    Ààye wà fún àgùnbánirọ̀ láti wọ sòkòtò labúlabú. Ọ̀gá àgbà Olùdarí ọ̀ún ní lóòtọ́ àwọn ń gbà kí wọ́n lo ìjáàbù láti yan bí ológun ṣùgbọ́n orí àti ọrùn nìkan ló ń bò.

    Ètò àgùnbánirọ̀ jẹ́ kàńpá fún gbogbo ẹnikẹ́ni tó bá kàwé gboyè jáde Fásitì tàbí Pólì, tí ìwé ẹ̀rí rẹ̀ sì jẹ́ ọ̀kan pàtàkì láti fi wá iṣẹ́ lọ́jọ iwájú, èyí túmọ si pé àwọn méjì tí wọ́n lé yìí kò ní ní àǹfànì láti ṣe iṣẹ́ ìjọba lọ́jọ́ iwájú, bákan náà ni wọn kò le gba ipò Ìjọba kankan lẹ́yìn wá ọ̀la.

    Ó wá fi kún pé ààye wà fún àwọn méjèèjì láti padà wá tí wọ́n bá setán láti tẹ̀lé ìlànà tí àjọ àgùnbánirọ̀ là sílẹ̀.

    Kìí ṣe ìgbà àkọ́kọ́ rèé tí irú èyí má a ṣẹlẹ̀, ní ọdún 2018, wọ́n lé Tolulope Ekundayọ kúrò ní ọgbà agùnbánirọ̀ Sahgamu fún ìdí kan náà.
    Ọ̀pọ̀ àwọn ọmọ Nàìjíríà lórí àtẹ̀jíṣẹ́ twitter ti wá kéde pé níwọ̀n ìgbà ti wọ́n bá ti ń gba mùsùlùmi láàyè láti wọ ìjáàbù nítorí ẹ̀sìn, ó pọn dandan láti gba àwọn oní síkẹ̀tì náà láàyè nítorí ó lòdì sí ẹ̀sìn wọn náà ni.

    Àwọn agùnbánirọ̀ méjì ni wọ́n ti fọwọ́ òsì júwe ilé fún nítorí wọ́n kọ̀ láti wọ sòkòtò tí wọ́n pèsè fún wọn ní ìpàgọ́ ìlanilọ́yẹ ọlọ́sẹ̀ mẹ́ta ní ìpínlẹ̀ Ebonyi.

    Àwọn obìnrin méjì ọ̀ún ṣàlàyé pé sòkòtò wíwọ̀ lòdì sí ẹ̀sìn wọn, tí wọ́n sì kọ̀ láti wọ̀ọ́.

    Nínú àlàyé tí àwọn obìnrin àgùnbánirọ̀ náà ṣe, won sọ pé nítorí ìgbàgbọ́ ló jẹ́ kí àwọn wọ síkẹ́ẹ̀tì dípò sòkòtò tó jẹ́ àlàkalẹ̀ àjọ NYSC.

    Alukoro fún àjọ NYSC ní ìpínlẹ̀ Ebonyi, Ngozi Ukwuoma ṣàlàyé pé olùdarí ìpàgọ́, Isu Josephine rí àwọn méjéèjì nígbà tó ń sàbẹ̀wò.
    Olùdarí náà ni ó fi orúkọ àwọn méjéèjì léde, Okafor Love pẹ̀lú nọńbà ìdánimọ̀ EB/19C/0523 àti Odiji Oritsetsolaye EB/19C/0530.
    Ní kété tí wọ́n mú wọn ni àwọn àgùnbánirọ̀ náà ti ṣàlàyé pé, àwọn kò le wọ sòkòtò funfun pélébé tí àjọ náà fún wọn nítorí pé kò bá ìgbàgbọ́ àwọn mu láti wọ̀ọ́.

    Gbogbo akitiyan aláṣẹ àti adarí àjọ náà láti mú wọn rí ìdí tí ó fi yẹ fún wọn láti wọ sòkòtò náà ló já sí pàbó.
    Kété ni ilé ẹjọ́ tí ó wà fún àwọn agùnbánirọ̀ ní ìpàgọ́ náà dáwọn lẹ́bi títàpá sófin àti fífi ọwọ́ pa idà àlàkalẹ̀ àjọ NYSC lójú ti wọn sì fi ọwọ́ òsì júwe ilé fún wọn lẹ́yìn ọ̀ rẹyìn

    Iroyin Owuro

  • Ẹgbẹ́ Àwọn Àgbààgbà Oòduà Ní Osinbajo Kò Gbọdọ̀ Kọ̀wé Fipò Ẹ̀ Sílẹ̀

    http://iroyinowuro.com.ng/2019/11/09/egbe-awon-agbaagba-yoruba-ni-osinbajo-ko-gbodo-kowe-fipo-e-sile/

    Ẹgbẹ́ àwọn àgbààgbà Oòduà (Yorùbá) ní Osinbajo kò gbọdọ̀ kọ̀wé fipò ẹ̀ sílẹ̀

    Fẹ́mi Akínṣọlá

    Èyí ò tófò, kò tófò,fìlà aráabí kù rébété, Kemi Adeoṣun lọ , orí ló kó Adebayọ Shittu yọ,tó fi rí sáa àkọ́kọ́ lò já.Ní báyìí, ó jọ n bí rẹ́kọ̀dù ìgbákejì Ààrẹ ló kàn báyìí,bí


    ọ̀rọ̀ se ń bá mokó morò bọ̀ lórí aáwọ tó ń ṣẹlẹ̀ láàrin igbákejì Ààrẹ, Yemi Osinbajo àtawọn kan nílé iṣẹ́ Ààrẹ Nàìjíríà.
    Ẹgbẹ́ àgbààgbà nílẹ̀ Oòduà (Yorùbá), YCE ló rọ igbákejì Ààrẹ wí pé kó má kọ̀wé fi ipò rẹ̀ sílẹ̀.


    Bákan náà ni ẹgbẹ́ YCE rọ Ààrẹ Muhammadu Buhari pé kó má ṣe gbọ́ ohun táwọn kan ń sọ fún un lórí ọ̀rọ̀ Osinbajo wí pé kò rántí bí Osinbajo ṣe dúró tìì láti ìgbà tí wọ́n ti jọ bẹ̀rẹ̀.


    Lọ́jọ́ Ẹ̀tì ni iléeṣẹ́ Ààrẹ fìdíi rẹ̀ múlẹ̀ pé Ààrẹ Muhammadu Buhari ló pàṣẹ ìdádúró lẹ́nu iṣẹ́ fáwọn olùrànlọ́wọ́ márùndínlógójì ìgbákejì Ààrẹ Osinbajo.
    Àmọ́ iléeṣẹ́ Ààrẹ ṣàlàyé pé dídá tí wọ́n dá àwọn olùrànlọ́wọ́ Osinbajo dúró ní-ín ṣe pẹ̀lú ìgbìyànjú Ìjọba àpapọ̀ láti dín owó tí Ìjọba ń ná fún ìṣèjọba kù.
    àtẹ̀jáde náà ní ọrọ ìdádúró yìí náà ti kọ́kọ́ kan díẹ̀ nínú àwọn olùrànlọ́wọ́ Ààrẹ.


    Garba Shehu ní àwọn ipò olóṣèlú kan láwọn ti yọ kúrò tí wọ́n kò sì tún àwọn èèyàn mìíràn yàn sí ipò míì bí Buhari ṣe wọlé lẹ́ẹ̀kejì.
    Ó ní kò sí ìjà láàrin Buhari àti Osinabjo lásìkò yìí.


    Ṣaájú ni ọ̀gbẹ́ni Laolu akande to jẹ oluranlọwọ fun ìgbákejì Ààrẹ Oṣinbajo ti kọ́kọ́ fi síta pé irọ́ tó jìnà sí òótọ́ ni pé Ààrẹ Buhari dá àwọn oluranlọwọ Oṣinbajo márùndínlógójì dúró lẹ́nu iṣẹ́ wọn

  • Ìjọ Kátólíkì Bẹ̀rẹ̀ Ìwáàdì Lẹ̀yìn Tí Àwọn Sisitá Méjì Lóyún Ójijì

    http://iroyinowuro.com.ng/2019/11/09/ijo-katoliki-bere-iwaadi-leyin-ti-awon-sisita-meji-loyun-ojiji/

    Ìjọ Kátólíkì bẹ̀rẹ̀ ìwáàdì lẹ̀yìn tí àwọn sisitá méjì lóyún ójijì

    Fẹ́mi Akínṣọlá

    Eemọ̀ lukutu pẹ́bẹ́,kò síbi tí ìṣe ò sí. Ayé dojú kejì, wọ́n ń bámí ẹran níhòòdí ọmọ èèyàn. Ìjọ Kátólíìkì ti ń ṣe ìwádìí bí àwọn sista méjì kan ṣe lóyún lẹ́yìn tí wọ́n lọ ṣe iṣẹ́ ìránṣẹ́ nílẹ̀ Áfírìkà. Àwọn obìnrin méjéèjì náà tó jẹ́ olùgbé ìlú Sicily, lórílẹ̀-èdè Italy, tí wọ́n kìí ṣe ọmọ ìjọ kan náà, ni wọ́n ń dúró de ọjọ́ ìkúnlẹ̀ báyìí.


    Ọ̀kan lára àwọn obìnrin ọ̀hún, tó jẹ́ ọmọ ọdún mẹ́rìnlélọ́gbọ̀n lọ sí ilé ìwòsàn nítorí inú rírun, kí Dókítà tó fún- un ní ìròyìn pé oyún ti dúró sára rẹ̀.
    Ìjọ Kátólíìkì tó wà ní ìlú Rome sọ fún àwọn akọ̀rọ̀yìn pé, ìgbà tí àwọn obìnrin náà rin ìrìn àjò lọ sí ilẹ̀ adúláwọ̀ ni wọ́n ní ìbálòpọ̀.
    Ìjọ ọ̀hún tẹ̀síwájú pé àwọn obìnrin náà rú òfin tó jẹ mọ́ Ẹ̀sìn àti iṣẹ́ tí wọ́n gbà, bẹ́ẹ̀ ni ìwádì ti bẹ̀rẹ̀ lori bí wọ́n ṣe di aláboyún òjijì.


    Ní ìbẹ̀rẹ̀ ọdún yìí ni olórí ìjọ Kátólíìkì lágbàáláayé , Pope Francis ti sọ ṣaájú pé, àwọn Bísọ́ọ̀bù kan má ń fi ipá bá àwọn sista ní àjọṣepọ̀, kódà ó ní wọ́n ń fi àwọn mìíràn lára wọn ṣe ẹrú ìbálòpọ̀. Popu ṣàlàyé pé, bí àwọn Bísọ́ọ̀bù yìí ṣe ń ní ìbálòpọ̀ pẹ̀lú àwọn obìnrin náà jẹ́ ìsòro ńlá nínú Ìjọ Kátólíìkì.

  • Seyi Makinde ṣe àbẹ̀wò sí ibùdó ìtọ́jú èèyàn 200 tí ọlọ́pàá tú sílẹ̀ ní ilé Ọlọ́rẹ

    Seyi Makinde ṣe àbẹ̀wò sí ibùdó ìtọ́jú èèyàn 200 tí ọlọ́pàá tú sílẹ̀ ní ilé Ọlọ́rẹ

    Fẹ́mi Akínṣọlá

    Gómìnà ìpínlẹ̀ Ọ̀yọ́
    Seyi Makinde ti se àbẹ̀wò sí ilé Ọlọrẹ tó wà ní àdúgbò Ọ̀jọ́ nílùú Ibadan .
    Bẹ́ẹ̀ bá gbàgbé, ilé yìí ni ọwọ́ àwọn ọlọ́pàá ti tẹ èèyàn mẹ́rin tí wọ́n kó àwọn èèyàn ní ìgbèkùn lọ́jọ́ Ajé.


    Èèyàn okòólénígba àti marùn ún ni wọn tú sílẹ̀ nínú ilé náà, tí wọ́n tún ń lò bíi mọ́sálásí.
    Lásìkò tó se àbẹ̀wò síbi ìṣẹ̀lẹ̀ náà ni Gómìnà Makinde ti pàṣẹ pé kí wọ́n wó Mọsalasi ọ̀hún pátápáta.
    Bákan náà ló tún ṣe àbẹ̀wò sí ibùdo tí wọ́n tí ń se ìtọ́jú àwọn èèyàn ti wọn tu silẹ ninu igbekun ni mọsalasi ọhun.

  • N kò leè fi ìdúnú mi pamọ́ lọ́jọ́ ìkómọ àwọn ìbẹta….Yinka Ayefele

    N kò leè fi ìdúnú mi pamọ́ lọ́jọ́ ìkómọ àwọn ìbẹta….Yinka Ayefele

    Fẹ́mi Akínṣọlá

    Ẹ̀dá ò láròpin láyé, ṣé bí ó se wu Olúwa Ọba níí sọlá, fẹ́ni Ó wù ú,bẹ́ẹ̀ gẹ́lẹ́ ni ọ̀rọ̀ níbi tí t’ọba, tìjòyè, ọ̀tọ̀kùlú ìlú àti àwọn ìlúmọ̀ọ́ká olóṣèlú,ti péjú pésẹ̀ yẹ́ àwọn ìbẹta t’Ọ́lọ́run fi ta gbajúgbajà olórin Yinka Ayefele lọ̀rẹ níbi ìkómọ wọn.


    Nínú oṣù keje ọdún 2019 ni Yinka Ayefele kò le pa oore náà mọ́ra tó sì tú ìròyìn ayọ̀ náà síta pé Ọlọ́run ṣe ìdílé òun lóore ńlá.
    Níbi ìkómọ àwọn ìbẹta yìí, kìí ṣe ọ̀rọ̀ èrò diẹ̀ tabi wẹ́wẹ́, ẹsẹ̀ kò gbèrò síbẹ̀ àwọn lóókọ lóókì láwùjọ gan wá darapọ̀ níbi ayẹyẹ náà.


    Ṣaájú ni àwọn èèyàn tí ń gbọ fìnrìnfìnrìn bíi pé Ìròyìn òfegè no tó sọ pé ìyàwó òǹkọrin yìí bímọ ṣùgbọ́n tí òun pẹ̀lú tètè bọ́sí ìgboro láti ṣàlàyé pé ìyàwó òun kò tíí bímọ. Ẹ dákẹ́ àhesọ ọ̀rọ̀, n kò bí ìbẹta – Yinka Ayefẹlẹ.
    Ṣùgbọ́n nígbà tí ọ̀rọ̀ náà di òhun, olórin yìí kò bo oore Ọlọ́run mọ́ra láti ìgbà tó ti kọ́kọ́ fi ojú àwọn ọmọ mẹ́ta náà hànde. Lára ọ̀nà ìdúpẹ́ rẹ̀ ni ìsìn ìkómọjáde tó wáyé lọ́jọ́ àìkú ,ọjọ́ kẹta oṣù Kọkànlá ọdún 2019.


    Lọ́jọ́ ìkómọ náà, àwọn èèkàn ìlú péjú síbẹ̀. Pẹ̀lú ayọ̀ àti ìdùnnú ni wọ́n sì fi ń yẹ́ ìyá, bàbá àti àwọn ẹ̀bùn Ọlọ́run naa sí.
    Yinka Ayefele fi ìmọrírì rẹ̀ hàn sí àwọn tó wá síbi ìkómọ àwọn ẹ̀ta ọba ọmọ tó wọlé tọ ìdílé rẹ̀ wá.

  • Èmi ò kì ń s̩e “His Excellency” – Sanwo-olu

    Ogbeni Babajide Sanwo-olu ni mi. Mi o ki n n se “His excellency”.
    Gomina ipinle Eko lo n salaye yii fun awon oniroyin lonii ojo kefa osu kokanla odun yii.
    Gomina ni igberaga wa ninu oruko ” His Excellency “. E saa maa pe emi ni “Mr Governor “.
    Gomina ni iwe iso-di-ooto re gan-an maa jade ni ola, ojo keje, osu ti a wa ninu re yii.

  • A Dúró Lójú Òpó Ìdájọ́ Ilé Ẹjọ́ Àkọ́kọ́ Lórí Ẹjọ́ Ajimobi – Adájọ́

    A dúró lójú òpó ìdájọ́ ilé Ẹjọ́ àkọ́kọ́ lórí ẹjọ́ Ajimobi – Adájọ́

    Fẹ́mi Akínṣọlá

    Gómìnà àná ní Ìpínlẹ̀ Ọ̀yọ́ Abiola Ajimọbi ti fìdí rẹmi nínú ìpẹ̀jọ́ rẹ̀ láti tako ìbò tí ó gbé ojúgbà rẹ̀ Kọla Balogun wọlé gẹ́gẹ́ bíi Sẹ́nétọ̀.
    Ilé ẹjọ́ kòtẹ́milọ́rùn ni ó fagilé ìwé ìpẹ̀jọ́ tí Ajimọbi fi pe sẹ́nétọ̀ náà tí ó ń ṣojú gúúsù Ìpínlẹ̀ náà lẹ́jọ́.


    Ṣe lórí ìdìbò ọjọ́ kẹtàlélógún oṣù kejì ọdún yìí tí Balogun ní ìbò 105,720 nígbà tí Ajimọbi ní 92,218.
    Nígbà tí ó ń dá ẹjọ́ náà, Justice Haruna Tsammani ni ó da ìpẹ̀jọ́ náà nù tí ó ní kò lẹ́sẹ̀ ń lẹ̀ rárá.
    Adájọ́ náà ni ó wá gùn lé ìgbẹ́jọ́ ilé ẹjọ́ tí ó rí sí èsì ìbò pé ìdájọ́ òdodo ni wọ́n ti kọ́kọ́ dá.


    Ilé ẹjọ́ sọ pé Ajimọbi kò ní àṣẹ láti sọ wí pé Balogun kò tọ̀nà láti díje lábẹ́ àṣìá ẹgbẹ́ òsèlú PDP. Ó ní, ẹni tí kò kópa nínú ètò ìbò abẹ́lé kò ní àṣẹ láti tako ìbò abẹ́lé ẹgbẹ́ òsèlú kankan.


    Adájọ́ náà tẹ̀síwájú pé, kété tí ajọ tí ó ń rí sí ètò ìbò àti ẹgbẹ́ òsèlú bá ti fọwọ́ sí ẹnikẹ́ni pé ó gbéwọ̀n, kò sí ìdádúró mọ́ fúnrúfẹ́ ẹni bẹ́ẹ̀.
    Tsammani wá wí pé gbogbo ẹ̀rí tí Ajimọbi kó kalẹ̀ kò lẹ́sẹ̀ ń lẹ rárá láti tàbùkù alátakò rẹ̀.
    Ó kásẹ̀ ọ̀rọ̀ rẹ̀ nílẹ̀ pé, ilé ẹjọ́ ṣe ìdájọ́ tó yẹ bí wọ́n ṣe dá Sínátọ̀ Kola Balogun láre.

    Iroyin Owuro

  • Àṣírí Pásìtọ̀ Tó Ń Fí Sọ́ọ̀si Ṣe Ọ̀gbà Wèrè Tú

    Àṣírí pásìtọ̀ tó ń fí sọ́ọ̀si ṣe ọ̀gbà wèrè tú

    Fẹ́mi Akínṣọlá

    Ṣé biribiri òkuǹkùn ọ̀rọ̀ lójú ọmọ aádámọ̀ ,ìmọ̀lẹ̀ gbòò ni lójú Adẹ́dàá. Ní báyìí, Olùsọ́ àgùtàn Joseph Ojo, ní ọwọ ṣìnkún ọlọpàá ti mú fún lílo ilé ìjọsìn rẹ̀ tí ó wà ní àgbègbè Ijegun ìpínlẹ Eko gẹ́gẹ́ bi ẹ̀wọ̀n fún àwọn alárùn ọpọlọ àti àwọn tí wọ́n ní àrùn kan tàbi òmíràn.


    Ìròyin sọ pé ọlọpàá mú Ojo lẹ́yìn ti ẹ̀ka ọlọpàá Isheri-Osun tú àwọn ènìyàn mẹ́ẹ̀dógún sílẹ̀ nínú ilé ìjọsìn rẹ̀ ní ọjọ́rú lẹ́yìn tí àwọn àjọ kan ti kìí ṣe ti ìjọba ta ilé iṣẹ́ ọlọpàá lólobó.


    Àbẹ̀wò sí àwọn ọlọ́pàá sílé ìjọ náà ní ọjọ́bọ sàfihàn pé àwọn ènìyàn kan wà lóríso bí ẹran àmúso tí àwọn míràn sì ń
    sọ̀rọ̀ tí kò jọrawọn.


    Ojo sàlàyé fún àwọn akọròyìn pé òun so àwọn ènìyàn náà mọ́lẹ nitórí ipò ti wọn wà, àti pé ọ̀pọ̀ wọ́n ni òbí wọ́n mú wá fún ìtúsílẹ̀ àti ìwòsàn.


    O ní ” a so àwọn ènìyàn yìí mọlẹ̀ nítori ipò ti wọ́n wà, tí a ò bá so wọ́n mọ́lẹ̀ wọ́n á sálọ, wọ́n ti ko mi sí wàhálà sẹ́yìn, nítori náà ni mo ṣe so wọ́n tí ara wọ́n bá ti yá ni a máa ń tú wọ́n sílẹ̀.”
    Pásítọ̀ Ojo ní, “Ibí kìí ṣe ilé ìwòsàn ti wọ́n ti ń wo àrùn ọpọlọ sùgbọ́n ọ̀pọ̀ wọ́n ni wọ́n ti kọ́kọ́ gbé lọ sí ilé ìwòsàn tí wọ́n ti ń wo wèrè kí wọ́n tó gbé wọ́n wá síbi.”


    “Bí osù mẹ́ta sí mẹ́rin ni a fi máa ń so wọ́n mọ́lẹ̀, àwọn ẹbí wọ́n sì ní yóó máa fún wọn lóunjẹ, àwọn ẹbí àwọn míràn máa ń wá lójoojúm, àwọn míràn ọsẹ̀-ọ̀sẹ̀, nígbà ti àwọn míràn ń gbé pẹ̀lú ẹbí wọ́n nínú ìjọ”
    Ọ̀kan nínú àwọn tí wọ́n ti so mọ́lẹ̀ fún oṣù mẹ́jọ níbẹ̀, Adewale Adetona sàlàyé pé wọ́n jí òun gbé ni, àwọ́n ẹbí òun sì gbé òun wá sí ilé ìjọsin náà, ó ní kò dùn mọ́ òun láti máa gbé sọ́ọ̀sì.


    Ẹ̀wẹ̀, ìyá Adewale Monsurat sàlàyé pé, fúnra òun ni òun gbé ọmọ náà wá sí ilé ìjọsìn ọ̀hún fún àdúrà, nítorí ó máa ń dójú ti ẹbí láàrin ìgboro.
    Ìjọ ìbùkún rere ìwòsàn “Blessings of Goodness Healing Church” ni ijegun Isheri yìí ni àwọn ọlọ́pàá ti tú àwọn ènìyàn náà sílẹ̀ gẹ́gẹ́ bí Bala Elkana tó jẹ́ agbẹnusọ àwọn ọlọ́pàá ṣe ṣàlàyé.

  • Ayédèrú ni ‘plate number Chief Whip’ Kano – FRSC

    Iroyin asise nomba moto asofin ilu Kano, Ogbeni Ayuba Durum ran kaakiri bi ina inu oye, paapaa julo lori ero ayelujara.


    Eyi wa ya gbogbo aye lenu pe se bee ni awon ajo FRSC tii se adari eto irinna ati awon ohun to ro mo moto ya olodo to ni?
    Awon eniyan ni asise ko tile ni oga, se ko ye ki won rii nigba ti o jade ni?
    Awon kan ni bi dereba moto ko ba tile ka iwe, oga re n ko, won ni se oun naa ko ki n wo ara moto rara ni?


    Eyi lo mu ki agbenuso ajo FRSC da awon ara ilu lohun pe awon ti se ayewo finni-finni lori ibi ti nomba naa gba jade.
    Won ni ko gba odo awon jade ni eyi ti o mu ki oga patapata ajo naa, Ogbeni Boboye Oyeyemi naa dahun pe ona ayederu ni nomba naa gba waye.
    Alaye awon ajo FRSC yii tun wa dabi igba ti eniyan “yinbon si ilu nla”.
    Gbogbo aye tun wa denu bo awon asofin kaakiri, se Yoruba bo “won ni eru kan ni mu ni bu igba eru”.
    Awon ara ilu ni bawo ni awon asofin se tun maa je arufin. Won ni o ye ki ijiya to nipon waye lori ibi ti ayederu naa gba waye.

    http://iroyinowuro.com.ng/2019/11/03/ayederu-ni-plate-number-chief-whip-kano-frsc/

  • Lai Mohammed fa o̩mo̩ Naijiria létí lórí ìròyìn òfegè

    Lai Mohammed fa ọmọ Nàìjíríà létí lórí ìròyìn òfegè

    Fẹ́mi Akínṣọlá

    Mínísítà ètò ìbáraẹnisọ̀rọ̀ àti Ìròyìn lórílẹ̀-èdè Nàìjíríà, Lai Mohammed ti ní ìjọba yóò bẹ̀rẹ̀ ṣí í ṣe àmójútó àtagbà ojú òpó ayélujára báyìí.
    Ìgbésẹ̀ yìí ni láti ṣe àfọ̀mọ́ ojú òpó ayélujára kí àdínkù leè bá ayédèrú Ìròyìn àtàwọn ọrọ kòbákùngbé tó ń jẹyọ.


    Lai Mohammed sọ ọ̀rọ̀ yìí níbi ìpàdé oníròyìn kan tó wáyé nílùú Abuja
    Mínísítà ní èyí kò yọ àwọn oníṣẹ́ ìròyìn sílẹ̀ o. Ó ní ilé iṣẹ́ Ìròyìn tó bá ta féle fèle gan yóó fara kó o.
    Àtúnṣe tí wọ́n fẹ́ bẹ̀rẹ̀ yìí yóò tàn dé ojú òpó ayélujára èyí tó sàpèjúwe pé “ó ti kọjá àtúnṣe”.


    Lai Mohammed tún ní “láti ìgbà tí a ti ṣe ìfilọ́lẹ̀ ètò àyípadà yìí ni àwọn ọmọ Nàìjíríà kan ti kàn sí wa pé kí a bojú wo bí a ṣe le ṣe ìlanilọyẹ̀ lórí àwọn ayélujára náà a kò sì ní pa eléyìí tì”.
    Mohammed ni kò sí ìjọba gidi kan tí yóò jókòó káwọ́ gbera kí ìròyìn òfegè sì máa fò kiri t’òun tọ̀rọ̀ àlùfàǹṣá eléyìí tó leè dáná sun orílẹ̀-èdè láì sí àyẹ̀wò kankan.


    “Idi niyii ti ao fi maa koju ayederu iroyin ati ọrọ alufansa ayafi bi a ba to le gbogbo rẹ danu”. O ni tori awọn ti ṣe agbekalẹ igbimọ kan ti aarẹ Buhari fọwọ si lati kọju awọn ọrọ alufansa.

    Iroyin Owuro